رواية تلااااشت قواي بين يديك
في بيت بوخالد
الكل مجتمع عنده كان مسوي عزيمه عوده بمناسبة رجعة خالد
شجون جالسه مع الحريم بس قلبها مع خالدتنطر الكل يطلع عشان تختلي معه وتاخذ اخباره منه هو
شاكه ان في شي خاصة ان ام خالد لما سألتها جدتها عن مرته ريم كانت معه بالسفر
ردة بغضب :لا والحمدلله الي فكه منها
مافهمت شي هل هو فعلا خالد ترك ريم او بس لان خالتها تعزها تسب ريم قدامها
ام خالد بإهتمام دنقت على هبه وقالت:خذي فهود معك الليله
هبه الي بعدها شايله على خالد:ليش
ام خالد:تعرفين خالد توه راد من سفر واكيد محتاج انه يقعد مع زوجته بروحهم بدون ازعاج
هبه بنرفزه:بس هذا ولده وملزوم يتحمله
ام خالد بنفاذ صبر:هبه خلاص لاتعبين نفسك انا الغلطانه قلت لك كنت خايفه ان شجون ترفض قعدته عندي
هبه قاطعتها:انا ماهب مزعجني اخذي لفهود عندي بس انا قاهرني ولدك عقب سواته في بنتي هاملها من كانت انفاس والحين راد وتبيني اوفر له سبل الراحه وكأني اكافئه على سواته
ام خالد بحزن:ماودي اقول لك بس اكيد لي عرفتي بتعذرينه
وجلست تسرد لها السالفه
بعد ساعه
خلصوا عشاء وحس انه مل من القعده وده يروح يرتمي بحضنها الدافي
ويعوض عن حرمانه دق عليها بعد ماأستأذن وطلع عشان يرتاح
دخل جناحه شافه مرتب ومجهز وتفوح منه ريحة البخور
جلس على كنبه ينطرها
شجون استأذنت وشالت ولدها بتطلع ماصدقت دق عليها حست انها بتطير من فرحتها
هبه بأصرار:عطيني فهود باخذه معي اخوج وابوج يبونه مشتاقين له حيل
شجون بين الموافقه والرفض ودها عشان مايضايقهم وماودها لان غريزت الامومه تمنعها من بعد ولدها عنها
ام خالد بتأيد:خليه مع امج لاتحاتين مابيصير له شي ان شالله وانتي روحي لزوجج
هبه وقفت ومدت يدها وفهود الي متعود عليها نط لها احضنة قالت بحنان:روحي يمه لزوجج وخلي فهود عندي هاليومين بس
شجون لا يمه ماقدر جت بترد بس ام خالد جرتها تروح وهي تقول :روحي تأخرتي على ولدي وترا شناط فهود جهزناهم انا وامج وطلعتها لدرج بعد ماباست خدها وكملت بحب: ارجوك يمه لاتضايقين خالد بشي الي فيه كافيه حاولي انج تنسينه بنت ابليس وراحت عنها بعد ماشافتها شجون وهي تمسح دموعها
عند غلا
نزلها عزام عند ابوها الساعه سبع المغرب
وراح وهي ماوقفت دموعها الي من الصبح تذرف حتى ان عزام انتبه لها وبررت له انه مجرد تعب بسيط عشان مايحاتي
هي كانت صج تعبانه نفسينا وجسديا حتى ان جسمها بدا يضعف بشكل ملحوظ
غلا الي من دخلت وهي تصيح ابوها انقهر منها قال بغضب:انتي وبعدين معاك لمتى وانا افهم فيك عزام مايصلح لك ظالم ومغرور وفوق هذا داشر بعد
غلا بشهاق: بس انا راضيه فيه ولا اني اروح اعيش عند امي الي ماذكرتني وانا بحاجتها
وجايه الحين تاخذني وموبرضاها بعد غصبينها
ابوها بضيق لان الي قالته صدق وامها ماتبي تشوفها عقب ماقدرت تنساها
خوفا من انها تعلق فيها
قال:يابوك يمكن لي شافتك تحن عليك وتحبك انتي مهما كان بنتها
غلا طالعت لأبوها بنظرات مافهمها وقالت بنفسها:طول عمرك ضعيف وبتظل ضعيف يابوي بالأول ماقدرت تحميني من عزام واستسلمت لقراره والحين بعد موقادر تتصرف مع رفض امي لي
قامت وطلعت عنه من غير لا تهمس بكلمه
حاسه بخنق وكأن ايدين تضغط على رقبتها ضغط وتحاول تموتها
ماحست بنفسها ألا وهي في جناحها الأولي هي وعزام
جرتها رجولها لهالمكان منغير لا تحس
رمت نفسها على السرير الي احتضن عزام بروحه ومحتفظ بريحته فيه وقعدت تصيح بشهاق
قرب الصبح يجي وقربت لحظة الوداع
في بيت عمر
حاس براحه كون حنان تحسنت حيل عن اول وماقامت تضايق منه
كان جالس بمكتبه يجهز بعض الاوراق الي تخص طلابه
انتبه لحنان الي دخلت عليه بكأس حليب
ابتسم لها صج انك اسم على مسمى حنان وتنطق بكل انواع الحنان
حنان بعد مانومت بندر الي ماينام ألا بحضنها وبعد ماتقص له قصه
شافت ان عمر مو بالغرفه وان ليت المكتب حقه مولع عرفت انه فيه وانه عنده شغل خاصة وان الدوامات باقي لها اسبوع بس
جهزت له حليب حاله حال بندر تعرف ان عمر بطبعه غيور ويحب انها تهتم فيه فحبت تعامله مثل بندر لانها حاسه انه يغار منه بعد
شافته يبتسم لها وقال بسخريه:ذكرتيني بالوالده ايام الثانويه
حنان ببتسامه نزلت له الكوب وقالت:وهذا انت بفضل الله وفضلها صرت دكتور بالجامعه
كملت بحب وهي تضغط على خده بخفه: وانا بكون مثل خالتي وكل يوم بحط لك حليب حالك حال بندر وابتسم
رفعت نفسها وجت بتروح وتجلس بس هو مسكها وجلسها فوق فخوذه بعد مالف بكرسيه عن الطاوله قال بحب وهو يحضنها ويبوسها بخدها ورقبتها: خلاص بقول لك ماما حنان بعد
حنان بسعاده وهي بين حضنه الي فقدته فتره بعد ماسأءت حالتها
حست الحين بالشوق له حمدت ربها فترة الوحام خلصت هي الحين بتدخل الخامس بعد اسبوع
عمر ويده تحسس بطنها الي برز قال بدلع:ياخوفي يجي هذا ويشحتني انا وبندر بعيد وياخذ كل الحنان عنا
حنان بضيق:حرام عليك انا لايمكن افرق بينكم ابد كل واحد وغلاته
عمر بشوق: شاسوي اذا باول ايامه حذفني حذف الكلاب وخلاك تكرهين قربي عاد الله يستر لي شرف
حنان ضحكت وهي تبعد يدين عمر الي قعد يدغدغها وهو يقول: هين تضحكين علي ياحنون
مع ودي واحترامي
من مواضيع : تاج العيون
رواية مرايم كاملة | رواية اشكي للي بين ضلوعي الجزء الاول كاملة | رواية يارب تخليه وتبقيه لعينين ترجيه 2 كاملة | رواية بنات السفير كاملة | رواية شفت الحبيبه كويتيه كاملة |
تاج العيون
مشاهدة ملفه الشخصي
إرسال رسالة خاصة إلى تاج العيون
البحث عن كل مشاركات تاج العيون
منذ /01-08-2009, 07:30 PM #27
تاج العيون
رقم العضوية : 12642
تاريخ التسجيل : Jul 2009
المشاركات : 100
تقييم المستوى:
النقاط : 5
رد: رواية تلاشت قواي بين يديك2
--------------------------------------------------------------------------------
عند ضي وعلي
دخلوا بعد ماطولوا بسهرتهم برا وداها سنيما ومطعم وفروا بالسوق شوي
بعد ماانهد حيلهم ارجعوا
بعد فتره
طلع علي من الحمام بالفوطه وقعد على السرير
ضي ادخلت بعده وطلعت بعد ماازاحت تعب التمشي
شافت علي بعده بالفوطه استحت هي حمدت ربها انها اخذت لها لبس معها بالحمام وألبسته
كان شورت سماوي وبدي رقبه سماوي بنقش ابيض خفيف
علي تعاجز يلبس حاس بعوار بظهره هو بسبب الفروسيه وترويضه للخيول الدايم والإصابات الي يحصلها منها سبب ألام مزمنه بظهره مع عجز بسيط (معلومه صحيحه من دكتور)
ضي وهي تنشف شعرها انتبهت لعلي وهو يخذ حبه ياكلها بعمره ماأكل قدامها شي معقوله كان خاش عني طول هالفتره وانا ماحسيت
ضي بشك: حق شنو هالحبه
علي فاهم قصدها وانها متوقعه انها حبه منشطه بس هو خلص فترة علاجه ومعاد يحتاج للمنشطات وهذي حبه مسكنه للأم الظهر قال وهو يتمدد على ظهره :مسكنه لأم الظهر ليش
ضي بضيق صج اني ثوره مااشوفه اشلون يتألم من ظهره قلت وانا رايحه له بعد ماحذفت الفوطه: من متى يعورك وليش ماقلت لي اكيد زاد عقب المشي بعد
كانت جالسه عند رجوله علي شاف بعيونها الخوف قال وهو يجرها لحضنه :عوار خفيف لاتحاتين وبس احس بقربك راح يتلاشى كليا بعد
ضي استسلمت له وبداخلها ماتبي حاسه ومن بعد ماصرح لها علي بعجزه وهي كارهه قربه بس صعب تصرح بهالشي عشان لا تكسر بخاطره بعد
عند غلا
الساعه ثلاث الفجر
صحت على صوت ابوها الي يقومها عشان يتركون المكان قبل طلوع الشمس
ابوها كان مستعجل وغلا متعمده تأخره وكأن احد يقولها تأخري وبيجي لك الفرج بأذن الله
ابوها بنفاذ صبروهو واقف عن البوابه ومعه شوية اغراض له:بسرعه يابنت الحلال تأخرنا على الجماعه
غلا بطفش وبنفسها:قلعتهم ان شالله
قالت برود:زين وقفت عنده ومعها شنطه فيها بقايا ملابس لها قديمه ماحبت تاخذ شي من الي جابه عزام
ابوها بحنان:صدقيني يابنتي راح تشكريني وتعرفين اني ابي مصلحتك وان عزام مايناسبك ابد
غلا بقهر شعقبه يايبه عقب ماتعلق قلبي فيه وصرت اتنفس هواه
طنشت ولا ردت ابد وهو كمل: اول مااوصل راح ادق عليك من تيلفون خالك الي عندي
وكمل بضيق:بس انتي حاولي تنسي عزام واهله لو غصب وعيشي حياتك بعيد عنهم
افضل لك
كل الكلام الي دار بينه وبين بنته سمعه وحس
بخناجر سامه تنغرس بكل انحاء جسمه
كان جايبه الشوق لها ماقدر يدخل جناحه وهي مو في وبعد ماخلص سهرته مع شهاب ولد عمه بالأستراحه حقت شهاب قال خل اروح انام معها بالمزرعه لو على الأرض عندها بغرفتها بس تكون جنبي ولان جناحهم مو نظيف وصارلهم فتره مهاجرينه
بس انصدم صدمة حياته و
صرخ بداخله لا مستحيل غلا تكون نذله وشريره لهدرجه تستغفلني عشان تهرب مع ابوها من دون علمي
اي ليش بعد ماعلقتني بحبها تصر على هجري ليش فرحتي دايم ناقصه ليش كل ماجيت بفرح يجي من يخربها علي
تم واقف يفكر ماحس ألا وحمد بوجهه بعد مافتح الباب
وكان هو الثاني منصدم وحاس بخيبة أمل كبيره
الثلاثون
في العين لك "دمعه"
حزينه من البوح...!
منديلها المبلول يرثي زمانه!
ياللي غلاتك عندي أغلى من الروح..
وفي القلب لك عندي مقر ومكانه!
ابيك تسأل نفسك اليوم وتروح
منهو الى ان غبت
<<بحيا عشـــانه
غلا الي طارت من الفرحه بشوفة بس طريقة نظراته لهم خوفتها حيل
ماحست ألا وهو منهد على ابوها مثل الأسدالجايع المنطلق على فريسته كان يخنقه ويقول بغضب:يالخسيس يالنذل انت وبنتك
زاد بصراخه وضغطه لأبوها
غلا فزت وقامت تسحب عزام عن ابوها وهي تصيح وترجاه يهده
بس عزام ماتركه ألا بطلعت الروح خايف يموت بيده ويبتلش فيه مع ان حتى رجاوي غلا له ماهمته حس انها جرحته وجرحها له عميق بعد لف عليها بعد مارمى ابوها بالأرض وصرخ بوجهها وهو يجرها من كتفها
:عمري ماتوقعت انك نذله وخسيسه لهدرجه كان قلتي لي من البدايه ماابيك وتركتك مو تستغفليني بهروبك تالي الليل مثل الحراميه
حاسه انها بتموت وزاد تعبها وحاسه ان بيغمى عليها عقب كل الي قاله عزام
اكرهت عمرها ليش طاوعت ابوها من البدايه
نفضها عزام من يده بقرف وهي
فعلا اغمى عليها بعد اخر كلمه نطقها عزام وكانت :انتي طالق ياغلا
لف عنها وهو تاركها وراه حطام من الأحزان
كان بيطلع بس وقفه صراخ حمد ولف شاف غلا طايحه شبه ميته فر لها بسرعه وشالها يوديها لأقرب مستشفى
//وينــــــــــكـ//
تراني من عنا الوقت
مليــــــت..!
وصارت حياتي بدون وصلك
نكــــادهـ!!
عند شجون
حاسه بالسعاده لدرجة انها من دخلت عند خالد بجناحهم ماعطاها فرصه تكلمه او تعاتبه على افعاله
لانه كان مثل العطشان الي عطوه ماي في اخر لحظه
اول ماشافها داخله اشر لها تجلس جنبه وهي جت بحيا وجلست كانت للحين تحس بالخجل منه في هالأمور
اجلسوا فتره يطالعون بعض وكأن اعيونهم هي الي تحكي
بعد فتره طويله من التأملات المحمله بكل مشاعرالشوق والعشق
ماحست ألا وهي فوق انتبهت ان خالد شايلها ورايح فيها للغرفه
حطت راسها على كتفه وابتسمت بسعاده وشوق يخالطه بعض الخجل
اليوم الثاني
صحت بسرعه ولفت لقت خالد بعده نايم
كانت الساعه عشر وهي متعوده هالوقت تقوم حتى لو انهاسهرانه
قامت عن السرير بشويش بعد ماغطت خالد عدل لايبرد
بعد مااخذت شاور راحت تدق على امها تسأل عن فهود اول مره تنام بعيد عنه
من اول دقه ردت امها بحب: هلا يمه
شجون بحيا من اسلوب امها:هلا فيج يالغاليه
واستلمت امها اسأله عن فهود متى نام واذا أكل او لا وأذا صاح
عند بيت ابوعزام
الساعه حدعش الكل محتاس ومرتبك على عزام هو ماقال لأهله عن روحة المزرعه اصلا
وشهاب قالهم انه طلع من عنده الساعه ثنتين امس
زاد خوف ابوه وامه خاصة وانهم يدقون عليه من امس مايرد لاهو ولا غلا
ابو عزام بجديه:وين شهاب كان يسأل دينا
دينا بربكه وفيهاصيحه:دق تيلفونه وطلع يكلم برا
شهاب سكر من عماد الي دق عليه كلمه بدون لا يبين لعماد شي عن اختفاء عزام
دخل شاف عمه جالس يحاتي وام عزام تصيح بهمس ودينا حاضنتها وتصيح معها
ابوعزام بغضب من صوت صياحهن:بس ياحريم سدوا حلوقكم
شهاب اشر لدينا تاخذ امها وتطلع بسرعه ودينا نفذت بطاعه
ابوعزام وقف وقال:امش معاي بروح للمزرعه الي بالحسا يمكن فيها
شهاب بموافقه:اجل مشينا وطلعوا
بعد ماارسل لدينا يعلمها بروحتهم للمزرعه
في المستشفى
مو قادر يتحمل حاس انه بيموت مايتخيل شكلها وهي تعبانه وتحت التخدير بسبب الأنهيار الي حاشها
دق على ابوه وطمنه عنهم وقال ان غلا تعبت وداها للمستشفى
تنهد بقوه
صارلها فوق الاربع ساعات في الملاحظه ومانعينه من شوفتها هو وابوها
الي جالس على الارض ودافن راسه بين يدينه يندب حضه على بنته الي ممكن يفقدها
عزام بقهر مارحم كبر سنه لان عقله مو معه كل تفكيره مع غلا الي داخل
قال:قوم فارقني لاشوف وجهك قبل لااذبحك
بوغلا بحزن وهو يتصنع القوه الي تخفي ضعفه: ماني تارك هالمكان قبل مااشوف بنتي
عزام بغضب راح له وجره من يافة ثوبه قال: بتذلف وغ
قاطعه صوت الدكتور الي قال بغضب: اعتقد انكم بمستشفى مو بحلبة مصارعه
عزام تفشل وترك عمه الي فر لدكتور بسرعه وقال بلهفه:دكتور طمني عن بنتي ارجوك
الدكتور بحزن على شكله قال :تعال معاي داخل اشرح لك
عزام بغضب:ماله دخل تشرح له انا زوجها والمسوؤل عنها
بوغلا بصراخ:لا منت مسوؤل ناسي انك طلقتها فلا تدخل بشي ومشى ورا الدكتور الي حتار فيهم وسب نفسه على حضه الزفت الي حطه مسوؤل على مريضتهم
دخلوا عند الدكتور وقبل لايفتحون فمهم حذرهم الدكتور من اي صراخ او تصرف غير لايق في مكتبه
قال بهدوء:المريضه الحمدالله تعدت مرحلة الخطر وهي بخير وجنينها بخير بعد بس حنا مضطرين نخليها تحت الملاحضه يومين لين ماتحسن حالتها لان عندها سوا تغذيه وضعف دم حاد وهذا ضار لها
طالع فيهم اشلون متنحين فيه وفي كلامه الي قاله لهم
من وين ابتدي ؟
إحساسي من يمك غريب .؟!
عندك شعور بحيرتي ..؟؟! ..!
عندك شعور بلهفتي..؟؟!!
من وين ابتدي؟؟!!
هذا الي في بال خالد
قعد من النوم لف مالقاها ضاق خلقه يبي لي قام تكون جنبه وماتفارقه ابد
تنهد وجلس ونادها :شجون
شجون الي بعد ماكلمت امها جلست بالصاله تشغل نفسها عن التفكير في خالد
كان تفكيرها كله حول ريم وش صارلها وش سالفة ترك خالد لها ودها تسأله بس هي واعده نفسها ماتدخل فيه وفي حياته مع ريم ابدا
سمعت صوت خالد وراحت له بسرعه
ادخلت وابتسمت له بعد ماقال :صج انك خاينه ليش ماقومتيني معك
شجون بضحكه:قومتك بس انت نومك ثقيل وتركتك تشبع نوم
خالد الي قام وجا عندها قال بحب وهو يحضنها بقوه : ومن قال اني شبعت بعدني ماشبعت
شجون بعدته عنها قالت بدلع: يالعيار مسهرني طول الليل وحارمني من فهودي حبيبي وجاي تقول ماشبعت
خالد بدلع وهو يرد يحضنها: بس فهود حبيبك وابو فهود ماله رب
شجون بحب وهي تدفن راسها بصدره: غلات فهود من غلات ابوه اصلا
خالد زاد من ضغطه عليها بعد ماسمع هالكلمه
بعد يومين
عند غلا كانت في حاله يرثى لها كل يوم تصيح ومرات يضطر الدكتور يعطيها ابره مهدئه تريحها
كان عزام حارمها من شوفته بس كل شوي يسأل الدكتور ويطمنه عنها
ابو غلا عقب ماصحت غلا راح لها واعتذر لها عن تصرفه ودعها لانه ترك الشغل عند بوعزام وبيسافر لقطر عند جماعته هناك يدور شغل
غلا زادت حالتها بعد هالكلام وساءت اكثر واكثر اشلون ابوها بيتركها عند عزام بعد ماشوه صورتها عنده
ادخلت عليها الممرضه وشالت عنها المغذي
وقالت بحب:حمدالله على سلامتك تقدري تطلعي لان الدكتور رخص لك وترا زوجك ناطرك برا هو قالي اقولك
غلا بضيق :ان شالله ساعدتها الممرضه عشان تلبس ونصحتها بالأهتمام بالأكل عشان صحة الجنين الي مافرحت فيه ابد كون ان عزام ماابدأ رايه بخبر حملها كليا
غلا اول ماطلعت بعد ماغطت وجهها الي شحب من التعب شافته مشى قدامها بعد مااشر لها تمشي
اركبت معاه بدون لاتنطق ودموعها ماوقفت حاسه انها ضايعه لاسند ولا ابو تحتمي فيه
حتى امها ماصدقت فشل المهمه ردت بدون اي نقاش وكأنها ماصدقت
طول عمرها قويه كون ابوها معها بس الحين لاهو عندها ولا هو يحزنون
كانت تضغط على يدينها بقوه حست بالخوف ورجفه كون عزام من اركبوا وهو ماينطق بحرف ومطنشها
عزام ماسك نفسه بالقوه حب انه يتسلح بسلاح الجمود قدامها وماراح يناقشها باي شي عشان حملها
هو كان ممكن يطلقهاويتركها حتى لو ان هالشي صعب عليه بس الحين صعب خاصة وان صار بينهم طفل يربطهم في بعض وهو لايمكن يتخلى عن ضناه ابد
لانه عانا من هالمشكله فمايبي ولده يذوق الي ذاقه
غلا بشهاق لاتسكت ياعزام اصرخ هاوشني اضربني بس لاتسكت لان هالشي يعذبني حيل
وقف عند البيت قال برود:انزلي وسيده على جناحك خدامتك تنطرك هناك انا موصيها عليك
غلا بشهاق: عزام انا
قاطعهابغضب: مابي اسمعك قلت لك انزلي يعني انزلي
غلا نزلت وهي تصيح بدال الدموع دم
ماحبت انها تعامل بهالشكل من عزام بعد ماكان يعاملها بكل دلع ورقه
عند ضي
كانت بالحديقه تمشى مع علي كانت حاسه بأرهاق ودوخه توقعت انه انيما حاده لان دايم يحوشها من قلة أكلها
كان علي ضاغط على يدها بقوه ويمشي معها ويسولف على ضي الي تلقط كلمه وتطوف عشر من التعب
بعد فتره جلست على احد الكراسي وهي تضغط على عيونها
علي بخوف:ضي فيك شي
ضي بتعب:دوخه حاسه بدوخه
علي مسكها من ذراعها وقفها وسندها عليه قال بخوف: امشي اوديك الطبيب احسن
عند خالد
كانوا طالعين يتغدون برا
خالد الي غايص بعيونها ماوده يرمش خايف تختفي عنه
اه ياشجون سحرج لي اقوى من سحر ريم بألاف المرات لان سحرج انتي حلال وبدون اي خرفات وشعوذه و نابع من طيبتك وبراءتك
اه ياشجون لوتدرين شكثر احبك واحب تراب رجولك
كان اغتريتي علي
ونفشتي ريشك بعد
شافها نزلت عيونها كانت خجلانه من نظراته الي تسحرها وتشتت افكارها
شجون بخجل خلاص ياخالد ارحمني من نظراتك هاذي
ماتحملها ادوخ
حست فيه يمسك يدها ويضغط عليها
قال بعد ماارفعت عينه له: وين سرحتي ياقلبي
شجون بغصه قالت:لا بس ولهت على فهود خلنا نروح له بيت امي وناخذه
كان ودها تقول سرحانه فيك بس استحت
خالد ببتسامه:ياهالفهود الي منقص علي سعادتي
شجون بدلع:لا والله ألا انت الي منقص عليه
كملت بضيق:ياعمري مادري شسوت امي معاه في رضاعه هو بالموت يرضع متعود يرضع مني
خالد تذكر شكل شجون وهي ترضع قال بخبث: مالومه لو عاف كل انواع الحليب وغمز لها
شجون عضت شفايفها خجل وخالد مات ضحك
عند غلا
من دخلت وهي غايصه بغمرة احزانها حاسه بحزن وضيق على فقدان عزام حست انها فعلا افقدت عزام ولايمكن يرجع لها ابدا عقب الي سوته
كانت الخدامه تمر عليها كل شوي تشوف طلباتها لان عزام موصيها
جابت لها الغدا وحطته
غلا بتمرد وصراخ: اخذي الأكل مابي شي
الخدامه خافت جت بتاخذه بس وقفها صوته
عزام الي دخل جناحه بعد ماتغدا مع اهله وبشرهم بحمل غلا الي فرحوا له وباركوا له
هوماقال لأهله عن سالفة غلاوابوها ماكان يبي يشوه صورتها عند اهله
حاس بالضيق ماتوقع هالشي من غلا الطفله الطاهره البريئه سمع صراخها
ودخل عليها قال بغضب: راني اتركي الأكل وطلعي
بسرعه البرق راني طلعت
غلا الي ضايق خلقها من تطنيشه لها وانه موراضي يسمع منها ابد
قالت بقهر: ليش تتركه مراح أكله
عزام بعصبيه وهو يجلس عندها: لا بتاكلين وغصبن عنك
وكمل بسخريه:وترا مو لسواد اعيونك أكلك لا ياغلا انا أكلك عشان طفلي الي وسط احشائك
غلا حست بخناجر تنغرس بقلبها من كلام عزام حست بكرهها للجنين لان عزام مايهتم فيها ألا عشانه بس
طالعت فيه بنظرات تمرد وجبروت قالت بقهر وهي حاسه ان كل الي نطقته كذب ومو من قلبها: ماكذب ابوي يوم قالي لي عزام مايصلح لك ومو كفو يكون زو
ماكملت لان طراق عزام سكتها
ارفعت راسها تشوفه ويدها على خدها كان يغلي من الغضب
عزام بعصبيه جرها من شعرها قال : راح افكك مني بس تولدين ياغلا راح ارميك رمي الكلاب في الشارع
غلا تخزه بنظرات مهما كان هي قويه وبتظل قويه مايهزها عزام بكلامه وبتقدر تتجاوز حبها له
لو تضغط على قلبها ماحست ألا وهو يتركها بقرف
ويقول بنرفزه:اذا منتي ماكله اعرفي اني راح ادخلك للمستشفى عشان يحطون لك مغذي
وطلع وهي رمت نفسها على السرير تصيح
عند دانه وعماد
كانوا بالسوق يشترون هدايا
عماد بحب: حبيبتي ماشوفك اخذتي لك شي كل الهدايا لأهلك
دانه ببتسامه: ماتقصر ياعمري بس انا حبيت اخذ لأهلي ولو بخاطري شي او عجبني شي راح اخذه بدون تردد
عماد بحب :براحتك
بعد ما خلصوا تسوق راحوا يتغدون
عماد وهم بالمطعم كانوا قاعدين بزاويه عشان دانه تاخذ راحتها وتكشف قعد يتأملها قال بهيام :هاه ياحبي وش ودك نطلب
كمل وهو يشوفها اشلون خجلانه:ودي أكل على ذوقك
دانه ابتسمت واخذت المنيوم تختار
حبت عماد وزاد تعلقها فيه بهالأيام و أتمنى الله يتمم عليها سعادتها
حاسه بضيق من دينا اختها تحس انها مو متوفقه مع شهاب ودايم تسبه ودها تقول لعماد بس تخاف انه يهاوشها ويمنعها من التدخل بحياة اختها
الواحد وثلاثين
عند ضي
اوقفت متنحه في كلام الدكتور طالعت بعلي الي طاير من الفرحه بهالخبر
توقعت انها بحلم وبتصحى منه في اي لحظه
كانت واقفه وماأبدت اي شعور
عكس علي هو حاس فيها وانها موصدقه بس حز بخاطره كونها مستغربه هالشي بعد ماعرفت بمرضه
ومافرحت قرب منها قال وهو يحضن كتفها
علي :مبروك علينا ياقلبي
ضي من غير شعور رمت نفسها بصدره وصاحت
علي الي تفهم وضعها طلع معها من عند الطبيب الي تفأجاه بردة فعلها
جلسها على الكراسي وجلس يمها قال بحنان:ضي حبيبتي بدال ماتصيحين افرحي لان بيصير لنا طفل يربطنا بعض
ضي بشهاق:ماني مصدقه لاتلومني وحضنة وهو قعد يهدي فيها
بعد خمس شهور
من الأحداث
*علي وضي عايشين بسعاده وينتظرون مولودهم الجديد
و الكل فرحان لهم
*عزام بنفس الجمود الي متسلح فيه مع غلا حارمها من الطلعات وروحات حتى سالفة دراستها الغاها بتاتابعدالي صار بس لمواعيد الطبيب كانت تروح وكان هو الي يوديهابنفسه
واهله كانوا مستغربين من تغير حالهم خاصة غلا اعزلت نفسها عنهم وماقامت تجلس معهم ألا نادرا واعتقدوا انه بسبب سفر ابوها الي ماعرفوا بسالفة سفره ابد
*شهاب عايش حياته ومايسمح لأحد ينكد عليه والي يحاول بس يتخذ معه اسلوب التطنيش هذي حياته مع دينا الي تحاول تخلق المشاكل بينهم عشان تثبت اهميتها عنده يايطلق يايعترف بحبه لها بس في كل الحالات فشلت
*عماد ودانه حب يتضاعف كل يوم وكل ساعه وكل ثانيه الكل منهم مستخف بالثاني ويعجز ألسانهم عن التعبير عن هذا الحب
وهم الحين ينطرون اول ثمار هالحب حمل دانه لها شهرين
*خالد وشجون حياتهم تحسنت حيل وخالد صار يهلوس في شجون صار جرئ بالتعبير عن عشقه لها قدام اهله حتى وشجون متضايقه من هالشي بس في خاطرها يعجبها حيل
هي حاسه بسعاده ماتنوصف برجعتهم لبعض خاصه وان خالد صرح لها عن طلاقه من ريم كرهت ريم وزاد كرهها لها بعد الي عرفة من خالد ولامت نفسها الي اشرهت عليه وعلى غيابه
*حنان وعمر اثمرت حياتهم بمولود جديد وسموه بدر وحنان حاسه بمسوؤليتهازادت كون افراد اسرتها زادت بعد بس عمر واعدها بمساعدتها في اي شي تحتاجه في دراستها
وهي ناويه تكمل هالسنه بعد ماوقفت كورس
عشان حملها
الساعه عشر
صحت على تيلفونها ردت ببتسامه من غير لاتشوف عارفته هذا عاشر اتصال منه من جت عند جدتها
ضي:الو
عارفه شيبي وش بيقول بعد
كله توصيات أكلي عدل لاتشيلين شي ثقيل ولاتسهرين لاتنسين فيتامينج
علي بوله وحب:هلا حبي اشلونك اشلون ولدي بعد
ضي ببتسامه وهي تجلس: كلنا بخير وكملت بتنهد: وبعدين شدراك انه ولد يمكن بنت
علي :بنت ولا ولد كلهم رزق من الله ماعندي اي اعتراض
ضي بدلع:اشوه عبالي انك من الرجال الي مايتمنون البنات
علي بحب:الله لايقوله بالعكس وش حلاتهم البنات خاصة اذا كانوا مثل بعض ناس عوابه ودلع يسحر
ضي عضت شفايفها خجل من كلامه وعلي حس فيها كمل بغيرالموضوع :اي صج نسيت اقولك ترا بمرك العصر عشان بنروح لعليا ملزمه علينا نجي نتعشا عندها
ضي اوف مالي خلق اشوفها
اخاف اتوحم عليها ويطلع ولدي مثلها قلت بضجر:خلاص العصر بكون جاهزه
رضيت عشان خاطر علي اولا وثانيا عشان ابوي واخواني مشتاقه لهم حيل ولا عليا بعيد عن خشمها اشتاق لها
عند حنان
بعدها عند اهلها في فتره انفاس ماخلصت وعمروبندر كل يوم يجون لهم ولايروحون مرات ألا بالليل لان بندر تعلق بأخوه حيل وصار مايبي يفارقه ابد
حنان تجهزت وجهزت ولدها وجالسه تنطر جية عمر
دخلت عليها شجون ومعها فهود الي توه دخل تسع شهور صار يحفظ اهله وتعلق بأبوه حيل عكس اول كان اذا شافه صاح يادوب قدر يتأقلم عليه بعد شهر
شجون ببتسامه وهي تجلس: ماشالله اشوفك كاشخه ياترا لنا ولا لناس جايين لك
حنان بثقه:ولو اني دايم اكشخ سوا لكم او لغيركم بس هالكشخه مخصوص لحبيبي عمر بس
شجون:اخص ياتحطيم اتوقع بيحلف عليج تروحين معه عقب هالكشخه
الموضوع الأصلى من هنا: منتديات طرطعة http://forum.6r63h.com/t121951/
الموضوع الأصلى من هنا: منتديات طرطعة http://forum.6r63h.com/showthread.php?t=121951
حنان بحب: فديته بكيفه والله أذا يبيني بروح معه على طول
لاني اشتقت لبيتي
شجون بخبث: اشتقتي لبيتك علينا ياحنون اقول تركدي عشان يشتاق اكثر
دخل على هالكلمه كان جاي بيقول لحنان ان عمر ينطرها بالمجلس بس تفاجأه بكلامها قال بضحكه وهو يتصنع الضيق:لا لا ياحنان لا تسمعين كلامها ترا حنا يالرجال مساكين مانتحمل كل هالعذاب منكم يالحريم
الموضوع الأصلى من هنا: منتديات طرطعة http://forum.6r63h.com/showthread.php?t=121951
شجون استحت كونه سمع كلامها وماقدرت تنطق بحرف ألتهت بفهد
وحنان ماردت احتراما لخجل شجون
بس اول ماقال لها عن عمر شالت ولدها وراحت له وفضت لهم المكان
خالد جلس يمها قال وهو يرفع فهد الي يبي حضن ابوه : فهود قول لأمك وتوسط لي عندها قول بابا مسكين مايتحمل بعدك عنه
وضحك وكمل:اموت بالحيا انا والي يستحون
قرب بيحضنها بس هي قرصت ذراعه وقالت بدلع:ليش تفشلني قدام حنان كم مره بحذرك من تصرفاتك هذي عند اهلك
خالد بدلع:شاسوي احبك والله وباس شفايفها وهي ذابت اكثر ماهي ذايبه بحبه
عند غلا
داخله السادس وبطنها برز حيل خاصة مع بنيت جسمها الصغير
طول هالاشهر وهي متسلحه بقوتها وماضعفت ابد مهما كان حتى لو تخلو عنها امهاوابوها لايمكن تضعف وتسمح لأحد يسخر منها ابد
ماتبي توضح لعزام انها بحاجته او انها ممكن تضيع من دونه بس هالشي صحيح بالنسبه لها ماكان يكلمها ولا شي بس يحرص0على سلامة جنينه
غلا وجالسه على تلفزونها صار هو ونيسها الوحيد خاصة وان دانه ودينا كل وحده منشغله بيتهاوزوجها
حست برفس الجنين وحطت يدها تلمس بطنها
غلا اه ياطفلي ابيك تعذرني ولاتلومني ابد بالي راح اسويه
لاتقول اني اكرهك او اني ماابيك لا كل هالأشيا غصب عني
عزام دخل وشافها سرحانه بطنها وتلمسه كانت حزينه
حس انها ممكن تفكر بشي بشع
قال بجمود:بشنو تفكري هالمره ياترا اتوقع بقتل طفلك
غلا بعناد: اي عندك مانع
عزام بقهر قرب لها قال وهو يجرها من شعرها الي انعدم بسبة الحمل وبسبة عزام:وقسم بالله ياغلا ان حاولتي تأذي الطفل اني راح اعدمك من الوجود
غلا فكت نفسها منه طالعت فيه فتره بقرف ومشت عنه لغرفتها
حاسه بقهر ظلم ضياع قفلت باب غرفتها وقعدت عند الباب تصيح بهمس لايحس عزام فيها
عزام جلس وتنهد بغضب حاس بقهر منها ومن عنادها خاصة وانها غلطانه
الموضوع الأصلى من هنا: منتديات طرطعة http://forum.6r63h.com/showthread.php?t=121951
اه ياغلا حطمتي قلبي تحطيم كنت متوقع ان الدنيا ممكن تضحك لي بسعادتي معاك بس ماتوقعت انها ناويه تغدر فيني ثاني
طول عمرك منحوس ياعزام وبتظل منحوس
الساعه حدعش بالليل
خلصت شغلها مثل العاده وبدلت وجلست تنطر شهاب
الي يسهر مرات مايرد ألا الفجر عشان يبعد عن المشاكل
دينا منقهره من سهراته مع انها حاسه انه يسهر عشان يبعد عن حنتها
الي عذبته ونكدت عليه بس شتسوي حاسه بقهر كل ماتذكرت كلامه لدرجه انها تاخذ لها موانع خايفه تحمل وتبتلش بطفل وشهاب ماحدد لها مشاعره ابد
وخايفه ان شهاب يعرف لان وقتها راح تكون نهايتها على يده
بدون شك
انتبهت لدخلته وعتدلت بقعدتها ورزت نفسها
شهاب برود:سلام عليكم
دينابدون نفس:وعليكم السلام
كملت بقهر:ليش ماقلت لي انك بتعشى برا عشان ماروح اطبخ على الفاضي
شهاب برود قهر دينا قهر: ماني بزر عشان اخذ الأذن منك واذا عشان الطبخ وديه لأختك على الاقل تكسبي اجر تعرفين هي حامل وتتوحم تطبخ لعماد
دينا بغضب مابقى ألا انت تعلمني وش بسوي مع أختي قلت وانا قايمه بروح لغرفة النوم: تصبح على خير
شهاب اخ ياناس اشفيها علي كارهتني قام ولحقها قبل تنام
دخل عليها شافها منسدحه بتنام شهاب طفئ الليت وراح لها هايم ومشتاق حتى لو صدت عنه
كان يتمنى انها تحمل يمكن تطخ وتعقل بس هالشي بيد الله
مو بيده
الثاني والثلاثين
اليوم الثاني
عند عزام
قعد من النوم الساعه سبع عشان دوامه
بعد مااخذ شاور ولبس وكشخ كأنه على هيبة ورزته وزير
طلع وشاف الخدامه بوجهه قال بهدوء وهو مستغرب من تجهيزها للفطور مبجر: تو الناس على الفطور خليها تنام شوي
راني بضيق:بس مدام مافي أكل عشا امس انا جيب هي قفل باب مايفتح
عزام بغضب:شنو وليش ماقلتي لي
راح لباب غرفتها وطق الباب بقهر وهو يقول:افتحي احسن لك ياغلا
غلا الي صحت على صراخه كانت نايمه عند الباب من قعدتها امس
غلا بكراهيه:شتبي
عزام بغضب:افتحي واعلمك شنو ابي
غلا عباله بخاف اصلا حتى لو طقني عادي تعودت على طقه افتحت الباب قالت بنرفزه: وهذاني فتحت شعندك
عزام بقهر لعدم مبالاتها في نفسها ونفس الجنين وانها تعرض حياتها للخطر قال بعد مااشر لراني تحط الفطوروتطلع: ابيك تزطي عشان صحت ولدي الي بتلشتي فيه مني ولين تولدي ذيك الساعه اضربي عن الأكل براحتك
مسكها من يدها بيجرها بس هي دزته بقرف قالت بقهر:ابعد خلني أصلي اول
وراحت توضت وصلت طلعت لصاله كانت متوقعه انه ذلف لدوامه بس تفاجأة فيه قاعد ينطرها
عزام دق على ابوه واعتذر انه بيتأخر ساعه بس
كان مصر يقعد ويتاكد من أكلها
غلا اخ ياربي الطف بي مالي غيرك بهالدنيا
جت بهدوء وجلست عندالأكل
قامت تحوس بملعقتها تحس ان نفسها مسدوده حيل موقادره تاكل
عزام شافها وصب كوب حليب ومده لها قال برود:اخذي اشربي الحليب
غلا غشيم ولايتغيشم من متى انا اشرب الحليب قلت:شكرا بس تعرف اني مااحب الحليب ولا اشربه
عزام عارف هالشي بس لانها حامل بيغصبهاقال:ادري بس اغصبي نفس عشان صحتك وقرب الكوب لها
وغلا بس شمت ريحة الحليب حست بلوعه وراحت ركض للحمام ترجع
عزام فز وراها ركض كان منقهر اشلون تركض بدون احساس
وقف عندها قال بنرفزه:شكلي بدخلك المستشفى صج لين تولدي اذا أكلك بالغصب
غلا بعد ماارتاحت غسلت وجهها ورفعت نظرها له طالعت فيه بنظرات جامده اخذت فوطه تمسح فيها ومرت من عنده بدون اي نقاش
راحت اجلست على السرير فيها صياح بس كاتمته عشان عزام موجود
ليش ياعزام ليش تعذبني كافي ارجوك كافي ماعادني غلا الي على خبرك القويه الي ماتهاب شي
لا انا الحين ضعيفه انت اعدمت كل قوتي بحبك وسيطرت على كل عواطفي ومشاعري
عزام شاف مامنها فايده وهو موفاضي عنده شغل طلع وقال قبل يطلع:اذا شفتك ماتغديتي بعد اعرفي انك داخله للمستشفى الليله
غلا مشت وراه وسكرت الباب بقوه ورمت نفسها على السرير تصيح بدال الدموع دم
عند دانه
كانت مندمجه تقرأ لها مجله على السرير وعماد نايم على فخوذها بعد ماسوت لراسه مساج
دق تيلفونها وردت بهدوء
دانه:الو
دينا:هلا دنون وينك بعلك عندك
دانه بهمس:اي ليش
دينابقهر:لا بس كان ودي اجي لك بس خلاص متى ماراح قولي لي
دانه بحب:اوكي وسكرت منها
عماد بحب:ليش ماخليتيها كان قعدتي معها وانا مراح ازعجكم
دانه بخجل لان عماد سمع كلامهم :هاه
عماد اعتدل وجلس قال بضحكه: شنو هاه تراني سامع كل كلامك لان راسي بحضنك
دانه بخجل:يووه عماد بس ودزته بخفه
عند دينا
حست بضيق ودها تروح تونس عند اختها بس للأسف عماد فيه
فجأه انتبهت لدخول شهاب استغربت بالعاده مايجلس بالبيت هالحزه
شهاب الي طفش خاصة وان ربعه كلهم كواشيت وهو كل مره يعتذر خايف دينا تعصب او تضايق هو لي سهر سوت سالفه سلم وجلس بعيد عنها
شهاب تأمل شكلها الساحر كانت لابسه وكاشخه بتنوره قصيره اوف وايت وبدي احمر كات
استغرب قال برودبعد ماردت عليه السلام: اشوفك كاشخه بيجيك احد او ناويه تروحي مكان
استغرب لان دينا بعمرها مااكشخت له كانت تستحقره حتى بلبسها طول الوقت برمودات وبجايم
وده تكشخ له بنفنوف او تنوره حاله حال الناس الي تكشخ لهم
دينا برود: كنت بروح لدانه بس طلع عماد عندها وجلست
شهاب براحه:اشوه مراحت كشختك خساره لاني جيت لك
تعمد يقول هالكلام بيشوف ردة فعلها
دينا بدهشه معقوله يحس ويعبر عن كشختي قلت بغرور: كأنك بتعبر لي اذا كشخت او لا
كل هالاشياء مالها اهميه عندك
شهاب محطمتني يادينا تحطيم قلت بثقه: والله يازوجتي العزيزه مافي رجال مايهتم بلبس زوجته وكشختها حتى لو كان شايب منتف كان قاصد هالجمله عشان بحكم الفرق الي بينهم والي متوقع ان دينا متضايقه لهسبب ماكان عارف ان دينا هدفها انه يصرح لها بحبه وبس
دينا بنرفزه: بس الزوجه تحب تسمع المدح والأعجاب من زوجها حتى لو كان مايحبها ومفروضه عليه فرض وقامت وتركت المكان
وخلت شهاب منصدم من الي قالته ماعمره بين لها شي من الي تقوله من اول ماتزوجها هو واضح عليه نظرات الأعجاب والحب والأنجذاب ناحيتها حتى لو ماعبر بالكلام بس انه يحبها ويموت عليها بعد
تنهد ولحقها للغرفه
