اجمع الشعر بيـن اشفـاي وأضمـه
واخشا يبكي حزين الشعـر عشاقـي
لاتنبش جروحي اللـى فيـة ملتمـه
خلوه مدفون يبقـى الشعـر بعماقـي
شاعر وعذب القصيد امخالـط دمـه
اشتاق للشعر لامنـة لـي اشتاقـي
اجمع أشتاتـي اللـي مقـدر المـه
واعاني احزان فـي قلبـي وخفاقـي
العمر صدمات صدمة تتبع الصدمـه
ترجمتهـا شعـر بكتابـي وبوراقـي
شعري همل وانتثر من جوره وهمـه
والماء ليا فاض سيلة يجرف الساقي
الشعر احكام بالدنيـا ولـى حكمـه
يغيب هزل القصيـد وجزلـة الباقـي
أذوب من لهفتـي لاهبـت النسمـه
كمـا تـذوب السحـب لألاح براقـي
نهز غصن الزهر من اجـل نشتمـه
لاشعشعت واسفهلت شمس الاشراقي
غفى أسير الحـزن متوسـدن كمـه
تلفيبـة اشواقـة وتقفيبـة أشواقـي
قطرة ندى الغيث طاحت من هوا النسمه
وطاحت على الخد طاحت والجفن فاقي
توة صحا فى ليال العمر مـن حلمـه
يوم الزمن للقلوب البيـض سراقـي
بوصل الشعر ووصـل معـه للقمـه
شعر تناسب حروفـة كـل الاذواقـي
وكان الليالي محت من جورها اسمه
بيموت عمري وعمرك يالشعر باقـي
اتمنى تنال اعجابكم
