المقادير
مقدار اناناسايه طازجه و موز مقطع مقدار فروله مقطعه مقدار تفاح مقشر ومقطع عدد 1 تفاحه سليمه وفراوله وعود اسنان مقدار قشطه مقدار لبن بودره مقدار بودره كريم شانتيه مقدار سكر مقدار فانيليا
طريقة التحضير
التحضير: نجيب الاناناسه نقص شويه من شعرها اللي فوق ده معرفش اسمها ايه بس المهم مهما كان الاسم
نسيب حته كده ونقصمها بسكينه حاده نصين ونبدأ نلف السكينه حولين الحشوه او اللحمه اللي جوه اكننا بنفرغها كده بسس خدو بالكو تنزلو للاخر متخرموهاش وتعملو خطوط طول وعرض وشيلو بالمعلقه عشان السكينه متخرمهاش وطبعا هنشوف في الصوره ونفضي اللي جواها واتأكدو انكو رميتو الجزء الناشف اللي جواها خدو بالكو ساعات بتنزل مايه تحطو طبق ومترموش المايه حطوها مع اللي بطلعوه
كده تمام فرغناها
اللي خرج بقي نحطه في طبق مع الفواكه الموز والتفاح والفراوله الطبخ: نجي بقي قطعنا كله وتمام نحط سكر حبه حلوين علي اد منتي عاوزه ونسيبها شويه تنزل الصوص بتاع الفواكه
ونحط بقي مقادير الدريسينج ونقلب بالراحه ونسيبها في التلاجه شويه عشان تشرب من بعضها
نبدأ بقي نجيب الاناناسايه ونحط فيها الخليط ونزوقها زي منحب ملاحظات: من الممكن التزيين بالكريم شانتيه
لا نفرغ الانانس جيدا حتى لا يثقب لاننا سنستخدمه كصحن اللتقديم
لا نكثر من الفانيليا حتى لا تعطى مراره للسلطه
عدم رمى الماء الخارج من الاناناس اثناء التفريغ لانه يستخدم كعصير مع الدرسنج
و بالهناء و الشفاء
