اهلا بكم احبائى
كلنا عارفين انه بيحصل مشاكل كتير بسبب بعض الحموات
نلاقى مثلا ان الزوجه وهى حامل بعض الحموات مثل حماه الزوجه تصمم ان المولوده لو انثى
لازم تكون على اسمها بمعنى لو اسمها زبيده لازم المولوده يكون اسمها زبيده وياريت كدا وبس
لا لو المولود ذكر تصمم ان يكون اسمه على اسم زوجها حما الزوجه حتى لو كان اسمها او اسمه لا يناسب اسماء العصر الحديث وعلى الجانب الاخر حماه الزوج نفس التصميم كنوع من العناد
ويكون الضحيه هنا هو الزوج والزوجه ومحتارين يراضوا مين فيهم
نلاقى مشكله اخرى مع انها بسيطه لكن بتكبر امام عناد كل من حماه الزوج وحماه الزوجه
لو الزوج والزوجه وام الزوج وام الزوجه خارجين لمناسبه ما نلاقى ام الزوج تصمم انها تجلس بجوار ابنها بالمقعد الامامى فى السياره فى نفس الوقت ام الزوجه قامت فى راسها انها تجلس فى المقعد الامامى فى السياره بجوار زوج ابنتها كنوع من العناد
وسؤالى هنا للبنات والشباب
انتى كبنت لو حصل ان حماتك صممت انه يكون اسم المولوده على اسمها واسم المولود على اسم حماكى وفى نفس الوقت والدتك مصممه على انه يكون اسم المولوده على اسمها واسم المولود على اسم والدك هتتصرفى كيف؟
ولو صممت حماتك ووالدتك ان كل واحده فيهم عايزه تجلس بجوار زوجك فى المقعد الامامى بالسياره
كيف هتتصرفى؟
