قصه مضحكه جداجداجدا
***
كان يا ما كان في قديم الزمان، ملك عنده ثلاث بنات.
حب في يوم من الايام انه يختبر حبهم له. جاب الكبيرة وقالها : يابابا حبيبتي شكثر بتحبي ابوك الملك .
البنت من غير تفكير : بحبك قد ما السمك بيحب البحر .
الملك فكر وقال في باله : ايه هو السمك مابيقدر يعيش بدون بحر . هذي البنت بتحبني كتير . وقال لها : انا كنت عارف انك بتحبيني بس مش لهدرجة . وقام اعطاها قصر كبير ومجوهرات .
جاب البنت التانية وسألها نفس السؤال . فقالت له : بحبك قد ما الطير يحب السماء . انبسط ابوها . واعطاها قصر جنب اختها ومجوهرات
بعدين جاب البنت الصغيرة ( اخر العنقود اللي يموت فيها ) وسألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة
زعل ابوها وعصب وضربها كف. ومسكها من شعرها ورماها برا القصر. وما رضي يسمع منها ولا نص كلمة. البنت دارت بالحواري وعلى ارصفة الطرقات وهي تسمع كلمة من هذا وكلمتين من هذاك . لغاية ماجاها مزارع مسكين حبها وحبته وراحوا تزوجوا و سكنوا بالكوخ اللي يملكه بنص الغابة .
ودارت الايام ومرت الايام . وفي يوم من الايام كان الملك قاعد يصيد بالغابة ونسي حاله وسرح وضاع بالغابة. دور على المرافقين .لم يجد احد منهم.و الحرس . فص ملح وذاب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قال بدخل برتاح وأكل لقمة . دق على الباب فتح له صاحب البيت وهو مش عارفه . دخلوا جوا وهو شايفه تعبان . وصار يحكي مع الرجل...
زوجته مش خافي عليها الصوت ........ قال الرجل لزوجته قومي اذبحيلنا دجاجتين خلينا نتعشى ونعشي الضيف .
بدت تشتغل بالعشاء وخطر على بالها فكرة . نادت زوجها وقالت له خذ شوية الدقة ( يعني زعتر ) مع صحن زيت سلكو فيهم على بين ما يخلص الاكل شكل الرجل ميت جوع . قام وحط الزيت والدقة قدام الملك وقاله : اتفضل يا عمي على ما يجهز الاكل . الملك ميت جوع وهو بحب الدقة ( زعتر ) كتير . ما بلع اول لقمة الا صار بده يستفرغ . وصاح بالرجل : ولك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ
وفجأة تذكر بنته الصغيرة وصار يبكي . قال له الرجل :. شو مالك ؟
انت العاقل . كل هذا عشان شوية دقة ( زعتر) الحين الدجاج بيخلص . راح الملك حكى للرجل القصة . وهو خلص من هون نطت البنت وقالت : بخ كيفك بابا ؟ عرفت الحين شكثر بحبك يابابا. ؟؟؟؟؟؟؟
وهيك عرف الملك ان بنته بتحبه كثير . وجابت له دقة بشطة . طبعا ما اكل منها ولا لقمة لانه نزل بالدجاج جرد
واعطاها قصرين ومجوهرات و سوبر ماركت و كروز دخان وشغل زوجها عنده
وتوته توته خلصت الحدوتة..
Hitskin.com
