تحدي اللي يقرأها بدون ماتتأثريين
-------------------------------------
يمه شلونك؟
يمه مرتاحه؟
يمه تتذكرين يوم كنت أقول:
جسمي يبيله تعديل وعدلته واأبشرك دخلت بطولات
والحمدلله الحين احسن!
بس يمه مازرتيني؟
ترى يمه ابشرك تخرجت من الدوره
شفتي لما أقولك ولدك قدها!
تذكرين يمه يوم زعلتي عشاني مادخلت الجماعه
بس دخلت الجماعه وتخرجت وصرت ضابط
كنتي تقوليلي "ياولدي هاذي الجامعه!
احد يترك الجماعه ويدخل الجيش؟!"
قلتلك يمه ما أقدر عليها آصير عسكري
احمي ديرتي أحسن من الجامعه!
بس انا جمعت من بينهم الاثنين
أبشرك يمه انا اشتغل الحين شفتي يمه ان ولدك مو سهل
يلاوين هديتي ؟ امزح معك
انتي عارفه انك اأغلى هديه رضاك علي
يمه..راضيه علي
يمه تذكرين يوم كنتي تقولين : ياليتني لو كنت شمعه
تذوب لتضيء للناس حياتهم!
ياليتني لو كنت قطعة سكر تحلي مرارة الايام او كنت ورده
تسعد الناس في الربيع وتذبل بهدوء في الشتاء
أبشرك يمه ولد على نفس الدرب
وعلى نفس الخطى :)
تذكرين يوم كنتي تقولين لي
ياولدي الناس نوعين!
ناس انخلقوا سعداء وناس انخلقوا ليسعدوا غيرهم
تصدقين يمه أحس إني فشلت
إني اكون من النوع الاول
وقاعد من النوع الثاني مثلك تماماً
يمه لاتشيلين هم اختي ترا تزوجت
وجابت بنت وسميناها "حصه"
ترا بعيوني مثل ماكانت بعيونك
وبإذن الله بتكون البنت اللي تفتخرين فيها
يمه تذكرت شغله
حلمت فيك بالامس :)
والله يمه صايره أحلى من اول لكنك رحتي قبل لا أشبع منك فاتك يا يمه
رحت السوق قبل كم يوم اشتري اغراض
وشفت واحد من ربعي ياحليله يايمه يقولي:سلم على أمك :*
يمه تصدقين لي الحين في كل سفره لي :
اذا جيت اشغل تلفوني بعد مانهبط جتني رساله!
عبالي منك رسالتك اللي عودتيني عليها
حمدالله على سلامتك حبيبي كلمني اول ماتوصل
سامحيني يا يمه :(!
انا لازم أمشي الحين
لانهم بيقفلون باب المقبره
Hitskin.com
