قصة بويات من قصص الواقعيه

وله: شتبين؟؟؟
رنيم: سالتج سؤال.... جاوبيني!!!
وله: شنو؟؟ ما سمعتج!!
رنيم: وله!!
وله: اوهو خير؟؟؟ نعم؟؟ آمري!!!
رنيم: اوكي ما سمعتيني؟؟ بعيد سؤالي... مقتنعة بالي تسوينه؟؟؟
وله التفتت على رنيم.. و طالعتها بعيون كلها تحدي...
وله: طبعا مقتنعة...و 100% بعد!!!
رنيم انصدمت من طريقة وله... بس كملت كلامها...
رنيم: انزين..و شنو النهاية..لي وين بتوصلون؟؟؟؟
وله:...................
رنيم: ردي لا؟؟؟
وله: و بعدين معاج..ذبحتيني..ان ما يزتي عني بقول حق أمي عنج!!!
رنيم: لا وله!!!
وله: والله بس شاطرة تنصح الاوادم...يبه روحي نصحي روحج قبل!!!!
رنيم: وله أنا وضعي غير!!!
وله: لا والله شلون غير؟؟ تحبين واحد!!!
رنيم: واحد مو وحدة!!! ما فكرتي شنو بتكون نهاية علاقتكم؟؟؟

وله: ...........................
رنيم: ردي لا؟
وله: اوهو ممكن تفارجين؟؟؟ الساعة صارت ست وانا ليحين ما برزت و دلول الحين بتوصل!!!!!!!
رنيم: على راحتج!!! أمي تدري أنج بتطلعين؟؟
وله: تدري! في شي بعد؟
رنيم: سلامتج!!
وطلعت رنيم من الغرفة مقهورة........
وله كملت لبسها....وطلعت!!!!

************************************************** ******************

في السينما بعد ما خلص الفلم...
وله: وااااااااي أيا على البطل شلون دخل السجن,, وضحى بكل شي بس علشان حبيبته!!!!! دلول بتضحين يوم من الايام عشاني؟؟
دلال:...................
وله: هلو! دلول وين رحتي؟؟؟
دلال: هلا! ما رحت مكان حياتي!!!
وله: ما جاوبتيني...
دلال: على شنو؟
وله: هل ممكن انه تضحين في يوم من الايام عشاني؟؟
دلال: أفا و هاي بعد سؤال يسألونه؟؟؟
وله: ..................
دلال: شله ساكته ولوه؟؟؟
وله: دلول إنتي احلى شي صار لي في حياتي... و الله لا يفرق امبينا!!!
دلال: آمييييييييييييييين!! يلا الحب خل نتعشى!!!
وله: أوكي!!

يا ترا هل راح تتحقق أمنية دلال و وله؟؟؟

************************************************** **********************

في السيارة....
دلال: وله....
وله: عيونها!
دلال: تسلم لي عيونج غلاي!!! أقول...تروحين معاي البحر؟؟؟
وله: شنو؟ الحين؟!؟
دلال: أي خاطري أروح!!
وله: دلول شفيج؟؟
دلال: انا؟ لا ما فيني شي؟!!!
وله: قصي على غيري!! من صجي دلول شفيج؟؟؟؟
دلال:......................
وله: هي طلول نحاجيك!!!!
دلال: هلا!
وله: لا و تقول ما فيها شي!!! اني وي..خلاص نروح بحر!!!شورانا؟؟
دلال: راجو ودينا البحر...
راجو: ان شا لا!!!!

راحو يتمشون و اهمه ماسكين أيادي بعض...
وله: طلول حياتي شفيك؟؟
دلال: ما فيني شي غلاي!!!
وله: شلون ما فيك شي؟!
دلال(تكلم روحها) : آه يا وله لو تدرين شفيني!!!!
وله: طلول! أحاجيك انا!!!
دلال: مسامحة الحب..الظاهر سرحت شوي أنا!!
وله: مو شوي واااااايد!!! يعني ما بتقولي شفيك؟؟؟

دلال مسكت وله من جتفها..و حطت عينها بعينها... و قالت لها..
دلال: وله..انتي أغلا انسانة على قلبي...و تعرفين شكثر أحبج و أعزج و أغليج... لو كان فيني شي تأكدي أنج الوحيدة الي ممكن أفتح لها قلبي.. فلا تخافين يالغالية!!
وله: أيه عليج..فديتج والله!!
و رمت روحها بحضن دلال...دلال لمتها و حبتها... و قالت لها...
دلال: يلا الحب خل نرجع..تأخرنا وأخاف هلج يحاتونج الحين!!!
وله: اي كلش...اصلا لو في وله في البيت ما يدرون.. ولا بحسون انه انا محد!!!
دلال: شوفي البحر في الليل شحلوة..هادي و غامض مثلج!!!
وله: اي غيري السالفة!!
دلال: ههههههه يعني ابي اغير المزاج..عقب هالطلعة الفن..شله نعفسه؟؟؟
وله: دلال شنو بيكون شعورج و انتي عايشة في دنيا محد يحبج فيها؟؟
دلال: افا وله و انا؟
وله: دلول اليوم رنيمو السخيفة اسالتني سؤال و ما عرفت أجاوبه!!
دلال: خير؟
وله: سالتني اذا انا مقتنعة بالي اسويه؟
دلال انصدمت: انزين؟ يعني من صجج ما عرفتي تردين عليها؟؟؟؟؟
وله: لااااااا من صجج يعني؟؟؟ طبعا قلت لها اي.. بس سؤالها الثاني وهقني!!!
دلال: شنو سألت؟
وله: شنو بتكون نهاية علاقتنا؟
دلال:...........!
وله: ردي دلال لا.. لوين بنوصل؟؟
دلال: لا تحاتين..خير..إن شاء الله خير!!!
رن تلفون وله...
وله: ولييييييييه هذي النزقة رنيمو...شاقولها ؟ أحسن شي...ما برد عليها!!!
دلال: لا وله..ردي عليها و قولي لها اكانا راجعين...يلا عشان خاطري!!!
وله: انزين....ألو!
رنيم: جان ما رديتي؟؟
وله: تعال كفخيني!!!
رنيم: ما اوصل!! مالت عليج..ههههه .. أقول ولوه..انتي في وين؟؟؟
وله: في هالدنيا ........
رنيم (رنيم عصبت): وله ردي علي..انتي في ويييييييييين!!!!!
وله: وجع بطيتي اذني!!! ما لج شغل أنا في وين!!!!!!
رنيم: وله انا خايفة عليج!!
وله: انا مو صغيرة عشان تخافين علي!!
رنيم: يا ربي عمرها 16 و مو صغيرة..عيل العيايز شيقولون؟؟؟
وله: و بعدين معاج... الحين انتي متصلة شتبين بالضبط.....تغثيني؟؟
رنيم: حسبي الله و نعم الوكيل!!
وله: رنيم باااااااي!

و صكت التلفون....
دلال: شتبي رنيم؟
وله: شدراني فيها؟
دلال: بس خلاص خل نرجع..
وله: من صجج؟
دلال: اي خلاص ما نبي مشاكل...
وله: اوكي......................

************************************************** ******************

في بيت وله كانت رنيم حايسة... رايحة رادة على الدريشة...((وينهي هذي؟؟ اراويها لما ترجع!!)) و قعدت على طرف سريرها تبي تدق على وله..إلا وله داشة الغرفة...
رنيم: جان ما ييتي..و لا بتي برع بعد...و لا بتي عند دلال أحسن...
وله: يا ليييييييييييييييييييييت!
رنيم: صج انج ما تستحين على ويهج!!!
وله: و بعدين معاج انتي..تراج وايد غاثتني!!! شتبين مني؟؟؟
رنيم: وله انا اختج العودة و خايفة عليج!!
وله: خايفة عليج .. خايفة عليج..تراج مللتيني..خايفة علي من شنو؟
رنيم: دلال...
وله: شفيها؟
رنيم: يا ربي تقول شفيها!!! من صجج انتي حابة بنية؟!؟
ووله: أحبها و أعشقها و أموت فيها.. ولا أتخيل حياتي من غيرها!!!
رنيم: من صجج؟؟ لا حول ولا قوة إلا بالله..هذي الي بتذبحني!! ادفع كل عمري و أعرف هالبنية شمسويتلج!!!
وله: كفاية اني أحس معاها بالامان..اهيه الوحيد الي تحبني..اهي الوحيدة الي احس معاها اني بنت!!
رنيم: وله من صجج؟؟
وله: رنيم خلاص..سكري الموضوع..ما ابي اتكلم فيه مرة ثانية!!!!!!!! بليييز تكفين..خلج بعيد عن حياتي..يبه لا تدخلين فيها!!!!!!!

و راحت وله الحمام عشان تبدل...إلا أمها داشة الغرفة...
الام: رنيمو..علام صوتج طالع جذي...منو قاعدة تكلمين؟
رنيم: لا يمه..بس كنت أكلم وله!!
الام: ها وله رجعت؟
رنيم(تكلم روحها) : حسافة يا يمه..ما تدرين وله رجعت ولا لاء..بنتج بتضيع وانت ولا حاسة!!
الام: يمه وين وصلتي؟؟!!!قاعدة أكلمج!!
رنيم: خير يمه؟
الام: قاعدة اسال عن وله؟!
رنيم: تبدل...
هني وله طلعت من الحمام..كانت لابسة بجامة وردية.. و حدها كيوووووت!!!!
الام: ها يمه..شلون كانت طلعتج؟؟
وله: تمام...بس في ناس كانو بخربونها....
الام ما سمعت آخر كلمات لانه وله قالتها بهمس و هي تطالع رنيم بنص عين...
الام: انزين يمه...تصبحون على خير...
و طلعت..وله اندعست في فراشها...و قعدت تحوس في تلفونها..و دلال تطرش لها مسجات... لي ما آخر شي نامت...أما المسكينة رنيم..ظلت تطالع وله ... شلون اختها قاهدة تضيع و اهي مو قادرة تسوي شي!!! رنيم ما قدرت تنام... واذن الفير و اهيه ليحين قاعدة!!!

هه!! والله شي يقهر و يبط الجبد!! انه وصلنا لهالمستوى!! والقهر.. انه صج!! يعني لو قلنا قصة.. و مألفينها.. عادي.. بس الي يبط الجبد.. انه الي يصير في القصة.. قاعد يصير فعلا في الواقع... يا ترى شفيها دلال؟؟ و هل راح تسكت رنيم على الموضوع أكثر من جذي؟؟

************************************************** ************************************************** ************************************************** **************************

الفصل الثالث: ((شصاير؟))

غريبة!! شالسالفة؟؟ و شصاير؟؟ الله يستر!! خلونا نجوف الشلة شراح يسوون...

ثاني يوم في المدرسة...طق جرس الفسحة... وله طلعت من صفها بسرعة(ولهانه)... تمشي في الممرات بسرعة... راحت لصف دلال...جافت حنين و ورد...بس دلال ما كانت معاهم...

وله: حنون..وين دلال؟
حنين: دلال غايبة اليوم!
وله: غايبةّ ... غريبة! أمس أنا و أهي طلعنا ..ما كان فيها شي..مو من عوايدها تغيب جذي بدون ما تخبرنا... خل أدق عليها...( و طلعت التلفون تبي تتصل...)
حنين: لا تحاولين جهازها مغلق.. حاولنا أنا و فجر ندق عليها الصبح...و أحين أنا و ورد.. ما في فايدة!!
وله: غريبة..مو من عوايدها بعد تسكر تلفونها...يا ربي قمت أحاتي أنا!!!

يات فجر من صفها.. بس صاير شكلها شاذ..-أكثر من ما أهيه شاذة في الواقع- لانها مو مع أحد (بنوتة) وخصوصا بعد ما افترقت أهي و ريم...بس فجر مستحيل تظل وحيدة و أهي الي تمووووووووت في البنات...كانو البنات يطالعونها و أهي تمشي... مرفعة المريول..و مباعدة ما بين ريولها..و الشعر متروس جل.. و النظارة الي صراحة ما قدر! و كل دفاشة الدنيا فيها...بعضهم كانو يطالعونها باحتقار..و أكثرهم بإعجاب..ميتين يبونها تعطيهم ويه..... بس كانت توزع ابتسامات..وصلت فجر لعند شلتنا ووقفت معاهم...

فجر: هلا شباب..ها عرفتوا شي عن دلال؟؟
ورد: لا والله!
حنين: ليحين مسكرة تلفونها...
وله(و هي تكلم الأرض..): أمس دلول كانت كلش مو طبيعية...(تفكر بصوت عالي...)
الكل انصدم...
حنين: شلون مو طبيعية يعني؟
ورد: توج تقولين أمس طلعتوا و ما كان فيها شي!!
وله(ليحين تكلم الأرض..خخخ): طول الوقت سرحانة..تفكر في شي..بس ما أدري شنو..
حنين(التفت على فجر بس تكلم وله..) : تفكر في شي..مثل شنو يعني؟؟
وله(ارفعت راسها أخيرا..) : ما أدري .. بس متأكدة إنها متضايقة...شباب أخاف انا زعلتها بشي و انا مو حاسة...
حنين: لا شدعوة وله..اهي تحبج...لا لا مستحيل تزعل منج!!
فجر(سرحااااااانة) : غريبة!!

ظلوا الشلة طول الدوام يحاولون يتصلون..يدزون مسجات بس ما في فايدة...التلفون مغلق...وله ميتة من الوله على دلال..و لا ركزت في أي حصة ( كأنها كانت تركز بالأول!!)

حنين تفكر..يا ترا شنو الي شاغل بال دلال؟؟

و فجر... في راسها فكرة جهنمية..بس كانت تبي تتأكد...

ورد... مستغربة من وله..شلون تحاتي جذي...و خايفة إنها زعلت دلال بشي...يا ترا لهدرجة دلال مهمة بالنسبة لوله؟؟ انزين شلون؟ و ليش؟ مو قادرة تستوعب الفكرة... صحيح اهيه و حنين (يا زعم) حبايب..بس اهي ما تسوي في روحها جذي عشان حنين..شدعوه يعني...حنين أولا و أخيرا بنت مثلها.. و مهما سوت .. بتظل بنت!!!و لا يمكن ورد تتقبل أي نوع من مشاعر الحب من حنين تجاهها ... أو أي فعل غلط ...شكل و بس... مجرد حركة في المدرسة!!! على قولة دلال و فجر... (ورد و هي مو منتبهة حطت يدها على يد حنين بالغلط...كانت سرحانة و مو مستوعبة الي تسويه.. حنين تضايقت شوي..بس ما سوت شي...) واصلت ورد بأفكارها.. بس مهما يكون اهي و حنين ربع من ايام الابتدائية.. و لو شنو يصير بتظل حنين أعز صديقة على قلبها... و لكن صديقة و بس!!!!
ورد اقحصت من أفكارها على صوت المعلمة و اهي تكلمها...
المعلمة: انزين يا ورد... قومي عيدي الكلام إلي قلته!!
ورد: ممم..أ..معلـ..معلمة آسفة..ما..ما كنت معاج....(و نزلت راسها..)
المعلمة: طبعا ما بتكونين معاي...(و طالعت يدها إلي على يد حنين..) دام في أشياء ثانية شاغلة بالج!!
ورد المسكينة انحرجت..من كلام المعلمة الي اشكره الكل فهمه...سحبت يدها بسرعة...حنين بعد تضايقت..(شتبي هذي؟؟ مالت عليها المعلمة ..ورد بعد.. كان لازم تحط يدها على يدي في هالحظة بالذات؟ و الله بتحيريني معاج يا ورد.. ما ادري تبين ولا لاء؟..حيرتيني معاج والله...) حنين قحصت من أفكارها على صوت الجرس...جرس الهدة..قامت بسرعة لمت اغراضها ... و قالت لورد...
حنين: لا تزعلين نفسج..ها المعلمة حمارة!
ورد: والله بالغلط.. و ما كان قصدي..
حنين: شدعوة ورد..معقولة بتضايق منج؟؟
ورد: .............
يلا خل نروح..عشان ما نتأخر على فجر... اهي الي بتوصلنا اليوم!!!

************************************************** ************************************************** ****

فجر ليحين في أفكارها الجهنمية..الساعة الحين اربع العصر... و فجر متوجهة لبيت دلال...كان لازم تتأكد .. بس من شنو؟ خل نجوف شعندها....
رنت فجر الجرس.. و فتحت لها الشغالة و دخلتها الصالة... و راحت تخبر دلال عن وجود رفيجتها... فجر الحين بالصالة..إلا تجوف فيصل ينزل الدري...يبي يطلع...

فيصل: السلام عليكم..
فجر: و عليكم السلام...أنا فجر رفيجة دلال...
فيصل(انصدم!): يا هلا أ..أخو..أختي...دلال عندها خبر أنج هني...
فجر: أي االشغالة توها راحت تخبرها...
فيصل: اوكي عيل.. أخليج أنا...عن اذنج..
و طلع فيصل .. وهو ينزل عتبات المدخل...وقف شوي... انصدم بالرنج روفر السودة المريبنة بالكامل و الي الواقفه جدامه ...رجع التفت وراه على باب البيت الي طلع منه..( العن قفدها على هالسيارة ... بل .. لو ما قالت إنها رفيجة دلال جان عبالي صبي.. الحمد لله و الشكر...معقولة كلام خالد....لا لا شدعوة...ههههههه إلا لوك...مسوية روحها سبورتية..جان اهيه ولا دلول .... هههههه يا زعم جذي بطلات السلة...ولا مايكل جوردان!!!!!ههههههه) و راح لسيارته الهمر... و شخطها!بس صج انه يبط الجبد...مو جذي؟؟؟

في البيت رجعت الشغالة لفجر و قالت لها انه دلال تنتظرها بدارها.. و خذتها لها...
(طق طق طق)
دلال: فهود دش!
فجر: قوة طلول..ها شخبار..مالت عليك جذي تخلينا نحاتيك اليوم؟
دلال: مسامحة فهود..بس والله كنت مضايقة و ما أبي أكلم أحد....
فجر: خير دلال في شي؟
دلال: ما أدري يا فجر..ما أدري!!
فجر:شلون يعني ما تدرين..دلول تحجي خرعتيني!!
دلال: شاقول؟
فجر: شنو الي مضايقج؟
دلال: ما ادري!! ما أدري!!

فجر عارفة زين إنه دلال عنيدة.. و كتومة.. و عندها عزة نفس بشكل رهيب..لدرجة أنها كانت تعتقد إذا فضفضت لأحد..بتهين كرامتها...بس فجر بعد كان عندها الأسلوب الي يخلي دلال تقول لها كل شي عن دون الكل... فجر قربت أكثر من دلال و حطت يدها على جتفها..جربت فمها من أذن دلال و همست في إذنها...
فجر: شدعوة بو الشباب..بتخش عني طلول؟!
دلال: آه يا فجر ما أدري شصادني...
فجر: خير إن شاء الله؟
دلال: أمس حسيت بإحساس غريب..عمري ما حسيته من قبل...و ياتني أفكار غريبة...عمري ما فكرت فيها...
فجر: ليش..خير إن شاء الله ؟؟ شصاير؟؟؟
دلال: كنت مع فيصل و خالد...و فيصل حط يده على جتفي.. و مرة وحدة حب راسي!!
فجر(تحاول تخفي تفاجؤها..) : انزين؟؟؟(تكلم روحها: مثل ما توقعت!!!)
دلال: شنو انزين؟؟ ما ادري يا فجر شصادني...حسيت بإحساس عمري ما حسيته.. و بقشعريرة في كل جسمي... و حاولت أنسي روحي السالفة فطلعت مع وله..و بدل ما أرتاح..تعبت نفسيتي أكثرمن سؤال سأتني إياه وله....
فجر: شنو سألتج؟؟؟
دلال: نهاية علاقتنا شنو؟؟؟... لوين بنوصل؟؟؟
فجر: و ليش ما قلتيلها؟؟؟
دلال: ما قدرت يا فجر..ما قدرت!!
فجر: ليش..إنت خايفة؟؟؟
دلال: شنو؟؟ لا..بس..
فجر: بس شنو..لا يكون بتراجعين دلال؟؟؟
دلال: لا.....
فجر: دلال احنا ما نقدر نتراجع..خلاص..دلول الريايل الكفو ما يتراجعون...
دلال: انا ما ابي اتراجع..بس...
فجر: بس شنو؟؟ لا يكون ندمانة دلول؟؟؟
دلال: لا مو ندمانة..

في هذي اللحظة رن تلفون فجر..و كان المتصل حنين...
فجر: ألو..هلا هلا حمود..اي انا عندها..شنو؟؟ احم احم..اوكي..باي..
و بسرعة دزت مسج لحنين ..كان هاي مضمونها:
(( حمود لازم نطلع انا و انت و طلول طلعة شي اليوم لانه شكله الحبل بدا يرخي..كول مي))
فجر: ها دلال نرجع لموضوعنا..تدرين المسكينة وله تحاتيج من الصبح.. و عبالها انها مزعلتج؟؟
دلال ما مداها ترد على فجر..لانه تلفونها رن.. و كانت حمود حسب الاتفاق...
فجر: حمود و بعدين معاك..تراك سندرتني!!.......... صج انه عليك افكار..يالخطير..لحظة بسال طلول.....طلول شرايك نطلع انا و انت و حمود..نقز و نغير جو!!!؟؟؟
دلال: لا لا ما لي خلق!!
فجر: لا يكون ما تبي عشان شي ثاني؟؟؟
دلال: شنو؟ لا! لا! اوكي خلاص..نطلع!!
فجر: اي جذي!! اوكي حمود..ألحين نييك!

************************************************** ************************************************** ************************************


وفي مكان ثاني.. تحديدا في كوفي شوب صغير وهادي.. كانت رنيم مع حبيبها جاسم..قاعدين يسولفون...

رنيم: والله يا جاسم أحاول معاها.. اتقرب منها.. اهتم فيها... بس ما في فايدة!!
جاسم: صح الي تقولينه حياتي ... بس وله حصلت الاهتمام الي محتاجته من مكان ثاني.. في نااس غير ملو الفراغ العاطفي الي كان عندها... و الكلام الي تقولينه لها ما يأثر فيها.. ما يدخل قلبها!!!
رنيم: و الحل يا جاسم؟ خلا ص .. أخليها اتضيع؟؟
جاسم: لا ما بتضيع.. خل ايمانج بالله قوي!! أول خطوة أنها تبعد عنها!!
رنيم: بس شلون؟؟ جاسم انت ما تعرف دلال بالنسبة لها شنو؟؟ اهي الهوا الي وله تتنفسه!!
جاسم: لهالدرجة؟؟
رنيم: و أكثر يا جاسم!!
جاسم: انزين.. انتي قلتي انه هذي الي اسمها دلال في توجيهي..يعني خلاص ما بقى إلا هالسنة و تتخرج!! و جذي وله بتفتك منها!!
رنيم: سنة كاملة يا جاسم..سنة ممكن يصير فيها وايد أشياء!!

صار صمت شوي... رنيم تفكر باختها... جاسم يفكر.. مثل شنو ( الأِشياء الي ممكن تصير؟؟) فجأة رنيم قطعت الصمت...
رنيم: جاسم أبي اقولك على شي و يا ليت ما تفهمني غلط!
جاسم: خير رنيم....
رنيم: جاسم..لا تطرش أهلك الحين.. أجلها شوي لحتى ما القا صرفة ويا وله!
جاسم: افا رنيم...لا تقولين!!
رنيم: جاسم انا ما قدر أتزوج الحين..يا جاسم أنا إذا طلعت من البيت الحين وله بتضيع... محد حاس فيها غيري يا جاسم...
جاسم: رنيم على الاقل نملج...
رنيم: نملج جم؟ شهر ؟ اثنين؟ ثلاث؟ انته أكثر واحد فاهم ظروفي.. و عمي جابر لا يمكن يوافق على الملجة الطويلة..و عمامي كلهم أكيد راح يوقفون معاه ضدنا..من يوم ما توفى أبوي الله يرحمه.. و أهمه حاطين علينا... و لا كأنا عيال أخوهم..

جاسم: الله يرحمه..ما عليج يا رنيم..بياخذون جزاهم في الآخرة!!
رنيم: المهم..زبدة الكلام اني ما اقدر اتزوج يا جاسم قبل ما اتطمن على وله..
جاسم: انزين رنيم..انتي عاجبج الوضع جذي؟؟ رنيم انا خايف عليج...تخيلي احد تعرفينه جافج معاي هني..شنو راح يقول عنج؟؟ تخيلي لو وصل كلام لعمامج..شنو راح يسوون فيج؟؟؟ رنيم والله انا خايف عليج!!!
رنيم:....................
جاسم: رنيم... وين رحتي؟؟
رنيم: ما ادري يا جاسم.. معقولة في زمنا هذي .. في ناس بشهامتك؟؟
جاسم: رنيم.. انا احبج..والي اسويه ابسط شي يقدر الواحد يسويه لشخص يحبه و يعزه...
رنيم: ......................

************************************************** ************************************************** ********************************************

خلونا نروح للسنتر...خلونا نجوف دلال و حنين و فجر شقاعدين يسوون بالضبط..يقزون على قولتهم!!!
اهمه الحين في كوفي شوب قاعدين... و يخزون البنات...الي رايح و الي ياي.. و مغازل و تنغز...
فجر: ايا على الأحمر ذبحني!!!

كان في بنت لابسة بدي أحمر..طافت من جدامهم..البنت التفت على فجر و طالعتها بنظرة احتقار.. و مشت...

حنين: بووووووو فهود عطتك بنظرة.....
فجر( و هي تحاول تبين انه عادي) : فديت العيون بس..وربي هالنظرة على قلبي أحلى من العسل!!!!!
دلال: هاهاي.. أول مرة أجوف أحد يهزأونه و يستانس...
فجر: دام حلويين .. مو مهم!!
البنت ردت التفت عليهم مرة ثانية... و عطتهم بنظرة و مشت...

حنين: شتبي هذي؟ بقوم بكفخها الحين..
دلال: يه النظرة مو لك ... شعليك انت؟
حنين و فجر يضحكون.. دلال سرحت شوي...

حنين: طلول وين وصلت؟
دلال: هلا...و لا مكان!
فجر: حمود..ما عليك منه... دواه عندي!!

و طلعت شي من مخباها.. و قدمته لدلال و حنين...

دلال: فهود.. من و ين يبته؟!!
فجر: هاهاي... شريته!
حنين: عطيني وحدة...
دلال: اي وانا بعد..
حنين: صج انك خطير فهود!!
فجر: بعد شنو يبه!!! نبي نظبط الوضع..ولا شلون؟
دلال: آآآآه...بو صج راحة...عليك حركات فهود....

اذا ليحين ما عرفتو شنو الي مع فجر...فهو جقاير....و فعلا قعدوا يدخنون ثلاثتهم...
دلال: بو صج الشعور فن!!!
فجر: شعبالك يبه؟؟
حنين: كح..كح..بل شنو ذي؟!
فجر(وهي صاكة ظروسها) : بالعدال يبه.. فظحتنا حمود..شكلك كلش مو بروفيشينال!!!!
دلال: الاخ رقيق!!
فجر: قصدك بناتي!!
حنين: مالت عليكم!!
دلال و فجر يضحكون من قلب!!!


عقب هذي الطلعة...دلال ما عندها كلام ثاني.. وكل الي صار في اليومين الي مظوا.. تلاشى مثل السراب.. حسافة يا دلال.. في الوقت المناسب ما لقيتي الشخص الي يسحبج لبر الأمان.. بس لقيتي من يغرقج و يسحبج للحضيض... و يخليج تغوصي في الوحل أكثر و أكثر... الفصول الياية فيها أحداث وايد... في أشياء كثيرة راخ تتغير.. للأحسن يمكن.. للأسوأ...الله أعلم!!!!

************************************************** ************************************************** ************************************************** ******************

الفصل الرابع (( عايلة ابو فيصل تلتقي..شعندهم؟))

أي لا تستغربون.. لانه هذا الحدث نادر حدوثه في الايام العادية.. يا ترى شنو ممكن يصير بسبب اللقاء؟؟؟ تابعو الاحداث...
مرة المغرب.. وصل ابو فيصل من احدى سفراته.. و قاعد اهو زوجته وعياله مع بعض.. وهو شيء نادر الحدوث.. بس يصير بين كل فترة و فترة...
ابو فيصل: هلا هلا بعيالي..تعالي دلول قعدي يمي .. والله و لهت عليج...
قعدت دلول يم ابوها..مسح على راسها...
ابو فيصل: وين الشعر يا دلول..لي نص الظهر كان!!!
دلال: ا..ممم..بس...
فيصل: الموضة جذي الله يسلمك!!
ام فيصل: وانت اشفهمك بالموضة يعني؟!!
ابو فيصل: اي موضة الله يهداك؟ نتفوا شعورهم هالبنات..امس بالمطار شفت بنت... والله ما تفرق عن الصبيان لا بلبسها و لا بقصة شعرها..انا لو مو سامع باذني امها تناديها باسمها..جان والله عبالي صبي!!!
دلال هني تخصبقت!! و حاولت تغير السالفة,, بس خالد ما ترك لها مجال و كمل قنابله...
خالد: هذوله الله يسلمك البويات!!
بوووووووو دلول سمعت الكلمة و بغت تموت في مكانها.. كانه الكلمة قنبلة... بس بيني و بينكم..اهيه فعلا قنبلة رماها خلود....
ام فيصل: و منو هذول بعد؟
خالد: هذوله بنات مسترجلات الله يسلمكم!!
ابو فيصل: بل..اعوذ بالله!! حسبي الله و نعم الوكيل!!!
هني دلول وصلت حدها.. ولو بيدها جان قامت و داست في بطن خالد!!! بس قررت تهدي أعصابها و تنسحب من القعدة بكل هدوء...
دلال: عن اذنكم..انا بمشي...بروح داري..عندي اختبار لازم ادرس عليه....
ام فيصل: وين يمه..تو الناس...خلج قاعدة معانه!!
دلال: لا يمه..معليش...الاختبار صعب..و لازم ادرس..
ابو فيصل: روحي يبه..الله يوفقج!!

الفصل الرابع (( عايلة ابو فيصل تلتقي..شعندهم؟))

أي لا تستغربون.. لانه هذا الحدث نادر حدوثه في الايام العادية.. يا ترى شنو ممكن يصير بسبب اللقاء؟؟؟ تابعو الاحداث...
مرة المغرب.. وصل ابو فيصل من احدى سفراته.. و قاعد اهو زوجته وعياله مع بعض.. وهو شيء نادر الحدوث.. بس يصير بين كل فترة و فترة...
ابو فيصل: هلا هلا بعيالي..تعالي دلول قعدي يمي .. والله و لهت عليج...
قعدت دلول يم ابوها..مسح على راسها...
ابو فيصل: وين الشعر يا دلول..لي نص الظهر كان!!!
دلال: ا..ممم..بس...
فيصل: الموضة جذي الله يسلمك!!
ام فيصل: وانت اشفهمك بالموضة يعني؟!!
ابو فيصل: اي موضة الله يهداك؟ نتفوا شعورهم هالبنات..امس بالمطار شفت بنت... والله ما تفرق عن الصبيان لا بلبسها و لا بقصة شعرها..انا لو مو سامع باذني امها تناديها باسمها..جان والله عبالي صبي!!!
دلال هني تخصبقت!! و حاولت تغير السالفة,, بس خالد ما ترك لها مجال و كمل قنابله...
خالد: هذوله الله يسلمك البويات!!
بوووووووو دلول سمعت الكلمة و بغت تموت في مكانها.. كانه الكلمة قنبلة... بس بيني و بينكم..اهيه فعلا قنبلة رماها خلود....
ام فيصل: و منو هذول بعد؟
خالد: هذوله بنات مسترجلات الله يسلمكم!!
ابو فيصل: بل..اعوذ بالله!! حسبي الله و نعم الوكيل!!!
هني دلول وصلت حدها.. ولو بيدها جان قامت و داست في بطن خالد!!! بس قررت تهدي أعصابها و تنسحب من القعدة بكل هدوء...
دلال: عن اذنكم..انا بمشي...بروح داري..عندي اختبار لازم ادرس عليه....
ام فيصل: وين يمه..تو الناس...خلج قاعدة معانه!!
دلال: لا يمه..معليش...الاختبار صعب..و لازم ادرس..
ابو فيصل: روحي يبه..الله يوفقج!!
خالد: لا لا شصاير؟؟ دلول تبي تدرس؟ عاد الي يسمع الحين عباله تقديرها امتياز مع مرتبة الشرف!!!ما يدرون انها.....
دلال(و اهي صاكة ظروسها!):خلود..ما له داعي هالحجي الحين...
و عطته بنظرة... ((خالد اكرهك!!) وراحت دارها....خلود ينتظر ردة فعل فيصل الي مو راضي يصدق انه اخته بوية.. بس فيصل سرحااااااااااااان في عالم ثاني... و لما قامت دلول انتبه لروحه...
فيصل: يبه دام دلول قامت ابي اكلمك بشي مهم يخصها...
ابو فيصل: خير يبه؟
فيصل: يبه جم اليوم التاريخ؟؟ تدري بعد 3 اسابيع عيد ميلاد دلول الـ 18.. و كانت فكرتي انه هديتها تكون غير هالسنة!!
خالد: اي صح... بو دلول اذا نسينا عيد ميلادها ما راح نفتك منها...
ابو فيصل: ايه على بنيتي.. 18 سنة مرة وحدة؟ ايييييييييه...يا سنين .. تركض والله!!!
خالد: شلون يعني غير؟؟ اتحفنا بأفكارك يا ابو الأفكار !!!
فيصل: سمعوني....

************************************************** **************************

دخلت دلال غرفتها..صكت الباب..(( آه !!)) تسندت على الباب (( آه ليمتا الخوف.. متى بسوي الي ابيه من غير ما اخاف.. اوقف جدام الكل و اصرخ باعلى صوتي...انا مو بنية!!!! شمعنى فجر تسوي كل الي تبيه من غيرما تخاف..او تحاتي احد...شنو الي عندها و مو عندي؟؟ ليش..ليش؟ و خلود الحمار كله يعايرني بهالمادة الي رسبت فيها..عنبو ما يسوه علينا..إلا مادة..هذي لو عايدة سنة كاملة شبقول؟؟))
و فجأة ( طير الحمامي .. هيج غرامي.....) رن تلفونها..هذي رنة وله!! ((ايه عليج وله..في الوقت المناسب!!!)) انقزت على السرير و انبطحت....
دلال: هلا و غلا!!
وله:ههههه... هلا بج!!
دلال: ولووووه..أكره الويك اند!!!
وله: أفا .. شله كل الناس يحبون الويك اند؟؟!!
دلال: بس مو انا...تدرين ليش؟؟
وله: ليش؟
دلال: يحرمني من شوفت ويهج من الصبح....
وله: ...................
دلال: الو وين رحتي يبه؟؟ بوووو ما يسوا علينا قلنالج كلمة حلوة استحيتي و بلعتي لسانج!!!
وله(بدلع):طلووووووول....
دلال: ايه على طلول شحلوها طالعة منج!!!
وله: وااااااااي منج ما اقدر على كلااااااااامج!!!
دلال: هههههههههههههههه!!!!
وله(بدلع..شوي و تصيح): تضحكين؟؟؟
دلال: هههههه شحلوج و انت مستحية!!!
وله: مالت عليج زين؟؟!!
دلال: افا.. ههههههه عصبو الحلوين...ولوه ترا ما احب اجوفج و انت معصبة....تصيرين كرييييهة!!!
وله: و شلون بتجوفيني من التلفون؟؟ (وله تملق!!)
دلال: اجوفج بقلبي!!!
وله: ........................
دلال: ولييييييييييييييييه!!!!
وله: هههه خلاص لا تعصبين!!!
دلال: انا اعصب على عمري و حبي و قلبي و حياتي....و...
وله: بوو كل ذيله!! شوي شوي ترا انا ما تحمل...بيغمى علي الحين!!
دلال: سمله عليج حبي....
في نفس اللحظة(طق- طق- طق) خالد طق باب الحجرة...امبيييييييه لا يكون سمع شي من المكالمة؟!!

************************************************** **************************
(طق – طق – طق ) طقت دلال باب دار أمها...
ام فيصل: دشي يمه دلال...
دلال: خير يمه .. خالد قال انج تبيني ؟؟؟
اي يمه تعالي.....

راحت دلال لعند امها....و بعد عشر دقايق طلعت من الغرفة معصبة مخنوووقة.... و ركظت لدارها.... بسرعة خذت تلفونهاو دقت على فجر....

دلال: الو...فهود الحق علي!!!
فجر: بسم الله الرحمن الرحيم!! خير طلول شصاير؟؟ هدي اعصابك و فهمني شسالفة!!!
دلال: بموت بنفجر فهود!!!
فجر: وه سمله عليك طلول..خرعتني شصاير؟؟؟
دلال: لو تدرين امي شقالتلي.. شتبيني أسوي!!!
فجر: خير؟

تبون تعرفون ام فيصل شتبي من بنتها؟؟ حامض على بوزكم!!!! خخخ ما بقول لكم... حريمتكم!!! بعذبكم شوي...على قوله رفيجتي..بطفركم!! خخخ الااااااااااااي!! التطفير فن!!! هي..هي..هي!!

************************************************** **************
بالصالة كان ابو فيصل قاعد مع فيصل و خالد يتكلمون عن هدية دلال.. بس سكتو فجاة – الحركة تصير ساعات لما ناس يسولفون يصير صمت مرة وحدة – و لكن ابو فيصل قطع الصمت..

ابو فيصل: فيصل يبه..شفيها عيونك صايرة وايد تعبانة.. و سواد تحتها..شنو ذي يبه.. الظاهر السهر ماثر عليك...
خالد: جفت فيصل ما قلت لك؟!؟
فيصل: خلود ( و عطاه بنظرة) يبه ما فيني شي..يه؟!!
ابو فيصل: لا يبه..انا خايف عليك..من باجر تروح الطبيب و تسوي فحوصات...
فيصل(يكلم روحه):الحين خايف علي.. وينك يوم الـ..........)
خالد: اي فيصل...يبه انا من زمان اقوله...بس مو راضي يسمع كلامي...
فيصل: يبه...تراكم مكبرين السالفة!!!
؟؟: اي سالفة؟
كانت ام فيصل..نازلة على الدري..و سمعتهم يتكلمون.......
خالد: يمه جوفي ويه فيصل...ما تلاحظين انه يبين عليه تعبان...جوفي عيونه شلون صايرة حمرة .....
فيصل(عصب حيييييييل!): تراكم مللتوني!!! يه..واحد توه قايم من النوم أكيد عيونه بتكون حمرة!!!
ام فيصل: وي يمه فيصل..علامك ؟؟؟
فيصل: اوووووووووه!! بروح داري!!!
ابو فيصل: شفيه هذا؟
خالد:...................................؟؟؟ اسالة وايد تدور في بال خالد!!!

************************************************** ******************************

راح فيصل داره وسكر الباب... و قعد على سريره....((نوافو العلة..انا اوريك!!!)) و طلع تلفونه و دق على نواف...

فيصل: الو!
نواف(وهو نص نايم): أ..ألو...
فيصل: نوافوه!! ليحين نايم! صح صح معاي شوي!!!
نواف: منو؟؟
فيصل: وليييييييييه!! نوافو انا فيصل...يبه قوم اغسل و يهك و ركز معاي شوي!!
نواف: ها؟..هلا..هلا..فيصل...آآآآآآآه...خير ان شاء الله؟؟؟
فيصل: اي خير..ليش انا شفت الخير من يوم عرفتك؟؟
نواف: افا..ليش؟؟
فيصل: شله بعد؟ مو انت قايلي انه الي شيسمونه ما ياثر و ما دري شنو...اكو كل بيتنا يقولون اني متغير و عبالهم اني مريض..و يقولون عيوني ما ادري شفيها؟!!؟
نواف:آآآآآآآآه...الحين من صجك متصل عشان جذي؟؟؟
فيصل: نوافو يالعلة..ابوي يبيني اروح الطبيب!!
نواف: سو؟؟
فيصل: شنو سو؟؟ نوافو بذبحك...يا برود اعصابك!!!!
نواف: تراك وايد مكبر السالفة...يبه لا تخاف ما بيطلع شي في الفحص...
فيصل: انت متاكد؟؟؟
نواف: اي يبه..اسال مجرب!!! انت سويت شي من ذلك اليوم في الشاليه؟؟
فيصل: لا طبعا!!!
نواف: بس عيل..آآآآآآآآآآآآه...لا تخاف..ما راح يطلع شي....
فيصل: باي!!(وصك التلفون في ويه نوافو!!!)
نواف: بل!! حسبي الله عليك فيصل..من صجك مقعدني من النوم عشان جذي؟؟!! آآآآآآآآآآآآه...مالت عليك!!!

و لف على الصوب الثاني و غطا راسه باللحاف..و ناااااااااااااااام!!!
اما فيصل فنزل راسه و غطا ويهه بيدينه...و نزلت دمعة حارة من عينه على خده...((آه يا ربي شصار فيني؟؟ وصلت لي هالمواصيل يا فيصل؟؟!! يا ربي ساعدني!!!يا ربي انا الاقيها من وين ولا من وين..شهالبلاوي الي تحذف علي من كل صوب!!! يا ربي ساعدني..يا ربي!!)) و لحقت الدمعة دمعات ثانية...يا ربي ليش فيصل قاعد يبجي جذي مثل اليهال؟؟؟ و الله عورت قلبي يا فيصل...الله يكون في عونك!!!

تبون تعرفون فيصل شفيه؟؟ادري فيكم ملاقيف...خخخ !!!!
ان شاء الله بتعرفون بس مو الحين..كل شي بوقته حلو...ادري ذي الفصل في وايد الغاز..بس احسن عشان تسخنون.. و ما يصيدكم شد عضلي في الاحداث الياية....ادري ملييييييييقة..حد امي و ابوي!!! هههههههههه!!!
الفصل الياي ببرد حرتكم شوي...و بتعرفون اشياء عن...ليش اقولكم؟؟؟ اقرو بروحكم!!!

************************************************** ******************************************

الفصل الخامس (( فجر .... حركات!!))

عذبتكم في الفصل الرابع؟؟ المشكلة انه الشعور فن!! بس عاد عن الملاقة و لازم اخلص القصة..بس والله الشعور فن!!
Anyway نرجع لقصتنا.. في المدرسة..تحديدا في الفسحة..هيلة و لوية و بنات و دروارة,, كلكم تعرفون حال الفسحة بالثانوية.. ما لا داعي أقول صح؟؟؟
كانو أصحابنا..دلال وفجر و حنين وورد قاعدين على الدري... دلول معصبة حييييييل... تدرون صح؟؟ بس يا ترا شنو الي مضايقها؟؟؟ خلونا نجوف....

دلال: ولا بعد ... لونها ازرق و فوشي!!!
ورد: هاهااااي!!!! تصدقين الالوان حدها تناسبج!!!

دلال: و بعدين معاج انتي؟؟؟
ورد: هههههههههههههههاي!!!
قامت دلال بحركة عصبية ... تبي تطق ورد....وليييييييه ترا دلول معصبة حيل!!!!

دلال: هدوني عليها هذي!!!
ورد: هههههههــ هدي اعصا ـــههههههـــ اعصابج ــهههههــ يبه ـــههههه!!! ( و خشت روحها ورا حنين واهي ميتة من الضحك!!)
حنين(و هي تخش على ورد وراها): بس دلول هدي اعصابج!! و انتي وردو ويا ويهج!! سكتي شوي..ما تجوفينها معصبة!!!
ورد: ههههه لا بس هههههههه قاعدة اتخيل ههههههههه شكلها..و اهيه ههههههههههه!!!
دلال: اي ما انا صرت مطنزتكم!!! احسن شي اقوم !! ( و قامت دلال .. قامت فجر اسحبتها من مريولها و ردت قعدتها)
فجر: طلول هدي اعصابك!! (التفتت على ورد) وانت بعدين معاج؟!؟
ورد: الحين كلكم صرتو علي؟؟(محد عطاها ويه)
فجر: طلول تراك وايد مكبر السالفة!!!
دلال: اي امكبرها الله يهداك فهود!!! من صجك؟!؟! ولا أزيدك من الشعر بيت... يايبتلي معاها مجلات و عفسة و بنروح حق مصمم... و ما ادري شنو!!!!
ورد:ممممممممــ ( حاطة يدها على فمها عشان تيود ضحكتها..بس مو قادرة!!)
حنين: عاد العروس..فن ... البنات متعدلين و متكشخين!!!
ورد: هااااااااااااااا؟؟
حنين: ويه يا زعم تغيرين!!! ورد بسالج سؤال و جاوبيني بكل صراحة..جم بوية تحاجين غيري؟!
ورد: ولا وحدة!!
حنين: وردو!! و الي بالمسن!!
ورد: ههههه وااايد بس ذوله جي..فور فن يعني !!!
حنين: وانا بعد فور فن!!!
ورد: لا.............. (بس سكتت و ما كملت الي كانت بتقوله!!)
فجر: انزين دلال..روحي العرس..بس لا تلبسين فستان!!
دلال: عيل شالبس؟؟
فجر: الي تبينه!!
دلال: و امي؟؟ تبيني البس فستان و ما ادري شنو!!
فجر: شعليج منها ما تقدر تغصبج.... وايد ناس يروحون عروس بثياب عادية!!!
ورد: بويات..مو ناس!!!
فجر: و البويات مو ناس يعني؟؟؟
ورد: فهود..مو جي قصدي .. مالت عليك لا تزعل!! بو انت كله فاهمني غلط!!!
حنين:دلول بكل بساطة روحي العرس و لا تلبسين فستان!!!و خصوصا انه مو عرس احد يصير لكم.. بنت رفيجة امج!!!!
دلال: شالبس عيل؟؟
ورد: غترة و بشت هههههههههههههههههههاااااااااي!!!
دلال(قامت تبي تطق ورد): هذي الي انا بذبحها اليوم!!!
ورد:ههههههههههههه
فجر: يبتيها!!!
ورد: شنو؟؟!!؟؟
فجر: طلول..بكل بساطة...البس الي تبيه...و عليه دفة بشت كشوخة!!! و انتهت السالفة...و بجذي ترضي الطرفين!!!
دلال( و كانها اقتنعت بكلام فجر): تهقون؟!؟
ورد: جفتوا..انفع!!!
حنين: يبه سمعي كلام فهود...خبرة!!!
دلال: والله ما ادري..بشوف!!!

طق جرس الحصة الرابعة...قامت فجر و راحت لصفها.. و ورد و دلال و حنين راحو على صفهم... دخلت فجر الصف و قعدت مكانها..
وحدة من بنات الصف تقول حق رفيجتها: غريبة فجر ما قط قعدت جذي بدون حبيبة!!
ردت الثانية: اي تصدقين!! يقولون من بعد ما تهاوشت مع ريم.. اكرهت كل البنات و تعقدت و ما ادري شنو!!

فجر قاعدة تسمع كلام البنتين الي في صفها..تكلم روحها ( بل!! العن ابو الاشاعااااات!! انا تعقدت و كرهت البنات؟!؟!) فجاة ياتها بنية قصيرة شوي و ضعيفونة... حنطاوية و شعرها بني طويل رابطته و حاطته على صوب.. و كل براءة الدنيا في و يها...اسمها بدور....
بدورر: هاي فجر...
فجر: هلا والله بالقمر!!!
بدور: مريم الي تقعد يمج راحت البيت..عادي اقعد مكانها؟
فجر: حياج .. بعد تسالين؟ احد القمر اييه لعنده وما يبيه!!!
بدور: ثانكس..( بدور وايد بريئة..وما تفهم انه فجر تقصد شي ثاني...فجر دايما تسمعها كلام حلو ..-(( و مو بس فجر..في ناس غير بعد)) ..بس اهي تبتسم..و لا تفكر لو للحظة..انه فجر تفكيرها ((غلط!!)) و اذا اتسائلون ليش اهي ما كانت حبيبة فجر بكل بساطة...لانه فجر ما كانت تبي وحدة بريئة!! تبي وحدة تفهم علييها!!!!!!!!!!
وحطت اغراضها بدور و قعدت... وفجر رجعت لافكارها...( شاسوي الحين...ارجع اصالح ريمو ذي؟؟ لا تخسي الا اهي!! لازم ادورلي وحدة نيو!! ما ادري والله.. يمكن مممم بدور تنفع؟؟ عاد اهي وايد بريئة!! ممم يمكن يكون هذي الشي في صالحي؟ وليييييييييييه!!!!!) الا فجاة تنتبه فجر انه المعلمة دخلت ...
المعلمة: السلام عليكم
البنات: وا عليـــــــــــكم الســــــــــــــلام و رحمــــــــــة الله و بركااااااااته!!
المعلمة: قعدوا بنات... بدور شتسوين عندج؟!؟
بدور:خير معلمة؟؟
المعلمة: وين مكانج؟؟ رجعي مكانج بسرعة !!!
بدور: خير معلمة..ما سويت شي!!!
المعلمة: تبيني ازعل عليج؟!؟
بدور:لا معلمة...
المعلمة: بس عيل قومي رجعي مكانج...(فجر تطالع المعلمة و رافعة الحاجب!!)
بدور نزلت راسها و شالت اغراضها و توها بتقوم...الا فجر تقول بصوت عالي....
فجر: قومي قومي بدور...اخاف اكلج الحين!!
المعلمة: فجر خلج بحالج!!!
فجر فرت ويها عن المعلمة: والله!!
بدور وايد تضايقت من حركة المعلمة...بس اهي وااايد تحب معلمة عالية.. و خصوصا انه المعلمة بعد وايد تحبها...وتعاملها ((غير!!!)) عن كل البنات... فبدور ما تقدر تزعلها...
المعلمة: يلا بنات فتحوا على الواجب...امل شيلي الدين..عليج رياضيات الحين!!! من ما حل الواجب؟؟؟

فجر ليحين مطنقرة... و حاسة روحها بتختنق... قامت وقفت و قالت للمعلمة..
فجر(باستهزاء) : مسامحة بس معلمة..ممكن اروح الحمام...
المعلمة( و هي ماعطة فجر ظهرها..) : روحي...( تكلم روحها) : روحي و ريحي!!

قامت فجر عشان تطلع... وقفت عند الباب .. التفتت على معلمة عالية...و على بنات الصف... ركزت عينها على بدور...

المعلمة: كانج قلتي بتروحين؟؟
فجر: بل طردة؟؟ هدي اعصابج يالغالية...اكانني رايحة!!=========

المعلمة عطت فجر بنظرة... بس فجر ما اهتمت... راحت بسرعة لصف دلال..اشرت لها...و دلال طلعت لها.. و قعدوا يدورون في المدرسة....
************************************************** ************************************************** ************************************************** ******************************************
الساعة الحين 11 باليل.. و فجرقاعدة..و حدددها متمللة...في مثل هذا الوقت كانت متعودة تكلم ريم... بس الحين خلاص..ما في ريم!!!
فجر..و متمللة...يا ترا شنو ممكن تسوي؟؟؟ خل نجوف!!

فجر: ولييييييييييييييييييه حده ملل...و طلول اوي ... اوهو..خل ادق عليه............... بزي...اي طبعا..قاعد يكلم الحب..إلا انا مالت علي الي قاعد بروحي!!! اوهو...ملل..زهق!!! خل اجوف المنتدى شعندهم؟!؟

دخلت فجر المنتدى الي دايما يدخلونه اهيه و دلال و حنين.. والي معروفين فيه باسم شلة الخطيرات...
فجر: خل أجوف منو الاعضاء الموجودين...فراشة القمر...مزاجية..الدلع كله..أسير الظلام.. سيد العاطفي...بو كل ذيله سخيفين و ما أدانيهم!! و لا مزاجية..يا ربي تلوع جبدي!!! و لا الاخ سيد العاطفي... يا الله على ملاقته..بناتي!!! لحظة..لحظة من هذي؟؟ رومنسية منسية؟؟ شكلها عضوة يديدة..منو بعد موجود؟؟ زوزو...روميو....ممممممممممم....يه...خل أجوف المواضيع...
شنو ذي؟؟ ((احم احم عطونا ويه!!!)) هذي رومنسية منسية!! انا قلت عضوة يديدة...خل نجوف...يمكن تطلع شي!!
شوفوا معاي الموضوع الي كانت منزلته الأخت رومنسية: