طريقـــة عمل الجلتــــــر ...


قبل أن نبدأ بالعمل يجب أن تقوم بتحميل الجلترات إلى برنامج الفوتوشوب ...


وللقيام بذلك قم بحفظ الجلترات اللي تعيبك من هالمواقع :


الجـــزء الأول


الجـــزء الثاني


الجــزء الأخيــر


لإضافة الجلترات إلى البرنامج لازم تفج ثلاث جلترات ع الأقل شرط يكونن متقاربات ف اللون ...


ونا اخترت هاييل ع سبيل المثـــال ...





وبعد كا فتحناهن نختار أي وحده فيهن ونضغط Ctrl + A وبعدين Edit >> Define Pattern وبيظهرلنا هالبوكس ...





نضغط Ok ... ونطبق نفس الشغله ع الباجيات وجي نكون حولناهن لباترنز الي بنستخدمهن في شغلنا بعد شوي ...



بعد ما طبقنا هالخطوه بنبدا شغلنا ع الجلتر اللي نباه ... الخطوه الأولى ...


نفتح شغل يديد بالجياسات اللي نباها ...


File >> New وهني لازم نختار Transparent مثل ماموضح بالصوره ...





بعد مافتحنا شغل يديد نكتب عليه أحين أي شي نباه ...





أحين لازم ننسخ الير اللي عندنا مرتين عسب يصير عندنا 3 ليرات ...


لنسخ الير نضغط رايت كلك ع الير الي عندنا ونختار Duplication Layer







ونكرر هالعمليه مرتين ليما يصير عندنا ثلاث ليرات ...





أحين بنبدا شغلنا ع الير الأولى ... Copy 2


اضغط كلك يمين على اسم الطبقه الاولى واختار Blending Options





بتظهر هني وندو يديده متروسه خيارات طبعن احن بنشتغل ع 3 منهن بس ...


أول شي بنحط تك على Drop Shadow ( يعني نختار أول خيار وبيظهر علامة صح شغيره يمه )


وبعدين نختار Pattern Overlay بس هني نبا تركيز شوي ...


يوم بيظهرن الباترنز بيكون ب هالشكل ...





هني بنختار احن أي واحد م الباترنز الثلاث اللي عندنا بشرط ما نختاره مره ثانيه ...


ثالثاً Stroke وها يبين لنا لون الحواف اللي بيظهر بها الجلتر ...


نختـــار أي لون نباه وبالقياسات الظاهره لنا ف الصوره ...





أحين اضغط Ok وجوف شغلك ... ان شاء الله شكله أوكي ... بيظهر ب هالشكل تقريباً ...





أحين الخطوه الأخيره والأهم ...


اللي تعب بامكانه ياخذ بريك شاي ويرد


أحين جوفوا شبنسوي ... بعد ما طبقنا الخطوه الأخيره ع الطبقه الأولى ...


نروح نشل العين عنها ونطبق نفس الشغل ع الير الثانيه ... وبعد لانخلص م الثانيه


نشل عنها العين ونطبق نفس الخطوات ع الثالثه ... والعين بتلقونها ع الينب اليسار





وعسب تشلونها دقوا عليها بالماوس بس ...


أحين بعد ماخلصنا من تطبيق الشغل ع اليرز كلهن ... لازم ننتقل ل Adobe ImageReady


وقبل لا تنتقلون له لازم تظهرون العين مره ثانيه ف جميع الليرز ... شرا ما باين ف الصوره الأخيره فوق


وعسب تنتقلون له اضغطوا File > Jump To > Adobe ImageReady أو بتلقون الآيكون مالته


تحت ف صندوق الأدوات اضغطوا عليها وبتنتقلون سيده ...





يوم بتنتقلون للإميج ريدي ... سوا الخطوه التاليه ...


Window >> Animation يوم بتظهر الوندو اليديده بنروح للسهم الصغير اللي ع الينب


ونختار Make Frame From Layers مثل ما موضح بالصوره ...

اضغط هنا لمشاهدة الصورة بحجمها الطبيعى

بتظهرلنا أحين الصوره النهائيه للعمل ومنها ممكن نطالع شقايل بيكون شكله ...





عسب نشغل العرض ندق المثلث الي عليه دايره وجي بيكون شكله النهائي ...


بعد مانجوف الشكل النهائي نوقف العرق بالضغط على المربع اللي ينب مثلث التشغيل ...


ولا تلعبون بأي شي بعد هالخطوه ... باجي علينا التخزين ...


عسب نخزنها نروح File > Save Optimized As ونختار الاسم اللي نباه للشغل ...


وجي حصلنا ع التطبيق الفوقي ...


ان شاء الله يكون الدرس مفهوم وسهل ^_^

شكرا كتييييييييييير
تقبلي مروري يا الغلا

ممكن النتيجة
اقصد يعنى نتيجة الدرس؟؟

مشكورة مشكورة

طريقـــه سهله مررره


بس مثل ما قالت لوتشــيا تحتاج التركيــز

مشكورة