{{روايتي الأولى}}

بسم الله الرحمن الرحيم
أعتقد أني لاأجيد المقدمات ببراعة لذا سأبدأ لكم بسرد أحداث أول روايةً لي
بعنوان<<إن كنت أنا قلبك ترى أنت رووحي>> وأتمنى من كل قلبي أن تنال إعجابكم...

>> مهما حاولت الأنثى أن تكون قوية وتتظاهر بالامبالاة بمن حولها وحتى عندما تصر على فرض شخصيتها على الجميع فبالنهاية تعود على طبيعتها رقيقة وحساسة وضعيفة <<
هنا تبدأ قصتي بأحد أبطالها تلك الشخصية التي يكرهها أغلب من حولها بمجرد ظاهريتها حتى أنهم لم يكلفوا على أنفسهم عناء اكتشاف حقيقتها من الداخل لم يكتشفوا تلك الجوهرة الثمنيه المخبئة داخلها..((الجــازي ))
وهي داخله لغرفة أخواتها : بناااااات يلا قوموا ترى مب حلوى كل يوم تأخروني وش ذا ترى مصختوهااا.... ساره:أمممممم أووف أنا اليوم محاضرتي متأخرر وش ذا ماتعيشين إلا بالإزعاااااااج>وغطت رأسها بالمخدة.. الجازي: وأنا شدراني ياهانم إن ماعندك محاضره شايفه عندي جدول محاضراتك,, ولفت على مها آخر العنقوود على ماقالوو*_^ مهاااوي يلا قومي يلا خلصيني .. مها وهي للحين متغطيه باللحاف:طيب طيب بعد شووي بقوم . بس الجازي ماعندها وقت أبداً شاالت اللحاف من أختها وصرخت صرخة هزت البيت كله: قلت لك قووووووووووووووومي.. قامت مها وهي متنرفزه وفي نفس الوقت خايفه من عصبية أختها الكبيرة :طيب خلاص لاتصارخين هذا أنا قمت"وراحت تلبس ملابسها المدرسة أماالجازي نزلت تحت عند أمها عشان تفطر وتروح لدوامها وتوصل أختها على طريقها وهي نااازله شافت أمها وابتسمت لها من كل قلبها راحت وباست راسها وقالت: ياصباااح الورد والياسمين لأغلى إنسانه على قلب الجازي.. الأم: صباح النور ياقلبي وش سويتي أمس قدرتي تنامين.. الجازي وهي تصب لها كاس حليب:إيه الحمدلله يمه.. الأم:طيب وش فيك قبل شووي تصارخيين فوق.. الجازي: قاعده اصارخ على مهاوي ماقامت وصرخت عليها. الأم:الجازي الله يرضى عليك لاعاد تصارخيين عليها دايم,, ترى أنتي كذا بتخلينها تبتعد عنك. الجازي: يمه وش تبيني أسوي أحر ماعندي أبرد ماعندها اللحيين كلهم يدروون إن عندي اجتماع مهم في الشغل وقايله لهم يقومون بدرري ومع ذلك ماسمعوا ولاشي من اللي قلته لهم . الأم:بس ولو هذولا خواتك اللي مالهم غيرك ولالك غيرهم يابنتي ,,لاعاد أشوفك تصارخين عليهم وبالذات مهاووي لأنها أكثر وحده في خواتك حساسة.. قطع عليهم كلامهم دخلت محمد: السلام عليكم.. وجلس على أقرب كرسي له. الأم والجازي:وعليكم السلام .. الأم: شخبارك يمه ...محمد وهي يرجع راسه على ورا ويدلك راسه:الحمدلله بخييير .. مها وهي نازله:السلام عليكم تو الناس تووك جااااي.. محمد يلتفت عليها ويبتسم :كيفي قاعد عند زوجتي بالسر ومستانس معها أنتي وش دخلك.. مها وتحط يدها على قلبها وتشهق: اهىىىىىىئ يمه شفتي متزوووج من ورانا ... الأم وهي تضحك: كيفه خليه يستانس وأنا أمه. محمد وهويضحك ويبوس راس أمه: فدييت أمي اللي تدور وناستي مب أنتو وأشكالكم ويطالع بخواته.. لكن الجازي عطته نظره وقالت: ليه الوناسه ماتجي إلا بالمسيااار أستغفر الله.. محمد : يووووووووه تكلمت الجازي خلوني أصعد غرفتي أريح قبل ماتلقي علي شي من محاضراتها اللي ماتخلص.. وطلع وهو يضحك<<
لكن واجه نور قبل مايدخل غرفته وناداها: نووور تعالي شوي أبيك.. نور: أهلييين وسهلين توك جاي من الدوام. محمد: إيه مابغوا يفكوني .. أنتي اللحين تعالي أبيك في كلام.. نووور:أووهووو شكله خطييير جايتك طيرااااااان <<وفعلاً مثل ماقالت راحت له طيراان أما عند الجازي اللي ألتفت على أختها: يلا مشينا .. وطلعوا للسايق اللي ينتظرهم برا..
طبعاً أنا للحين ماعرفتكم على اللي في الرواية لكن خلووكم بتعرفووونهم بعديين بس لزووم أعرفكم على عايلة أبومحمد بماأني تكلمت عنهم <<
ابومحمد(عبدالله)متوفي من 18سنه وزوجته أم محمد((موضي)) إنسانه مسالمة لأبعد الحدود وتملك طيبه وحنان ماأعتقد أحد يقدر يمتلكها تخاف على بناتها حيييييل وشخصيتها راائعه وشي ثااني كانت معروووفه بجمالها ومازالت جميله.. الجازي وهي أكبرعيال أم محمد عمرها 28 شخصيتها جداً قوييه ومايهمها أحد غير أمها وخواتها وفيها غروور لكن كل هذا مظاهر لأنها بالحقيقه طيبه حيييييييل بس ماتحب تبين هذا الشي وبتعرفون ليش هي كذا بعدين ,, معروفه بجمال جسمها اللي الكل يحسدونها عليه هي جمالها متوسط بس فيها جاذبيه تخلي الكل غصبا عنهم يعجبون فيها عيونها متوسطه وهي قصييره شوي شعرها ليين نص ظهرها صابغته بني وبشرتها حنطيه وخشمها حااد,, تقريباً شبهها لأبوها وتشتغل في محطة سكك الحديد للقطارات.. محمد عمره 25 يشتغل بالجيش طوييل وهالطول وارثه من عايلته من أبووه على حسب كلام أمه لأنه ماشافهم بسبب المشاكل اللي كانت بينهم وبين أبوه,,جذااب حييل وأسمر عيونه لأمه كباار وناعسه وخشمه طويل وحاد ونظرااته حااااده حبووب وحنوون على أخواته ويحاول يعوضهم عن أبووهم اللي فقدووه وهم صغاار ويُعتمد عليه في كل شي.. نوور عمرها 22 مرررررحه بكل معنى الكلمة وماخذه الدنيا هبال وعبط بليييده وعديمة إحساس بس في الأوقات الصعبه بتلقونها محظره وأسرار كل من بالبيت عندها لأنها أمييينه حيييل في ذا الأمور شعرها طوييييل وعيونها متوسطه خشمها صغييير وشفايفها صغيره وعليها بيااااض طالعه لأمها على بياضها طولها متوسط مخلصه من الثانويه وقاعده في البيت بعذر إنها تبي ترتااح وعاجزه من الحنه ووجع الراس<<قلت لكم ماخذه الدنيا عبط.. ساره عمرها 20 عصبيييه وتحب تفرض رايها وعنيييده حيييييل وفي نفس الوقت مرررحه هي الوحيدة اللي تقدر على الجازي ومتناقضة أحياناً بس أغلب الأوقات تجيها فصلات مع أختها نوور هههه حدث ولاحرج عيونها كبار وخشمها صغيير وأحلى شي فيها ابتسامتها شعرها لونه أسوود يوصل لتحت كتوفها حواجبها مرسومه ماتحتاج تزينها بشرتها بيضاء وطولها متوسط تدرس بكلية علوم الزراعة والتغذية سنه ثانيه ويبقى لها سنتين وتتخرج ومجتهدده حيييل .. مها أصغرهم عمرها 18 تدرس ثالث ثانوي أدبي حنووونه حييل وطيوبه وشخصيتها نوعاًما ضعيفة إلا في بعض الأحيان تطلع شخصيتها ونادراً ماتطلع هالشخصيه,,وهي أحلى وحده في خواتها عيونها كبار وناعسه مثل أمها ولون عيونها فاتح بعد مثل أمها خشمها صغيير وحاد وشفايفها صغاار ولون بشرتها بيضاء شعرها يوصل نص ظهرها وصابغته بني فاتح وطويله مطيعه لأخواتها في كل شي حتى لو كان اللي يقولونه لها غلط وينلعب عليها بسرعه..
نرجع لمحمد اللي دخل غرفته ودخلت وراه نوور وسكرت الباب,, أاشر لها تجي تجلس وفعلاً سوت مثل ماقال وجلست على طرف السرير:هااه شالسالفه.. محمد اللي مايدري من وين يبدأ بالحكي: أااائ بب صرااحهه أأئ أنا ... اليووم قاطعته نوور: ياخي وش ذا كل شوي أاائ تبي تحكي قوول من الآخر ولاأسكت.. محمد: أنتي أنطمي خليني أٌقول لأني أنا بنفسي ماني مستوعب اللي بقوله.. نور: يلا قوووول.. محمد: قبل يومين جانا رقيب جديد وأنا لما شفته حسيت أني مشبهه عليه طبعاً رحت وسألت عنه اليوم وقالو لي إن اسمه راشد محمد آل......... نور اللي شهقت من الصدمه:اهىىىىئ معقوله يكون واحد من أعمامي .. محمد: أكيييد واحد منهم أنا في البدايه ماصدقت ليين ماقريت أسمه وشفته بعيوني .. نور: طيب وأنت وش سويت .. محمد: وش سويت يعني هذا أنا احاول أتهرب منه ماأبيه يعرفني والمشكله ماأقدر أشيل اسمي لأنهم بيسوون لي عقاب لو شلته.. نور: عادي يمكن يكوون فيه خييره إنه يعرفك يمكن ترجع المياه لمجاريها.. محمد: ويمكن يطلع العكس يمكن يتعادى لي ويحط دووبه دوبي.. نوور: ليش أنت عارف وش المشكله اللي كانت بينهم وبين أبووي .. محمد: لاوالله ماأعرف ولا أبي أعرف .. نور:طيب ليش ماتروح لأمي وتقولها أنك شفت عمي راشد وأنك لازم تعرف وش اللي صار بينهم وبين أبوي عشان لاصار شي لاسمح الله إلا يكون عندك خلفيه عن الموضوع وبعدين أحسن خلنا نتعرف عليهم إلى متى وهم عايشين في ذا النعيم وحنا لا,,ترى لنا الحق إنّا نعيش مثلهم ولا ماكأن حنا عيال ولدهم ... محمد: لا حنا مب في حاجة أحد الحمدلله عايشين وظروفنا أحسن من ظروف غيرنا على الأقل عندنا بيت يضفنا ويسترنا والجازي بعد مب مقصره معكم ماخلتكم تحتاجوون لأحد.. ابتسمت له نوور وقالت له بحب: الله يخليكم أثنينكم لنا.."ورد لها محمد الإبتسامه..
في مكان ثااني في نفس المدينه بيت لكن مختلف بفخامته وفخامة الحي اللي فيه عن بيت ابومحمد << نزل محسن (أبو طلال) واتجه لغرفة الطعام وشاف أمه قاعده تفطر وجنبها زوجته (نوره) راح وسلم عليها وجلس جنبها: صبحك الله بالخيير يمه .. الجده (ام محمد): صباح النوور ياولدي .. ام طلال: تبيني أصب لك قهوه ولا حليب.. ابوطلال:لاصبي قهوه ..<<أم طلال صبت ومدت له :ســـم . وفجــــــأه^^ طـــــــــــــررررررررررر رررااااخ ,,, آاااااااااااااه ووجع فرووووس والله ماأخليييييييييييييك تعاااااااااال وييين رايح يالخوواااااف... فراس: هههههههههههههه لا والله بايع نفسي أنتظرك ترتكبين فيني جريمه ههههههههههه.. شوي إلا وبدخلة فراس عليهم وعلى طوول وقف ورا جدته: يمه ترى أنا بحمايتك لا تخلين الجنيه تقرب مني... حنان: جايه ومعها كااس منكسرر وتتنفس بسرعه: لاوالله مكسر أغلى كاس حلييب على قلبي وتحتمي بجدتي والله لاآخذ حقي منك.. ابوطلال: خلاااص هو محتمي بأمي بجيب لك أحسسسن منه.. حنان: لامابي أحسن منه ابيه هووو,, ابوطلال بلهجة أمررر: حناااان قلت خلااااااص.. سكتت حنان إحترام لأبوها وجلست تفطر وهي تعطي فراس نظراااااااااات وبعدها ماقدرت تتحمل وطلعت من القهررررر اللي فيها،،ههههههههههههه.. التفت ابوطلال على فراااس وهو معصب منه: أنت ماتعيش إلا بالهوااش معها وش حقه تكسر كاسها,, فرااااااااس ينقز ويبوس راس أبوه : السمووحه يالغالي بس والله ماكان قصدي طيحه غير مقصوده .. سكت الأب والتفت على أمه: يلا يمه أنا برووح للشغل وبعدها بمر رااشد بتغدا عنده وأشووف وش يبي فيني .. الجده وبان عليها الخوف: ليه عسى ماشر.. ابوطلال: مادري والله بس قال لي ابيك في موضوع ضروري والله يستر قلبي ناغزني من موضوعه.. يلا في امان الله.. الجده: في امان الكريم.. التفت فرااس على أمه: يمه وش يبي عمي راشد من أبوي معقوله ماقال لك.. وغمز لها<< طالعته أمه بنظره وقالت: مدري روح أنت اسأله إذا تقدر.. فراس: لاخلاص أسحب كلامي ماعاد أبي أعرف شي... الأم:هههههههه روح الله يهديك روح لجامعتك .. وطلع فرااس من عندهم وهويغني.. الأمااااااكن كلها مشتاقه لك والعيوووووون اللي انرسم فيها خياااااااالك ترررررن وشاف حنان نازله وماتطالعه ويقعد يرقص لها ذيك الررقصه ويغنيي : هيله يارماااانه حنونه زعلانه.. هيله يارمانه حبيبتي زعلانه ..مييين يراضيها فرووس يراضيها حناان وفيها ضحكه : حبك برررص إن شاء الله.. فرااس ينقز عليها ويبوس راسها: هااااه كلش ولا زعلك ياحبيبتي <<يتكلم باللهجه المصريه.. وحنان تدفه: ووخررررررررر... والتفتو على الصوت اللي جاي من عند الدرج.. طلال: يالله صباااح خييييييييير كل يووم مصبحينا بأصواتكم اللي تغث.. فراس: هلا والله حيا الله أي والله"ويقعد يرقص ويرقص حنااان" بأبووو محمد ,, ولك أحلى صبااااح تصبحتو لما شفت فيسك أخويا.. طلال:الحمدلله على نعمة العقل أقول شعنده الأخ مروووق اليووم .. ويبتسم فرااس ويحط يده على قلبه: آااااااااااااه لوسمعتو اللي سمعته اليوووووووووم.. حنان: سلامتك من الآاااه ابن عمي شو حصل؟؟ فراس: ولك يافخريييه ألبي (قلبي) رااااح فيها.. حنان: ووع الله يقرفك مالقيت إلا ذا الأسم.. فرااس :رووحي زيييين خلوني أرروح للجامعه أحسن لي .. ولف على طلال وهمس له: آااااااه ياطلال انا قلبي يتقطع وهي ولا حاسه فيني.. همس له طلال: ليه اللي سمعته اليوووووم صوتها. هز فراس راسه بأيه ولما انتبه لنظرات حنان لف وهمس:بقول لك بعدين وش صار.. وطلع برا ولحقته حنان: وش كنتو تقولون يالخاين ماتبيني أسمع .. بس فراس ماكان معها كانت عيونه على اللي في السياااره شافها وحس بدقات قلبه اللي في كل مره يشوفها فيها تزييييييد بقوووه بعدييين لف على حناان وهو مبتسم وقال لها: يلا رووحي لاتخلينهم ينتظرونك أكثرر.. راحت حنان وهي مستغربه وتقول بقلبها"وش اللي صار" وتكلمت بصوووت مسموووع بدوون ماتحس بنفسها: صددق أنه متقلب.. وصحاها من أفكاارها صوت خالد ولد عمها: منهو هذا المتقلب؟؟؟ بققت حنان عيونها وصاحت: اهىىىىئ خالد وش اللي جيبك؟؟ خالد كان مسكر أذنيه: اعوذ بالله وش هالصوووت اللي علييك. حنان: قوول ماشاءالله لا تصكني عين ولفت على بدور: لاوالله ليش كذبتي علي وقلتي إن السوواق بيوديك.. بدور وهي كاتمه ضحكتها: والله كان بيوديني السوواق بس خالد أصر يوديني وماقدرت أرفض عرضه المغررري’’مب عاجبك ياآنسه أنزلي ورووحي مع واااحد من اخوانك.. حنان: بسم الله علي كلتني بقشوري أصلاً مابي أتعب أخواني بروح معكم وأمري لله.. خالد: اصلاً من قال أني بسمح لك وأخليك تنزلييين مثل ماتعنيت لكم تركبييين وغصباً عنك..وحرك السيارره,,,حناان: لاوالله وقف السيارة بنزل أنا ماأنغصب على شي. بس خالد ماسمع لها وكمل طريقه وجلست حنااان تدعي عليه وتسبه بس طبعاً في قلبها لأنها جبانة ماتقدر تدعي بسبب خوفها منه بس ماتبي تبين له.. أما عند بدور اللي التزمت الصمت وقعدت تفكر في المكالمة اللي صارت الصبح<<








,,,بوقف هنا

عند بدور اللي التزمت الصمت وقعدت تفكر في المكالمة اللي صارت الصبح<<
بدور دقت على بيت عمها لأن حنان ماردت على جوالها وجاها الرد
؛: الـــــــــوو
بدور: أىىىىىىئ السلام عليكم..
: وعليكم السلام آمررري..
بدور باستفسار: من فرااس؟؟
فراس: إيه نعم من معي..
بدور: أنا بدور وين حنان؟؟
فراس اللي فز قلبه: هلا والله صوتك متغير شخباارك؟؟
بدور: الحمدلله بخييير ,,وين حنان أدق على جوالها وماترد..
فراس: أجل الله يجزاها خييير اللي خلتنا نسمع صوتك ..
بدور اللي انحرجت: وينها هي بداوم اليوم ولا لا..
فراس: ايه بتداوم..
بدور: إيه خلاص مع السلامة..
فراس: لحظة وين مع السلامة أنا ماصدقت على الله اسمع صوتك وأنتي تبين تسكرين..
بدور بعصبية: فراس رجاءً لاتحرجني ترى اللي جاني منك مكفيني لاتطيح من عيني أكثر من كذا.
فراس: لحظة لحظة وش.....طوووووط طوووووط وسكرت الخط في وجهه..

.......نرجع للجازي اللي راحت لدوامها من بدري عشان تجهز للإجتماع واثناء ماهي قاعده ترتب أوراقها وتقرا خطابها
دخلت عليها وحده من الموظفات: أشووفك مره متحمسه يالجاازي ليه خايفه أحد يصير أعلى منك في الأجتمااااع..
طالعتها الجازي بطرف عينها وقالت بكل غرووور: أصلاً أنا عندي ثقه إن ولا وحده فيكم تجي
ربعي فريحوا أعماركم ماراح تقدرون تستفزوني وإذا على الحماس أنا دايم أتحمس لشغلي
لأني أحبه باستثناء بعض الشوائب اللي تعكر لي جوالشغل..
طالعتها الموظفه بحقد: وش تبيني أفهم من كلامك..
طالعتها الجازي من فووق لتحت وصدت عنها: أفهميها مثل ماتبين ..
وطلعت الموظفه معصبه ودخلت بعدها فاتن بنت خالة الجازي: السلام عليكم..
الجازي طالعتها: وعليكم السلام.
فاتن: وش عندها طالعه معصبه" وتلتفت على الباب
رفعت الجازي راسها وقالت: أبد بس جايه تبي تقهرني وصار العكس,,,
فاتن: ههههههههههه ياأختي خلي منك هالأسلوب الجاف مع الموظفات..
الجازي : ماعلينا منها أنتي تعالي ساعديني يلا.
عند محمد(أبو طلال) من بعد ماخلص شغله راح لأخوه راشد اللي تواعد معه أنه يروح
لبيته عشان يتغدا معه بس هو راح له من بدري عشان الموضوع اللي ناغزه قلبه منه....
ومن بعد السلام والسوالف سأل ابو طلال اخوه: خيير ياأخوي وش الموضوع المهم اللي تبيني فيه..
تعدل راشد في جلسته وقال:شوف ياأخوي انا بدخل في الموضووع بدوون مقدمات ..
ابوطلال: خيير وش السالفه؟؟
راشد : انا شفت ولد أخوي عبدالله...
ابوطلال:؟؟؟؟؟؟؟؟؟؟؟؟؟؟؟؟؟� �؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
صدددددددمهههه ماكان يتوقعها عيال أخووووه ’’وشلوووووووووون ,,
خاف راشد من سكوته وقرب منه يبي يشوف وش فيه: ياأبوطلال هد أعصابك..أنت بخيير؟؟
ابوطلال طالعه بنظره غريبه وقال له: تدل بيتهم.. هز راشد راسه بمعنى أيه..
سأله مره ثانيه: عرفك ولده؟؟ وشلووون كان شكله؟؟
راشد: هو عرفني بس مايدري أني عرفته انت تدري أني نقلت مكان شغلي ولقيته هناك في المعسكرمن أول يووم جيتهم
عرفته من اسمه وهو لما عرفني صار يتهرب مني ولا يواجهني..
أبوطلال: ودني لبيتهم اللحييييين..
راشد: بس يابوطلال يمكن مايتقبلونا بعد اللي صار؟؟
ابو طلال: لابس ولاشي بتوديني ولا خليت أحد غيرك يوديني؟؟
راشد: لا أنا اللي بوديك..
..في بيت عبدالله(ابومحمد)..
محمد اللي نزل واستغرب هدوووء البيت وشاف أمه ونور جالسين بالصاله
محمد: وش صاير في الدنيا ليش البيت هادي..
نور: ما أحد في البيت عشان يصير ازعااج.. وصدت منه وقعدت تفرفر في القنوات..
محمد: ليه سارونه وينها؟؟ ماشفتها اليوم رايحه مع البنات..

الأم: ايه محاظرتها متأخر وراحت اليوم الساعه تسع..
طالعها محمد وقال بعصبيه: لايكون رايحه مع السواق بروحها..
ابتسمت له امه وقالت: لا يمه رحت معها انا ونور عشان نحطها في الكليه ونمرالسوبر ماركت.
ابتسم محمد بطمأنينه لأمه,, بس فيه شي لفت انتباهه نظرات نوور العبيطه
طالعها وفيه ضحكه على شكلها وقال: وش فيك تناظريني كذا..
قالت له: لا بس وش فيها لو راحت معه بروحها عاااادي مافيها شي يقول المثل: من عاشر قوم أربعين يوما صار منهم,,
وهذا عاشرنا خمس سنين المفروض نخليه يصير ولدنا ونحط له شقه فووق ونزوجه ويصير حاله حالك..
طالعها محمد وفيه ضحكه لأنه يدري انه مو من جدها تتكلم قاعده تستعبط عليه قال لها: لا بنزوجك اياه علشان يصير منا وفينا صدق.. ولف على أمه: ولا شرايك يمه..
ضحكت أمه وردت: والله ونعم الراي بس متى تبي تحدد الملكه والزواج..
محمد: والله بشوف نسيبنا وش يقول وبرد لك خبر..
نور: لاوالله على كيفكم تزوجوني هالمعفن لا حبايبي أنا بآخذ واحد يليق بحضرة جنــابي وترفع خشمها بكبرياء..
وأخذتهم السوالف وبالذات سوالف نور اللي ماتوقف.. لييين ماجا محمد اتصال من رقم غريييب ,
رد محمد: آلــــــــــــــوو.
الغريب: السلام عليكم..
محمد: وعليكم السلام والرحمة..
الغريب: أنت محمد عبدالله ال.........
محمد: ايه معك محمد بس عفوا من معي؟؟!
الغريب: بتعرفني إذا جيت بس لو ماعندك مانع حنا بنجيك في البيت اليوم..
محمد: حياك الله تجي وتشرف في أي وقت..
الغريب: الله يحييك خلاص بنجيك بعد نص ساعة..
محمد: خلاص انتظرك..
الغريب: أجل يله مع السلامه..
محمد: الله يسلمك..
ألتفت راشد على أخووه بعد ماقفل الخط :هااه يابو طلال للحين مصر انك ترووح لهم ماتبي تأجل شووي..
ابوطلال وهو يبتسم ولا هو مع أخوووه: ماشاء الله عليه باين من كلامه إنه رجااال ومحترم والله وشكله عندك ياعبدالله ولد يسوى رجال..
ابتسم راشد لأخوه وقال: لااااا شكله مافيه تراجع عن قرارك.. لف عليه ابو طلال ورد له الابتسامة وهز راسه بمعنى الإيجاب..
أما عند محمد اللي كان مستغرب من المكالمة وما يدري ليش حاس بخووف وصحاه من أفكاره صوت امه اللي تناديه لف على أمه: لبيه يمه.
ام محمد: لبيت في منى, وينك يمه من ساعه أناديك ولا ترد,, منو هذا اللي كلمك؟؟
طالعها محمد: مادري والله بس وااحد يقول لي انه بيجي بعد نص ساعه..
ام محمد: يووووه ولاقال لك من هو؟؟
هز راسه محمد وقال: لا.. وطالع نوور بنظره فهمتها على طوووول وابتسمت وهزت راسها له عشان تطمنه وقالت : مافيه إلا الخييير
إن شاء الله أكيييييد انه واحد بيخطبني,,وابتسمت ذيك الابتسامه اللي بينت آخر ضرس لها,,
وقالت: خلوني أقووم أسووي قهوه لخطيبي..وراحت للمطبخ..
المهـــــــــــــــــــــ ـــــــــــــــــــــــــ ـم بعد نص ساعه من الأنتظاااار..دق جرس البيت<<
أبوطلال وهو في السياره ويطالع في البيت: اللحين هذا هو بيتهم؟؟
راشد: ايه هذا هو..
أبوطلال بحسره: وحنا عايشين حياتنا ومستانسين بالعز اللي حنا فيه وعيال أخوي عايشين هالعيشه..شلون مكفيهم بيتهم أصلاً ..
راشد: خلاص يااخوي كفاية تعاتب نفسك انت ماكنت تدري وياما وياما دورت عنهم بس مالقيتهم,, خلنا اللحين
ننزل مانبي نتأخر على محمد.. هز راسه ابوطلال ونزلوا من السيارة..
....نزلت نووور مع الدررج ررركض : محمدوووه يالبيييه سيارة خطيبي تجنن..
طالعها محمد بتوتر وقال لها: ضفي وجهك فاضييه خليني أرووح أشوفهم صار لهم ساعه يدقون الجرس..
ورااح بس ثواني ورجع وقال لها بعصبيه: لاعاد أشوفك تطلطلين مع النوافذ..
سوت له نوور التحيه مثل مايسوون في الجيش: أمـــــــرك سيدي..
وطلع محمد منها وهو يضحك على هبالها**مهما سوت من غلط مايقدر يعصب عليها لأنه يدري أنها ماتقصد..
رااح وفتح البـــــــــــاب لكن.................................... انصدم من اللي شافه؟؟؟؟؟؟؟
محمد وفي وسط صدمته ودهشته وهو للحين ماسك الباب وعينه على عمه راااشدد..
راشد وهو يبتسم: وشو بتخلينا كذا عند الباااب ماراح تدخلنا؟؟
محمد بعد مااستوووعب: أئئئ لا تفضلو"ووسع لهم عشااان يدخلوون" حياكم الله.. ودخلهم للمجلس..
محمد: ياحي الله من جانا تفضلوا البيت بيتكم..
جلس راشد بس أبوطلال كان واقف ويطالع في المجلس" قعد يناظر في مساحتها اللي يمكن تكون أقل من ربع مساحة مجلس بيته ويناظر في أثاثه اللي أقل من عادي"
وبعدها لف على محمد اللي كان يناظرها باستغراب وابتسم له بس بعدها انتبه على صوته,,,
محمد اللي كان يناظر فيه ويقول بقلبه" هذا شفيه لايكون المجلس موعاجبه واستغرب أكثر لما شافه يبتسم له"
بعدها تنحنح: ياعم تفضل خلوني بس أرووح أجيب القهوة واجيكم, وراح للباب اللي يدخل لداخل البيت بس فيه يد وقفته التفت لكن انصدددددم..
فجأه شاف نفسه بحضن عمه ابوطلال وكان ابوطلال يبكي ويقوله: السموحه ياولد أخووي السموحه والله اني مافيه مكان بالسعوديه
إلا ودورت عليكم فيه وربي يشهد علي في كلامي والله اني مافيه أحد إلا وسألته عنكم ليييين مايأست وقالوا لي أنكم في خارج السعوديه’’وجلس يبكي مثل الأطفال..
امامحمد اللي للحين مصدوم لكن فاق من صدمته لما شاف عمه جالس ويبكي جلس جنبه ومسك يده وقال بصوت كله حزن
: مسموح ياعمي والله اللي رفع السماء إني كنت انتظر اللحظه اللي أشوف فيها أهلي والله إن مافي قلبي عليكم شي
وربي إني اللحين فررحان ومو سايعتني الدنيا..
وتقدم لهم راشد اللي كانت خانقته العبرة من منظر أخووه اللي ولأول مرره يشوفه يبكي وبذا الشكل
ومن منظر ولد أخوه اللي يكسر الخاطر مسك أخوه ووقفه بمساعده من محمد وجلسوه أما محمد راح داخل عشان يجيب القهوة..
(( عند أم محمد ونوور))
نور: يمه شفتي وجه محمد وشلون صاير أحس فيه شي صاير..وبلقافه:يمه توقعين من اللي عندنا..
أم محمد اللي كانت هاديه بس من داخليها براكين من الخوف ماتدري وش هالأحساس بس كان أول مره تخاف كذا
من بعد موقف عايلة المرحوم بزواجه منها ألتفت على نور وقالت لها: مابي أتوقع وخلي عنك اللقافه
وروحي جهزي الغدا ماباقي إلا نص ساعه ويجون البنات..
نور: طيب سلمانووه ماراح يجي يتغدا عندنا..
ام محمد: لا توه مكلمني ويقول بجي بعد العصر عنده شغل وبعدين عيب عليك أصغر بزرانك هو تقولين له سلمانووه..
وطالعتها نوور وقالت بدلاخه: أجل وش تبيني أسميه.
ام محمد: قولي خالي سلمان..
انفجرت نووور تضحك: هههههههه يمه تبيني أقول لسلمانووه خالي هههههه" وقعدت تقلد حليمه بصاادووه" أبي امي أبي أبوي لااامستحييييل ههههههههههه.
حذفتها أمها بالمخده وقالت وهي فيها ضحكه: رووحي جهزي الغدا يالخبله..
راحت نوور للمطبخ وهي تقول: والله حاله صايره خدامه لكم في هالبيت حتى الخدامه أحسن مني تاخذ معاش وانا ماآخذ
"وصارت تدعي وهي رافعه يدينها":ياااارب اتزوج واحد من اللي في المجلس اللحييين ياااارب.. ودخلت للمطبخ..
بس سمعت صوت امها وهي تقول لها بصوت عالي عشان تقدر تسمعه: أحسن لوأنك توظفين ولا تدرسين ماكان خليناك تشتغلين تستاهلين..
ابتسمت على كلام أمها اللي دايم تعيده عليها وهي تقول لها عندي أمل انك بتعقلين وبتكملين دراستك وخلي عنك شغل البيت
وروحي كملي بس هي تعودت على كلام امها طبعا رفضها للدراسة والشغل بسبب أمها ماتبي تخلي شغل البيت كله
على أمها لأن بدراستها بتنشغل وكذا بيصير شغل البييت على أمها,,
تنهدت وقالت: آاااااااه لوكانت عندنا خدامه.. طبعا ماعندهم إمكانية يجيبون خدامه لأن حالتهم المادية نص ونص
طبعا هم يالله جابو سيارة وسايق وطبعا السيارة جابتها الجازي بقرض على معاشها واللحين تسدد القرض
وماخذ نص معاشها لأن القرض مبلغه كبير وباقي معاشها تخليه لأحتياجاتها هي وخواتها
أما معاش محمد فيروح كله في مصاريف البيت وطبعا لاننسى إن محمد بعد ماخذ قرض عشان سيارته..

(( البارت الثالث ))



"في المجلس"
من بعد السؤال عن الأحوال طالع ابوطلال في محمد وقال له: أنا لازم اقول السالفه اللي صارت كلها..
محمد: لاياعمي ماله داعي تق.... قاطعه ابوطلال بحزم: اسمعني يامحمد..
لف عليه راشد: اسمع منه يامحمد انت لازم تتوضح عندك الأمور.. سكت محمد وقعد يستمع..
ابوطلال: اسمع قبل اربع وعشريين سنه كان جدك الله يرحمه بالمجلس ..........................
ابومحسن(الجد):اسمعني ياعبدالله بكره بنروح وبنخطب بنت عمك سالم رسميا وبعدها بأسبوع بنملك عليكم...
انصدم عبدالله من اللي سمعه: لحظه وش تقصد يبه من اللي بتملك عليهم..
ابومحسن: وش فيك انهبلت يعني من بياخذها غيرك..انت وعواطف بنت عمك..
عبدالله : لايبه انا ماراح اتزوجها بيجيها اللي احسن مني..
ابومحسن: وشووو تعاندني قلت لك بتاخذ بنت عمك يعني بتاخذها..
عبدالله بتردد: يبه بس انا.........
ابومحسن بعصبيه : انت وشووو؟؟؟
عبدالله باندفاع : انا متزوج وعندي بنت وولد ولاأقدر اخذ عواطف لأني أحب زوجتي اسمح لي يبه..بس تفاجأ بالكف اللي جاه من أبوه ...
ابومحسن وهو ثاير وكان بقمممة عصبيته: يالخسيييييييس متزوج من ورانا طلقها طلقها ولا والله ماتلوم إلانفسك طلقها..
وقامو عياله محسن"ابوطلال" وسعد"ابوفهد" يهدونه أما راشد كان في هذاك الوقت صغير وكان يراقب الأحداث بعيون دامعه..
عبدالله وهومايقل عن ابوه عصبيه: شلوون تبيني اطلقها وعياالي وحبي لها لايايبه انا في كل شي طاوعتك
وسويت لك كل اللي تبيه إلا في هذا طلاق ماني بمطلقها واللي في راسكم سووه..
رجع ابومحسن وعطاه كف ثاني وثالث وقعد يدفه برا المجلس: أطلع برا
دامك ماطلقتها لاأشوف رقعة وجهك اطلع برررررراا برااا..
طلع عبدالله وهو مععصب ومن بعدها انقطعت أخباره لكن بعد أربع سنين حن لأهله وحن لأمه وأبوه فقرر
يرجع ويشوف ردة فعل ابوه لما يشوف عياله وكان وقتها الجازي عمرها ثمان سنوات وهي الوحيده من اخوانها اللي تقريبا
تذكر احداث هذاك اليوم وكانت ساره عمرها تقريبا خمس شهور ونور سنتين ومحمد خمس سنين<<
عند فلة أبومحسن طق عبدالله الباب وطلع الحارس ولما شاف عبدالله خاف وحاول يمنعه من انه يدخل لكن عبدالله ولاكأنه يسمعه ودخل ووراه زوجته موضي(ام محمد)...
دخل البيت وشاف امه وابوه واخوه سعد وزوجته قاعدين وأول مادخل كلهم وقفوا... وعلامات الصدمه على وجيهم..
ابومحسن: عبـــــــــــــدالله؟؟؟؟؟ ؟؟؟
عبدالله وعيونه تلمع فرحان وفي نفس الوقت خايف من ردة فعلهم: ايه يبه عبدالله..
لف ابو محسن وشاف معه حرمه ومعها بنت حاملتها بيدها وبنتين صغار وولد طالعها بنظرة استحقار وأأشر عليها: هذي من هي؟؟؟
طالعها عبدالله وهومتردد : هذي زوجتي,, وأأشر على عياله,,وهذولا عيالي يبه..
لكن ابوعبدالله فاجأه بدال ماياخذه بالأحضان ويشوف عيال ولده قال له: أطلع براا"
وبصراخ : أنا ماقلت لك ماتجي إلا وانت مطلقها لاوبكل قوات عين جايبها معك ليش
تحسبها ميته عليك ولاتبيك تراها ماتبي إلا فلوسك ولا وش تبي فيييييييك..
وهنا ماقدرت موضي تتحمل كيف يشكك في حبها لعبدالله: أسمحلي ياعمي أنا ماأسمح لك تشكك في حبي لولدك ويكو....
ماخلاها ابومحسن تكمل وقاطعها وبكل عصبيه: أنتي جـــــــــــــب أصلاً لوفيك خيييير ماقبلتي به واهله ماهم راضييين بك
لوكنتي تحبينه صدق ماجلستي عنده وابوه غاضب عليييه أنتي أوطى مخلوقه قد شفتها....وتلفظ عليها بكلمات تهز الكرامة تهييين الواحد...
عبدالله هنا ماقدر يستحمل: يبـــــــــــــه انت أصلا ماتدري عن شي" وكان بيكمل بس اللي قالته موضي ألجمه وماخلاه يتكلم.. صدمه,,هزه,, وجرحه..
موضي من بين شهقاتها ودموعها: ليييش انت توقع إني قابله به بكيفي تحسب إني باشوف هالمهزله اللي تصيير قدامي
واسكت لااااا غلطااان بس انا خذيييت ولدك"وهي تأشر على عبدالله" غصباً عني وحاولت اخليييه يطلقني بس هو مارضى
وأجبرني على ياأني أعييش معه أو يهدم حياة أخواني ,,سكتت شوي تمنع شهقتها بس طلعت ماقدرت تمسكها,,
حتى حقوقه ياخذها مني بالغصب جبت له بنت وولد بس ماكفاه خلاني اجيب بدال الأثنين اربعه ويوم طردته انت
من البيت والشغل وشاف إن ماعنده إمكانيه انه يهددني بأخواني صار يهددني بعيالي وهذا انا ساكته عشاااان عيالي بس عياااااااالي ووووووووبس..وجلست تبكي..
عبدالله والدنيا ظلمت في وجهه" يعني شلون واعترافها لي انها بدت تحبني وتعلق فيني وكلامها لي يوم تقول لاتخلي
اهلك يأثرون على حبك لي ويومها تقول انا ابيك تحبني أكثر من كذا حبك مايكفي ويوم كانت تقول اني لما اكون معك
احس اني أسعد انسانه ويييين راح كلامها كله" هز راسه ونزل لمستواها مسك ايدها ووقفها وصد من أهله: يله مشينا..
وطلع وبكذا انتهت علاقته مع اهله للأبد.. وطلع وهو مكسوور القلب ومن من؟؟ من حبيبته اللي تخلى حتى من اهله عشانها
وهي حتى ماقدرت اللي سواه تمنى انه يموت ومايسمع هالكلام منها<< بلاك ماتدري ياعبدالله انك بالنسبه لموضي الهواء
اللي تتنفسه ماتدري انها تمووت على الترااب اللي تمشي عليه وان كل اعترافاتها لك كانت ربع اللي بقلبها لك ماتدري انها سووت هالشي عشانك
عشان ترجع المياه لمجاريها لعل وعسى انك ترجع لأهلك بس هي على مايقولون تبي تكحلها وعمتها"
ركبوا في السياره ولف عليها عبدالله ولقاها تطالعه وعيونها مليانه دموع التقت عيونهم للحظات لكن كأنها سنين تترجم لكل واحد مشاعره
عيون كانت تطالع بانكساار وعتاب وعيوون كانت تطالع بتأسف ورجااء
غمض عيونه عبدالله بتعب ورجع راسه لوراء وتكلم بهدوء بعكس البراكين اللي داخله: موضي لك مني بالغاليه ماعاد
أجبرك على شي غرفتي بخليها برا في الملحق واللي تبينه بيصير بس على الأقل لاتحرميني من شوفتك وشوفة عيالي قريب مني..
موضي اللي كانت تبكي بصمت هزت راسها وبعدها لفت على النافذه عشان مايشوف دموعها..
وبعدها حرك السيااره ومشو لبيتهم... وكان هذا كله تحت تحت مراقبة الجازي ...
,, واللحيييييين نرجع لمحمد وعمه,,
ابوطلال : وهذي السالفه كلها يامحمد وانا ابيك تتأكد ان حنا مالنا ذنب باللي صار
وربي يشهد علي ان حنا ماكنا راضيين باللي سواه ابوي وحتى ابووي بنفسه ندم على آخر حياته الله يرحمه
بس بعد ايش بعد مامات عبدالله وطلب مني أدور عليكم بس مالقيتكم ..
سكت محمد شوي وبعدين رفع راسه: انا سبق وقلت لك ياعمي انا مافي قلبي عليكم شي
بس إذا بتعتذرون أعتذروا من امي لأنها أكثر وحده تأثرت من ذا الموضووع..
ابوطلال هز راسه: وهذا اللي بسويه بس أنت رووح داخل وقول لها إن حنا نبي نكلمها وأصر عليها الله يخليك...
ابتسم محمد وقال: إن شاءالله ودخل داخل
دخل محمد ونادى على أمه: يمه يمممه.. طلعت له أمه من غرفتها: هلا وش بغيت يمه؟؟
مسك يدها وراح للصالة وجلسها وجلس جنبها وقال: يمه انت تدرين من اللي عندنا في المجلس؟؟
هزت راسها بالنفي وقالت: وانا وش عرفني يمه؟؟
ابتسم لها وقال: يمه أعمامي اللي عندنا..
ام محمد كانت ساكته ومابان عليها شي..
بعد لحظات خاف محمد من سكوت أمه وتكلم: يمه أنتي بخير؟؟ سمعتي وش قلت؟؟
ابتسمت أمه وعيونها كلها دموع وردت: حياهم الله تو مانور البيت بهم..
ابتسم محمد بالرغم من أنه عارف امه وش كثر مجروحه منهم وقال لها: يمه هم يبون يكلمونك..
ردت عليه: خليهم يتفضلون حياهم الله.. وراح محمد للمجلس عشان يناديهم..
أما أم محمد راحت بأفكارها للغالي تذكرت آخر يوم شافته فيه..
كان توه جاي من الشغل وتعبان دخل ولقى البيت هادي كان يبي يسلم على عياله ويروح للملحق ينام
بس لما مالقى أحد توجه للباب يبي يطلع وشده صوت في المطبخ راح يبي يشوف وش السالفة
لقى ام محمد قاعده وتاكل رفعت راسها وطاحت عينها في عينه وبعدييييييييييين....
كح..كح..وصارت تشهق تبي ماي راح عبدالله بسرعة وجاب لها ماي وصار يشربها ويمسح على ضهرها..
عبدالله: أنتي بخييير؟؟
موضي وصوتها راايح: اييه.. ورفعت راسها وطاحت عينها بعينه مرة ثانيه..
هنا ماقدر عبدالله يستحمل وقفها وضمها لصدره بكل قوته..
وصارت موضي تقاومه وتضرب صدره بكل قوتها بس هيهات كان ضربها بالنسبة لصدر
عبدالله العريض ولا شي لييين مااستسلمت وهدت...
كانت لحظات هدووووء وبعدها حس عبدالله بثوبه متبلل انصدم لما سمع شهقتها
ابتعد عنها وهو مصدوم لدرجة هذي صارت تكرهه صار يناضرها وماهي إلا لحظات إلا وتقدم لها
وتكلم : موضي سامحني انا مادريت انك بتضايقين مني لهدرجة بس والله مو بيدي ماقدرت أمنع نفسي
انا مشتاق لك حييييييييل ماقدرت امسك نفسي من أني ألمك لصدري ولو دقيقة..
بس موضي بدت شهقاتها تزييد وبعدها وأخيرا نطقت
: ياغبي انا ماأبكي عشان كذا انا أبكي لأني مشتاقه لك صارلك سنه يالظالم حتى ماتكرم علي حتى لو بنظرة اهتمام..
ماصدق عبدالله اللي تقوله: وكلامك ذاك ويين راح..
هنا ماقدرت موضي تكتم اكثر : كل الكلام اللي قلته من وراء قلبي انا ماأنكر اني في البداية كرهتك
لأنك فرضت علي وغصبتني أتزوجك بس من يوم جبت نوور وانا صايره امووت على التراب
اللي تمشي عليه بس أني كنت أنكر الشي هذا لأني أبيك ترجع ولما أعترف تلك بحبي يشهد علي ربي
أني قلت كل الكلام من قلبي بس لما رحنا لأهلك وشفت استقبالهم لك ماقدرت اتحمل وقلت هالكلام لأني أدري
انت وش كثر تحبهم ومشتاق لهم وتبي ترجع....
بس قاطعها عبدالله لما حط اصبعه على شفايفها مايبيها تكمل: اشششش.. خلاص سمعت اللي يكفي كل اللي أبيه قلبك
ودام انك للحين تحبيني الباقي مايهمني صح اني ابي اهلي واحبهم بس مستحيل أخليك يالغاليه واخلي عيالي..
مسك يدها وباسها ورفع راسه وتم يطالع بعيونها الدامعه ابتسم من قلبه وش كثر اشتاق لعيونها وش كثر اشتاق لحنانها وطيبتها ..
بس قطع عليه سرحانه صوتها المبحوح: بتم تناظرني كذا.. ترى ماأحب أحد يناظرني
ضحك وقال: أكيييد ماراح أناظرك وبس وسحبها وراح للغرفة..
ومن بعدها قامت الصبح ومالقته جنبها وخمنت أنه رايح للشغل..
وبعدها جاها خبر أنه مات بحادث لما كان راجع من الشغل..
وطاحت بالمستشفى من الصدمة وقعدت أسبوعين ماتكلم أحد بس أنها شدت عزيمتها لما شافت عيالها شلون خايفين عليها
وشلون يبكون عشانها ماكانت تبي تعقدهم ولما اكتشفت أنها حامل صارت أقوى وضلت تسع شهور وهي في البيت ماتطلع
عشان الحداد لييين ما ولدت وجابت مها... قطع عليها سرحانها ولدها محمد: يمه تراهم بيدخلون أدخلهم..
أم محمد: أيه يمه خلهم يدخلون.. وراحت تلبس جلالها.
دخل أبوطلال ووراه راشد,, أبوطلال: السلام عليكم..
أم محمد: وعليكم السلام والرحمة.. أبوطلال: شخبارك ياأم محمد.
أم محمد: الحمدلله بخير,, شخبارك أنت وشخبار الوالد والوالدة والأهل كلهم..
أبو طلال: الحمدلله كلهم بخييير.. وبعديين سكت شوي وتكلم: والوالد عطاك عمره..
أم محمد: الله يرحمه ويغفر له,, اسمح لنا والله توني أدري أنه متوفي ولا كان جيناكم في عزاه..
أبو طلال: مسموحه ياأم محمد حنا اللي نبيك تسامحينا وحنا اللي علينا الحق,,
يشهد علي ربي أني ماخليت مكان مادورت عليكم فيه بس مالقيتكم,, من يوم مامات عبدالله وأنا أدور عليكم
وكان الوالد الله يرحمه موصيني ألقاكم كان يبي يشوفكم قبل مايموت وكان يبي منك تسامحينه بس ربي ماكتب أني ألقاكم..
سكت شوي وهو يحاول يمسك عبرته وبعديين كمل: ياأم محمد أنتي زوجة الغالي وربي إن غلاتك من غلاته ونبي منك تسامحينا على اللي صار و...
قاطعته أم محمد: خلاص ياأبو طلال أنا مسامحتكم ماله داعي تعتذر وربي أني ماشلت في خاطري عليكم بشي أبد
والله أنكم غاليين علي من غلاتكم.. سكتت شوي تداري دمعتها لاتنزل وكملت: من غلاتكم عند المرحوم..
واخيراً نطق راشد اللي كان متأثر من كلام زوجة أخوه: ماتقصرين ياالغاليه مالوم عبدالله يوم أنه كان متعلق فييك..
ابتسمت أم محمد من قلبها<<لأنه نسخة من عبدالله حتى صوته وطوله وكل شي فيه شبهه به كبيييير< وقالت: أنت أكييييد راشد..
ابتسم ورد عليها: إيييييه أنا راشد..
وقاطعهم أصوات ضجيج وصرااخ من برا وقفوا كلهم متخرعييين من الأصوات ماعدا أم محمد ومحمد اللي كانوا حدهم متفشلين بسبب سارونه ومهاوي...
ساره فتحت الباب بدفاشة وبقووة وهي تضحك بصوت عاااالي وتركض ووراها مها تصارخ وفيها عبرة مقهوورة منها
: ساروووه جيبي فلاااااشي.. بس لما دخلت وشافت ساره متصنمه قدامها وتطالع في مكان محدد
التفتت مها للمكان اللي تطالع فيه وشافت رجال غريبين واقفين مع أمها وأخوها وبعدييين شهقت وتغطت بسرعة..
جات من وراهم الجازي معصبة: ماتعرفون تسكرون باب السيارة بشويش شنو ناوين تكسرون الباب..بس تفاجأت هي الثانية من الرجال اللي موجودين..
أما عند ساره اللي للحين مفهيه ولما التفت على أخواتها وشافتهم متغطيين شهقت وتغطت هي الثانية..
تكلمت أم محمد: تعالوا يابنات لاتستحون هذولا أعمامكم..
لكن ماشافت من بناتها أي استجابة كانوا ساكتيين.. تكلمت مرة ثانية: شفيكم واقفين تعالوا..
أبو طلال: تعالوا يابنات أنا عمكم محسن وهذا راشد..
الجازي ردت بحدة: احنا ماعندنا أعمام,, ولانعرفهم ولانبي نعرفهم..
ام محمد عصبت من كلام بنتها: الجاااااازي..
أبو طلال: خليها ياأم محمد هي ماقالت شي غلط..
الجازي وبأسلووب ينرفز: لااااا زين إنك عارف أجل وشو له جايين..
راشد عصب من أسلوبها وكان بيتكلم بس محمد ماقصر: الجازي احترمي نفسك وهذولا أعمامك رضيتي ولا انرضيتي وبيجوون غصبا عنك فااااهمه؟؟؟
الجازي: لا ماني بفاهمه يعني طوول ذا السنين وهم مايدروون عنا وهم السبب في حسرة أبوي
مات وهو متحسر ومقهور وعشنا طوول هالسنين ماأحد يسأل عنا مرة علينا أيام حتى اللقمه مانلقاها
تفضى الثلاجة ومانلقى اللي يعبيها حتى في المدارس ماعشنا مثل ماعاشوا البنات انهنا وانظلمنا ولا أحد عندنا يدافع عنا وييينهم كل هالسنين وينهم؟؟
محمد ماقدر يتكلم ماكان عارف إن أخته شايلة كل هذا بقلبها وساكتة..
أم محمد: الجازي اللي مر عليكم ربع اللي مر علي وهذا ماشلت بقلبي لأني داريه أنهم مالهم دخل..
الجازي: إلا لهم دخل ليييش مامنعوا جدي لما طرد أبوي ليش ماساعدوا أبوي
على الأقل يعاونونه بدون مايدري جدي ليش ماسألوا عنا يوم مات أبوي؟؟
راشد: أظن إن أخوي أبو طلال ماخلى مكان مادور عليكم فيه بس مالقاكم وهذا هو أول ماعرف مكانكم راح لكم على طوول..
أبو طلال: يابنتي انا ماألومك على موقفك بس والله انه من يووم مات أبووك وأنا أدور عليكم
بس مالقيتكم رحت لبيتكم اللي كنتم ساكنين فيه بس قالوا لي إنكم نقلتوا منه..
الجازي : ههههههه صدقتكم ع العموم أنا مانيب متقبلة وجودكم أبداً وألتفت على خواتها: وأنتم بكيفكم.. وراحت فووق..
ساره اللي وأخيراً نطقت: أنا أول مرة اتفق فيها مع الجازي على شي.. وصدت منهم وراحت فووق..
أما مها اللي الكل صار يناظر فيها ومن ضمنهم أمها اللي كانت تطالعها بنظرات رجاء إنها
ماتفشلها قدامهم بس للأسف صدت منهم وهي تبكي بصمت وراحت فووق..


...بوقف هنا