الكيك الأسفنجي بصلصةالكاكاو وجوزالهند..
كيك لذيذ ومحترم ويقدم بكل ثقة للضيوف وما ياخذ وقت إذا
عندج الكيك الأسفنجي الجاهز (مال العلب) وسويه على حسب
طريقة العلبة.. ثم صبيه في صينية مستطيلة عشان نقطع
الكيكة بعدين مربعات .. إلى أن تخلص الكيكة ممكن
تشتغلين في الصلصة أو في طبق آخر..
الأن بعد ما تخرجين االكيكة من الفرن خليها تبرد قبل ما
تقلبينها على طاولة ا لمطبخ.. وفي هذه الأثناء تعالي
نشتغل في الصلصة:
المقادير:
2 م ك كاكاو مسحوق
1 كوب سكر مطحون
ثلاثة أرباع كوب ماء
وأخلطي المقادير جيدا في حمام مائي حتى تصبح الصلصة لامعة..
وخليها تبرد إلين ما تقطعين الكيك..
خذي قطع الكيك وغطسي جزء من كل وجه مربع في الصلصة يعني
لا تغطسينها كلها في الصلصة بس مسحة أو غطسة خفيفة من كل
جنب بحيث من فوق تكون بنية ومن الداخل تكون بيضة
ثم حطيها شوية في المصفاة .. ثم قلبي القطع في جوز الهند...
اتمنى تعجبكم وصفتي
