ترررن .. ترررررن
- الو
- الو .. ايوة يا حبيبتي
- حبيبتي!! .. انت مين
- انا حنفي يا سوستي
- سوستك !! حنفي !!حبيبتي !! لأه .. لأه .. لأااااااااااااااااا
يا ساتر يا رب .. كان حتة كابوووووووس
قال حنفي قال ^_^
-------
هو ايه الحاجة الغريبة اللي شوفتها في الحلقة اللي فاتت؟؟
اااااااااااااااااااه .. افتكرت
شفت قطة ترضع صغيرها
اعذروني يا جماعة انا مش عندي قطط في البيت زيادة علي انها مش عند حد من قرايبي .. فلم اري بحياتي مثل ذلك
يا تري احنا كنا بالبراءة دي واحنا صغيرين ؟؟ طب ليه اتخلينا بسهولة عن برائتنا ؟؟
علشان شهوات الدنيا .. والطمع في اي شئ واحيانا في كل شئ
اللي بتتخلي برائتها علشان تكون الاجمل او الافضل او الاسبق .. وكذلك الشباب
ورغم اني مبحبش القطط .. الا ان المنظر ده شدني جدااا
كان الجو بررررد اووووي .. والقطة الام شكلها بتترعش من البرد .. ونايمة علي جمبها
وبأيديها ورجليها بتحاول تحضن طفلها علشان تدفيه
ومستخبية تحت كيس كان مرمي علي الارض .. سبحان الله .. قادرة تتصرف في عز البرد
مش البني ادمين لوحدهم اللي بيفكروا يعني ^_^
ياريت كان معايا كاميرا .. مكنتش هعدي المنظر ده ابدا
بصراحة قلبي اتوجع .. واتمنيت يبقي لي طفل اخاف عليه اوي كدة
بس رجعت وفكرت ... ماهو علشان يبقي فيه طفل .. لازم يبقي فيه حنفي
للللللللأ برضو .. مفيييش حنفي ^_^
-----
اصل كل حنفي غدار .. ولازم ينضرب بالنار
اللي بينا كابوس ياعم .. خلاص عدي وغار
وهتبقي حكاية عبرة .. ولا عبرة الاشرار
ومهما تعمل يا حنفي .. هنفضل قط وفار
:d
------
وسيبتهم ومشيت .. ولمحت من بعيد
اتنين حبيبة علي صخرة .. والباشا حاططها كلها تحت دراعه .. وهو كبيييير (حجما) وهي صغيرااااااااااااااا .. ماشاء الله البنت مش باينه فيه )
لما قربت بصيت ناحيتهم تااني .. لقيت سنهم صغير .. وشكلهم لا متجوزين ولا حتي مخطوبين .. يعني حوالين ال 18 سنة بالكتير
لما وصلت .. اتصدمت
لقيتهم قاعدين علي صخرة .. لازقة في صخرة مكتوب عليها ..من هدي النبي صلي الله عليه وسلم .. لايجوز للخاطب ان يمسك يد خطيبته !!
وهم شايفين اللافته دي
وقفت في مكاني من الذهووول .. وحسيت كأن حد دلق علي دماغي جردل مية ساقعة وفيها قطع تلج
هو يعني علشان لقي ان مسك ايديها حرام .. يقوم يحطها كلها تحت دراعه
فعلا البنت صعبانة علية .. مش حاسة ان لو كان فعلا بيحبها كان هيحس ان كرامتها من كرامته .. ومينفعش يهينها بعين اللي رايح واللي جاي .. ولاينفع ميغيرش عليها من عيون الشباب بلبسها ده !!
امري لله .. مضطرة اكمل الطريق ..
ولما سيبتهم افتكرت حاجة غريبة اوي
يتبع <<
Hitskin.com
