الفصـــل الرابــع عشـــر


________________________


بعيدا عن مملكتنا

وتحديدا في عاصمة الموضى

باريس




رمت ديمه شنطتها بـ اهمال بعد ماوصلت لغرفتها بالجناح اللي كانت

ساكنه فيه مع امها بفندق الفورسيزنز(George V) ..

توجهت لسريرها وتمددت عليه بـ ارهاق بعد اليوم

المتعب اللي قضته مابين الشوبنق وبين مراكز العنايه والتجميل

قاطع السكون اللي كان مالي الغرفه صوت جوالها وهو يرن بنغمة عبدالعزيز

وقفت بتعب وتوجهت لشنطتها تاخذ الجوال وردت عليه وهي ترجع للسرير

وتمدد بكسل ..

ديمه بنبره خافته : هلا حبيبي

عبدالعزيز : اهلين حياتي كيفك !!

ديمه بـ ارهاق : متكسره ع الاخر ...

عبدالعزيز بحنان : سلامتك حبي ..

ديمه بحب : يسلمك ربي عزوزي

عبدالعزيز : ديومتي مشتاق لك مره

ديمه : وانا اكثر

عبدالعزيز بعتب : ايه مره واضح اشوفك قطعتي الشوبنق ورجعتي من شوقك ..

ديمه : هههههه

عبدالعزيز وهو يمثل العصبيه : متى ناويه ترجعين اول مارحتي قلتي اسبوع

والحين داخلين على الاسبوع الثاني وانتي مالك نيه ترجعين ..

ديمه بدلع : عزوزي تدري اني انسى نفسي بالشوبنق حتى لو ماكان عندي مناسبه

كيف تبيني اصير اذا كان عندي مناسبه !! وماهي اي مناسبه هذا زواجنا ياقلبي ..


عبدالعزيز : وليه تتعبين نفسك انا اشوفك حلوه مثل ماانتي ..

ديمه : ياحياتي اكيد انت ماترضى اكون اقل من غيري ..

عبدالعزيز : لاطبعا بس رايي انا اهم من الباقين وانا شايف انك تاخذين

العقل .. وارجعي بسرعه لاني بنهبل من كثر شوقي ..

ديمه : ان شاءالله راح ارجع اخر الاسبوع ..

عبدالعزيز بقهر : اوف باقي كثير عليه ..

ديمه : ههههه حرام عليك كلها كم يوم ..

عبدالعزيز بعتب : عندك كم يوم بس عندي غير ..

ديمه : ههههه

عبدالعزيز بغضب مصطنع : طيب ياديمه تضحكين ..

ديمه وهي للحين تقاوم الضحك : سوري حبيبي ..

عبدالعزيز : لاعادي خلاص مو لازم ترجعين كملي الشوبنق

ديمه : عزوزي لاتصير دلوع ..

عبدالعزيز بحده : وليه ان شاءالله ماتبين تدلعيني حضرتك !!

ديمه : ههههه

عبدالعزيز : خلاص دامك ماتبين تدلعيني بشوف لي وحده ثانيه تدلعني بدالك ..

ديمه : لاوالله

عبدالعزيز : مو انتي تقولين اني دلوع وانتي ماتبين تدلعيني وش اسوي

لازم اشوف وحده ثانيه تدلعني ..

ديمه : ماتقدر

عبدالعزيز : امممم جالس افكر من اختار ..

ديمه بقهر : عزوز..

عبدالعزيز ببرائه مصطنعه : عيونه ..

ديمه رجعت تقول بثقه : ماتقدر

عبدالعزيز وهو يحبس ضحكته من غيرتها : وش اللي يخليك واثقه ..

ديمه : اممم عشان ..

عبدالعزيز : ايوه ..!!

ديمه تغني بروقان :

حبيبي على نياته كل البنات اخواته ده مكنش كده
بس انا غيرت كل حياته
دلوقتي عايشها جد
وعيونه مش شايفه حد
لو واحده بتساله بيسبني انا الي ارد
حبيبي على نياته كل البنات اخواته ده مكنش كده بس انا
غيرت كل حياته
دلوقتي عايشها جد
وعيونه مش شايفه حد
لو واحده بتسالو بيسبني انا الي ارد
حبيبي داب على ايدي وتاب
داخلني قلبه وقفل الباب
حبيبي داب على ايدي وتاب
داخلني قلبه وقفل الباب


عبدالعزيز : هههههه يسلم لي الواثق

ديمه : احم احم يحق لي ..

عبدالعزيز بعذوبه : ومايحق لـ احد غيرك ..

ديمه اسكتت وخدودها محمره ..

عبدالعزيز بـ استهبال : بس ديومتي تو ادري ان صوتك حلو كذا ابيك كل يوم

تغنين لي ..

ديمه : امممم افكر ...

عبدالعزيز برقه : اشتقت لك مره حبيبتي ..

ماقدرت ديمه ترد لماسمعت نبرة صوته وهو يقولها برقه انه اشتاق لها ..

عبدالعزيز : ماراح تردين ..

ديمه : اممم مدري

عبدالعزيز : ههههه ياللييييل مع مدري اللي ماسكه معك ..

ورجع يقول برقه ذوبتها اكثر : احبــــك ديمه ..

ابتسمت ديمه وظلت ساكته ..

____________________________

في بيت فيصل الــ...

كان الوقت منتصف العصر ..


مشت حلا بالممر متوجهه لجناح مشعل اللي ماشافته اليوم على الغدا اللي اعتذرت

عنه بحجة انها تعبانه من الدوام بالجامعه وتبي تنام ...

في حين انو السبب الاصلي في اعتذراها هو انها ماكانت تبي تشوف فيصل

اللي صارت تتجنبه في الفتره الاخيره بعد الموقف اللي صار يوم العشاء ..

وصلت لجناح مشعل وفتحت الباب بهدوء وهي تناديه وماسمعت رده ..

توقعت انه بغرفة الالعاب اللي يحب يجلس فيها دايم توجهت لها وفتحت الباب

حلا : مشعل ..!!

ناظرت حولها وهي تناديه وماشافته ...

مشعل : حلا تعالي انا هنا ..

ناظرت حولها وهي تسمع صوته لين شافته يطلع من الخيمه الكبيره اللي بزاوية

الغرفه ...

مشعل : حلا تعالي اجلسي معي هنا ..

حلا : ههههه تتوقع تكفينا انا وانت !!

مشعل : ايه شوفيها كبيره ..

ورجع لداخل الخيمه وهو يناديها توجهت حلا للخيمه وهي تبتسم ودنقت عشان

تقدر تدخل ...

جلست مقابل مشعل بعد مادخلت الخيمه اللي كان لونها من الداخل احمر وتملاه

الرسومات الكرتونيه بشكل يخليك تحس انك بعالم خيالي ...

حلا : واااااو نايس المكان هنا ..

مشعل : ايه مره حلو احب اجلس فيه دايم ..

تردد وبعدها كمل : واحيانا اذا صرت زعلان اجي اجلس هنا ..

حلا بحنان : والحين انت زعلان !!

مشعل : لا بس كنت طفشان وجلست هنا ..

حلا : الحين انا معك وش رايك تسولف معي عشان اثنينا مانطفش ...

مشعل وهو يبتسم : طيب انتي احكي اول ..

حلا : اممممم وش اقول ..

مشعل : قوليلي عن الجامعه هي مثل المدرسه ولا اكبر منها !!

حلا : لا اكبر منها بكثير ..

مشعل بذهول : بس المدرسه كبيره مره وفيها اولاد كثير ..

حلا : ههههه حتى الجامعه فيها بنات كثير مره ..

مشعل بحماس : وانتي تعرفينهم كلهم !!

حلا : لا مو كلهم اعرف صديقاتي بس ..

مشعل : حتى انا بس اعرف اللي معي بالصف بس مااتكلم معهم كثير ..

حلا بـ استغراب : ليه !!

مشعل وهو منزل راسه : بس ..

حلا بلطف : ماتبي تقولي !!

مشعل بحزن : كلهم يحكون عن اهلهم واحس اني غير عنهم ماعندي ام ولا ابو ..

حلا تأثرت كثير باللي قاله ولقت نفسها عاجزه عن الكلام ..

بعد فتره تكلمت بحنان : مشعل ..

رفع راسه يناظر فيها لما نادته ..

حلا : تدري انا ابوي توفى قبل لاانولد ولما كنت صغيره كنت ازعل

لما اسمع كل بنت تحكي عن ابوها وانا ماعندي ابو مثلهم بس كان عندي اخوي

طلال اللي كان دايم يهتم فيني مثل ماانت عندك اخوك فيصل اللي يحبك مره ..

مشعل بحزن : بس انتي عندك ام ..

حلا بحنان : وانت عندك ماما هيلين وانا ولانا وكلنا نحبك ..

مشعل ودموعه ماليه عيونه : انا سمعت لانا مره تقول اني انا السبب في موت

ماما قالت انها صارت مريضه لانها كانت حامل ..

حلا بعطف : بس امك الله يرحمها كانت مريضه من قبل ماتصير حامل فيك

وتوفت في اليوم اللي ربي كان كاتب لها تتوفى فيه يعني انت منت السبب في موتها

كلنا بنموت في اليوم اللي ربي كاتب لنا نموت فيه صح ..!!

مشعل : صح

حلا وهي تبتسم له : اجل ماابيك تفكر مره ثانيه انك انت السبب طيب ..

مشعل بادلها الابتسامه : طيب ..

ظلوا يحكون مع بعض لفتره لين سمعوا صوت فيصل ينادي مشعل ..

فيصل وهو يفتح باب غرفة الالعاب : مشعل ..

مشعل وهو يطلع من الخيمه بسرعه : فيصل انا هنا

فيصل : بنزل للمسبح تنزل معي !!

فيصل كان دايم يحاول يقضي اوقات فراغه مع مشعل عشان مايحس انه مافيه

احد مهتم فيه ..

مشعل وهو مبسوط : ايه ..

حلا اللي بقت مختفيه عن الانظار بمكانها بالخيمه ماحاولت تطلع عشان ماتشوف

فيصل وظلت ساكته وهي تسمع حكيهم ..

فيصل : طيب يالله ننزل ..

مشعل بحماس : طيب بس ماتبي حلا تنزل معنا ..!!

فيصل : حلا !!

مشعل : ايه هي هنا

والتفت بسرعه للخيمه يناديها : حلا تعالي ..

حلا اللي ارتبكت واضطرت تطلع لما نادها مشعل طلعت من الخيمه بهدوء وهي مدنقه



وبعدها وقفت بدون ماترفع عينها لفيصل اللي صار لها فتره ماشافته ..

لانها كانت تتجنبه واذا صار موجود ماتبقى بنفس المكان او تبقى بس تتجنب

تناظره او تحاكيه ..

مشعل بحماس : حلا انا وفيصل بننزل للمسبح تجين معنا ..!!

حلا اللي ماكان ودها تزعل مشعل بس بنفس الوقت ماتبي تكون بمكان واحد مع فيصل

احتارت كيف تجاوبه ..

حلا وهي توجه حكيها لمشعل : لاحبيبي مره ثانيه انا تعبانه الحين بروح لغرفتي ..

توجه مشعل لفيصل بسرعه ومسك يده يسحبه لجهة حلا ..

مشعل : فيصل قولها تجي معنا ..

وقرب من المكان اللي كانت واقفه فيه ومد يده ليدها وشبكها بيد فيصل اللي كان

ماسكها ..

مشعل وهو يمسك يد فيصل الثانيه : ننزل الحين ..!!

حلا اللي توترت لما صارت يدها بيد فيصل ظلت واقفه بمكانها بدون ماتقول شي

فيصل بنبره هاديه : اذا تبين تنزلين معنا تعالي ..

حلا اللي تفاجأت لما وجه لها الحكي رفعت رسها بدون ماتحس وناظرته بذهول

وتفاجأت اكثر لما شافت وجهه اللي كانت مرتسمه عليه علامات الارهاق ..

والسواد تحت عيونه موضح انه صار له فتره مانام كويس ...

حست وهي تناظره وش كثر كانت مشتاقه له في الايام اللي فاتت ..

ظلوا فتره وعيونهم متلاقيه بصمت لين قاطعهم صوت مشعل اللي يستحثهم

ينزلون معه ...

حلا وهي تبعد عيونها بـ ارتباك وتسحب يدها من يد فيصل وهي تقول

بصوت مرتجف : انا مااقدر ا..

وماقدرت تكمل اللي كانت بتقوله وتوجهت بخطوات سريعه لباب الغرفه

وطلعت منه متوجهه لجناحها وهي تحبس دموعها ...


____________________

في واشنطن



بعد موافقة نوف تم تحديد يوم الملكة وبعدها بيوم الحفلة وبعد مرور اسبوعين وتحديدا

يوم حفلة الملكة اللي راح تقام هذه الليله قبل يرجعون اهل نواف للرياض

نواف اللي كان جالس بغرفته ينهي لبسه رن جواله

نواف : هلا ياقلق

محمد : هلابك وشفيك معصب

نواف : معصب لان ودي ان الملكه صارت بالرياض و الحفله بعد تصير هناك

محمد : كله عشان البدله ههههه

نواف : ايه ولاانت الظاهر نسيت اني سعودي لايكون مفكرني امريكي

عشاني بواشنطن ..

محمد : لا ولايهمك بزواجك ان شاءالله بتصير سعودي هههههه

نواف وهو معصب : وليه ان شاءالله بعد ناويين يكون زواجي بواشنطن

محمد : لالا خلاص هد اعصابك هههههه

نواف : اقول يالله اقلب وجهك بس

محمد : طيب يااقشر انت قصدي يارومنسي هههههه

نواف : يادمي بس يالله فمان الله

محمد وهو يضحك : بالتوفيق ياصاحبي وفمان الكريم

وبعد ماانهى لبسه طلع من غرفته وحصل امه والهنوف ينتظرونه

ام نواف : الله يحفظك ياولدي طالع تجننن

الهنوف : ايه عسى بس تعجب نوف ههههه

نواف : وليه ان شاءالله مااعجبها

الهنوف : نواف صح انك اخوي بس اسمحلي انا من اليوم بصير مع نوف

حتى لو اظطر الامر اني اكون ضدك هههههه

نواف : ياسلااام ليه منيب اخوك وانا اولى

الهنوف : الا بس هي من اول صاحبتي وحبيبتي والحين بتصير عندي اخت

وقريبه مني يعني لازم اوقف معها ..

ام نواف : الله لايفرقكم يارب

نواف والهنوف : امين

وباللحظه هذي دخل عليهم ابوه

ابو نواف : يالله الكل جاهز اجل مشينا

ام نواف : توكلنا على الله

وتوجه الكل لخارج البيت متوجهين لبيت سلمان

ــــــــــــــــــــــــــــــــــــــــــــــــــ ــ

بيت سلمان الـ..

واجواء الفرح والتحضير للحفله اللي كانت ام خالد تشرف على اخر

الترتيبات فيها وتتأكد ان كل شي جاهز ..

للحفله البسيطه اللي تقتصر على وجود العايلتين بالاضافه الى ميرنا وامها فقط

ام خالد اللي كانت بكامل اناقتها كعادتها دائما توجهت مع زوجها لاستقبال تركي واهله

وبعد مرور ساعه على وصولهم و وصول ميرنا وامها كان الكل جالس بالصالون

سلمان وتركي جالسين مع بعض وام خالد جالسه مع ام نواف وام ميرنا

بالجهه الثانيه وريم مع الهنوف وميرنا بجهه ..

ونواف اللي كان جالس على واحد من الكرسيين اللي بالقرب من الدرج

واللي كان يحس ان الوقت من دخل لبيتهم مايمشي ..

لانه كان متلهف لشوفتها خصوصا ان الايام اللي راحت ماشافها وتمر

لحظات ويجي خالد ويجلس معه ..

خالد : نواف انت خلاص بتاخذ نوف اختي معك

نواف : ايه , ليه ؟

خالد : لان ماودي نوف تروح عنا

نواف وهو مبتسم : بس انا ماراح اخذها الحين منكم يعني لسى باقي شهرين

خالد : يعني بعد ماتتزوجون بتاخذها معك

نواف : ان شاءالله وريم راح تبقى معكم

خالد : بس ريم ماتحب المباريات وماتشوفها معي مثل نوف

نواف : هههههه بس عشان كذا اجل خلاص وقت المباريات بنجيكم انا ونوف

او انت تجينا ..

خالد وابتسامة الرضا على وجهه : اجل اتفقنا

نواف وهو مبتسم : اتفقنا ولايهمك

ام نواف : ام خالد عروستنا متى راح تنزل

ام خالد : ان شاءالله شوي وبتنزل

وبالوقت هذا نوف اللي انهت فيه تسريحة شعرها اللي كان من قدام مفروق الشعر كله

ومبروم للخلف وينزل من ورا على شكل فيونكه ومكياجها الناعم اللي

ختمته بروج فوشي ..

وانهت لبسها اللي كان عباره عن فستان قصير اخضر من قماش التفته الانيق بلون

مشابه للون اللي يلبسونه نجمات هوليود غالبا بديزاين ماسك عالجسم

بتجعيدات تحت بعض من القماش نفسه وبااكمام طويله ماسكه عاليد وقصة صدر

بشكل ( v) نازله من تحت الكتوف بشوي ..

من تصميم غاليانو (Galliano) و كانت محتاره بينه وبين فستان

ثاني لكن الهنوف اللي كانت مع نوف بالبوتيك قالت انه شجعتها تاخذه ..

لانها كانت عارفه شكل الشبكه اللي اختارها نواف بنفسه وطلب من الهنوف

انها ماتجيب سيره لنوف ..

وبعد لحظات دقت نوف على امها تقولها انها جاهزه وام خالد اللي بعد الاتصال

رقت فوق لغرفة نوف ..

اول مادخلت الغرفه وشافت بنتها ذكرت الله عليها وقالت : الله يحفظك

يابنتي ويوفقك ..

نوف اللي قربت من امها وحضنتها وهي تحس باارتباك وخوف

نوف : ماما وشرايك بشكلي

ام خالد : طالعه قمر

ردت نوف : اكيد على امي

ام خالد : الله يحفظك يارب ويسعدك

نوف بخجل : امين

ام خالد : يالله جاهزه عشان انزل قبلك

نوف : ايه جاهزه

ام خالد : سمي بسم الله وانزلي على مهلك

نوف : طيب

وطلعت امها من الغرفه ونزلت وبعد نزولها بلحظات برزت نوف وهي نازله الدرج

والكل انتبه لنزولها ..

ام نواف : ماشاء الله تبارك الله

ام ميرنا : الله يحفظها يارب

الهنوف والبنات والابتسامه على وجوههم ونواف اللي وقف مكانه يتأمل نوف

وهي تنزل وبعدها لف على الطاوله اللي بين الكرسيين ..

واخذ بوكيه التوليب الابيض اللي جابه معه وتقدم من مكانه لعند الدرج

واول ماقربت لنهاية الدرج مد يده لها ..

ونوف اللي باللحظه هذي حست بذهول اظطرت انها تمد يدها لان الكل كان يراقبهم

ولمن مدت يدها له واحكم قبضة يده عليها مد لها البوكيه وهو مبتسم

وغمز بعينه وهو يقول : مبروك ياحلوه ..

نوف اللي حست ان الموقف اربكها كثير تلعثمت وماقدرت ترد واكتفت بالسكوت

ولمن نزلت من الدرج وكان هو قبالها بحيث الباقي مايشوفون تعابير وجهها حاولت

تسحب يدها من قبضة يده لكنه شد عليها وباللحظه هذي هي تكلمت

نوف بهمس : اترك ايدي

نواف اللي شد على يدها اكثر وهو يقول : امشي وانتي ساكته

وسحبها بسرعه ومشى بحيث ماعطاها اي مجال للاعتراض وتوجهوا

للسلام على الموجودين ..

اللي بدوا يقدمون لهم التهاني بهذي المناسبه

وبعد ماسلمت عالكل ناظرت البنات وكانت ناويه تجلس عندهم لكن قطع

تفكيرها نواف لمن مسك يدها من جديد وتوجه فيها

للكرسيين وهو يقولها ..

نواف : وين كنتي تفكرين تجلسين ومكانا هناك

ناظرته نوف بعصبيه وهي تفكر انه من نزلت وهو ماعطاها اي مجال للتصرف

براحتها ..

لمن لمح نظراتها ابتسم ولف على جهة ام خالد وهو يقول : ياخاله شكل نوف ماتبي

تجلس معي قبل تستأذن منكم ..

وضحك الكل على كلام نواف وردت عليه ام خالد وهي تضحك: لاخلاص الحين

المفروض تأخذ الاذن منك ..

نواف وهو ملتفت لنوف : سمعتي اخذت تصريح من السلطات العليا

وهو يمشي معها بااتجاه الكرسيين اللي بيجلسون عليهم والكل كان

يضحك على تعليق نواف ..


واول ماجلسوا نوف اللي بدت تحاول تشغل نفسها بالبوكيه وهي تفكر

وش معنى اهداها ( tulip) هل معناه تصريح بحبه ..


*ملحوظه*

(التوليب بصفه عامة معناه التصريح بالحب )


نواف اللي كان يتأمل جمالها ولاحظ كيف ان الفستان مبرز مفاتن جسمها

بوضوح قطع عليها تفكيرها ..

نواف باابتسامه لها اكثر من معنى : انتي اجمل من التوليب

وعلى فستانك هذا ودي نكون بمكان لحالنا ..

نوف باارتباك من غير ماترد رفعت البوكيه وحطته عالطاوله اللي بينهم

وانقذتها الهنوف اللي قربت منها وهي تقول : طالعه مثل القمر

نوف : عيونك الحلوه حبيبتي

وباللحظه هذي قدمت لهم الخادمه العصير

الهنوف : متى تبين يلبسك الشبكه ياحلوه الحين

نوف باارتباك : لا مايحتاج

الهنوف : ههههه

نواف : كيف

نوف : الهنوف خلاص انتي ساعديني بلبسها


الهنوف : انا صح اني من اليوم قلت لنواف اني بوقف معك بس بهذي مااقدر ههههه

نواف : كويس يالهنوف

الهنوف وهي تضحك : ماعليك يااخوي انا اعرف الاصول

نوف سكتت لانها حست انها مغلوب على امرها

وتوجهت الهنوف لعند امها واخذت علب الدبل وعلبة الشبكه

نوف استغلت اللحظه هذي وتكلمت بهمس : ماابيك تلبسني ..

نواف وهو مبتسم : الف مره قلت لك مو على كيفك

وتسكت نوف اللي ماقدرت ترد لمن شافت الهنوف قربت منهم

الهنوف : يالله بالاول لبسوا الدبل وفتحت العلبه وقدمتها لنواف

نواف اللي مد يده واخذ الدبله وانتظر نوف تمد يدها له

نوف اللي كانت حاسه باارتباك وتردد ..

الهنوف : نوف وشفيك مدي يدك

مدت نوف اخيرا يدها ولبسها نواف وبعدها الهنوف مدت لها العلبه الثانيه وهي تقول :

يالله جا دورك الحين انتي اللي تلبسين اخوي ..

نوف باللحظه هذي حست ان ودها تقوم وتذبح الهنوف والهنوف اللي فهمت

نظراتها قامت تضحك وتقول : خلاص بسكت ماراح اتكلم ..

نوف مدت يدها ليد نواف اللي كان ينتظر ولبسته وبعد ماانتهوا من لبس الدبل

فتحت الهنوف علبة فخمة كبيرة الحجم يغطيها الجلد الاسود من برا ويغلفها المخمل

الاسود من الداخل وتحوي طقم الالماس اللي تزينه احجار الزمرد ..

وقدمته لنواف اللي ابتسم ونوف اللي كانت تناظر الهنوف وكأنها تتوعد

من خلال نظراتها ..

نواف اللي وقف واخذ العقد وقرب عند نوف وهو يلبسها وحس ان اعصابها مشدوده

نواف : هدي نفسك ماراح اكلك ..

نوف بهمس : لازم انت اللي تلبسني ..؟

نواف : ايه لازم

وبعد ماثبت العقد وقفله لها التفت للهنوف واخذ الحلق عشان يلبسها لنوف

اللي مازالت اعصابها مشدوده ..

لمن قرب منها ماعرف يلبسها الحلق وحس انه ألمٌها بالخطأ

نوف بهمس: آآي خلاص انا بلبسها لحالي مايحتاج تجرح اذني

نواف بعناد : ازين وانا اللي بلبسك اياها

واخيرا ثبت الحلق الاولى والحلق الثانيه ..

وبعدها جلس واخذ الاسواره وانتظرها تمد يدها له لكنها مامدتها

فااضطر انه يسحب يدها ..

نوف بعصبيه لكن بصوت اقرب للهمس عشان محد يلاحظ : غصب يعني تلبسني

نواف باابتسامه عريضه عشان يقهرها : ايه غصب ..

واخيرا مابقى الا الخاتم اللي لبسها اياه وبعدها صدت بوجهها عنه

وباللحظه هذي علت اصوات الحضور بالتهاني والتبريكات لهم من جديد

ونواف اللي استغل الفرصه وهو يهمس لها : ابتسمي الكل يناظرك

اظطرت نوف انها تبتسم عشان مايلاحظون توترها ..

وبعدها بلحظات توجه الكل لعند المسبح اللي بوسط البيت اللي قررت ام خالد ان

العشاء يكون حوله ..

واول ماوصلوا نوف ونواف كان باانتظارهم كيكه من ثلاثه طوابق يحيط

فيها ازهار التوليب البيضاء ..

باللحظه هذي قربت منهم الهنوف وهي تقول : نوف عسى عجبتك فكرة

الكيكه لان نواف هو اللي اختارها ..

نوف اللي بدت تفكر بالبوكيه والكيكه هل هذا له معنى ويبي يوصله لها

الهنوف : نووف وين رحتي ..!!

نوف اللي رجعت من افكارها : فكره حلوه

نواف : لكن انتي احلى

نوف اللي حست بتوتر مشت وخلته

نواف : وين رايحه تعالي نقطع الكيكه

ولمن قربت تاخذ السكين مد يده وحطها على يدها وهو يقول : نقطعها سوى

بعد مااقطعوها اخذ كل واحد منهم قطعه صغيره وبعدها توجهت

نوف لااقرب طاوله من الطاولات اللي كانت حول المسبح

ونواف اللي لحقها وجلس معها ..

نوف استغلت لحظة اللي انشغل الكل مع العشاء

نوف : وبعدين معك خلاص انتهت مراسم الحفل

نواف : هههههه اجل ماتبين نتعشى سوى

نوف : لا ماابي اتعشى يكفي كلت الكيك

نواف : بس مايصير نزعل اهلنا ..

نوف اللي حست انها لازم تاكل اي شي بس عشان تقوم كلت من السلطه اللي قدامها

ونواف اللي كان يراقبها اكل السلطه مثلها ..

وباللحظه هذي قامت نوف من الطاوله وقام نواف معها

نوف بااستغراب : ليه تقوم مايحتاج

نواف باابتسامه لها مغزى : هذي أهم لحظه بالحفل

باللحظه هذي انتبهت لهم ام خالد وهي تقول : ليه ماتعشيتوا ..!!

نوف : لا ماما انا تعشيت

نواف : وانا بعد ياخاله

ام نواف التفتت لام خالد وهي تبتسم : خليهم على راحتهم

وطلعت نوف ونواف مشى وراها ولمن تأكدت انها بعدت عن الكل

نوف بعصبيه : خلاص انتهت الحفله وانا بروح لغرفتي ..

نواف ببرود وسخريه : ماراح تروحين لغرفتك الا اذا تبيني اروح معك

نوف : نعم !

نواف : اللي سمعتيه

نوف اللي حست انها لازم ترضخ للامر الواقع : اجل وش المطلوب مني الان

نواف : اممممم وشرايك نطلع للحديقه

نوف : ليه تبي رايي وانت اللي تقرر

نواف وهو كاتم الضحكه وماحب يبين لها: ايه صح

ومسكها من يدها وسحبها لبرا واول ماوصلوا الحديقه

حست بالبرد ولاشعورياً قالت : بررد

نواف بصوت اقرب للهمس : ادفيك ؟

نوف بغرور : لا شكرا البرد ازين من دفاك

نواف وهو يضحك : هههههه طيب انتي جربي بالاول وبعدين احكمي

نوف : منيب

نواف : طيب براحتك

وكملوا مشيهم وهم ساكتين اول ماوصلوا لكراسي الحديقه جلست

نوف وجلس نواف بجمبها ..

نوف اللي كانت ساكته ونواف اللي استغل الفرصه انه مافيه احد يراقبهم

بد أ يتأملها اكثر وهي اللي كانت تصد بوجهها عنه ..

مسك وجهها بيده عشان يجبرها انها تناظره وهو يقول : ليه تحرميني من وجهك

نوف بغرور : لسى مابعد شفت الحرمان

نواف بجديه واضحه : هذا تهديد ولا وش اسميه ..؟

نوف : سمه اللي تبي تسميه

نواف : اها طيب نشوف كلها شهرين يانوف

نوف : وش قصدك

نواف باابتسامه : ناسيه ان زواجنا بعد شهرين

نوف : وليه !!

نواف : بدون ليه

نوف : انا منيب موافقه

نواف : وافقتي او ماوافقتي مايهمني زواجنا بعد شهرين ان شاءالله

وقت اجازة راس السنه ..

نوف عصبت من كلامه وصدت بوجهها عنه وباللحظه هذي جت عينه

على العقد اللي لاحظ ان جمال جيدها هو اللي زاد من جمال العقد مو العكس ..

نواف وبصوت اقرب للهمس : تصدقين صدق ابونوره لمن غنى احلى من العقد لباسه

وبدأ يردد كلمات الاغنيه على مسمعها


أحلى من العقد لبــــاسه ..
يزها بها العقد في جيده
الماسة تلبس الماسه ..
مــا زانها الجوهر تزيده
سيـــد الغنادير ياسيده
رمشه غدا جند وحراسه ..
يبيد من وده يبيده
رمشه انا اخاف من باسه ..
ردته ولو كنت ماريده
عيني عليكم عساسه ..
قلبي في هواكم تغريده
راعي الهوي عارف ناسه ..
عيده مع الولف وسعيده
وأحلى من العقد لباسه


نوف اللي احمر وجهها من الخجل حاولت تبعد عنه لكنه احكم قبضة يده من حولها

وقرب وجهه من وجهها وكان يتأمل عيونها ..

ولمن التقت نظراتهم حست انها تاهت في عيونه للمره الثانيه وهو حس بتغير

نظراتها قرب اكثر وكان على وشك ان يلثم شفايفها لولا صوت الهنوف اللي قطع

عليهم هذي اللحظه ..

الهنوف : نواف نووف وينكم ..؟

الهنوف اللي تكلمت قبل تنتبه للوضع اللي كانوا فيه حست بالاحراج بعد ماتكلمت

نواف وهو يبعد عن نوف اللي غزا اللون الاحمر وجهها وماقدرت

ترفع راسها او ترد عالهنوف ..

نواف بصوت اقرب للهمس : صاحبتك هذي ياويلها مني ماجت الا الحين

الهنوف وهي مرتبكه : انا انا كنت ادور عليكم

نواف : طيب و احد قالك ان حنا ضايعين

الهنوف اللي تلعثمت ماقدرت ترد

بالوقت هذا قامت نوف وهي تبي تقهره : بالعكس جيتي بوقتك

الهنوف : انا كنت ادور عليكم عشان اخذ لكم صور مع بعض لانكم ماصورتوا

نواف : ايه صح جيتي بوقتك يالله تعالي صورينا

وقرب من نوف اللي حاولت تبعد عنه

نواف : الهنوف انتي اختي وادري انك ماراح تقولين لااحد

نوف والهنوف اللي اصابهم الذهول من كلامه وش يقصد فيه

كمل نواف بثقه : ابيك تصورينا وانا ابوس نوف

الهنوف اللي ماردت من الاحراج

نوف : نعم !! انهبلت انت

رد عليها نواف بصوت اقرب للهمس : واللي يشوفك ماتبينه ينهبل

وقرب اكثر وهو يقول للهنوف : يالله صورينا

وقرب وطبع بوسه على خدها وهو محكم يده حولها

وبعد ماضوا الفلاش بعد عنها وهو يقول بهمس : احمدي ربك ان الهنوف موجوده

ولا انا كنت ابي ابوسك من مكان ثاني ..

الهنوف وهي مازالت تحس بالاحراج : خلاص انا برجع داخل

نواف : كملي تصوير وبعدها ارجعي

نوف بعصبيه : ومن قال اني ابي اصور

نواف : راح تصورين

ونوف اللي ماحبت الجو يتوتر اكثر وخصوصا عشان الهنوف ماتحس

بشي اكثر او تسبب لها احراج رجعت للكرسي وجلست وجلس نواف قريب منها

واخذت لهم الهنوف اكثر من صوره وبعدها نوف قالت : اظن خلاص يكفي

تعبناك يالهنوف معنا ..

الهنوف : تعبكم راحه

نوف : يالله اجل نرجع لاني بردت

نواف : قلت لك من الاول ادفيك بس مارضيتي

نوف : زين انك عارف اجابتي

نواف : ههههه طيب يانوف

الهنوف اللي حست انها ماعاد تقدر توقف اكثر مشت مسرعه للداخل

ونوف اللي كانت واقفه مشت وراها بسرعه وسمعت صوت نواف

وهو يضحك ويقول : يالخوافه ..

و مشى وراهم وبعد مادخلوا كلهم كان الكل جالس وراحت نوف وجلست

بسرعه عند البنات ..

ونواف لمن شافها جلست معهم راح يجلس مع ابوه وابوها

ومرت ساعه خلال ماكانوا يسولفون بعد العشاء حول موعد الزواج

ونوف اللي كانت جالسه مع البنات وبالها مو معها

ومرت نص ساعه وبعدها طلعت ميرنا وامها وبعدها قامت ام نواف

تسلم على ام خالد قبل مايمشون ..

ونواف اللي طول الوقت وحتى وهو جالس بعيد عنها كان كلما سنحت

له الفرصه يناظرها ..

ولمن قاموا اهله ويسلمون على اهلها وهي بعد ماسلمت عليهم

قرب منها نواف ومد يده لها وهو يقول : مع السلامه

مدت يدها له وحست بيده تظغط عليها بقوه

ردت وهي تجبر نفسها باابتسامه : مع السلامه

وبعد ماطلعوا من البيت رمت نفسها عالصوفا بتعب وخصوصا ان الليله

مرت عليها مواقف كثيره ..

ونواف اللي طلع من بيتهم لكن صورتها مافارقت مخيلته وهو يفكر

متى يجي اليوم اللي تكون معه تحت سقف واحد ..

ــــــــــــــــــــــــــــــــــــــــــــــــــ ــــــــــ

تاااااابع البااارت الرراابع عشر


_________________

بعد مرور ايام

وتحديدا في يوم زواج ديمه

في بيت فهــد الـ..


توجهت سارا لغرفة الملابس بعد مازينت لها الكوافير اللي كانت طالبتها

الميك اب بشكل سمبل مثل ماتحب بحيث يبرز ملامحها بشكل كبير ويركز

على لون عيونها الغريب ..

اما شعرها فكانت مسرحته بحيث يكون مرفوع بعيد عن وجهها بدون مايكون

مشدود ومجموع بـ اعلى راسها وبعدها يسترسل على بداية الظهر

بشكل استريت ..

سمعت صوت الباب يتقفل بعد ماطلعت الكوفير مدت يدها لفستانها الاسود

ولبسته بسرعه ..

كان الفستان له قصة صدر بشكل (7) نازله لمنتصف الصدر ويتعلق على

الكتفين بتعليقات دقيقه وله تنوره واسعه والظهر كله مكشوف ويزين اطرافه

حلقات فضيه صغيره لها شكل مشابه للازرار تحيط باطراف الظهر المكشوف

من منتصف الظهر الى اخره ...

كان لون الفستان الاسود يتناقض بشكل واضح مع بياض بشرتها الصافيه ..

رجعت بخطوات سريعه لغرفتها بعد ماانتهت من اللبس كانت مستمره

بخطواتها السريعه لما وقفت فجأه وهي تشوف فهــد جالس بـ استرخاء

على سريرها ناظرت فيه ورجعت تبعد عيونها لانها تعودت على دخوله

المفاجأ لغرفتها بدون ماتدري ..

لفت متوجهه لتسريحه بدون ماتوجه له الكلام حست بنظراته المركزه عليها

وبعدها سمعت خطواته وهو يوقف ويقرب منها الا انها مالتفتت له ..

لين صار واقف وراها ..

تشنجت لما حست بيده اللي مررها على ظهرها المكشوف ببطئ كبير ..

وبعدها لفها عشان تواجهه ببرود ورفع يده يناظر ساعته ..

وقال بنبره آمره : معك خمس دقايق عشان تغيرين ذا اللي انتي لابسته ..

ردت عليه ببرود : ماابي اغيره ..

فهــد بحده : مااظن اني ناقشتك انا قلت لك غيريه وانتهى

بعد مرور يومين

في بيت طلال الـ ...

________________________________

_______________________

في شمال فنزويلا

وتحديدا في جزيرة مارغاريتا ( لؤلؤة الكاريبي )

وفي صباح يوم مشرق

مشت ديمه بعصبيه وهي تسمع صوت عبدالعزيز اللي يناديها بدون ماتلتفت له

عبدالعزيز وهو يمسك يدها ويوقفها : ديومتي وش فيك .!!

ديمه بعتب : لاوالله يعني ماتدري

عبدالعزيز وهو يتأمل بشكلها الجذاب بفستانها الاصفر الواسع بـ اكمامه القصيره

وطوله يوصل لمنتصف الساق وتزينه مجموعه من العقود الخشبيه الملونه

اللي تتدلى على الفستان ...

ورجع يناظر بوجهها اللي ماكان يزينه شي غير المرطب ويتناثر حوله شعرها

اللي كانت مجعدته ومعطيها اطلاله ملفته مع لون بشرتها البرونزي ...

عبدالعزيز بروقان : لاماادري ..

ديمه وهي تحط يدينها على خصرها : ليه تعطي وجه للعله اللي هناك وتلعب معها ..!!

عبدالعزيز وهو يناظرها بذهول وبعدها انفجر بالضحك ..

قال وهو مستمر يضحك : ههههههه حياتي من جدك غرتي منها ..

ديمه وهي للحين حاطه يدينها على خصرها : مهوب شغلك ..

عبدالعزيز : ههههه قلبي تكفين قولي انك تمزحين ..

ديمه بعصبيه : لاماامزح ياعزيز وش عندك ..!!

عبدالعزيز : ماعندي الا اني ميت فيك يابنت الحلال

ديمه بحده : لاتصرف

عبدالعزيز وهو يقاوم الضحك : قلبي البنت عمرها اربع سنوات من جدك تغارين منها

ديمه : واذا ... ليه تلعب معها ..!!

عبدالعزيز بـ استهبال : خلاص قلبي اذا تبين العبك مثلها من عيوني ..

ديمه بجديه : ايه وابيك توديني الملاهي بعد وتلعب معي بكل لعبه حتى لو كانت

لعبة بزارين ..

عبدالعزيز وهو ميت من الضحك : هههههههههههه يالبى قلبك حوبي

امري بس وانا اوديك اللي تبين ..

ابتسمت وهي تنزل عيونها بدون ماترد ..

مد عبدالعزيز يده وضم كتفها بحيث صارت قريبه منه مره ومشى معها

وهو يقولها : طيب قلبي نرجع نتفرج على المحلات ..

ديمه وهي تلتفت له : لامابي وجعني راسي وانا احكي معهم انقلش وهم يهزون

لي روسهم ومهوب فاهمين وش اقول ..

عبدالعزيز : هههههه

ديمه : ايه اضحك وش عليك انت مرتاح ماغير تسولف معهم اسباني ويفهمونك

وانا واقفه مدري و ش السالفه ...

عبدالعزيز : طيب قلبي اللي تبين تقولينه لهم انا اقوله واترجم لك وش يقولون

ولاتتعب ديومتي ..

ديمه : تسلم حبيبي ..

وقربت وجهها منه اكثر وهي تقول بعذوبه : بس مافيه شي يسعدني ويريحيني اكثر

من وجودي مع عزوزي حبيبي ..

وباست خده برقه بعد ماهمست له انها تحبه ..

اطلق عبدالعزيز تنهيده عاليه وهو يرد عليها : آآآآآآآآه هذي اللي تبي تذبحني ..

ديمه : هههههه بسم الله عليك حبيبي ..

بعد عنها عبدالعزيز بسرعه وهو ينزل قميصه الابيض المفتوح اللي كان لابسه فوق

شورت كحلي ..

ناظرت فيه وديمه وهو يركض و يرمي نفسه بالبحر وهي تضحك ..

عبدالعزيز وهو يرتفع لسطح البحر بعد ماكان غايص فيه صرخ بصوت عالي

وهو يناظر ديمه : احبـــــــــــك ديمه ...

ابتسمت ديمه والاحمرار يملا وجهها وهي تسمعه ...

______________________

في بيت فيصل الـ ..

بعد مرور ساعتين على احتجاز حلا

بعد فيصل صحنه اللي مااكل منه شي ابد وهو يناظر بطاولة الطعام الفاضيه

من حوله حيث انه تأخر اليوم ومارجع بوقته المعتاد وماتوقع انو حلا بتشاركه

الغدا لانها تتجنب تجلس معه حتى بوجود احد معهم فكيف بتجلس معه لحالهم

وقف بعصبيه وهو مقرر يروح يكلمها لانه ماعاد يطيق وضعهم الحالي ..

حتى لو ماكانوا يحكون مع بعض كثير من بداية زواجهم الا انها كانت تحاول

تحكي معه ويحس بنظراتها له لما تظن انه مايشوفها ..

تنهد بـ اسى وهو يفكر انه يدري انه جرحها جرح كبير برفضه ...

بس مستحيل يتبادر لذهنها حجم العذاب اللي اهلكه لما جرحها لانه حس انه قتل

نفسه قبل مايقتلها ..

مشى للباب وطلع منه متوجه للدرج وبعدها توجه لجناحه اللي دور فيه على حلا

واستغرب انه ماكانت موجوده ..

طلع من الجناح بخطوات سريعه ونزل الدور الارضي يدور عليها وسأل الخادمه

اذا كانت حلا طلعت من البيت مع انه متأكد انها مستحيل تطلع بدون ماتقوله ..

وفاجأته الخادمه لما قالت له ان اخر مره شافتها فيها كانت بالصباح ..

طلب منها تتأكد اذا كانت بجناح جدته وظل ينتظرها ترجع تقوله ..

ولما رجعت الخادمه قالت انها مهيب موجوده بجناح الجده ..

رقى الدرج متوجه لجناح مشعل يظن انها ممكن تكون متواجده فيه ولقى

مشعل نايم بغرفته وحلا ماكانت في الجناح ..

استمروا يدورن عليها لمدة ربع ساعه في الدورين الارضي والعلوي بعد ماسأل لانا

عنها وقالت انها ماشافتها ابد ...

رجع ينزل بسرعه ويطلع يدور عليها بالحديقه وماحصلها ..

تأكد من الحارس انو مافيه احد طلع من الفلا و كان على وشك يفقد

اعصابه وهو يفكر وين ممكن تكون ...

رجع لداخل الفلا وتوجه من جديد للدور العلوي وشاف مشعل اللي صحاه صوتهم

وهم يدورون حلا ...

مشعل بصوت نعسان : فيصل من تدورون ..!!

فيصل وهو يسأله بـ امل : مشعل تدري وين حلا ..!!

مشعل بـ استغراب : حلا ..!!

فيصل : ايه

مشعل : انا كنت معها بغرفة الغسيل قبل ماانزل انام ..

ركض فيصل لغرفة الغسيل برعب بمجرد ماسمع جواب مشعل ورقى الدرج

بسرعه كبيره ...

لين وصل لباب غرفة الغسيل اللي لقاه مقفل وفتحه بسرعه ونبضاته قلبه

تزيد لانه عارف ان باب غرفة الغسيل ماينفتح الا من برا ...

حس ان قلبه وقف عن النبض للحظه ورجع بعدها ينبض بسرعه شديده وهو

يشوف حلا متمدده على الارض وهي فاقده الوعي ...

قرب منها بسرعه وهو ينحني على الارض بقربها ويرفعها بين يدينه

وهو يناديها بلهفه : حلا حلا انتي بخير ردي علي ..!!

ومالقى منها اي تجاوب رجع يناديها من جديد وهو يضرب خدها بخفه

لين فتحت عيونها بصعوبه وناظرت فيه بعدم تركيز ..

وقالت بصوت خافت بصعوبه قدر يسمعه : فيصل لاتتركني هنا بختنق ..

ورجعت تفقد الوعي من جديد ...

وماسمعت صوت فيصل اللي رد عليها وهو يضمها له بحنان

فيصل بنبره تملاها المشاعر : مستحيل اتركك ياقلبي ..

رفعها بين يدينه بحرص وطلع من الغرفه ولف لدرج اللي نزل منه متوجه لجناحهم

ومددها على السرير بغرفتهم بحنان شديد ...

وطلع جواله بسرعه وهو يحس بالرجفه تسيطر على يدينه وهو يدق على المستشفى

ويطلب لها دكتوره وهو يصرخ بعصبيه شديده من تأثير التوتر ..

بعدها بدقايق وصلت الدكتوره للبيت بسرعه كبيره مثل مااصر عليها

فيصل وفحصت حلا وعطتها ابره مهدئه ..

وقالت انها احتمال تتعرض لحمى ووصفت لها ادويه في حال

تعرضت لها ....

طلعت الدكتوره من الجناح مع الخادمه وظل فيصل واقف بمكانه وهو يناظر

بحلا اللي كانت نايمه بـ ارهاق ...

قرب من السرير وجلس جمبها وهو يرفعها ويضمها بين يدينه وراسها مستقر

على صدره ...

فيصل بوجع : آآآآه حبيبتي وش كثر كنتي خايفه وانتي محبوسه هناك لحالك

وطبع قبلات متعدده على شعرها وهو يضمها له اكثر ...

____________________

على متن الطائره المتوجهه

إلى لندن

( مدينة الضباب )

استقر طلال بمكانه بمحاذة النافذه بدرجة الفرست كلاس ....

كان تفكيره كله منصب حول ندى .. ماكان قراره انه يبعد عنها سهل عليه ابد

حتى لو كانت الفتره اللي بيبعد فيها ماهيب فتره طويله نسبيا الا انها كانت

بالنسبه له وكأنها بتستمر لدهور ...

تساءل بينه وبين نفسه اذا كان فعلا افضل لها لو انها ماشافته مثل ماقالت ..

لانه عارف نفسه وعارف انه مستحيل يستسلم بسهوله ..

الا انه فضل يبعد عشان يعطيها فرصه تفكر ... وهو يتمنى من كل قلبه انها

تختار برضاها انها تفك خطبتها ...

سمع صوت المضيف وهو يطلب منه يربط الحزام لان الطياره على وشك

الاقلاع ...

ربط الحزام بهدوء وبعدها التفت للنافذه يناظرمن خلالها بتأمل وهو مايشوف

غير وجه ندى اللي مايفارقه ..

همس بخفوت : بحفظ الله ياقلبي ..

____________________

في وقت يقارب 11 قبل منتصف الليل

في بيت فهــد الـ ..

كانت سارا جالسه على الكرسي المنفرد اللي في زاوية غرفة الجلوس التابعه

لجناحها هي وفهــد قبال الـ tv وتغير القنوات بسرحان بدون ماتنتبه لها

مع انها كانت مركزه نظرها على الشاشه ...

كانت طول يومها تفكر بنفس الموضوع رغم محاولاتها انها تصرف تفكيرها

عنه الا ان تفكيرها يرجع له في كل مره ...

حيرها تصرف فهــد بالصباح قبل مايطلع من غرفتها ..

مع انها لو راجعت نفسها ماراح تستغربه مره لانه امس رغم غضبه الشديد

ماكان قاسي معها ابد بالعكس كان حنون مره ..

رجعت تنتابها الشكوك وهي تتسائل اذا كان تصرفه نابع من شعوره ...!!

او اذا كان مايتخطى كونه انجذاب عادي ...

تذكرت حكيه لما قال لها انه مافيه شي يهمه غير انها ملكه وبس ..

اللي يأكد لها انها ماتعني له شي ابد وماتهمه ...

حست ان راسها بينفجر من الافكار اللي تتصارع فيه وقلبها بيحترق من

الشكوك اللي تتزايد فيه ...


اجفلت بقوه لما حست بالرموت ينسحب من يدها بهدوء لفت نظرها وشافت

فهــد منحني على الارض قبالها وهو ماسك الرموت بيده ...

قالها بهدوء وهو يلف لـ tv ويطفيه : اظن انك درتي على كل القنوات اللي فيه

ناظرت فيه بـ ارتباك وهي تفكر من متى وهو موجود وكيف ماانتبهت لدخوله ..

جاوبها فهــد وهو يقرا السؤال اللي يدور بعقلها : ماصار لي خمس دقايق

من دخلت بس انتي كنتي مركزه بقوه على الشاشه وماانتبهتي ..

سارا وهي تلف وجهها عنه : اها

فاجأتها يده اللي مسكت دقنها ولفت وجهها برقه عشان ترجع تناظره من جديد

فهــد بلطف استغربته سارا : لاتتعبين نفسك بالتفكير خلي الامور تمشي

براحتها ..

ظلت ساكته وماردت عليه وناظرت فيه بنبهار وهو يقرب منها ويطبع بوسه

ناعمه على جبينها وهو يستقيم بعد ماكان منحني ..

وبعدها رفعها بين يدينه بحنان وتوجه لغرفتها وهي للحين تناظر فيه

بـ انبهار وماهيب قادره تقول شي ابد لين دخلوا الغرفه وقفل الباب وراهم بهدوء ..

____________________

تااابع البااارت الخاامس عشر


______________________


بعد مرور يومين

على الاحداث السابقه

في مكان اخر


جلست ندى بتعب بعد ماانتهت من تفريغ شنطتها وترتيب اغراضها في

الخزانه بغرفتها بالجناح اللي ساكنته هي وابوها بفندق الهيلتون ...

سرحت وهي تتذكر الي صار من كم يوم لما انهارت بالبكي بعد ماقفل طلال

وماقدرت تنام طول الليل من التفكير ومن صراع المشاعر اللي كانت تعانيه

مشاعر كانت تحسها انها ازهرت بقلبها من زمان رغم رغبتها الكبيره انها

تخنقها بعنف وماتترك لها مجال تكبر اكثر ووتجذر بقلبها ..

والسبب الفعلي اللي ماخلاها تنام كان رعبها اللي يتزايد من طلال اللي له قدره

عجيبه على تحريك مشاعرها اللي ماظنت بيوم انها بتتحرك ناحية احد ..

تنهدت بـ ارهاق وهي تفكر انو حتى موافقتها على بدر كانت نابعه من حذرها

الشديد من كون مشاعرها ممكن تتحرك اذا تزوجت من اي شخص مالها معرفه

شخصيه ويتقدم لها وماتتوفر فيه اي عيوب تخليها تقدر ترفضه ..

وبكذا كان بدر بمثابة الهديه اللي جاتها بدون ماتحسب لها حساب وتوافقت

مع كل رغباتها ..

لفت تناظر بـ ارجاء الغرفه من حولها وهي تتذكر لما صحت باليوم الثاني

وقابلت ابوها على الفطور اللي استغربها تعبها وسألها بـ اهتمام وقالت له

انها تعبانه لانها انضغطت بالدراسه في الايام اللي فاتت ..

وهز راسه بهدوء وهو يسمع تبريرها بعدها فاجأها انه مضطر يسافر لفتره

بسيطه مع واحد من عملائه عنده صفقه مهمه بالخارج ومحتاج لوجوده معه

وبدون تفكير منها تسرعت وطلبت من ابوها ياخذها معه بـ اصرار

استغرب ابوها مره الا انه مارفض طلبها اللي بررته له انها حابه تغير جو

بعيد عن ضغط الدراسه اللي تعبتها في الايام الفايته ..


_________________________


واشنطن

ـــــــــــــــــــــــــــــــــ

بعد مرور ايام على حفلة الملكه نوف كانت متمدده على الصوفا وتتأمل الجو
بالخارج قبل الغروب حيث ان الجو كان بارد وكانت سارحه بتفكيرها

وهي تتذكر كيف كانت تتهرب من لقاء نواف اللي تقريبا طول الايام اللي فاتت
كان يكلمها بصفه شبه يوميه وعزمها على العشاء اكثر من مره ولكنها رفضت
دعوته

لانها بدت تحس بمشاعر من نوع آخر تغزو قلبها ناحية هالمغرور !

علا صوت جوالها يقطع عليها حبل افكارها ..

نوف : هلا وغلا

الهنوف : هلا بزوجة اخوي

نوف : وانتي كل ماتكلميني او اشوفك لازم تذكريني بالشيء هذا

الهنوف : ههههه ايه لازم لانه احلى شيء

نوف : اقول شكلي بخربها معك على اخر يوم لك في واشنطن

الهنوف : هههههه لا لا الله يخليك خلاص اسفه

نوف : اممممم طيب خلاص سامحتك

الهنوف : هههههه شكرا طال عمرك

نوف : العفو كل يوم تعالي

الهنوف : ياليت بس ياحسره بكره راجعه الرياض

نوف : ايه صح تعالي تعشي معنا انتي وخاله الليله

الهنوف : لا لا انتي اللي تعالي معنا

نوف : معكم ؟

الهنوف : ايه طلبتك نوف لاترديني وتخليني ازعل منك بااخر ليله

نوف : وانا اقدر على زعلك

الهنوف : ياقلبي انتي

نوف : طيب وين بتروحون اليوم

الهنوف : اممممم نوف

نوف : وشفيك !!

الهنوف : نواف عازمني عالعشاء وانا ابيك تروحين معي بدون مايدري لان اللي عرفته انه عزمك اكثر من مره هالاسبوع ورفضتي

نوف : انا لمن وافقت كنت احسبك تقصدين حنا وميرنا اللي بنطلع نتعشى بس الحين اسمحيلي مااقدر

الهنوف : نوف طلبتك اذا لي خاطر عندك انك تجين معي انا ابي اسويها مفاجأه له وبنفس الوقت ابي اشوفك ونتعشى كلنا سوى قبل ارجع تكفين

نوف اللي ماحبت تكسر بخاطرها رغم خوفه من رؤية نواف : طيب عشانك راجعه بكره لكن لاعاد تعودينها وتوهقيني

الهنوف : هههههه من عيوني

نوف : طيب متى نروح وكيف

الهنوف : لسى عندنا وقت طويل بعد مانصلي العشاء بجي انا وماما وهي بتنزل عند خاله

وحنا بنروح للاوتيل اللي عازمني فيه لاني قلت له انت اسبقني لهناك وانا بطلع مشوار مع ماما وبخليها توصلني

نوف : اوووف اثرك مخططه لكل شيء وانا مدري

الهنوف : هههه ياويلي وش اسوي احبكم

نوف بنبرة تهديد : طيب يالهنوف

الهنوف : اقول بلا تهديد يالله خليني اروح ارتب باقي اغراضي قبل العشا باي

نوف : باي

قفلت نوف الخط وراحت تقول لامها وتستأذنها

ـــــــــــــــــــــــــــــــــــــــــــــــــ

في وقت لاحق

بعد ماانتهت نوف من لبس فستانها الازرق التويد القصير بدون اكمام

مع بالطو اسود شاموا من ( Lanvin) ..

مفتوح بالكامل ماعدا حول العنق يلتف بقصه دائريه مقفله بحيث يبان تحتها

الفستان بالكامل بشكل 8 وطوله نفس طول الفستان وبااكمام قصيره واسعه

تكاد تغطي الكوع ..

رفعت شعرها على شكل ذيل واكتفت بوضع ماسكارا وروج احمر

واخيرا لبست حلقات الماس ناعمه تتلائم مع دبلتها الالماس وبعد ماانتهت

وضعت اشيائها بشنطه كلاتش من ( HERMES )

وطلعت من غرفتها بعد مادقت عليها الهنوف تقولها انهم قريبين

وهي تنزل من الدرج كانت امها تتأملها ..

ام خالد : الله يحفظك يابنتي من كل شر

نوف وهي تقرب من امها : ويحفظك ويخليك لنا يااغلى ام بالدنيا

دخلوا ام نواف والهنوف وسلموا عليهم

ام نواف : ماشاء الله وش هالحلا كله يانوف

نوف اللي استحت واكتفت بالرد باابتسامه

الهنوف : خلاص ماما لاتحرجين زوجة ولدك ههههه

ام نواف تضحك وهي تقول : طيب يالله روحوا الله يحفظكم .. لاتتأخرون

ام خالد : انتبهوا لانفسكم

نوف والهنوف : ان شاءالله ومع السلامه

ام خالد وام نواف : مع السلامه

وطلعوا البنات بالسياره والهنوف اللي كانت تسولف لنوف اللي كان بالها

منشغل طول الطريق ..

كان نواف جالس باللوبي ينتظر الهنوف ..

وبعد مرور ربع ساعه وصلوا للفندق حيث كان نواف اللي يترقب وصول اخته

سحر : مساء الخير نواف

نواف : مساء النور

سحر : شو شايفتك لحالك انا كنت مارئه لهون بسلم على رفيق الي نازل بالاوتيل

نواف : لا انا جالس انتظر اختي عازمها عالعشا

سحر : بالله لكان بئدر شوفها واسلم عليها

نواف : اكيد وحياك تعشي معنا

وانشغل نواف وماانتبه للي ادخلوا اللوبي من دقايق وقت اللي كلمته سحر

نوف اللي وقفت واجبرت الهنوف توقف معها لانها لمحت اللي واقفه قريب منه

وهي تتذكر الوجه هذا تماما وبدت تحس بتوتر رغم السكون اللي يغلف شكلها

سحر باابتسامه وهي تجلس بالقرب منه : مرسي كتير

ومجرد ماجلست بالقرب منه لمح عيون تراقبه و بدت ملامح الذهول تتجلى بوضوح

على وجهه ليقف ويتوجه بخطى متباعده نحوها لمح في عيونها نظره ...

نواف الذي لم يستطع مقاومة تلك النظرات ولم يستطع تحمل المزيد من الاتهامات

وقرر انه يتجاوز حاجز الصمت معلناً عن لغة اخرى ..

مد يديه لتطوق يديها ويدنو منها ليطبع قبلة على جبينها وهو يهمس لها : لايروح

بالك بعيد ..

نوف التي لم تستطع فهم مايدور بداخلها من مشاعر متضاربه فضلت التزام

الصمت حتى اشعار آخر ..

الهنوف اللي حست بتوتر الجو : نواف وشرايك بالمفاجأه

نواف : احلى مفاجئه بحياتي

نوف تلتزم الصمت

توجه بهم نواف الى حيث تجلس سحر اللي كانت تراقب ماحدث عن بعد وفي بالها

تدور تساءولات كثيره ...

نواف : سحر اعرفك على الهنوف اختي

سحر : اهلا وسهلا تشرفت بمعرفتك انا سحر زميلتو لنواف بالجامعه

الهنوف : ياهلا فيك

نواف : و اعرفك على اجمل انسانه بحياتي زوجتي نوف تملكنا قبل اسبوع

نسيت اقولك ...

نوف بنفسها كل هذا يانواف عشان تغيظها على حسابي !!

سحر وعلامات الصدمه اللي تجلت تماما على ملامحها : زوجتك !!

نوف واخيرا تجاوزت حاجز الصمت معلنه : ايوه زوجته

سحر بصوت بارد : اهلا وسهلا تشرفنا ومبروك

نوف بنبره ابرد : شكرا .. عقبالك

نواف اللي حس بتوتر الوضع : يالله تفضلوا نتعشى

الهنوف اللي حاولت تلطف الجو : من جد نواف انا مره جوعانه

سحر :نواف انا بشكرك على عزيمتك بس اكيد انتوا حابين تكونوا لحالكن

نوف بتكبر وغرور وهي مازالت بالقرب من نواف وهو مازال محتضن يدها : لا

عادي خلك معنا ..

سحر بنبره بارده : لا مرسي كتير يامدام وتشرفنا بمعرفتك

نوف ببرود : العفو

سحر : يالله انا ماشيه مع السلامه

الكل : مع السلامه

ونواف والهنوف اللي بدا الارتياح واضح على وجوههم فور مغادرتها ولكن نوف

ياترى مالذي يخفيه قناع البرود اللي يغلف ملامحها ..!!

هل ينبئ عن سكون وهدوء ماقبل العاصفه ..

توجه بهم نواف للمطعم وجلس بجمبها والهنوف بالجهه المقابله لهم

كان الصمت مخيم عالاجواء من قبل جميع الاطراف وخصوصا نوف اللي

امتنعت عن الاكل اكتفت بشرب عصير ..

نواف كذلك ولم يتبقى سوى الهنوف اللي تذوقت القليل من بعض الاطباق

الهنوف بحزن : يعني انا جايه اتعشى لحالي

نوف : ايه تعشي انتي اللي وراك سفر بكره

نواف باابتسامه : صح مثل ماقالت نوف

الهنوف بتهكم : ليه احد قالكم اني بصوم وانا مسافره

نوف ونواف رغم كل ماحدث : ههههههههههه

الهنوف باابتسامه اكثر : ايه اضحكوا مو كنا جالسين بعزى

نوف بنبرة تهديد وباابتسامه واضحه: مو كأنك زودتيها

نواف اللي كان يتأمل كل مافيها وهو يبتسم ويقول بنفسه واخيرا ابتسمتي

الهنوف : طيب خلاص اسفه طال عمرك ههههه

نوف : طيب سامحتك

وبعد ماانتهت الهنوف من العشا توجهوا لخارج المطعم

نواف : وشرايكم نطلع نتمشى بالحديقه

الهنوف اللي كانت تبي تعطيهم الفرصه ان يتكلموا لوحدهم : لا حبيبي انا برجع وبكره

وراي سفر مابي امرض لكن انت وزوجتك روحوا وانا بنتظركم باللوبي ..

نواف باابتسامة امتنان لاختها : طيب

نوف : اوكي

نواف وملامح السعاده تتجلى بوضوح على محياه

نوف كانت تبي الفرصه هذي عشان تتكلم معه بعيد عن الهنوف ولو تدري يانواف

وش اللي ينتظرك ماكنت فرحت بموافقتي!!

اتجاهو للحديقه قطعت الصمت فور وصولهم لها

نواف بسعاده بالغه : احلى شي ان الحديقه مافيها احد غيرنا

نوف : لاتفرح كثير

نواف : وليه

نوف بتهكم واضح : انت مفكرني جايه معك للحديقه عشان نتأمل القمر مثلا

نواف : ليه اتأمل القمر فوق وانتي أحلى منه

نوف بغضب واضح : ترى حبيبتك سحر مو معنا عشان تقول هالحكي

نواف : وش دخل سحر بالموضوع

نوف : انت مفكرني ماادري مو اول مره اشوفك معها لا وبعد تحاول تثير غيرتها

على حسابي ..

نواف : انتي وش تخربطين وش هالكلام

نوف : كلامي واضح بما انك تحبها وتبيها ليه وافقت علي عشان اهلك هم اللي

اختاروني تبي تعذبني معك ..

نواف : انجنيتي انتي الليله ولا وش صاير لك

نوف بأسى : ايه انجنيت لمن وافقت على لعبتك البايخه انا منيب لعبه لك طلقني

يانواف بما انُا تو بالبدايه وروح لها ...

نواف باابتسامه وثقه : تحلمين يانوف

نوف اللي كانت تتألم بداخلها لان نار الغيره بدت تشتعل وتحرق قلبها

لكن كرامتها فوق كل شي تحبه ...! لا .. مستحيل احبه انا بس مابيه يستغلني

نوف بهدوء : نواف للمره الثانيه طلقني

نواف اللي كان بعالم آخر بعيد عن كل كلامها واتهامتها اللي مالها اساس من

الصحه كان يتأمل جمالها ...

يدري ان الغيره عذبتها لكنه يقول بنفسه تحملي لان شعوري بغيرتك ينعشني

ادري اني عذبتك معي لكن مابي ابوح لك بعشقي الان انتظري ..

ويقطع الصمت بقوله : تبين تعرفين جوابي ؟

نوف بنظرات الرجاء لانهاء عذابها وهي تقول لنفسها قول انك بطلقني وتريحني قبل

اتعلق اكثر فيك ...

نواف وهو يقترب منها اكثر ويهمس لها : هذا هو جوابي

ويقترب اكثر من شفتيها اللتي طالما اثارته كثيرا بهذا اللون وليروي ظماه منها

حتى اذعنت له بالاستسلام وهنا يبتعد عنها وهو يهمس : انتي زوجتي وبتظلين زوجتي

ومافي امل انو هالواقع يتغير .. اعتقد ان رسالتي كانت واضحه

نوف اللي حست بألم شديد كيف ترفع راسها من جديد وتطالبه بشيء وهي اللي

اذعنت له غصبا عنها ودموعها اللي بدت تعلن عن انهزامها ...

نواف اللي كان يتأملها بصمت ..

نواف وهو يمسح دموعها ويحتضنها ويهمس لها : دموعك غاليه

نوف تمنت لو تنسى كل اللي راح وتفكر باللي جاي

نواف بحنان واضح : يالله نرجع للهنوف تأخرنا عليها

نوف بصوت اقرب للهمس : طيب

نواف : على فكره قبل كذا مسحت الروج بيدي واليوم مسحته بطريقه ثانيه لكن مابي

اضطر اني امسحه لمره ثالثه مااسمح لك تحطينه برا البيت ..

نوف اكتفت بالصمت وتوجهوا للوبي حيث كانت الهنوف

ولمن طلعوا لسيارة نواف الكايين توجهت نوف للباب الثاني لكن قطع عليها صوت

نواف : وين رايحه مكانك قدام والهنوف اللي بتجلس ورى

نوف بااحراج : لا انا بجلس ورى

الهنوف : لا حبيبتي انا اللي بجلس ورى وانتي وزوجك قدام

نوف وهي تتوعد : طيب اوريك يالهنوف

الهنوف : هههه مااخاف دام نواف معي

نواف وهو يهمس لنوف : وانا معك بعد وماعليك منها

الهنوف : طيب يانواف هذا من اولها ههههه

نواف : اقول اركبي وانتي ساكته لااخليك ترجعين مشي بهالبرد

الهنوف : لا خلاص اتوب

بعد ماركبوا وهم بالطريق

نواف : تو مانورت سيارتي

الهنوف : ياعيني الله لنا

نواف : اقول انتي بتسكتين ولا انزلك

نوف والهنوف : هههههه

ومر الطريق سريعا بالنسبه لنواف اللي كان يتمنى لو الوقت مايمشي وهي معه

عكس نوف اللي كانت تحس الوقت مايمشي لان بداخلها مشاعر متضاربه

وبعد لحظات وصلوا بيت نوف ..

دقت ام خالد على نوف لمن شافتهم وصلوا

نوف : هلا ماما حنا عند البيت

ام خالد : هلا حبيبتي قولي لنواف والهنوف ينزلون يتقهون عندنا قبل يروحون

نوف : طيب

وقفلت الخط

نوف : ماما تقولكم انزلوا تقهوا قبل تروحون

الهنوف : اوك .. وفتحت الباب ونزلت

نوف كانت تو بتفتح الباب وبتنزل الا ان يد نواف اوقفتها

نواف : خاله بس اللي عازمتنا اخاف انزل وانتي ماتبيني

نوف : لا تتقدر تتفضل

نواف : ههههه طيب مشكوره ياذوق انتي

ورفع يدها وباسها قبل يتركها تروح



نزلت نوف وهي تحس ان الدنيا تلف فيها من الاحداث اللي صارت لها الليله

دخلت وسلمت على امها وخالتها ودخل نواف بعدها وسلم عليهم

وجلسوا يتقهون والكل بعالم ماعدا نوف ونواف بعالم أخر وبعد مرور نصف ساعه

سلمت نوف على الهنوف اللي قربت منها تحضنها وتودعها ...

الهنوف : يالله هانت ياحلوه بقى اقل من شهرين وتجين الرياض وتصيرين وقتها جد

زوجة اخوي ...

نوف وهي تقبصها : حتى وانتي تودعيني لازم تذكريني

الهنوف : ههههه ايه لازم

نواف كان يراقبهم ويبتسم لتصرفاتهم الاشبه بتصرفات الاطفال

وبعدها راحت الهنوف تسلم على ام خالد ونوف توجهت تسلم على ام نواف وتودعها

وبعدها توجه الكل للسياره متجهين لبيتهم ونوف اللي توجهت لغرفتها ورمت نفسها

على سريرها وهي تبكي من كل اللي صار وخايفه من اللي راح يصير بالايام الجايه

بحياتها مع نواف ....!!!!

وهي تدعي ربها ان يطمن خوفها ويسعدها ويوفقها بحياتها واخرتها ..

ــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــ



في اليوم الثاني

في غرفة ندى


كانت على وشك تنتهي من لبسها لانها راح تطلع مع ابوها يتعشون برا الفندق

ثبتت حلقها الصغير بحلقه دائريه من الذهب يتوسطها حجر زمردي لامع ..

زاد من اناقة فستانها الاسود اللي كان له قصة صدر مستقيمه واكمام طويله

تترك قمة الكتفين مكشوفه وترتفع حول العنق من الخلف بحيث تغطي الظهر

وينسدل الفستان بنعومه لتحت ركبتها بشوي ...

لفت تاخذ معطفها الطويل اللي يغطي فستانها بالكامل من فرو المنك بلون عسلي

لبسته وتبعد شعرها اللي كانت سايح بعكس طبيعته المتوجه ...

خذت شنطتها الصغيره من ( Louis vuitton ) وطلعت من الغرفه ولقت ابوها

ينتظرها وطلعوا من الفندق متوجهين للمطعم ..

بعد لحظات وصلوا لمطعم اوكسو تاور (XOX ) التابع لمتاجر هارفي نيكولز

اللي يطل على نهر التايمز بحيث تعكس نوافذه

منظر من اجمل المناظر في لندن ...

دخلوا للمطعم بهدوء بعد مانزلت ندى معطفها الفرو ومدته للويتر اللي خذاه منها

بـ ادب وتوجهت مع ابوها لطاولتهم اللي دلهم عليها الويتر ..

جلست ندى بهدوء قبال ابوها بحيث يكون مكانها معاكس للمدخل ...

ابو ندى بحنان وهو يناظر بالمنيو اللي بين يدينه بعد مرور فتره :

ندى حبيبتي وش حابه تاكلين ..!!

ندى بهدوء : اممم مدري ماحاس اني جوعانه مره شكلي بكتفي بالشوربه

والسلطه ..

ورفعت نظرها تبتسم بمحبه لبوها اللي كان جالس قبالها ببدلته الرسميه بالون

الاسود ...

ابوها وهو يبادلها الابتسام بهدوء ورجع يناظر بالمنيو اللي بين يدينه ..

بعد فتره رفع ابوها راسه وناظر بالمدخل بتركيز بعدها ارتسمت على وجهه

ابتسامه واسعه ..

ابو ندى : هذا العميل اللي اتابع المسائل القانونيه لصفقته ..

ووقف بعدها بثواني لما صار الشخص اللي يحكي عنه على مقربه من طاولتهم

وهو يمد يده له بـ ابتسامه ...

ماتدري ندى ليه حسنت بشحنات توتر تنتابها وخلتها ترفع نظرها بدون شعور

وتناظر الشخص اللي مد ابوها يده له ...

وانصدمت صدمة حياتها لما التقت نظراتها بنظرات الشخص اللي وقف قريب

من طاولتهم وماهيب قادره تصدق انو الشخص اللي تشوفه هو .....






















طـــــــــــــــــــــــــــــــــــــــــــــلال .......!!!!!!!


__________________________________
نهاااية البااارت الخاامس عشر

قرييييييييبا البااااااارت الساادس عشر

الفصــــل الســـادس عشـــر

___________________________


استقام طلال بعد مانزل من السياره اللي توقفت امام برج اوكسوالشهير ..

توجه للفت وضغط على زر الدور الثامن حيث مطعم اوكسو تاور اللي كان

مقرر يتعشى فيه ..

بعد فتره من وقوفه داخل اللفت بصمت ...

حس ان البنتين اللي كانوا يشاركونه اللفت يناظرونه بتركيز شديد ...

وانجذاب لشكله الملفت بملامحه العربيه الجذابه واللي ماقلت هيبتها ابد

حتى مع لبسه اللي يحاكي لبس الاجانب ببدلته الرسميه بالون الاسود

من ((valentino

مع قميص بالون الابيض تعلوه ربطة عنق بالونين الاسود والرمادي ..

يغطيها معطفه الطويل بالون الاسود ..

استمرت نظرات البنتين موجهه لطلال اللي تجاهل وجودهم وظل مركز نظراته

على البوابه قباله لين شافها تتوقف عند الدور الثامن اللي هو مقصده وتنفتح بهدوء ..

طلع من اللفت بخطوات ثابته بدون مايلتفت للخلف وتوجه للمطعم ..

وقف بالمدخل وعطى معطفه للويتر وكان على وشك يتبعه لطاولته لما لفت نظره

المحامي اللي يتابع المسائل القانونيه له واللي كان موجود بنفس المطعم ..

حانت منه التفاته عرضيه للشخص اللي معه وبالحظه هذي ماقدر يتحرك من مكانه

وظل يناظر بالشخص اللي جالس قبال المحامي اللي مابعد انتبه لوجوده ..

ناظر فيها بذهول وكان متأكد انها هي نـــدى حتى لو انه ماشاف وجهها الا انه يقدر

يتعرف عليها بين مليون وحده ...

رجع يناظر المحامي بـ انهبار وهو يفكر كيف ماعرف انه ابوها ...!!!

تذكر انه مافكر ابد يقرا الاسم الكامل للمحامي اللي بيرافقه لان باله كان مشغول

طول الوقت وكانت المره الاولى اللي يقابله شخصيا فما فكر انه هو نفسه

المحامي عبدالله الـ .... ( ابو ندى) ..

لاحظ انو ابو ندى انتبه لوجوده وابتسم له بادله الابتسامه بهدوء وهو يحاول

يرجع ملامحه للبرود تقدم من طاولتهم عشان يسلم على ابوها اللي وقف

لما صار طلال قريب من طاولتهم سلم عليه طلال ..

واستمر الحكي بينهم للحظات حس خلالها بنظرة ندى اللي رفعت راسها

بشكل مفاجأ وشافته ..

توقع نظرات الذهول منها الا انه مافكر يلتفت لجهتها ابد وبعد ماسلم على ابوها

تبع الويتر لطاولته ...

جلس وهو يبتسم بهدوء لان طاولته لحسن الحظ كانت بموقع يسمح له انه

يشوفها بوضوح ..

ناظر بمظهرها الساحر اللي افتنه من اول مره شافها فيها ...

ومافاته الارتباك اللي كان مسيطر على ملامحها وهي ترد على اللي يقوله ابوها

وهي تتجنب انها تناظر بـ اتجاهه ...

ظل يناظر فيها طول الوقت ومابعد عيونه عنها ابد وهو يراقب كل حركه

تصدر منها وكل تغير يعتلي ملامحها ..

تأمل بصمتها وحكيهابـسرور ... وهو يحس ان الوقت يمر بسرعه كبيره

وهو وده لوانه يتوقف عند هذي اللحظه ومايتحرك ابد ..

لاحظ ابوها اللي وقف فجأه وابتعد عن الطاوله وشافها ترفع نظرها له

وتبعده بسرعه كبيره ..


ندى اللي كانت حاسه انها محاصره بنظرات طلال اللي ظل يناظرها طول الوقت

توترت اكثر لما ترك ابوها الطاوله وماعاد فيه حاجز تحتمي فيه من نظراته

اللي تربكها ... كانت خايفه تلتقي نظراتها بنظراته وماتقدر تبعدها ..



طلال وهو مستمر بنظراته لها لاحظ انها ترفع يدها عشان تستدعي الويتر

اللي لبى ندائها بسرعه الا انه وقف بالجهه المقابله لها بحيث حجبها

عن عيونه لاحظ ان الويتر ظل واقف قبالها لدقايق بعدها ابتعد وهو مبتسم

وتفاجأ لما وقف الويتر قباله وهو مبتسم وفي يده منديل يمده له ..

خذ المنديل منه بـ استغراب وابتسم لما قرا العباره اللي كانت مكتوبه عليه

كانت كاتبه كلمتين فقط ....


( لا تنـــــاظرني )


ناظرت فيه ندى وهو منزل راسه ويقرا اللي كتبته له على المنديل ومرتسمه

على شفايفه ابتسامه هاديه ..

لاحظت انه دنق وكتب شي على المنديل نفسه ورفع يده للويتر اللي قرب منه

بسرعه وعطاه المنديل وهو يحكي معه بهدوء ..

شافت الويتر وهو يتقدم لها ويمد لها المنديل بـ ابتسامه مؤدبه خذته منه

بهدوء وقرت اللي اكتبه لها واعتلت ملامحها الحده لما قرت الكلمات اللي صاغها

بخط انيق ...


( واذا قلت لا )


ناظر فيها طلال بـ ابتسامه واسعه وهو يلاحظ انفعالها وهي تكتب ..

وبعد لحظه وصله ردها ...


( ليـــه !!! )


شافته يكتب رده بشكل سريع وهو للحين مبتسم ولما وصلها الرد كانت

متلهفه تقراه ...


( لان اللي يبعد عينه عن نظر عينه مجنون )




انتظر ردها بترقب وكان ردها هو ...


( بليز لاتحطني بموقف محرج مع بابا )


لما وصله ردها شافته يقراه وهو يرفع حاجبه وبعدها دنق يكتب على المنديل ..


بعد ثواني كانت تقرا رده اللي كان ...


( طيب موافق بس بشرط اشوفك بكره )


اعتلا العبوس ملامحها بشده ونزلت يدها تكتب بسرعه ..


( وقــــــــح )


شافته يضحك بقوه لما قرا ردها ورجع يكتب لها وهو للحين مبتسم الا ان ابوها

رجع قبل لاتعرف وش كان رده ظلت متوتره طول الوقت لين انتهوا من العشا ..

وقفت مع ابوها بعد مادفع الحساب وتوجهوا للباب ..

ظلت تنتظر الويتر اللي راح يجيب معطفها وابوها بعد يرد على جواله اللي رن

وفضل انه يبتعد عشان يقدر يحكي براحته ...

ندى اللي ظلت تنتظر الويتر وفكرها مشغول بطلال وكيف تفاجأت بشوفته

كانت تظن انها بتهرب من وجوده اذا سافرت ولقته قبالها ...

حست فجأه بشي دافي يهبط على كتوفها واكتشتفت انه ماكان الا معطفها

لفت بقوه تناظر بالشخص اللي كان واقف وراها ويده للحين على المعطف

فوق كتفها ...

تجمدت اطرافها للحظه وتاهت عيونها بعيون عسليه ناعسه حست انها

تأسرها بنظراتها ...

ماوعت من شرودها الا لما حست بيده اللي دست المنديل بيدها بنعومه

وهو يهمس لها برقه : بنتظرك ..

وبعد عنها بهدوء وبخطوات ثابته وهي مستمره تناظره وتتسائل بذهول كيف تكون

خطواته ثابته بهذا الشكل في حين تحس هي انها بصعوبه قادره توقف بثبات

والارتجاف مسيطر على كل اطرافها ...

بعد لحظات رجع ابوها اللي اول ماشافته يقرب دست المنديل بحركه سريعه

بشنطتها ومشت معه متوجهين للفت اللي نزلهم للدور الارضي ..

كانت ترد على ابوها بـ اختصار وترجع للسكوت اللي التزمته اغلب الوقت

اللي استغرقه منهم رجوعهم للفندق ...

توجهت لغرفتها بعد فتره من وصولهم للجناح وطلعت المنديل من شنطتها

بسرعه وهي ترمي شنطتها على التسريحه مشت لسرير وهي تقرا المكتوب عليه

جلست على طرف السرير بدون شعور وعيونها مشدوده للي تقراه ..

كان كاتب لها المكان والزمان اللي يبي يشوفها فيه لكن ماكان هذا الشي

اللي خلاها تنبهر...

اللي ابهرها وزاد دقات قلبها هو الكلام اللي كان كاتبه تحته ....

كان كاتب ....


الوعد باكر ..
و لو تأخرتي ... لا يجي باكر
ما أبي باكر بدونك
احبسي الفجر فـ عيونك
و إن أشغل طيفي ظنونك
واعديني بعد باكر ...
أنا ظلي تحت شمسك
و لو تغــيـــبي ما هو ظلي ..
و انتي اسمك في حياتي
يهمسه بعضي لكلي ..
آه يا ضعفي و غروري
اعدلي فيني و جوري
و اصدقي .. راعي شعوري
و واعديني بعد باكر ..
هذا وجهك في عيوني
ما رسمته لا وربي ..
و اللي يصرخ في ضلوعي
هذا صوتك ماهو قلبي ..
آه يا شمعة وجودي ..
اشعلي نارك في عودي..
اهجري قلبي و عودي
و واعديني بعد باكر ..


__________________


تمدد طلال بـ استرخاء على سريره والابتسامه تنور ملامحه ...

كان يفكر كيف انه قرر يبعد عنها وجابها القدر عنده بدون تخطيط منه ..

ابتسم من جديد وهو يتذكر انه كان ناوي يتركها تفكر براحتها بس الحين

مستحيل يضيع فرصته بعد ماصارت قريب منه ..

قال بصوت عالي وهو للحين مبتسم :

يابعيد وجابك الله لين عندي وصلك ..


______________________


في صباح اليوم الثاني

في بيت فيصل الـ ..

ناظر فيصل بحلا اللي كانت نايمه بحضنه ويختلج بصدره مزيج من المحبه

والاسى ...

المحبه للانسانه المستكينه بين يدينه بضعف وانهاك ...

والاسى لانه يوم تحقق حلمه و قدر ينام طول الليل وهي بين احضانه

ماتحقق هذا الحلم الا وهي تعبانه وماهيب قادره تحس بشي من اللي يصير حولها ..

حس فيها تتحرك بين يدينه بـ انزعاج وملامحها يملاها العبوس ..

توقع انها تحلم باللي صار لها ..

فيصل بحنان وهو يمد يده لخدها : حلا حبيبتي تسمعيني ..!!

جاوبته بتمتمه ماقدر يفهمها ...

رجع يضرب خدها بخفه وهو يناديها بحنان ..

لين فتحت عيونها وناظرت فيه لفتره وهي للحين ترتجف ..

فيصل بمحبه : حلا حياتي انتي بخير انا معك ومنيب مخليك لاتخافين ياقلبي ..

تفاجأ وهو يشوف حلا تناظره بتركيز وهي تمد يدها وتحتضن خده برقه ..

حلا بنبره ذايبه : فيصل انا احبـــك ..

وبعدها امتلت عيونها بالدموع كأنها تذكرت شي كانت ناسيته نزلت يدها بندم

وغطت وجهها بيدينها وهي تقول بـيأس شديد ..

: بس انت ماتبيني ..

وكملت بنبره تفضح الالم اللي عانته : قلت انك بتعذبني واهنتني بكل الطرق

بس في كل مره كنت انسى الاهانه بمجرد مااشوفك قبالي وماعاد احس الا بقلبي

اللي وده يطلع من مكانه ويستقر بين يدينك وبعيوني اللي ماودها تشوف غيرك

وماتبي من الدنيا غير انها تضيع بعيونك ولساني اللي ماوده يردد غير احبك

ويديني اللي ودها تسكن بين يدينك ...


بس انت حققت اللي تبيه وعذبتني عذاب مااظن اني كنت بحسه وخليتني ابكي

بدل الدموع دم لما رفضتني ورميتني كني شي قذر مايستاهل منك انك تناظره ..


فيصل وهو يرجع يضمها بقوه وبعدها مد يدينه يبعد يدينها عن وجهها ويمسح

دموعها بحنان شديد وهو يقولها بعذوبه : وانا والله مت من ذاك اليوم اللي جرحتك

فيه وماعاد صار لايامي طعم ولا لون من يوم جفيتيني وحرمتيني حتى من

شوفة عيونك اللي تسوى عندي الدنيا ومافيها ..

حلا وهي تناظر بعيونه بألم : ليه جرحتني ..!!

فيصل برقه : جرحت نفسي قبل لااجرحك ولو اعتذر عمري كله مااوفيك حقك

ياقلبي .. بس وش اسوي لصار قلبي وعقلي خصمين مافيهم من يتنازل

الا بموت الثاني ..

حلا بلهفه : فيصل انت تحبني ..!!

فيصل وهو يلاحظ وجهها المحمر ورجفتها قالها بصدق : لو فيه من يحب

علته ودواه فهو انا .... ولو فيه من يحب عذابه وهناه فهو انا ...

ولو فيه من يحب عمره ومنتهاه فهو انا ... ولو فيه من يحب ضحكته وبكاه

فهو انا .....

ايه احبــــــــــــك ولو الغلا ينقاس كان عجز يقيس غلاك بقلبي ...


حلا بلهفه كبيره : وانا والله احبك وعمري ماخنتك ..

فيصل وهو يناظرها بتركيز شديد : حلا حياتي انتي تعبانه مره الحراره رجعت لك

من جديد لاتحكين بشي يتعبك ...

حلا بجزع : لاانا منيب تعبانه الله يخليك اسمعني انا والله ماخنتك انا ...

وقبل لاتكمل اللي كانت بتقوله فقدت الوعي لما رجعت حرارتها ترتفع

من جديد ...

ناظر فيها فيصل بألم وهو يفكر بالي قالته من شوي معقوله تكون صادقه باللي

قالته بس هي ماكانت بوعيها وماتدري وش تقول ...

مايقدر يقتنع بكلام قالته وهي تهذي مع ان الامل داعب قلبه للحظه الا انه

تراجع بقوه قدام واقع انها هي بنفسها اللي اعترفت له بهذا الشي وماهو احد غيرها

وش اللي بيجبرها تكذب عليه وتقول انها خانته وهي ماخانته ...

وظل فيصل على حاله تعذبه الشكوك والهواجس ومهوب عارف وش يصدق فيها ..
...
___________________________


في بيت فهــد الـ ...

وتحديدا في غرفة فهــد وسارا


صحت سارا وهي تناظر بفهـــد اللي كانت مسترخيه بين يدينه وصدره محتويها

خطر على بالها انها للحين ينتابها شعور بالذهول لما تصحى وتلقى نفسها معه

بنفس المكان بدون مايكون اللي تشوفه حلم تصحى منه وماتلقاه جمبها ..

رفعت راسها وهي ناويه تتأمل بوجهه اللي تحب تناظر فيه وهو نايم بس

اللي ماتوقعته ابد انها تنصدم بعيونه اللي كانت تبادلها النظرات بهدوء ..

تشابكت نظراتهم للحظات وبعدها حاولت تبعد عنه بقوه وهي تحس انها

ثايره لما شافت بعيونه ذيك النظره الواثقه بمدى تأثيره فيها ومعرفته التامه

بحبها له وكونها ملك حصري له ..

وعند هذي الفكره ثارت اعصابها اكثر وهي تتذكر جملته اللي قالها لها

لما قال ان مشاعرها ماتهمه وكل اللي يهمه انها ملكه وبس ..

حاولت تبعد عنه بعنف وهي تحس بيدينه اللي تشتد حولها وتمنعها من انها تبعد

الا انها قدرت تحرر نفسها منه بقوه وبعدت للطرف الثاني من السرير

وهي لافه للجهه المعاكسه استقامت بجلستها وخذت المشلح من على طرف السرير

ولبسته بسرعه وهي توقف وبنيتها تبتعد من غير ماتقول شي ...

ووقفها صوت فهــد وهو يقول بروقان : صباح الخير ..

التفتت له بحده وهي متأكده انها بتشوف السخريه معتليه وجهه الا انها تفاجأت

لما شافت الهدوء يغطي ملامحه بدال السخريه اللي توقعتها ..

ردت ببرود : صباح النور ..

فهــد بنبره هاديه حست انها تستفزها : ليه بعدتي ..؟

سارا ببرود : وليه لازم ابقى ..!!

فهــد وهو يرفع حاجبه : اظن لاني زوجك اولا وغير كذا مو من الذوق انك

تعامليني بنفور ..

سارا ببرود : اها

ورجعت تكمل بنفس البرود : واظن لانك زوجي مامنعتك تاخذ حقوقك الشرعيه

فلا تتوقع مني اكثر من كذا لاني مااقدر ازيف مشاعري اللي انت بالاصل

قلت انها ماتهمك فياليت ماتعاتبني على ردات فعلي العفويه اللي مااقدر اخفيها

ولا اغلفها بغير حقيقتها ...

شافته يستقيم ويترك السرير وهو يتقدم للمكان اللي هي واقفه فيه بهدوء ..

في حين جمدت هي بمكانه بتوتر وبرغبه عارمه انها تدعي الثقه

و تثبت له انه مايقدر يأثر فيها ...

ناظرت فيه بثبات لما وقف قبالها وبداخلها تتسارع نبضات قلبها بشكل يفوق

الوصف ...

شافته ينحني بشكل مفاجأ ويلثم ثغرها بنعومه شديده اسكرتها ..

ورفع راسه ويده للحين على خدها وقال برقه : وانا ماابيك تزيفين مشاعرك

الحقيقيه ياسارا ابد ..

وابتسم لها ابتسامه ذوبتها وبعدها مشى مبتعد عنها متوجه للباب بخطوات

واثقه لين وقفته نبرة صوتها الحاده اللي يملاها الالم ..

سارا : لاتحاول تستغلني يافهــد لاني ماراح اسامحك ابد ...

فهــد وهو يلتفت لها بهدوء : وش اللي متعبك اكثر ياسارا السماح

ولا النسيان فكري بسؤالي زين ياسارا لان الجواب بيخلينا نعرف الطريق

اللي بنسلكه ...

التفتت له بقوه وهي تناظره بحيره شديده وودها تعرف مقصده من ورا

اللي قاله ....!!!



_____________________



في وقت لاحق

وتحديدا في التاسعه والنصف صباحا

في لنــدن

مشت ندى بحديقة الهايد بارك وهي تحس بصراع يدور بداخلها بين رغبتها

انها تتراجع وتسلك طريق يوديها لمكان ثاني غير هذا المكان وبين رغبتها

الثانيه انها توقفه عند حده وتثبت له انها ماهيب خايفه منه خصوصا انها

حاسه بـ الارتياح انه اختار مكان عام ومااختار كوفي شوب اومطعم حيث

بيكون الحاجز الوحيد بينها وبينه هو الطاوله اللي بينهم وبيكون قريب منها

بشكل ماتبيه ....


بس الرغبه الثالثه اللي ارفضت ندى تعترف فيها لنفسها كانت الشوق

اللي مالقت له تبرير لشوفته ونبضات قلبها اللي تزيد كل ماكان قريب منها

حتى قبل لاتنتبه لوجوده والارتجاف اللي يسطير على اطرافها بمجرد

ماتسمع صوته وعيونها اللي تتوه لما تلتقي بعيونه ..

وقفت بـ ارتباك قريب من الكرسي الخشبي الطويل اللي كانت تحسه يغريها

بالجلوس واراحة ساقينها المتراجفتين ...

الا انها ظلت ثابته بوقفتها بعناد وكأن الجلوس بيوضح الضعف اللي كانت

مستحيل تبينه قباله ...

ناظرت بلبسها للمره العاشره وهي تفكر انها احسنت الاختيار لما اختارت

تلبس لبس رسمي مايوحي انها بذلت مجهود خاص عشانه ...

كانت لابسه طقم بالون البيج من تصميم كارولينا هريرا مكون من بنطلون

طويل باللون البيج يعلوه معطف بنفس اللون يوصل طوله لمنتصف الفخذ

يزينه صفين متوازين من الازرار المتوسطه الحجم بالون الاسود ..

وتحته بلوزه هاي نك بنفس اللون ...

وكانت رافعه شعرها بذيل مرتب يتدلا على ظهرها بنعومه ومغطيه عيونها

بنظاره سودا من ( chopard ) ..

نقلت شنطتها بسيرها الطويل من ( chanel ) من كتفها اليمين لكتفها اليسار

بحركه تفضح توترها ...

طلال بصوت رايق : يسعد صباحك مثل مانورتي صباحي ومليتيه سرور ..

التفت ندى بقوه لطلال اللي كان واقف وراها وناظرت فيه بتمعن من خلف

نظراتها اللي غطت نظراتها لاحظت لبسه المرتب وهي تفكر بسخريه انه مهما

لبس مستحيل يقل تأثير وسامته ومظهره الجذاب ...

كان لابس بنطلون جينز بلون فاتح يعلوه كنزه صوفيه بلون بيج تزينها معينات

بلونين البيج والاحمر وله قصة عنق بشكل ( v ) يبرز من تحتها قميص بلون

بيج متلائم مع الكنزه والجاكيت البني القاتم اللي كان يعلوها ...

ندى وهي تحاول تحارب التوتر اللي كان يسيطر عليها تكلمت بحده ...

ندى : لاتفكر اني جيت هنا خوف منك ولا تنفيذ لاوامرك انا جيت بس عشان

اقولك للمره الاخيره بعد عني ولاتحاول تتدخل بحياتي مره ثانيه ...

طلال بهدوء وهو مبتسم : تقولينها صادقه ياندى !!!

ندى بقهر من ثقته : ايه

مد يديه بحركه مفاجأه وازاح النظاره السودا اللي كانت تغطي عيونها

وقال ببرود : مااحب يكون فيه حواجز بيني وبينك لما تحاكيني ...

ندى وهي منصدمه من تصرفه قالت بعصبيه : رجعها مو من حقك تفرض علي

كيف اتكلم معك ..

طلال : انتي داريه ومتأكده انه من حقي ياندى ..

ندى بحده : اكرهك ..

طلال : تكذبين لان قلبك بهذي اللحظه وده لو يتمرد على عقلك العنيد

ويعترف باللي تحسينه صدق .. وعيونك تحارب عشان ماتفضحك ..

ناظرت فيه ندى بذهول وهي تفكر كيف يقدر يعرف كل اللي يدور بداخلها

بكل سهوله وهي تجاهد عشان مايبان عليها شي من اللي تحسه ..

طلال وهو يبتسم وكأنه قرا افكارها : تقدرين تقولين احساسي هو اللي يوصل

لي كل شي تفكرين فيه والمشاعر اللي ودك تحبسينها داخلك عشان مااعرفها

ندى وهي تحاول ترجع سيطرتها على مشاعرها اللي حستها متناثره ..

قالت بخفوت : انت تتخييل اشياء مالها وجود ..

طلال بعد ماناظرها نظره طويله بعدها ضحك بخفه : هههههه واتخيل بعد

يدينك اللي ترتجف وعيونك اللي تلمع وقلبك االلي بيطلع من صدرك من سرعة

نبضاته ...

وقرب منها بشكل مفاجأ ومسك معصمها وثبت ابهامه على الجهه الداخليه

من المعصم وهو يقيس نبضات قلبها المتسارعه اللي ماكانت قادره

تسيطر عليها ...

طلال وهو للحين ماسك معصمها رفع راسها يناظر بعيونها اللي كانت قريبه منه

وقال بصوت خافت : للحين تظنين اني اتخيل ..!!

عجزت ندى عن الرد وظلت ساكته بدون ماتتحرك من مكانها ...

طلال بنفس النبره الخافته : ندى اعترفي انك تحبيني ..

ندى اللي انقهرت من ثقته الزايده ناظرت فيه بحده بدون ماترد ...

كمل طلال بنفس النبره : على العموم منيب محتاج لـ اعترافك لاني واثق انك

تحبيني ...

بهذي اللحظه ثارت اعصاب ندى ومدت يدها بدون شعور وهي ناويه

تصفع وجهه المغرور وتمحي منه نظره الثقه اللي قهرتها ..

الا ان يدها تجمدت بالهوا قبل لاتوصل خده لما مسكها طلال بيده بقوه

وقالها بصوت حاد : انتبهي تعيدينها مره ثانيه لاني ردي ماراح يعجبك ...

نفضت ندى يدها منه بقوه وبعدت عنه وهي تتجاوزه للجهه المعاكسه بدون

ماترد على اللي قاله ...

وقفها صوت طلال اللي قال بثقه وهو للحين واقف بنفس مكانه اللي تركته

فيه : تذكري ياندى الحب ماهو شي نقدر نخفيه للابد ..



مشت ندى بسرعه وهي تمنع نفسها من انها تركض هروب من المكان

اللي يتواجد فيه ويملاه حضوره ....


_____________________

تااابع الباارت الساادس عشر


_____________________



في بيت فهــد الــ ...


قبل موعد الغداء بفتره بسيطه



كانت سارا جالسه مع العمه مشاعل بهدوء بالستينج روم وثنتينهم


يناظرون بالـ tv ويتناقشون من فتره لفتره في البرنامج اللي كانوا يتابعونه


وخلال انسجامهم اسمعوا صوت فهــد اللي دخل الغرفه والقى السلام ...


وقفوا ثنتينهم بمجرد دخوله قرب فهــد من العمه مشاعل وباس راسها بمحبه


واحترام مثل عادته الدائمه ...


الا ان التصرف اللي فاجأ الثنتين وماكان متعود منه هو انه قرب من سارا


وحضنها بحنان كبير واحتضن كفها بين يدينه وهو يطبع عليه قبله طويله ..


خلت سارا ترتبك وتحمر وجنتينها ..


في حين ابتسمت العمه مشاعل بمحبه والاطمئنان يملا ملامحها برؤيتها لتصرف


فهــد اللي يدل على حبه لزوجته ...


توجهوا لغرفة الطعام وفهــد للحين محتضن يد سارا بين يدينه وماتركها


لين استقروا في اماكنهم حول الطاوله ...


الا انه مارحمها من نظراته اللي كانت متركزه عليها طوال الوقت حتى لما كان


يرد على حكي عمته اللي كان قليل طول فترة الغدا ...


ولما انتهوا من الغدا وتوجهوا للستينج روم من جديد عشان يشربون الشاي


فاجأها فهــد للمره الثانيه وهو يحيط خصرها بيده ..


ويقول للعمه بلطف ونبره واثقه : اسمحيلنا يالغاليه انا وسارا بنرقى لجناحنا ..


العمه مشاعل بحنان : خذوا راحتكم ياقلبي ..


سارا اللي كانت مقهوره منه وماهيب قادره تعارضه قدام العمه مشاعل وتحط


نفسها بموقف محرج اضطرت تمشى معه بصمت وهي ودها تصرخ وتخفف


الغضب اللي تحس فيه يتزايد بداخلها


على الموقف اللي حطها فيه وخلاها تنصاع لرغبته بدون مايكون لها راي ...


مشت معه بهدوء ورقوا الدرج بعدها توجهوا لجناحهم وهي تحاول تبعد


يده عنها الا انها ماقدرت ..


لين صاروا بغرفتهم وبعد يده عنها بهدوء وسمح لها تتحرك بعيد عنه ..


وقفت بنص الغرفه بحيث تكون بعيده عنه وهي تناظره بقهر ..


قالت بحده : كيف تحرجني كذا قبال عمة مشاعل ..


جاوبها ببرود : والله انا مااشوف اني سويت شي يحرجك ابد ...


سارا بقهر: واللي سويته قبالها من شوي مايعتبر احراج


فهــد وهو يضحك : هههههههه سارا عمتي مهيب صغيره عشان تنظر للموضوع


مثل ماانتي مفكره فلا تعطين الموضوع اكبر من حقه ...


سارا : لاتحاول تقنعني اني مكبره الموضوع لانها الحين اكيد تظن انك ااا ...


وماقدرت تكمل كلامها بسبب الارتباك اللي سيطر عليها ...


شافته وهو يقرب منها اكثر لين صار واقف قبالها ..


قال بنبره واثقه وهي يناظرها بقوه : اني وشو ..!!


سارا : ااا ..


مد يدينه وقربها منه اكثر وهو للحين يناظر بعيونها بقوه وهي تحس ان لسانها


منعقد من الارتباك والاحمرار اللي اعتلا وجنتينها ...


سارا بصوت مرتجف : بعد عني ..


فهــد بنبره واثقه : مو قلتي انك ماراح تحرميني من حقوقي الشرعيه ابد ..


سارا : اااا ...


الا ان فهــد اسكت جميع احتجاجتها وسيطر على كل حواسها بسهوله ..




________________





في واشنطن



بعد مرور عدة ايام على سفر اهل نواف وعودتهم للرياض كانت نوف بغرفتها تفكر


كيف الايام مرت سريعا ....


ويوم عن يوم موعد عودتهم للرياض وزواجها يقترب كثيرا ..


وخصوصا انها اليومين اللي فاتوا بدت بالتجهيز لزواجها وكانت تطلع مع امها


واليوم قررت انها تجلس بالبيت كانت لابسه ترنق مخمل اسود


من ( Juicy coutur ) ورافعه شعرها على شكل ذيل ..


وبعد لحظات من التفكير قررت انها تطلع من غرفتها نزلت تحت ولاحظت ان باب


مكتب ابوها مقفل وتوقعت ان عنده احد ..


توجهت للحديقه تتمشى لانها تحب المشي بالحديقه بصفه يوميه وقضاء وقت طويل


فيها وبعد مرور ربع ساعه وهي تمشي وسارحه بتفكيرها


قطع عليها تفكيرها صوت امها وهي تناديها : نوف


التفتت نوف لجهة امها لترد عليها ولكنها تفاجأت باللي كان واقف مع امها


نوف بملامح الذهول وصوت خافت بالكاد يسمع : هلا ماما


ام خالد : تعالي بالاول سلمي على نواف


قربت نوف منهم وهي تقول : اهلين نواف


نواف باابتسامه : هلا بك , كيفك


نوف : تمام الحمدلله


نواف : انا مريت اسلم وعشان اخذك معي للسينما


نوف بذهول وعناد : نعم ؟! ومن قالك اني بروح معك


نواف باابتسامه عريضه : خالتي وشرايك


وهنا تتدخل ام خالد : نوف اطلعي بدلي ملابسك عشان ماتتأخرين على نواف


نوف : بس انا مابي اروح


ام خالد بحزم : نواف استأذنا انا وابوك وحنا موافقين


نوف ماقدرت تتكلم اكثر لانها عارفه ان استمرارها بالرفض ماراح يفيد فتوجهت


بهدوء لغرفتها وهي تندب حظها ..


نوف بنفسها : طيب يانواف من اولها حتى اهلي خليتهم ضدي


ام خالد بعد ذهاب نوف : نواف لاتزعل من تصرفاتها بنتي عنيده شوي


نواف : لا ياخاله تطمني بالعكس اللي محببني فيها اكثر هو عنادها


ام خالد باابتسامة : اجل دامك تحب عنادها تحملها الله يعينك


نواف باابتسامة رضى : من عيوني ياخاله لاتوصين


ام خالد : تسلم عيونك حبيبي


وباللحظات هذي كانت بغرفتها وقررت تلبس بنطلون جنز سكيني مع جاكيت كاروهات


زهري وابيض من ( escada ) مع بوت جلدي ابيض يوصل طوله


لركبه من ( FENDI ) ..


نزلت نوف بهدوء بعد ماانتهت من لبسها وتزين وجهها اللي اكتفت فيه بـ احمر شفاه


زهري وماسكارا زادت من كثافة رموشها وتركت شعرها مسترسل على


كتفها بنعومه ..


توجهت للحديقه حيث تركت نواف وامها لما رقت تغير ملابسها والقهر


للحين يملا نفسها من شعورها انها مجبره تطلع معه بدون رضاها ..


لقت نواف وامها واقفين بنفس المكان اللي تركتهم فيه قربت منهم بهدوء


وهي تقول ببرود ...


نوف : انا جاهزه


نواف : اوكي نقدر نطلع الحين عن اذنك ياخاله


ام خالد بحنان : الله يحفظكم


نوف بلطف : باي ماما


ام خالد : فمان الله حبيبتي


ركبوا سيارة نواف بهدوء والتفت نوف للنافذه بصمت بحركه تدل انها ماتبي تتكلم معه


الا ان نواف ماانصاع لحركتها وقال بهدوء : كيف تجهيزاتك لزواجنا


نوف بدون ماتلتفت لجهته قالت بـ اقتضاب : كويسه


نواف بهدوء نرفزها : حلو مثل ماانتي عارفه زواجنا مابقى عليه كثير


نوف بعصبيه مكتومه : عارفه حضرتك قلت لي المره اللي فاتت مايحتاج تذكرني


من جديد بهمي ..


نواف وهو يضحك بسخريه : ههههه معتبره زواجك مني هم يانوف


نوف بسخريه مماثله : ليه انت وش معتبره ..!


نواف بنبره غريبه : اممم معتبره مرحله حلوه بحياتي


بستمتع فيها بترويضك..


نوف وهي تلتفت له بحده : في احلامك بس


نواف : هههه كل شي يبتدي بحلم وبعدها يصير واقع


نوف بعصبيه : الا هذا الشي لانه بيظل حلم ماراح يتعدا مخيلتك


ورجعت تلف للنافذه من جديد بـ اشاره منها ان الحوار انتهى


نواف بخفوت وهو مبتسم : نشوف يانوف


لاحظت نوف ان السياره وقفت وطلب منها نواف تنزل لانهم وصولوا


نزلت معه بهدوء وهي تحاول تترك مسافه بينها وبينه ..


تبعته للقاعه اللي بينعرض فيها الفلم لانهم وصولوا مع وقت عرضه


دلهم العامل على مكانهم اللي كان بالمدرج الثالث بعد الاخير


جلست بهدوء وجلس جمبها نواف ..


وابتدا الفلم اللي تفاجأت انه كان فلم رعب في حين كان اختيار نواف له متعمد


مامر على بداية الفلم وقت كثير لما احتضن نواف يدها بشكل مفاجأ ورفعها لفمه


وظل يطبع علها قبلات متعدده ...


توترت نوف اللي حاولت تسحب يدها بقوه الا انها ماقدرت لانه ماسمح لها


وفضلت تتجاهله وتدعي انها ماهيب مهتمه او متأثره باللي يسويه


نواف اللي عرف نيتها ابتسم بخبث وانتقل لمعصمها يطبع عليه قبالته الدافيه


التفت له نوف بحده وقالت بصوت مكتوم : اترك يدي


نواف بنبره مستفزه : ليه ..!!


نوف بعصبيه : لانك تزعجني


نواف بسخريه : متأكده اني مزعجك


نوف بصوت عالي : ايه


اصدر الحضور اللي جالسين خلفهم همهات انزعاج ورجعت نوف للصمت بـ احراج


وابتسم نواف بـهدوء وهو باين عليه انه مستمتع بالوضع


بعد مرور فتره وهم منسجمين مع الفلم ونوف تحاول تخفي خوفها الشديد من الاحداث


اللي تشوفها وتمنع نفسها بشده من انها تغطي وجهها عند بعض المشاهد المرعبه


التفت بحده لما حست بنواف اللي وقف بشكل مفاجأ


وقفت معه بقوه وهي تمسك ذراعه بيدينها وتقوله بلهفه : وين بتروح ؟؟


ناظر فيها نواف بـيدها بـ استغراب ورد بهدوء : بطلع اجيب بوب كورن


وشي نشربه لاني نسيت اخذ وحنا داخلين ..


نوف بتسرع : بروح معك


نواف وهو يكتم ضحكته : براحتك


قال الشخص اللي كان وراهم بصوت عالي : ارجوكما قررا اذا كنتما تريدان البقاء


ام الخروج لاننا نريد اكمال الفلم وانتما تسببان لنا الازعاج ...


نوف وهي تناظره بعصبيه وكانت بترد بغضب


لما سبقها نواف برد وقال بهدوء :نأسف على الازعاج


وسحبها معه وطلعوا من القاعه متوجهين للمدخل


نواف وهو يطلب لهم البوب كورن التفت لها بهدوء وسألها : وش تشربين ؟


نوف بحده : مابي شي


نواف ببرود : بكيفك


خذوا الاشياء اللي شروها ورجعوا من جديد للقاعه ونوف


تمسكت بذراع نواف بمجرد مارجعوا للقاعه ومشوا بالظلام متوجهين للمكان


اللي كانوا جالسين فيه ..


بعد مااستقروا بمكانهم سمعت ضحكت نواف الخافته


والتفتت له بعصبيه وهي تسأله بحده : ليه تضحك ؟؟


نواف وهو يلتفت لها ويبتسم : ليه ماتعترفين انك خايفه من الفلم اذا خايفه نطلع


ونختار فلم ثاني عادي ..


نوف وهي منقهره من اللي قاله ردت ببرود وهي تتظاهر بالثقه : من قال اني خايفه


بالعكس الفلم حلو مره ..


نواف بسخريه : متأكده ؟


نوف وهي تكرر بنفس الثقه : ايه


ظلوا يتابعون الفلم بهدوء لين جا مشهد ماقدرت نوف فيه تخفي خوفها وصرخت بقوه


وهي تميل على نواف وتخفي وجهها بكتفه


ابتسم نواف ابتسامه واسعه وهو يحتضنها بين يدينه بقوه


وسمع صوت الشخص اللي وراهم يتأفف من جديد من وجودهم وصرخة نوف العاليه


نواف بنبره حنونه : نوف وش رايك نطلع من الفلم


هزت نوف راسها بالموافقه بدون ماترد ووقفت معه بصمت وهي للحين


مخفيه وجهها بكتفه ..


لين طلعوا من القاعه وامتلا المكان حولها بالنور وانتبهت لوضعها


مع نواف وبعدت بسرعه ..


نواف : ههههه ليه بعدتي مكانك كان حلو مره


نوف وهي تناظره بـ احتقار : سخيف


نواف : هههههه حلوه بس لاتعيدينها


ناظرته بقهر والتزمت الصمت


وتوجهوا للمدخل اللي طلعوا منه متوجهين لسيارة نواف


وركبوا بهدوء وعم الصمت بينهم لين وصولوا لبيت نوف


اللي نزلت بسرعه بدون ماتودع نواف وركضت لفلتهم بسرعه


وحمدت ربها انها مالقت احد قدامها لما دخلت وتوجهت للدرج ورقت لغرفتها


اللي قفلت الباب بمجرد دخولها لها وهي مقهوره من نواف بقوه ومنقهر من التصرفات


المحرجه اللي صدرت منها بسبب خوفها


خطر على بالها فجأه انه اكيد متعمد يختار هذا الفلم وحست انها على وشك


تنفجر من العصبيه اللي سيطرت عليها من ذا الفكره


وقررت انها لازم تنتقم منه بـ اقرب فرصه


وتحرجه مثل مااحرجها ..


________________




________________


في نهاية الاسبوع

وتحديدا بسيارة عبدالعزيز اللي

وصلها له السايق للمطار


رجعت ديمه راسها للخلف بقوه وهي تتنهد بضجر .....

عبدالعزيز بحنان : وش فيك ياقلبي ..!!

ديمه بزعل : منقهره ابي افهم يعني لو انك تعبان وماتقدر ترجع تحل لهم المشكله

مهوب كانوا بيحلونها لحالهم ..

عبدالعزيز : ههههه الا

ديمه بعصبيه : طيب ليه مااعتبروا انك تعبان وحلوها بدونك يعني لازم

يرجعونا من شهر العسل عشان المشروع صار فيه مشكله ..

عبدالعزيز بهدوء : وش نسوي حياتي الظروف عاكستنا بس اوعدك اول

ماتنحل المشكله باخذك للمكان اللي تبينه لو تبين نرجع للجزيره من جديد

ماعندي مانع ..

ديمه بتبرم : مابي خلاص ماراح يكون لها نفس الطعم ..

عبدالعزيز وهو يضحك بقوه : ههههههههه ياحبي لك ياديمه تفاجأيني دايم

بـ افكارك العجيبه ..

ديمه وهي تناظره بطرف عينها : وش قصدك ..!!

عبدالعزيز وهو يصطنع الخوف : لاابد مااقصد شي سلامتك ياعمري ..

ديمه وهي تميل عليه وتحتضن ذارعه بمحبه : يعني بتلومني لاني معطيه اهميه

خاصه لشهر عسلنا انا وانت...

عبدالعزيز وهو مبتسم : لاوالله منيب لايمك ..

ديمه وهي تحط راسها على كتفه : هذي مشكلة اللي تاخذ مهندس ..

عبدالعزيز وهو يضحك : قلبي حنا بالسعوديه الحين مانقدر ناخذ راحتنا مثل قبل

لاتنسين ...

ديمه بدلع : والله انت حبيبي وزوجي هنا وهناك وبعدين الشارع فاضي ..

عبدالعزيز : ههههههههه

ديمه وهي تعبس : عزوزي الحين مافيه احد يدري انو حنا رجعنا صح

عبدالعزيز : ايه

ديمه : اوف فشله بنطب على اهلك فجأه وهم ماعندهم خبر ..

عبدالعزيز وهو يضحك بقوه : ههههههههههههه ليه ماتقولين بنسوي لهم مفاجأه حلوه

برجعتنا بدري ..

ديمه : امممم صح

مر الوقت وهم راجعين للفلا وديمه اللي غفت بنص الطريق صحت على صوت

عبدالعزيز اللي ناداها بحنان : ديومتي اصحي وصلنا ..

ديمه بنبره خافته : امممم عزوزي بس بنام شوي ..

عبدالعزيز : هههه ديمه ياقلبي خلينا نرقى لجناحنا ونامي على كيفك ..

ديمه وهي تفتح عيونها بـ انزعاج : طيب طيب

ناظرت حولها بذهول وهي تو تستوعب انهم فعلا وصلوا ..

ورجعت تنزل يدها لشنطتها بسرعه وهي تطلع مرايه صغيره وترتب شكلها

بحركات سريعه وعبدالعزيز يضحك على حركاتها السريعه وهي تضبط الكحل

وتلون فمها بالروج وتزيد من الماسكارا والبلاشر ..

عبدالعزيز بروقان : من شوي مالك خلق تصحين والحين كل هذا النشاط عشان

تضبطين الميك اب ..

ديمه وهي تلتفت له وترمش بدلع : امممم اكيد تبيهم يشوفوني وانا شينه

وحالتي حاله ..

عبدالعزيز : ههههههههه الحين انتي شينه اجل الله يعين قلبي اذا صرتي حلوه

ديمه وهي تبتسم له وترد عليه بخجل : دوب

عبدالعزيز : هههههه

نزلوا من السياره مع بعض متوجهين للمدخل وبما ان الوقت كان بعد العشا

لقوا العايله كلها مجتمعه بالصالون ...

وقفوا كلهم بذهول هم يشوفون ديمه وعبدالعزيز اللي دخلوا فجأه ..

وصرخت سجى بفرح وهي تركض لهم ..

عبدالعزيز وهو يحضنها : مفاجأه صح ..

سجى وهي تضحك : ههههه احلى مفاجأه وربي ..

ولفت لديمه تحضنها ..

وتوجه عبدالعزيز لبوه يسلم عليه ويبوس راسه بـ احترام وبعدها لف لامه وسلم

عليه وباس راسها وهي تحضنه بمحبه وترحب فيه ...

قربت منه لمار اللي كانت تنتظر دورها عشان تسلم عليه ..

وتوجهت ام عبدالعزيز لديمه وسلمت عليها بمحبه وبعدها توجهت ديمه لبو عبدالعزيز

بخجل وهي تسلم عليه وتبوس راسه ...

جلسوا فتره مع اهل عبدالعزيز يسولفون معهم براحه بعد ماقالهم عبدالعزيز

انهم اضطروا يرجعون عشان المشروع اللي كان مشرف عليه قبل لايسافر صار

فيه مشكله واضطروا يطلبونه عشان يحلها ..

ام عبدالعزيز بعد فتره : ديمه حبيبتي

ديمه وهي تبتسم : سمي

ام عبدالعزيز : سم الله عدوك ياقلبي ان شاءالله بكره بسوي لك حفلة استقبال

بسيطه بمناسبة رجوعكم انتي وعبدالعزيز ...

ديمه وهي منحرجه : ماله داعي تتعبين نفسك ماما

ام عبدالعزيز : اذا ماتعبت للغالي وزوجته لمين اتعب

ورجعت تكمل وهي مبتسمه : تعبكم راحه ياقلبي ..

ديمه بخجل : تسلمين ماما ..

ورد بعدها عبدالعزيز : الله لايحرمنا منك يالغاليه

ام عبدالعزيز : ولامنكم حبيبي ..

بعد فتره استأذن عبدالعزيز من اهله عشان يرقون هو وديمه لجناحهم يرتاحون

ابتسموا لهم الاهل وهم يقولون لهم بلطف ياخذون راحتهم ..

رقوا عبدالعزيز وديمه لجناحهم الي عجب ديمه بديكوراته الراقيه والذوق

الواضح بكل لمسه فيه ..

وتبعت عبدالعزيز لغرفتهم الواسعه اللي رما عبدالعزيز نفسه على السرير

بتعب بمجرد مادخلوا لها في حين اتجهت ديمه لغرفة الملابس بخطوات

سريعه وفتحت الخزاين اللي رتبت فيها امها ملابسها لانها ماخذت معها الا الملابس

اللي تحتاجها بشهر العسل وتركت الباقي ...

جلست تفتش بينها بحماس فستان يناسب حفلة الاستقبال اللي بتسويها لها

خالتها ...

وخذت مجموعة فساتين ورجعت للغرفه وهي تقول لعبدالعزيز ..

ديمه بلهفه وهي تعرض له الفساتين اللي معها بحماس : عزوزي وش رايك

البس هذا الفستان ولاهذا ولاهذا محتاره مره ..

عبدالعزيز وهو متمدد بتعب : حياتي مدري ليه تحتارين والخزاين مليانه من

ملابسك غمضي عيونك واختاري واحد منها وانا واثق انه بيطلع جنااااان ..

ديمه بدلع : حبيبي ساعدني منيب عارفه وش اختار ..

عبدالعزيز وهو يتنهد بتعب : ياعمري قلتلك رايي انتي غمضي عيونك

وبيطلع اختيارك احلى من ذوقي وذوقك ..

ديمه بقهر : طيب ياعزيز منيب موريتك الفستان اللي بلبسه ...

مارد عليها عبدالعزيز اللي كان مستغرق بالنوم ...

تمددت ديمه بقربه بعد ماخذت شاور وبدلت ملابسها ونامت بتعب ..



في اليوم الثاني كانت حيرة ديمه في اختيارها للفستان اللي راح تلبسه مازالت قائمه

ناظرت بالفساتين بقهر وهي للحين تفكر وش تلبس ...

سمعت صوت باب الغرفه وهو يندق بعد محاوله فاشله لفتحه ...

عبدالعزيز بحنان : ديومتي قلبي افتحي الباب ..

ديمه بـ ابتسامه خبيثه : منيب فاتحه ..

عبدالعزيز بـ استغراب : ليه ..!!

ديمه : بس ماابيك تشوف فستاني اللي اخترته لحالي ..

عبدالعزيز : ياقلبي وانا قلت منيب مختار معك الا بساعدك اذا حبيتي

ديمه وهي تحط يدينها على خصرها : لاوالله وامس واسألك وانت منت لمي ..

عبدالعزيز وهو يحبس ضحكته : ديومتي ياعمري انتي مااخترتي وقت مناسب

عشان تسأليني سألتيني وانا ميت من التعب ..

ديمه بدلع : مالي شغل المهم انك تجاوبني ..

عبدالعزيز بخبث : طيب حبيبتي كيف بتعرفين ان الفستان حلو بدون ماتسأليني

وسجى ولمار وامي كلهم نزلوا تحت عند الضيوف ...

سكتت ديمه وهي تفكر انه فعلا صادق واقتنعت بكلامه ببرائه ..

فتحت له الباب وهي ملتفه بالروب لانها مابعد قررت وش راح تلبس

بس ماكانت تبي تستشيره لانها منقهره منه ..

عبدالعزيز اللي حضنها بقوه بمجرد ماقفل الباب وراه وهو ينحني بنية

انه يطبع بوسه على ثغرها ...

الا ان ديمه بعدت بسرعه وهي تقوله : عزوزي لاتخرب الميك اب مالي

خلق اعيده من جديد وماعندي وقت اضبطه لاني متأخره ...

عبدالعزيز : لاوالله مالي شغل ترجعين تضبطينه انا اولى منهم ..

ديومه : ياقلبي ياعزوزي المشكله انك ماراح تخربه بنعومه اقدر اضبطها على السريع

بتحوسه كله ...

عبدالعزيز وهو يضحك : هههههههههه

وكمل وهو يغمز بخبث : اجل الوعد اذا خلصت الحفله ...

حمرت خدود ديمه بحرج وبعدت عنه بسرعه وتوجهت لغرفة الملابس

وهي تناظر بالفستان اللي حست انها تميل له اكثر ...

رفعت جوالها اللي كانت تاركته بغرفة الملابس ودقت على سارا بسرعه

سارا : ديمو الحمدالله على السلامه

ديمه : الله يسلمك حبيبتي ..

سارا : من ارسلتيلي امس انك بترجعين وانا ابي ادق عليك بس قلت اخليك ترتاحين

ديمه : لامرتاحه ماعليك بس منقهره منك لانك ماراح تجين اليوم للحفله ..

سارا : والله كان ودي ياديمه بس مصدعه مره وان شاءالله الجايات اكثر ...

ديمه : سلامتك حبيبتي ..

سارا :الله يسلمك

ديمه : سوسو قلبي ابيك تنقذيني بسرعه محتاره مدري وش البس

سارا وهي تضحك : هههههه وش فيكم انت ونوف بنت عمي يوم دقيت

عليها اليوم الا هي حايسه بتجهيزها وتقولي ليتك معي عشان تساعديني

ديمه : اخبارها نوف !!

سارا : تمام ماعليها الله يوفقها ان شاءالله مابقى على زواجها كثير ..



ديمه : الله يوفقها

وكملت ديمه بلهفه : طيب سارا وش رايك البس فستاني ( lv ) الاسود !!

سارا : ايه حلو واتذكر انه كان طالع عليك مره نايس لما جربتيه ...

ديمه : اوك سارا اخليك الحين عشان يمديني انزل تأخرت كثير

سارا : اوك ياقلبي بايوو ..

لبست ديمه فستانها الاسود اللي استقر اختيارها عليه اخيرا واللي طلع شكله

مره نايس مع تسريحتها الناعمه اللي رافعه شعرها كله ..

كان ديزاين الفستان بسيط كان ماسك على الجسم بطول يوصل لفوق الركبه

وله قصة عنق دائريه مرتفعه واللي يميزه كان اكمامه الضيقه بحيث

يزين الكتف اليمين انتفاخ الكم من عند الكتف لمنتصف الزند وبعدها يضيق للمعصم

والكم اليسار اللي يكون ضيق من بداية الكتف ويلتف حول المعصم

بشكل مربعات صغيره تلتف حول بعضها بحيث تشكل حلقه دائريه منتفخه

حول المعصم ...

وبعد مانتهت من لبس شوزها الاسود اللي يتناسب مع الفستان طلعت من غرفة

الملابس ولقت عبدالعزيز ينتظرها ...

وقف عبدالعزيز وهو يناظرها بـ اعجاب شديد ..

وقالها برقه : طالعه جناااان حياتي ..

ديمه بـ ارتباك من نظراته المتركزه عليها : تسلم ... عيونك الحلوه حبيبي

قرب منها عبدالعزيز واحتضن يدينها وهو يقولها بصوت خافت :

امممممم وش رايك نسحب عليهم ونكمل السهره سوا ..

ديمه بـ ارتباك : اااا مدري ..

عبدالعزيز : هههههههههههههه والله اشتقت لها مدري

ورفع يدينها لفمه وباسهم بحنان وبعدها قالها برقه : روحي ياقلبي ضيوفك

ينتظرونك ...



___________________


في بيت فهــد الـ ..

في غرفة سارا


اللي كانت جالسه بغرفتها بهدوء بعد ماقفلت من ديمه ....

قاطع الهدوء اللي كانت جالسه فيه صوت الباب وهو يندق بـ ادب

وقفت ببرود وتوجهت للباب وفتحته وتفاجأت بفازا تغطيها مجموعه من الزنبق

بالون الزهري الرايق مدتها لها الخادمه وهي مبتسمه ..

خذتها منها وهي تناظرها بـ استغراب نزلتها على الطاوله اللي تتوسط الجلسه

اللي في طرف الغرفه وانتبهت للكرت اللي يتدلا منها ..

مدت يدها للكرت وفتحته بفضول شديد ..

وتفاجأت انه ماكان الا دعوة عشاء من فهــد لبكره ..

اللي ماكنت عارفه هل هي مصادفه او فعل مقصود كون تاريخه يوافق

تاريخ اليوم اللي ملكوا فيه بفنيسيا ...

مدت سارا يدها لراسها اللي حست ان الصداع فيه زاد بشكل مفاجأ وهي تتسائل

بحيره وش ناوي عليه يافهـــد ........!!!!!!!


_______________________

نهااية الباارت السااادس عشر


وبنزل الباارت السااابع عشر اذا شفت تفااعل

البــارت الســـا بــع عشـــر

_________________________


في شركة فهــد الـ ...

نزل فهــد القلم من يده بضيق وترك كرسيه ووقف وهو مستغرق بـ افكاره

مشى للجهه الثانيه من المكتب وكل افكاره تدور حولها هي وبس

ســـــــــارا

تنهد وهو يتساءل بينه وبين نفسه اذا كانت بتربط بين تاريخ الدعوه وبين

تاريخ زواجهم في ايطاليا ...

تعمد يختار هذا التاريخ بالذات والسبب انه حب يوضح لها رغبته ببدايه

جديده ينسون فيها كل اللي صار ...

او يمكن السبب يكون انه يبي يوصل لها بطريقته هذي انه مانسى

هذا اليوم ابـــــــــــد ....

تنهد من جديد بعمق وهو يجلس على الصوفا وترك العنان لذاكرته تاخذه لبعيد

لذاك اليوم اللي تمت فيه ملكته على سارا ..

غمض عيونه وهو يتذكر الصراع اللي كان عايشه بين انه يترك كل شي

ومايكمل اللي كان مخطط له وبين انه يكمله اللي ابتداه للنهايه

ابتسم لما تذكر كيف اختفى الصراع كله بمجرد ماشافها

تدخل مع ابوها لمبنى السفاره اللي كان ينتظرهم فيه لحظتها ناظر فيها وعيونه

ماعادت تشوف المبنى اللي هو فيه ولاالناس اللي من حوله

ماعادت تشوف الا هي ..

والتقت عيونهم وقتها ابتسمت له والاحمرار يكسوا ملامحها ونزلت عينها بسرعه

ظلت عيونه تتاملها وهي تقرب من المكان اللي كان واقف فيه ..

وكل اللي يفكر فيه ....

انه يبي هذي الانسانه تكون زوجته لاخر عمره


يبي يكون له الحق يلمس ايدينها ويحتضن بيدينه الاحمرار اللي يملا وجنتينها ويتحسس

نعومة بشرتها ويغرس يده بعمق شعرها

وتكون نظراتها وهمساتها ولمساتها ملكه وحده ..

بعدها تمت الملكه وهو يحس انه للحين تحت سيطرة المشاعر الغريبه اللي تملكته

لين سمع صوت ابوها وهو يبارك له والابتسامه مرتسمه على ملامحه

وقتها حس انه صحى من اجمل احلامه ورجع بقوه للواقع ..

رجع يفتح عيونه وهو يحاول يتناسى ابوها وكل اللي صار ومايفكر الا بسارا

مثل ماقرر ...

خذا نفس عميق وبعدها ناظر بساعته تفاجأ ان الوقت تاخر مره وانه قضا

الساعات اللي فاتت بدون مايحس بالوقت ...

وقف وتوجه لباب المكتب وطلع وشاف السكرتير للحين بمكتبه مع انه دوامه انتهى من فتره

طويله ...

فهــد بـ استغراب : سعد ليه ماطلعت ..!!

سعد بـ احترام : قلت يمكن تحتاج شي طال عمرك ...

فهــد : تسلم تقدر تروح الحين ..

سعد : تم طال عمرك ..
توجه فهــد لسيارته بعد ماطلع من اللفت ...

كانت افكاره سارحه طول الطريق للفلا لين وصل للفلا ونزل من سيارته

متوجه لباب المدخل ..

دخل للفلا اللي كان يعمها الهدوء مشى للدرج ورقى لجناحه ..

دخل للجناح ومشى لمنتصف غرفة الجلوس ووقف يناظر بغرفته هو وسارا

ناظر بالباب فتره وبعدها لف وتوجه لغرفته القديمه وقفل الباب وراه بهدوء ..

سمعت سارا صوت باب الغرفه الثانيه وهو يتقفل وهي محتاره

ومنشغل بالها بنوايا فهــد اللي عجزت تفهم تصرفاته ...
________________________


في واشنطن

بعد مرور عدة ايام على آخر لقاء لهم

و طول الايام اللي مرت كانت نوف تفكر كيف تحرج نواف بعد آخر مره وبينما كانت سارحه

باافكارها خطرت ببالها فكره ...

واخذت موبايلها ودقت على ميرنا وماهي الا لحظه حتى وصلها صوت ميرنا

ميرنا : اهلين وسهلين

نوف : اهلين كيفك

ميرنا : منيحه وانتي

نوف : تمام

ميرنا : شو مبين من صوتك انو عندك شي

نوف : ايوا وشرايك نتعشى برا اليوم

ميرنا : انا مع جويل

نوف : طيب قولي لها تجي معنا

ميرنا : اوكي

نوف : خلاص اتفقنا وراح امركم

ميرنا : اوكي باي

نوف : باي

قفلت نوف الخط ومسكت موبايلها وهي تبتسم ودقت على نواف

نواف : هلا والله

نوف : هلابك

نواف : كيفك ياحلوه

نوف : تمام وانت

نواف : انا من شفت رقمك وانا بخير

نوف : شكرا

نواف : عفوا

نوف : انا داقه اعزمك عالعشاء اليوم

نواف : لا شكل امي داعية لي اليوم اسمع صوتك وبعدها تعزميني

نوف : ايه شفت كيف

نواف : اجل اكيد انتي اللي بتطبخين العشاء ياحياتي

نوف : لا لا العشاء مو بالبيت برا

نواف : احلى بعد وين فيه

نوف : امممم وشرايك نتعشى ايطالي

نواف : انتي تامرين امر لو تبين ياباني ماعندي مانع

نوف : لا الله يخليك لاتحوم كبدي

نواف : ههههههه ياحياتي حتى انا مااحبه

نوف : طيب اجل اشوفك بمطعم Aria Tratoria

نواف : يعني ماتبيني امرك ونروح سوى

نوف : لانتلاقى هناك

نواف : اوكي ياحلوه

نوف : باي

نواف : باي

بعد مرور ساعتين كانت نوف تنهي لبسها بعد مااستأذنت من اهلها

لبست فستان شتوي قصير بيج من ( Alviero Martini )

ورفعت شعرها بعد مانتهت من رسم ملامحها ب ميك اب بسيط يبرز جمال وجهها

وبعدها لبست معطف احمر من (KENZO)

يلتف حول رقبتها بشريطه وتنزل منه قبعه على رقبتها من الخلف ومفتوح من الامام

واخذت شنطه كلاتش وطلعت من البيت متوجهه لبيت ميرنا

وهي بالسياره دقت على ميرنا

نوف : الو اهليين

ميرنا : ياهلا

نوف : يالله انا بالطريق جايه

ميرنا : شو جايه بك

نوف : ايه يالله لاتتاخرون

ميرنا : اوكي

وبعد ماقفلوا الخط ابتسمت وهي تقول بنفسها لازم اوصل قبلك يانواف

وبعد ماوصلت لبيت ميرنا وركبوا معها توجهوا للمطعم وبعد وصولهم للمطعم كانت عينها تجول المكان

وتتأكد من عدم وجود نواف ولمن تأكدت شالت البالطو وتوجهوا للطاوله المحجوزه لهم

وبعد دقايق من جلوسهم وبعد مااختاروا من المنيو اخذ الويتر طلباتهم

وبعد مرور ربع ساعه ونوف والبنات يسولفون انتبهت ميرنا للي دخل المطعم باللحظه هذي

ميرنا : نوووف شوفي من فات عالمطعم

نوف باابتسامه وبدون ماتلتفت : مين

ميرنا بذهول : نواف

وباللحظه هذي كان نواف يدور عليها ولمن انتبه لوجود ميرنا انتبه للي جالسه قبالها وبدى يحس

ان الموضوع فيه شي

توجه للطاوله اللي جالسه عليها وهو شايل بيده زهره توليب حمراء

ولمن قرب من الطاوله

نواف : مساء الخير

نوف اكتفت بابتسامه وميرنا وجويل ردو عليه : مساء النور

نوف تعلن عن انتهاء الصمت : اهلين نواف وش هالصدفه

نواف وهو يرفع حاجبه : صدفه اجل

ميرنا تحاول تلطف الجو اللي حست بتوتره : عن جد رب صدفه خير من الف ميعاد وهلا صار وقت

نفل انا وجويل ونخليكم تاخذوا راحتكم

نوف : لا وين رايحين حنا جايين نتعشى سوى ونواف بالصدفه مر من عندنا

نواف : ايوا خلكم مايحتاج وكملوا عشاكم انا ماشي

نوف باابتسامة انتصار يقطع عليها صوت نواف وهو يقدم لها الزهرة اللي بيده

نواف : تفضلي

نوف تمد يدها بتردد وهي تقول : شكرا

نواف : عفوا , يالله عن اذنكم انا ماشي مع السلامه

نوف اكتفت بالصمت وميرنا وجويل : الله معك

وطلع من المطعم

ميرنا بعصبيه واضحه : نوووف يامجنونه شو ياللي عملتيه

نوف : ماعملت شي خلينا نتعشى بس

ميرنا : وبدك تتعشي كمان بعد اللي صار

نوف : وش اللي صار انتي مكبره الموضوع صدفه وانتهت

ميرنا : صدفه لكاان انتي على بالك نحنا مافهمنا اللي صار

نوف : طيب عادي

ميرنا : الزلمه جاي وشايل باايدوه توليب


كرمال عيونك وحضرتك بتتصرفي معه باسلوبك البايخ نوف : بكيفي

جويل : نوف انتي عارفه شو معنى الزهره معناها عم بيئلك ان حبك لايقاوم

نوف : هههههه ضحكتيني

ميرنا : ايه اضحكي لكن مفكره عم تضحكي علينا لا يانوف انتي عم تضحكي على حالك ولعلمك انتي كمان

بتحبيه وعم بتكابري

نوف : نعم وش جالسه تخربطين انتي

ميرنا : لا ماعم خربط انا وانتي عارفه

نوف : اوووه بنتعشى ولانطلع ازين

ميرنا : براحتك

ويقطع عليهم وصول الويتر بااطباق العشاء

نوف : خلاص خلونا نتعشى وننسى اللي صار

ميرنا : هيك بكل سهوله

جويل تحاول تهدي الوضع : خلاص ميرنا نوف كبيره وبتعرف مصلحة نفسها وخلينا نتعشى كلنا

ويعم الهدوء اثناء تناولهم للعشاء وبعد ماانتهوا توجهوا للخارج بعد مالبست نوف المعطف وغطت راسها

بالقبعه بعد ماحست بالهواء البارد يلفحها بقووه

وماخلاها تنتبه للشخص الجالس على احدى الطاولات اللي برا

تقدم بخطوات ثابته ليقترب منها وهو يناديها

نواف : نووف

تفاجأت لمن سمعت صوته ولفت وشافته واقف قبالها

______________________________



عوده للمملكه

وتحديدا

في بيت فيصل الـ ...

(وعند حلا اللي مرت عليها ايام وهي تعاني من المرض

وماتصحى الا فترات بسيطه وترجع لفقدان الوعي )


فتحت حلا عيونها بصعوبه وهي تناظر حولها بخوف ...

لاحظت بـ استغراب انها متمدده على السرير بغرفة فيصل استقامت بجلستها

ورجعت تناظر حولها بتوتر في محاوله منها انها تتأكد انها فعلا بجناحهم

هي وفيصل وماعادت محبوسه بغرفة الغسيل ...

وبمجرد مااتذكرتها تملكتها الرجفه ورجعت تحس بشعور الاختناق

ضمت ركبتينها لصدرها وهي للحين ترتجف

وانفاسها تتسارع بشده ...

فيصل اللي تو كان طالع من غرفة الملابس بعد مااخذ شاور

وغير ملابسه ..

شاف حلا وهي وترتجف وتتنفس بسرعه كبيره واتجه لها بسرعه

جلس قريب منها وضمها له وهو يحاول يهديها ..

فيصل بحنان : حلا قلبي بسم الله عليك ..

ظل فتره وهو ضامها ويقرا عليها وهي على نفس جلستها ومستمره ترتجف

وتمتم بصوت واطي ..

قرب فيصل منها اكثر في محاوله منه انه يفهم تمتمتها

وكل اللي فهمه انها للحين تتخيل انها محبوسه بغرفه الغسيل

وتترجا احد يفتح لها الباب ...

غمض عيونه بقوه والالم يعتصره على الحاله اللي هي فيها

مد يدينه ليدينها اللي تطوق فيها ركبتها وفكها بلطف ..

وبعدهارفعها بخفه وجلسها بحضنه وهو يضمها بين يدينه بقوه اكبر لصدره

ويطبع قبلاته الحانيه على شعرها وجبينها ...

لين حس برجفتها تهدا وتنفسها يرجع لحالته الطبيعيه ...

لاحظ ان نظراتها تتجول على انحاء الغرفه وكأنها تتاكد انها فعلا فيها ..

وفجأه رفعت راسها وناظرته وامتلت عيونها بالدموع ..

وتمتمت بعدم تصديق : فيصل ..

فيصل بحنان : ياعيونه

رمت نفسها على صدره وضمته بقوه بمجرد ماسمعت صوته ..

حلا بصوت مرتجف : لاتتركني لحالي ..

وكملت بصوت باكي : انا كنت خايفه مره ناديتك كثير وانت مارديت علي

وضربت الباب بقوه ابي احد يسمعني لين وجعتني يديني وماعاد قدرت احركها

ولااحد سمعني ...

مسك فيصل يدينها وناظرهم متورمين ولونهم متغير ..

ورفعهم لشفايفه يغرقهم بقبلاته المتتاليه ..

وبعدها رفع وجهه وناظر بعيونها بحب كبير ....

بادلته النظره بعيون دامعه وبعدها فاجأته وهي تنزل راسها ليدينه

اللي تحتضن يدينها وتطبع عليهم بنعومه قبلاتها ..

ناظر فيها بذهول ..

وهو يفكر كيف نست الجرح اللي جرحها اياه بمجرد ماعاملها بحنان

ورجعت تناظره بنفس النظره اللي حس انه بيموت لما ظن انه فقدها ...

في حين بادلته حلا النظرات بخجل ..

مااخفى مشاعرها الصادقه اللي رغم كل شي ظلت ملك لفيصل

يحركها مثل مايبي ...

وعجز عقلها يسيطر عليها اوحتى يغيرها رغم الجرح

الكبير اللي عانته من فيصل ...


حلابنبره ذايبه : فيصل انا ...

الا انها ماقدرت تكمل اللي كانت تبي تقوله لما امتدت يد فيصل لفمها

تسكتها بلطف ...

فيصل بوله : مشتاق لك ياحلا ...

لتنقطع لغة الكلمات وتحل محلها لغه اخرى تاق اليها قلبان مغرمان

اضناهما الفراق وادماهما الحقد ...