ما كني اعرفه ولا كني ابغيه
وانا عليه من امه احب واجرى
يا كثره ترحيبي يوم الاقيـــــه
لي عين تكتب له وله عين تقرى
ولا حل طاريه تجاهلت طاريه
ما كني ادري عنه وانا به ادرى
احشم قريبه حشمتن له واداريه
واخشا يجي في خاطره شي وادرى
بسكات يغليني وانا حيل مغليه
لا تليفون ولا مواعيد غـــــــدرى
لا اسولف بحبه ولاني بكانيـــــه
وغيري لونه يوالفه كان هــــذرى
لا يحسبني يوم قفيت ناسيــه
لعيونه اني ما تحاليت هذا وذا
ليت الزمن يرجع وانا اعلمه ليه
ولا الحظوظ من المقابيل تشرى
كل الرجال في الوفاء ما تساويه
كنه اليمين وباقي الناس يسرى
قولوا له اني ما ارتضي بالبدل فيه
لا مال قارون ولا عرش كسرى
يرتاح ما غيره ملا عين هاويـــه
غلاه نهر النيل والقلب مجرى
واكبر دليل اني اذا غاب احاتيه
كم ليلتن ماتت على كف مسرى
(((وان قالوا انه شرق وازريت لا اجيه
وجهت وجهي كل مل نمت حدرى)))
:study:
