السلام عليكم
سويتنا اليوم بسيييييييييييييييط جدا جدا و لكن طعمه لذييذ و شكله يقول انج تعبانه عليه و يعطي ايحاء انه جاهز
و حلو للطوارئ
المقادير البسيطه
41 حبه اوريو كاملات يعني بالحشوه مالتهم
علبه جبن فيلاديلفيا بدرجه حراره الغرفه
شوكلاته خام للتزين
و اشياء اضافيه للتزين فقط اختياري (( مكسرات - شوكولاته بودره - مكسرات ))
الطريقه
اول شي نحط حبات الاوريو بالخلاط بعد ما نكسرهم شوي علشان يسهل طحنهم ..و الحبات تكون كامله يعني البسكويته و الحشوه
وبعدين نضيف الجبن ..و الجبن تكونين مطلعتنه قبل فتره من الثلاجه علشان يدفى و يسهل عليج الخلط
و تعجنين الجبن و البسكوت عدل لين يختفي الجبن و يصير عندج مثل العجينه
و بعدين تكورينه الي كور صغيره و تدخلينه الثلاجه لمده 30 دقيقه علشان يجمد
و بعدين على حمام مائي ذوبي الشوكلاته و ابدي غمسي في كور الاوريو ..و بعدين رجعيها للثلاجه مره ثانيه علشان يجمد الشوكليت
افكار اختياريه :
و بعد ما غمستيها بالشوكليت ممكن تدجرحينها بالمكسرات او الجوز الهند او شوكليت البودر
او ممكن تغمسينها بالشوكليت الابيض
و ممكن تسونها ملونه بحيث انج تضيفين اللوان الطعام على الشوكليت الابيض و يصير عندج بالوان مختلفه ((انا سويت اللون الوردي ))
و هني و عافيه و اتمنى انه ينال على اعجابكم
و تفضلوا
انا انتظر ردودكم
:بنتوتة : 