بسم الله الرحمن آلرحيم
عزيزاتي ،، أحب اقدم لكم اليوم روايتي الاولى بعنوآن " اطلق بنات "
آلروآيه من نسج آلخيآل ولا لهآ آي علآقه من آلعآلم آلوآقعي
طبعآ آلروآيه تدور حول شلة بنآت وهآلشله مكونه
من 5 بنآت آولهم
ندى وهي إنسانه ناعمه تحب تستهبل مع صديقاتها ومشاكلها ماتخلص حبوبه ومخلصه لصديقاتها
وكلهم متعلقين فيها يعني ع قولتهم اذا طلعت ندى من الشله مافيه شي اسمه شله بدون ندى
وملآمحهآ جدآ جذآآآبه بمعنى آلكلمه عيونهآ كبآر وآسعآت ورموشه كثيفه وهي اللي معطيه شكل لعيونهآ آلكبآر
خشمهآ طويل كآنه سيف وشفايفها شكلهآ روعه حوآجبهآ خفيفه ومرسومه رسم ولهآ غميزآت شعرها طويل ونآآعم حريري
نحيفه نحف طبيعي جسمهآ رشيق وكل يوم لآزم تسوي تمآرين وعندهآ سير آللي زي آلدرآجه هو آفضل شيء
بالنسبه لها وهي بنت شاطره بدراستها ونسبتها كل سنه ترفع الراس وهي بثالث ثانوي داخله علمي وعلى أن ملآمحها
أنثويه جدآآ وبمعنى الكلمه الا انها تميل احيانا لاسلوب الاولاد كآنت تحب تتابع مباريات واجد وهي تشجع نآدي آلهلآل وتحب تلعب بلايستيشن
دآآيمآ مشيتهآ عربجيه حتى صديقاتها يقولون لها دايما تعدل مشيتها لكن ماتعرف لانها تعودت على مشيه وحده وهي مشيتها الطبيعيه
،،،،،،،
ساره طيبه وحبوبه ضحكتها تجنن تحمل كل معاني الرقه والانوثه واكثر اوقاتها طفشُآنه وصوتهآ جدآآ رآآئع لدرجة انها اذا قعدت
طفشانه تجلس تغني لنفسها وكلها اغاني تعبر عن شعورها سآره ساره مليانه شوي عيونها صغيرهـ لكن معطيتها جمال جذاب
بمعنى الكلمه ساره شعرها طويل الى نص ظهرها ومدرج معطيها شكل ناعم وحلو ساره تحب برامج الموضه والازياء وكانت تتابعها
أول بأول وكآنت تدلع دايما تحب تظهر دلعها لكن من غير ماتخلي البنات يطفشون منها الا ندى كانت تنقهر لما تشوفها تدلع تحب اسلوب
الخشونه ندى اما ساره فعكس ندى تماما دايما تحب تلبس جاكيتات بالمدرسه على ان مستواها المعيشي مو مره كويس لكن كانت تحب
تدلع نفسها وتكشخ نفسها مو بهدف انها تترزز قدام البنات ولا شي لكن اهتمام بالنفس عيبها الوحيد انها اكثر الاوقات تكون هاديه يعني فيها
برود نوع ما وهي انسانه بيتويه يعني ماتحب تطلع مع البنات لا جو يطلعون وداخله علمي مع ندى وزينة ولها اخت اسمها هدى متزوجه وعندها بنت
اسمها خلود بثالث متوسط دايما ساره تقعد معها ويستانسون لان سنهم قريب من بعض واحيانا تجلس مع هدى اختها وتسولف لها عن اي شي
،،،،،،
ريم تقدرون تقولون اخت ندى وساره هع ريم جامعه بين النعومه والعربجه وهي انسانه مرحه جدا يعني هي اكثر وحده تسوي جو
بالشله وهي من النوع اللي اذا تضايقت تكتم بداخلها ولا تشكي لاحد هي طويله مليانه شوي جسمها حلو ومخصر ستايلها جدا
رآآئع وجذاب وهي من النوع اللي بسرعة تعصب على انها مرحه وتحب الاغاني الاجنبيه ومجنونة نت وداخله ادبي مستواها نص نص
مو شاطره ولا كسلانه واحيانا تهرب من الحصص يعني مرجوجه شوي دلعها مو مره تدلع ملآمح وجهها عاديه ماكان فيها لا جمال ولا اي شي شين
وتحب المصارعه على شكلها الناعم شعرها زي الكوريين وهي تحب كوريا بشكل جنوني حتى ان اغلب كلامها مع الناس كوري
ريم يوم هي صغيره تربت في الخارج بـ كندا ومن هي صغيرهـ تتكلم انجليزي اول مره جت فيها للـ ksa كانت اللغه العربيه قمه بالصعوبه لكن بعد ماكبرت
وتعودت على الكلام العربي صارت تتكلم عربي عربي وام ريم كنديه علشان كذا كانت عايشه بكندا ابوها سعودي يحب السعوديه لكن يفضل كندا
وريم عندها اخت اسمها لينا واخ اسمه فيصل كانت قريبه مره من لينا اختها ومعظم الاوقات تقضيها بالمكالمات مع لينا لينا عمرها 25 سنه متخرجه
وتخصصها دكتوراه وهي حاليا ساكنه بكندا مع فيصل اخوها اللي ماسك شركة ابوهم في كندا اما ام ريم وابوها كانوا بالسعوديه وبالاجازات دايما
يروحون لكندا ويتسلون مع لينا وفيصل وريم كانت تفتقد اختها كثـــير علشان كذا تعتبر شلتها هم خواتها وتحب تقضي اكثر اوقاتها معهم
،،،،،،
فاطمه فللله ومع فلتها داخله ادبي لان العلمي بالنسبه لها شي معقد وكانت دايم تتهاوش مع ندى على سوالف العلمي والادبي فاطمه
بنت لها 3 اخوان وهي وحيدة امها وابوها اخوها الكبير كان يشتغل بشركة ابوهم واسمه محمد واخوها الثاني اصغر منها بسنتين واسمه تركي
اخوها الثالث بـ أول متوسط واسمه ناصر كانت اكثر اوقات فاطمه على النت تشغل نفسها بأي شي ودايما هي رايقه مهما كان الوضع فهي رايقه
تحب الشعر ومن هواياتها الزخرفه والرسم حتى في بيتهم فيه غرفه كبيره مليانه لوحات من رسم فاطمه وهي لها ذوق وطابع شخصي خاص
رسمها كان قمه بالابداع والكل كان يشجعها وتحب الرسم بشكل جنوني وهي دايما تقعد على النت تتعلم دروس ميك اب تحب الموضه والازياء
يعني الفاششن بشكل عام ودايما تسولف يعني راعية سوالف وثرثاره على قولة ندى ماتحب تتهاوش مع احد وهي خجوله جدا وتتمنى بيوم
تلقى فارس احلامها اللي يسعدها كان تفكيرها اكثره بالمستقبل وش راح تسوي وكذا وهي راعية طلعات ماتحب تقعد بس تحب تطلع وتتحرك
والحلو بفاطمه انه بشرتها برونزيه معطيتها شكل توحفه وعيونها عسلي فاتح وشعرها لونه بني غامق خشمها طويل وحلو حواجبها كانت مثلثيه
من اخر الحاجب ولونها بني ورسمت شفايفها جايه من فوق على شكل دائري معطي شكل ناعم لفاطمه ودلع فاطمه فتو
،،،،،
زينة بنت حبوبه اكثر ماتقعد مع ساره لان ماتحب تشوفها طفشانه وهي داخله علمي شاطره مثل ندى وماعندها ستايل معين ولها 3 اخوان
سالم ويدرس بكندا وله معرفه باخو ريم فيصل يعني هم اصحاب وطلال بأول كليه حلمه انه يسافر امريكا ويدرس هناك لكن ماحالفه الحظ و
خالد صغير بأول روضه دايما يتمشكل مع زينة وهي ماتعطيه وجه واحيانا تسكت له زينة من هواياتها القراءه والكتابه تجلس بنهاية كل يوم
تاخذ دفترها الكبير وتكتب فيه يومياتها وش صار معها ووش ماصار واحيانا ماتكتب على حسب مزاجها وزينة شاطره بدراستها اكثر اوقاتها درس
ودايما من عوايدها تاخذ جوالها وترسل نكت للشله يعني وهي اللي تحب انها تطلع البنات واكثر شي تحب تطلع مع فاطمه لان فاطمه راعية طلعات
زينة ملامحهآ حلوهـ عيونهآ كبآر حوآجبهآ عريضه لكن مو مره بشكل حلو ومرتب وخدودهآ دآئريه وحمراء معطيتها شكل حلو شعرها لونه بني فاتح
طويل ودايما تسوي تسريحات بشعرها وزينة تعاني من امراض اولها العمى الليلي يعني بالليل ماتقدر تشوف الا بصعوبه لازم احد يدلها على الامكان وكذا
وبعد تعاني من الفستق ماتحب تاكل الفستق لانه يطلع بوجهها حبوب كبيره تشوه منظرها وهي بيضـــــــــآء بشرتها بيضاء وبيضاها مره حلو لدرجة انه اغلب
البنات يحسدونها على بيضاها الحلو زينة حلمها انها تصير مدرسه انجليزي تعشق الانجليزي والرياضيات علشان كذا كان بسهوله تدخل علمي
،،،،،
والحين بعد ماعرفتكم على الشخصيات نبدا الروايه
×××××××××××××××××××××××××××××××××××××××××××××
آلجزء آلآول
×××××××××××××××××××××××××××××××××××××××××××××
بعد الاجازه كان اول يوم دراسه والكل متححمس ريم كانت مسافره لكندا هي واهلها كلهم وراحت اماكن كثيره بكندا وكانت حيييل حلوه ومافيه مكان ماراحته
الا وصورت نفسها فيه هع والمفاجأه انه حتى زينة كانت تتقابل مع ريم بكندا لان اخوانهم لهم معرفه ببعض طبعا بذيك الاوقات زينة كانت مييته على فيصل
اخو ريم كان انسان جذاب بنظرها لكن هو فيه طبع غرور على قولتهم رافع خسمه هع هع اما ندى فقضت اجازتها بالشرقيه كان ودها تروح للخارج زي كل اجازه
لكن ابوها ماوافق علشان عنده اشغال اهم من السياحه وحطهم عند جدتهم ام ام ندى وجلست هناك مع جدتها هي وامها اما ابوهم ماكن متفرغ لهم فاطمه
راحت لـ دبي واشترت اشياء كثيره تخص الميك اب وملابس وجاكيتات واشياء كثيره لدرجة انه اخوانها طفشوا منها من كثر ماتشتري و24 ساعه رايحه لمطاعم و
كافيهات اشكال وانواع ساره راحت لـ الكويت عند بنات خالاتها غاده وسلمى واستانست معهم مره واشترت لها جاكيتات وانواع الشوز السبورت واشياء جدا ناعمه
الصباح في بيت ساره هدى اخت ساره كانت تاركه خلود بنتها عند ساره وساره كانت دايما تستانس معها صحت ساره ع الساعه 4 الكل كان نايم راحت توضت وصلت
وطلعت مريولها الجديد وشوز جديد سبورت كان سبورت وناعم بنفس الوقت لبسته وطلعت حلق صغير دائري لونه اسود وعليه لمعات من برا معطي شكل روعه
لساره بعد ماتجهزت راحت ولبست وخلصت تعطرت بعطرها من ماركت Boss العطر ريحته كانت منعشه وللمعلوميه انه ساره ماتحب تشتري الا العطور المركزه
بعد ماتعطرت ولبست الشرآب وآلجزمه وآنتوآ بكرآمه رآحت تستشور قذلتها وكانت جايه طبقات حطتها على جنب وطلع شكلها روعه شعرها ربطته بشريطه فوشيه
ورفعتها فووووووووووق وحطت مرطب لونه فوشي بنكهة الفراوله ونزلت تحت بعد ماخذت معها شنطتها الجديده وعبايتها الجديده ونزلت باست راس امها وابوها
ساره : صبآح الخير
ام ساره وابوها : صباح النور
ابو ساره : يلا افطري بسرعه علشان اوصلك المدرسه
ساره : امداني نزلت انا علشان افطر ؟
ابو ساره : اقول لاتكثرين كلام وخلصيني بسرعه
ساره سكتت وجلست تاكل الين ماخلصت وراحت المطبخ وجابت مشروبات كانت شاريتها للبنات علشان يستانسون مع بعض خذت المشروبات وحطتها
بكيس وحطتها بشنطتها وراحت مع ابوها علشان يوصلها للمدرسه كانت متحمسه بقوه لانها راح تقابل صديقاتها وراح تسولف لهم سوالف كثيـره
:::::::::::::::::::::::::::::::::::::::::::::::::::::::::::::::::::::::::::::::::::::
في بيت فاطمه معروف عندهم ان فاطمه راعية نوم جاها اخوها ناصر وصرخ بأعلى صوته بأذنها
ناصر : قومـــــــــــــــــــــــي يآدجآآآآآآآآآآجه
فاطمه : دجااجه انت يالغبي
ناصر : اقول قومي يلا ماتبين تشوفين صديقاتك اللي غثيتينا فيهم كل هالعطله
فاطمه : وانت وش دخلك يمه منك نششبه !! < حسيت هع
ناصر : اقول لايكثر ويلا قومي
فاطمه قامت وشكلها خطيــر كانت لابسه بجامه لونها بنفسجي على اخضر فاتح والبجامه من تحت كانت مرفوعه عند الرجل اليمنى واليسرى نازله خخخ
دخلت الحمام غسلت وجهها توضت وصلت الفجر لبست مريولها وراحت جعدت شعرها ماكان لها نفس تستشور لبست حلق لونه بني على بيج وشكله توحفه
ولبست الشوز الجديد كان لونه بني ولبست جاكيت بني عليه نجوم لونها بيج وسكرت نص الجاكيت من قدام ولبست شنطتها وخذت عبايتها من عوايد فاطمه
انها ماتفطر لبست عبايتها وعلى طول وداها السواق للمدرسه طبعا بنص الطريق نامت وكانت تشاخر وهي نايمه والسواق ميـــــــــــــــت من الضحك عليها
:::::::::::::::::::::::::::::::::::::::::::::::::::::::::::::::::::::::::::::::::::::
في المدرسه
فاطمه بالقوه صحت السواق تفشل كلن قام يطالع لهم وهو ماغير يصحي بفاطمه وفاطمه بعد تعـب قامت واول ماوصلت فاطمه ودخلت المدرسه شافت ساره
من بعيد راحت بشويش بدون ماتحس ساره وغمضت لها عيونها ساره خافت بالبدايه لكن بعدين ابتسمت وعرفت انها وحده من صديقاتها
قالت ساره : امممممممممم مين ؟
فاطمه : خمني
ساره : امممممم ندوش ؟
فاطمه : لالا مو ندوش
ساره : يلا عاد مين ؟
فاطمه : قولي اخر مره اذا طلع صح ولا مو صح بشيل يدي
ساره : فتو ؟
فاطمه : يالبى اللي قالوا فتو شالت يدينها عن ساره وضمتها ضمه قويــــــه
ويوم خلصوا التفتوا لقوا وراهم ندى وزينه سلموا على بعض كلـهم وأستغربوا تأخر ريم راحوا كلهم وحطوا شناطهم وعباياتهم كل وحده كان شكلها احلى من الثانيه
وراحوا يتمشون وكل وحده تسولف عن المكان اللي راحت له ومين شافت وكذا
ندى : ألعن عطله ماتونست اببد
سآره : لآ بالعكس انا وناسه حييييييل
ندى : ايه انتي استحاله تجين من اجازه طفشانه !
ساره : قولي ماشاء الله يمه
ندى : ماشاء الله
طلعوآ آلبنآت برآ بآلحوش كآن آلجو برآآآآد ويجنن على الصبح قعدوا على الكراسي ويسولفون
وسمعوا صوت من وراهم : يآليل دان يادن دانه
لفوآ آلبنآت ويطآلعون آلا يلقون ريم آللي تغني ويقمون كلـهم ويعفصونهآ وكل وحده تضمها بأقوى مآعندهآ إلين مآصرخت ريم
وقالت : بــــــــــــــــــس ! ذبحتوني يالهمج الحمدالله الناس تجي بذوق مو بدفاشه
زينة : هاذي جزاتنا مشتاقين لك يالهطفه
ريم : اشتاقوا لي لكن مو كذآ
ندى : آقول لآيكثر وقومي يلا بروح اتمشى استنشق اكسجين
وبعد ماقاموا زينه : بنات والله اني اشتقت لكم مرهـ
ندى بكل عربجه : طيب وبعدين ؟
زينة طالعت فيها باستحقار ومشت ندى ركضت عند زينه وباستها على خدها
وقالت : والله مو قصدي ازعلك بس طفششاااااانه ححدي
زينة : ططويب يآلطفشآنه امشي
ريم : مآحد سحب
فاطمه وساره : من جد !
ودخلوا البنات بسرعه علشان رن الجرس والحين تبدا الحصص
ندى وساره وزينة راحوا لسيبهم (العلمي )
ريم وفاطمه على سيب الادبي
يوم عدت الحصص الثلاث الاولى طلعوآ آلبنآت للفسحه وطلعت فاطمه الكيس من شنطتها أللي جابت فيه المشروبات
فاطمه : بيبسي
ريم : بايسن
زينة : سفن أب
ندى : ميراندا فروآله
ساره : بيره بالتفاح
ريم : بنات تدرون والله احلى اجازه ياحياتي ياليون والله مشتاقه لهآ (so0o much ) استانست حيـل بـ كندآ
زينة : دووم فديتك انا
ريم : يسسًلمو
ندى : وين رحتي بـ كندآ ؟
ريم : ليون طبعآ دليلي آلسياحي ههههه ودتني لمتحف فيه لوحات رسم والله توحفه ومن شفته تذكرت فتوو
فاطمه : ياحيآة فتو وشلون كآن شكله المتحف حلو ولا ؟
ريم : كلمة حلو قليله صراحه قمه الديكور واللوح والالوان حتى الرسم صراحه قمـه بالابداع
ندى : ايه هاذي كندا مو الشرقيه
ساره : وليه وش فيها الشرقيه والله حلوه وجوها احلى من الرياض بعد
ندى : بس مافيه احد يونسني
فاطمه : يلا مو مشكله هاذي هي جت الدراسه وبتتونسين معنا
ندى : نشوف
وفجأه ريم استخفت وقامت ترقص والبنات يطالعون لها متفآجأين من حركاتها
ندى : هيييه انتي وش فيك استخفيتي
ريم كانت معطيتهم ظهرها لفت وقالت لهم : بآيسن كلك حركآت !
ندى وساره وفاطمه وزينه : ههههههههههههههههههههههههههههههههههههههههههه
زينه : الله يرجك والله مرجوووجه اليوم مو صاحيه
فاطمه : بقووهــ !!
ساره : قيرلز شفتوآ ميك آب احمد القبيسي يآآآآآآي حدهـ كيوت آلميك اب
ندى : تكفين عااد اطلعي برآ
ساره : انا اصلا برآ يآلخبله
زينه : آووهـ منكم خلآص مآنبي آزعآآآج نبي ننبسط اليوم وبس
فاطمه : ايه تكفوون
ريم : خلوني آقولكم بعد وين رحت بكندآ
زينه : قوولي
ريم : اممممم رحت هنآك مطآعم وكآفيهآت تجـنن وديكوراتها مرررررررره رايقه
ندى : وش عندك مدققه على الديكورات شكلك بتصيرين مصممة ديكور
زينه وساره : هههههههههههه حلللوهـ
رن الجرس والبنات كل وحده على فصلها طبعا كانوا متفرقين كللهم لان الابلات دايما يشتكون منهم وكل وحده كانت تطفش لحالها
بعد ماأنتهى الدوام عندهم مكان محدد فيه شجره كبيره عند الباب الرئيسي للمدرسه يوقفون كلهم هناك وبعدين يسولفون شويات
وكل وحده تروح على سواقها البنات لبسوا عباياتهم وتجمعوا كلهم عند المكان المحدد اللي وصلوا كانوا واقفين كلهم هناك
ندى : يلا بنات انا بروح جآ آلسوآق
البنات : بآآآآآآآي
وسلمت على البنات وراحت
وبعدها جا سواق فاطمه وبنفس الوقت سواق ريم
زينه : سوسو من بيجي ياخذك
ساره : اممم السواق
زينه : طويب وش عنده ماجا ؟
ساره : والله مادري
زينه : امشي خلينا نجلس ع الكراسي
ساره : يلا
وبعد ربع ساعه الكل راح مافيه احد بالمدرسه ومابقى الا زينه وساره ينتظرون
ساره : اففففف طفشت وينه هذا مو جاي
زينه : امشي ساره معي طلال الحين يطلع من الكليه وبيجي ياخذني تعالي معي
ساره : لا خييير فشششله
زينه : افأأأأ ماهقيتها منك سوسو انا تتفشلين مني يلا قومي هذا هو جا يلا عاد
ساره حست باحراج كبيــــر والسواق حقها ماجا وكانت تفكر اذا قعدت مافيه احد الا الحارس والسواق فقدت الامل انه يجيها وبعد ماضغطت عليها زينه
ركبت بالقوهـ بالسياره
ساره : السلام عليكم
طلال : عليكم السلام
زينه كانت مفكره بخطه جهنميه هع تبي تخلي ساره تخق على طلال وطلال يخق عليها
فقالت : اقول سوسو وين بيتكم ؟
ساره بداخلها : يعني الحين ماتعرفين وين بيتي
زينه : ساره وينك اسألك
ساره بصوت واطي مو مسموع : انا اوريك
زينه : ارفعي صوتك مااسمع
طلال قرص زينه وبغى يعطيها كف على حركاتها
زينه : أأي وش فيك انت تقرص
طلال سكت وساره وزينه سكتوا
فجأه طلال كان يطالع بالمرآيه وتأمل عيون سآره الصغيرهـ لكن كانت حاطه كحل ومطلعها كبيرهـ ورسمت عيونها تجنن ساره ماكانت منتبهه لطلال
كانت تطالع للناس اللي برآ وفجأه قال طلال : شخبارك ساره ؟
ساره انصدمت من جرأته وردت عليه لآشعوريآ : بخير ياعلك بخير
زينه كانت منصدمه وبداخلها ضحكه مو طبيعيه
ساره : وانت شخبارك ؟
طلال يوم جا يبي يجاوب
زينه انفجرت ضحك : ههههههههههههههههههههههههههههههههههههههههههههههههههههههههههههههههههههههههههه
ساره تفشلت من ضحكة زينه كانت بصوت مرتفع وطالعه من قلب هالضحكه زينه بالقوه سكتت
وبعد ماسكتت قالت : عشنا وشفنا اللي يشوفكم يقول تعرفون بعض من زمان ؟
طلال عصب من زينه وساره حست بالفشيله بقوه خصوصا لما كانت تضحك ساره واخيرآآ طلال وصل لبيت ساره
ساره : يعطيك العافيه تعبناك معنا
زينه : لا ابد ماتعبتينا كل يوم تعالي هههههههههههههه
طلال : الله يعآفيك مآسويت آلا آلوآجب
سآره خلاص ذآآبت على آسلوب طلال حسته ذوووق وبذمه بعد وبنفس الوقت كان نفسها تكفخ زينه
اللي فشلتها تفشيله خطيـرهـ وبعد ماراحت ساره ودخلت البيت
طلال : وانتي ماتستحين ياقليلة الادب كل شوي تضحكين استغفرالله بس
زينه : لا ابد تاركه الحياء لسوير والله انت اللي شخبارك ساره خيير وين حنا فيه ؟
طلال : طيب وش فيها سلمت والسلام لله
زينه : اقول لايكثر
طلال : انا مادري وشلون موصلك انزلي بس يلا
ونزلت زينه ع البيت وكلمت ندى وقالت لها عن هالموقف اللي صار
يآترى وش بتكون ردة فعل ندى ؟ ساره هل فعلا اعجبها طلال ولا كل الكلام مجآمله ؟ طلال يفكر بساره ولا مآيهتم ؟
تآبعوني بآلجزء آلثآني من روآية آطلق بنآت
Hitskin.com
