المكونات
½ كوب شوفان
¼ كيلو لحمة مقطعة مكعبات
2 ملعقة كبيرة بقدونس مفروم
ثمرة فلفل أخضر مقطع قطع صغيرة
2 ملعقة كبيرة صلصة طماطم
2 ثمرة طماطم مفرومة
½ ملعقة صغيرة قرفة
2 ملعقة كبيرة زبدة
2 فص ثوم مفروم
ملح وفلفل أسود
ثمرة بصل مفرومة
6 كوب ميه
طريقة التحضير
1- شوحي البصل والثوم في الزبدة، وبعدين ضيفي عليه اللحمة وقلبيهم على النار لحد ما تتشوح، وبعدين ضيفي الفلفل الأخضر والطماطم والبهارات والملح والفلفل الأسود وقلبيهم مع بعض على النار.
2- ضيفي على الخليط صلصة الطماطم والميه وسيبي الشوربة على النار لمدة 20 دقيقة لحد ما تغلي، وبعدين ضيفي الشوفان وقلبيهم مع بعض، وسيبي الشوربة على نار هادية لمدة 10 دقائق لغاية ما الشوفان يستوي، وبعدين اغرفيها في أطباق التقديم وزينيها بالبقدونس المفروم.
