صحيت الصبح على صوت اختي لمى وهي تقول : يوسف مارح تقوم يعني ؟
رفعت راسي وكانت واقفه عن الباب وتناظرني ، مسكت لحافي وتلحفت وغطيت
راسي ورجعت بكمل نوم ... تقدمت نحوي وسحبت لحافي بعصبية وناظرتني
وقالت : يوسف ! متى بتقوم اول مره اشوف واحد م يتحمس لزواجه !!
حطيت راسي ماعطيتها تهمام وفجاه صحيت بطريقة مفزعه من سريري
وقلت : عبير راحت !!؟ هم راحو ولا توهم !!؟ بسرعه انا وعدت عبير اني بوصل قبلها هناك !!
ردت لمى باستغراب
وقالت : بزران انتو ؟ تتحدون من يوصل هناك اول ؟ اخلص بس عشان ابوي يبينا نجي اليوم ...
-
قمت من نومي وتوجهت للحمام وغسلت وجهي وبعدها توجهت للمطبخ عشان
افطر وجلست على طالوة الطعام .. كان الكل متجهز ملاك كالعاده ماسكه دفتر
يومياتها الوردي وتكتب وش قاعده تسوي الحين ومخططه تكتب رحلتنا كامله
ومستحيل تفوت شي ما تكتبه وسلطان كعادته ياكل وتفكيره كله مع الي كان يحبها
وماتت ، اما لمى كانت تجهز الاشياء الي بنحتاجها بالطريق من قهوه وتمر
والخ ... ، نزلت تحت عند امي سالتها اذا بتروح معنا اليوم ولا لا لان زواجي
يوم الخميس والي راح يكون بكرا
قلت لامي : يما بتروحين معنا اليوم ؟
ترد علي وتقول : لا يوليدي بروح مع خالك بكرا ، كل خالاتك بيروحون معه ،
قلت : يعني يما م بتجين معنا ؟
قالت : لا بجي بكرا مع اخوك ممدوح مع خالك العصر
قلت : خلاص اجل نشوفك على خير يما توصلين بالسلامه
قالت : الله يسلمك ، مع السلامه يوسف
قلت : مع السلامه
طلعت من عند امي وتوجهت لغرفتي فوق وسالت اخواني اذا هم جاهزين ؟
وكانو كلهم جاهزين لكن سلطان ماكان موجود !
سالت لمى وين سلطان ؟ وين راح ؟ هذا وقته يروح واحنا بنمشي !!
ردت وقالت : مدري وش فيه ططلع بدون لا يقول شي ولا يعطي خبر ،
اكيد انه مراح يطول انتظره لحد مايوصل ... جلسنا ننتظر سلطان وطال الانتظار
.. اتصل علي "عمار" اخوي عبير الساعه 1:30 الظهر
عمار : هلا يوسف اخبارك ؟ عساك بخير ؟
يوسف : الحمدلله بخير وانت اخبارك ؟
عمار : الحمدلله بخير ، ترا طلعنا قبل شوي عشان بنمشي للقريه انا بجي مع اختي
عبير واخوي ماجد وبالنسبه لابوي رايح للقريه من 3 ايام لان جدي تعبه زاد واخذ امي معه
يوسف : مايشوف شر ، زين نشوفك ع خير اجل انا انتظر سلطان مدري وين طلع اذا جاء بنمشي ، مع السلامه
عمار : مع السلامه
.......
