بسم الله الرحمن الرحيم
انا حبيت اهدى لكم اول ورده من ورودى وهى روايه بنسبه لى كثير اخدت مجهود عشان اخليها لكم باحسن صوره وانا اتمنى انها تنال اعجابكم واهم شئ ابيكم تساعدونى بروايه عن طريق ردودكم لى تمنياتى لكم بقراءه ممتعه
هذى القصه من نسج خيالى ولكن الشخصيات واقعيه
[="6"]اسم الروايه / ريناد يكفى عناد
0
0
(عائله ابو احمد ) ابو احمد /سعود عمره 55 سنه رجل اعمال فاحش الثراء ويشتغل بتجاره شخصيته كثير قويه وانسان عصامى بناء نفسه بنفسه وطيب كثير <فديت ابوى
ام احمد شيخه عمرها 50 سنه مملوحه ومسكينه وطيبه كثير وتموت على اولادها وخاصه احمد
احمد عمره 30 سنه شاب وسيم جدا لون بشرته برونزى عيونه عسليه وكثير حلوه وتجذب ورموشه طويله ماشاء الله طويل جسمه رياضى شعره بنى ناعم يوصل لتحت الرقبه بشوى وناعم يحب يمارس الرياضه بس انه شخص متعصب وعنيد والى براسه يسويه
ياسر عمره 25 سنه لا يقل جمال عن احمد بس الفرق بينهم ان ياسر دمه خفيف حيل > مثلى احم
وصايف عمرها22 سنه حلوه بيضاء عيونها وساع شعرها كيرلى لونه بنى شكولاته طبعا صبغه مو طبيعى تحب اختها فنون حيل بس دايم مشاحنات بينهم
فنون عمرها 19 سنه اجمل وحده بين اخوانها شعرها طويل لونه كستانئى عيونها عسلى فاتح بيضاء فمها صغير وخشمها سيف دلوعه حيل ودمعتها قريبه منها بس مشكلتها ان ما ينبل بفمها فوله فتانه درجه اولى
(عائله ابو فهد ) ابو فهد متعب اخو سعود عمره 52سنه يحبون بعض حيل متعب بكل شئ يشبه اخو سعود الا شخصيته ضعيفه قدام زوجته هى الى توديه وهى الى تجيبه ماله كلمه عليها
ام فهد حصه عمرها 49سنه مزيونه وكشخه حيل بس شايفه نفسها ياارض انهدى ما عليك قدى واوامرها مجابه كل شئ تحت شورها
فهد عمره 28 سنه وسيم جدا احلى ما فيه عيونه وغمزاته وضحكته وخفيف دم
محمد عمره 23 سنه دلوع امه حلو شعره طويل بس محليه بزياده يوصل الين كتوفه ويموت على البنات والمغازله
ريناد عمرها 22 سنه شعرها طويل اشقر عيونها رمادى رموشها طويله وكثيفه الى يشوفها على باله انها متكحله وهى طبيعه عيونها سبحان الله كأن فيها كحل خشمها طويل فمها صغير جسمها طولها ونحفها مثل عارضات الازياء بس عنيده وراسها يابس ودمها خفيف وصحبه هى وبنات عمها ابو احمد
مع الوقت راح يدخلون بروايه شخصيات بتدريج بعرفكم عليهم
(الفصل الاول )
0
رن تلفون البيت وصارت ام فهد تسمع اصوات من الدرج *طخ طاخ طيخ طوخ طاخ * هذى ريناد تبى تردر على التلفون قبل مااحد يمسكه
ام فهد: الله يهديك يا بنتى بشويش ايش فيك مستعجله التلفون مو طاير واساسا محد راد
ريناد: وهى تجرى يمه والله ابى اسمع خبر من فنون والخبله قالتلى بدق على تلفون البيت رفعت ريناد السماعه وهى تعبانه من الجرى
ريناد : الو
فنون :الووووووووووووووووووووو
ريناد :وجع وطى صوتك اذانى طارت
فنون : اذانك طارت طيب روحى جيبها بعدين مراح تسمعى الخبر
ريناد : من صراخك يا المهبوله نسيت اى خبر
فنون نسيتى يا خبله الخبر الى داقه عليك عشانه قسم انك مهبوله
ريناد:اى صح تذكرت يالله قولى لى بسرعه تكفين ولك البشاره
فنون :اممممممممممممممممممممممممم
ريناد : اخلصى على وش تبى قولى بسرعه
فنون: لازم افكر زين لان البشاره تستحق افكر ايش اطلب منك عشان تنفذيه لى على طول ولازم استغل الموقف
ريناد: تكفين بنت عمى حبيبتى انا ادرى انى ناجحه بس نسبتى كم يلا بسرعه قولى
فنون : امممممممممممم
ريناد: يلعن ام النذاله الى فيك عشان ماابى انصدم من نسبتى قلت بخليك انتى تشوفيها لى ولا اذا انا دخلت كان خلصت من زمان وعرفت نسبتى كم خلاص ماابى منك شئ انا بخلى فهد يشوفها لى بالنت
فنون : اول ما سمعت اسم فهد ابتسمت وقالت خلاص لا تعبين فهد انا اقولك ناجحه وبنسبه (99,85) ريناد ما استنتها تكمل قفلت التلفون وصارت تصرخ من الفرحه ما توقعت نسبتها عاليه كذا<> بينى وبينكم البنت دافوره ولها مستقبل
فنون : رينااااااد رينااااااااااااااد ريناااااد ولا تشوف احمد وراها
احمد: ايش فيها ريناد ليش تصارخين باسمها
فنون :هااااا لا ولا شئ بس ريناد نجحت وجابت نسبه عاليه
احمد :وخير ياطير بقولكم شئ عن احمد طول عمره احمد وهو يدرس بره المملكه فما يتذكر ريناد زين الا لما كان عمرها 8 سنين لان ابوه وداه يدرس بفرنسا من هو صغير عشان ياخد لغه عشان كذا ما يعجبه شئ ابد وماله مده راجع من فرنسا
فنون: اقولك جابت نسبه عاليه تقولى خير ياطير وهى من زمان ريناد نفسها تدخل بمجال الصحافه
احمد : صحافه ايش الى بتدرسها هنا واصلا عمى متعب مراح يوافق ان بنته تدخل مجال فيه اختلاط
فنونك ومن قالك ان عمى متعب مو موافق لا عمى موافق لان حصه هانم تبى ريناد تكون صحفيه ومشهوره بعد
احمد : من جدك انتى
فنون: اى والله من جدى وجد جدى بعد بس ماادرى وين راح تدرس
احمد :اهااا هى بنتهم وهم ادرى بمصلحتها فنون انا رايح تبين شئ
فنون: اكيد ياروح وقلب فنون انت
احمد : وش تبين انتى سبحان الله نفسى اسئلك وتقولين ماابى غير سلامتك
فنون : اكيد ابى سلامتك وبعد غير سلامتك ابى ايسكريم من باسكن ربنز
احمد: ان شاء الله تامرين امر انتى وراح احمد عنها وخرج من البيت
ركب السياره احمد واول مااقفل باب السياره شغل راديو fm خلينى اقولكم عن سياره احمد رنج روفر لونها اسود وهى سياره فخمه وغاليه حيل وريحه السياره دخان مختلط معه رائحه عطر احمد المفضل كرد الاسود خطير ريحته وكان رايح لشركه ابوه
وصل احمد الشركه ونزل من السياره واتجه للباب الرئيسى لشركه اول ماادخل الشركه الموظفين شافوه راحو يسلمون عليه لان له زمان ماادخل الشركه قلت لكم كان مسافر وهذى اول زياره له بعد وصوله من السفر
وقف عند السكرتير وقال
احمد : لو سمحت اخوى ابو احمد موجود
السكرتير: مين اقوله
احمد :قوله ولدك احمد يبيك
السكرتير: اعذرنى ياطول العمر انا جديد ومااعمرى شفتك السموحه منك
احمد : لا ياخوك عادى حصل خير
السكرتير: سم طال عمرك هو موجود تفضل
احمد: مشكور
دخل احمد وشاف ابوه جالس منحاس بين الاوراق وجهه واضح عليه التفكير
احمد:اشوف ابو احمد مو فاضى لنا
ابو احمد :هلااااااااا هلااااااااا والله بولدى احمد حياك يابوك تعال
احمد :هلا بك يبه
ابو احمد :خير يابوك وش عندك جاى الشركه فيه شئ
احمد :سلامتك يبه بس قلت امرك خلنى اشوفك لان بلبيت ماانشوفك
ابو احمد :تسلم يانظر عينى
احمد :وعينى بعد
ابو احمد :ها قولى وش اخبارك
احمد : والله يبه من يوم ما وصلت من فرنسا وانا جالس لا شغله ولا مشغله وانا ما تعودت اجلس من دون شغل
ابو احمد : صادق ياوليدى قولى وش رايك تشتغل معى
احمد: جد يبه تبينى اشتغل معك
ابو احمد :اى يوليدى انا كبرت وابى من يشتغل معى واعتمد عليه ومافى غيرك اعطيه هالمسئوليه
احمد: طيب يبه ايش راح تشغلنى عندك انا اعرف بس بالعلاقات العامه
ابو احمد :وهذا هو المطلوب الشغل الى يجينا من بر ه السعوديه انت روح خلصه وانا بعملك توكيل عشان تقدر توقع لو فيه لزوم لتوقيع
احمد :تم يبه الله لا يحرمنى منك طيب لو مافى شغل بره السعوديه وش اسوى
ابو احمد: تعال هنا وشوف احوال الشركه وشوف الشغل كيف ماشى وراقب الموظفين الين ما تعرف كل شئ عن شغلنا وتستفيد وبعدين هذا الحلال كله لمن مو لك ولخوانك يعنى لازم تعرف الصغيره قبل الكبيره بشغل لانك من بعدى انت واخوك بتمسكون حلالكم وحلال خواتكم وامكم
احمد :الله يعطيك طولت العمر يبه لا تقول كذا بسم الله عليك
وهم جالسين يسولفو سمعو اذان الظهر يملا المكان الله اكبر الله اكبر لا اله الا الله
ابو احمد :يلا يوليدى خلنا نقوم نتوضى ونصلى بمسجد الشركه
احمد :تفضل يبه
وهم رايحين للمسجد دخل ا ابو فهد وقال
ابو فهد: السلام عليكم
ابو احمد واحمد: وعليكم السلام ورحمه الله
ابو احمد: خير يابو فهد
ابو فهد: خير بوجهك وان اخوك بس قلت دامنى قريب من الشركه الحق اصلى معكم جماعه
ابو احمد : طيب يلا خلينا نلحق على الصلاه
احمد ابو فهد ": يلا
بعد ماانتهت الصلاه وخرجو من المسجد وهم ما شين بممرات الحديقه الى تخص الشركه قال احمد مبروك ياعم
ابو فهد :مبروك على ايش يااحمد
احمد :مبروك لريناد
ابو فهد :ريناد وش فيها ريناد
احمد: فنون قالت لى انها نجحت ونسبتها (99,85)
ابو فهد :والله انت من جدك
احمد :اى والله ياعم من جدى
ابو فهد: الله يبارك فيك يا وليدى
احمد :ليش ياعم انت ما تدرى ان ريناد نجحت
ابو فهد: لا والله ماادرى
احمد :غريبه لان فنون اول ما قالت لها صرخت من الفرحه وقفلت السماعه على طول ظنيت انها قالت لك
ابو فهد: ريناد ما تقول تبينا حنا الى نسألها ايش سوت اما نها تدق وتقول انا نجحت انسى ما تحب تبين لنا انها مهتمه يعنى تبو تعرفون انا ايش سويت اسئلونى
احمد: غريبه
ابو فهد: ريناد راسها يابس واسلوبها غريب محد يفهمه الا فنون لانها اقرب وحده بنسبه لها وتعتبرها اختها الى انحرمت منها وما تخبى عنها شئ
احمد :اهااااااااا
ابو فهد: ابو احمد ايش رايك دام اليوم ريناد نجحت بسوى عزيمه عائليه
ابو احمد :تستاهل ريناد
ابو فهد :ها احمد اجل اليوم بنتظرك وانا عمك لك زمان ما دخلت بيتى
احمد :ان شاء الله ياعمى بجى اذا ما انشغلت
ابو فهد :اجل خلنى اروح اقول لأم فهد تجهز للعزيمه يلا فمان الله
ابو احمد واحمد: فمان الكريم
طبعا وصلنا لنهاية الفصل الأول
وكلي امل بان تنال إعجابكم مبدئيا ً ولكن تتبقى الأحداث ولن تظهر صراعات الرواية
إلا بعد أرائكم وردودكم لتكملة الرواية ترى اذا كانت الردوود 15 او اكثر اكمل
