طريقة اعداد وجبة فطور اتمنى تعجبكم تتكون من (قهوه،لقيمات،حلى،شوربة بطاطس،سلطة مكرونه،فطاير دجاج،كرات الخضار،مسقعه بالطريقه الثانيه مو الصينيه)
طبعا القهوه معروفه
لقيمات
المكونات:
3 بيضات+ملعقةخميرة+ربع كاس زيت+جبن سايل الكاس الصغير+كاس مويه+كاس ونص طحين
الطريقة:
تخلط جميع الكونات ما عدا الطحين مع بعض بالخلاط.
نضع الطحين وتخلط بالمضرب(اخلطيها كويس علشان تضبط)
نحطها في حمام مائي دافي واغطيها واخليها فتره بعدين اقليها.
حلى التمر
المكونات:
تمر (صقعي او مثله علشان يحشى)+بسكوت دايجستف+طحينيه سايله+زبدة الفول السوداني(حسب الرغبه)+حليب مركز محلى+جبن كيري
الطريقة:
اطحني البسكوت واخلطيه مع الطحينيه واذا تحبين حطي شوي زبدة الفول السوداني ، احشي التمرة بالخلطه السابقه
اخلطي الجبن والحليب المركز وصبيه فوق التمره زي الصوص.
شوربة البطاطس
المكونات:
شوي بصل+ثوم+بطاطس+بقدونس مفروم+ملح+فلفل
الطريقة:
احمسي البصل والثوم بشوي زيت بعدين حطي مويه وقطعي البطاطس اربع قطع وحطيها معهم و ملح وفلفل اتركيه يطبخ بعد ما تستوي اخلطيهم في الخلاط علشان تنطحن بعدين رجعيها تطبخ شوي بعدين حطيها في طبق التقديم ورشي عليها من فوق البقدونس علشان زينه ويحط برضو نكهه .
مسقعة
المكونات:
بصله صغيره مفرومه+لحم مفروم+باذنجان مقشر ومقطع شرايح ومقلي+طماطم مطحون+ملح
الطريقة :
احمسي البصل في شوي زيت بعدين حطي اللحم المفرومه وحركي بعدها الطماطم المطحون والملح بعدين الباذنجان واتركيه يطبخ الين ينهرس تصير اثقل من الفول بشوي شبه سايله تغط بخبز .
سلطة المكرونة
المكونات:
مكرونه مسلوقه +فلفل بارد +ذرة+جبن شدر مبشور
الصوص:عصير ليمون+زيت زيتون+ملح+فلفل
الطريقة:
يقطع الفلفل البارد حسب شكل المكرونه اللي عندك (ممكن استخدم اكثر من لون للفلفل البارد علشان الشكل)يخلط مع المكرونه والذرة وبعدها الصوص ونتركه يبرد في الثلاجه بعدين نحط الجبن المبشور علشان ما يذوب الجبن لو كانت دافيه .
فطاير الدجاج
المكونات:
مفرود صغير(اصغر من مفرود الشاورما يسمونها عصافير)+صدر دجاج مسلوق +خس+مايونيز+ملح وفلفل
الطريقة:
قطعي الدجاج بعد السلق (نتشيه)و الخس واخلطيهم مع المايونيز و الملح والفلفل بعدين احشيهم في المفرود الصغار
كرات الخضار
المكونات:
كاس دقيق+كاس حليب بودر+بكينج بودر+كاس بصل مفروم+كاس جزر مبشور+كاس بطاطس مبشوره
الطريقة:
يخلط الدقيق والحليب والبكينج بودر ويوضع عليهم البصل والبطاطس والجزر اذا حسيتي ان الخليط يحتاج مويه اضيفي شوي مويه واحيانا ما يحتاج لان البصل والبطاطس يطلع مويه اتركي الخليط يرتاح بعدين خذي بالملعقة الصغيره واقليها تحطين معها صوص الطماطم مع الفلفل الحار المطبوخه او زي حقت السليق
وبالعافيه
--------------------------------------------------------------------------------
