السلام عليكن يابنات اقدم لكن هذه القصائد
لاتعتذر
تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي ووجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب ماانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يو***ي ..انا نسيتك واطلب منك تنساني
================
وجه المرايا
غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا ا***ى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها
================
خيط الامل
من عافته نفسك ترانا نعافه
أنا على شفك وخذني على الكيف
من الوصل تقصر عليك المسافه
أقرب من المتكي على معنز الضيف
نفسٍ يموت بها الرجا.. يا حسافه
أضعف من الشعره على مقطع السيف
واللي قضب خيط الامل..لا وشافه
حظه يقوم أقداذ من غير تكليف
انت الذي برقه علينا كشافه
البرق والهتان جا عقبه الطيف
===================
خيط الولع كلمات اشعار رقيقة 2013 كلمات
طرف جفن عيني لمكحولة العين عين ايقظت فيني من الشوق ما كان
خيط الولع خلاني اتبعك يا زين وخيطٍ جذب في خاطري حد وجدان
راح الفكر ينظم من الشعر بيتن شافه بنظم الشعر مرسوم الاعيان
شفت الحلا فيها يوصف بوصن وصف الحسن وصف يبين لها شان
يا ظالمة غظي من الطرف تكفين من قبل عين النفس تطوا بالاكفان
يا ماخذه قلبي بكفك على وين يومي معك شفق ولا ذقت سلوان
الله وأكبر لو لي معك وقتين وقتٍ تعيش بك حلو الازمان
وقتٍ نهاره ليل والعين بالعين أسهر ونزمي ما يعارض بالاجفان
أسهر بليلي والقمر وجهك الزين منور حلا يكسف حيا غادي ألوان
فيني من الوجدان واشوق حملين عسى خفوقي يشمله منك الاحسان
===================
