اهلًا ..
اوه نسيت ، اسم الموضوع غريب صح ؟ لكن فعلًا يعبر عن مشاعري !!
كالعادة ومثل أي وقت بعد مدة طويله اتذكر احلى بنات المكان اللي كان يحمل كثير من ذكرياتي
واللي تعرفت فيه على صديقات مازالوا معي الى هاللحظه
انا عضوة قديمة جدًا قرابة الـ 8 سنوات عاصرت الكثير وعشت الكثير هنا لذلك املك المعزه لأحلى بنات
طبعًا ماكنت بهذا الحساب ..
عمومًا غرض هالموضوع مو هالشيء لكن ابي اوضح لكم مشاعري لأني من قلبي اتمنى هالمنتدى
يواصل في انه قبل اي شيء يكوّن صداقات ثمينة "الغرض الاساسي منه"
واتمنى تاخذون رغبتي هذي على عين الاعتبار ..
انا رغم كل زياراتي المتقطعه للمنتدى ، ادخله عشان اشوف شخباره بس ايش مسوي ؟
كانت زياراتي كلها اطلع منها واقول "مازالوا ماسوو شيء جديد ، مستحيل يرجع زي قبل ، المنتدى مات ، ماراح يتطورون ، كيف كان وكيف صار" !
لكن هالمره انصدمت جدًا ادخل والقى موضوع التغيير اللي حصل بالاقسام والرتب وغيرها
شفت فيه رغبه منكم للتغيير ولاحظت انكم تطمحون للتطور اكثر !!
انا فعلًا ابي هالمنتدى يستمر على هدفه لذلك طرحت موضوع قبل مده باقتراحات كثيره جدًا
لكن الرد عليه كان الرفض وانا يوم قرأت رد "الادارة" وقتها تحطمت آمالي في هالمنتدى انه يتطور رغم ان ردود البنات كانت مؤيدة جدًا
وقلت بالنهايه بيموت ومحد راح يبقى بهالمنتدى
الموضوع هذا http://www.anmi9.com/t255855-topic
"اتمنى تشوفون كامل الموضوع"
طرحت اقتراحات كثيرة بأكثر من رد .. كانت فيه رغبه مني انه احلى بنات يتطور
انا اعرف كيف كان احلى بنات القديم واعرف انه يستحيل يرجع نفس قبل
لكن العالم يتغير وربما اذا المنتدى واكب هذا التغيير راح يرجع نفس زمن احلى بنات الجميل ..
ما استسلمت وبرجع اطرح نفس اقتراحاتي مره اخرى لكن بوقت مختلف
يمكن يختلف الرد ..
فكرتي ان احلى بنات يتجه الى مواضيع جميلة ومناقشات وسوالف ممكن تجذب الفئه اللي مهتمين
بالانمي - الكيبوب - الكيدراما - وغيرها
ونخلي هالمنتدى ساحه كبيرة جدًا لهذي المواضيع ، لأن الآن الجميع يود بطرح افكاره
ومشاركتها مع الكل ، يعني الكل يبحث عن وسائل يشارك فيها افكاره مع الناس اللي مهتمين بنفس الاهتمامات
وانا اتمنى هالمنتدى يكون هو المكان اللي يأوي هالاشخاص
مازال احلى بنات بالقمه من هذي الناحيه ، لكن حاليًا ما اشوف هذي المساحه
او انها لا تلتقي الكثير من الاهتمام او التنظيم ، غير بارزه
مو شرط يكون المنتدى مواضيع + ردود فقط واحيانا "علبة دردشة"
اتمنى وصلت الفكرة ..
واشكركم جميعًا وجميع ادارة احلى بنات
وانا لا اتمنى الا الافضل لكم !!
