فارس ضمها اكثر وابتسم : خلاص قلبي
ـــــــــــــــــــــــــــــــــــــــــــــــــــ
ام فارس : ابتسام قومي خلينا نروح المجمع
ابتسام باستغراب : ليش
ام فارس : فارس بيجي ومعاه مريم
ابتسام فرحت : صدق يما ولا قعد تكذبي علي
ام فارس : قومي الله يستر عليك
دخل بو فارس
ابو فارس : وش السالفه
ام فارس : ابشرك فارس بيجي معاه مريم باكر
ابو فارس فرح لانه ابو فارس اصلا كمان يبي مريم تكون زوجة فارس : الله يبشرك بالخير يام فارس
ام فارس بفرح: قومي قومي خلصيني لبسي لا تتأخرين
دخل عليهم شافي فجأه
شافي : عشان هالبشرى الحلوه انا بوصلكم
ام فارس : هههههه يابعد كبدي يالله
ــــــــــــــــــــــــــــــــــــــــــــــــــــــــــــــــــــ
بالشقه مريم تحط الاغراض بشنطتها بعد مالبست الجوري ويوسف ونامو كان فارس بالشركة يخلص كل شي قبل لايرد لبست فستان ينربط عند الرقبه لنص الفخذ لحمي لاف جسمها ومن تحت الفستان بطانه دانتيل اسود ناحية الصدر فيونكه دانتيل سودة وكعب اسود دانتيل وسوت شعرها كيرلي وخلته على جنب وحط فيونكه صغيره دانتيل بالمكان الفارغ وحطت مكياج درجات اللون الاسود واللحمي وحطت روج لحمي غامق وبلاشر بصلي وحددت خدودها وخشمها ابتسمت للمرايه وتعطرت بعطرها المفضل مس ديور لبست عباتها وطرحتها مره وحده بدال لاتروح المطار على ماتلبس يكون خلص الوقت رمت الطرحه وشعرها مبين راحت جنب الجوري ويوسف
مريم تنهدت : كاني رديت لابوكم لاني ماارضى يمر عليكم شريط حياتي { نزلت دمعتها } لاني ماابغى اموت وانتو مو عند ابوكم
قاطعها : عسا يومي قبل يومك
مريم لفت وابتسمت فارس انذهل وعيونه موسوعه بداخله { يماااي تغيرت }
مريم : يالله نمشي
فارس : انتي شيلي جوري وانا اشيل يوسف
مريم بهدوء : طيب
شال فارس الجوري ومريم شالت يوسف
ـــــــــــــــــــــــــــــــــــــــــــــــــــــــــــــــــــــــــــــ
بمكان بعيد بامريكا
ام عبدالرحمن : تبغين شي قلبي
وصال : لا يما سلامتك يالغاليه ماابغى غير سلامتك
ام عبدالرحمن : صدق
دخل الطبيب وهو مبتسم وفرحان
[بالترجمه]
وصال : مابك لما انت مبتسم هكذا
الطبيب : وصال بفضل الله ثم بفضل والدتك التي تدعي ليلا ونهارا ان الورم قد ذهب وستشفين باذن الله
ام عبدالرحمن وهي حاطه يدها على قلبها : كلولولولولوللللييييييييش
ـــــــــــــــــــــــــــــــــــــــــــــــــــــــــــــــــ
مريم فتحت الباب الخلفي عشان تحط جوري ويوسف وشافت الصدمه
{{
{{
{{
{{
{{
لقت العربانه الي تتحول لكرسي الي شافوها مريم وفارس لما كانو مارين على مذركير
مريم لفت علطول
مريم : فارس وش ذا
فارس ابتسم : هاذي العربانه ماقدرت مااشتريها قلت عيالنا بالمستقبل ماكنت ادري انه وقتها كان في شي بالطريق
مريم انحرجت : سامحني ماكان قصدي
فارس : عادي ولا يهمك
دخلت مريم ونزلت راسها
فارس وهو يناظر المرايه الي تعكس صورة الجوري ويوسف
فارس : طيب توأم ليه ليه مو واحد
مريم ناظرته بقهر وهي رافعه حاجبها : هو بكيفي عشان تتكلم
فارس ابتسم بسخرية : لا ياعمتي اسف ولا يهمك
مريم ناظرت الطريق
فارس : مريم تسمحيلي اقولك شي بس لاتزعليم
مريم بتنهد : تفضل اخلص
فارس : انتي مجنونه طيب ووحده ماعندها احساس ومو وجه احد يحبك
مريم لفت وعيونها موسوعه : اجل ليش ماخذني ريح نفسك ونزلني
فارس : هههههههههههههههههههههههه يالخبله
مريم وهي تنقز بالمقعد : نزلني نزلني نزلني
فارس وعيونه موسوعه : انتي من صدقك
مريم وهي تحاول تفتح الباب : نزلني نزلني
فارس بنفاذ صبر : ماكو
مريم : نزلني
فارس بصراخ : اذا بتنزلي عيالي بيكونو عندي
مريم ناظرته بحقد : انت كيف تكلمني كذا قدام عيالي
فارس بسخرية : يعني فاهمين الحين
مريم بصراخ : اي فاهمين
فتحت الباب ونزلت وصكرته كانو تقريبا جنب محطة بانزين وجنب المحطه بقاله قربت من البقاله وجلست وهي حاطه كف يدها على وجها وهي متلثمه وخصلات من شعرها الثلجي طالعين اشرتله يعني روح
فارس ابتسم بسخرية وناظر يوسف والجوري : امكم مجنونه رسمي
ويمر جمس اسود مغيم واصوات الاغاني العالية طالعه منه وكانو حاطين اغنية {مكس طني ورور وامي كم اهواها } نزلو الدرايش ويرقصون شافوها نزل واحد خقه صابغ شعره عسلي غامق وحاط تان ومعضل وعيونه عسلية ناعسة ولابس بلوزة بدون اكمام بيجيه ولابس قلادة ضرس قرش ولابس سكيني بني محروق وماسك البيبي وقرب من باب البقاله الي مريم قاعده عليه ابتسم لها وبانت غمازاته الي تخقق مريم انسحرت خلاص بتموت من جاذبيته بس نزلت عينها كان فارس وقتها ماسك البيبي ومو منتبه ينطرها تدخل طلع هذا الشخص وهو شايل بايده بيبسين وجلس جنبها مريم ناظرت السيارة لقت فارس مو منتبه حبت تقهره خذت البيبسي وفتحه
الشخص : معاك احمد وانتي منو ومعاليه شيلي اللثمه
مريم شالت اللثمة انصدم من الجمال الي يشوفه عيون وسيعه ومكحله خشم سلة سيف وشفايف مليانه بشكل مغري مع الروج العنابي طالعين {لايقدر الوصف اكثر جمالها كان روعه} ناظرت السيارة مره ثانية لقته مو منتبه
مريم بدلع وصوت يخقق : انا مريم
احمد : منو الي بالسيارة ينتظرك
مريم وهي تلعب بخصلها : طليقي
احمد : والعيال الي ورا
مريم : عيالي
احمد قام فز : انتي عندك عيال
مريم ابتسمت : ايوه ليش
احمد : ماشالله لا اله الا الله شلون لحقتي تيجيبيهم كم عمرك
مريم : هههههههه عمري 18 ونص داخله 19 الشهر الجاي
احمد وعيونه شوي وتطلع بره : حضرتك جايبه 2 بسنه وحده ولا كيف
مريم وخلاص طفشت : ياولد الناس توم
احمد انصدم : طيب وش بترجعيله ولا شنو
مريم : لا عشان اذله وعلمه
احمد : ياقوية انتي طلعتي مو هينه
مريم ناظرته بطرف عينها : شعبالك
فارس لف ويشوفهم طلع من السيارة معصب كانت مريم مو منتبهه وتسمع صوب باب السيارة يتصكر بقوة
فارس انصدم : احمد
احمد منصدم : فارس
فارس : يالحيوان وينك عني ماتسلم ولا تسال يالقاطع
مريم عيونها طقت حول بنصهم
فارس : مريم دخلي السيارة
احمد : يالخطير ذي مرتك
مريم وهي تلف نظرها يعني مو مهتمه : لا مو زوجته طليقته {شدت على الكلمة اخر شي
فارس رفع حاجبه : مريم روحي السيارة
مريم وهي تناظرة بعناد : مابي
فارس بصراخ : مممرررييم
مريم خافت بس ماحبت تروح بالسهولة : ماادري ليش حارقه اعصابي عليك سوو نفس احمد حطلك تان اصبغ شعرك غير شوي تراك صاير مليق والله فارس صاير ماصخ ماتنبلع
فارس عيونه موسعه : انتي روحي السيارة وشغلك معاي
مريم ناظرته بغرور وركبت السيارة وهي مكتفه يدها تشوف احمد يضحك عليها راحو وركب فارس ومشى
فارس : هاذي اخرتها مرتي تكلم ربعي
مريم : تعرف تسكت
فارس وقف السيارة بنص الطريق مريم خافت وينزل ويبطل الباب مالها ويشد على ايدها مو انتي يالحيوانه تسكتيني اسلوبك والله يامريم ان ماعدلتيه لااخذ عيالي واردك خدامه ببيت ابوك
مريم انجرحت ومسكتها العبره رجع فارس مكانه وصكر الباب بقوة من كثر قوتها فز قلب مريم ويوسف بدا يبكي ردت مريم ورا وخذت يوسف وفارس عروقه بانت من العصبية ووجهه احمر من الغضب الي داخله مريم كانت خايفه منه وتحاول تسكت يوسف لين نام لف فارس يبي يشوف يوسف ويشوف يد مريم الرقيقه ترجف بخوف فارس حز بخاطره ومسك يدها وضغط عليها مريم سكتت وصلو المطار نزلو من السيارة قطعو التذاكر ودخلو الطيارة وجلسو على مقاعدهم مريم رمت الشال عن شعرها وتنهدت فارس رفع حجبه
فارس : غطي وجهك
مريم رفعت حاجبها : ليش
فارس بحده وهو راص اسنانه : قلتلك غطي
مريم رمت الشال بعصبية على شعرها
ـــــــــــــــــــــــــــــــــــــــــــــــــــــــــــــــ
وصال صلت وخلصت وشكرت ربها دخلت ام عبدالرحمن
ام عبدالرحمن : تجهزتي حبيبتي
وصال ابتسمت : اي يما
ام عبدالرحمن قربت من بنتها بتوتر
وصال : شفيك يما
ام عبدالرحمن : حبيبتي وصال
وصال : وش
ام عبدالرحمن : في واحد تقدملك
وصال لفت وجها
ام عبدالرحمن : هاذي سنة الله ورسوله
وصال : ليش انا لهالدرجة حمل ثقيل عليكم
ام عبدالرحمن : استغفرالله العظيم شكو
وصال: اجل وش
ام عبدالرحمن : هاذي سنة الله ورسوله ياحبيبتي
وصال : افكر بعدين
ام عبدالرحمن : طيب جهزتي كل حاجه عشان السفره
وصال : اي
ــــــــــــــــــــــــــــــــــــــــــــــــــــــــــ
وصلو لمطار السعودية ويرن جوال فارس
فارس : هلا بسومه جيتو ليش
مريم عيونها وسعت بداخلها { لاموصدق فشلة شنو بقول عن يوسف والجوري يماااااايي } قطع حبل فكارها فارس
فارس : شفيك
مريم : لاولا حاجه
اول ماوصلو للباب مريم ضغطت على يد فارس
فارس ابتسم : لا تخافي
مريم ناظرته وهزت راسها بالاجابه :. طيب
ابتسام كانت جالسة بالكافيه كانت مريم على علم بان عبدالعزيز كمان جاي عشان يشوف ناصر واهله اول ماشافتهم ابتسام وقفت وراحت تركض وحضنت فارس
ابتسام : كل هذا غياب عشان الثورة ام عيالك
مريم سمعت ابتسام وشوي وتنفجر : وش قلتي حياتي وش
ابتسام : ام عياله عندك مانع
مريم وهي تهز راسها بنفاذ صبر : عارفه عارفه يالببقره انا قصدي الي قبلها
ابتسام وهي تفكر : ثورة
مريم وهي تشمر اكمام عباتها : تعالي تعالي
ابتسام : ههههههههههههههه هدي يارجال
فارس : بس عاد تخانقو بالبيت مو هنا
ربعو يدهم بدلع وبعصبية
ابتسام : مو مهم اهم شي جو عيالك يا فااارسس {{شدت على الكلمة الاخيره
مريم طلعت نيران من عينها من الغضب
فارس : اي اكيد
مريم : اقول اقول اعذروني
فارس : على وين انشالله
مريم: الحمام ليش تبغى شي
فارس : ابغى سلامتك
مريم راحت وتشوف ابتسام تبوس وشوي وتاكل جوري ويوسف راحت للممر وتشوف احمد
احمد وهو مبتسم ومبينه غمازاته : كيفك
مريم وهي رافعه حواجبها : تمام ليش تسألأ
احمد : من اليحن اقولك الشهر الجاي فارس ماراح يكون عندكم
مريم بعصبية وبصوت عالي : وليش
احمد : عشان بيكون عند زوجاته المسيار الاثنين
مريم بعدم تصديق : نعم خير خير
احمد : اي عبالك رايح امريكا وجابك حبا فيك ههههههههههه لاحرام تكفين لا يكون عبالك كذا
مريم نزلت دمعة تحرق من عيونها : اوك
راحت الحمام بعدين راحت لفارس بدون لا ترفع راسها
فارس : مريم شفيك تأخرتي
مريم : ماابي ارجعلك ابي ارجع امريكا
فارس وصل حده : نععععمممم اقوووول ماكو افهمي هالمره لو شتسوين حبيبتي انسي ترجعين لامريكا وماراح تهربين مني
مريم بكت وصارت تتكلم بحسره : اجل ليش تبغى تتزوج مسيار هاااااا
ابتسام سمعت انصدمت وراحتلهم : فارس صدق الي اسمعه
فارس : ههههههههههههههههههههههههههههههههههاااااااااي كيفي
مريم تجمدت لين ماوعت وبصوت : مثل ماانت كيفك تتزوج انا كيفي اسافر
فارس عصب وسحبها بقوة كانت تحس اصابعه لمست عضامها لين السيارة وصكر الباب بقوة وهي تحاول تفتحه مو عارفه كانت ابتسام واقفه عند باب المطار وساحبه عربانه جوري ويوسف
فارس وهو ياشرلها : بسووومممههه
ابتسام : لبيه
فارس : ديري بالك على جوري ويوسف على مانجي
ابتسام : من عيوني
ركب فارس السيارة وسرع وهي تصرخ
مريم : افتح الباب
فارس : مابي
مريم : افتح
فارس : مابي
مريم بصراخ : اااااففففففففففتتتتتتتتتتتتح
فارس وقف السيارة خافت ضغط على حنجها وتالمت وهو راص اسنانه : مو انتي الي ترفعين صوتك علي
مريم بلعت ريقها هدها بسرعه وجابل الطريق
ـــــــــــــــــــــــــــــــــــــــــــــــــــــــــــــــــــــــــ
بيت بوفارس بمجلس الحريم ماكان في غير ام فارس شافي وام شيخه دخلت ابتسام وهي شايله جوري ويوسف ام فارس وام شيخه قامو وشافي قام بتبطي
ام فارس : منو هاذول
ابتسام : شافي شيل الولد
شافي راح وشال يوسف ناظر بعيونه ونظراته فارس
ام فارس : من ذولا
شافي : ولد فارس وبنته
ام فارس : وشو وش تقول كيف صار كل هذا
شافي : يمه صرت عم
ام فارس نزلت دمعتها : شافي لا عاد تمزح
ابتسام : يمه حياتي ذولا عيال فارس ومريوم
ام فارس وعيونها مليانه دموع : بس كيف
ابتسام حكت لها كل الي صار بالتفصيل الممل وكانت ام فارس تسمع ودموعها تنزل وهي مبتسمه شافي كان حاط يوسف بحضنه ويلاعبه وهو فرحان ام شيخة كانت تناظر جوري ويوسف بقهر وحقد
ـــــــــــــــــــــــــــــــــــــــــــــــــــــــــــــــــــــــــ
فارس وهو يسحب مريم وهي تقاوم
مريم جرت يدها : هوووف منك يخي مابغاك ماابغاك
فارس : موكيفك فاهمه ولالا
مريم : لا
فارس : اجل افهمك
مريم وهي تنقز مثل الطفله : رجعني ليويو وجوري بنرد امريكا
فارس : والله عيالي مايروحون امريكا
مريم وهي مكتفه يدها : فارس
فارس : عيونه
مريم استحت : لبى عيونك
فارس قرب وحاوط خصرها : لباك يابعد حيي يالله مشينا
مريم وعيونها بتطلع بره من الاحراج : طيب نزل يدك
فارس ابتسسم وبعد يده دخلو المحكمه عشان يجددون العقد
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في بيت الجد
الجد للجده : كانه فارس طول بامريكا
الجده : هي اي والله
بو مرزوق : بلى جا توه اليوم الصبح ويا مريم
الجد : من صدقك لا تكذب
بوفارس : مايكذب وراحو يجددون العقد
الجد بفرح بس تكدر : والله حرام الي نسويه فيهم اخاف يردون ويرجعون زيي زمان
بو فارس بو مرزوق : لا انشاللله
ــــــــــــــــــــــــــــــــــــــــــــــــــــــ
ابتسام بغرفتها تدرس وجوري يوسف يبكون ويرن تلفونها
ابتسام بدلع عبالها رفيجتها ليلى : الوو مرحبا
....... : مريم موجودة
ابتسام انحرجت وجهها قلب احمر : اسفه بس منو معاي
...... : عبدالعزيز اخو اخوها ناصر
ابتسام وهي تفكر : اخو اخوها ..يعني مريم ويت ويت ..
عبدالعزيز بنرفزة : المهم وينها
ابتسام : انتي هي هي منو انت عشان تتنرفز علي يالله جب وماراح اعطيك مريم شبح وجهك مال احوس بطنك
وسدته عبدالعزيز كان منصدم ومتجمد بمكانه
عبدالعزيز وهو يأشر على التلفون : هاذي شنو
ويرد يدق ابتساام فار دمها
ابتسام بصراخ : نعم خير
عبدلعزيز يبادلها الصراخ : شنو الي نعم وخير اقول تكلمي عدل لاجيك واعلمك شلون تكلمين الغراب
ابتسام كشت وبصوت ناعم : سوري والله موقصدي بس طفرتني
عبدالعزيز : انتي منو
ابتسام وهي تلعب بقصتها : انا ابتسام حماة مريم اخت فارس بنت جاسم حفيدة فارس وبنت اخو وائل
عبدالعزيز فصل وجلس يضحك
ابتسام : انت هي خير شحقه تضحك
عبدالعزيز : الله يستر عليك والله انك رقلة
ابتسام عصبت : بس مو ارقل منك
وصارو بس يردون علىى بعض من الساعه 9:00 الى الساعه 11:30 اخر شي ابتسام نعست

يّٱتُرى فُٱرسً صِدُقَ بّيّتُزوِجَ مسًيّٱرتُيّنٌ ؟!
يّٱتُرى ٱحًمدُ كٱنٌ صِٱدُقَ بّكلٱمۂ وِلٱ يّكذٌبّ \وِٱذٌٱ يّكذٌبّ ليّشّ ؟!
يّٱتُرى ٱم شّيّخٌة وِشّ بّتُسًوِيّ لمٱ دُرتُ ٱنٌ فُٱرسً عنٌدُۂ تُوِأم منٌ مريّم ؟!
يّٱتُرى عبّدُ ٱلعزيّز وِٱبّتُسًٱم شّبّيّصِيّر لۂم ؟!