:.::9: :.::9: :.::9: :.::9:
السلام عليكم ورحمه الله وبركاته
اخباركم يا عسولات ..
المهم ...
قصيده بلاد العز السعــــــــــــــــــــــــوديهـ
يثور الشعر في قلب الشعور ومن وراه تثور
شرايين الغلا بأصدق مشاعر شلتها فيها
غرام بلاد من صغري نما فيني وانا معذور
أحب ترابها واعشق بحَرها مع شواطيها
على جـِيد الشموخ اسمٍ لها فوق السحاب يدور
سطع بين البلاد بعز حاضرها وما ضيها
بلاد العز في وجه الأراضي خيرها منثور
بكرَمها غنّت الدنيا وهي غنّت لياليها
تصبّ الحُب بقلوب البلاد وطيبها مذكور
تمد جسورها تصافح كفوف اللي يناديها
عظيمه في عيون الناس ممساها شذى وزهور
وأشوف الكون بحدوده يفوح بجُود اياديها
لها بين الأمم قدر ولها وسط الصدور حضور
كثير احبابها والله مـن الحسّاد يحميها
بلاد السيف يا دُرّه سياستها على دستور
من القرآن والسنه ومن فحوى مباديها
تصون الدِّين ما ترضى يكون بأرضها محظور
أصيله وشانها عالي أموت بطهر اراضيها
فخَرها بالعلـَم سيف وحروف يفيض منها النور
وفخَرنا بالحياه نصدّ عنهـا كيد اعاديها
ملكها فارس التاريخ ابوها الحاكم المشهور
زعيم الشعب ابو متعب حبيب قلوب اهاليها
ربَيت بحضنها شامخ شموخ جبالها والسور
قسم بالله لو تطلب حياتي قلت انا افديها
بكون اقرب لها منِّي واعيش بقلبها مسرور
لأن الروح ما تهنى سوى بنسمة روابيها
هي الأصل وهي الفصل وغلاها بالصدَر محفور
عَشَقت جبالها الشُمّ وعشقت ورُود كاديها
غياب ايام هُو عنها ترى حسبة غياب شهور
أجي ملهـوف من شوقي لها ماني بناسيها
واقول الشوق يا بلادي غدى وسط العروق يفور
وجيتك بالغلا شايل مشاعر قمت أغنِّيها
صباحك مسك يا بلادي وليلك بالفرَح ممطور
مسائك مسك يا دوله أموت بكلّ ما فيها
وبس
اتمنى اشوووف ردود حلوه .... وسلام
منقــــــــــــــــول
ــــــــــــــــــــــــــــــــــــــــــــــــــــــــــــــــــــ
:مع السلامة3: :مع السلامة3: :مع السلامة3:
