راوية بنت دخلت مدرسة أولاد

تركي من الضحك ما قدر يتكلم
سليمان: تروك روح اضحك بعيد عن وجهي ماله داعي نخسر بعض..
تركي: طيب ههههههههه اصبر شوي هههههههههه بطني والله بطني ههههههههههههههه
........ اووووووووه خلاص بتكلم يا خي على طول ولعت يا خي امزح معك شكلك
حبيتها بضمير...
سليمان: يا ثقل دمك انت ومزحك ....
تركي: احلى اللي يغارون..
سليمان: ايه بس ما قلت لي من شفت ...
تركي: شفت اختها...
سليمان: جد والله..
تركي: ولا بعد عرفت اسمائهم....
سليمان: والله وش اسم رورو..
تركي: بـــكم ...
سليمان: افا وهذا وانا صيديقك وخويك تقول بكم بس يله قل ولك اللي تبي ....
تركي : مشكلتك تصدق بسرعه .يا خوي نمزح ... اسمها... اسمها..
سليمان: أيــــــــــــــــــــــــــــــه..
تركي : اسمها..............................ولا اقولك عيب اخت محارمنا ....
سليمان: هذا اللي يبيني اذبحه على هالصبح..
تركي: ولا تزعل يالحبيب.. اسمها.................... ريم
سليمان برومنسيه: ريم ...........سبحان الله اسم على مسمى .... غزال الريم....
تركي :والله وقلبت شاعر:..
سليمان: تستاهل اكون لها عبد الله الفيصل...
تركي: انا على هالحب ما اتحمل...
سليمان: ههههههههههههههه الله يرجك بقوطي البيبسي اللي معي ..
تركي: ههههههههه حلوه بس لاتعيدها..
سليمان: الا وش اسم حبيبة القلب الي مخليتك مبسوط...
تركي: عيب هذي زوجتي..
سليمان: بدينا نخبي على بعض..
تركي: ابقول وامري لله... اسمها رغد
سليمان: تصدق بعد اسمها يجنن... على عيونها..
تركي: حدك عاد ترى ما غلطنا على محارمك .. فا ارجوك الزم حدودك ..
سليمان: ههههههههههههه يا حليلك ياولد
تركي: ولد بعينك.. وبعديت تعال هنا تجرني بالحكي ..وما قلت لي وش اللي با سطك اليوم...
سليمان:على بالك انت الوحيد اللي شايفهم..
تركي: لايكون شايف حرمتي..
سليمان: اقول ظف وجهك انت وحرمتك ...
تركي: اجل وش صار ..؟؟
سليمان: تتذكر الساعه..
تركي: ايوه..
سليمان: اهي كان متصله من جوالي على اختها تذكر.. وانا اتصلت اختها واختها
عطتني رقم جوال اختها ... وكلمتها وقابلتهم بالسوق..وعطيتهم الساعه..
تركي: رقم زوجتي معاك... عطني الرقم ..وامسحه فاهم ولاعاد اشوفك جايب طاري
زوجتي على لسانك.. واذا بغيت تقول اسمها ..قول حرم تركي..فهمت..
سليمان: اقول تراك معطي نفسك وزجتك اكبر من حجمكم ... روح زين..
تركي: احلى ياللي بيطلع نسيبي ....
سليمان: لاتصدق عمرك يمكن ما توافق عليك
تركي: حتى انت.. لاتصدق عمرك.. يمكن ما توافق عليك بعد..ولا فالح تحطيم فيني..
سليمان: وانت الصادق..
قطع عليهم نواف وسعود...
نواف: هلا بالشباب وش عندكم سوالف وضحك..ولا بعد تركي مداوم اليوم....
تركي : مشتاق لك..
نواف : تشتاق لك العافيه..
تركي: الخبل صدق عمره..
نواف: خبل في عينك ... اقول تراني مروق ماله داعي تخرب علي ..
سعود: وانتو هذي حياتكم تتهاوشون وبس...
تركي: نطق واخيرا الصامت ... وش خلاك تنطق..
سعود: من جد هذا اللي بيخرب علينا اليوم..
سليان:وش ناوين عليه؟؟؟
سعود: ناويين نجنن المدرسين اليوم..
سليمان:والله وتغيرت ياسعود ..
سعود: والله بعد هذيك رورو مدري ورور المهم اللي هي تقول ان البنات يستهبلون فقلت انا الولد مااسوي هالحركات والبنات يسوونها..
سليمان :عصب مايحب احد يجيب طاريها بس سكت لايسون عليه الشباب.....اقول..مشينا..
الشباب:يــــــــــــــله..
بدى الدوام عادي مثل كل يوم بس الكل حس فقده لريم لانها يوم الاربعاء مغيره عليهم الجو
نواف:الله لو يكون بنات وعيال مع بعض..
تركي: والله انت الصادق كان ما اغيب ولا يوم عن المدرسه حتى الخميس والجمعه بداوم
سعود:الله من جد وناااااااااسه بس صدق فقدنا البنت..
سليمان بزلة لسان: أي والله بصراحه البنت شي..
سعود ونواف:ههههههههههههههههه ابو سلوم لايكون تعلقت فيها
سليمان يصرف: أي تعلقت واي خرابيط ..لابس يوم الاربعاء كان غير كنت سوبر مان..
تركي: ايه واضــــح لازقه فيك وماتجلس الاجنبك وماتعطي وجه الا انت وش تبغى بعد..اكيد راح تفقدها..
سليمان: ههههههههههههههههههه شكلك منقهر..
"وكملوا الشباب سوالف وضحك.. وهواش في اغلب الاحيان..<<<ولامايطلعون عيال.."

"في مـــــدرسـة ريـــــــــــــــم"

ريم : صباح الخير سارونه ..
ساره :صباح النور والسرور والفل والياسمين ..
ريم: بس بس كثرتي..بعدين وين احطهم..<<<<الرومنسيه على جنب..
ساره:ههههههههههههههههههههههه الله يرجك..
ريم:وحشتيني يالدوباا..ويــــــــنك ماتصلتي علي ولاسمعتينا صوتك بالويك اند ..الابس يوم جيتي وعطيتيني الشنطه واختفيتي بعدها..
ساره: والله ياعمري وياحبيبتي انشغلت شوي اعذريني..
ريم: مسامحتك ياقلبي..
ساره:الا تعالي قولي لي وش صار يوم طلعتي من المدرسه..
ريم:الله لايوريك شفت شي بحياتي ماقد شفته لابالماضي ولا بالحاضر ولابالمستقبل بعد..
ساره: ليه وش صار؟..
"قالت ريم لساره السالفه يوم دخلت مدرسه العيال..
ساره: ياعمري والله من جد تكسرين الخاطر ....احمدي ربك طحتي بواحد حبوب وسنع ورجال ..
ريم:تصدقين ...سليمان آآآآآخ ياسليمان هذاك الرجال خذا عقلي وقلبي وراح..
ساره: جد حبيتيه؟..
ريم: الا امووووووووووت عليه..
ساره: وش هالحركات......طيب مزيون.؟..
ريم: يقطع القلب..
ساره : حمستيني اشووفه..
ريم: هيه انتي تراني اغار على سلومي حبيبي..
ساره: بدينا .....الله يهنيك ويجمعكم مع بعض تستاهلين واحد مثله من كلامك عنه شكله رجال والنعم فيه..
ريم:ولابعد صارت احداث..
ساره بحماس: وش صار بعد شوقتيني
"ريم قلت لساره عن سالفة الساعه"
ساره: لابصراحه من حقك تتعلقين فيه..
ريم: ماتشوفيني رايحه في خرايطها..
ساره:هههههههههههه حلوه هذي خرايطها..
ريم:ايه هذي من تأثير سليمان كل يوم مطلعه كلمه جديده.
ساره:الله يقع ابليسك..
ريم: لا بعد ماحكيت لك وش صار بعد..
ساره : وش بعد لا اليوم مشتغله انتي ام هلال نقالة الحكي..
ريم:ايه لاحظت بس السبب انتي لو انك متصله علي كان قلت لك السوالف حبه حبه..
ساره:مواعتذرنا خلاص عديها..
ريم: بعديها لك تعالي داخل لان الاداريات بكفخوناا الحين شوفيهم وشلون يناظرونا..
ساره:يله مشينا..
"طبعا صاروا يسولفون بتاحصه ماعندهم أي مشاكل"
ريم:ايه بقولك عن ريم اختي وتركي صديق سليمان..
ساره: ايوه وش صار عليها..
"ريم قالت وش صار لرغد في بيت الهنوف"
ساره:ياحليلك يارغد والله منتي بسهله مشالله انتي واختك طحتوا على اصدقاء..
ريم:شفتي عاد الصدفه اللي ماتجي عالبال ولا عالخاطر..
ساره: أي والله صراحه انتي واختك خطيرين..
ريم:الله يسلمك ويسمنك..
ساره:اكثر من كذا وش اصير..
ريم: عادي توصلين بيتنااااهههههههههههههههههه
ساره:هههههههههههههه الله يرجك رجا مبرحا..
ريم:ههههههههههه ياحبيلك ياسوير..
ساره: سوير بعينك..
المدرسه: خير ياريم وساره وينا فيه فالينها سوالف وضحك..
ريم: عادي ياستاذه بس والله كنت اقولها شي خطير..
المدرسه:وش هالخطير اللي ماقدرتي تصبرين عليه لين أخلص الدرس ...
ريم : كنت أقولها عن العراق و فلسطين وش صار معاهم مساكين والله من جد حرام
ينرحمون ...
ساره ميتة ضحك على كذبه صديقتها ..
المدرسة : ولو السالفة هذي أجليها لبعد الدرس ...
ريم : إنشا الله تحت أمرك تامريني بشي بعد ...
المدرسه : ريم .. إجلسي قلتلك
ريم : إنشا الله ...
ومرت الحصص استهبال ووناسه وفله ورقص وحش <<<<<<<ما يمشون بدونه ..

نهــــــــــــــــــــــــــــــاية الــــــــــــــــــــــبــــــــــــــــــــــــا رت

خليني اعرفكم على عمة رغد وريم"" أم فواز""

ام فواز: عمتهم وهي اصغر اخوانها وهي البنت الوحيده ولها نصيب من الشركه..
ابو فوز: ولد عم ام فواز وهو اللي يدير نصيبها.
فواز: الولد الكبير عمره (30) سنه متزوج وعنده .. ولد اسمه عبد الرحمن عمره(5) سنوات .. وبنت اسمها شهد عمرها سنتين..
بدور: زوجة فواز وهي تقرب له من بعيد..
طلال: عمره(23)سنه يدرس بالجامعه.. جميل بمعنى الكلمه..وهو اجمل اخوانه
وخواته ما خذ الزين كله ... وغير الطول والرزه والجمال والجسم...كله على
بعضه جونااااااااااااااااااااااان..
فجر : هي اكبر البنات عمرها(17) سنه بنت حبوبه وطيوبه وبالنسبه للجمال يقولون عنها مملوحه..
نوف: عمرها( 16)سنه بنوته دلوعه وفيها غرور شوي وتعتبر بعد طلال من الجمال..
لين: هي اخر العنقود عمرها(13) سنه البنت المدلله وما يرد لها طلب واللي يشوفها وده ياكلها من برائتها وجمالها الطفولي..
&&&&&&&&&&&&&&&&&&&&&&&&&&&&&&&&&&&&&&&&&&&

الــــــــــــــــمـــــــــغــــــــــــرب


صحو ريم ورغد من النوم..
رغد: ريومه تعالي دوري لي لبس البسه..
ريم: البسي أي شي..
رغد: شنو أي شي.
ريم: اممممممممم البسي سبورت..
رغد: سبورت .... حلووووووو .. مشكوره يا حلى اخت..
ريم: ماله داعي الشكر...


لبست رغد برمودا جينز وبلوزه سماوي كت مكتوب علها باللون الازرق<<<لزوم التشجيع
وحطت شريطه سماوي لى شعرها وسندل ازرق وطلعت ولا احلى...

ريم لبست برمودا جينز فيها رسومات بالفوشي... وبلوزه فوشيا ربط على
الرقبه.. وتقريبا نص الظهر طالع وعليه رسومات رالفضي.. ولبست سندل ربط وسوت
شعرها كيرلي.. وطلعت مرره كيوت..

ونزلو جهزوا الاغراض .. من الاكل والتسالي وتجهيز الصاله<<< عشان التشجيع والصراخ

وصلوا البنات.. وفتحت الباب رغد وجنبها ريم..
رغد : هلا والله بنات عمي..
عبير: هلا فيك يا قلبي..
العنود تغني: يا هلا بالمقبلين<<<<<الاخت تشتغل طقاقه..
رغد:ههههههههههه الله يرجك تفضلي..
عبير: رويم متى ان شا الله المباراة..
ريم: استحي على وجهك سلمي بالاول بعدين اسألي. . وبعدين اسمي رورو.. بعدها سكتت تذكرت سليمان..
رغد لاحظتها وقامت تضيع السالفه: اقول بنات من تتوقعون يفوز .؟؟
العنود: اكيد ما يبيلها النصر اكيد..
رغد: وووووووووووووووع الله يلوع كبدك ... ان شا الله الهلال..
العنود: مالت عليك انتي ..
ريم: اقول لا زعيم الا الزعيم
عبير: ايوه لا زعيم الا الزعيم..
ريم: عاشت بنت عمي..

وبعدها وصلو بنات عمتهم ام فواز..
فجر: يا اهل البيت وينكم؟!!
رغد: هلا والله باللي حظر..
فجر: تسلمين يا عمري..
رغد: الا وين خواتك...
نوف: هذا احنا جايين لا تخافين ما نفوت المباراة والفله..
رغد: حياك البيت بيتك..وين ليونه..
لين: هااااااااي
رغد: هلا والله بالدلوعه . ترى مشعل يستناك..
لين استحت: صدق...!!
رغد: ايه صدق..
ريم:هههههههههه ما بقى الا البزارين يحبون..
عبير: وانتي الصادقه..
فجر: احنا الكبار ما حبينا .. وهالبزارين والمراهقين حب وغراميات..
لين: لا تتطنزون علي تراني فا همتكم..
دخل مشعل..
لين صار وجهها احمر: أهلين مشعل ..
مشعل : أهلين لين ... كيفك ...
فجر : مشاء الله ساحب علينا ...مشيعل مالنا سلام ..
مشعل انتبه : الا.. وسلم عليهم ...
لين : شعولي تعال نلعب بلاستيشن ...
مشعل : يله مشينا ...
الكل يطالعهم ... وبعدها انفجروا ضحك....
رغد : بزارين آخر زمن ...
عبير : إلامراهقين آخر زمن ....
ريم : بصراحه أخوي ما ينلام ...ليونه تهبل اسم الله عليها ودي أقوم أكلها ...
فجر : حتى أخوك بسم الله عليه آيه من الجمال ... وأختي ما تنلام ...
نوف : ايه ايه ماتنلام ...
رغد : أكيد يشبه لي ...
العنود : وش جاب القمر للشمس ...
رغد عصبت : من كلمك إنتي ؟!!!..

وبعدها سمعوا صوت المعلق المبارة يتكلم :أهلا وسهلا أعزائي المشاهدين ...
اليوم راح نشوف مباراة مشوقة بين فريقين قوووين الهلال زعيم آسيا والنصر
العالمي ...
رغد: بنات بدأت المبارات ...
عبير : هلال ... هلال ...... هووووه .......هوووووووه...
فجر : هلاليات .... وووووووع .....
العنود : وأخيرا لقيت أحد بصفي ...
ريم : عبيروه تصارخين ترى تونا ما بعد بدوااااا ...
عبير : لا عشان أحمسك ...
ريم : يا حليلك يا بنت عمي والله إنك خبله ...
عبير تصارخ بعناد : هلال هلال .... هوه ..... هوه .... ياسر ....... ياسر ....... هوه هوه .....
ريم : رغد بروح أجيب البوب كورن والببسي والشيبسات ...
رغد : أوكيه وتعالي بسرعة عشان مايفوتك شي ....
عبير تصارخ : يــــــــــــــــــــــاســـــــــر ... يهبل يهبل يا ناس ...
العنود : وجع فقعتي طبلة أذني ...
فجر : من زينه عاد .... سعد الحارثي أحلى ...
العنود : سعد آآه ياسعد يهبل ...
رغد وعبير : صدق ما عندكم ذووووووووق ......
وضحكوا مع بعض ... هههههههههههههههههه .....
وبعدها جابوا صورة سعد الحارثي ....
قامت العنود تصارخ : سعودي ....سعودي ... أحبك والله أحبك ....
فجر: هيه انتي اغار ههههههههههههههههه
وبدت المباراة والبنات انقسموا فريقين:
فريق مشجعات الهلال وفريق مشجعات النصر
مشجعات الهلال:رغد- ريم- عبير..
مشجعات النصر: العنود-فجر
ونوف عنصريه اللي يفوز تكون معه...
والبنات صراخ وصياح وتشجيع وطقاق على خفيف...

&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&&&&

بعد ما راح الكل على بيته ... طلعت رغد لغرفة ريم .. تبي تعرف وش سالفتها..
رغد: ريومه نايمه حبيبتي..
ريم: لا.. صاحيه .. بس راحوا البنات..
رغد: ايوه راحوا ..
ريم: سألو عني..؟؟
رغد: الا سألو عنك وقلت ان بطنك يعورك شوي.
ريم: زين سويتي..
رغد: ايوه .. خلينا منهم الحين.. وقولي لي وش صار..وش فيه سليمان..
" قالت ريم لرغد السالفه واللي صار معها مع سليمان"
رغد: اللي ما يستحي على وجهه يسألك بعين قويه"رغد تقلد صوته" كيفك ريم؟؟؟
ريومه حبيبتي عشان خاطري لا تضايقين عمرك ولا تكدرين خاطرك والله يضيق صدري لما اشوفك زعلانه..
ريم: والله مو بيدي.. قهرني يا رغد قهرني..
رغد : انسيه..... انسي انك في يوم شفتيه..
ريم بتردد: رغد.... ودي اقولك شي...
رغد بكل حنيه.: قولي بعد دنيتي انتي..
ريم: لما شفت عيون سليمان حسيت بشي غريب حسيت بمشاعر غريبه.. حسيت انه صادق
.. بس في بعض الاحيان احس ان مشاعري مختلطه ومو فاهمه شي..
رغد:ايو كملي...
ريم: احس انه يحبني وانه ما يكذب.. ومواقفه معاي تثبت هذا الشي.. تتوقعين يوم ارسل الرساله كان صادق في مشاعره ولا حاب يلعب علي...
رغد: شوفي يا قلبي بقولك كلمتين وحطيهم على بالك زين..اول شي عن المشاعر اللي حستيها يمكن الولد صادق في مشاعره ويمكن يكذب.
وثاني شي انه مهما صار ومهما حاول فيك .... ما ترسلين له او تكلمينه ...
وانتبهي على هذا الشي وانا احذرك.. اهلنا اعطونا الثقه والاحترام وعطونا كل
شي يمكن عند البنات الثانيات مفقود .. فا حرام نضيع ثقتهم ونحط سمعتهم في
الوحل عشان غلطه او زله راح تندمين عليها طول عمرك...واذا كان يبغاك يجي
يطلبك رسمي وبعدها حلال انتي وياه سوي اللي تبين بس مو يلعب بعقلك ويستغل
صغر سنك مع انه باين انه رجال والنعم فيه... بس الشيطان شاطر...
ريم: كلامك ان شا الله بعيوني..
رغد: ايه هذي اختي بعد دنياي كلها..
ريم ابتسمت : الله لايحرمني منك..
رغد: ولا منك بعد .. يله عاد لاتقلبينها حزن ودموع..
ريم: ابشري .. بس تعالي .. كنتي راح تقولين لي سالفه وش هي..؟
رغد: سبحان الله .. اللقافه فيك فطره..
ريم: هذي شغلتي..
رغد: ايه كنت بقولك ان سليمان هو اللي اتصل على مشاري .. تتذكري يوم رحت للهنوف .
ريم: ايوه..
رغد: ايه في هذا اليوم اتصل عليه والتقوا في التحليه .. وكان مشاري يقول لي انه من زمان ما كلمه...
ريم: اهاااااااا... بس وشلون طرى على باله مشاري..
رغد: والله علمي علمك..
"ريم دخلت جو مع نفسها"
رغد: ريــــم....ريــــــــــــــــــــــــــــم ..
ريم: وجع.. وجع.. خير... تراني مو مستغنيه عن اذني..
رغد: وش تفكرين فيه..
ريم: وش عليك..
رغد:بدينا..
ريم:وش رايك تروحين تنومين احسن..
رغد: ايه والله اني دايخه حدي...
ريم: يله روحي غرفتك وتصبحين على خير..
رغد: والله ما تستحين على وجهك ... طيب جامليني شوي.. قولي لي نامي عندي..
ريم: انا صريحه وما احب المجاملات ..
رغد: اقول.. نامي.. نامي يا الصريحه..

&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&&&&



عنـــــــــــــــــد سليمـــــــــــــان

سليمان: ليش يا ريم كنتي تناظريني كذا..وش كنتي تقصدين بنظرتك... يمكن تقصد
الرساله..... الا اكيد كانت تقصد الرساله...انا الغبي يا ليتني ما
ارسلت.... البنت باين عليها الحزن...كله مني ومن تفكيري الغبي ... اصلا ما
كان له داعي رسايل والله ماله داعي.. هي باين عليها حساسه.... وشكلي جرحتها
وجرحت مشاعرها ... اكيد لاني بأي صفه ارسل لها .. طول عمري ... غبي..
غبي... غبي.....

سليمان حاس بتأنيب الضمير اللي ذبحه وما قدر ينام ... لما طلع نور الشمس ويادوب غفت عينه..




&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&&&&

فــي بـــــــيــــــــت ابــــو مشـــــــــاري

ابو مشاري: وينكم يابنات ماشفتكم من زمان..
رغد:زي منت عارف يبه مدارس ودوامات وتعب ..وانابثالث ثانوي..
ابو مشاي: ايه الله يوفقكم انشاءلله..
ام مشاري:آمــــيــن..الا وش اخبار البنات امس؟..
ريم:والله يمه امس وناسه وفله بصراحه....
مشاري: اكيد فالينها ....صراخكم واصل للحاره اللي جنبنا..
رغد: ليش غاير..
مشاري:تكفين وش عليه اغار..
مشعل:الا يا ريم من فاز امس..
مشاري: ليش ما تابعت المباراة..
ريم: وين يتابع المباراة وفيه لين ما تخليه يتنفس..
مشاري: امس فيه لين يا حليلها..
مشعل: اصلا انتي وش عليك مني..
ريم: احنا البنات شايفين المبارة وانت الولد لاهي مع حبيبة القلب..
مشاري: ليش انتو عادين انفسكم بنات انتو صعايده شويه عليكم..
"ريم تذكرت اشالكهم امس وقعدت تضحك"
ام مشاري: وش فيهم بناتي يهبلون كل الرقه والنعومه فيهم.. وبعدين على
المباراة عادي شوف الغرب عندهم الحرمه مو تابع الاتلعب
عادي..<<<<<الام خطيره..
مشاري: يا ليته على كذا كان زين ... شي اعظم خليني ساكت احسن لي..
رغد تبي تغير السالفه عشان ما يفشلهم قدام اهلهم ..:الا اليوم يمه تراني راح اعزم الهنوف في بيتنا..
ام مشاري: حياها الله بأي وقت هذي الهنوف..مو أي وحده..
مشاري: ودي اشوف هالهنوف اللي مزعجينا فيها ..كل كلمه والثانيه الهنوف والهنوف..
رغد: هذي روحي الثانيه..
مشاري: احلى يا الرومانسيات.
ريم: ايه هذا ولا شي من رومانسياتها هي وصديقتها..
رغد: ليه غايره منها.
ريم: مسكينه اغار..
ابو مشاري: الحمد لله شبعت..
ام مشاري: زين كذا خليتو ابوكم يقوم من الغدا..
ابو مشاري: ام مشاري خليهم على راحتهم انا ما عندي غيرهم..
رغد تبوس راس ابوها: الله يخليك لنا يبه ولا يحرمنا منك..
ريم وقامت تبوس راس ابوها: آمين..
رغد: يا حبك لتقليد..
ريم: ابوي وانا حره بكيفي..
ابو مشاري: انا لكم الثنتين...
مشاري: واحنا يبه لنا الله..
ابو مشاري: والله معزتكم وحده..
ام مشاري: اجل انا المنسيه..
ابو مشاري.: عاد انتي الكل في الكل...
رغد: احلى يا يمه .. احلى يبه على الرومانسيات انا ما اقدر..
ريم: تبغونا نروح عشان تاخذون راحتكم..
ام مشاري استحت: اجلسوا بس كملوا اكل وانتو ساكتين..
صار الكل يضحك على امهم المستحيه...

عند ريم ورغد
العصر بعد الغدا...
رغد: ابقوم اتصل على الهنوف ..
ريم: ليه انتي عندك غيرها...
رغد: يا ربيه هالبنت بتذبحني بلقافتها..
ريم: اتصلي على صديقتك وانتي ساكته..
رغد اتصلت على الهنوف...
رغد: الووووووو.... هلا الهنوف
الهنوف: هلا والله بهالصوت وصاحبة الصوت.
رغد: تسليمين يا قلبي..
الهنوف: ايوه.. كيفك..وش اخبارك..
رغد: الحمد لله بخير وانتي كيفك..
الهنوف: الحمد لله بخير يا قلبي..
رغد: اكيد راح تجين عندي اليوم....
الهنوف: ايه ان شا الله انا قلت لامي ووافقت بس بقى تركي اقوله وان شا الله يوافق ..
رغد سمعت طاري تركي ضاعت علومها: ايه تركي...قلتي تركي...
الهنوف: رغد.... وش فيك ....قلت تركي..
رغد: ايه زين خلاص قولي له وردي علي...
الهنوف : اوكيه قلبي..
رغد: تامرين على شي عمري..
الهنوف: سلامة روحك..
رغد: بااااااااي
الهنوف: بااااااي..
دخل تركي شاف الهنوف تكلم .... ولما خلصت....
تركي: مين كنتي تكلمين ..
الهنوف: اكلم صديقتي..
تركي: احلفي.... ادري انها صديقتك ...من هي..<<<يبي يتأكد انها رغد..
الهنوف: هذي رغد...
تركي بس سمع اسمها تلخبط كيانه: ايه وش اخبارها...
الهنوف بصدمه: خير وش هالسؤال ما تلاحظ انك تمون على صديقتي ..مو كفايه اللي سويته يوم جات عندي....
تركي: عادي انا وش سويت ..قلت لك وش اخبارها ...ما قلت بكلمها..
الهنوف: صدق انك ما تستحي على وجهك..
تركي: عاد احترمي نفسك ..تراك ما تنعطين وجه ..
الهنوف تذكرت الطلعه وقامت تتمصلح:تروك اخوي لاتزعل..
تركي: سبحان الله المصالح تغير اللي ما يتغير .. وش تبغي..
الهنوف: طلب صغير بالمرررررررره...
تركي: هنيف اخلصي علي ..
الهنوف: امممممممممم.......اليوم صديقتي عازمتني..
تركي: وانتي من متى تروحين صديقاتك..هاااااه..
الهنوف: مو أي صديقه هذي رغد اللي عازمتني ...
تركي : رغد...
الهنوف: ايه..
تركي: بما انها رغد واحس انها بنت عاقله ومؤدبه وفي نفسه" وذابحتني" راح اخليك تروحين لها ..
الهنوف: يا بعد قلبي انت خلني اروح ابشرها ...
راحت الهنوف تتصل على رغد..
رغد: هلا والله ...
الهنوف: يا هلا والله وغلا برغد دنياي..
رغد: بشري...
الهنوف: لا الحمد لله وافق......والتفتت تدور تركي لقته ملصق اذنه بالسماعه
الهنوف: رغوده حبيبتي لحظه شوي...............هيه انت خير...
تركي منسجم مع الصوت..
الهنوف تدفه: تريك بعد عن وجهي ...
تركي: يا حبك للنذاله ..........وراح..
الهنوف: معليش رغد ....
رغد:لا عادي بس وش فيك..؟؟
الهنوف: تريك ملصق اذنه بالسماعه ما خلاني اتكلم ..
رغد قعدت تضحك وما سكتت... تضحك ليش ما تدري .... بس تخيلت تركي قامت تضحك....
الهنوف: رغد خلاص عاد يكفي ضحك..
رغد: هههههههههه معليش هههههههه الهنوف ههههههههه والله بطني ههههههههههههه ما قدرههههههههههههه..
الهنوف: اجل بسكر حبيبتي وانتي اضحكي لما يأذن....
رغد : لاتتأخرين بس ههههههههههههه
الهنوف: ان شا الله مع السلامه...
رغد سكرت السماعه وما زلت تضحك: يا حليله والله ...
ريم واللقافه ماكله قلبها : على ايش هالضحك ... الحمد لله والشكر... ومنهو اللي يا حليله...
رغد: تركي ملصق اذنه بالسماعه..
ريم: طيب وهذا اللي مضحكك..
رغد: ايه ههههههههه
ريم: الحمد لله والشكر على العقل.. صدق من قال اكبرهم اهبلهم ...
رغد جاتها حالة الضحك .. تضحك على كل شي : هههههههههههههههه
ريم: رغيد عاد خلاص ما صار...
رغد تضحك ما سكه خط......
ريم: اوووووووف ترى مليت من جد..
رغد تحاول تسكت وخذت نفس: اووووووووووه .........بس تخيلت شكله رجعت تضحك.
ريم: اقوم لأمي احسن لي ............يا المجنونه...
رغد في نفسها" مجنونه بحبه"




&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&&&&

فـــــــــــي بيت الهنوف

الهنوف في غرفتها محتاره....
الهنوف: ياربيه محتاره ما ادري وش البس..؟؟
ام تركي دخلت على الهنوف: هلا هنوفه حبيبتي لبستي..
الهنوف: والله يا ماما محتاره ما ادري وش البس...؟؟
ام تركي: اجل خليني اساعدك...
الهنوف : يله
%%%%%%%%%%%%%%%%%%%%%%%%%%%%%%%%%%%%%%%%%
واخيرا لبست فستان فوشي وفيه ابيض واورنج قصير لفوق الركبه... ولبست تحته
برمودا ابيض وداخله فيه الوان الفوشي وشوي اورنج ..ولبست سندل مرررره نعوم
فيه كرستالات فوشي ....وكان شعرها الفراوله وحطت كرستاله في شعرها على جنب
فوشيه...وطلعت اخر حلاوه ....وحطت ميك اب مرررره نعوم ..وطلعت ولا باربي...
%%%%%%%%%%%%%%%%%%%%%%%%%%%%%%%%%%%%%%%%
ام تركي: بسم عليك طالعه تهبلين...
الهنوف: من انولدت وانا اهبل بس محد ملاحظ...
ام تركي: اللي ما يلاحظ عمي...
الهنوف: تسليمن يا احلى ام...
ونزلت لعند تركي...
الهنوف: تركي رح قل للسايق يوصلني...
تركي: وليش السايق .... انا اوصلك...
الهنوف تلمس حرارة تركي: متأكد انت مو تمزح...
تركي: ايه متأكد وش فيها اخو يوصل اخته بعد هذي فيها شي..
الهنوف : لا ما فيها شي بس اول مره تسويها...
تركي في نفسه" ان شا الله ان شا لله اشوفها"
الهنوف: تركي......تركي......
تركي: هلا
الهنوف: يله تأخرنا ..
تركي: يلا........
"على فكره ابو تركي دايما مسافر مشغول ولاهي في شغله ويزورهم في السنه مره
وام تركي متحمله كل شي عشان عيالها ومدلعه الهنوف عشان ما تحس بفراغ لان
ابوها مو موجود"
في الطريق........
تركي: ما ودك تاخذين معك شي...
الهنوف بصدمه: وش هالذرابه والادب اللي نازل عليك...
تركي: طول عمري ذرب وذويق وراعي واجب..
الهنوف تتطنز: بسم الله عليك .. لاتعلم احد اخاف يصكك بعين ...
تركي: هنيف عن السماجه واخلصي تبين ولالأ
الهنوف: ايه ليش لأ ما دامه على حسابك..
تركي:"كل شي يرخص عشان الغاليه" وبعدها ابتسم.....
الهنوف: الحمد لله على ايش تبتسم..
تركي: لابس تخيلتك طايحه من الدور السابع ...
الهنوف": جعلك ما ني قايله ..... استغفر يا النذل...
تركي: هههههه والله لو تصير .... بجد بصير شكلك تحفه....
الهنوف: سوق وانت ساكت واللي يعافيك...
تركي: هذا المحل اسمه اوبرا ..حلو..
الهنوف: هذا ما عليه .. واختار شي سنع...
تركي: تامرين امر..............ونزل...
الهنوف : هالولد فيه شي بس لازم اعرفه..
وبعدها بدقايق وصلو لبيت رغد وكان تركي حاط سيارته عند المدخل وعسى يقز
شي....نزلت الهنوف ورنت الجرس فتحت الخدامه الباب كله... ورغد كانت واقفه
قباله.... تركي ما صدق على الله وفتح الشباك عشان يشوف زين ... طاحت عيونه
بعيون رغد وتركي ابتسم ابتسامه تعذذذذذذذذذذذذذذذذب ... رغد هنا خلاص تحس
ان بطنها يعورها وحرارة جسمها مرتفعه ودقات قلبها وصلو المليون ..
الهنوف تطالع رغد وبعدها تطالع تركي وترجع تطالع رغد وبعدها تركي ..لما حست انهم طولوها وهي قصيره سكرت الباب.....
تركي: والله من النذالة يا هنيف......بس والله تهبل تجنن هالبنت مو طبيعيه
فوق الخيال فيها شي يجذب بقووووووه ....وحرك سيارته وهو مبسوط..
رغد: هلا والله هنوفه تو ما نور البيت..
الهنوف: توك تتذكريني ساعه واقفه عند الباب..
رغد تفشلت: لاساعه ولا شي...
الهنوف:تناظرين اخوي ما شلتي عينك هبلتي فيه صار مسبوه... ترى ما كان عنده نيه يجيبني اليوم الا يوم درى انه انتي..
رغد ابتسمت:اهم شي جابك..
الهنوف: اهااااا ... الحين عرفت سبب انه صاير ذويق وراعي واجب اثرك لاعبه في عقله..
رغد:الهنوف وش هالكلام وانا وش دخلني فيه..
الهنوف: من شافك هذيك المره وهو مسبه طيرتي عقل اخوي..
رغد: هههههههه شكل ودك تقعدين برا يله تفضلي..
الهنوف: زاد فضلك... تصدقين اشتقتلك..
رغد: مسرع امس شايفتك في المدرسه ..
الهنوف: ولو اشتقت لك..
رغد:عمري انتي.... وش رايك نطلع فوق ونفلها....
الهنوف: براحتك..
رغد: اوكيه ... انتي اطلعي فوق وانا راح الحقك...
الهنوف : اوكيه..
طلعت الهنوف فوق وقعدت تطالع الغرف... الحين هي ما قالت لي أي غرفه.. بس
شكلها هذي وراحت الغرفه وهي مستعجله وفتحت الباب بقووووووه......
وانصدمت من اللي شافته.............
شافت مشاري لابس وكاشخ وقاعد عند المرايه يتعطر ومالف عليها ولا حاول يشوف من عند الباب لانه على باله انها ياريم او رغد...
مشاري : ريم .. ما شفتــــــــــــــــــــــــ ولف وجهه...........
الهنوف تطالعه ومنبهره بجماله وما قدرت تتحرك رجولها ما تساعدها جماله مخليها ثابته......
مشاري ما قدر يشيل عينه من عليها كان شكلها ساحر وجذاب فيها شي يسحر موطبيعي وجمال خيالي وبرئ ...
مشاري ابتسم ابتسامه تعذذذذذب وتذوووووب الصخر...
الهنوف" ولا بعد يبتسم الظاهر ناوي يوديني المقبره ...."طالعت جسمه" ولا بعد الجسم خيالي"
مشاري"هالبنت فيها شي مو طبيعي وعليها عيون تقطع القلب ..بس غريبه ما تحركت
من مكانها بس احسن لي خليني اكحل عيوني بجمالها ..سبحان ربي اللي
خلقها..."
الهنوف انتبهت على عمرها وما مكان ودها تتحرك بس استحت على وجها وسكرت الباب ومشت بسرعه ولقت بوجهها رغد...
رغد: الهنوف خير وش فيك طايره ولونك مخطوف..
الهنوف: لابس كأني سمعت صوت رجال فوق...
رغد: ايه نسيت اقولك مشاري فوق..
الهنوف في نفسها" هذا مشاري يا حلوه ويا حلو اسمه.."
رغد: الهنوف وين رحتي..
الهنوف: حبيبتي معاك..
رغد: يله خلينا نطلع للغرفه..
النوف : يله...
طلعوا فوق وعيون الهنوف على باب غرفة مشاري ودخلو غرفة رغد...
رغد: هنوفه بعد قلبي اقعدي شوي وبرجع..بروح اشوف مشاري واقوله انك فيه عشان مايدخل غرفتي اوكيه .. ترى ما راح اطول..
الهنوف في نفسها" شافني وحفظني وخلص": ايوه خذي راحتك..
دخلت رغد غرفة مشاري... مشاري طالع الباب تخيل انها هي<<<حلى كل شوي..
رغد: مشاري انتبه ترى صديقتي بغرفتي..
مشاري: من صديقتك..
رغد: يعني ما عندي الا صديقه وحده واللي هي الهنوف..
مشاري: هذي الهنوف اللي......"توه بيقول اللي دخلت بس انتبه على عمره"
رغد: اللي ايش..
مشاري يصرف: لا كنت بقول اللي ازعجتينا فيها..
رغد: ايه عندك مانع ..
مشاري: لا حياها الله بأي وقت واذا ما شالها البيت تشيلها عيونا..
رغد تطالعه منصدمه: شكلك قاعد اليوم بالشمس كثير .. اروح عند هنوفتي احسن لي..
مشاري في نفسه" والله عندك ذوق يا رغدوه صديقتك صراحه شي يفتح النفس"
ونزل وطلع....
رغد رجعت للهنوف: معليش تأخرت..
الهنوف : لا عادي خذي راحتك ... الا وين ريم..؟؟
رغد: الحين جايه لاتخافين ما تحب تفوت شي..
الهنوف: ايه يا حليلها..
دخلت ريم: هااااي هنوفه...
الهنوف: هاي ريومه كيفك...
ريم : الحمدلله بخير بس خليتي اختي تهلوس فيك..
الهنوف: رغووووده بعد قلبي والله...
ريم :انتو ما تملون من الرومانسيات ..
الهنوف: لاااااااا
رغد: اتركيها ما عليك منها غايره..
ريم: عشان صديقتها فيه تكبرت علينا..بس خليها تروح اوريك......
الهنوف: ما راح اروح بنام عندكم عناد..
ريم: امزح حياك الله أي واذا بتامين عندي ما عندي أي مانع..
رغد: صديقتي ابعدي عنها..
ريم: احلى ياللي تغار..
رغد: هذي هنوفه مو حيا الله..
ريم: يا حليلكم بس..
وكملو السهره ....سوالف وضحك وشوي على خفيف هوشات بس انبسطوا وفلوها وطبعا وشي اكيد لاتخلو من الرقص والحش....

" نـــــــــهــــــــــــــــايــــــــة الـــــــــبـــــــــــارت

القصه رووعه .َ~

منتظره التكملله .َ~

عن جد فلله .َ~

ودي .َ~

لعيونك
الجـــــــــــــــــــــــــــــــــــــــزء الــــــــــســـــــــــــــــــــابــــــــــع

بعد ما طلعت الهنوف من عند رغد....
ريم: يا حليلها الهنوف بصراحه اليوم طالعه قمر ..اسم الله عليها..
رغد: إيه والله اليوم بصراحة طالعه خطيرة..
ريم: إن شا الله تكونين أنتي وياها بالجامعه مع بعض..
رغد: الله يسمع منك .... وهذا اللي مخوفني انو ما نكون مع بعض..
ريم: تفاءلوا بالخير تجدوه..
رغد: ما قلت لك ... فاتك شي خطير...
ريم: وشو اللي فاتني ؟؟؟ ومتى وشلون وكيف ... علميني بسرعه..
رغد: سبحان الله ...دايما مرجوجه ياختي خففي لقافه شوي..
ريم: ما اقدر صار طبع فيني ... بس تكلمي بسرعه..
رغد: تخيلي اليوم تركي شافني..
ريم: بسم الله متى شافك ..
رغد: يوم جاء ينزل الهنوف ..الخدامه فتحت الباب كله وصرت انا بوجهه..
ريم: واكيد ما كلفتي على نفسك وتعبتي عمرك وبعدتي عن الباب..
رغد: كنت بأسويها بس ما قدرت يهبل.. يهبل يا ريم ولا وكاشخ وسكسوكته مكثرها طالع شكله توب..
ريم على طول جاء على بالها سليمان: اهااااااااااااا..............
رغد حست فيها: ريم حبيبتي وش فيك..
ريم: ما فيني شي كملي..
رغد: وش اكمل خلصت السالفه..
ريم: صدق ما عليش ما نتبهت .. بروح انام تعبانه حدي..
رغد ضاق صدرها على اختها لانها تعلقت بواحد ما تدري وش مشاعره تجهها وهي توها صغيره وما تستاهل
ريم وبخاطر مكسور: تصبحين على خير..
رغد: وانتي من اهله..

راحت ريم لغرفتها ونسدحت على السرير ...آآآخ يا سليمان كنت من يوم يجبون
طاريك افرح .. والحين من اسمع أي شي يذكرني فيك يضيق صدري...بس والله حبيتك
من كل قلبي...واتمنى من كل قلبي ان تكون ضنوني كلها خطا وان اللي حسيته
بعيونك هو الصح.. يارب ...يارب...ابغى الحقيقه ... ابغى لو نور بسيط بوسط
الظلام اللي انا عايشته...ابغى بس ..بس حبل اتعلق فيه.. ابي ذرة امل من
حياة كلها يأس ... يارب... يارب..ونامت ودمعتها على خدها وترتجي ان سليمان
يحبها لانها ما تقدر تعيش بدونه ..


فـي بيــــــــــت الهنوفــــــــــــــــــــــــ

" حبت اقول شي ان الهنوف وتركي توأم بس ما يتشابهون اكيد ومتنا قضين في كل شي.."

كانت الهنوف وامها جالسين بالصاله...
ام تركي: هاه .. حبيبتي ان شا الله انبسطتي عند رغوده..
الهنوف: والله انبسطنا وفليناها بصراحه اختها رورو تهبل فله...
ام تركي: وهي بأي سنه..
الهنوف: هي بثالث متوسط...
ام تركي: ما شا الله .....الله يخليها لاهلها..
الهنوف: امين ..
دخــــــــل تركي...
تركي: احلى سلام لأحلى موجودين..
ام تركي: هلا والله بوليدي
تركي: هلا يمه وشلونك وش اخبارك..
ام تركي: بخير دامك بخير..
تركي: اهلين بأختي الهنوف وش فيك ساكته انبلع لسانك..
الهنوف: تركي اذا بتستخف دمك خلني اقوم احسن لي..
تركي: لا خلاص اجلسي بأسكت ..
الهنوف جلست تبغى تفضحه عند امه يعني جلست شر:ايه صح تركي نسيت اقولك ..وش عندك اليوم اليوم تقز صديقتي قز...
تركي يصرف الموضوع: انا.........متى..؟؟
ام تركي: وش السالفه .. اخوك وش فيه وش مسوي ...
الهنوف: يمه ابد سلامتك ...بس تركي قعد يطالع صديقتي رغد لما حفظها ولو اقوله ارسمها رسمها..
ام تركي: تركي الكلام اللي تقوله اختك صح...
تركي: يمه ما عليك منها احقريها ...عاد من زينها هي وصديقتها<<والله العكس..
ام تركي: اسمعني زين...ياتركي انت ما ترضى احد يطالع بأختك وشلون عاد بنات
الناس .. ولا اقرب الناس لاختك اللي ما تعتبرنا غير اهلها وما تعتبر الهنوف
الا اختها الثانيه..
تركي: يمه ما طالعت احد..الهنوف تبالغ..
الهنوف: يمه يعني ما تعرفين سوالف ولدك ما هي جديده..
تركي: انتي اسكتي ولا والله لا اقوم واعلمك الادب..
الهنوف سوت اللي براسها: انا طالعه فوق .........يمه تصبحين على خير<<<<نذله..
ام تركي: وانتي من اهله ...... وتغطي زين لا يحوشك برد..
تركي: يمه أي برد واللي يعافيك ... الدنيا تطبخ من الحر..
ام تركي: ولو اخاف على صحة اختك ...
تركي: انا المنسي بالسالفه..
ام تركي: انت اترك سوالفك وانا احطك بعيوني..
تركي معصب: انا طالع .......تصبحين على خير...
ام تركي: وانت من اهله ..... الله يهديك ياوليدي .... وتجوز عن هالحركات اللي مالها داعي..

عنــــــــــــــــــــــــــــــــد مــــــــشـــــــــــــاري


مشاري منسدح على السرير ويفكر: الهنوف ... حبيت هالاسم وصاحبة الاسم ...
شكل البنت فله رومانسيه مو مثل اللي عندنا<<<الولد متعقد..
ولا وباين عليها نعومه .. وعيونها احس فيها لغز ...من البراءة اللي
فيها...انا لازم افاتح امي بالموضوع ...كل يوم تحن على راسي تزوج تزوج
..الحين اخليها تخطبلي من بكرا<<< الاخ مستعجل..
انا الحمد لله ادرس واشتغل مع ابوي في الشركه وما قاصرني شي .. بس اخاف
تقول دراسه وما دراسه ومو الحين او ما افكر بالزواج..بنات هالايام دلعهم
زايد..بس ان شا الله انها مو منهم ..."وقعد مشاري يفكر طول الليل لحد ما
استقرت الفكره براسه وبعدها نام"


عــــــــصـــــــر الجمعه

ريم تكلم ساره..
ساره : سمعتي بالخبر..
ريم: لا ما سمعت شي..
ساره: الرياض كلها درت معقوله ريم ما تدري..
ريم: ساره اخلصي شنو...
ساره: فيه مؤتمر بينعقد في الرياض وعطونا اجازه يومين يوم الثلاثاء والاربعاء ...ومع الخميس والجمعه صاروا اربع ايام..
ريم والدنيا مو سايعتها من الفرح: قولي والله....الله من جد وناسه ياااااااااااااااي فله..
ساره: ايه ترى بس الرياض اللي فيها الاجازه..
ريم: بصراحه مساكين الباقي بس اهم شي ان هالاسبوع نصه اجازه..
ساره: ايه عاد خططوا عليه صح..
ريم: لاتنسين دائما وابدا معك ام الافكار..
ساره: لا ما نسى ابد..
ريم: والله والله وناسه ..بروح ابشر رغد...
ساره :اجل يله ما اطول عليك مع السلامه واشوفك بكره ان شا الله ..
ريم: ايه ان شا الله .. مع السلامه ..

وراحت ريم على طول عند رغد..
ريم: رغد.. رغد..بسرعه بسرعه..
رغد: خير وش فيك؟؟
ريم: سمعتي بالخبر..
رغد: أي خبر؟؟
ريم: خبر الاجازه..
رغد: ايه توني مسكره من الهنوف تبشرني..
ريم: والله فله وش نخطط عليه..
رغد: الهنوف ما شا الله عليهم بيروحون الشرقيه..
ريم: الشرقيه... والله فكره..
رغد: وشو اللي والله فكره..
ريم: نروح الشرقيه احسن من الرياض ومنها سفره..
رغد: والله وناسه اهم شي اكون مع صديقتي..
ريم: وانتي هذا اللي هامك ... صديقتك واخوها..
رغد: يا اللي ما تستحين على وجهك عيب تقولين هالكلام لاختك الكبيره..
ريم: يعني تلعبين على نفسك انك ما تحبينه او حتى ما تفكرين فيه..
رغد صارت تفكر انها احتمال تشوف تركي وعاااااااااااااااااااااااشت الجو....
ريم: رغد....رغد...... لا البنت راحت فيها لروح لامي احسن لي ... واقولها عن مخططاتي..
رغد ما زالت تفكر بعمق













ام مشاري: والله ما ادري يا ريم قولي لابوك ومشاري..
ريم: يمه والله الشرقيه فله ووناسه وكل الناس بيرحون لها ... وخلينا نروح احنا وعمتي وعمي وخالتي بعد..
ام مشاري: ابقول لابوك ونشوف..
ريم: يمه حاولي فيه وان شا الله بيوافق..
ريم مسكت التليفون وبدت نشرة الاخبار..<<<<ام هلال...
ريم: ايوه عبيرمثل ما قلت لك قولي لابوك لحد ما يوافق..
عبير: والله لو نروح من جد بنبسط ..
ريم: اكيد ما يبغالها . بس ما اوصيك حاولي حاولي ولا تخلي اليأس يتغلب عليك..<< تأثير الحماس
عيبر:وينى فيه في معركه..
ريم: ههههههه المهم انا بروح اكلم البقيه مع السلامه..
عبير: مع السلامه..
@@@@@@@@@@@@@@@@@@@@@@@@@@@@@@@@@@@
ريم: فجر مثل ما وصيتك..
فجر: لا توصين حريص اصلا امي ما يبليها شي على طول بتوافق..
ريم: المهم علميني بأخر المستجدات..
فجر: اوكي...
&&&&&&&&&&&&&&&&&&&&&&&&&&&&&&&&&&&&&&&&&&&

الحين راح اعرفكم على خالتهم..

ام فيصل: هي اخت ام مشاري الوحيده وما عنها الا بنت وحده وولد واحد..
ابوفيصل: رجل اعمال كبير ومشهور وتستفيد منه شركة ابو مشاري وابو ماجد..
فيصل: الولد الوحيد مثل ما قلت عمره (20) سنه بالجامعه..وسيم لابعد درجه
اسمر وسماره يذبح وجذاب وعيونه سود وكحيله وطويل ومايل لنحف شوي ..بس
السكسوكه ما يبلها كلام محليته وطالع ولا احلى..
شجون: دلوعة امها وابوها واخوها<<<من بقى..
عمرها(17)سنه ...تشبه فيصل بس ملامحها ناعمه واكثرشي ما خذه العيون الكحيله ..حبوبه وطيوبه بس فيها دلع شوي...

ريم: هلا شجون..
شجون: اهلين ريومه..
ريم: وش اخباركم.
شجون : الحمد لله..
ريم: اكيد سمعتي بالخبر.
شجون: تقصدين الاجازه..
ريم: ايوه عليك نور..
شجون: ليش وش فيها..
ريم: احنا خططنا نروح الشرقيه..
شجون: من جد اجل احنا معاكم..
ريم: اوكيه قولي لخالتي واتفقي معاهم عشان نروح مع بعض ...اوكيه..
شجون: اكيد...اوكيه ما يبلها كلام..يله باي..
ريم: باي..

ريم رجعت لعند رغد بغرفتها وما زالت رغد بنفس الوضعيه اللي تركتها فيها ..
ريم: الحمد لله على العقل صدق البنت خبله........رغد....رغد..
رغد: هااااه .....نعم....خير..
ريم: الخير بوجهك ....هيه انتي اصحي ....اصحي..
رغد: ليه شايفتني نايمه..
ريم: تدرين صار لك نص ساعه وانتي على هالحااال ..
رغد: اخلصي وش تبين ...تراك قطعتي حبل افكاري..
ريم: طيب لزقيه ههههههههههههههههههاي ..
رغد: هه هه هه بايخه يا الباخيه..
ريم: المهم انا كلمت امي وبيت عمي وبيت عمتي وبيت خالتي عن الشرقيه..
رغد: الله االله مسرع ما صدقتي خبر ما شا الله عليك المفروض تصرين صحفيه..
ريم: بسم الله علي من عيونك..
رغد: ما شا الله عليك..
ريم: ايه كنت اقولك خلينا نجهزالاغراض الحين عشان الحماس..
رغد:طيب قلتي لابوي..
ريم: خلاص انا قلت لاعمامي اكيد بيوافق وانا اقول نمشي الاثنين احسن..
رغد: وانتي على كيفك بتمشين الرجال.
ريم: ايوه انا ريم عن عشرة رجال..
رغد: ايه واضح عليك..
ريم: ونغيب من المدرسه الاحد عشان نستعد للرحله..
رغد: حرام وش بقيتي السبت كمليها وخلصي نفسك..
ريم: ودي بس ابي اشوف سارونه واودعها..
رغد: ايه زين فكرتي فيها..
ريم: خلينا ننزل عند امي..
رغد: يله..
ونزلو تحت لعند امهم بالصاله ولقوا ابوهم ومشاري ومشعل..
ريم: هااااااااي..
رغد: هاااااااااااااااي..
ابو مشاري: وش هاي ..قولو السلام عليكم..
ريم: ان شا الله يبه من عيوني المره الثانيه..
مشعل:يبه ما تعرف على قولتهم حركات بنات..
رغد تهمس لامها: يمه قلتي لابوي عن موضوع الشرقيه..
ام مشاري: ايه قلت له وبعدين دقوا عليه اعمامك وقالوا موافقين..
رغد: ايه زين الحمد لله......................ريم..ريم..
ريم: خير..
رغد: ترى اعمامي وافقوا واتصلوا على ابوي .. وابو وافق..
ريم: واااااااااااااي ونااااااسه..
مشاري: اجل يبه بنروح الشرقيه.
ابو مشاري: ايه ان شا الله..
ريم: بابا ودنا نمشي يوم الاثنين..
ابو مشاري : والدوامات والشركه..
ريم: بابا عادي خذوا اجازه..
ابو مشاري: هاه مشاري وش رايك..
مشاري: والله يبه الشركه مستقره وعادي لو نروح من يوم الاثنين..
ابو مشاري: اجل الاثنين الاثنين..
رغد وريم: يــــــــــــــــــــــــــــس...
مشاري : قلتوا لاعمامي وخالتي..
ام مشاري: ايه ريم ما قصرت ما بقت احد الا وقالت له..
مشاري: ايه عاد ريم واللقافه ونشر الاخبار تلقينها..
ريم حاقرته وما ردت عليه..
مشاري دق موبايله: عن اذنكم..
ابو مشاري: اذنك معك..
مشاري: الو هلا سليمان..
ريم سمعت سليمان ذبت اذنها عنده
سليمان: هلا والله كيفك؟؟
مشاري: والله الحمد لله بخير .
سليمان: الحين وش عندك..
مشاري: ابد قاعد مع الاهل..
سليمان: اجل اشغلتك.
مشاري:: لاعادي....اسمع الاهل بيروحون الشرقيه تخاويني..
سليمان:والله ما ادري..
مشاري: عادي انت والاهل وخل الاهل يتعرفون على بعض..
ريم سمعت بس ان مشاري قال تخاوينا الشرقيه وقلبها تحس انه بيطلع من مكانه ..
مشاري: اجل استشير الاهل ورد علي..
سليمان: اوكيه خلاص تامرني بشي ..
مشاري: سلامتك ...مع السلامه..
سليمان: مع السلامه..
ورجع مشاري لعند اهله..
ام مشاري: اجل هذا سليمان...
مشاري: ايوه وقلت له يجي ومعه اهله معنا للشرقيه..
ام مشاري: زين سويت خلينا نتعرف على اهله شكلهم ناس اجاويد..
ريم ما تحملت انهم يتكلمون عن سليمان ..وقامت لان عيونها بتفضحها وكانت
خانقتها العبره مشتاقه لسليمان وفرحانه وضايق صدرها بنفس الوقت.......وقامت
ولحقتها رغد....................
رغد:ريم وش فيك؟؟
ريم: يعني ما سمعتي انه بيروح معنا للشرقيه ..
رغد: طيب وش فيها..؟؟
ريم: انا ما اقدر اتحمل ..
رغد:هذا الشي بيكون من صالحك عشان تعرفين وش مشاعره..
ريم قعدت تفكر: صح انا لازم اعرف وش اخرتها معك يا سلمان ولازم اصفي اللي بينا ..
رغد: المهم لاتتعبين نفسك من التفكير كل شي مع الايام بيوضح ....
ريم: ان شا الله ..................
نهااااااااااااااااااااااااااية البااااااااااااااارت

الــجــــــــــــــــــــــزء الـــثـــــــــــامـــــــــــــــن

صبـــــــــــــــــــــــــــــــــاح السبــــــــــــــــــــــــت


في مدرسة ريم..


ساره: اهلين رورو..
ريم: اهلين سارونه..
ساره: مبروك مقدما على الاجازه..
ريم: الله يبارك فيك .. ما تصدقين قد ايش فرحت فيها...وخلتنا نفتك من المدرسه شوي..
ساره: عاد انتي والمدرسه بينكم حرب طاحنه..
ريم: ههههههههههههه حلوه هذي طاحنه..
ساره:ايه وش قررتوا تسون فيها..
ريم:قررنا نروح الشرقيه ..احنا وعمتي وعمي وخالتي..
ساره: ما شا الله عليكم .. والله وناسه وخصوصا اذا كانت جمعه..
ريم: اكيد.....وانتو؟؟؟
ساره:يعني ما تعرفين الوالد بيودنا المزرعه نقعد نقابل بعض وبس..
ريم: ايه الله يعين....الا ليش ما تجين معانا..؟؟
ساره: صاحيه انتي ...ابوي لو اقوله بنام عندكم ليله وحده سوا فيني شاورما
..اجل لو اقوله بسافر معاكم بيربطني بحزام كله قنابل ويفجر فيني...
ريم: بصراحه ابوك مرره خطير..
ساره: ايه وش عللى بالك الامور سهله...
ريم: ما علينا من ابوك الحين ....سارونه جد با شتاقلك.."وخنقتها العبره"<<<<البنت حساسه ام دميعه..
ساره وتخنقها العبره الثانيه:وانتي بعد بتوحشيني انا ما اقدر اصبر عنك يوم وشلون عاد اسبوع كامل..
ريم ضمت ساره وقعدت تبكي....
ساره وهي تصيح: خلاص لانقلبها محزنه ...يلا كلها اسبوع ان شا الله وراجعه بالسلامه.....يلا نمشي شوفي الاداريات يطالعونا..
وكملو يومهم يودعون بعض وصياح وسوالف <<<<ما ادري وش بيسون في اجازة الصيف...
************************************************** *************

في مدرسة رغد....
رغد: هنوفه ابشرك..
الهنوف: هاه بشريني..
رغد: بنروح معاكم الشرقيه ....وراكم وراكم...
الهنوف: جد والله ...الله يبشرك بالخير ..ما تصدقين فرحتي الحين تسوى مليون دولار..
رغد: بس هذا اللي قدرتي عليه..
الهنوف: واذا بغيتي مليون ين ..
رغد: هذي بعديها لك..
الهنوف: ان شا الله نلتقي.
رغد: اكيد راح اكلم امي وامك واخليهم يقعدون مع بعض بالغصب مو بالطيب..
الهنوف:هههههه زين تسوين فيهم..
رغد: يالله يا الهنوف ما ني قادره اصدق ان بروح مع بعض..
الهنوف: حتى انا.........وقامت وضمت رغد....
""ومر اليوم وناسه وهبال ومخططات للسفره.. طبعا الهنوف تفكر في مشاري اللي اخذ قلبها جماله ..ورغد تفكر بتركي اللي جذبها بجرئته"

مشاري يكلم سليمان......
مشاري: هلا سليمان..
سليمان: هلا والله بميشووو..
مشاري: هاه بشر بتمشون معنا..
سليمان: ايو خلاص انا كلمت الاهل وافقوا....اصلا ما صدقوا خبر..
مشاري: حلو ....اجل نمشي الاثنين...
سليمان: الاثنين....الاثنين.
مشاري: تامرني بشي يا الحبيب.
سليمان: سلامتك يا الطيب..
مشاري:مع السلامه..
سليمان: مع السلامه..
&&&&&&&&&&&&&&&&&&&&&&&&&&&&&&&&&&&&&&&&&&&&
اعرفكم بعائلة سليمان...
ام سليمان:هي المسؤله عن عيالها بعد وفاة ابوهم وربتهم وكبرتهم لحد ماصار يعتمد عليهم<<<<ونعم الام والله..
نجلا: الاخت الكبيره ومتزوجه وعمرها (25)سنه..
مها : في الجامعه سنه اولى بنت طيوبه لابعد درجه تدخل القلب على طول..
سليمان: غني عن التعريف...
محمد: بثالث متوسط يشبه سليمان كثير بس سليمان احلى منه..
عبد الله: عمره ثلاث سنوات ..اخر العنقود...
&&&&&&&&&&&&&&&&&&&&&&&&&&&&&&&&&&&&&&&&&&&&



يوم الاحـــــــــــــــــــــــــد



جا اليوم المنتظر.. ريم ورغد كانوا يرتبون الاغراض للرحله..
ريم: اخذ هذي البلوزه..
رغد: خذيها...
ريم: طيب وهذي..
رغد: ياربيه يا ريم خذي اللي تبين...
ريم: رغد لا تصيرين بايخه والله محتاره..
رغد: في ايش محتاره ...في اللبس ولا في سليمان..
ريم: والله في الاثنين....
رغد: خليك من التفكير واللي كاتبه ربك بيصير وخلي الايام تجيك ولا تسبقين الاحداث..
ريم: باحاول...
وكملو ترتيب لحد ما خلصو وتجهزو عشان من الفجر راح يمشون واقولكم من
العوائل اللي راح تمشي "عائلة ابو مشاري...عائلة ابو ماجد...عائلة ابو
فواز...عائلة ابو فيصل...وعائلة سليمان..وعائلة تركي.."<<<<ما
شا الله يا كثرهم..

فجر الاثنين











مشى الكل بسيارته وكانوا ورى بعض....
راح اوصف لكم حالة كل شخص يهمنا امره...
ريم كانت تحاول تشوف سليمان..
سليمان كمان كان يحول يشوف ريم...
تركي كان مبسوط يوم عرف انهم راح يكونوا مع اهل رغد وقعد يحاول يقز بس ما قدر لانه كان يسوق..
ورغد نفس الحاله ..
الهنوف كانت طول الوقت تطالع في مشاري..وخصوصا انهم كانو جنب بعض..
مشاري كان يستحي انه يطالع سيارة صديقه فا ما لف وجهه..
عبير كانت تطالع سيارة طلال ...اللي كان لحاله..
العنود كمان كانت تطالع سيارة طلال .......الخوات يحبون نفس الشخص وكل وحده ما تدري عن الثانيه ...
واكيد ما راح ننسى لين لانها راكبه مع مشعل في السياره فما راح تتعب نفسها
وتناظر لانها لاصقه جنبه وتلعب معاه جيم بوي وتأكل مشعل
شيبس<<<<مراهقين اخر زمن..
وليد ما راح ننساه لانه ما كان عنده نيه يروح الشرقيه الا بس يوم عرف انو رغد وعمه بيرحون معاهم .وقرر يجي معاهم...
فيصل يحب فجر من كانوا صغار وكان دايما يشوفهم في بيت ابو مشاري ..بس فجر
ما تدري عن هوى داره فكان يحاول يشوفها بس ما قدر لانها ما عطته وجه...


************************************************** *********
في سيارة ابو مشاري...

ابو مشاري اتصل على اخوه ابو ماجد..
ابو مشاري: هلا والله ابو ما جد ....وش رايك ناخذ كلنا شاليه واحد..
ابو ماجد: والله ونعم الراي..اريح من الفنادق واوسع صدر...
ابومشاري: اجل خلاص كلم الباقي وخبرهم..
ابو ماجد: خلاص فمان الله..
ابو مشاري: فمان الكريم...


"وقفوا عند اخر محطه على طريق الدمام"
عبير تتصل على رغد...
عبير: هلا والله ..رغد تعالوا انتي وريم معنا في السياره ..
رغد: لحظه بسأل ريم............ريم تقول عبير تعالوا معنا في السياره..
ريم: ايه والله طفشت ..
رغد: ايوه عبير خلاص احنا جاينكم...
عبير بفرحه: يلا بسرعه..
رغد: يمه بنروح سيارة عمي اوكيه..
ام مشاري: اوكيه روحوا..
نزلوريم ورغد وكانت سيارة سليمان واقفه بين السيارتين مرت ريم من عند
السياره وهي عارفه انها سيارة سليمان بس ما لفت وجهها وكان قلبها شابكينه
على خط 220 يدق بقوه وبسرعه جنونيه..
سليمان اول ما شاف ريم صار قلبه يدق بسرعه وقاعد يطالع عيون ريم لانه جد
مشتاق لها ..ومرت ريم من عنده ولا لفت عليه وهذا اللي زاد همه على هم...
رغد ركبة سيارة عمها وكانت جمس..وركبت بالمرتبه الاخيره..
رغد: هلا والله عبوره..
عبير: هلا والله فيكم تو ما نورت السياره...
رغد:منوره بأهلها..
عبير:اجل وين ريم..
ريم: وصلت ست الحسن والدلال..
عبير: ايه واضح .. اركبي وانتي ساكته..
رغد: وشلونك خالتي..
ام ماجد: بخير الله يسلمك وشلونك انتي وامك ؟
رغد: الحمد لله بخير..
العنود نطت عليهم في المرتبه الاخره..
ريم: وجع يا الدوبا ...
العنود: مسكينه البنات في المدرسه ما ينادوني الا الرشيقه..
ريم: تلاقينهم من الوزن الثقيل..
والكل يضحك"هههههههههههههههههههههه
"وكملو الطريق ضحك وسوالف ورقص..."
ونسيت شي خطير كل سياره لاتخلو من الحب والفصفص واكيد القهوه والشاي<<<<كوفي مو سياره...

وصلوالشاليه كان كبيييييييييييييييير بالمرررررررره وكان فيه قسم رجال بغرف
النوم حقته...والوسط كان فيه ملعب كبير وهو الفاصل بين القسمين وبعده قسم
الحريم بغرف نومه كمان....وكل العوائل نزلت من السيارات وبدى ترتيب الاغراض
والسلام على بعض وخصوصا فيه عوائل ما تعرف بعض وبدى التعارف وكل ناس راحوا
لقسمهم....
البنات بدا عندهم مهمة استكشاف المكان...
عبير: والله وناسه يهبل الشاليه مرره جنان..
نوف: والله خطير..
ريم: صراحه شي..
رغد: مررره نايس..
فجر: روووعه..
شجون: خيالي..
العنود تناظر كل وحده : الحمد لله والشكر صدق بنات مو شايفين خير..
عبير: احلفي بس يا بنت العز...
وقاموا البنات يضحكون..
"على فكره البنات لحالهم والحريم لحال"
ريم تناظر اخت سليمان مها: الا انتي بأي سنه..
مها: انا اول سنه بالجامعه..
ريم: ايه ما شا الله ...... وقامت تهمس لرغد: والله فيها من سليمان..
رغد: ايه فيها بس سليمان احلى...
ريم: باين عليها حبوبه..
رغد: ايه واضح..
مها: وانتي يا ريم..
ريم: انا بثالث متوسط..
مها: ايه ما شا الله ... وانتي يا رغد..
رغد: انا اخر سنه ....ثالث ثانوي..
مها: ما شا الله .. باين انو ريم كأنها كبرك مو اصغر بكثير..
رغد: ايوه كل الناس يحسبونا قد بعض...
ريم: احسن ان يبان اني كبيره ولا صغيره..
"وكملو البنات سوالف وتعارف عشان يمنون على بعض"

********************************************



عند العيـــــــــــــــــــــال

ماجد: والله الشاليه فله ..من صاحبة الفكره..
وليد: والله هي وحده من بنات عمي بس اتوقع انها رغد..
ماجد: وش معنى رغد..
وليد: انا قلت اتوقع..
ماجد يطالع وليد بنظرة شك: اكيد..
وليد يحاول انه ما يطالع ماجد: وشو الاكيد....
طلال:عيال وش رايكم نسوي حركات..
وليد: حلوه هذي حركات....يعني مثل ايش؟؟
طلال: نركب دبابات ...نلعب كوره ....نسبح في البحر...يعني..
وليد: وش رايكم نلعب كوره بعد شوي..
فيصل انا أأيد فكرة وليد..
ماجد: خلاص نقول للعيال..

عند البنــــــــــــــــــــــــــــــــــــــــــــــ ـات


العنود :بنات بلا حيا بلا خرابيط وش رايكم نسوي حركات<<<<ما خذتها من طلال تعرفون الحب وما يسوي..
ريم: مثل ايش..
العنود: خلينا نجيب المسجل ونرقص ونستهبل ..
ريم: والله فكره يله..
جات لين: بنات .بنات.. العيال يلعبون كوره..
العنود وعبير: جـــــــــــد<<<<عشان الحبيب..
ريم ورغد: صـــــــــــــدق<<والله هبلات..
لين: والله والله .. ومشعل بيلعب معاهم..
البنات يضحكون عليها...
ريم: ما شا الله ما قد شفت بنت بجرئتك..
رغد: اقول بنات خلينا نروح نشجع بس..
البنات:يـــــــــــــــــــــــــلآ

**********************************************


عند العــــيـــــــــــــــــــــــــــــــال

العيال انقسموا فريقين
الفريق الاول: مشاري-مشعل- وليد- ماجد-سليمان.....
الفريق الثاني: تركي- فواز – طلال – فيصل- محمد...


وبدا اللعب....

كانوا البنات صافين على جنب يطالعونهم...
والعيال لما شافوا البنات قام كل واحد يسوي حركات ويعنني اعرف العب...

وبدا اللعب مشاري اخذ الكوره وناولها لمشعل ..
على طول ريم صرخت: ايوا مشاري ايوا مشـــــــــــــــــــــــــاري...
رغد: على ايش كل هذا..
ريم: لا بس كانت معه الكوره....
رغد: اقول اخمدي..
خذى الكوره مشعل وناولها لسليمان تقدم لما وصل لتركي .. وتركي على طول حاول
ياخذ الكوره .. وكسره ما درى واخذ الكوره من سليمان... وسليمان طاح على
ظهره طيحه اليمه وقويه..
ريم فزت من مكانها وصرخت: ســــــــــــــــــــــــــــليمان....
رغد سكتتها: وين انتي يا المجنونه وين رايحه..
ريم: حرام سليمان طاح اكيد الحين متعور..
رغد: تبين تفضحين نفسك عند البنات اهجدي بس..
ريم:كله من تركي النذل ...
رغد: عاد مو تحطين اللوم على تركي..
قربت الهنوف من عندهم: ذا التركي ما يعرف يلعب ويكسر الناس..
ريم كان ودها تقول طلعي اخوك لا اذبحه بس سكتت...




قربوا العيال من سليمان...
الكل: هاه ...سلامات...
سليمان: كملو..كملو..ما صار فيني شي..
مشاري: سليمان....اكيد....
سليمان: اكيد.....وتريك وش هاللعب عندك...
تركي: والله ما دريت "وهمس له" يا النسيب..
سليمان لف على ريم وشافها تطالعه وحس انها خايفه عليه فقام على طول عشان ما
يخوفها زياده.. ورجع يلعب...صح انه تألمه شوي بس كمل لعب..
جات هجمه للفريق الثاني وكانت الكوره مع طلال ..طلال عدى بمشعل وبعدها مشاري وبعدها بالحارس اللي كان ماجد وسجل الهدف....
قاموا العنود وعبير ونوف وشجون يصارخون:هيـــــــــــــه هيـــــــــــــــه...
وقام طلال يوزع بوسات للبنات وعبير والعنود عاشوا الجو وكل وحده تحس ان البوسه لها....


وبعد دقايق..

اخذ مشعل الكوره وناولها لمشاري ومن مشاري لسليمان ومنه لمشاري مره ثانيه وعلى طول للمرمى وسجل هدف...........
قامت ريم ورغد والهنوف والبنات يصارخون.:مشــــــــــــــــــــــــاري..........مش ـــــــــــــــــــــاري..
ريم: والله تهبل يا مشاري والله تهبل واللي معك..

سليمان ميز الصوت وكمل ودرى انها بدت ترضى عليه ...ولعب بنشاط<<اكيد ريم بالنسبه له باور هاورس...
*******************************************

راح وليد عند رغد: شفتي قلت لك لا تشيلين هم وانا موجود ....وكمل طريقه..
رغد تطالعه بصدمه: وش قصته هذا وش يبغى مني الحين....اول مره يتكلم وليد معاي بالطريقه هذي...
جات ريم عند رغد: شفتي ما بقى الا هذا يصارخ علينا..
رغد: صادق والله لوعتي كبدي انتي وياها..
ريم: عشانه خطيب الغفله تدافعي عنه..
رغد: اقول اسكتي زين..



رجعوا مشاري والوليد لعندالعيال...
سليمان: احلى يا الوليد وش هالقوه اللي نزلت عليك..
وليد: احم ..احم...انا الوحيد اللي يعرف للبنات..
تركي كان منقهر منه لانه شافه يكلم رغد بس سكت لانه ما يقدر يقول شي ..
فيصل: ماخذ في نفسك مقلب..
"الكل يضحك على وليد وحركاته"
خلص الشوط الاول تعادل1-1 وبعدها اخذو بريك..


العنود: ريم خلاص ما صار شي ...والله من الحماس قعدت اصارخ..
ريم رحمتها: خلاص عنوده...رجعنا حبايب....وحضنوا بعض<<<<بنات بسرعه يزعلون وبسرعه يرضون...
البنات:هووووووووووه...واخيرا كذا اشكالكم احلى.
سليمان كان يطالع ريم وتمنى انه يكون مكان العنود..
العنود: يله بنات خلونا نرجع ونشغل المسجل ونرقص...
ريم: يله..
وراحوا البنات وبدو يرقصون والمسجل كان عالي والعيال يسمعون صوت المسجل ..
فواز: يالله يا حظهم البنات...
ماجد: شويه هم اللي فالينها يجون عندنا واحنا ما نجي عندهم..
وكان الكل منقهر منهم...
ريم كانت ترقص وبعدحا جابت عبايتها وقامت ترقص بالعبايه والبنات قلدوها وقاموا يستهبلون ورغد تصور..
ريم ذكرت ولد خالة عبير والعنود..
ريم: تكفين العنود قلدي ولد خالتك..
العنود: حرام عليك كل مره ترقصين تقلدينه..
ريم: والله يهبل ..يلا خلينا نضحك شوي..
العنود قامت تقلده .... والبنات فاقعين ضحك...
*****************************************


تركي لسليمان: يا حلو ضحك البنات كذا ههههههه مو احنا الرجال هع هع هع هع
سليمان: أي الله وانت الصادق وخصوصا زوجتي ضحكتها عذااااب..
تركي: حتى حرمتي ضحكتها تجيب الجلطه على طول..
وقعدوا يضحكون على انفسهم لان كل واحد مخطط على كيفه...


***************************************
ناخذ لفه على عشاقنا المراهقين...

لين: شعول بصراحه لعبك مره حلو..
مشعل: والله انتي الحلوه...
لين مستحيه:ههههههه وانا اقول ليش احبك <<<<البنت رايحه فيها..
مشعل : والله انا اللي اموت فيك وعشان عيونك ابسجل هدف..
لين: والله ....تسلم يا قلبي..
مشعل: هههههههه صدقيني غيرك ما راح اخذ..
لين:حتى انا اوعدك غيرك ما راح اخذ....
وكملوا رومنسيه لاحلى حب برئ في الكون.....

******************************************

ورجعوا العيال للشوط الثاني...
وجوا البنات بعد ما قالت لهم لين...
بدا الشوط الثاني هجمات ما في اهداف...لحد ما اخذ ماجد الكوره وتقدم وعدى
بفواز وبعده فيصل وناولها لمشاري ومن مشاري لسليمان وتقدم لحد ما صار قدامه
تركي ناولها لمشعل عشان ما عنده احد وتقدم مشعل لحد ما صار قدامه محمد
...حاول محمد يا خذ الكوره منه بس مشعل قدر يناور فيه وسجل الهدف وراح على
طول لعند لين وشالها ولين كانت مبسوطه .. والبنات حاسدينها على حبها اللي
ما خبته وكان الكل يدري عنه ..وما يستحون منه وبنفس الوقت برئ وصادق...


العيال يضحكون على حركة مشعل ..
محمد: والله منت بسهل يا مشيعل..
مشعل: وش على بالك هذي حبيبتي..
محمد: احلى .. احلى انا ما اقدر على الحب..
والبنات ميتين ضحك..
نوف: لين يا اللي ما تستحسن على وجهك وشلون تخلين مشعل يشيلك..
لين: عادي حبيب يشيل حبيبته فيها شي..
فجر: تحسب نفسها في امريكا..
رغد: خلوهم ينبسطون..
لين: اصلا مشعل قايل لي انه بيسجل الهدف لعيوني...
البنات يصارخون: احلى احلى يا مشيعل اجل الهدف لعيون لين..
العيال يضحكون ومشعل استحى..
مشاري: اجل لعيونها....حركاات..
مشعل: وش فيكم الوضع عادي ولا غيرانين..
مشاري: لا الله يهنيك..
وكملو الشوط والنهايه فاز الفريق الاول 2-1

رجعوا البنات وكانوا هلكانين من الطريق وارقص والمبارات .. راحوا لغرفهم وعلى طول ناموا الا ريم ورغد والهنوف..

الهنوف: رغوده حبيبتي والله فيني النوم..
رغد:طيب انا مافيني نوم..
الهنوف: كيفك انا بنام..
رغد:براحتك..
ريم: رغد ماجاني نوم وش اسوي..
رغد: حتى انا ماجاني وطفشاااااااانه
ريم: تقومين نتمشى شوي عند البحر..
رغد: اخاف امي تعصب علينا ..لانو الوقت متأخر..
ريم:محد داري انشاءلله وناخذ جوالاتنا معناا..
رغد:اوكيه يلــــه..
ريم :يله..

"طلعوا عند البحر برى الشاليه..


سليمان: تروك تقوم معي..
تركي:والله مالي خلق..
سليمان: تكفى قوووم..
تركي: ترى ربع ساعه وبعدها برجع..
سليمان :اوكيه يله
تركي: يله.......وطلعوا

"كانوا ريم ورغد يتمشون ويسولفون.."..
ريم: تصدقين يارغد اليوم لما شفت سليمان احس انو حبي رجع له..
رغد:ليه وانتي كرهتيه كل هالكلام اللي كنتي تقولينه كان من ورى قلبك مو من قلبك..
ريم: صادقه..كنت العب على.......................................<<سكتت..
رغد: وش فيك؟..
ريم: فيه احد من العيال طالع..
رغد: لايكون مشاري..
ريم: والله هيئة الجسم مو هيئة مشاري كأنه......<<وسكتت..
رغد كانت تحاول تطالع: هم اثنين مو واحد..
ريم: اتوقع.......اتوقع انه سليمان..
رغد:سليمان:لالا ماتوقع..
ريم: والله قلبي مايكذبني واكيد اللي معه تركي..
رغد قلبها يدق: كـــذااابه .....والله فشله..
ريم :خلينا نمشي كأننا مو شايفينهم..
رغد: اوكيه..


سليمان: تروك اقول فيه بنتين هناااااااك..
تركي: يمكن من الشاليه اللي جنبنا..
سليمان:والله احس اني اعرف هالأشكال..
تركي: تصدق حتى انا عندي نفس الإحساس..

سليمان يسرررع وبدى يلاحظ شوي ..: تروووك.. تروووك شكلهم حريمناا على قولتك..
تركي: احــــــــــــــلف..والله فللللله اشوف زوجتي وعند البحر بعد..
سليمان: امش وانت ساكت لحد مايكلمونااا فاهم..
تركي: مااقدر اشوف رغد قلبي واسكت وما اكلمهاا خصوصا انو اليوم شايف ولد عمهاا يكلمها وانا لا قهررر..
سليمان: اسمع اللي اقوله وانتهينااا..
تركي: امش ..امش.. خلنا نشوف اخرتها معك..

"وصاروا يمشون لحد ماصار بينهم مسااااااافه بسيطه"



@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

"نـــــــــــــــــــــــــــــــــــهــــــــ ــــ
ــــــــــــــــــاايـــــــــــــــــة
البـــــــــــــــــــــــــــــــــــــــارت.."

"][الـــــــــــــــــــــــــــــــجزء الــــــــــــتــــــــــــــــــاســـــــــــــــ ع



سليمان كان يطالع بريم...وريم ما قدرت تبعد عيونها عن سليمان وتحس ان بطنها
يعورها وقلبها شوي وتلقاه بيدها من كثر ما يدق وغير الحراره اللي تحسها
طالعه من عيون سليمان...وتركي كان يطالع رغد ويبتسم لها ..ورغد ميته حيا
وتطالعه شوي وتنزل عيونها شوي....
سليمان تقدم عند ريم.....وريم بعدت شوي عن رغد وقربت لعنده...
سليمان ياخذ نفس وتكلم:رورو..
ريم في نفسها .." يالله اشتقت لأسمي من لسانك"..:هلا...
سليمان: ترى والله ما كنت اقصد شي يوم ارسلت الرساله ..وما كنت ادري انها
راح تزعلك...والله واالله واحلف بالقران يا رورو اذا حبيتي ...صدقيني ما
كان ودي اجرح مشاعرك او اخليك تحسين بأي شي يضايقك....تكفين صدقيني..
ريم خنقتها العبره وهي تشوف سليمان يترجاها وباين عليه انه يحبها:طيب ليش ارسلتها؟؟
سليمان بتردد:والله كان ودي......ودي اعبر عن مشاعري بس...كان ودي تعرفين ان حياتي بدونك ولا شي...
ريم انصدمت اول مره سليمان يكلمها بالجرئه هذي:.................
سليمان لاحظ سكوتها:ريم اذا وجودي يزعجك ترى امشي عنك واوعدك ما تشوفيني مره ثانيه..
ريم قالتها بسرعه: لااااااااااا......"وسكتت"
سليمان ابتسم: يعني انتي راضيه علينا..
ريم كانت تبغى علاقتهم ما تتعدى الحدود لانها تتعتبر حرام:اسمع يا سليمان انا اعدك مثل اخوي واكثر...
سليمان بحزن: مثل اخوك..
ريم: ايوه مثل اخوي ولا شكلك نسيت الموال...
سليمان يضحك ويقول في نفسه"العوض ولا القطيعه" : خلاص مثل اخوك ...مثل اخوك..
%%%%%%%%%%%%%%%%%%%%%%%%%%%%%%%%%
نروح عند تركي ورغد


تركي كان كل شوي يقرب خطوه... ورغد تبعد خطوه..تركي يقرب ورغد تبعد لحد ما مل منها..
تركي: الحين انا اقرب شوي وانتي تبعدين اكثر..
رغد ضحكت:هههههههههههههه
تركي في نفسه"يا قلبي اللي بيموت من هالضحكه":رغد كيفك وش اخبارك؟؟
رغد:انا.؟؟..............بخير..
تركي: ليه فيه غيرك<<<الرومانسيه على جنب.
رغد:يا خي انت اسلوبك دفش دايم..
تركي: اسلوبي هذا يطيرون عليه البنات..
رغد بغيره:ليه انت تعرف بنات.
تركي: كنت اعرف... بس من يوم دخلت وحده بحياتي تركتهم كلهم...
رغد تبي تعرف من هي:ومن هالوحده هذي..
تركي يبي يرفع ضغطها: لو تشوفينها يا رغد تموتين عليها .. فيها من الجمال كله ومن الزين كله والملح كله..
رغد منقهره:بس بس كثرت عليها..
تركي:والله لو اقعد اوصفها من هنا لما بكره ما وفيتها حقها..
رغد: خلاص عرفنا انها حلوه....طيب لهدرجه تحبها ...غريبه الهنوف ما قالت لي انك تحب..
تركي: هنيف هذي وش يعرفها.... والبنت اللي اقولك عنها مو احبها الا اموت على الارض اللي تمشي عليها..
رغد: ايه ما شا الله ..الله يهنيكم"رغد في نفسها"حرام فقدت الامل فيه حسافه عليها كل هالجمال وتلاقي اللي يحبها اشين خلق الله"
تركي:وش فيك سكتي ما ودك تعرفين من هي؟؟
رغد"بعد يبغاني اعرف من هي عشان اموت بحسرتي":لااااا
تركي:خليني اقولك عشان تكوني واسطه بينا..
رغد: غصب اعرفها ما ابي يا اخي..
تركي:لا بقولك غصب ...اللي احبها ......ما بيني وبينها الا
خطوتين..شوفي...."تقدم خطوه".....هذي وحده..."وتقدم خطوه ثانيه"...وهذي
اثنين والزين واقف قدامي..
رغد استحت وتحس انها خلاص بيغمى عليهامن الخوف وتحس ان الضغط عندها يرتفع
وينخفض وحرارة جسمها نار الله الموقده وصارت ايدها بارده من الخوف
والحيا...
تركي قرب منها ..خلاص ما كان بينهم الا مسافة شعره وحده...ومسك ايدها...رغد تناظر يده بيدها ويده كانت دافيه وايدها بااارده..
تركي: ليش ايدك بارده..؟؟
رغد سحبت ايدها ومشت وخلته..
تركي يصارخ: رغوووووده...رغوووده تعالي الله يخليك..


نرجع لعند سليمان وريم..
ريم شافت تركي يصارخ وينادي رغد: يلا سلوم اختي راحت وانا بروح يلا بااااي..
سلميان: باااي وفي نفسه"يا قلبي"
ومشت وخلته....لف سليمان على تركي..
سليمان: يعني لازم تخلي اختها تهج.
تركي:والله احرجتها المسكينه..
سليمتن: اكيد المسكينه..انت ماورك الا البلاوي..
تركي: تعال وقولي وش صار..

عند رغد وريم..
كانت كل وحده عايشه احلامها الورديه..
رغد: ما تصدقين يا ريم قد ايش حسيت بأشياء غريبه لما مسك ايدي..
ريم: والله ما يستحي..وما اجرأ منه الا انتي وهذا وانتي قدوتي..
رغد: اقول ريمووووه ترى مو انا اللي معطيته ايدي هو اللي مسكها وبعدين سحبتها على طول..
ريم:هههههههههههه عشان كذا انحشتي..
رغد:ايه استحيت بعد الحركه اللي سواها اقعد..
ريم: صادقه..
رغد: حتى انتي مشا الله الولد عبر لك عن مشاعره..
ريم: سليمان.........اااااااااااه يا حبي له..
رغد: ايه الله يخليكم لبعض ويخلينا انا وتركي بعد..
ريم:آميــــــــــــــــــــن ..يلا خلينا ننام عشان احلم في سليمان..
رغد:حتى انا عشان ما انسى وجهه..
ريم: والحركه بعد..
رغد تضحك: ولا يهمك والحركه بعد..
ريم: يا اللي ما تستحين ..مبسوطه هاه..
رغد وهي تضحك: نامي..نامي.. والله تعبانه الاشياء الموشقه كثيره وذكريني اقولك بكره سالفه..
ريم:وش سالفته وعن مين ومتى صارت..
رغد: ريم اقولك بكره..
ريم: وانا وش يصبرني؟؟
رغد: فكري في سليمان وتنسن ابو السالفه..
ريم:صادقه<<لأول مره تفك اللقافه ..اكيد عشان الغالين..
وبعدها ناموا احلى نومه بحياتهم...
&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&
صــــــــــــــبــــــــــــــــــاح يــوم الثلاثــــــــاء

صحوا الحريم والرجال.....والبنات والشباب نايمين..
ام مشاري:ام فواز ما صحوا البنات..
ام فواز:لا والله نايمين..
ام الهنوف:خليهم حرام تلاقينهم سهرانين..
ام فيصل:ايه والله حرام..
ام سليمان:خلينا نسوي الفطور للرجال ولنا ونخلي للبنات والعيال لين يصحون..
ام ماجد:ايه كذا حلو..
" وقعدوا الحريم يفطرون ويسولفون...."
&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&
عـــــــــــــنـــــــــد الرجــــــــــــــال

ابو مشاري: الا يا ابو ماجد وش اخر اخبار الاسهم..
ابو ماجد: على حطت ايدك السوق نازل ومو راضي يرتفع..
ابو فواز:والله السوق هالايام محد ينصح فيه نازل مره والناس خسرت حلالهم.
ابو مشاري:على الناس.الناس خسرت فلوسهم...وناس توفوا.. واللي جاه جلطه واللي الله يعلم بحاله بعد ما تدين واخذ قرض..
ابو فيصل: الله يعينا ويعين المسلمين..
الكل:آمـــــــــــــــــــــــــــين..
ابو فواز: الا وين العيال..؟؟
ابو مشاري:العيال نايمين لحد الحين!!!؟؟
ابو ماجد:خلوهم شوي وبعدين نصحيهم..
"وقعدوا الرجال يفطرون ويسولفن وكملوا نقشاتهم عن الاسهم والشركه وكل واحد يسوي نفسه ابو الفهامه<<<حال الشياب هالايام..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&
عـــــــــــــــــــــــــــــــــــــند الحريم

ام الهنوف: البنات طولوها في النومه..
ام مشاري: أي والله الحين الساعه 12 الظهر اجل متى بيصحون؟؟
ام سليمان : لو عيهم ما صحوا ابد..
ام الهنوف: وانتي الصادقه..
ام مشاري: بتصل على رغد اقومها واخليها تقوم البنات معها وانتو ارتاحوا..
واتصلت: هلا رغد يله قوموا بسكم نوم..
رغد وبصوت كله نوم: يمه تكفين شوي..
ام مشاري: لاشوي ولا شويات ..يله الحين قومي .. وصحي البنات ..عشر دقايق اذا ما صحيتوا باستخدم اسلوب ثاني..
رغد: لالالا خلاص الحين اصحى واصحيهم معاي كل شي ولا الأساليب الثانيه..
ام مشاري: يله حبيبتي مع السلامه..
رغد: مع السلامه..
رغد راحت لدورة المياه الله يكرمكم وغسلت وجهها وطلعت للبنات عشان تصحيهم..
رغد بصوت واطي: بنات بنات يله اصحوا..
الكل "لاحياة امن تنادي"
رغد مره ثانيه وبصبر:بنات بنات يله عاد مسختوها..
ولا احد حس فيها..
رغد: هين اوريكم....
راحت وجابت استريوا وارفعت على الصوت اخر شي وبعدين عدت 1-2-3-وشغلت المسجل..
البنات كلهم قاموا مخترعين..ورغد تضحك على اشكالهم وحده مطيره عيونها..
والثانيه شعرهاموصل السقف من كثر ماهو منتفش والثالثه قاعده وهي
نايمه...يعني اشكالهم غلط..
رغد: بصراحه ودي اصوركم بالموبايل وانشركم بلوتوث واكتب عليه بنات في اول يوم مدرسه..هههههههه...
ريم: رغد والله انك سخيفه ..والله ما تسوى علينا ..طيحتي قلبي..
عبير: رغد والله بايخه..
شجون: صراحه مزحك مررره مو شي..
العنود: هذي رغد.. تراني ما اشوف زين..
الهنوف: وش فيكم على صديقتي هي حره تسوي اللي تبي على قلبي مثل العسل..
رغد: تسليمن يابعدهم كلهم..
الهنوف: الله يسلمك..
ريم: من جد رايقين... رومنسيات على هالصبح...
رغد: موتي قهر..يله قوموا بلا سماجه اصلا لو انا ما سويت هالحركه وقمتوا كان ج تامي وتفاهمت معاكم..
عبير: عاد كل شي ولا امك صراحه اساليبها تطلع الشيب..
العنود:اجل ذك اليوم جايبه ثلج في عز الشتاء وكابته علينا.
شجون: خالتي يا حليلها ما تدرون وش تسوي فيني.
رغد: احسن تستاهلون..
عبير: وانتي طالعه عليها....
رغد: ترى بقولها انك تحشين فيها..
عبير: لا واللي يسلمك فكيني من الحنه..
رغد:هيه انتي اعقلي عن امي..
وبعدها قاموا البنات..وطلعوا عند الحريم...
ام مشاري: هلا والله بالبنات..
البنات: هلا فيك..
ام فواز: وينكم امس ما شفناكم .حتى ما كلفتوا على انفسكم وجلستوا معانا شوي..
نوف: يمه احنا بنات لازم ناخذ راحتنا..
ام فواز: امزح معاكم..من قدكم بنات ما يحبون قعدة العجايز..
ام ماجد: لاعجايز ولا شي ..تونا شباب..
الكل يضحك...
ام مشاري: تبون تفطرون حبايبي..
رغد: ايه يمه تكفين ميتين جوع..
ريم: ايه والله جوعانه حدي..
عبير: خالتي تسوين خير..
العنود: الا وش فطوركم؟؟
ام ماجد: كل خير ا نشا الله..
ام مشاري: روحوا للخدامه احنا خلينا لكم فطور خلوها تحطه لكم..
فجر : تسلمين خالتي..
م مشاري: انتم بناتي..
ام ماجد وام فواز: الله يسلمك..
راحوا البنات يفطرون وقعدوا يسولفون..
العنود: بنات عندي فكره جهنميه..
ريم بحماس: يله نورينا..
العنود: وش رايكم نركب دبابات؟؟
رغد: والله فله..
ريم: من جد وناسه..
عبير: تسليمن يا اختي على هالفكره..
الهنوف: يمه اخاف من الدبابات
شجون ومها:وانتي الصادقه..
فجر: والله من الدلع والرومنسيه الزايده انتي وياها..
رغد: حدك عاد على صديقتي واسمها الهنوف موانتي وبعدين من حقها تدلع..
نوف: وانتو ما شا الله عليكم كل وحده تدافع عن الثانيه ..
شجون: تدافع عنها وتخليني..
رغد تشهق: يمه... بسم الله علينا من عينك.. الهنوف اقري على نفسك الورد لايصكونا بعين والله احسن شيخ بالسعوديه ما يفكها..
ريم: حشى البندق مو نوف<<<<على فكره البندق اللي في طاش ما طاش... عرفتوه خخخخخخ
نوف: ما شا الله الحين يتزاعلون ويقولون مني..
العنود: اول فكونا من الدلوعات وخلوكم مع ام الشباب..
ريم: احلى يا ام الشباب..
مها بدلع: طيب تتوقعون العيال راح يخلونا نركب دبابات..
العنود تقلد صوت مها لانها دلوعه: اكيد يا قلبي غصب ورى خشومهم..
مهاك العنود اعقلي عني..
العنود: مها بصراحه انتي دلوعه بزياده..
ريم:لا البنت مود لوعه انتي العربجيه بزياده..
العنود بعربجيه وحاطه ايدها على كتف ريم: يمكن احتمال كل شي جايز ولا يا اخوان..
الكل صار يضحك على هبال العنود لان منا سبها العربجيه..
رغد: بصراحه تنفعين ولد..
العنود: آخ لوكان بيدي..
ريم: لو كان بيدك شنو ؟؟
العنود: كان صرت ولد..
فجر: الاخت متحمسه يقوه..
نوف: اصلا اقتبست الشخصيه...
العنود تضحك ضحكة رجال: هع هع هع هع وش عليكم مني ولا منقهرين..
رغد: اقول فكينا منك ...وخلينا نروح نقول للعيال عن الدبابات..
ريم: اتصلي على مشاري خليه يضبطنا<<<جتنا العربجيه الثانيه..
نوف: ريم مشكلتك تنعدين بسرعه ما عندك مناعه..
ريم: ليش؟؟
نوف: ما شفتي عمرك تو تقلدين العنود وحركاتها..
ريم: والله ما حسيت بنفسي...يمه لايكون عادتني..
العنود : ليه انا الايدز..
ريم تضحك: لا انتي المرض القاتل لكل الجنس الناعم..
العنود: الله يقطع سوالفك يا بنت عمي.. بس لا تعدينها مره ثانيه لاني راح ادوس في مصارينك..
عبير: اقول العنود تراك ما تنعطين وجه ..كل شوي تزيد وتتعمق في الشخصيه اكثر..اقول اركدي..
رغد: بنات...اسكتوا عشان اسمع..
رغد: الو هلا مشاري..
مشاري بصوت كله نوم: يالله صباح خير.. نعم..
رغد: مشاري نايم..
مشاري: ايه وش رايك ؟؟
رغد: لا اجل اذا صحيت كلمني اوكيه..
مشاري: تسخفين دمك حضرتك ولا وش السالفه؟؟
رغد: لا اقصد اذا صحيت وروقت كلمني..اوكيه بااااااااااااااااي..
مشاري: باااي.....بنات فاضيه..
وتو بيرجع ينام الا ابوه واعمامه داخلين...
ابو مشاري: يله يا عيال..
ابو ما جد: قوموا يله خياس نوم..
ابو فواز:لحد الحين ما شبعتوا يله.............
ابو فيصل: يله تحركوا..
ماجد: يالله صباح خير..وش جمع الشياب مره وحده..
وليد: اسكت لا يسمعونك..
مشاري: انا واحد وما اتحمله ..ويجون الاربعه وشلون..
ابو مشاري: يله اصحوا الحين الساعه 12 الظهر يلــــه..
العيال: خلاص قمنا...
"وراحوا الرجال ..وقاموا العيال وافطروا"
مشاري: ما أدري وش يبون هالبنات؟..
وليد: ميـــن؟..
مشاري: رغد توها متصله علي تقول اذا روقت اتصل علي..
وليد في نفسه:"ماشاء الله تعرف الذوق" ايه اتصل شف شنو يبغون..
مشاري: طيب راح اتصل........الو هلا رغد..
وليد في نفسه:"ياحظــك يامشاري ياليتني مكانك"..
رغد: ميشو ..البنات بصراحه يبون دبابات..
مشاري: الحين..
رغد: ايه الحيـــــن..
"ويسمع البنات يصارخون بصوت واحد..مشاري الله يخليـــــك"..
مشاري: بصراحه كأنكم في مدرسه..
رغد:ههههههههه ايه ننرحم.....هاه وش قلت؟..
مشاري: خلاص ..وش تبون بعد؟..
رغد تسأل البنات: بنات يقول مشاري وش تبون بعد..
مشاري: هييييه يالخبله هذي مجامله لاتصدقين..ويسمع البنات يتكلمون بس ما فهم شي..
مشاري :اقول تراكم ماتنعطون وجه ...مع السلامه ..
رغد: هههههههههههه مع السلامه ..
ريم: ليه ما قلتي له شنو نبي..
رغد: اصلا يقول سألت من باب المجامله..وعصب علي لاني صدقت..
"البنات يضحكون لانهم ما صدقوا على الله احد أعطاهم وجه"..
وليد: ما قلت لي شنو يبون البنات؟..
مشاري: تحمَد ربك ..اللي عندنا مو بنات ..اللي عندنا صعايده ....يبون دبابات..
وليد: ادعـــــــــــس ..البنات يبون دبابات واحنا العيال ما ركبنا..
مشاري: الحين احنا في القرن الواحد والعشرين على قولتهم مافي فرق بين الولد ولبنت..
وليد: في هذي صدقت خواتي الحمدلله والشكر بس لو تشوفهم او تقعد عندهم دقيقه
ما تحملت..على طول تهج وتنحاش من البيت كله..كل يوم يتهاوشون على كل شي..
غير لعب البلاي ستيشن ..غير لبس الثوب والعربجه والهبال وغير وغير بس الله
يستر على خواتي..
مشاري يضحك: والله عندنا وعندك خير..

وليد بزلة لسان: حتى رغد؟..
مشاري ما انتبه: وريم بعد..
"وليد حمد ربه ان مشاري ما انتبه عليه ..بس الحب وما يسوي"..


العنود: بنات تصدقون قد ايش بنات المدن الثانيه منقهرين منا لاننا عندنا اجازه وهم لا..
الهنوف: صادقه حتى في ناس يقربون لنا في جده ميتين قهر..
ريم: الحمدلله اني عايشه في الرياض ولاكان طبيت من فوق سطح بيتنا..
شجون: وانا من الفيصلية
رغد: بس حرام مساكين ينرحمون..
مها: صادقه والله..
نوف: فجر ماشفتي لين؟
فجر: يعني ماتعرفين وينها اكيد من صباح العالمين وهي مع حبيب القلب..
نوف: تحمدي بس..هالمشعل مطير عقل اختي من راسها..
ريم: وش تحشون في اخوي؟..
نوف: سلامتك..بس كنت اقو لان ليونه استخفت بسبب اخوك
رغد:ليون ياحبي لها مرت اخوي
فجر: ماتملون منها كل يومين ناطه عندكم
ريم:احنا وش علينا منها عادي البيت بيت عمها وحبيب القلب مبسوط معها..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&&
مشعل كان قاعد مع بنت فواز شهد صغيره عمرها سنتين مثل ما قلت من قبل..
شهد: مثعل العب معاي..
مشعل وهو يضحك معها:ههههههه يا حلوك بس قمر ما شا الله..
ودخلت عليه لين وانصدمت في حبيب القلب..
لين: قاعد تلعب مع بنت اخوي ومخليني لحالي آه يا الخاين..
مشعل قرب من عند لين :حبيبتي تراها صغيره وانتي كبيره وفاهمه..
لين عطته كف: اسمع عاد لاتقول حبيبتي مره ثانيه ولا تكلمني اصلا فاهم<<البنت متأثره بالمسلسلات..
مشعل مسك خده منصدم ..كيف حبه تعطيه كف..وبعدها عصب لانه ما تعود احد يضربه
اخوانه وهم اخوانه ما ضربوه كيف بنت تجي تضربه..قام مشعل ومسك ايد لين
بقوه.
مشعل:اسمعيني يا لين زين.. اذا مديتي ايدك مره ثانيه ترى بأكسرها لك فاهمه..
لين قعدت تصيح وتحسفت لانها مسويه نفسها قويه وهي مو قد زعل مشعل:مشعل والله اسفه ما كنت اقصد والله ما ادري وشلون سويتها..
مشعل كسرت خاطره:خلاص سامحتك هالمره بس المره الثانيه ما في سماح وبعدين
تعالي تغاري من بزر عمرها سنتين وانا اقول انتي الكبيره والفاهمه
والعاقله..
لين:بس انا اغار ..انك تكلم أي وحده غيري او تلعب مع أي وحده غيري..
مشعل:لا تزعلين..انا اذا زعلتي ما ادري وش يصير فيني..
لين:شعولي قولي كلام حلو..<<تراها تتابع مسلسلات وتحفظ الكلام الرومانسي..
مشعل:وهذي من وين جايبتها من أي مسلسل..
لين: لاهذا الكلام من قلبي يا قلبي..
مشعل يضحك لانه يدري انها تكذب بس عداها:تسلمين يا بعد عمري..
لين: شعولتي اسمع انا بروح شوي عند خواتي لانهم يدورون علي وبعدين نلتقي اوكيه..
مشعل:اكيد يا قلبي..
لين وهي تمشي تطالع مشعل لحد ما راحت..
مشعل: يا حليلها متعلقه فيني بقوه...ومع ذلك احبها وما راح اتخلى عنها<<احلى يا النشمي..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
لين: خير ساعه تصارخين وش تبين..
فجر: تكلمي زين لا أعطيك كف ينسيك مشعل..
لين:لالا خلاص بتعدل كل شي ولا مشعل..
فجر:هالبنت بتذبحني..خفي خفي على الولد شوي خليه يتنفس..
لين: انتي وش عليك..
نوف:لازقه فيه تقولين باتكس الاصلي..
فجر:وانتي الصادقه قولي صمغ مسدس اقوى ..
نوف تضحك:ايه صح هذا اقوى..
لين: اصلا انتو عطيتونا عين..
فجر: الله يبشرك بالخير تزاعلتوا..
لين: لا تفرحين كثير لاننا تراضينا..
نوف: حسافه ما تشمتنا فيك..
لين:بالله انتو خوات..انتو اعداء..
فجر:ليش حنا في حرب..
نوف:أي معركه؟؟
لين:انتو اصلا غيرانين مني..
نوف: في هذي صدقتي..
لين: الحين مجتمعين علي وحجرين لي وش تبون..؟؟
نوف: نبي ناكلك وش نبي يعني اجلسي مع البنات شوي..
لين: من زينكم..
فجر: ترى الحين بنجيب دبابات..
لين :قولوا والله ...الله وناسه..
فجر: ليش وناسه ..غريبه انتي ما تحبين الدبابات..
لين: لا عشان اركب مع شعولتي..
نوف: ايه فارس احلامك..
لين: ايه انا بتخيل ان الدباب حصلن ابيض وان مشعل هو الامير وانا السندريلا <<احلام ورديه بريئه..
فجر: يا قلبي عالبنات اللي يحلمون.. اقول ضفي وجهك مسويه رومانسيه ..
نوف: لا هذي المسلسلات اللي تتابعها ومتأثره فيها..
لين: اووووف من جد تطفشون وتنرفزون الواحد..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &
رغد: ريم شفتي سليمان اليوم؟؟
ريم: لا حسافه ما صبحت بوجهه.
رغد:حتى انا تركي ما شفته احس اني مشتاقه له..
ريم: نقوم نتمشى شوي..؟؟
رغد:عشان تتذكرين الموقف وتنبسطين ..
ريم:شي احسن من لا شي..
رغد:يله مشينا لحد ما يجيب مشاري الدبابات ..
ريم:يله..
وطلعوا يتمشون برى الشاليه وهم يتمشون..
رغد: ريم اما قلت لك السالفه..؟؟
ريم:ايه صح وش هي؟؟
رغد:وليــــــــــــــد..
ريم: وش فيه وليد..؟
"قالت رغد لريم السالفه الي صارت امس يوم كانوا يتهاوشون هي والعنود"
ريم: زين وقفتيه عند خده ولا كان تمادى..
رغد:هذا ما عنده اللي في راسه يسويه .. بس تصدقين قمت اخاف منه.
ريم:ما عليك منه احقريه..
رغد: تتوقعين كذا !!!
ريم: ايه ولا تشيلين همه ولا تفكرين فيه حتى ..
وسكتوا............................................ ............
رغد وهي تطالع البحر..
ريم: خلينا نطب في البحر شوي..
رغد:والله فكره يله..
ورفعوا العبايه وطبوا في البحر لحد ما وصلت المويه لنص الساق..
وبعدها ريم فكرت تسوي حركة نذاله ... واخذت المويه بأيدها وكبتها على رغد..
رغد: وااااااااااااااي ليش كذا..عبايتي يا النذله..
ريم تضحك...
رغد: تضحكين هاه..."واخذت مويه وكبتها على ريم وبعدها ريم خذت مويه اكثر
ورغد قامت تركض وطلعت من البحر لان ماله داعي تغسل ريم عبايتها بموية
البحر..
وطلعت ريم وراها وصارت تلحقها ورغد تركض ولفت على ورى وصارت تركض على ورى وتوها بتوقف الا صدمت بشخص وطاح وتعكرفت وطاحت عليه......
@@@@@@@@@@@@@@@@@@@@@@@@@@@@@@@@@@@@



نهــــــــــــــــــــــــــــــاية الــــــــــــــــــــــبــــــــــــــــــــــــا رت

الجـــــــــــــــــــــــــــــزء الـــــــــعــــــــــــــــــــــــــــاشــــــــ ــــــــــــر





رغد ما زالت تركض على ورى توها بتوقف الا صدمت بشخص وطاح وتعكرفت وطاحت
عليه وانفكت لثمتها وتحوست عبايتها وطلع لبسها ..رغد لفت على الشخص
وانصدمت...............




رغد:تــــــــــــــــــــــركي...
تركي مبتسم ابتسامه تطيح الطير من السما وهو مازال منسدح وعليه رغد:رغــــــــد...
رغد قامت عنه وهي مفتشله وجهها صار احمر فاااااقع من الحيا وقلبها صاير
طبلون سياره ماشي 280 وبطنها يعورها وحرارتها ارتفعت ..عدلت عبايتها
وسكرتها نست اللثمه..
تركي هنا خااااق كان وجهها يهبل وهي مستحيه:ليش كنتي تركضين؟؟
رغد:هااااااه.....كانت ريم تلحقني..
تركي: قولي لها لا تعبين قلبي..
رغد حطت يدها على خدها من الحيا وبعدها تذكرت اللثمه وزينتها وهو قاعد
يطالعها..وهي ماتحركت من الحيا والفشيله الكلمه اللي قالها شلتها وقعدت
تطالعه شافت تراب على كتفه قامت مدت ايدها لاشعوريا بتوخر التراب قربت من
كتفه وهو ساكت ما كان يدري وش بتسوي بس كان مبسوط وبعدين وقفت أي رغد بس ما
وصلت كتفه..تذكرت وقالت في نفسها"قويه والله اوخر التراب اللي على كتفه
اكيد بيقول هذي ما تستحي"
تركي يطالعها ويطالع ايدها الممدوده:رغد في شي؟؟
رغد بحيا:ايه ..فيه تراب على..على كتفك..
تركي في نفسه" يا ليتني ما استعجلت كانت نظفته بس غبي ومسوي فاهم"
قام تركي ونظف التراب وقال: مشكوره رودي..
رغد خاقه من زمان والحين زياده"ويدلعني بعد يبيني هذا اروح اغرق نفسي وااااي يهبل"
رغد: تركي معليش عن اذنك..
تركي: ليش بدري؟؟
رغد بصدمه"بصراحه جرئ يمون بزياده":لا معليش ...
وراحت وهي ميته حيا لانها حاسه انه يطالعها وكانت ريم واقفه في مكانها لحد
ما وصلت عندها رغد وبعدها رغد خبطت ريم على ظهرها خبطه اليمه: اوريك يا
رويم ..
ريم: أي ..هههههه والله شكلك تحفه وانتي طايحه عليه فعصتي الرجال..
رغد:انقلعي اصلا كل هذا بسبتك..
ريم: مو تقولين مشتاقه له خلاص هذا هو جا قدامك وانتي ما صدقتي على الله وخليته هو والارض واحد..تصدقين رحمته..
رغد: اقول رويم ترى قلبي مو ناقص تزدين عليه لاني حاسه انه بيطلع الحين من كثر ما يدق..
ريم: عطيه مشغول هههههههه..
رغد: هـ هـ هـ بايخه يا البايخه..
ريم: امشي..امشي حبت وانهبلت..
رغد وهي معصبه: يا مهبوله انتي..
ريم تبي ترفع ضغطها: والله اني رحمت الولد صدق انك ما تستحين على وجهك ما ادري وشلون جتك الجرأه وسويتي نفسك طحتي عليه بالغلط..
رغد وصلت معها: ريم امشي من قدامي وانتي ساكته بالطيب ولا تفاهمت معاك بالقوه..
ريم تضحك: تصدقين شكلك وانتي مستحيه يهبل.
رغد تذكرت كلام تركي:ههههههههههه
ريم: الحمد لله اختي فيها انفصام بالشخصيه مره تعصب ومره تضحك الحمدلله والشكر بس..
رغد جاتها حالة الضحك:هههههههههههههههههه
ريم: رغد خلاص عاد بليز لا تمسكين خط..
رغد: هههههههههه ما اقدرههههه والله ما اقدر..
ريم: انا رايحه وانتي اضحكي لما ينفجر راسك.
رغد تضحك: ههههههه خلاص ريم هههههههه خلاص بسكت...وخذت نفس عميق:اوووووووه خلاص يا رغد اسكتي..
ريم: لا صدق مجنونه وتحاكي عمرها بعد..
رغد وهي كاتمه الضحكه: ريم خلاص ترى برجع اضحك ما اقدر اتحمل..
ريم: لا واللي يعافيك خلاص امشي..
ورجعوا جوا الشاليه......
عبير: ريم وينك ادورك من ساعه..
ريم: طلعنا انا ورغد برى شوي..
عبير: والله انكم نذلات ليش ما اخذتونا معاكم..
ريم: يا اختي خوات بيطلعون مع بعض انتي وش حاشرك فيهم..
عبير: اصلا ما كان ودي اطلع بس قلت كذا من باب اللقافه..
رغد: عارفتك سودانيه..
العنود دخلت في السالفه بس سمعت سودانيه عرفت انهم يتكلمون عن اختها:
بصراحه من ناحية سودانيه ..سودانيه الله لايوريكم في البيت ما تتحرك
(سم)واحد كل شي مالي خلق ...ما اشتهيت .. والله ما فيني حيل..
عبير: العنود خلاص كفايه فضايح كفايه اللي يعرفونه عني..
العنود: لا خليهم يعرفونك على حقيقتك..
ريم: ما يحتاج الحقيقه واضحه زي الشمس..
رغد قامت تغني طبعا من تأثير تركي:نور الشمس نور جبينك انت الامس عمري سنينك امرني بهمس من حنينك
وقاما البنات وكملوا معاها وبدوا يشتغلون طقاقات وجابوا علب المويه الكبيره ويطقون عليها ويرقصون ويستهبلون ويضحكون..
لحد ما دق موبايل رغد..
رغد: بنات ...بنات هذا مشاري معليش ابي اسمع..
البنات سكتوا لان الشي في صالحهم..
رغد؟: هلا مشاري..
مشاري: تراني جبت الدبابات يلا اطلعوا..
رغد: اوكيه بقول للحريم ونطلع..
مشاري :اوكيه وانا بجمع العيال..
رغد: اوكيه باي..
رغد: بنات ..بنات.. الدبابات وصــــــــلت..
البنات بصوت واحد والقائده العنود: واحد.. اثنين. ثلاثه هــــــــــيّا..هــــــــــيّا..
وبعدها قاموا يضحكون وراحوا للحريم عشان يعطونهم خبر..
رغد: يمه ترانا بنطلع برى وبنلعب دبابات..
ام مشاري: ايه بس انتبهوا على انفسكم..
رغد: اوكيه..
ام ماجد: انتبهوا يا بنات..
ام فواز: لا .. احس مالها داعي..
نوف: يمه وشو اللي ماله داعي ..
ام فواز: الدبابات خطره..
فجر: يمه احنا بنلعب ..بنلعب فا ارضي علينا احسن..
ام فواز: يعني راسكم يابس..
نوف: لامويه.هههههه
فجر:ههههاي بايخه..
ام فواز: العبوا بس انتبهوا على لين زين يمه..
نوف تبوس راس امها: لين بعيوني تامرين امر..
ام فواز:ايه مو لله..
وبعدها طلعوا برى ولقوا العيال صافين جنب بعض يستنون البنات..
طلعت العنود وشافت اشكالهم وقامت تضحك..:الحين وراكم صافين كذا تقولين كانكم عند مخبز..
وليد: احمدي ربك مستنينكم ولا كان خذنا الدبابات وسحبنا عليكم..
عبير: بصراحه غطيتونا بكرمكم..
وقاموا البنات يضحكون.
ماجد: انا قايل لكم البنات ما ينعطون وجه وخصوصا خواتي ما صدقتوني..
مشاري: معليش بنعديها لهم صح ولا يا بنات..
رغد: يابعدي يا خوي.. ايه هذا الاخو ولا بلاش..
مشاري: بلا مصالح..
ريم: أي مصالح ...انت اخونا وعلى راسنا من فوق..
فواز: صراحه خواتك في المركز الاول في المصالح..
مشاري: ادري..
وقامو العيال يضحكون..
وبعدها قامت العنود:اسمعوني زين"كانت تبغى تلفت انتباه طلال وانها فاهمه"..
لفوا عليها العيال والبنات:خير..
العنود لما لفوا عليها استحت بس كملت: انا عندي اقتراح..
ماجد يهمس للوليد: بصراحه اختي ما تستحي..
وليد: توك تدري..
العنود تكمل: الاقتراح انه نقسم فريقين ..فريق بنات.. وفريق عيال وكل اثنين يتبارون والاسامي قرعه عشان محد يزعل...
البنات : اوكي.
العيال: اوكي..
العنود: يلا اول واحد مشاري..
مشاري: احم.. احم.. بما اني اول واحد فا لازم اقول مقدمه..
وليد : اخلص..
مشاري: اسكت انت.... احم احم بسم الله الرحمن الرحيم اول شي اشكر بنت عمي العنود..

العنود:العفو ياولد عمي..
مشاري يكمل: ثاني شي احب اقول الله يعين اللي بتكون معاي لانها بتكون خسرانه ميه بالميه..
رغد: تراك ماخذ في نفسك مقلب..
العنود:اختر لوسمحت وانت ساكت..
مشاري: العنود لا تفشليني خليني ادلع شوي..
ماجد: مشاري وبعدين معك حمستنا..
مشاري: خلاص ذبحتوني ما صار..
العنود : انت اللي ما صار..
مشاري قام يحرك الاوراق ويحرك ويحرك ويحرك ويحرك...
العنود: خلاص خلاص انطحنوا من كثر ما تحرك فيهم..
مشاري: عشان ما تقولون غشاش..
العنود: يله اختار..
مشاري: بسم الله وفتح الورقه قرى الاسم وما استوعب..
العنود: هاه مشاري مين طلع لك..
مشاري: طلع لي قمر اقصد طلعت لي الهنوف..
العنود: اذن الهنوف ومشاري مع بعض..
الهنوف: اناااااااا..
رغد: ايه انتي..
الهنوف: بس انا اخاف من الدبابات..
رغد: تراها لعب مو جد..
الهنوف: لالالا خايفه..
مشاري: هاه يا الهنوف مستعده..
تركي بصوت عالي: اعارض..
العنود : على ايش..
تركي: اختي تلعب مع واحد غريب..
مشاري: اقول ضف وجهك زين على بالي عندك سالفه..
تركي: احم احم فشلتني.
سليمان: الله يهداك مسوي فيها ..
وليد يفكر: يعني خواتنا احتمال يلعبون معاكم...تكفى مره ثانيه لاعاد تعترض على شي..
"توضيح وليد ما كان يطيق تركي بدون سبب بس تركي ما يطيق وليد لانه ملاحظ انه يتلزق في رغد"
العنود: اجل يله نبدا السباق..مشاري استعد والهنوف استعدي..
الهنوف: رغد تكفين العبي بدالي..
رغد: الهنوف خلك جريئه مره وحده ويله بيضي وجيهنا وترى كلنا معاك..
الهنوف تحمست شوي: تتوقعين بفوز..
رغد: اكيد ..حطي في بالك الفوز واكيد راح تفوزين..
الهنوف: اجل يله... ادعوا لي يا بنات..
البنات: الله معاك ومعنا..
العنود تشجعها: وحده .. وحده .. وحده..
البنات يصفقون على النغمه..
العيال انقهروا منهم وقلدوهم..
طلال: وحده وحده وحده.
والعيال بتصفيق اقوى من البنات على النغمه..
وقاموا يتنافسون على العبرات التشجيعيه..
العنود تعد: واحد.....اثتين.....ثلاثه....go
وانطلقوا الهنوف ومشاري...مشاري على طول سبق الهنوف لان سرعتها مو مره
..وهو كل شوي يلتفت عليها ...ابعدوا عن الشباب كثير فا مشاري هدا عشانه
خايف على الهنوف...قربت الهنوف من مشاري..
الهنوف: شكله خلص البنزين عنده خليني اسبقه..... وقربت اكثر
مشاري: قربت..قربت ايوه واخيرا وصلت....وصاروا جنب بعض..
مشاري: هلا بالرقيقه توك توصلين..
الهنوف بثقه: قل اني سابقتك واعترف..
مشاري يتطنز: تصدقين ما حسيت فيك.
الهنوف تنرفزت: اهم شي النهايه..
وزادت السرعه لانها مقهوره من مشاري وبعدها غرز كفر الدباب في الرمل..
مشاري شافها مغرزه فحب يلعب باعصابها: يالله بصراحه تنرحمين.. تحتاجين مساعده..
لهنوف: لا شكرا ...وتوها بتزل من الدباب الا مشاري نزل.
مشاري بشوي جديه: اسمعي انا بحفر وانتي ادعسي على خفيف اوكي..
الهنوف عشانها متوهقه: اوكيه..
مشاري صار يحفر شوي وبعدها: يله الهنوف ادعسي..
الهنوف في نفسها" يا حلو اسمي على لسانك واااي ماني مصدقه انا وياه لحلنا وبعد قاعد ينقذني ما اصدق ما اصدق"
قام مشاري قرب من عندها مره وحط ايده الاولى على مسكت الدباب الاولى وحط
الايد الثانيه على المسكه الثانيه بحيث ان الهنوف تكون بين ايديه وهو قريب
بالمره..
مشاري بصوت اقرب للهمس: يعني ما تعرفين تدعسين اضغطي هذاوبعدها اضغطي هذا..
الهنوف منصدمه:..............................
مشاري: انتي معاي ولا لأ..
الهنوف: معاك معاك..
مشاري: يله سوي اللي قلت لك عليه..
الهنوف طبعا ما كانت لمه يوم كان يتكلم كانت لاهيه في ريحة عطره وانفاسه
اللي تحس فيهم وتشوف صدره يتقدم ويرجع وهي بين عضلاته اكيد بتكون عايشه
الجو وبقوه بعد..
الهنوف: ايه انت اصلا وش قلت لي...
مشاري: وانا اقول رغد طالعه في الدلاخه على مين صار عليك..
الهنوف تفشلت وحبت تصرف: اصلا انا ما احب الدبابات واحس انها للعيال بس مو للبنات..
مشاري: مشكلتك دلوعه..
الهنوف بدلع: مشاري خلاص عاد..
مشاري"تراك تذوبيني زياده": احم احم خلاص سوي اللي قلت لك عليه وبيطلع..
الهنوف سوت اللي قاله بعد ما عاده لها حوالي مرتين عشان يكون جنبها<<<البنت راحت فيها..
وطلع الدباب واخيرا..
مشاري: واخيرا ما بغى..
الهنوف تضحك: الحين بسبقك..
مشاري يضحك: ايه هين انتي اصلا حاولي تلحقيني

عند الشباب


ريم:ما تلاحظون تأخروا..
رغد:لا يكون صار فيهم شي؟!!
العنود:لا بس المسافه اللي انا حددتها بعيده شوي..
رغد: ايه الحمدلله..
&&&&&&&&&&&&&&&&&&&&&&&&&
وليد: ما تلاحظ انهم مره تاخروا..
ماجد:اكيد هم على وصول..
وبعدها لمحو مشاري يضحك ...قاموا العيال يصارخون:مشاري.مشاري
هوه..هوه..بالطول بالعرض مشاري يهز الارض ...بالطول بالعرض مشاري يهز
الارض..
البنات متفشلين لان الهنوف حتى اللمحه ما لمحوها... وبعدها بخمس دقايق لمحو الهنوف من بعيد قاموا يصارخون مجامله لحد ما وصلت..
الهنوف:اوووووووووف...معليش بنات فشلتكم..
رغد:ما عليش ياقلبي راح نعوضها ا نشا الله..
الهنوف:ا نشا الله ..
البنات:عادي يالهنوف لا تاخذين على خاطرك..
العنود بصوت عالي:اذن النتيجه(1)للعيال..ولا شي للبنات..
قاموا العيال يصارخون ويهزؤن البنات:مساكين لقطوا وجيهكم..كواااك..كواااك..كواااك..
العنود يله وحده من البنات تجي تختار ..
وصارت كل وحده من البنات تحطها على الثانيه..
العنود:وبعدين معاكم خلاص انا راح اختار فجر يله تعالي..
فجر: انا لا ماابي ...اختاري رغد..
العنود: انا قلت فجر يعني فجر..
فجر: امري لله..
وراحت للاوراق العيال وقلبت فيهم وسحبت ورقه..
العيال يطالعونها وكل واحد يقول في نفسه شكله انا..
فجر قرت الورقه ببرود:فيصل..
العنود: اذن فيصل وفجر..
فيصل:هيّـــــــــــــــــــــا..
فواز: على ايش متحمس..
فيصل يصرفه: على الفوز يا قلبي..
فجر عندها عادي أي واحد محد يهمها ...البنات كانوا يحمسونها عشان يفوزون..
البنات: شدي الهمه.. فجر شدي حيلك....فجر جيبي راسه..انا متأكده انك راح تفوزين بس اصري على الفوز,,ومن هالكلام..
ركبوا الدبابات..
العنود: يله مستعدين ..واحد,,اثنين..ثلاثه..go
انطلقوا فيصل وفجر تقريبا بنفس السرعه ..طبعا فجر متعوده على الدبابات
ودايم تركبها عشان كذا هي منافس قوي لحد ما وصلوا للمكان اللي حددته
العنود..
فيصل: فجر..فجر ممكن توقفين شوي..
فجر مستغربه"وش يبي هذا":خير امر..
فيصل مبتسم: ما يامر عليك ظالم بس خلينا ناخذ بريك شوي وبعدين نكمل..
فجر ما حست انه يبي يقعد معاها شوي:احس انه ماله داعي للبريك..
فيصل:طيب واذا قلت لك طلبتك..
فجر ما حبت ترده: خلاص خمس دقايق بس..
فيصل في نفسه"خمس دقايق بالنسبه لي خمس سنيين"
فيصل: احم..احم فجر انتي بأي سنه"وجلس وجلست فجر جنبه"
فجر انا بثاني ثانوي..
فيصل: ما شا الله الايام تمشي بسرعه..
فجر: ايه الله يعين..
فيصل: طيب انتي شاطره بالمدرسه<<ما عنده سالفه..
فجر في نفسها" وش ذا السؤال البايخ":ايه ما علي..
فيصل: ايه بسم الله عليك..
فجر تبغى تقطع عليه سوالفه: ما خلصت الخمس دقايق..كنها طولت..
فيصل: ليش مليتي مني بهالسرعه..تراني قايل خمس دقايق مو خمس ساعات..
فجر: ايه بس احنا في سباق..
فيصل: طيب عادي..
فجر"يا ليل ما اطولك": طيب انت وين تشتغل..؟؟
فيصل ما صدق على الله انها سألته وعطته وجه: انا ما اشتغل انا ادرس بالجامعه ادارة اعمال..
فجر:اها ما شا الله وانت الولد الوحيد صح..
فيصل فرح اكثر:ايوه وشجون هي البنت الوحيده..
فجر: ايه ما شا الله باين عليها دلوعه ومدلله بسم الله عليها..
فيصل: حتى انتي باين عليك انك رقيقه وهاديه<<من على جنب..
فجر استحت: تسلم..
فيصل: الله يسلمك..
فجر: اتوقع إنا تأخرنا يله نرجع للتحدي..
فيصل: شكللك متحمسه..
فجر: ابي اكسر روسكم يا العيال شايفين انفسكم..
فيصل: وانا منهم..
فجر: ليش انت ما تعد نفسك واحد من العيال..
فيصل تفشل: ايه هين اوريكم يا البنات..
وركبوا دباباتهم.
فجر: انا راح اعد 1-2-3-وانطلقوا..
وكانوا تقريبا جنب بعض لحد ما قربوا من النهايه وهم في سرعه وحده فجر يوم حست انها قربت زادت من السرعه وفازت..
البنات يصارخون:فجر..فجر..فجر..فجر.
فجر رافعه ايدينها :ماله داعي ..ماله داعي ..احرجتوا تواضعي..
البنات: واحد ..اثنين ثلاثه فجر يا حلاتها ..واحد اثنين ثلاثه فجر يا حلاتها..
العيال: فشلتنا..
فيصل: والله على اخر شي زادت السرعه..
فواز: وانت ليش ما زدت السرعه..
فيصل: تبيني انقلب..
ماجد: في النهايه فازت عليك البنت من خوفك اللي ماله داعي..
فيصل: عادي الحين تعادل"فيصل عنده الموضوع عادي لانه ما همه فوز او خساره اهم شي عنده انه قعد مع فجر وانه شافها مبسوطه"
العنود: الحين النتيجه واحد للعيال واحد للبنات ..
الكل: هووووووووووووووووووووه...
العنود: يله واحد من العيال يجي يختار اسم من البنات..
العيال عكس البنات كل واحد يقول انا..
العنود: وانتو عكس البنات ..البنات كل وحده تقول ما تبي وانتو كل واحد يبي بصراحه متناقضين..
وليد: انا اخوك اختاريني..
العنود وكأنها مدرسة ابتدائي: انا بختار اعقل واحد فيكم واهداكم اللي هو سليمان..
سليمان: انا!!!
العنود: لا ظلي <<ما عندها وقت..

---

سليمان تقدم وقعد يطالع اوراق البنات ويتمنى ان تطلع له ريم..
ريم كانت تدعي ان تكون هي..
سليمان يحرك..يحرك وكان خايف انها ما تكون هي ...اختار ورقه..
سليمان طالع الورقه: رغد..
رغد بصدمه: انالا ما ابي ..خلي ريم..
العنود: والله ممنوع التبديل الا بشرط واحد..
ريم: وش الشرط اخلصي..
العنود: اذا وافق الولد انك تبدلين...هاه سليمان موافق انها تكون ريم مو رغد.
سليما لف على تركي وهو مبتسم وتركي كان وده يذحه وخايف يتنيذل عليه ويقول وما يوافق بس سليمان شاف مصلحته:انا موافق..
ريم في نفسها"يا بعد قلبي انت"
العنود: يله استعدوا 1-2-3-go..
انطلقوا في البدايه مسرعين بس هالمره غير كانت ريم تطالع سليمان ..وسليمان يطالع ريم..بعدين هدو شوي وقعدوا يسولفون بالطريق..
ريم: وش رايك نسولف ولما نقرب نسرع واللي يفوز ..يفوز..
سليمان ما صدق على الله: اوكيه..
ريم: وش اخبارك اليوم <<البنت فاسخه الحيا بقوه..
سليمان: والله الحمد لله بخير مادامك بخير..
ريم: الله يسلمك ويخليك لاحبابك..
سليمان في نفسه" انتي احبابي وهلي وناسي وانتي دنيتي كلها":امين..اقول ريم..
ريم مبسوطه والدنيا مو سايعتها من الفرحه:امر..
سليمان: ما يامر عليك عدو ..كيف الدراسه معاك والهبال وخرابيطكم..
ريم تضحك: على حطة ايدك من ناحية الدراسه ما ادري وش اللي يصبرني عليها بس الهبال صديقي ما اقدر اتركه..
سليمان: ههههه يا حليلك..
ريم: سليمان لا تقول يا حليلك..
سليمان: ليش..؟؟
ريم: ما يصلح ..
سليمان: ايه ليش.
ريم: يا حليلك يعني يا خبلك وانا بالعاده اذا احد قالي ايها اقوله قل الله حلاك وعشانك انت سكت..
سليمان: اها........اجل يا حليلك..
ريم:سليماااااان..
سلميان يضحك:هههههههه متعود وش اسوي.
ريم: لا تقولها عشاني قل كلمه ثانيه حلوه..
سليمان يبي يرفع ضغطها:تبيني اقولك يا قلبي..
ريم وهي مستحيه: وانت ما عندك حل وسط قل شي ثاني..
سليمان: طيب وش رايك اقول فديتك..
ريم: صح انها ما تبعد عن اللي قبلها بكثير بس ما عليش اهون من غيرها..
سليمان: عاد هذا اللي طلع معي...
ريم: ترى تأخرنا ...يله خلنا نرجع ..
سليمان: لااااااا تو الناس<< الاخ فالها على الاخر..
ريم ما حبت تعطيه وجه زياده بس قلبها يفرك: لاصدق شكلك فقدت الذاكره ونسيت
الموال وشكلي بكتبه في صحيفه وكل ما نسيته فتحتها وقريتها عليك..
سليمان: لا ما نسيته يلا نبدا..
ريم: انا اللي بعّد..
سليمان: اوكيه وانا مستعد..
ريم:1-2-3-


7&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&
&&&&&&&&&&&&&&&&&&&&&&&&&&&&&&&&&&&&&&&&&&&&&&&
&&& &&&&&&




" نـــــــــهــــــــــــــــايــــــــة الـــــــــبـــــــــــــــــــــــارت "