اناجايبه لكم روايه اكثرمن رااائع اسم جرحني وصارمعشوقي

طلعت من المستشفى بعد شهر من العزا دخلت غرفتها
وارتمت على سريرهاوهي تبكي
انفتح باب الغرفه بقـــــووه فزعتها كانت زوجة أبوها تصرخ فيها: لميـيـيــس وصمخ،،،قوومي يالله بلا دلع وسوي الغداء ولا تسوين نفسك تعبانه أوحزينه كان فرغتي اللي فيك في المستشفى،،أنا ماعندي دلع دلعك راح مع أهلك يالله قومي.
لميس خايفه:ب..بس أنا ما..أعرف
أم هدى بصراخ:نعــــم نعم كيف ماتعرفين (وبخقد)طبعا مارح تعرفي موأنتي عايشه في بيت كله خدم وأنا أبوكي ماكلف ع نفسه وجابلي خدامه
(وبصراخ)قومــــي يالله بتسوينه غصب عنك فاهمه لأنك بتصيري الخدامه اللي أبوكي ماجابها لي (وباستهزاء)وبلاش كمان
طلعت من الغرفه بعد مارمت كلامها عليها غمضت عيونها وشهقت" آآآآآآه يمه ويينك ليش تركتيني أعاني ليش ماأخذتيني معك وريحتيني لييييييش"
دفنــت وجهها على المخده وهي تبكي وترتجف وكل شئ صار يمر قدامها...حريق...دخان...جثث...صر ااخ..."آآآآآآآه(حطت إيديها على أذانيها ماتبي تسمع الأصوات اللي تتردد في راسها)"
دخلت عليها هدى بنت زوجة أبوها من زواجها الأول
هدى: لميس
رفعت لميس راسها وهي تمسح دموعها وتطالعها:نعم
هدى تطالعها بدون نفس:قومي سوي الغداء أنا جوعانه.
لميس :أوكيه
هدى من طرف خشمها:يالله بسرعه
لميس تأففت وهي تدخل للحمام ووقفت قدام المغسله وغسلت وجهها طالعت وجهها في المرايه كان وجهها أصفر وعيونهاالزرقاء مورمه من البكى وذبلانه وشعرها مبهذل تجمعت الدموع في عيونها وهي تطالع شكلها المتغيرسمعت صوت زوجة أبوهاتناديهاغسلت وجههاورتبت شعرهاوطلعت.
(لميس بنت جميله جمالها خيالي
شعرها كستنائي يوصل لكتفهانااعم من نعومته كأنه خيوط وعيونها كبار وزرقاء وبشرتهابيضاء وفمها صغير
طبعا ماخذه جمالها من أمهاالبريطانيه(جوانا) تزوجها أبوها لماكان في بريطانيا وكانت مسلمه أخذها لأهله لكن أهله بحكم عاداتهم رفضوا زوجته وأبوه طرده من البيت رجع لبريطانيا لان زوجته كانت حامل وبعد ماولدت وجابت ولد سماه رامي بعده بأربع سنوات جابت بنت "لميس"وبعد سنوات رجع للسعوديه وترك زوجته وعياله في بريطانيا وحاول يرضي ابوه ولما طلب منه إنه يطلقها رفض لأنه يحبها وعلشان عياله واضطر إنه يوهم أبوه إنه طلقها لكن أبوه غصبه إنه يتزوج بنت صديقه "سفاجه"وكانت متزوجه قبله وعندها بنت"هدى" .تزوجها لكن كان مايجلس معاهاكثير لأنه كان يحب زوجته البريطانيه ومايبيهاتزعل فكان يسافر لبريطانيا لهاعلى إنه مسافر لعمله ويجلس عندها أسابيع ويرجع للسعوديه لكن في الأخير إنتقل للسعوديه هو وزوجته و طبعاأبو زوجته الثانيه إكتشف زواجه وفض الشراكه بينه وبين أبوه،أبوها حاول يطلق بنته منه لكنهارفضت لأنها خافت من كلام الناس بطلاقهاالثاني. أماأبوه غضب عليه وطرده وزوجته الثانيه كرهت وحقدت على زوجته الأولى وعيالهالانه يحبهم ويفضلهم عليهابعد ماتوفى بشهرين رامي أخذ أمه وأخته لبريطانيا وعاشو فيها بعدثلاث سنوات رجعوا للسعوديه وفي آخر السنه كانت لميس في المدرسه لمااحترق البيت على أمهاوأخوهاوارجعت لقت سيارات الشرطه والإسعاف والإطفاء ماليه الشارع وشافت الحريق يطلع من الشبابيك انجنت وحاولت تدخل للبيت علشان أمها وأخوها لكن الشرطه كانو ماسكينهاحاولت تفلت منهم وهي تصرخ وتسمع صرخات أمها وأخوهاوهم يحترقون وماتوا ولاقدروا ينقذونهم
دخلت للمستشفى من الصدمه والإنهيار اللي أثر فيها بشده ولماطلعت أخذتها زوجة أبوها لأن أعمامها ماكانوا يعرفون بوجودهم فأخذتها علشان تنتقم من أبوهاوأمها وتذلها)



نزلت لميس للمطبح محتاره ماتدري وش تسوي ماتعرف تطبخ ولاعمرها دخلت للمطبخ كانت خايفه من زوجة أبوها
ارتعبت لماسمعت صوتها خلفها
سفاجه:ليش واقفه يالله سوي الغدا
لميس بخوف:و..الله ماأعرف
سفاجه بصراخ وهي تشد شعر لميس :هذا اللي إستفدتيه من الخدم والحشم بس أنا بربيك من أول وجديد
دفتها علي الفرن وأخذت كتاب طبخ ورمته عليها:شوفي الكتاب هذا وتعلمي منه
طلعت من المطبخ وتركت لميس تبكي وهي تسوي الغداء ماتعرف كيف وحاولت تقلد الكتاب لماخلصت كانت ماسكه قلبها خايفه مايعجب سفاجه وتضربها
جلست سفاجه ع طاولة الطعام مع بنتها وقدمت لميس الأكل وكان شكله مايأهل يتآكل
طبعا ماعجب سفاجه وبنتها وضربت لميس ولا إستجابت لتوسلاتها ودموعها
دخلت لميس غرفتهابعد ماأجبرتها سفاجه تنظف المطبخ والبيت
انسدحت على سريرها كانت تحس بتعب وإرهاق وجسمها متكسر من الضرب و الشغل بكت لين نامت
رواية جرحني وصار معشوقي
في الصاله..
هدى جالسه عندالتلفزيون متابعه مسلسل جلست عندها أمهاوقالت: وين العله.
هدى بدون نفس: بغرفتها.
أم هدى بحقد:أف منها ومن دلعهاوالله لخليها تنسى الدلع .
هدى بقهر: يمه ارميهابالشارع مابيهاأكرههاوأكره جمالها ماودي أشوفها في البيت.
أم هدى:لا مارح أرميها بخليها خدامه في البيت ماتذوق طعم الراحه بعذبها مثل ماعذبني أبوهاعلشان أمهاالعقربه.
هدى:ليتها ماتت مع أمهاوأخوهاوفكتنا.
رن التلفون وردت أم هدى
أم هدى:ألو
.......:هلا أم هدى شخبارك؟
أم هدى:هلا أم ناصر وشلونك؟
أم ناصر:بخير.شخبار هدى وبنت زوجك إممم شسمها إيه لميس.
أم هدى كشرت:اسكتي لاتجيبين طاريها قطيعه تقطعها.
أم ناصر: ههههه شفيك شصاير؟
أم هدى: ذبحتني ياأم ناصربدلعهاودي أذبحهالاشفتها تذكرت أمها.
أم ناصر: ايه صح يقولون إنهاحلوه على أمها.
أم هدى بغيره:وععع من زينها .أم ناصر:ههه عساها تهرج إنجليزي.
أم هدى بقرف:لا تهرج عربي أحسن مني ومنك بس لازم تجيب لها كلمه من هرج أمها.
أم ناصر: زين أجل.
أم هدى:آ آ خ بس لوأذبحها وافتك.
أم ناصر: ههههه الله يعينك أنا لو منك كان خليتها خدامه عندي.
أم هدى:هذا اللي بيصير.
****************
صحت لميس من النوم وتحس راسها مصدع قامت وشافت الساعه ثمان قامت بسرعه وهي خايفه من زوجة أبوها تذبحهالانها مانظفت البيت دخلت للحمام وأخذت شورسريع ولبست بيجامه سماويه قطن مريحه وربطت شعرها ذيل حصان ونزلت في الصاله تفاجأت لمامالقت أحد "شكلهم
طالعين أحسن فكه"
دخلت للمطبخ وهي حاسه بجوع فظيع فتحت الثلاجه وصلحت لهاساندويش جبن وجلست على الطاوله تاكل
سمعت صوت الباب وعلطول قامت وشالت أكلها ودخلته في الثلاجه وهي ماأكلت منه إلاشوي وغسلت وجهها لأنها لوشافتها تاكل بتضربها.
أم هدى تفسخ عبايتها:لميييس،،،وصمـــــ� �
طلعت لميس بسررعه:نعم
لميس خافت من نظراتها وهي ترمي عليها عباتها:خذي غسليهاوغسلي عبايت هدى بعد.
مشت أم هدى للدرج ووقفت ولفت لها:سويـتي العشا؟
خافــــت وارتبكـــــت لأنها ماسوته قربت أم هدى منهاوهي تعيد كلامها:سويتي العشا.
لميس بصوت واطي: لا.
قربت منهاأم هدى ومسكت شعرها بقـــــوه وشدته صرخت لميس من الالم وحاولت تفك إيدها منها.
أم هدى وهي شاده شعر لميس:ليش ماسويتي العشا ..أنا كم مره قلت لك إذابغيت العشا ألقاه جاهز...
لميس تبكي:بس لسى ع العشا الساعه ثمانيه آ آ آه
أم هدى تسحبهامن شعرها للمطبخ: كيـــــفي أنا أبغاه اللحين .
رمــــت لميس على الطاوله وضرب جنبها بقوه عليها وصرخت من الألم وطاحت ع الأرض
أم هدى تصرخ فيها:اللحيـيـين تسوينه وإلا قسم بالله لأذبحك
ســـااامــعـــــه.
طلعت أم هدى من المطبخ وتركت لميس ع الأرض ماسكه جنبها وملتويه ع نفسها من الألم وتبكي"آ آ آه يمـــــه ،،رامـــــي
ويـــــنكم"
شـــــهقـــــت لما حست بمويه بـــاااارده على راسها رفعت راسها شافت هدى واقفه ومعها كاسة مويه وتطالعها بابتسامه سخريه:يمكن تنشطين وتصحصحين وتعرفين إنك هنا خـــــدامه وحقيـــــره وتسوين المطلوب منك بسرعه.
رمت الكاسه ع كتف لميس وطلعت تضحك ،
لميس حست بالقهر ودها تقوم تذبحها بإيدها بعدين عرفت إنها لو تظل تتمنى مارح تقدر تسويها
قامت بصعـوبـه ورفعت الكاسه وأخذت المنشفه مسحت المويه وسوت العشا لما خلصت حطته ع الطاوله في الصاله ومشت بتدخل للمطبخ قابلت أم هدى كانت تناظرها بكره:اليوم مالك عشا ولوعرفت إنك أكلتي بذبحك ويالله ع غرفتك
دفت لميس ع الدرج :وإذا ناديتك تجين عند رجليني ســـــامعه.
دخلت للصاله ولميس شالت نفسها وسكرت عليها الغرفه وهي حاسه بغصه بحلقـها جلست ع السريروفتحت درج الكومدينه وطلعت صورت لها مع أهلها نزلت دموعها وضمت الصوره لصدرها كانت محتاجه تضم أحد فيهم وتشكي له وتنسى العذاب اللي هي فيه.


نظفت لميس المطبخ وهي حاسه بدوخه لانها جوعانه ودها تاكل شئ بس ماتقدر لأن هدى جالسه تراقبها وتتأكد إنها ماأكلت شئ وترمي عليها من كلمــاتـــها الجارحه
لماخلصت لميس من المطبخ وكالعاده هدى قفلــت المطبخ وراحت غرفتها
دخلت لميس غرفتها وانسدحت ع السرير وحاولت تنام بس ماقدرت كان بطنها يآلمـها من الجوع تقلبت ع السرير لحد مانامت.
العـــــصـــــر:
طلبت أم هدى من لميس تسوي كيك وحلى لان في ضيوف راح يزورونهم لميس حمدت ربها إنهاتعرف ولا كان راحت فيها
جهزت كل شئ وطلعت من المطبخ وقابلت هدى نازله ع الدرج كانت لابسه تنوره قصيره مكسره سوداءوبلوزه صفرا نص كم وفاكه شعرها
كتمت لميس ضحكتها لان شعر هدى ماستشورته زين ومنكوش ( هدى ماكانت حلوه عاديه شعرها أسود وحنطيه ودبدوب شوي وعيونها صغار)
وقـــــفت بغرور :شوي شوي لاتعطيني عين أدري إني حلوه وأحلى منك.
لميس "مصدقه عمرها هذي" طالعتها من فوق إلى تحت:واضـــــح
تغير لــون وجههاوانقـهرررت
مسكت يد لميس بقهر
هدى بقهر:غصب عننننننك على الأقل أنا أحسن منك
تركت يد لميس بقررف وهي تأشر على لميس بأصبعها:أنتي مـــجـــرد خدا ا امه وفقييره وتافهه ووجودك مثل عدمه في الحياة
دفـــــــت لميس وراحت
تجمعت الدموع في عيون لميس
وهي حاسه بقهر وذل وصعدت الدرج وقبل تدخل غرفتها سمعت صوت أم هدى:إسمعي الحين يوصـــلون الناس أناودي أخليكي في الغرفه ولا تورينهم رقعة وجهك بس أكيد بيسألون عنك،إلبسي بسرعه ولا تتزيين لأن ماحد راح يطالع في خشتك
فلا تتميلحين.
دخلت لميس غرفتها وسكرت الباب أخذت شور سريع ولبست تنوره بيج قصيره وبلوزه بنيه ناعمه بأكمام طويله ورفعت شعرها شنيون ونزلت خصل على وجهها مسكت الكحل بتكحل عيونها بس تراجعت"أفففف أخاف أحط تقلع عيوني الحمد لله إني رموشي كثيره وسود وعيوني حلوه بدون كحل"
نزلت لميس وقابلت هدى عند مدخل الصاله كانت تطالعها بغيره .سفهتها لميس ودخلت المطبخ
بعد دقــــايق دخلت عليها أم هدى وقالت لها تدخل تسلم
لما دخلت لميس طاحت نظراتها على حرمه كشششخه وحللوه وجنبها وحده خمنت إنها في مثل عمرها وحللوه
لميس :السلام عليكم
صافحتهم بأدب وجلست ولما رفعت راسها تفاجأت لما شافتهم يطالعونها بإعجاب إبتسمت لهم شافت هدى تطالعها بقهر وكأنها بتقوم وتذبحها
طالعتهالميس بتقهرها من فووق إلى تحت حست إنها بتشتعل نار
إنتبهت لميس لأم هدى تطالعها"يعني ضفــــي وجهك"
خافت وقامت إستئذنت واطلعت
دخلت للمطبخ وحست بيد ماسكه كتفهابقوه وتلفهاع ورى
لقيتها هدى والنار تشتعل من عيونها
هدى وتحاول تخفف صوت صراخها:إنتـــــــي ياحششره
نظراااااتك هذي خلييهالك
دخلت أم هدى:خيير شفيكم
هدى تسوي نفسها تبكي:يمه شوفي تبيني أشيل الشاهي والقهوه بنفسي تقول إن شكلي مثل الخدامه
أم هدى مسكت لميس بكتفها بقـــوه:نعععم لاشكلك نسيتي نفسك ،،شفتي الناس يطالعونك بإعجاب شفتي نفسك لاا ا ا تراكي قبيـــــــحه
ولاا ا ا بعد إصبري لين يعرفون إن أمــــك يهوديــــه وفاجــــره
ماتحملت لميس كلامها عن أمها ودفتــــها عنها وهي تصصرخ فيها:أمـــــــي أشررف منـــك
ومن أشكالك والله أعلم مين اللي مايعرف الدين صح.
صفـعـتــــها أم هدى كـــــــف
على وجهها خلاها تطيح ع الأرض وركلتها برجلهاوهي تقول:لا بعد طلـــــع لك لسان يبغاله قـص والــلــــه لأدددبك زين وأعلمك كيف ترفعي صوتك ويدك علي يـــا حقيره
حسابي معك بعدين
طلعت من المطبخ ووراها هدى اللي ضحكت بشماته
حملت لميس نفسها لغرفتها وهي تبكي بألــــم
رمــــت نفسهاع السرير وهي تشاهق"آآآآآآآه يمـــــاااه رااامـــــــي"
تذكرت رامي وهودايما يقول لها:أبغــاك دايما قويــــه وصابره وطيبه أبغا تربيتي لك ماتضيع"آآآآآه يارامــــي كيييف أكـــوون قويـــه من وييين تجيني القووه وأنا ماحـــد جنبي وانــــا وحـيـيـيــده من وييين "
سمعت صووت جوال يرن قامت
بسرعه وفتحت دولابها وأخذت جواالهااللي مخبيته عنهم لأنهم مايسمحو لها فيه ولافي تلفون البيت شافت المتصل هند صديقتها الوحيده ردت بلـهفـــه:هـــــــنــــــ� �د
هند بضحكه:هــــهـهـــه شوي شوي ع عمرك لهدرجه مشتاقه لي ياحظي
لميس:يادبــــه حرام عليك ليش مادقيتي علي لي إسبووع في بيت زوجة أبوي ولا سألتي عني(وانفجرت تبكي)حـــــــرام عليك وأنا من لي غيرك أهلي كلهم راحو مابقى لي غيرك
هند بخــــوف:آنـــا آسفه لميس والله مانسيتك كل يوم بالي عندك وافكر فيك حاولت أدق عليك بس خفت تنكشفين وتدري زوجة أبوك بالجوال كنت متردده بس اليوم حسيت إن فيك شئ ودقيت،،،فيك شئ حبيبتـــي إنتي بخير
لميس تحاول توقف دموعها:أنـــــــا كل يوم مو بخير ياهند
هند بخوف:وشفيك يا قلبي قولي لي
لميس بتنهيـــده:آ آ آه ياهند أنا كل يوم أذوق كاس الذل والعذاب من سفاجه وبنتها
مخليني خدامه في البيت هذا غير السب والشتم اللي أتصبح وأتمسى فيه
هند ماتحملت اللي تسمعه واللي يصير لأعز صديقه لها وبكت لحالها:ياعمــــــري يالميس كلل هذا فيك وأنا ماأدري اللــــــه ينتقم لك منهم ع اللي يسوونه فيك
لميس تمسح دموعها:آنا آسفه هند بس مالي أحد غيرك أشكي له بعد الله الله يخليكي لا تبكين ماقصدت أضايقك
هند بترجي:لميس تعالي عيشي عندي بحطك بعيوني بس ابعدي عنهم
لميس ابتسمت:لا ماقدر ياهند بعدين سفاجه مارح ترضى بتقفل علي هي مانعتني أطلع من البيت حتى الجامعه ماسجلت فيها،،،مشكوره والله ماتقصرين.
سمعت لميس صوت عند الباب وارتبكت: آآلو هند ماأقدر أطول في أحد جاي مع السلامه
وسكرت علطول قبل تسمع ردهاوخبت الجوال ودخلت للحمام
في الصـــــاله
بعد مادخلت سفاجه وبنتها على الضيوف
سفاجه:ياهلا والله بأم رعـــد
أم رعـــد:هلافيك
أم رعـــد تكلم هدى اللي دخلت وجلست جنب أمها:كيفك يا هدى
هدى بخجل مزيف:الحمد لله بخير
أم رعـــد:إلا وين لميس ماأشوفها
سفاجه مجهزه الرد:تعبت وراحت غرفتها
أم رعــد:إلا هي أمها بريطانيه
سفاجه بضيقه:إيه


ابي ردودكم منشان اكمل الروايه منقووووووووووووووووووووووووووله[b][center][quote][code]

:roll:
كمليها لوسمحتى
بانتظارك
^_*

يسلمو كمليها حبيبتي

يسلموووعالردود
والحين ادزل التكمله

أم رعـد:وشفيك كنك تضايقتي من سؤالي
سفاجه بقرف:والله ماحب سيرتها
أم رعــد رفعت حواجبها باستغراب:ليش
سفاجه بمكر:إستغفر الله سيرتها مو حلوه أبدآ هي بريطانيه تدعي الإسلام وخدعت أبو رامي لما كان في بريطانيا وخلته يتزوجها
أم رعـــد:يعني كيف خلته يتزوجها وأناأعرف إنه كان يحبها
سفاجه انقهرت لما سمعت إن حب أبورامي لهاالكل يعرفه وصممت تخرب سمعتهاوسمعت لميس:ويــين يحبهاأصلا هي ساحرته وخلته يتزوجها،،تعرفين اللي مثلها فاجره ولا تخاف ربها أكيد بتسوي أكثر،،،بس الله يستر علينا من بنتها
أم رعـــد انصدمت من الكلام وصدقته:أعــــوذ بالله انتو كيف خليتوها عندكم
سفاجه:وش أسوي بنكسب فيها أجر ولانقدر نرميها في الشارع
هدى انبسطت ع أمها وتذكرت لميس وحاولت تدنس سمعتها أكثر:بصراحه أنا كنت أسمع من بنات في المدرسه إنهم شافوها مع شباب والله اعلم
رنــــابنت أم رعد بدلع:أنامستحيــيــل أجلس معاها وهي بالشكل هذا (لفت ع هدى تكمل)هدى إنتي مصاحبتها
هدى:مستحييل
أم رعــد تغيرالموضوع:وكيف الشغل في المشغل ياأم هدى إن شاءالله متحسن
سفاجه:الحمدلله زين
هدى قامت:رنا تعالي نجلس في الحديقه
رنا قامت وأخذت شنطتها:أوكيه

في الحديقــــــه
هدى:وشخبار ريــم ليش ماجات معك
رنا حطت رجل ع رجل ورفعت خصله من شعرها بدلع:مشغـــوله ماقدرت
هدى:مشغوله بإيش
رنا:مسويه حفله وترتبها
هدى:ومتى الحفله
رنا:ماأدري ماحددت لأنها لازم تعرف ظروف صاحباتها لأن الحفله لهم
هدى خاب ظنها لأنهاودهاتروح لحفلاتهم تبغى تشوف كيف أحتفالاتهم بما أنهم أغنياء
رن جوال رنا وردت:هلا رعــــود كيفك
فــز قلب هدى وقعدت تراقب رنا ودها تسمع صوته
رنا:ههههه أوكيه إلا متى ترجع إنشاء الله... . . . . . . لاأنا موفي البيت طالعه مع أمي. . . . . . .ريم ماطلعت معي. . . . . . .ههههه أوكيييه أوريك ...باي
سكرت الجوال وحطته قدامهاع الطاوله
هدى بنعومه مصطنعه:هذا رعـــــد
رنا:إيه
هدى:وش أخباره متى راجع
رنا:تمام وبيرجع إن شاءالله بعد شهر
رنا بابتسامة:آميين

(عائلة أبورعد )
أبو رعد رجل أعمال كبييير ومعروف صاحب جاه وثرااااء
أبنائــــــه
"رعــــــد"وعمره سنه يدرس في أمريكا تخصصه إدارة أعمال علشان يمسك أعمال أبوه
"رغــــــد" وعمرها سنه متزوجه من ولد خالتها"عمر"
"فيصــــــل"وعمره سنه يدرس هندسه
"عــــــادل"وعمره سنه يدرس صيدله
"رنــــــا"وعمرها سنه
"ريــــــم"وعمرها سنه
"فهــــــد"وعمره سنوات

في قصــــــر أبو رعــــــد:
ريم جالسه في الصاله مع أم رعد ورنا
ريم:مامي شخبار أم هدى
رنا:ليش تسألين عنهم وانتي تكرهينهم
ريم:فضــــــول
أم رعد: بخيــــــر
ريــــــم بحماس:شفتوا بنت زوجها
رنا تذكرت لميس وجمالها الصارخ وانقهرت
أم رعد:إيه شفناها
ريم بحماس: حلــــــوه
أم رعد ابتسمت:إيه هذا اللي هامك حلوه وإلا لا
ريم ضحكت :هههههه يالله عاد حلوه
أم رعد بصدق:إيه والله تهبل
رنا بقرف:وععععع
ريم انفجرت ضحك ع ملامحها اللي عافستها:هــــــهــــــهــ� �ـه
أكيد وع موأنتي ماتبغين أحد أحلى منك
رنا بغرور:لان مافيه أحد أحلى مني
(رناحلوه بس جمالها ولاشئ عند لميس)
ريم:إيــــش إسمها
أم رعد: لميس
ريم:وا ا ا ا ا ا ا ا ا ا ا و إسمها يهبببل
رنامقهوره من إختها :وع يجيب المرض
ريم:بالعكس حلو ويجنن بعد يا ا ا ا اي ودي أشوفها
..: ومين اللي ودك تشوفينها ست ريم
دخل فيصل وهو شايل فهد ع كتفه
ريم حطت إيدهاع صدرها:بــــــسم الله إنت مو توك طالع
فيصل:ورجعت عندك مانع
أم رعد قامت تشيل فهد من ع كتف فيصل:يمه ليش شايله ع كتفك تراه كبر
ريم مدت بوزها:إيــــــه كبر خايفه ع حبيب القلب لا يتكسر
فيصل:هــا هــا هــا يااااشيين الغييره
فهد:يمه خليه يشيلني توني صغير
أم رعـــد:وين صغير وإنت عمرك ست سنوات
ريـــم:عمممره مو جسمه
فيصل رمى جسمه ع الكنب وكأنه تذكر شئ:إييـيـــه صح مين اللي ودك تشوفينها ست ريم
ريم:يالقفــــــك مانسيت
فيصل يرفع حواجبه:لااا مانسيت قولي مين
ريم بعناد:مممارح أقول
أم رعد :هذي بنت أم هدى تونا جايين من عندهم أنا ورنا
فيصل كشـــر:لاااا يكون هدى وعـــع وش تبين فيها
رنا عصبت: وع في عينك هذي صاحبتي ماأرضى تقول عنها كذا
فيصل يعاند:وع وع وع وع وع
ريم:هــــــهــــــهــــــ� �
رنا عصبت وقامت:وع في عينك.
وطلعت من الصاله
فيصل:هـــهـــهـــه شفيها هذي عصبت من جد
ريم:خلك منها بس
فيصل:وأنتي أنتي ووجهك شتبين بهدى تبين تشوفينها مايكفي أختك داقه صداقه معها
ريم شهقـــت:بســم الله علي منها أصلا أنا ماأرتاح لها أبدآ .أنا أعني بنت زوج أمها
فيصل بإستغراب:أم هدى عندها بنت زوج
ريم بحماس:إيــــــه وتقول أمي تهببل لا بعد إسمها لميس
فيصل رافع حواجبه:وانتي ليش متحمسه كذا
ريم ضحكت:كذا ،،إيه صح أمهابريطانيه
فيصل:بريطانيه
ريم تهز راسها: yes‏ ‏
فيصل بابتسامه:إذا أمها بريطانيه أكيد بتكون قمر
ريم فتحت عيونها بكبرها:عيــــــيــــــيــ� �ـــب
فيصل:هــــــهــــــهـــــ� �ه بسم الله علي عيونك توحش لا تفتحينها كذا
ريم ترمش بعيونها:أصلا عيوني حلوه

فيصل بتريقه:أقول شوي شوي لاتطيــح رموشك
فهد:ههههه
ريم :أصلا أنت غيران لان عيوني حلوه
فيصل بغرور:أنا أحلى منك بمليووون مره صح يمه
(فيصل حلو وأبيض عيونه كبيره وسود مع حواجبهاالسود ورموشه طالعه جنان وخشمه طويل وشعره أسود نازل ع رقبته من ورى بس من قدام فرنسي وجسمه رياضي)
أم رعد:صح
ريم بزعل:طبعا مو هو فصولي حبيب القلب
أم رعد :كلكم حلوين وكلكم عيالي
(ريم حلوه عيونها كبار وبشرتها بيضاء وشعرها بني طويل إلى نص ظهرها ناعم ونحيفه)

في غرفــــــة لميس:
لميس جالسه ع السرير وتكلم هند ع الجوال
هند: ههههههه إلا وين السعلوه وبنتها
لميس:ههههههههه حلوه السعلوه،،طالعه مع بنتها ماأدري وين
هند:ياعمـــري ليش مايطلعونك
معهم
لميس بتنهيده من قلب:آ آ آه بس مليت من البيت ودي أطلع وأشم هوى ،،(تكمل بقهر) لابعد من النذاله مسكرين باب المدخل علشان ماأطلع للحديقه
هند:ياعلهــــــم الماحــــــي
لميش:هههههههه عليكي دعاء ماأدري من وين جايبته
هند: هههه الله يخلي لي بدوري من كثر مايسب في اللي عنده في مركز الشرطه صرت مثله
لميس ضحكت:إلا كيفه وش عنده يسب فيهم
هند بملل:يقول تعبوه المساجين اللي عنده
لميس:الله يعينه
هند:أمي دائما تقوله لايدعي بس مايفهم
لميس:أخوك عصبي،،،المهم هنوده لازم أسكر اللحين عند كوي لازم أخلصه
سكرت منها وراحت للملابس تكويهم
تذكرت رامي أخوها مره كانت جايه من المدرسه معصبه وقابلها رامي في الصاله
رامي:لمووس وشفيك معصبه
رمت لميس شنطتها على الكنب بعصبيه:الأستاذه الله ياخذها هاوشتني
رامي :ليش
لميس:لأني لابسه جزمه ملونه تخيل هاوشتني الصباح والظهر لماطلعت حاطه عينها علي وكلللل هذا علشان لابسه جزمه ملونه وش ذاالتخلـــــف ليتينا مارجعنا من بريطانيا ولاشفت وجهها المـــتخلــلــلــلفــــه اللــــــه ياخذهــــــا
رامي إبتسم على عصبيتها وحماسها:لايالميس مو زين تدعين عليها
لميس جلست مبوزه ع الكنت تفسخ جزمتها: هي الغلطانه
مشى رامي وجلس جنبها وحط يده ع كتفها بحنان:ولو يالميس لا تدعين ع أحد حتى لوكان غلطان عليك اصبري بس لاتدعين لان يجي يوم يدعي عليك أحد أوعديني إنك ماتدعين ع أحد مره ثانيه
ابتسمت لميس بحب:أوعدك
باس جبينها وضمته لميس وهي تقول:الله يخليك لي ولا يحرمني منك يارامي
"آ آ آ آه يارامي أشتقت أحضنك
واشكيلك(نزلت دموعها )آ آه إشتقت لحنيتك علي "
انفتــــــح باب الغرفه ودخلت منه هدى رفعت لميس راسها شافتها تطالعها بخبث فجــــــأه نادت أمهاوشكلها ناويه عليها
دخلت أم هدى الغرفه
هدى بمكر وافتراء:يمه شوفي لميس دخلت عليها لقيتها نايمه ومخليه المكوى ع ملابسي تبغى تحرقهم
انصدمــــــت لميس وشافت أم هدى تطالعهابعيون كلها شرر خافت لدرجه ماقدرت تتكلم
مسكتها أم هدى بشعرهابقوه وشدته ولميس غمضت عيونها وهي تصرخ فيها:يالخـــايسه أناوش قلت لك إنتي ماتفهمين
إلا بالضرب تبغي تحرقي ملابس بنتي حريقــــــه تحرقك وافتك منك
لمس تكلمت بصعوبه:لا،،،كذابه

فتحت سفاجه عيونها:وتكذبيــــــن بنتي بعد ،،،الكذذاب والخبيت هي أممك وأنتي مثلها ليتك احترقتي معها وافتكيت
ضربت لميس بقسوه وهي موقادره تفك نفسها
سفاجه صرخت بانفعال وهي تضرب لميس :أكــــــرررررهك
وأكــــــرهك أمك اللي سرقت فرحتي واللــــــه لأخليك ماتشوفين الفرحه ولا تعرفينها

مسكت المكوى وحطته على ساق لميس صرخت لميس وسحبت رجلها منها وهي تصرخ بألم حست الحراره تشتعل في جسمها كله وقلبها كرهت عمرها وحياتها من العذاب اللي فيها وهي تشوف هدى تطالعها بكره وتضحك بشماته وخبث وهي تقول لأمها:ههههههه ليتك حاطته بوجهها وحرقتيه وافتكينا منه
شافت لميس بين دموعها سفاجه وكأن الفكره عجبتها قامت بسرعه وهي تتألم وركضت لغرفتها دخلت بسرعه وسكرت الباب ودخلت للحمام وقفلت عليها وهي تبكي من رجلها وجسمها اللي تحسه مكسر من الضرب شافت رجلها وحمدت ربها إن الحرق مو كبيرلأنهاسحبت رجلها قبل تضغط عليهاالمكوى فتحت المويه البارده ودخلت رجلها تحتها عضت ع شفايفها من الألم وظلت في الحمام ساعه من الخوف ،لماطلعت جلست على سريرها وفتحت درج الكومدينه وأخذت الشنطه الصغيره وفتحتها جلست تدورفيها عن المرهم ولقيته أخذته ودهنت مكان الحرق
تذكرت رامي لما احترقت إيده لماكان يشوي تذكر إنها دهنت يده منه، غمضت عيونهابقوه لما لاح قدامها وجه رامي وهو يبتسم لهابحنان"آ آ آه يارامي ويينك أنا ضااااااايعــــــه من غيرك ليش رحت وخليتني كنت دائما تقول لي مارح أتركك لماتوفى أبوي" شهقت بحرقه وهي تبكي ..........
**************************************************

في قصر ابو رعد:
ريم تركض لاحقه فهد وتصارخ:فــهــهــهــهـهد رجعع كر ا ا ا ا استي يادووووب،،،،فهههههههههد
ضحك:هـهــهــهــه لاا ا ا ا أول شئ اوعديني انك توديني للملاهي وأعطيك إياها
ريم معصصبه: مااأرح أوديييييك
وبتجيبها غصصصب عنك،،،،فهههد
دخل فيصل البيت وشاف فهد يركض ووراه ريم "الحمد والشكر انهبلو"
مسك فهد وأخذ منه الكراسه
ريم وقفت عنده وهي تلهث:ف فيصل ،،عطني كرراستي
فيصل يطالع الكراسه بسخريه:اللحين كل هالصراخ والركض علشان هالكراسه
ريم:ايه عطني إياها
فتح فيصل الكراسه وريم صرخت:لا ا ا ا تفتحها
فتح فيصل عيونه بقوه وهو يقلب الرسومات وماقدر يمسك نفسه وانفجر ضحك:ههههههههههه هههههههههههههه
ريم عصبت وسحبت الكراسه:ضحكت بلا ضروووس إن شاءالله وش يضحك
فيصل يضحك ماسك بطنه:ههههههههه الله ياخذ بليسك وش ذالرسم لك ههه كنك هههه وحده في الروضه ههه ،أقول خلي الرسم لأهله
ريم حطت إيدها ع خصرها تتطنز معصبه:لاا تكفى عاد الرسام خشتك،عاد من زين رسمك
فيصل بغرور:أصلا أنا لوأحب الرسم كان صرت فنان بس مشكلتي مااحبه
ريم باستهزاء:ياواثق أموووت بالثقه وأهلها
فيصل غمز لها:أعجبــــــك
طلعت أم رعد وهي ماسكه عبايتها:أنتو شفيكم ماأشفوكم
إلا تتهاوشون كنكم توم وجيري
فيصل يستهبل:أححححلـى أمي متابعه توم وجيري ترى اللحين تجي بسبيستون روحي لاتفوتك
أم رعد ضربت فيصل ع كتفه بخفه:بس عاد
ريم:ههههههههههه،،،(تطالع عباية أمها) إلا يمه وين رايحه
أم رعد:بروح لحفلة أم سامر

فيصل :وأنا أقووووول الكشخه هذي كلله لمين،وأبوي مو موجود تكشخين له،،وصارت للحفله(ويطالعها باعجاب)بس يمه ماااشاءالله طااالعه قمر كنك أم سنه
أ
م رعد بغرور:أنا حلوه مهما كبرت
ريم باستخفاف:ياربي الثقه نازله ع الكل ماأدري شصاير في البيت
فيصل:هههههه
أم رعد:مع السلامه أروح أصرف لي
ف
يصل يكلم أمه اللي تلبس عبايتها:يــمه مين بوصلك
أم رعد:السواق
طلعت أم رعد وفيصل راح ينام وريم راحت تكمل رسمها
في غرفــــــة رنــــــا:
رنا تكلم في الجوال:الحمد لله إنتي شخبارك
دلال:بخير،،،وشخبار ريم
رنا:تمام
انفتــــــح الباب بقوه :هـــاااااي
رنـــا بعصبيه:وجــــــع كسرتي الباب وش ذالدفاشه
ريم:ســــــوري
جلست جنب رنا وقربت إذنها من الجوال:مييين تكلمييين
رنا بعدت عنها:وش ذالقافه
ريم بزن:يالله عاد مييين قولي
رنا مالهاخلقها: دلال
ريم كشرت:دلال
رنا:أيوه
دلال :هذي ريم
دلال:للحين مدفوشه
رنا:وإلى الأبد
دلال:وش تبغى
رنا:ملقوفه
ريم تطالعهابنص عين:تراني حاسه إنكم تحشون فيني وأنا إحساسي مايخيب
رنا باستخفاف :صح ياأم الاحساس
ريم كشرت:وعععع وأنا وش مجلسني عندكم أقوم أحسن
قامت وطلعت برى
دلال بقرف:أففف أختك هذي بصراحه مو مهضومه أبدآ
رنا:خلك منها بس
دلال بنعومه:وش أخبار رعد
رنا ابتسمت:بخير ولابعد قريب بيرجع
دلال بفرحه:واللــــــه
رنا ضحكت:هههههه يعني قريب بنشوفك عروسه
دلال استانست مرره:ياربي متى

رنا:عيــــــب ماتستحين إنتي مستعجله ع الزواج
دلال :حــــــرام عليك لي سنه مخطوبه له مليت
رنا:صبرتي هالسنه اصبري كم شهر
سمعت رنا دق ع الباب:ميــــــن
عادل:أنا عادل
رنا:أيوه تفضل
دخل عادل:السلام،رنا وين حطيتي الابتوب
رنا بعدت الجوال عن إذنها:إمممم في غرفتك
عادل:تعالي طلعيه بسرعه
رنا تكلم دلال:أوكيه دلال أكلمك بعدين باي
سكرت منها وراحت معه لغرفته وطلعته له
رنا تمد الابتوب له:عادل متى تجيب لابي من المحل
عادل جلس عالسرير وحط الاب فوق رجوله:اليوم
رنا جلست جنبه:وليه مواللحين
عادل وعيونه ع الشاشه:ماتشوفيني مشغول بعدين عاد لاتحنين
رنا قامت:أففف طيب عطني عنوان المحل وارسل السواق
عادل التفت لهاوأشر ع الباب:شفتي الباب هذا ضفي وجهك منه
رنا انقهرت:مالــــــت عليك
وطلعت من الغرفه وعادل ابتسم ع شكلها المقهور
سمعت صوت التلفون وراحت تركض له بس فهد سبقها وأخذ السماعه: آلــــــو
رعــــد:هــــــلا فهودي
فهد بابتسامه واسعه:رعــــــد
رنا انهبلت وسحبت السماعه منه: عطنــــــي
فهد يسحبها:خليها يادوبه
وقعدوا يتهاوشون ع السماعه ورعـــد ينادي عليهم
وفاز فيها فهد بعد بكى
فهد : رعــــــد
رعــــد بتنهيـــده:وآآآآخيرا
فهد يبكي:رعــــــد شوف رنا الدوبه بتاخذ السماعه وأنا بكلمك
رعـــد: لايا حبيبـــي خلاص لا تعطيها السماعه،،كيفك؟
فهد:الحمد لله بخير،،رعــد متى بترجع
رعــــد:قريب إن شاءالله
رنا سحبت السماعه من فهد:خـــلاص يكفي،،،آلــــــو
رعـــد:هلا رنا
رنــــا:آ آ آ آ آي وجـــع
رعـــد: نعــــــم
رنا:الدب فهد قرصني وهرب
رعـــد:هههههه كيفك؟
رنا:تمام وانت
رعـــد:تمام
رنا بابتسامه:ترى دلال تسلم عليك
رعـــد:...... الله يسلمها وين ريم
رنا:بغرفتها
رعـــد : ناديها بكلمها
رنا بغيره: وأنا مامليت عينك
رعـــد:إلا بس أنا ماكلمت ريم من زمان وأنت مكلمك قبل
رنا:لحظــــــه
حطت السماعه ونادت ريم وريم جت تركض وأخذت السماعه:هــــــلاوغــــــ� �ا بالقاطع اللي ماكأنه عنده أخت وحبيبه إسمها ريم
رعـــد إبتسم:هلا بك ،،كيفك؟
ريم بوزت بزعل: مو بخير
رعـــد: آفــــا ليييه
ريم بعتاب:أولا:لأنك ماكلمتني من زمان بس تكلم ريم وثانيا:فيصــــــلوه رافع ضغطــــــي
رعـــد بضحكه:يـــاقلبي والله مشغول وإذا دقيت عليك مشغول أو مقفل وأناكلمت رنا وقلتها بكلمك بس ماكنتي عندها
وإذا ع فيصل أكلمه وأغســــل شراعه وش تبغين بعد
ريم ضحكت: هههههه بعدي والله برعووودي
رعـــد عصب:أصغر عيالك أنا
ريم ضحكت لأنهاتدري إنه مايحب أحد يدلعه:هههههه أدلعك شفيك بعدين متى ترجع
رعـــد:بعد كم اسبوع إن شاءالله
ريم شهقــــــت:واللــــــه وناااااسه،أجل بتاخذ حقي من فيصلوووه
رعــــــد:هههه هذا اللي هامك إنتي ،ماتقولين ترجع بالسلامه
ريم استحت:هههههه ترجع بالسلامه
رعـــد:يالله ريامي لازم أسكر سلمي لي ع الكل باي
ريم:يوصل باي

انتظرردودكم

بليز كمليها بليز والله روعة بدنا التكملة

روعة
كمليها بليز
بلييييييييييييييييييييييييييييييز
ماتتاخريش

اوك من عيوني الحين اكملها

عائلة ابو رعد**
ابورعد (مشاري) :رجل اعمال كبير ومعروف صاحب جاه وثراء..
ابنائــــــــــــــه:
"رعــــــــــد":عمره 26(سته وعشرين)سنه,.يدرس في امريكا تخصصه ادارة اعمال
علشلن يمسك اعمال ابوه**شاب عصبي جدا ..مغروووور..حازم..أجمل وأوسم شباب العائله..صاحب شخصيه
و هيبه تحتم ع الكل احترامه..صاحب شركه كبيره من مجموعة شركات ابوه **
"رغــــــــد":عمرها 25(خمسه وعشرين)سنه..متزوجه من ولد خالتها"عمر"**حلوه..رقيقه..روم انسيه**
"فيصـــــل":عمره 24(اربعه وعشرين)سنه..يدرس هندسه..**وسيم..خفيف دم وخفة دمه ما قللت من قوة شخصيته ..حبوب**
"عــــــادل":عمره23(ثلاث وعشرين)سنه..يدرس صيدله**مرح..خفيف دم..عايش حياته مثل مايحب..حبوب..وكمان وسيم**
"رنــــا":عمرها 19(تسعة عشر)سنه..**حلوه كثير..مغرووووره..متكبره**
"ريــــــم":عمرها 18(ثمانية عشر)سنه**حلوه..مرحه..**
"فهد":عمره6(ستة)سنوات....
************************************
فــــــزت لميس من النوم وأم هدى شاده شعرها:قومــــــي ياللــــــه أنتي مو في فندق تنامين ع كيفك قومــــــي غسلــــــي الحوش
لميس مو مستوعبه شئ لأنهامابعد صحصحت وتحاول تفك شعرها منها:آ آ آ آ آه
شعــــــري حرا ا ام عليك
أم هدى شاده شعرها وتسحبها : حــــــرمت عليك عيشــــــتك قومــــــي
دفــــــت لميس ع الأرض
ووقفت عند الباب بتطلع:ياللــــــه قومي وياويلك إن رجعتي تنامين هالمره بحرق وجهك
طعت من الغرفه ،،، قامت لميس وهي ماسكه راسها تحس إنها بتدوخ من قوة شدها لشعرها
دخلت الحمام ومدت يدها تمسك المغسله وتحاول تتوازن
غسلت وجهها وفرشت أسنانها وطلعت شافت الساعه لقتها 10 الصباح"آففف وتبغاني أغسل الحوش بالحر والشمس"
لبست قميص خفيف أبيض مورد بورد وردي ولمت شعرها ذيل حصان وحطت واقي شمس ع وجههاورقبتها وإيديها
ولبست شبشب وطلعت
غسلت الحوش وهي ميته حر وراسها يدور لأنها ماأكلت شئ
لما خلصت دخلت للبيت وقابلتها أم هدى: صلحي الغدا بسرعه وغسلي الملابس
استغربت أمس مغسله الملابس: بس أنا أمس مغسلتها
أم هدى بحقد:عارفه هذي ملابس أم ناصر ماعندها خدامه وطبعا البركه فيك
انقهرت لميس "مشغلتني خدامه عندها وعند غيرها بعد"
دخلت للمطبخ وحطت الغدا ع النار وراحت تغسل الملابس اللي ماخلصت منها إلا العصر
لميس ماسكه ظهرها من التعب :افففف حشى موملابس هذي كنهاطالعه للبر شهر
دخلت للمطبخ ونظفته وصلحت لها ساندويش لأنهم ماخلو لهاغدى أكلتها وراحت غرفتها وأخذت شور سريع ولبست برموده بيج وبلوزه أورنج نص كم ورفعت شعرها شنيون
دخلت هدى عليها طالعتها من فوق لتحت
لميس:نعم
هدى بعيون ضيقه:تقول أمي إكنسي الحوش
لميس فتحت عيونها بكبرها:بس أنا توني مغسلته
طالعتها هدى باستخفاف:والله عاد الحوش غبر وتبيك تكنسينه كيفها
طلعت لميس من الغرفه وهي شوي تبكي من القهر"حــــرام
تعبت من الشغل أبي أرتاح"
طلعت للحوش وشافته مليان تراب انقهرت كان واضح إن أحد ناثره في الحوش وأكيد هدى
قعدت تكنس وهي طفشانه وقعدت تغني:
أميــــــرة الورد ليه
الــــــورد مفتونــــــك
ليــــــه في حياته يحاول
:من زيــــــن صوتك تغنين
لفت لميس وشافت هدى واقفه عند الباب
لميس بثقه:ما أخذت رايك وإذا كنتي مقهوووره ادخلي داخل وريحي عمرك
وعطتها ظهرها وكملت كنس وهي تغني لفت لماحست بهدوء مالقتها موجوده ضحكت وكملت شغلها
سمعت الباب يرن وطلعت هدى وافتحته دخلت وحده واكشفت تسلم ع هدى لماشافتها لميس تذكرتها كانت رنا
رنا طالعت لميس من فوق لتحت بغيره لأن لميس كان شكلها كيوت حست بالكره لها وقالت وهي تأشر عليها:هذي خدامتكم
انصدمت لميس وهدى ضحكت وقالت: أيوه هذي الخدامه
رنا بسخريه:تصدقين عرفتها من شكلها شكل خدامه
لميس مصدومه من تعاملها لها وهي ماتعرفها بس لماشافت نظراتها لها فهمت ابتسمت بسخريه ولفت وجهها تكمل شغلها
رنا انقهـــــرت والتفتت لهدى:هدى يالله البسي عبايتك نطلع
نتمشى
هدى بتقهر لميس:وين بنروح اليوم
رنا بدلع:بنروح لمجمع الراشد وبعدها لأي مطعم تختارينه
هدى استانست:أوكيه
وراحت داخل
لميس أشفقت ع حالها من جات هنا وهي ماطلعت وذابحه نفسها بالشغل دمعت عيونها
رنا تطالع لميس بحسد ع جمالها ورشاقة جسمها وشوي تكسرها
طلعت هدى لابسه عبايتها وطلعوا
في السيــــــاره:
رنا:أف لميس هذي مادخلت مزاجي كرهتها من شفتها
هدى:أصلا ماحد يحبها في البيت
رنا:مالها أهل تجلس عندهم
هدى:يااااااليت كان ماشفتيها عندنا
رنا:ليه وين أهلها في بريطانيا
هدى بقرف من سيرة لميس: ماعندها ،،فكينا من سيرتها وخلينا ننبسط
وصلواللمجمع يتمشون وهم مبسوطين ع نظرات الشباب لهم وهم لابسين عبايات كتف مزينه ومتلثمين وريحة العطر تفوح منهم ما حسبوا حساب ربهم عليهم وإنه يشوفهم في الشكل هذا وإنه ممكن يقبض روحهم بأي لحظه
في قصــــــر أبو رعــــــد:
فيصل نايم وهو يتقلب من إزعاج جواله مد إيده جنبه ع الكومدينه وأخذه
رد بصوت كله نوم: آآلــــو
بسام:هلا فيصل
فيصل معصب وكله نوم :هلا بسام خيــــــر
بسام: آفــــا نايم
فيصل ماله خلقه يبغى يرجع ينام:أيوه نايم وش عندك
بسام:ياللــــــه قوم نسيت إنا بنروح للشاليهات
فز فيصل وطالع الساعه:يـــوووووووه الساعه 6ونص
وأنا ماصليت ولا تجهزت
بسام:ههههه زين إني دقيت يالله بسرعه
فيصل بسرعه:باي باي
سكر الجوال وأبعد اللحاف عنه بسرعه وقام دخل الحمام وأخذ شور سريع ولبس بنطلون جينز أزرق وتي شيرت سماوي عليه كتابات بيضاء صلى وجهز شنطته بسرعه
دخلت عليه رغــد بعد مادقت الباب : مرحبــــــا
فيصل ابتسم وهو يسكر الشنطه:هلا رغوده
رغد تطالع الشنطه:بتطلع
فيصل أخذ الشنطه وإيده الثانيه كابه الأبيض:أيوه
رغــد: حــــــرام عليك اسبوع ماشفتك اجلس شوي
فيصل راح لها:والله ماأقدر تأخرت ع الشباب وبسام جاي بس أوعدك إني آزورك في بيتك
رغد بزعل: نشوف
باسها ع خدها:باي
طلع من الغرفه ونزل تحت وقابل أمه طالعه من الصاله
أم رعد: ع وين
فيصل:ع الشاليهات
نزلت ريم وسمعته:وا ا ا ا ا او بروح معك
فيصل لف لها بتريقه: لا والله
بطلع لحالي أنا ،،بروح مع الشباب
أم رعد،ومتى بترجع
فيصل: بكره أو بعده،،،تآمرين ع شئ
أم رعد:سلامتك
باس راس أمه:مع السلامه
طلع وطلعت وراه ريم
ريم :فيصل إوعدني
فيصل يمشي وهي وراه:أوعدك في إيش
ريم:إنك تقنع أمي وأبوي نطلع للشاليهات إذا رجعت
فيصل ابتسم:أوعدك
فجأه وقف وضرب جبهته بكفه:يوووووووه نسيت الاب
ريم:أروح أجيبه
فيصل يطالع ساعته:يالله بسررعه لأن بسام ع وصول
راحت تركض وفيصل طلع وشاف سيارة بسام توقف عنده
نزل بسام واقف وهو ماسك باب السياره:يالله تأخرنا
فيصل :لحظه شوي بجيب الاب نسيته
دخل للبيت بعد ماحط شنطته في السياره: حيــــــاك
دخل بسام وفيصل لف ورى لباب المطبخ اللي ع الحوش
نزلت ريم تركض ومعها الاب
بس وقفت عند الباب ورجعت ع ورى بسرعه لما شافت ظهر بسام وعرفت إنه مو فيصل من لبسه‎ ‎حمدت ربها إنه ماشافها
أم رعــد:وشفيك
ريم بلعت ريقها:يمممه فيه واحد في الحوش
أم رعد:أكيد بسام،،وين فيصل
دخل فيصل ينادي: ريـــيـــيـــم
ريم مدت له الاب وأخذه وطلع
نزل عادل كاشخ لابس بنطلون جينزأسود وتيشرت أبيض
ريم حطت إيدها ع خصرها:والأخ ويييين رايح
عادل:وش ذالقافه ،عندك السواق عند الباب أطلعي
ريم:ما أحب أطلع لوحدي
عادل يتلفت:أجل وين الآنسه رنا
ريم:طالعة مع هدى
عادل عاقد حواجبه:على وين
ريم تناظرأظافيرها:للسوق
عادل:ليش ماطلعتي معها
ريم بقرف:وع وع أطلع مع هدى ،،،،،الله لايقوله
عادل يضحك:ههههههه شفيك عفستي وجهك
ريم:مالقيت إلا هي ،،،،المهم وين بتروح
عادل:مارح أقولك باي
نزلت رغد معصبه:يااا ســــــلام أنا أجي وماألقى أحد يجلس معي غير أمي
ريم حطت إيدها على خصرهابعصبيه:وأنا إن شاءالله صايره جدار في البيت
رغد:ههههههه ماقصدت بس ماشفت أحد فوق فكرتك طالعه

عاد إنتي الخيروالبركه
ريم تنفخ صدرها:أشوى
جلسوا في الصاله
في بيــــــت أم هدى:
لميس جالسه بغرفتهاع السرير تكلم هند ع الجوال
هند بانفعال:ياعــل إيدها الكسراللي ماينجبر،،كيف رجلك اللحين
لميس:أحسن شوي مع إنها لسى محمره
هند:هذي ماتخاف ربها
لميس بتنهيده:تعبت ياهند منهم،،أحيانا أفكرأسافر لبريطانيا
هند شهقت:بريطانيا
لميس:بسافر يمكن ألقى أحدمن خوالي أبغى أفتك من هالعذاب
هند: لاتكفين لا تروحين وتتركيني بعدين يمكن ماتلاقين أحد وتجلسين هناك لوحدك
لميس:ههههههه عارفه،becos that i dide not tell
safagah abuot it ‎
المهم تذكرين البنت اللي قلت لك زارتنا هي وأمها
هند تحاول تتذكر:أممممم أيــوه
لميس:زارتنا مره ثانيه وشكلها تكرهههني
هند مستغربه:ليش وش عرفها فيك تكرهك وبعدين كيف عرفتي إنها تكرهك
لميس(قالت لها السالفه)
هندبانفعال:وجــــــع وش ذالبنت
لميس ضحكت ع انفعالها:هههههههههههه ،ولا بعد شكلها مغروووووره
هند باستهزاء:أكيد مادام الغنى والجمال بتكون مغروره
لميسk ‎‏ هند باي بروح أكمل شغلي
هند:الله يقويك باي
سكرت لميس منها ونزلت تحت دخلت المطبخ وصلحت العشا
وطلعت من المطبخ شافت سفاجه وهدى في الصاله راجعين من السوق ومعاهم أكياس كثيره
هدى طالعت لميس وطلعت من الكيس فستان وحطته ع جسمها تقيسه وتدور فيه
بغرور:يمه شفتي فستاني حلو صح بلبسه لحفلة مريوم
كان قصدها تقهر لميس اللي حز في نفسها إنهم ماكلفوا ع نفسهم وجابوا لها شئ "لي أكثر من شهر وأنا ما شريت ملابس ملابسي كلها قديمه مرره وأكثرهم أخذتهم هدى)
لفت للدرج وصعدت فوق دخلت غرفتها وسكرت الباب وتسندت بظهرها عليه تطالع غرفتها ماكان فيها إلاسرير صغير مهتري ودولاب صغير وكومدينه جنب السرير وتسريحه صغيره ومرايتها نصفها مكسور حتى أبجوره مافيها تنهدت وفتحت دولابها تحسرت لماشافت ملابسه اللي ماخذه ربع الدولاب من قلتها سكرت الدولاب وتسندت عليه وغمضت عيونها تذكر غرفتها في بيتهم
انفتــــــح الباب وفتحت عيونها شافت هدى واقفه عند الباب
هدى بأمر:تعالي رتبي ملابسي بس انتبهي للجديده لا تتقطع تراك دفشه وحقوده أخاف تقطعينهم من الغيره
لميس بثقه:وليش أغار الحمد لله أنا لوألبس خيشه طلعت حلوه علي
هدى باستحقار:تراك واثقه بنفسك بزياده خلي الثقه لأهلها
ابتسمت لميس بسخريه تطالعها:أكيد ماتقصدين نفسك
انقهرت هدى وصرخت فيها:مابقــــــى إلا إنتي تعلميني
ياللــــــه بسرعه روحي رتبي ملابسي وبلا فلسفه زايده
طلعت لميس وراحت غرفة هدى ترتب ملابسها وهدى جالسه عندها

في الشاليهــــــات
بسام ينادي فيصل اللي يلعب كوره:فيــــــصــــــل
التفت فيصل:خيــــــر
بسام يأشر له:تعــــــااال أبغااااك
راح فيصل عنده:هذاني جيت
بسام:روح غسل يديك وتعال ساعدني في الشوي
فيصل:خالد هواللي عليه الشوي
بسام:لا خلللود مو قد كلمته عجاز
فيصل:وينه
بسام:ههههه وينه يعني نايم عند الtv
فيصل مشى متجه لمدخل الشاليه:بروح أوريه الشغل ع كيفه هو يغير رايه أنا الطلعه اللي فاتت شويت
دخل للشاليه ولقى خالد منسدح
قدام التلفزيون نايم راح له وهز كتفه برجله:خلللووود قوووم
خالد يتقلب :ابعد خلني بنام
فيصل صرخ:خــويلــــــد قووووم
خالد قام معصب:خير وشتبي
فيصل:قوم الشوي عليك
خالد يتمغط:يوووووووه مالي خلق،،فيصل تكفى خذ مكاني
فيصل تنهد:ياااااربي عليك انت وذالعجز ،،وانت وش حاجتك
خالد رجع انسدح وتغطى:ابي أنــــــاااااام
فيصل عصب عليه وطلع يتحرطم
بسام:كالعاده ماقام
فيصل بعصبيه:ياربي أنا ماأدري من وين يجيب النوم حشى ولا دجاجه،،،بس أناأوريك فيه ماحد يصحيه للعشا اتركوا النوم
ينفعه
بسام:هههههههه أحسن يستاهل
فيصل:يالله قوم نبدا
بعد ماتعشوا جلسوا يسولفون ويشربون الشاهي طلع عليهم خالد من الشاليه يتمغط:خلص العشا
الشباب ضحكوا:ههههههههههههههههههه� �هههههههههههههه
بسام:ههههههههه والحمد لله شبعنا
خالد فتح عيونه بكبرها:تعشيتوا ولا صحيتوني
فيصل يشرب بيالته:خل النوم ينفعك
خالد إنقهر:حــــــــــرام عليكم جوووووعان ماخليتوا لي شئ
سامي:اخدم نفسك تملى كرشك،،،روح دبر عمرك
خالد:مــــــالت عليكم وش ذالنذاله
فيصل قام:بروح أتمشى من يجي معي
خالد بحقد:أيـــــوه وش عليك شبعان لك قوه تمشي
فيصل ينفث ع روحه:قل أعوذ برب الفلق،،قول ماشاءالله لاتصكني عين أرجع كل اللي أكلته عليك
خالد:الله يقرفك،،،،ماشاءالله
بس حرا ا ا ام جووووعان
فيصل:روح تعشى في مطعم علشان المره الجايه تلتزم بشغلك وتخلي عنك النوم
بسام قام وأخذ جواله:يالله فيصل
راحوا يتمشون واتركوا الشباب يعلقون ع خالد اللي مات غيظ منهم
في بيــــــت أم هدى:
سفاجه تكلم أم رعــد ع التلفون
سفاجه:شخباركم
أم رعد:الحمدلله بخير إنتوكيفكم
سفاجه:الحمدلله،،،،وشخبار رعد
أم رعد:الحمدلله،،بيرجع أن شاء قريب
سفاجه:مو كان بيرجع من شهر
أم رعد:أيوه،،بس أبورعد عنده كم شغله هناك وكلف رعد فيها دامه هناك
سفاجه:يرجع لكم بالسلامه إن شاءالله
أم رعد:آمين
سفاجه متردده:والله ياأم رعد أبيك بخدمه ومستحيه منك
أم رعد:تفضلي قولي اللي عندك ومايصير خاطرك إلا طيب سفاجه:هدى بنتي بتدخل الجامعه بس نسبتها......
أم رعد فهمت عليها:لا مايصير خاطرك إلاطيب إرسلي أوراقها وأبو رعد إن شاءالله يتكلف فيها
سفاجه انبسطت:مشكووووره ياأم رعد ماتقصرون والله،،،،،خالاص إن شاء الله أرسلها لك اليوم المغرب
أم رعد: ع خير إن شاءالله
بعد ماسكرب سفاجه نادت هدى تجيب أوراقها جت هدى معها الأوراق
سفاجه تاخذهم منها:هذي كل الأوراق
هدى:أيوه كلها
سفاجه بتفكير:بس المشكله إني قلت لها إن المغرب برسلهم لها واحنا الحين بنطلع
هدى:خلاص دقي عليها وقولي لها بكره ترسلينهم
سفاجه:لا فششله أنا ماصدقت وافقت أقعد أتشرط
هدى:خلاص خلي العله توديهم
سفاجه تغير وجهها:لا لا
هدى مستغربه:ليش
سفاجه تفكر ومتردده :أفففف خلاص بخليها توديهم وينها
في المطبخ دخلت ع لميس سفاجه:إسمعي(مدت لها الأوراق)خذي الأوراق هذي لبيت أم رعد الحين ترسل سواقها(تغير صوتها لتهديد)ويــــاويلك ياســواد ليلك تتكلمين أو تجلسين معاهم سامعــــه تعطينها الأوراق وتطلعين ع طول فاهمه وإن سمعت إنك كلمتيهم أو جلستي عندهم يـــــاويلـــك
لميس هزت راسها بخوف من غضبها وبنفس الوقت مستغربه منها (ليه ماتبيني أتكلم أو أجلس عندهم ليش هالإصرار هذا كله)
المغـــــــرب:
دخلت لميس للحمام وأخذت شور ولبست بنطلون جينز أسود وبلوزه سماويه كت وناعمه فكت شعرها ومسكت نصه بشباصه ونزلت خصل ع وجهها
ترددت تحط كحل أو لا
حطت كحل وقلوس مستغله فرصة إن أم هدى مو في البيت
طالعت شكلها في المرايه كيوت ولون عيونها الزرقا ماشي مع بلوزتها السماويه لبست عبايتها وطلعت شافت سياره لكسيزسودا واقفه عند الباب طلع منها سواق أجنبي وفتح الباب اللي ورى:تفضلي
انبسطت لميس واركبت حست إنها أميره في سياره فارهه وكشخه ضحكت داخلها لماتذكرت هند صديقتها واللي دائما تحلم أنها تركب سياره كشخه والسايق يفتح لها الباب
فجآه حست بطنهايمغصها وحست بتوتر وخوف لماانفتحت بوابه كبيره ودخلت منها السياره انبهرت لما شافت الحدائق الكبيره الخضراء المليانه ورد واللي تتوسطهم نافوره كبيره شكلهاروعه فتح لها الباب وانزلت شافت وخدامه فلبينيه جايه ناحيتها قالت لها تتبعها جلستها في الحديقه وطلبت منهاتفسخ عبايتها ترددت لميس وفسختها بس حطتهاجنبهاوراحت الخدامه داخل
لميس ماقدرت تقاوم شكل الورد وريحتها وقامت متجهه لها وقفت عند الورد تتلمسها وتشم ريحتها وهي تبتسم كانت تعشق شئ إسمه ورد تذكر رامي أخوها لما تزعل منه يجيب لها باقة ورد وترضى ع طول
دخل للقصر وانتبه لوحده واقفه عند الورد استغرب وفكرها ريم راح لها
ولماقرب منها كانت معطيته ظهرها وشكلهاسرحانه شاف شكلها من ورى ماكانت ريم
انتبهت لميس من سرحانها لما هاجمتها ريحة عطر رجالي قويه تجمدت مكانها لماحست إن فيه شخص وراها لفت وراها وانصدمت .....

يلا بليز كمليها
ماتتاخريش علينا
فى انتظارك

يلا في انتظارك