اللب لا من تعوّر بان بالقشره
.............والعين بيّن عليها... كسرة... الخاطر
جرحتني جرح .. ياكُبره ويا قُشره
.............ولا يهمك تشوف..... الجرح. يتقاطر
كم قلت لك غلطةٍ للشاطر بعشره
.............وانا انتهى الصبر والعشرات يا شاطر
طعنت حبك وشفت إدماه منطشره
.............بسيف نكرانك ......المتمرد الشاطر
هو كيف تنسا الصفا يا صافي البشره
.............مشيت درب الجفا .. من دلك إتخاطر
ما تذكر التضحيه والطيب والعِشره ؟
.............ولاّ نسا. غصن قلبك .. قلبي الماطر
من حبنا كان حتى همنا خشره
.............مهما صغر همّنا .. لا بدّ ....نتشاطر
خذ الخبر موجزٍ .. مايلحقه نشره
.............من قلبي اللي ...بطر به قلبك .الباطر
في حكمتي : من شرى في خوتك ف إشره
.............في وقت صار المعزب .. يكره الخاطر
القلب منضام .. والنبضه علي تشره
.............والصبر زوّد وصارت.. بكرته ؟ فاطر
بالأمس أغني لك ( أبصم لك على العشره)
.............واليوم اغني ( خلاص وعافك الخاطر)
