ندوزو للمقادير مع الطريقة: ناخدو البرقوق والمشماش والزبيب نغسلوهم ونديرهم فكسكاس حتى يرطابو من بعد نحيدو العظم للبرقوق ونقطعوه هووالمشماش طريفات صغار ونديروهم يتعسلو مع الزبيب والتمرمقطع طريفات والزبدة والعسل وشوية القرفة من بعد نخلطوهم مع الكسكس مزيان اللي كيبغي الحلاوة يقدر يزيد السكر كناخدو اناء غارق كنديرو فيه 2بيضات مسلوقين ومقطعين على جوج كنخوي الكسكس ونبسط مزيان بالمعلقة كنجيبو طبسيل ونقلبو فيه السفة غي بشوية باش تبقى محافظة على شكلها كنزينها بالسكر كلاصي والقرفة ونقدمها مع الحليب مخلط بماء الزهر وها السفة ديالنا واجدة كنتمنى تنال اعجابكم وتجربوها
