{رواية بنت حبة سواق الباص}
أوف ياندى والله تعبت من الجلسه في الانتظار وأبوي ياحليله مايدري يوصلني ولا يوصل أخوتي وش الحالة ذي أوف
ضحكت ندى من صديقتها غلا الي ماده بوزها شبرين وتتكلم بصوت عالي لدرجة كل البنات إلي في الويت سمعوها (الويت=قاعة الانتظار)
ندى :وطي صوتك كل إلي في الويتنق سمعونا
تلفتت غلا وحمرت خدودها وقالت بخجل:من جد ويه وش بيقولون عني بس والله محتره من حالتي أخر وحده تطلع من الجامعة<غلا بنت مره خجولة وحساسة وناعمة مع إلي مو علاقتها قويه فيهم بس إلي يعرفونها زين يقولون العكس وأحلى وحده في الشلة كل بنات الجامعة خاقين عندها
ندى وهي تضم غلا: وه فديت الخجلان والمحتر<ندى صديقة غلا وبعد بنت جيرانهم وتؤم روح غلا وطبعا لأتقل عنها جمال بس ندى جريئة ودمها مره خفيف<ع قولت المصاريه دمها شربات
طبت في السالفه ديجه<اسمها خديجه بس ماتعترف بأسمها ذا<وت هبن قيرل؟ واي ساد<ديجه استايلها ستايل بويات وبس تتكلم انقلش
ندى:يس قوود كتشن هوسبيتل بنانا
غلا: وش فيك تسمعين الكلمات إلي حافظتها
ندى: لا بس ابي أقول حن بخير ماعلينا خلاف
ديجه<بدون نفس>:نو اريو تستهبلين ولا تستهبلين ولا تستهبلين
ندى: لا استهبل هع حركات طلعتي تعرفين تتكلمين عربي
غلا(حست ان ندى زودتها شوي):لبى الانجليزي على لسان ديجه يخسون عيال عمنا سام جنبها
ضحكت ديجه: بت عيال أنكل سام مادرو عنا هع اند من جد ليه باين عليك الزعل لايكون ندى مزعلتك تري اتوطئ في بطنها
ندى: ماقلت لك لازم تحشر الانجليزي وبعدين وش حيلتي ياحليلي ما أزعل احد بس اذا تبيني ازعلك ماعندي مانع ولاتقولين اتوطى في بطنك تري انا عشت حياتي كلها في الحواري يعني خبره في المضاربات
ديجه: ندى وش فيك شايله علي توداي(اليوم) ما اقول كلمه الا تقلبينها واي؟ لاني ماسألت عنك؟ وسألت عن غلا؟ ههه>هنا تدق ندى بالكلام>
ندى :قصدك اني اغار مسكينه(بسخريه)وعلى ايش ههههههاي لا ياقلبي بس عشان مرفوع ضغطي من غلا لان عندها مشكله في الموصلات واقولها تعالي معاي اوصلك تعيي
قطعتها غلا: ندو لاتزعلين بس من جد صعبه لو مع ابوك كان عادي بس مع اخوك والله مره صعبه عندي ارجع البيت مشي ارحم
ندى: الله واكبر يرحم ايام قبل يوم نلعب سوا في الحوش
ديجه:سوا اور موبايلي
ناظرو فيها نظره مسكته كأنهم يقولون ماودك تنثبرين
غلا:لاتفهميني غلط ياندى بس خلاص معاد حن صغار و ابوي مستحيل يرضى بيعيي بيقول ليش نكلف ع العرب
ديجه :عرب اور ..>ما امدها تكمل الجمله لانهم هالمره كان ودهم يصفقونها
ديجه :هدو اعصابكم واي ماتتعوذون من بليس؟ ولامضاربه ع قضية دارفور
ندى:واي ماتشوفين صديقاتك في ذاك الصوب وخلي دارفور وبنده علينا>طرده بطريقه مباشره هع
قرصت غلا ندى في بطنها لانها ماتحب اسلوب الاحراجات>اولا هي قالت دارفور مو كارفور تفكرين في بطنك ثانيا ماعليك منها ياديجه لا تزعلين منها ندو اذا عصبت ماتعرف وش تقول تلخبط في الكلام
ديجه: لا اعرفها انا أزعل من الناس كلهم الا ندوتي
ندى: الا ازعلي اصلا من قال اني ابغى رضاك(بمزح)
ديجه: هههه وانتي ياغلا بدل دوخت الراس والنكد ليه ماتروحين مع باص تري مره فله مع البنات
غلا: لا اخاف وما احس ان ابوي بيوافق
ديجه:لا انشاء الله بيوافق لان كذا اريح له ومابيخسر شيء انتي بتدفعين للباص من المكافأه حقك وبعد من ايش تخافين تري مابياكلونك بعطيك رقم الشركه الي انا اروح معاها تري مره تعاملهم زين >وقعدت تدور في جوالها ع رقم الشركه
وقالت لغلا بعد مانقلتها الرقم: الا انتي وين ساكنه؟
ندى:ليه تبين تخطفينها
ديجه: لا ابي اسرق بيتهم
غلا: خدوج انتي وندو خلاص بلامزح زياد انا في حي ال(مسوين تشفير للحي هع)
ديجه<فتحت عيونها بقوه>:اوه ماي قايد وش له تجين من اخر الدنيا مرا بعيد عن الجامعه ليه مارحتي فرع الجامعه :ياكل&&**:
ندى:ليه تبينهم يقولون عنها طالبة كليه
ديجه:ايش التخلف هذا فرع يعني نفس الشيء تتخرج بشهاده جامعيه بعدين انتي من شغلك محامي مدري متحدث رسمي عند غلا
ندى:قدمت ملفي وهي وافقت امون عليها
غلا:آآه منكم من جد هم يبكي وهم يضحك وانتي ياديجه ليه تسألين وين اسكن
ديجه:هههه توك تسألين بعد ماجاوبتي
غلا: لان المحاميه حقي سألتك من قبل اخلصي علي وقولي ليه تسألين؟
ديجه :ابد بس لو كنتي بنفس حيي كان سرنا نروح مع بعض بالباص والله من جد قهر
قطع كلامهم صوت جوال ديجه حاطه النغمه غنية لأفريل لافين
ردت ديجه:يس عبدالله..اوكي ويت..ويل ناو كم..باااي..
ندى:من ذا عبدالله الي ينتظرك
ديجه:يالقافتك تفكيرك رايح فيها هذا الدرايفر
شهقت غلا:تكلمين السواق ويه عيب وشق الجيب
ضحكت ديجه: واذا؟ عادي انا مابقعد اسولف معاه بس يقول اطلعي وبس
ندى: اصلا عادي يجوز حلال تكلمه في حالة ديجه لانها بوو..
قاطعتها غلا: ندو اجرأكم ع الفتوى اجراكم على النار
ابتسمت ديجه:اشوفكم ع خير
وراحت
ندى:اصلا شوفي كيف لافه الطرحه تقولين ولد
غلا<معصبه>: استغفر الله ما أمدى المخلوقه تلف الا اغتبتيها
ندى:اقول اخوي جاء خلي محاضرتك ذي لما اجيك اليوم العصر وسوي لي نسكفيه اوكي
غلا:اقول الراتب الي تعطيني ياه اقطعيه
ندى:اي راتب
غلا:مافيه راتب بس انتي محسستني اني شغاله عندك
ندى:خلاص لاتذليني انا بجيب معاي دلت قهوه وحلا ...فمان الله
غلا:فمان الله
......................... :كتابي:

يلا كمي البارت يجنن تحمست

شكرا اختي على القصة الروعة