قصة بنت من الثانوية

موضوع: قصة بنت من الثانوية 24/11/2011, 10:05 pm

انا رزان طالبة ثالث ثنوي عمري 19 سنه
ابي ارجع فيكم بالذاكرة لين اول متوسط هنا بدت قصتي مع بنات الثنوية !!

البارت الاول :

لما كان عمري 13 سنه الكل يقول لي والله وكبرتي يارزان وبتدخلين المتوسطه بس هاااه لاتحتكين بالبنات الاكبر منك
بالذات بنات الثنوي ,! وقامو يحكون قصص تخوف , انا هنا صرت بالحيل متخوفه منهم. يوم جا اول يوم بالدراسه داومت
مثل اي طالبه بس انا كانت البراءه فيني زود عن البنات داومت ورابطه شعري اثنين وحاطه فيهم شريطه ورديه . وفلات وردي وشنطه سماويه عالظهر مثل لون المريول . اول مادخلت المدرسه سمعت اصوات ضحك البنات وسواليفهم ما انكر التوتر والخوف الفظيع اللي ملاني من سمعت اصواتهم لان انا يوم كنت بالابتداءي كنت بمدرسه اهليه كلها ابتداءي ما احتكيت بالمتوسط والثنوي قبل كذا فـ شفتهم شي غرررريييييب , وكثير علامات استفهام كانت فوق راسي كنت اناظر اطوال البنات واجسامهم وحتى اصواتهم مختللفه عني , < خلوني اوصفلكم شكلي شوي ( انا قصيره تقريبا طولي 155 وشعري بني تقريبا لحد كتوفي بيضا وجسمي عادي مونحيف ولاسمين وعيوني سودا وحواجبي كثيفه شوي نفس الاتراك وماكنت اسويهم وولا في بالي هالحركات اما ملامحي كان كل شي فيني صغير ووجهي بيضاوي كانو يلقبوني بيبي فيس ) نرجع لقصتنا ..:
لفت انتباهي بنات كانت شعورهم نفس العيال وكنت اقول بنفسي ليش اشكالهم كذا حتى تصرفاتهم واصواتهم نفس العيال . واناظر شمالي القا بنت تضم بنت تبوسها بطريقه مشبوهه وبالجهه الثانيه اشوف بنت جالسه فوق بنت وفي جو ثاني المهم كملت طريقي لين لقيت كراسي وجلست فيها ورجعت اتأمل البنات لقيت بنات مريولهم زيتي واشكالهم اكبر من اللي لابسين مثلي سماوي عرفت ان هذولي هم بنات الثنوي .. واثناء ماكنت اتامل جتني بنت من المتوسط وسالتني عن اسمي وصفي وجاوبتها بكل براءه بس من نظراتها حسيت اني ماعجبتها كشخصيه يوم راحت لصديقاتها حمدت ربي اني مو من صفها هي كانت ثالث متوسط وعايده سنه يعني المفروض اول ثنوي وكل صديقاتها ميك اب وكل وحده تمشي مع بنات مثل العيال اللي يلقبونهم باسم بوية < مع العلم شخصيتي جدا خجوله وبريءه كنت مثل القطوة المغمضه !!

[size=16]رن جرس الطابور قمت من الكرسي وانا تااايهه ماعرف وين طابوري بس لفت انتباهي وحده كانت لابسه نفس مريولي ومسوية نفس تسريحه شعري ومبين عليها البراءه تحمست اروح اكلمها . وبالفعل رحتلها وسالتها عن اسمها قالتلي انا اسمي غاده الـ ... , وباول متوسط وانتي ؟ انا وقتها فعلا حسيت بفرحه وقلت هذي اللي بتصير صديقتي , جاوبتها وقلت انا اسمي رزان الـ...., وبرضو باول متوسط قالتلي تشرفنا وكانت مبسوطه كمان , ورحنا صفينا طابور جمب بعض كان الكل يناظرني بنظرات استغراب لين حسيت نفسي كائن غريب تجاهلتهم ورحنا الفصل كنا كلنا على بعضنا 3 بنات بالفصل فعلا استغربت عددنا وكل معلمه تدخل علينا تضحك من اشكالنا وجت معلمه تمسك مناوبه عندنا كان بالفصل انا ووحده اسمها مرام بس لفتني طوووووولها كانت مرة طويله وانا خلقه كنت متعقده من الطول المهم كانت الاستاذه تدرس مادة العلوم وكانت تراجعلنا الدروس اللي اخذناها طبعا ماكان يجاوب الا مرام فـ هنا حسيت انها منافسه لي بما اني تخرجت من سادس بالمرتبه الاولى عالصف كان طموحي الدراسه وبس وقررت اني اعمل لها حساب واجتهد بدراستي عشان اقدر انافسها ومر اليوم بسلام لما رجعت لبيت حكيت عن يومي لاهلي وكانو مستغربين من ذهولي وتعابير وجهي المذهوله من اللي شفته بحكم اني اوول مرة اصادف هالنوع من الاشكال وكنت متحمسه لليوم الثاني عشان اشوف صديققتي غاده ورتبت جدولي ونمت,,

يوم جا الصباح قومتني ماما وقمت على طول تجهزت ورتبت شعري ولبست عبايتي وطلعت وطبعا وانا بالسياره مر بخيالي كل اشكال البنات اللي شفتهم امس على امل اليوم اتأقلم دخلت المدرسه وانتبهت لبوية كانت طول الوقت تناظرني رحت بسرعه للفصل حاولت افتح الباب ماقدرت كان الباب مقفل بقوة وكان قبالنا فصل ثاني متوسط وكان اللي جاي فيه بنت وحده شافتني البنت احاول مع الباب جتني قالتلي
[size=16]البنت :صباح الخير
انا: صباح الورد
البنت : امممم ماعرفتي تفتحين الباب؟؟؟
انا: هههه اييه مادري شفيه مارضى يفتح
البنت: امم طيب دقيقه بجرب حظي معه
( ومع شتى المحاولات واخيرا انفتح الباب )
انا: مرررة شكرا تعبتك معاي :"(
البنت: لاوشدعوى لاتعب ولاشي .. اممم ايه صح ماسألتك انتي ايش اسمك ؟؟

[size=12]

[size=16]دخلت الفصل وحطيت شنطتي وتعطرت وقعدت عالكرسي وحطيت راسي عالطاوله وماحسيت بنفسي الا وانا غفييييت وشوي قمت من الفجعه على صوت عطر ينكسر فتحت عيوني لقيت غاده تجمع قزازة العطر ..
انا: بسم الله متى جيتي محد يحس فيك !!
غاده: ههههههههههه شفتك نايمه ماحبيت ازعجك هههه
انا: طيب انتبهي وانتي تشيلين القزاز ولا قولي للعاملات يساعدونك

غاده: لاخلاص خلصت شلتهم ., الا اقولك وينها مرام ماداومت هالبنت احسها غااامضه حيل
انا: امم شكلها بتجي بعد الطابور
غاده: كم بقى عالطابور ؟؟
انا: تقريبا 5 دقايق
(وخذتنا السواليف لين جا الطابور ورحنا نصف )
والطابور اللي جنبنا كانو ثاني متوسط واشوف بنتين يناظروني ويقولون كلام ويضحكون بس اللي قدرت اسمعه
1: ههههههه شوفيها وش قصرها تحسينها ضايعه عند البنات هههه
2: ايييييييه ياحراااام مرة صغنونه حتى اول متوسط مولايق عليها اممم هذي لايق خامس او سادس
1: الله يعينها عالبنات وتريقتهم بالذات شلة ثالث ثنوي هههههههههههه
2: يووووووووه رحمتها صراحه هذي لازم يكون معها بودي قاارد
( انا حزت بنفسي كثير بكلامهم مرة تضايقت وكان ورا هالبنتين ريم اوم كدش سمعتها تقول لهم )....
ريم: اصيرلها بودي قارد
1: اقوووول لايكون خاقه معها وانا مادري ؟؟؟
2: لالا البنت واضح خاقه لاتسوين فيها راعية فزعه على حسابي ولا نسيتي انتي وش بالنسبه لي !!
ريم : هيييييه هيييه وش تبون انتو !! البنت مبين براءة الدنيا فيها حرام والله اخاف عليها من الذيابه اللي بالمدرسه وبعدين انتو وش حارق رزكم خل اسوي خير فيها
( كل هالحوار دار بين الثلاث بنات ورزان كانت تسمع وتتالم من شفقتهم عليها ورن جرس الطابور وبدو البنات يدخلون الفصول وهي من كثر ماتفكر بكلامهم مانتبهت ولاسمعت الجرس وفجأه دفتها البنت اللي وراها وقالتلها : هييييه انتي ماسمعتي الجرس خلصينا امشي !! وكانت رزان تقول بنفسها عادي انتي مو اول وحده تهنيني بالمدرسه انا خايفه من اللي جااي )ودخلت رزان الفصل وكل الحزن بوجهها وكانت سرحانه كل الحصه وفجأه قالتلها غاده :
غاده : رزان !! شفيك سرحانه ركزي بالحصه
رزان: هااه؟؟؟ ايه انا مركزه
غاده: هههههه مررررررررة مركزه بس هاه ترا بالفسحه بتقولينلي وش سرحانه فيه
رزان: امممم انشالله انشالله
(ومرت الثلاث الحصص الاولى وجت الفسحه !!)
وغاده تقريبا شخصيتها مشابهه لشخصية رزان يوم راحو الفسحه شافو كل البنات مرفعين اكمامهم وفاتحين اور زرارين
غاده: اقول رزان ليش احس اشكالنا غلط !!
رزان: ههههههه ليه ؟؟
غاده:شوفيهم كلهم مرفعين الاكمام وفاتحين الازرار الا احنا اشكالنا شكيييب
رزان: يعني تبين تسوين مثلهم ؟؟
غاده: ايه صراحه برفع شوي من اكمامي وبفتح اول زرار عالاقل مثلي مثلهم
رزان: اممم اوكي وانا معك
( واثناء مارزان كانت ترفع اكمامها قالتلها غاده..)
غاده: رزان يلا قوليلي وش كنتي سرحانه فيه ؟؟؟؟
رزان: صراحه ياغاده ماودي اقول
غاده: افا ليش ؟؟؟ صدقييني سرك في بير
رزان: لا هو مو سر , هو كلام سمعته اليوم من بنات ثاني متوسط وحسيته جرحني
غاده: يوء !!!!! ايش هوا ؟؟؟
رزان: كان فيه بنتين ماعرف اسمائهم كانو يتريقون على طولي واللي فهمته منهم اني رح اواجه مشاكل كثيره من شلة ثالث ثنوي وانا صراحه ماني حول المشاكل وماعرف ادافع عن نفسي
غاده: ياااعممممرررري ,, لاتخافين انا معك
رزان : اف بسس ...
( غاده حاولت تغير الموضوع وتخفف من حزن رزان )
غاده: امممم طيب ياحلوة ايش رايك نشتري من المقصف شبس وعصير ولا دونات اي شي تراني ميته جوع
رزان: اممممم اوك بس انتي اشتريلي انا ماعرف ازاحم بينهم .., و و و وانتي عارفه طولي بين البنات رح يحشروني بينهم :"(
غاده: ههههههههههه اوك اوك ولايهمك ,, بس ايش تبغين ؟؟
رزان عادي اي حاجه .. امم خلاص ابغى عصير وكروسون جبنه
غاده : من عيوني

[size=12][right][size=16]كيوته 1 : هههههههههههههههههههههه بنات لايفوتكم البزر ذي
كيوته2: واااااي لا هذي مستحيله مايمديني عالنظرات
بويه1: اقول وش رايكم امصخرها ؟؟
كلهم بصوت واحد: اييييييييه يلا
( مرت بويه1 من عند رزان ودعست على يدها وقالت )..
بويه1: اوووووح سووووري مرررة مانتبهت ,, اقول بنات مين ماخذ نظارتي ؟
بويه2: شكلك نسيتيها بالفصل هههههههههااااااااااااي
كيوته1: ياااحرااااام ليش نسيتيها شوفي وش سويتي بايدها اكيد تعورت وساكته
كيوته2: ههههههههههههههههههههه امانه شكلها خورافي عادي حبيبتي بالغلط دعست يدك
كيوته3: واااي الحين يدها بتتورم والسبه انتي
بويه1: اقول بنات خلاص خلاص خل نروح
غاده: رووووووووحه بلا رده ياحقيرة
بويه1: انا حقيرررررررررررة!!!!!!!!!!!!
غاده: ايه وواطيه بعد ,, صراحه وقحات مو حرام اللي سويتوه فيها !!
بويه2: اقوووول عزوز ورا متأدبها ذي كل هالسب وساكت لها ؟؟؟؟
بويه 1< عزوز: تخييييييييل اسكتلها انا اربيها الحين واقص لسانها

( وسحب غاده من قميصها وقامت تضرررب فيها بعنف , وعلى صراخ البنات وصراخ غاده جو الاداريات وخذوهم للاداره,, اما رزان كانت مصدووووووومه وبنفس الوقت تصييح وراحت معاهم للاداره عشان تدافع عن صاحبتها غاده

[size=16]وبغرفة المديرة :
المشرفه: يااستاذه هذولي شلة بنات جبتهم لك لانهم مسويين فوضى ومضاربات تفاهمي معهم !!
المديرة: فوضى ومضاربات!!! ليش وش قالولكم هذي مدرسه ولا حلبة مصارعه؟؟؟؟؟
بويه عزوز: أنا يا استاذه
المديرة: جب ولا كلمة انتي اساس البلا بهالمدرسه انا مابي اسمع اي تبرير منك لان ادري الغلط راكبك من فوقك لتحتك انا ابي اسمع السالفه من هذي .. شسمك؟؟
غاده: انا غاده
المديرة: ايوه قوليلي وش صار ؟؟
غاده: انا يا استاذه كنت اتفسّح مع صديقتي رزان مالقينا كراي وقعدنا عالارض شوي جو هالشلة وقامو يذبون على رزان والانسانه هذي سوت نفسها القوية وعلى قولتها بتمصخر رزان قدام البنات ودعست على يدها وقامو يضحكون ويحاولون يخلونها تصيح وانا انقهرت وهاوشتها قامت ضربتني هذي كل السالفه
المديرة : اهاااا .. انتي يامنيرة متى تتوبين من حركات المضاربه؟؟
بويه عزوز: استاذه انا هنا بالمدرسه تنادوني عزوز مو منيرة
المديرة: وترادديني بعد؟؟ يا استاذه اماني اكتبي لها فصل تأيبي لمدة اسبوووع وبلغو اهلها سبب الفصل
بوية عزوز: لالالالا كلش ولا الفصل انا ثانويه عامه يا استاذه غياب اسبوع يدمرني
المديرة: يدمرك؟؟؟ صراحه صدقت ان قلبك مع الدراسه انتي لو مهتمه ماكان هذي فعايلك بالمدرسه عالعموم بكرة ما اشوف وجهك وان سمعتلك طاري مرة ثانيه رح اكتبك محضر وانتي عارفه زين وش يعني محضر !
بوية عزوز: ايه استاذه ياما دمرتي مستقبل بنات بهالمحضر ( وهي بنفسها تقول كااااك يقالك خوفتيني نهاية ذا التعهدات والمحاضر بالزباله )
المديرة: ايه زين .. وانتي اللي يدك تعورت شسمك؟
رزان: انا رزان
المديرة: تبين نوديك المستوصف؟؟
رزان: لا استاذه مايحتاج
المديرة: اوكي خلاص يلا على فصولكم ..
( وكل وحده راحت فصلها ونظرات الحقد بين شلة عزوز وغاده ورزان )

ومرت الحصص وانتهى اليوم .. هذي القصة قصة بنت حقيقيه اسمها رزان انشاء الله تعجبكم ابغى ردود

[/size]

[/size][/size]

[/size][/size][/size][/right]
[/size]

موضوع: رد: قصة بنت من الثانوية 25/11/2011, 12:45 am

تسلمي ع القــــــصة ..

استمري ابدااااعكـ ياااعسـولة

تقبلي مروري

موضوع: رد: قصة بنت من الثانوية 25/11/2011, 10:08 am

تسلمين

القصة في منتهى الواقع

طيب

في سؤال

القصة من تاليفك او صرت معاك او وحده صرا معها؟

موضوع: رد: قصة بنت من الثانوية 25/11/2011, 10:26 am

قصة جميلة جدا شكرا على موضوعك

الرائع نـنـــتــــظـــــر مواَــضــيعــكــــــ

الجميلة يا الغــــــلــــــا

موضوع: رد: قصة بنت من الثانوية 28/11/2011, 10:28 am

هذي القصة صرت مع وحده وانا نقلته وانا كمان في اولى متوسط شكرا على كل الردود العسل

» أول يوم في الثانوية
» رواية بنات الثانوية
» الصداقة في الثانوية
» اصدقاء الثانوية
» مغامرات في الثانوية ( رواية انمي من تأليفي )