بسم الله الرحمن الرحيم
إلى متــى حنـــا عن المــوت ســالين
نضحـــك بدنيـــا ماعرفنــا خبــرهــــا
نمسي ونصبــح والكفن بين خيطين
... منســوج بكتــاب الأجـــل في قدرهــا
درب الأمــل نمشيه وحنــا صحيحين
واللي أمن غــدر الليـــالي خســــرها
سم الليــالي الســـود لانامــت العيــن
.. يدنيك خطــوة من غياهب حْـفــرهـا
وإلى متــــى حنـــا عن الله بعيــديــن
.. والنفس بالتسويف غاصـــت بحـرها
النفس طيـــرٍ ودهــــا بالجنــــاحيـــن
تكفــخ ورى الشهـــوات تتبع نظرها
اكــرب حزام النفس ترتــاح بعــديــن
لا حشرجت نفسك وأشخص بصـرها
وش حيلتك لاصــرت مابين الإثنيــن
نكيــر ومنــكــــر والنجــــاة بقـهــرها
اغنم زمــانك قبــل ماعـــــودك يليــن
لابـــــد بالشـــــــدات تقطف ثمـــرهـــا
واحذر تسوق خطـاك درب الشياطين
تفــــــرش لك ورودٍ تودي سقـــرهـا
أبسـألك وانت أسأل النفس ذا الحين
وش يمنعـــــه من ركعتيـن بسَحـــرْها
بادر وغيّر واستعــــــــــد للمصــليـــن
لاكبـــروا ونفســـك كفنــهـــا حشــرها
المسعــــد اللي طــوّع النفس للـديـــن
وفي جنـــة الفردوس داره عمـــــرها
Hitskin.com
موضوع: الى متى 
