مدوناتي .¸¸۝❝ أسيرة الإحسـّــاس❝۝¸¸.

تذكير بمساهمة فاتح الموضوع :

:10241:

:cgfdt65:

:hbjhgjhi8:

مرحبا ,,

هي مساحة بوح خاصة بي ,,اقتطعتها من منتداكم العزيز
لمشاعري .. لأحاسيسي .. لما يدور في صدري ,,
و من منطلق ( تكلم هامسا حين تتكلم عن الحب ) *
سأكتب هنا بصوت منخفض جدا ..
فأنا أخشى ان يسمعني الآخرون في الخارج ,,
و لا أود ازعاج أحد بكتاباتي ,,
لكنني أخشى أن تتسرب افكاري .. او تموت ,,
لذلك سأدونها هنا ..
لربما تكون افكارا مجنونة .. غبية .. جريئة ..
وربما تكون افكارا جيدة ..
لكنني في الأخير لم أجبر احدا على قراءتها ..
تحياتي المعطرة لكل زوار صفحتي

,,,,

أطلقتها .. آهتي الأولى .. حين عثرت على قسوتك ..
مدسوسة بين معسول الكلام ..
وآهة أخرى.. أجهضتها عند انتهاء العسل ولم تتوقف الكلمات ..
وثالثة عند رحيلك .. دون كلمة وداع .. تليق بامرأة ..
ورابعة صرختها .. عند عودتك تبحث عني آلاف المرات ..
وآهة تلو آهة تلو آهات لاتنتهي ..
حتى أصبحت حاملة للقب " ملكة الآهات " دون منافس ..
وأه أخيرة أفْرج عنها اليوم وأنا بكامل سعادتي .. وقمة أملي .. وأوج اشتياقي ..
أختم بها مسلسل التنهدات عند محطة عشقك الواهم ..
فهناك حب جديد .. يلوح في خفقات الأفق ...!

ليت نثري .. ماذا دهاني ..
يعاقبني دهري .. أم يراودني زماني ..
قلت له اذهب .. فلماذا أتاني ..
هل جاء معذباً .. أم نادماً لم يقو نسياني ..
أم نساؤه انقرضن .. فهام يقتفي أثري ليلقاني ..
سأختبئ عنه .. فلستُ جانية
بل كان دوماً .. هو الجاني !

عندما هاتفني ( برنارد شو ) قبل دهور ..
بادرني منفعلا .. قال : عفواً ( استاذتي )
ليتني عرفتك بعد مئات الأعوام ..
لأتعلم منك الذبح على الطريقة الأبجدية ..
فاحترس ياحياتي .. من غضب حروفي ..
ستجدها مغلفة بأسرار الحرير ..
وكتمان الزمرد .. وخجل اللآلئ
لاتجرح ولاتدمي .. لكنها تحرق ..
كجحيم مستعر .. لايبقى ولايذر ..

إن كنت لا تزال تتعلمني ..فواجبك الحذر
لا اختيار مسارات شائكة .. وشن هجوم فاشل بأسلحة صدئة
تورث خدوشاً مشوهة .. لا نزيفاً يمجدها ..
أو جرحاً يشرفها ..
وخدشك .. لا يبرر أعذارك ..!

إلى متى يحكمني ( جبروتك العادل ) ..
وتكتب ميثاقي .... عند شدو العنادل ..
وترعد في هجري .... خلف القنادل ..
وتشتهر في وجهي سيف حب لا يقاتل ...

كثيـر الـلـي تمنـانـي وطـلـب ودي ولاجيـتـه
ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه
ولا بانـدم علـى منهـو رجيتـه حـب وخلانـي ....
صحيح الوقت ياصـاح يبيّـن كـل مـا اخفيتـه
وانـا كلـي غـلا اعطيـت وبالـجـرح تجـزانـي ....
انا من وقت ما شفته وعشقته حيل وحبيتـه
فديتـه غالـي العمـر وملـك قلـبـي ووجـدانـي ....
عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي ...
مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي ...
انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي ...

غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي ...
انا الطيبه من عيوبـي وصدقـي طفـل ربيتـه
وعلمته على الاخلاص لكل إنسـان ماشانـي ....
خسـاره مـا بـدر مـنـي لـكـل إنـسـان رديـتـه
خسـاره ليتنـي فـكـرت قـبـل اخـتـار خـلانـي ...
أنا آسف..أنا آسف يـا اغلـى شخـص حبيتـه
ابرحل واترك العالم واعيـش الفرحـه ثوانـي ...
ابرحل في سما عشق ٍ بكـل إحسـاس ناديتـه
وابرحل عن عيون الناس وعن حب ٍ نساني

ليتك تموت اليوم وأرتاح أنا منك *** ويرتاح قلبا بالخيانه طعنته
ليتك تموت و بثوب اسود اكفنك *** و اطوي معك صفحة عذاب رسمته
ليتك تموت وداخل القبر أدفنك *** وادفن مع الجثمان جرحا جرحته
ليتك تموت اليوم ومحدا درا عنك *** غير الخفوق اللي وفالك وخنته
ليتك قبل ماتموت في صدرك أطعنك *** واصيح بأعلى الصوت حقي أخذته
يلعنك قلبي والأحاسيس تلعنك *** ويلعنك دمعا صادقا لك نثرته
جننتني يا جعل ربي يجننك ***لا وحسافة ليلي اللي سهرته
منتب كفو قلبي له سنين صاينك *** منتب كفو للي من اجلك غدار خاين خنت قلبا يامنك***قلبي عطاك الحب بيدك ذبحته
وش موقفك لو كنت أنا اليوم خاينك *** وش هو شعورك لو فؤادك غدرته

______________

احبك ليه مدري

أحبك

احبك ليه
ماادري
احبك كيف
ماادري
في بعدك
وفي قربك
احبك احبـك احبـك
وانتهي امري

عشقت
في وجهك البسمه
وعشقت
في فمك الكلمه
وعشقت
عيونك ورسمك

هويتك
وانت غير الناس في عيني
شريتك
وبعت من في الناس يبغيني

احس ان الدفى عندك
واحس ان الوفا عندي
عطني الدفا
واعطيك

قلبي وروحي

طبع الوفا
اعطيك

وانسي جروحي

خساره رغم ماسويت
معك من حبنا مليت
وضعيت الوفا واقفيت
حسايف حبنا اللي ضاع

احبك وانت ماتدري
احبك آآه لو تدري
في بعدك وفي قربك
احبك احبــك احبـك
وانتهي امري

غرك زمانك

غرك زمانك لاكن الوقت خداع = يبي يجيلك يوم تشكي من جروح

مادمت تسعى ياهوى البال لطماع = خلك على دربك وسعيك لي مصلوح

من باعني ما ابطيت بعته كما باع = واللي شرى لشريه وافديه بالروح

من أولا يوم انت صافيا ومطواع = وانا على شانك اعمرلك اصروح

والليوم ضاع الحب ياحبيبي ضاع = وماني على لقياك يازين مشفوح

نزعت حبً راح من بين الاضلاع = حتى خيالك دمه الليوم مسفوح

الغدر طبعك كنت بالدور مبداع = خدعتني والقلب بيديك مذبوح

مالك وفى للحب شديت لشراع = على سفينة حب مع شخص مذبوح

_________________________

عيونك الحلوين

عيونك الحلوين = نسوني اسمي مين
ونسوني جاي منين = ونسوني رايح فين
والله مو معقول= هذا الحلا والطول
والمظهر المقبول = وكثافة الرمشين
انتي سعوديه = والا كويتيه
والا سويديه = الحسن ذا من وين
في ذمتي ماشفت = مثلك ولاصادفت
ملفت بهذا اللفت = غيرك من الحلوين
في مشيتك غنوه = تترجك الخطوه
بسماتك الحلوه = بعيونك مبينين
الشمس تقرب لك = او تنتحل شكلك
في اللون تشبه لك = وبالنور متساوين
انتي من اغنى ناس= واضح من الحراس
واللولو والالماس= اللي على الكفين
لكن على كل حال = ذي نمرة الجوال
وابتركه شغال = يجوز تتصلين

عزال ملثم

غزال ملثـم... نظرنـي وسلهم...تعـدى وسلـم...وراح بطريقـه

سحرني جماله...ذبحني دلاله...وقلبـي صفاله...مـن أول دقيقـه

تبعته أنادي...ياغاية مرادي ...رقص لك فؤادي...وهتف لك طليقـه

يابو رمش فاتن...واحلى المحاسن...وياي أرض ساكن...أريد الحقيقه

أنا من نظرتك...بسرعه عشقتك...ياروحي طلبتك...تطفي الحريقـه

حكي وقال حاضر...تدلل وأمر...وقلت المشاعر ...لقربـك شفيقـه

أريد التقي بك...وأريد أهتنـي بك...أببقـى حبيبك...بأيـة طريقـه

من قبل أشوفك

مـن قبـل أشوفـك مستريـح الـبـال
........ ومن بعد شوفك أنشغـل بالـي

مـن قبـل أحـبـك زايــد بالـحـال
........ ومن بعد حبـك ناحلـه حالـي

تفـداك روحـي مـع جميـع الـمـال
........يا أعز من حالي ومـن مالـي

دمعي علـى خـدي مـن أجلـك سـال
......... وجروح قلبـي دمهـا سالـي

ويـن أنـت يالمجمـول صـدك طـال
............. طال انتظاري والجفا طالي

هــذا وقلـبـي بالـغـلا مــا زال
......... يغليك يالمحبـوب مـا زالـي

أهتـم بـك وأشـوف منـك إهـمـال
......... وأقرب وتبعد تظهر إهمالـي

هنـي مـن هـو مـن حبيـبـه نــال
............شفه ومطروبه وهـو نالـي

قلبـي عـلـى درب الـهـوا مـيـال
..........ولأجل المحبة صـار ميالـي

شفـت العـذاب وذقـت منـه أشكـال
.......وشربـت منـه عـدة أشكالـي

__________________________________________________ _____________

احبك موت

احبك حب ماله حد احبـك رغـم هـذا البعـد = احبك لو يطول الصـد احبـك مـوت يالغالـي

بدونك ضايع عمـري بدونـك حايـراً امـري = وانا اتعذب ولا تدري عن اللي صايـر بحالـي

رمتني قسـوة الايـام مابيـن الحـزن والألـم = اشوفك بس بالاحـلام جنابـك دالـه وسالـي

همـوم الوقـت تعلـب ولأحـد واقفـاً جنبـي = واذا انت اكفيت عن دربي ورحت تقول انا مالي

ياخوفي بس تنسانـي وترافـق واحـداً ثانـي = واعيش العمر وحداني ويموت الحب بالتالـي

انا برجوك صارحنـي علامـك دوم ظالمنـي = تمـر وماتكلمنـي ولاتسـأل عـن احـوالـي

لأجل الحب انا برجوك ترى العـذأل مايفـدوك = تعال النـاس لايغـروك تـرأ مازلتـي غالـي

__________________________________________________ _____________

خلي جرحني

خلـي جرحنـي
وبغرامه فضحني
ساعـة فضحنـي
ماتركلـي بقـايـا
غــره شـبـاب
ليـن زود عذابـه
والـهـم جـابـه
واستباح الخفايـا
ماهـو بـنـاوي
لو نسوق الرجاوي
صـب البـلاوي
بالعروق الضمايـا
ان جيـت الومـه
ضيعتني رسومـه
بيـن النعـومـه
والحلا والحلايـا
وارضـى بهمـي
لونثر كـل دمـي
علـيـه اسـمـي
من عيون المرايـا
لاشفـت طيـفـه
باليالـي المريفـه
اقــول كيـفـه
لو يسوي سوايـا
لومـاعـطـانـي
له علي الحنانـي
مافـي زمـانـي
غير صوتها دايـا
والله ماسـيـبـه
لوجروحي عطيبه
كــلأ حبيـبـه
مثل خلـي معايـا

-------

لاتشتري من حاولو يخسرونك *** ولاتخسر الي فكر بيوم يشريك
مافيه اجمل من صديق يصونك *** ولا فيه اقسى من قريب يعاديك
انا ورب البيت لو يخذلونك *** مهما حصل لايمكن اني اخليك

لاتحسب اني إذا ابطيت ناسيك *** ماينسى عشرة صاحبه غير الانذال
حدتني ظروفي على البعد لاجيك*** هم بوسط القلب والدمع همال
ولا انت ياكل الغلا افتخر فيك*** وحبك سكن داخل فؤادي ولا زال

خزنت لــك بالقــلـب عشــرة مــلايين *** ماهو رصيد فلوس لكن مـودة
زكـاة فطـرك تغـني جميع المســاكين *** من الساحل الشرقي الى حد جده
وامشي معك والله على العسر واللين *** والموت والمقسوم محدٍ يرده

يارفيق الدرب ماصدق نسيت *** خابرك مهما تعذبني حنون
لاذكرت ايامك الحلوة بكيت *** ماتهون ايام ودك ماتهون
راحتي وياك لامنك صغيت *** في ثواني كلها بوح وشجون
ولاقريت ابيات الرساله وانتهيت*** ودي اعرف في حياتك من اكووووون ؟؟؟

ياغايب عني لك الحب ماغاب *** مته تجي تشوف همي بعينك
ماطاب لي جرح ولا خاطري طاب *** مته يديني تحتضنها يدينك
ياصاحبي لو قالو الوقت كذاب *** يكفي كلامك ودافي حنينك
لو ان قصدي في الزمن كثر الاحباب *** ماقلت ياساكن الروح وينك

فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير

» مدوناتي...........
» مدوناتي احلى شيء عندي
» مدوناتي الخاصة لي وحديى
» مدوناتي الخاصة مثل عالم الاميرات

مدوناتي￼￼ .¸¸۝❝ أسيرة الإحسـّــاس❝۝¸¸. ￼￼

مدوناتي .¸¸۝❝ أسيرة الإحسـّــاس❝۝¸¸.