البارحه لاني باحي ولا ميت كدر منامي هاجس ماقويته
ياميمتي ونيت انا ثم ونيت والزاد أنا من هاجسي ما شتهيته
يوم اني الجمعه على البيت مريت ماحد فتح بابه ولاحد لقيته
خذتبي العبره من الهم وقفيت أجاذب العبره من الي شكيته
ويسأل علي وشفيك يابوي عديت لاباب طقيته ولا حد دعيته
قلت اه وينك رحت يا شمعه البيت يالي من اجلك كم مره نصيته
يمه على ايدينك نشأت وتربيت لقيت نفسي يوم ما حد لقيته
يمه لو انه با الاماني تمنيت يومي قبل يومك لو اني نسيته
يمه لو اني بك على الراس حجيت با الحق جزاء لو ربع ماخذيته
يمه لو ادري بحقك اخطيت ما ارتاح لي بال على ما جنيته
وانا احمد الله كل مااصبحت وامسيت اني من اجل رضاك كلي عطيته
لكن بادعي كل ماذن وصليت يرحمك يمه ربي الي رجيته
عساك في قبر الى فيه مديت نظرك شفتي به رياض شتيته
عساك بجنان ولك قصر وبيت جنات عدن في رضا من رضيته
صلاه ربي عد من طاف با االبيت على النبي وعدد من حج بيته
---------------------------------------------------------
