السلام عليكم ورحمة الله وبركاته هاد طرونش شفتهم فواحد القناة وعجبني بزاف وبما انهم ماتيعطيوش المقادير دارتها بمقاديري وجات فنة
جينواز دارت فيها 3 بيضات وكاس سنيدة حتا تضاعف الخليط تقريبا 20 دقيقة ديال تطراب من بعد زدت كاس دقيق مغربل ونصف خمارة وقاني وخلطت غير بشوية وفنفس الاتجاه
ندخلوها الفران تطيب راه دغيا كتطيب حيت رقيقة وخفيفة
كريمة الحامض غادي نحتاجو 3 بيضات كاس ونصف سكر كلاصي او حسب الدوق 2 حامضات قشرة حامضة معلقة صغيرة نشا معلقة كبيرة زبدة ومعلقة صغيرة زبدة ماللي تطيب لكريمة
نخلط البيض بفرشيط وناخد سكر كلاصي نخلطو مزيان معا الحامض وقشرة الحامض ونزيد البيض اللي خلطت ومعلقة نشا محلولة فشوية الماء ومعلقة كبيرة الزبدة ونحطو كاسرونة فوق نار مهيلة حتى تعقد وماللي توجد نزيد معلقة صغيرة الزبدة ونخليو لكريمة تبرد
ونكونو موجدين كريم شونتي وسيرو دارت فيه كاس الماء كبير نصف كاس سنيدة ومعلقة كبيرة عصير الحامض ونخليوه يغلى 10 دقائق
ونقطعو جينواز اعلى 3 انا عبرتها بمسطرة وقطعتها تم ندهن طبقة الاولى بالسيرو ونحط كريم شونتي وفوق منو كريمة الحامض ونزيدو طبقة جينواز ونعودو نفس الطريقة حتا نكملو الطبقات اللي عندنا انا دارت 3 طبقات ونغلفوها ببلاستيك الغدائي وندخلها لفريكو حتا تبرد باش نقدر نقطعها مقادة
