يا حنفي تعالي الحقني شوف اللي جرااااالي ترلم لم لم لم .. من وشك ....
:d
قبل ما ابدأ كلامي حبيت اقول حاجة
مش معني إنسان ملتزم انه ملتزم في كل شئ .. و عمر ما كان المظهر والامر بالمعروف والنهي عن المنكر دليل علي نقاء الجوهر
والا كان بقي لينا في حاخامات اليهود اسوة حسنة
(( أتأمرون الناس بالبر وتنسون أنفسكم وانتم تتلون الكتاب .. أفلا تعقلون )) سورة البقرة
بس ده مش معناه ان إحنا نحط قاعدة .. ان اي إنسان ملتزم وبيأمر بالمعروف وينهي عن المنكر يبقي منافق
ده كده هتبقي بزراميط يا حلوين
:d
------
المهم .. نكمل بقي
لقيت بعيني اتنين حبيبة من بعيد .. شكلهم رااائع
واقفين علي صخرة ..و عينهم متعلقة ببعض جدا .. وماسكين ايد بعض .. وشكلهم بيحب بعض اوووي
وقاعدين يمرجحوا ايد بعض .. كأنهم بيلعبوا كلوا بامية
بصراحة بدات اضعف من جمال منظرهم .. وفيها ايه يعني لما اعيش لحظة رومانسية مع زوجي قصاد العالم !!
للأسف الغلط احيانا بيكون مغري .
لا انكر انني تمنيت ان اكون مكانها في هذه اللحظة فقط .. بس اكيد مش مع اي حد يعني لأني مش اي حد لامؤاخذة
انا مريم ومش هحب غير زوجي ... احم احم .. مش خطيبي .. لأ .. زووووووجي وبس .
ولكن .. هل هذا هو الحب ؟؟
طرحت هذا السؤال علي نفسي ..
الحب!! ماهو؟
ثم اجبت..
ذاك هو الذي يدفئ قلبك .... عندما يرتجف جسدك من البرد
هو ان تتمني ان تري احدي عينيك في غيرك ... ايثارا علي نفسك
هو ان تُطرب اذنيك لدعاء .. دعاه احدهم من اجل حبيبك .. ويطمئن قلبك بقول آمين
هو ان تدمع عيناك ويفرح داخلك .. وتفقد الكلمات .. وتسجد شكرا لله فلا تنطق بغير البكاء
هو ان تشتاق لما يشتاق اليه .. اكثر من شوقك لما تشتاق اليه
هو ان تسعد لسعادته في غيابه .. وترضي اذا كان راض
هو ان تكون في مقدمة حياته وعلي رأس قوائمه ... فذا اجبرك علي ان تفر منه
تعود الي الصفوف الخلفية ملثما .. علي وهنك وقلة حيلتك .. خشية ان يُصاب .. فتفديه
هو ان تتمني سعادتك معه وتؤثر عليها سعادته في غيابه عنك .. ان اراد
هو ان تشعر به .. رغم بعد المسافات .. ولا اعتبار للمسافات
هو ان تقسم ليلك شطرين .. شطرا لتراه بأحلامك .. وشطرا لتنتظر وتدعو له
هو ان تقف امامه .. لتقول كلمة واحدة .. فيأبي لسانك ان ينطق الا اسمه
هو ان تري بين عينيه موطنك
وتتمني ان تقف بين يديه .. لأنك ستكتشف انه
هناك صلوات .. لم تصليها بعد
سرحت غصب عني .. فيهم .. ولما قربت منهم !!!!
ولما قربت منهم اكتر لقيته ميييييييين .. قال وانا اللي كنت بدافع عن الرومانسية في الطريق العااااااااااام !!
مش معقوووووووووووووووووول !!
