البارت الثاني :

-----------------------------------
دخلت ليان المطبخ و صبت كاسة مي و شربت
وبالصدفة دخل بعدها أيمن ( ابن خالتها ماجدة )
ليان ضلت ساكتة و شربت مي وغسلت الكاسة ورجعتها
أيمن : ليان ,, ممكن تصبيلي كاسة مي ؟
ليان بتعجب : طبعا ,, صبتلو كاسة مي و مدتلو الكاسة : تفضل
أيمن ساب الكاسة و مسك إيدها : ليان بدي اكلمك ضروري
ليان : أيمن اترك إيدي .. بلاش يصير اشي ما بيعجبك
أيمن : ليان افهمي !! ليان : أيمن ما بدي أفهم اشي اترك إيدي وروح
دخل فراس : شو في ليش بتصرخي ليان ؟
ليان سحبت إيدها : ما في اشي !! وطلعت برا معصبة ووجها أحمر
فراس : أيمن شو مال ليان ؟ أيمن : ولا اشي سلامتك ابن خالتي
فراس ( لا سدقتك ) : ماشي سلام
أيمن : قد ما بكرهك !

المهم طلعت ليان وراحت الحمام وغسلت وجهها و رجعت عند أمل وريم
ليان : ريم ممكن شوي بدي اكلمك
ريم : شو في انتي التانية ؟
ليان : ريم قومي بسرعة و بلا طفاسة
ريم : طيب طيب لا تعصبي كمان شوي
ليان : أقول ريم .. قومي أحسنلك في اخبار
وريم ما سمعت كلمة أخبار إلا نطت بسرعة !! : يلا اجيت
ليان : يالله الطفاسة
المهم راحو البنات الصالة التانية و ما كان في احد
ليان : ... ( قالت القصة لريم ) ....
ريم : يخرب بيتو أيمن ما بيستحي على دمو
ليان : والله العظيم كنت بدي أدبحو لولا دخل فراس الله يعافيه !
ريم : اقولك ليان .. يخرب بيتو فراس محلو و كبران بينفعلك ولي
ليان : ولي انخمدي بلا ما حد يسمع

دخل أيمن الصالة ونظرت ليان في نظرة حقد
أيمن : ريم ممكن اكلم ليان على انفراد
ليان : لا مش ممكن ما بدي أكلمك
ريم : هييني طالعة خدو راحتكم
ليان : شو بدك هاد المرة مني ؟
أيمن : بدي أعتذر عن اللي صار اليوم والله ما كان قصدي
ليان : ولا شو كان قصدك ؟
أيمن : ليان افهميني أنا .....
وفجأة دخل !!

-----------------------------------

البـارت الثالث :

-----------------------------------

وفجأة دخل أنس أخو أيمن عليهم !!
ليان طلعت برا و وقعدت عالمرجوحة اللي قدام النافورة
والدنيا كانت ليل والجو ولا أحلى !
فراس : ليان .؟ شو بتعملي هين ؟ ليان : حابة أقعد لحالي شوي
فراس : ازا أيمن بيدايقك احكيلي بس وانا اورجيكي فيه !
ليان : ما عليك منو بس عنجد هاد ولد مو طبيعي ما اعرف شو صار له !
صحيح كيف أمريكا ؟ مين أحلى هين ولا امريكا ؟
فراس : لا هين أحلى طبعا ! .. ليان بتعجب : ليش ؟؟
فراس : صحيح أمريكا أحلى لكن الناس اللي هين أحلى ! و انتي أكيد منهم
ليان : أنا !! ليش ؟ فراس : تتزكري واحنا صغار لما كنا نرن جرس خالتي
مريم ونشرد ههههههـ
ليان :طبعا ما بنسى كان يوم اسود لما مسكتنا و صارت تجري ورانا !
بس تعرف .. بغيابك في كتير أشياء تغيرت !
فراس : ممم زي شو ؟؟؟
ليان : مادلين و رهف و احمد تزوجو و صار عندهم اولاد
فراس : عقبال عندك ! ليان : لا مش مستعجلة
فراس : ليش ؟؟ ليان : بدي اكمل تعليمي انا لسا توجيهي
فراس : صحيح كيف توجيهي معك ؟
ليان : مم منيح و الامتحانات رح تبدأ بعد 3 أسابيع ان شالله
فراس : موووفقة يـآآ رب !!
ليان : تسلم ابن خالتي
فراس : مممم بدك الصراحة ومن الآخر أيمن بيحبك ورح يعترفلك بهاد الاشي
بيوم من الأيام وانا متأكد
ليان : ممم حتى ازا حبني !! انا مش مجبورة أحبو ! انا بحب اللي
قلبي اختارو انا بختار اللي بدي يااه
فراس : اووووه كلام خطير والله كبييييرة يا بنت خالتي
ليان : تربايتكـ ولوو !
فراس : ليان صار لازم اروح سبت الشباب لحالهم
ليان : وانا سبت النسوان لحالهم هههه يلا سلام
فراس : سلااااااام !!
وفي قلبه : ( آخ لو تعرفي ايش اللي جواتي ))
وخلصت العزومة و الناس روحت ع بيوتها وما بقي غير عيلة
أبو ماجد ))
أمل : خالتو ممكن طلب ؟ أم ماجد : تفضلي روحي
أمل : خلي ليان تنام عنا والله ما شبعت منها من زمان ما شفتها
ريم : وانا شبعتي مني يا طفسة ؟
أم ماجد : بس البنات عليهم مدارس والمدارس بعيدة
امل : شكلك ناسية انو المدرسة اعطتنا أسبوع عطلة
أم ماجد : آه والله نسيت !! ماشي خلي ليان عندكو بس ريم لا
ريم : ماما هااد ظلم حرااام
أم ماجد : عليكي مدرسة انتي مش مأجزة و بكرا عليكي امتحان
ريم : ييه زي ما بدك ,, سلاام !!


-----------------------------------

البارت الرابع

-----------------------------
روحو كلهم وما ضل إلا ليان اللي قررت تنام عند أمل
أمل : شو رح نساوي الليلة ؟
ليان : ما بعرف اللي بدك يااه
أمل : يالله البيت هيك حلو كتير ,, انتي موجودة و فراس . يا ريتنا
هيك على طول !
ليان : ما بتحسي بالوحدة لما يكون فراس مسافر وانا مو موجودة خاصة انو
مالك خوات !
أمل : لا تذكريني والله بمل وما بعرف شو اعمل لحالي !
ليان : بس نيالك الك اخو كبير اما انا يا حسرة اخوي اصغر مني سنا و عقلاً هههههـ
أمل : ههههـ حرام عليكي .. بس الفرق بينكو سنة يعني مش كتير وبعدين ريم عندك.
ليان : هديك الطفسة الله لا يوريكي فيها
أمل : بس لو مو موجودة كان حسيتي بقيمتها !
ليان : ممم يمكن بس والله بتفيدني وقت المشاكل
امل : الله يخليكو لبعض .. صحيح ما لاحظتي اشي على أنس ؟
ليان : لا شو مالو هاد التاني ؟؟ أمل : ما بعرف مش طبيعي اليوم
ما حكا ولا كلمة ...
ليان : تلاقي الولد عشقان ههههههـ
أمل : هههههـ اموت ع مخك الزاكي أنا !! بس مين تعيسة الحظ ؟
ليان : ما بعرف استني نحلل !!
أمل : يلا حللي نشوف تحليلك لوين بوصلنا
ليان : مم اكيد اللي بحبها من العيلة لانو كان طول اليوم سرحان
اكيد سرح لما شافها
أمل : هههههههـ يخرب بيتو تحليلك
ليان : نشوف مين ممكن تكون من البنات ..
أمل : مم مين عنا بنات بالعيلة .. لمار و أسيل و ريم أختك و آمال و رهف
ليان : لمار مش ممكن لانو سمعت انو فادي ابن خالتي سمية بحبها
أسيل ممم لا مش ممكن محجوزة .. وآمال و رهف كمان
أمل : يخرب بيتهم كلهم محجوزين ههههههـ
ليان : ما بضل عنا إلا وحدة .. ريم .. لا مش ممكن هاد الطفسة تنحب
ابعديها من عالقائمة .. بيضل حد ما حكيناه
أمل : مين .؟؟؟؟
ليان : أنتي .. أمل : لا مستــحييييل
ليان : ليش مستحيل والله يمكن أنتي
أمل : ع كل سيبك منو يصطفل يحب اللي بدو ياها
ولي ليان نعست ع الآخر من العزومة و بدي أنام
ليان : ولا يهمك بكرا بنسهر مع بعض !
أمل : والله انك عسل وما في منك تصبحي ع خير
ليان : وانتي من اهلو نوم الهنا

المهم نامت أمل و ضلت ليان سهرانة تفكر بأيمن اللي ما بيروح عن بالها ولو ثواني
قررت ليان تطلع برا تشم هوا !! لبست الشالة و طلعت واحلى اشي انو
الفيلة كانت ع البحر فقررت ليان انها تروح تتمشى على البحر لانو قريب كتير

أخدت حالها وراحت ع البحر وكانت ماشية و سرحانة بأيمن و فجأة ...
خبطت بواحد .. وتفاجأت كتير لما رفعت راسها وشافتو

-----------------------------

البارت الخامس ~

-------------------------------------------

الولد : آسف والله ما كان قصدي
ليان : لا عـآدي أيمن ولا يهمك .. ممم انت ما روحت مع امك .؟
أيمن : إلا روحت بس ما عرفت أنام و حبيت آجي البحر وهاد أحلى
منطقة بالبحر حملت حالي واجيت !! وانتي ليش جاية ؟
ليان : انا نايمة عند خالتي وما عرفت انام لهيك طلعت اتمشى
ليان : أيمن .. أنا آسفة عاللي صار اليوم
أيمن : أنا اللي لازم اعتذر هاد مو غلطك انا اللي زودتها كتير و تقلت دمي عليكي
ليان : واانا كمان عصبت ورفعت صوتي !!
أيمن : سامحييني بترجاكي ...!
ليان : ولا يهمك مسامحاك ! .. أيمن : عنجد بتحكي ؟
ليان ابتسمت إلو : ولو احنا اكم من أيمن عنا !!
أيمن : ليان ,, انا بحبك ! انا بحبك من يوم ما شفتك بفرح أختي إيمان .. انا بحبك
من 3 سنوات ومش راضي احكي !! تعزبت كتتير عشانك !! ما كنت راضي احكيلك بس خلص
مش حقدر أخبي كمان انا ما بتحمل كماان
ليان : ليش كنت مخبي عني ؟
أيمن : يمكن لأني ما كنت بدي أدخل حياتك غصب عنك !! او لاني كنت خايف من ردة فعلك !
تردي علي وتحكيلي انك ما بتحبيني !! أنا كنت خاايف
ليان انا بدي منك رد .. انتي بتحبيني ولا لا ؟
ليان ما تكلمت
ليان احكي معي بترجاكي بتحبيني ولا لا ؟
ليان : ممكن تعطيني وقت !! و رح اعطيك الجواب بعدين !
أيمن : ماشي .. بكرا بنفس هاد الوقت وهاد المكان بنتلاقى و بتحكيلي الرد
وبدي تكوني مقتنعة بردكـ ومتأكدة انك ما رح تندمي عليه
ليان : ماشي ,, تصبح ع خير
أيمن : وانتي من اهلو (( فديتك أنا !! ..~
ولما روحت ليان بيت خالتها كان فراس قاعد ع المرجوحة و الدنيا ليل و مشعل الأضواء
الملونة و النافورة قدامو جو ولا أحلى !
فراس : ليان .؟ لسا صاحية ليش ما نمتي ؟
ليان : ما عرفت انام قلت اروح اتمشى ع البحر أحسن
وانت ليش مش نايم ؟
فراس : انا كمان زيك ما عرفت أنام .. تعالي اقعدي !
قعدت ليان وكانت شااردة .. فراس : ليان وين شاردة ..؟؟
ليان : فراس .. انا بمشكلة !! فراس : شو صاير ؟
ليان : لما رحت اتمشى ع البحر قبل شوي كنت ماشية و فجأة خبطت بواحد
تصور مين طلع ؟؟
فراس : مين يلا احكي !!
ليان : أيمن .. كان أيمن و اعتذرلي وحكالي انو بيحبني
وسألني بتحبيني ولا لا ؟
انا ما عرفت شو احكي .. حكالي بدي منك رد بكرا بنفس المكان والوقت
وانا حكيتلو ماشي ورحت
شو احكيلو .؟
فراس : احكيلو ياللي بقلبك .. ازا كنتي بتحبيه احكيلو وازا كنتي ما بتحبيه كمان احكيلو
ليان : هين المشكلة ! انا ما بعرف ازا انا بحبو ولا لا ؟
فراس : ليان روحي نامي بكرا بنكمل
ليان : تصبح ع خير وقامت تنام

فراس : آآخ يا ليان لو تعرفي اني بحبك ومش راضي احكيلك
بس لأنو أيمن بيحبك !!
ياا ربي والله تعبت وانا مخبي !

في الحقيقة كان فراس بيحب ليان بس كان مو راضي يحكيلها
لانو أيمن بيحب ليان و يمكن ليان تكون تحبو كمان
فراس ما كان بدو يجبر ليان ع اشي وكان بدو ياها هيا اللي تختار
طريق حياتها بنفسها !
لهيك ما كان راضي يحكيلها !! بيساعدها بحل مشاكلها مع أيمن وهوا من جواتو
بيتمزع لانو بيساعدها تحب واحد تاني و هوا بيحبها
لكن !! فراس انسان غير ..
فضل انو يتعزب من جوا ويكتم على انو يشوش لليان مخها
وما تعرف طريقها~
بس يا ترى كل الناس بتفكر زي فراس !

-------------------------------------------

البارت السادس ..~

-------------------------------------

ليان ما عرفت تنام طول الليل راحت عالمطبخ وخدت الها بكيت شبس و بيبسي
وقعدت تاكل و طلع الصبح وهيا لسا تفكر كيف حياتها تغيرت و كيف
دخل أيمن حياتها وفراس كمان و كيف صارت كل هاد الأحداث .. وليان لسا مو مستوعبة
ومضت الساعات و ليان لسا ما اخدت قرارها .. تذكرت ليان أختها ريم اللي كانت
تساعدها لما تكون واقعة بمشكلة من هاد النوع وبهاللحظة صحيت أمل من النوم
أمل : ليان روحي شو اللي مصحيكي بهاد الوقت ؟؟
ليان ( والدمعة بعينها ) : ليش انا نمت من أصلا عشان أصحا ؟
أمل : ليان حبيبتي ليش تبكي شو مالك ؟؟ ليان خضنت أمل : بدي أختي .. بدي ريم
أمل : خلاص انا بتصل عليها وبقولها تيجي هنا وهي مروحة من المدرسة لا تاكلي هم
وفورا اتصلت على ريم وقالت لها شو اللي صار مع ليان ومن اول ما سمعت ريم أجت بيت خالتها
حنان من الخوف على أختها . من اول ما وصلت ريم ضمتها ليان بقوة : اشتقتلك و بدي تساعديني
ريم : شو صار معك ليان مبارح كنتي زي الفلة شو اللي قلبك ؟؟
ليان : طيب اقعدي بدي احكيلك على كل اشي صار معي
ريم : وانا رح اسمعلك يلا احكي .. ليان حكت لريم كل القصة وريم لسا مو مستوعبة
ليان : انا محتارة ومش عارفة شو أعمل ولا شو أحكي ؟
ريم : انتي بتحبيه ولا لا ؟ ليان : هاد المشكلة انا ما بعرف ازا انا بحبو ولا لا
وضلهم يتناقشو مدة ساعة ونص وصار وقت رواح ريم
ريم : يلا قلبي بدي اروح ماما بتستناني وما قلت لها اني جاية هين حتى ما تسألني شو مالك
ليان : طيب سلمي على الكل سلام
ريم : لحظة ليان .. بدي احكيلك اشي بصراحة .. فراس بيحبك وانا متأكدة من هاد الاشي
ليان: شو اللي مخليكي متأكدة من هاد الاشي ؟
ريم : ما بعرف .. نظراتو وكلامو وهاد اشي واضح
ليان : طيب ليش ما بيحكيلي وكيف بيحبني وبيساعدني احب واحد تاني ؟
ريم : بيحبك بس ما بحكيلك لانو خايف يخرب على أيمن
ليان : والله انو انا تااااايهة وضايعة
ريم : يلا سلاام روحي .. ليان : سلام قلبي

وروحت ريم البيت وامل و ليان كانو قاعدين زهقانين وحالتهم حالة ومن الزهق بيحضرو
توم وجيري و بيضحكو
أمل : ليانو شو رأيك نطلع اليوم بما انها طفرانين ؟.
ليان : اوك قلبو بس المشكلة وين نروح ..؟ أمل : هاد مو مشكلة شو رأيك نروح الملاهي؟
ليان : موافقة بقووة من زمان ما رحتو
أمل : طيب بدي اروح اكلم فراس ما في الا هوا يوصلنا
أمل : فرااس حبيبي والله انك عسل . فراس : من الآخر شو بدك ؟
أمل : حرام البنت تدلع اخوها شوي .. فراس : مش عليا يلا احكي
أمل : ههههـ خلص بحكي .. انا وليان بدنا نروح الملاهي و بدنا توصلنا
فراس : موافق .. أمل : ايش حكيت .؟
فراس : حكيت موافق
امل : انت شربان اشي ؟؟؟
فراس : لا مو شربان اشي ومعكو خمس دقايق تجهزو
أمل : متأكد انك موافق ؟؟؟
فراس : روحي من وجهي بلا ما اغير رأيي .. ولعلمك راحت دقيقة
أمل : لياانو والله فراس وااافق
ليان : احلفي !! أمل : ولي قومي نلبس أحسن بيقول معنا خمس دقايق
ليان : يعطيه العافية وليش مكترهم علينا ؟؟
لبسو البناات بس الخمس دقايق صارت ساعة الا ربع !
نزلو البنات وبدهم يدخلو السيارة :
فراس : خمس دقايق عندكو ساعة الا ربع ؟
ليان : وليش مكترهم علينا !! شو بدنا نعمل بالخمس دقايق
نلبس الشووز ؟
فراس : عارف ازا رديت عليكو مش حنخلص حكي يلا اطلعو
طلعو البنات السيارة و امل و ليان قعدو ورا
أمل : ولا فراس افتحلك اغنية بدل هااد الملل اللي طافي ع الجو
فراس : طيب يما هلأ بفتح
فتح فراس اغنية ( ناديت وينك ) ماجد المهندس
ناديت وينك وانت قدام عيني
مع كل رمشة عين اناديك وينك
اشتاق ليك واثرك هنا تحتريني
واحن ليك وانا استلذ بحنينك
والزين عندك يشبه الشوق فيني
ولا البشر ما في احد مثل زينك
ليان : اوووه امووت عهاد الأغنية بل اعشقها
فراس : مين اكتر مغني تحبيه ليان ؟؟
ليان : ماجد المهندس ثم ماجد المهندس ثم ماجد المهندس
فراس ( نيالو ماجد المهندس ) : وشو اكتر اغنية تحبيها لماجد المهندس ؟
ليان : ( شلونك حبيبي ) ..
أمل : هلو عبروني انا هنا !!
فراس : امل .. كيف حالك زمان عنك اشتقتلك ..
أمل : ههههـ طفس
فراس : افهم بس شو يعني طفس ومين معلمك ياها ؟
أمل : طفس يعني زنخ وعلمتني ياها اللي قاعدة جمبي
فراس : يعطيكي العافية ليان بتعلمي اختي كل ما هو نافع ومفيد
ليان : ولووو ما احنا خواات !
فراس : يلا وصلنا انزلو من الباب اليمين

-------------------------------------

البارت السابع ~

------------------------------------

فراس : يلا وصلنا انزلو من الباب اليمين
لياان : أخيراً وصلنا لهدرجة بعيد عن بيتكم !!! أمل : تلعبي قطار الموت ؟
ليان : أكيد هااد أول لعبة .. فراس : لا هاد ممنوعة !!
أمل : يالله منك فرااس ليش ؟ .. فراس : لا هاد مش ممكن مستحيل
ليان : الله يخليك فراس عشااني ,, وعشان أمل
فراس : عشانك ممم ماشي بس مش عشان أمل :p بس بشرط أركب معكم
أمل : ليان بترضالها وانا لا ؟ فراس : لتكوني غرتي منها !!
أمل :لا ما بغار يلا نروح نركب اللعبة رح تتملى ناس واحنا مش راكبين
لما ركبو اللعبة أمل شافت صحبيتها سلمى
سلمى : امووولة كيف حالك ولي اشتقتلك زمان عن هبلك !
أمل : والله وانا كمان اشتقت لهبلك .. سلمى : تعالي اركبي معي
أمل : ماشي بس بدي أروح أحكي للطفسين اللي معي
أمل : ليان و فراس .. بدي اروح أركب مع سلمى صحبيتي أوك ؟
ليان : بالله عليك وانا مع مين أركب ؟؟ .. أمل : هي أخوي جمبك سلاام
فراس : يييه ما اتقل دمك .. ليان : هههههـ حرام عليك ..
فراس : يلا اركبي ..
المهم ركبت ليان جمب فراس بعد ما شردت أمل و سابتهم .. وبدت اللعبة !
فراس : مممم ليان شو قررتي بالنسبة لأيمن ؟؟
ليان : لا تزكرني لسا ما قررت اشي .. فراس : خلص آسف
ليان : تعرف فراس بتمنى اليوم يصير اشي يمنعني من الرد على أيمن
فراس : لا حرام عليكي كلو إلا يصير فيكي اشي
ليان : طيب انا شو اعمل !! حياتي كلها بلاوي
فراس : ههههههههـ بتهون ان شالله .. سيبك المهم كيف اللعبة
ليان استوعبت انو اللعبة باادية
ليان : يماماا ليش هيا اللعبة باادية ؟؟ فراس : ههههههـ مخك وين !
ضلهم يلعبو مدة 3 ساعااات وصار وقت الرواح
ركبو البنات السيارة وكانو كتير تعبانين من الألعـآآب وخاصة ليان
أمل : ياااي ما أحلا الملاهي .. انتي ليانو كيف كان وضعك ؟
ليان : تمام وأحلا اشي لما شردتي
أمل : هههههـ يعني اسيب صحبيتي لحالها ؟ ليان : لا سيبي بنت خالتك أحسن !
أمل : فراس افتح أغنية ( خدني ليك ) وائل كفوري
فراس : لا حفتح أغنية احلى و أحلى ,, فتح فراس أغنية ( أقدر ماجد المهندس )

أقدر أتحمل كل شي يوقف دمي وما يمشي
خل عيني تزعل رمشي خل كل شي بيا يصير
لكن من تبعد عني أحس روحي انفصلت مني
غيابك عني جنني ما اعرف دربي و أحير
بيك أتنفس تدريني صوتك همي ينسيني
تدري انت من تلاقيني تضحكلي انسا الآه
لكن من تبعد عني فراقك نار و تحرقني انا من تزعل صدقني
وحياتكـ اسمي آنسـآآآه ...~

أمل : شو هالزناخة هااد !! .. ليان : يالله أموت على هاد الأغنية !
أمل : آآه عشاان هيك فتحها فراس .. فراس : لا والله صدفة !

وفجـــــــــــأة !!!!!!

لحظة صمت .. كلهم سكتو وما قدرو يحكو من اللي شافو !!
سياارة .. مرت من قدامهم بسررعة البرق ! من وين أجت ؟؟ مين اللي
فيها ؟ هااد السؤال اللي ما كان إلو جواب
ومن السرعة اللي كانت فيهـآآ السيارة !!
صار اللي كانت ليان بتتمنااه .. وخبطت السيارات ببعض !
وكان حادث كتتير كبير لدرجة أنو السيارة التانية ولعت و سيارة فراس بدأت تولع
أجو الناس و طلعو الشاب في السيارة التانية .. بس للأسف .. كان ميت !
وطلعو فراس و أمل من سيارة فراس .. اما ليان كانت بلوزتها معلقة بحديدة السيارة
ضلهم يحاولو يطلعو فيهـآآ لعند ما طلعت
بس للأسف كانت اصابتها كتيرة و خطيرة .. وصل الاسعاف واخدهم للمستشفى
وصلت الأخبار للعيلة وكل العيلة صارت بالمستشفى
طلعت الممرضة من عند فراس
أم فراس : كيفو ابني ان شالله منيح ؟ الممرضة : الحمد لله منيح بس كسر بسيط بإيدو
أم فراس : وبنتي شو صار فيها ؟ الممرضة : برضو منيحة بس إيدها انحرقت وشوية
اصابات سطحية يعني الحمد لله
أم فراس و أم ماجد : وليان كيف وضعها ؟؟؟
نزلت الممرضة راسها .. أم ماجد : يلا احكي كيفها بنتي ؟
الممرضة : ليان وضعها سئ و دخلت غيبوبة الله يعلم متى تصحا منها
أم ماجد وهيا بتبكي : بدي بنتي بدي أشوووفها !!
أم فراس : خلص أختي ان شالله بتشوفيها عن قريب

بس كان في وضع واحد أسوء من وضع أم ماجد
أيمن .. اللي دمعتو ما كانت توقف لما سمع شو اللي صار لليان
أمل كانت منيحة و طلعوها بنفس اليوم
فراس كان ممدد عالسرير بغرفتو لحتى يرتاح شوي
دخل عليه أيمن وهوا معصب : كلو منك انت اللي عملت هيك بليان
فراس : ليان رح تكون منيحة .. أيمن : منيحة ؟؟ دخلت غيبوبة والله يعلم متى
تطلع منها .. انت مش عارف ليان قديش بتعنيلي
فراس : لا عـآآرف .. بعرفو انكـ بتحبها لليان .. بس ازا بتحبها لازم تتماسك
وما تخليها تشوف دموعك !
أيمن حضن فراس لا تلقاائي و ضلو يبكي !!

أم فراس : يلا أم ماجد خلينا نروح البيت صار لازم ترتاحي
أم ماجد : وأسيب بنتي لحالها ؟؟ مستحيل !!
فراس : لا تاكلي هم ليان انا بضل عندها
أيمن : وانا كمان رح أضل عندها خلص انتو روحو ارتاحو
أم ماجد : مااشي .. ديرو بالكو عليهـآآ
وروحت كل العيلة إلا فراس و أيمن اللي نامو 3 أيام بالمستشفى
طلعت الممرضة من عند ليان : مين فيكو أيمن ؟؟
أيمن : أنا !! الممرضة : المريضة بدها تشووفك .. أيمن : أنا ؟ !
فراس والدمعة بعينو: يلا روح عندها ولا تورجيها دموعك !!

------------------------------------

البـآرت التاسع ~

----------------------------------------
ليان : يالله ~
أيمن : شو مالك ليان ليش هيك ملامح وجهك تغيرت ؟
ليان : خالتو حنان بتحكيلي انو فراس مش منيح وانو روح البيت الساعة 4 الفجر و
كانت طالعة من ملابسو ريحة الدخان !
أيمن : مممم بس أنا بعرف انو فراس ما بيدخن
ليان : مهاد اللي مجنني ....
أيمن : خلاص لا يهمك فراس انا هلأ بتصل عليه انتي روحي خلص
ليان : ماشي شكرا.. سلااام
واتصل أيمن على فراس اكتر من خمس مرات بس ما في رد
فراس : فضيلك انت التاني شو بدك أووف
فراس : أهلا .. أيمن : فراس وينك ليان خافة عليك كتير
فراس : اهاا حكيتلي خايفة علي ! طيب كويس بس أنا منيح
أيمن : بس صوتك ما بيبين هاد الاشي !! انت وينك ؟
فراس : بالبيت كنت نايم وانزعجت من اتصالك وصحيت من النوم .. سلام
ليان : اتصلت على فراس ؟؟
أيمن : آه اتصلت عليه وكان نايم واكمل كلامي سكر بوجهي
ليان : يالله منو ششو مالو هاولد ؟
أيمن : ما بعرف بس حكا لا تخافو علي أنا منيح
ليان : آه مهوا واضح كتير أنو منيح !
أيمن : أنتي لا تاكلي همو خلص
ليان : اصلا الاحسن اني اطنشو اصلا هوا هيك بدو .....

راحت ليان عند قرايبها
ريم : شو فراس رح ييجي ولا لا ؟
ليان : الظاهر انو مريض لهيك ما رح يقدر ييجي
ريم : اهاا يالله ربنا يشفيه
وهاد كانت مجرد كزبة مش اكتر لانو ليان ما عرفت شو تحكي وانحطت بموقف صعب

----------------------------------------
سوري بنات لانو البارت قصير
بس انا مستعجلة لاني بدي اطلع
واوعدكم الجاي يكون طويل كتير