نرجع لورى و نروح للعرسان ..
هيا قامت و تسبحت و يلست و تعدلت حطت لها مكياج خفيف و رفعت شعرها و الحين تبا توعي حمدان .. قعدت على طرف السرير و يلست تتأمله شكله حلوووو وهو نايم ..
هيا بصوت كله حيا: حمدان ..
حمدان: ................. في سابع نومه..
هيا: حمدان قوم ..
و حطت يدها على خده ..
فتح حمدان عينه .. و يلس يتأملها .. بتذبحني هالبنت بجمالها انا بدون مكياج و مذوبتني و الحين مع مكياج لالالا البنت ناويه علي اليوم ..
حمدان: صباح الخير بهالويه الصبوح ..
هيا: صباح النور بالغلا كله يلا قوم بسك رقاد ..
حمدان: آآآآآآآآآآآآآآآآآآآآآآآآه انتي بتذبحيني ..
هيا خايفه: بسم الله عليك من هالطاري لييييييييييش انا سويت فيك شي ؟؟؟
حمدان: لا حشى عليج انتي ماسويتي فيني شي .. انتي سويتي فيني اشياء انتي اسرتيني .. و انا امس ادور قلبي وينه اناديه اقول له تعال يرد لي يقول لالا انا هب راجع لك انا بتم عند غناة الروح تسعدني طول عمري ..
استحت هيا و قامت من عنده جان يقبض يدها ..
حمدان: وين سايره ماشبعت منج ..
هيا: عندك العمر كله ان شاء الله بتمل مني ..
حمدان: الخبل اللي يمل من روحه و قلبه و حياته و نبضاته ..
هيا في خاطرها لالا هالولد ناوي على اليوم ..
هيا: يلا قوم ..
حمدان: مااروم انتي قوميني ..
هيا: لو اروم جان شلتك ..
حمدان: لالا خلاص مابا اتعبج .. و قام ..
هيا جهزت ملابسه و ولعت الفحم و دخنتهم ..
طلع حمدان و شعره مبلول .. هي كانت يالسه عند التسريحه تمشك شعرها .. وقف يدامها حمدان و طالعها بنظره خبيثه ..
هيا: شوووو؟؟
حمدان: نشفي شعري ..
هيا: لييييييييش ناقصك يد ولا ريل ..
حمدان: لالالا هب جي السالفه انا لين انشف شعري آخذ و قت طويل بس انتي لين تنشفينه 5 دقايق و يكون ناشف ..
هيا: لا و الله ..
حمدان: هيه والله ترى اليوم ماشي طلعه لين تنشفين شعري ..
هيا: انزين ايلس على طرف السرير لانك طويل و مااوصل حق شعرك ..
حمدان: الطول نعمه و القصر نقمه ..
قعد حمدان على السرير و هي تنشف شعره جان ينغزها من خصرها ..
هيا: آآآآآآآآآآآآآي ..
حمدان يستهبل: بلاج؟؟؟
هيا: ماشي .. و رجعت تنشف شعره .. جان ينغزها مره ثانيه ..
هياك آآآآآآآآآآآآآآآآآي حمدووون ..
حمدان: انا في خاطري اعرف شي واااااااحد انتي تتعورين ولا تغارين ؟؟؟
هيا بدلع: اغاااااااااااااااااااااااااااااااااااار ..
حمدان: انزين خلاص ..
و بعد ماتلبس حمدان و توهم بيظهرون ..
حمدان: جهزي شنطة السفر اليوم بنسافر بعد المغرب ..
هيا: وين ؟؟
حمدان: بنسير ايطاليا مع خليفه و جاسم ..
هيا: هيه صح يحليله جاسم الله يشفيه ..
حمدان يوايهها: سامحيني الغاليه بخرب عليج شهر العسل ..
هيا تحط صبعها على شفايفه: المهم اني اكون بقربك و لا شي يبعدني عنك هذا اللي انا اباه و اتمناه ..
حمدان: لا تخافين ماشي راح يفرق بيننا الا الموت اوعدج ..
هيا: بدون ماتوعدني انا عارفه .. و ساروا بيت بوعبدالله ..

وصلوا المعاريس و سلموا على الكل و باركوا لهم و بعدين قعدوا بسولفون ..
بوذياب: متى ملجة حميد .؟؟
بو عبدالله: هالخميس .. و الخميس اللي بعده ملجة هزاع ..
الكل: الله يوفقهم ..
جاسم: هذا اهداااااااااااااااااء حق حمدان و هيا ..
وين اودي شوق قلبي و الوله..
لو غديت بعيد عني مااسمعك ..
تملك احساسي و فكري تشغله ..
ترحل طيوفك و فكري يجمعك ..
هاك قلبي هاك ليتك تقبله ..
خذ سنين العمر او خذني معاك ..
انت تالي الحب عندي و اوله ..
و من يقول اني نسيتك .. يخدعك ..
و سوالم ..
حمدان: مشكور الغالي ..
جاسم: خليفه.. حمدان تعالوا ..
قاموا الثلاث و ساروا الحديقه..
حمدان: شوووو؟؟
جاسم: و الله هب لازم تيون معاي ..
خليفه: افااااااااااا عليك حنا اخوان و الله يخليك لا تعيد هالرمسه مره ثانيه ..
حمدان: تجهزوا بعد المغرب بنسير ..

بعد المغرب ..
كانت متضايقه واااااااااااااااااااايد .. كانت الضيقه مبينه في عينها على فراقه.. شوووو بسوي الحين انا خايفه عليه ماباه يسير .. و قطع عليها حبل افكارها امها ..
ام سلطان: نوره غناتي سيري المطبخ هاتي الكيكه ..
نوره: ان شاء الله ..
سارت المطبخ و يلست على الكرسي و صاحت من الخاااااااااااااااااااااطر بس بدون صوت .. جاسم كان نازل من فوق على اساس انه خلص ترتيب الشنطه .. و انتبه عليها فسار صوبها ..
جاسم بصوت يذوب الصخر: نوره ..
نوره مسحت دموعها: لبيه ..
جاسم: لباج قلبي بلاج تصيحين ؟؟
نوره: ماشي بس دخل شي في عيني ..
جاسم: العبي غيرها كل هذا الصياح عشان بتفارقين هيا ...
نوره في خاطرها كل هالصياح عشانك انت: هيه عشان هيا ..
جاسم: خلاص عاااااااااااااااد امسحي دموعج تراها غاليه علي حييييييييييييل ..
نوره: انزين ممكن تودي الكيكه انا بيي وراك ..
جاسم: غالي و الطلب رخيص .. و خذى الكيكه و سار ..
نوره سارت فوق تغسل ويهها و تعدل جحالها و نزلت تحت ..

بعد ماودعوا الكل سار حمدان و هيا و خليفه و جاسم و هزاع و نوره و ريم و دلال و الشباب المطار و اليازيه ..
حمدان: مااوصيك على الوالده و الوالد عبدالله ..
عبدالله: انتوا بس سيروا و رجعوا لنا بالسلامه و لا تاكلون هم احد ..
خلاص الحين بيدخلون البوابه ..
جاسم خذى ريم على صوب ..
جاسم: هاج عطي هذا الظرف نوره ..
ريم: حاضر ..
جاسم ماقامت عينه من على نوره اللي كانت تصيح من الخاااااااااااااااطر و هي لاويه على هيا ..
هيا: خلاص الغاليه ..
نوره: الله يوفقج حبيبتي تروحين و تردين بالسلامه ..
حمدان: وصيها علي ..
نوره: مااوصيكم على بعض .. كلكم غاليين ..
حمدان: و انا بعد مااوصيج على ................................
نوره طالعته ..
حمدان: هياوي بس بغيت نوره في كلمه راس ..
هيا: اوكي .. و سارت ..
حمدان: انا دريت باللي صار امس من جاسم ..
نوره: حمدان دخييييييييييلك دير بالك عليه ..
حمدان: تامرين امر .. انزين مااوصيج على نفسج و على الباقي ..
نوره: اكيد يلا مع السلامه ..
ساروا حمدان و هيا و جاسم و خليفه .. لين اختفوا من انظارهم ..
ريم: نوره..
نوره: هلا الغاليه ..
ريم و تعطيها الظرف: هذا من جاسم ..
نوره مستغربه: اوكي ..
ريم: و يقول لج حافظي عليه مثل ماتحافظين على نفسج ..
بعد ماساروا كل واااااااااااحد بيته ...

الساعه 2 بالليل .. في غرفة نوره ..
كانت قاعده و الجو بااااااااااااااارد و البلكونه مفتوحه و قاعده تفكر شوووو اللي ممكن يكون في الظرف .. اخاف افتحه و انصدم صدمة العمر .. لالا مابفتحه .. لالا بفتحه .. كانت افكارها متضاربه ماعارفه شووو تسوي .. و اخيرا قررت انها تفتحه .. و انصدمت لما شافت خاتمها اللي ضاع .. و معاه رساله .. مكتوب ..

(( بسم الله الرحمن الرحيم ..
الغاليه نوره ..
اسمحيلي على الكلام اللي باقوله بس هذا الواقع و لازم الوااااحد يعيشه و انتي بالذات لازم تعيشينه انا يمكن ماارجع و اباج توعديني انج بتوافقين على اللي ايي يخطبج تقدرين تقولين انا كنت حب مراهقه بالنسبه لج و اباج ماتتذكريني لا غمضت عيني عن هالدنيا في النهايه انا احبج و اتمنى لج كل السعاده من قلبي ..
مع حبي :
شيخ الشباب .. جاسم ..
ملاحظه : هذا الخاتم اللي سحبته من يدج لين قبضتها يوم العرس .. ))..

نوره قامت تصيح من الخاطر ليييييييش يقول هالكلام لاااااااااااااااااا مستحيل يموت انا مااقدر اعيش بدونه مااقدر انساه هو نبض القلب و حياته و مستحيل احب غيره لو مهما صار و شلون اعتبرك حب مراهقه و انا لين فتحت عيوني على الدنيا ماشفت غيرك انا سعادتي معاك يالغالي اذا انت مت انا بعد امووووووووت مااتحمل فرقاك لو ثانيه من زماني .. ليتك خليتني احاتي ولا طرشت لي هالرساله اللي طعنت قلبي و خلتني باقي انسانه عايشه على حبك و ذكراك .. ليتني اموووووووووووووت ولا اني احضر يوم عزاك ليت يومي قبل يومك .. و مانامت الليل و هي تفكر شووو بيصير في جاسم و تدعي له لنه الله يرجعه لها بالسلامه و تكمل حياتها معاه ..

اليوم الثاني ..
وصلوا الاربعه ايطاليا الفجر و كانوا تعبانين حييييييييييييييييل فساروا ناموا خليفه و جاسم في فيلا الشباب و هيا و حمدان في الفيلا العوده عشان ياخذون راحتهم ..
الساعه 12 الظهر..
وعت هيا من النوم و نزلت تحت شافت خليفه قاعد يشرب جاهي و لابس جاكيت لانه وااااااااااااااااايد برد ..
هيا: صباح الخير ..
خليفه: صباح النور .. وين حمدان عنج ؟؟
حمدان: تعبان و مزجم صادته حمى قويه ..
خليفه: حتى جاسم صادته حمى قويه و طول الليل ما رقد و الله لا يراويج قام المسكين من النوم و هو متخرع و يكح اول مره اشوفه يكح بهالطريقه ..
هيا: الله يشفيه متى بتودونه المستشفى .؟؟؟
خليفه: اليوم بنسير ..
شوي الا حمدان نازل و الفاين في يده و شعره ناطر و ملحف نفسه باللحاف يعني بالمختصر المفيد شكله يفطس من الضحك .. عااد خليفه انتهز الفرصه و طلع الجوال و صوره ..
خليفه: الله الصوره عجيبه حمدان بويه ليييييييييش شكلك جذي اكيد شايف هيا و هي نايمه ..
حمدان بصوت مبحوح: عنلالالالالالالالالالالالات صداك يالخام حرمتي احلى منك .. الا وين توأمي هو الوحيد اللي يفهمني ؟؟
خليفه: و الله امس صادته حمى قويه و تعب علي و قام يكح يعني على الساعه 7 رقدنا ..
حمدان: اليوم بنسير المستشفى ..
خليفه: هيه ..
فتح عينه و كان مستغرب من المكان بعدين تذكر انه مسافر عشان علاج قام بثقل من على السرير و هو يسحب ريله سحاب و دخل الحمام خذى له شور سريع و لبس شي داااااااااااااافي و سار الفيلا العوده..
جاسم: هود هود ..
حمدان: اهدى ..
جاسم: السلام عليكم ..
الكل: وعليكم السلام..
خليفه يتظنز: التوائم مزجمين والخشوم حمره و الشعر ناطر و الفاين في اليد و الويه يضحك بلاكم السبلان حالمين في بعض امس ... هههههههههههه..
جاسم+حمدان: عنلالالالالالالالالالالالاتك يالخام..
خليفه: عااااااااااااااااادي واااااااااااااااايد اسمعها ..
جاسم: هياوي ..
هيا: نعم ..
جاسم: ممكن تسوين لي شي داااااااااافي اشربه ..
هيا: بسويلك شوربه انت و حمدان عشان تخف السخونه .. و سارت المطبخ ..
حمدان: جاسم اليوم تجهز العصر بنسير عند الدكتور؟؟
جاسم: انزين ..
يابت هيا الشوربه و قعدوا رباعه ياكلون و يسولفون .. تذكر جاسم انه عطى ريم الظرف .. و اتصل فيها..
ام عبدالله: الوو..
جاسم: مرحبا اماااااااايه شحالج؟؟
ام عبدالله: مرحبا بهالصوت الغالي انا بخير انتوا شحالكم ؟؟
جاسم: و الله الكل بخير الا وين ريماني ؟؟
ام عبدالله: كاهي .. ريم التلفون .. و جاسم قام من عندهم ..
ريم: هلا جاسم ..
جاسم: هلا ريماني شحالج الغاليه ؟؟
ريم: و الله بخير انتوا شحالكم ؟؟
جاسم: كلنا بخير الا اقول عطيتيها الظرف ؟؟
ريم: هيه ..
جاسم: خلاص ..
ريم: شووو كان في الظرف ؟؟
جاسم: خلى نوره تخبرج ..
ريم: سرت للدكتور؟؟
جاسم: لا اليوم العصر بنسير ..
ريم: اخليك الحين جاسك اباك ترتاح اوكي ولا تعب عمرك غناتي ..
جاسم: الله يخليج لي و لهزاع ..
ريم: جان استحي ..
جاسم: ههههههههههههههه باااااااااااي الغاليه .. و صكر..
جاسم: الوالده تسلم عليكم و تقول انه هم بعد بخير ..
الكل: الله يسلمهم ..
هيا: شوووو تبون الغدى ؟؟
خليفه: لالا عني انا ماباكل من غداج ..
حمدان: ليييييييييييش ؟؟
خليفه: الله يسلمك هالغدى بيكون اول تجاربها بعد الزواج و يمكن كلنا نترقد في المستشفى ..
جاسم: كفايه انا مريض ..
حمدان: عنلالالاتكم انتوا الاثنين انا باكل من غداج الغاليه ..
هيا: شوووو تبون خلاص صدقوني مابسممكم ..
جاسم: انا في خاطري مجبوس لحم ..
هيا: فالك طيب .. و سارت المطبخ ..
الشباب طلعوا برع عشان هيا تاخذ راحتها .. ساروا يشترون اغراض حق البيت و مروا من عند السوق اللي ساروا له مع البنات المره اللي فاتت .. وهم يمشون تذكر جاسم المواقف اللي صارت له مع نوره .. و حمدان نفس الشي تذكر كل اللي صار له مع هيا و شلون كان يغلس عليها .. و بعدين قاموا يسولفون و يضحكون و شاليين البقعه .. فجأه جاسم وقف مكانه ..
حمدان: بلاك جسيم ؟؟؟
خليفه: تعبان شي فيك ؟؟؟
جاسم: لالا مافيني شي بس بادخل هالمحل و انتوا اسبقوني اوكي ..
حمدان و خليفه افهموا عليه انه هو يبا يكون بروحه فساروا .. سار جاسم و دخل محل فيه كله تذكارات و اشياء قديمه كانت رووووووعه .. خذى سلسله بيضه و ورديه عليها حرفه و خذى خاتم منقوش عليه صورة ملاك و سلسلة يد مرسوم عليها بنت صغيره و ماسكه ورده و طلع .. سار عند حمدان و خليفه اللي كانوا قاعدين في الكوفي شوب .. طلبوا لهم و قعدوا يشربون و يتذكرون سوالفهم و سوااااااااد ويههم ..
بعد ساعتين من الحواطه رجعوا البيت لانهم يواعه و لقوا هيا مجهزه كل شي الصحون و حاطه لهم في صحون ..
حمدان: الله الله شو كل هالزين ..
جاسم: عيني عليج باااااااااااارده ياهيا الله يخليج ..
خليفه: مشكوره ختيه ..
هيا: هب الحين تشكروني بعد ماتاكلون ..

بعد الغدى ..
حمدان: تسلم يدج غناتي .. و باس يدها ..
جاسم+خليفه: تره في عزابيه هني ..
حمدان: مالكم خص فينا ..
جاسم: و منكم نستفيد ..
هيا: شووو رايكم تاكلون السويت الحين ؟؟؟
حمدان: شوووووو سويتي ؟؟؟
هيا: الكيكه اللي تحبونها ..
الكل: كيكة الاسكريم ..
هيا: هيه .. و سارت قطعتها في صحون و عطتهم ..

نرجع للبلاد ..

في بيت بوسلطان.. بعد الغدى ..

نوره بعد ماقرت الرساله ماظهرت من غرفتها و كله تصيح ..
بوسلطان: هزاع سير شوف اختك شووو استوى بها ليييييييييش اليوم ماتغدت ..
سار هزاع صوب غرفتها .. طق الباب ..
هزاع: نواري ..
نوره: نعم ..
هزاع: ممكن ادخل ؟؟
نوره: تفضل ..
دخل هزاع و قعد على السرير عندها ..
هزاع: بلاج الغاليه ليييييييييييش ماتغديتي معانا ؟؟
نوره: مالي نفس ..
هزاع: ليييييييييش حد مضايقج ؟؟؟
نوره: دام انت موجود محد يقدر ..
هزاع: هههههههههه انزين غسلي ويهج و تعالي تحت الوالد خايف عليج ..
نوره: اوكي بس هيا اتصلت ؟؟؟
هزاع: هيه تقول انهم بخير ..
نوره: اهاااااااااااااااااااااااااااااااااااا ..
طلع هزاع عنها .. و هي غسلت ويهها و نزلت تحت ..

في ايطاليا .. العصر ..
ساروا الاربعه للمستشفى ..
دخل جاسم و معاه حمدان و خليفه عند الدكتور و هيا قعدت برع .. الحمد لله انه الدكتور كان عربي ..
الشباب: السلام عليكم ..
الدكتور: وعليكم السلام تفضلوا ..
الشباب: زاد فضلك ..
الدكتور: من فيكم جاسم ؟؟
جاسم: انا ..
الدكتور: انا قريت ملفك و اول مره تمر علي مثل حالتك يعني انت عارف انه العمليه ممكن 50 % ممكن تنجح ..حنا بنسوي لك بعض الفحوصات و بنشوف اذا حالتك تسمح انه نسوي لك عمليه ..
حمدان: اذا بتسوي العمليه انا ابا عند افضل دكتور في المستشفى ..
الدكتور: لا تخاف عندنا دكتور متخصص في هالحالات وهو ماهر عدت عليه اصعب الحالات و الحمدلله مرضاه كلهم بخير ..
اطمن جاسم شوي من كلام الدكتور .. طلعوا من عنده و بعد يومين بيسوي جاسم الفحوصات اللازمه ..
هيا: هااا بشروا ..
حمدان: بيسوون له فحوصات و بنشوف بعدين ..
هيا: الله يشفيك ياجاسم ..
مر اليوم على الكل عاااااااااااادي .. جاسم من التعب رقد بدون مايتعشى ..

مروا يومين و جاسم سار بنفسه عشان يسوي الفحوصات لانه رفض احد ايي معاه .. بعد ماخلص خبره الدكتور انه يمر عليه بكره و يشوفون نتيجة التحاليل .. بدل مايرجع جاسم البيت سار يتمشى في الحديقه اللي قريبه من البيت .. و يفكر في نفسه و حياته .. و الله اني ظلمت البنت معاي ماكان لازم اعطيها هالرساله بس هي بعد لازم ترضى بالامر الواقع .. رفع يده للسما .. ربي ساعدني اجتاز هالمحنه اللي انا فيها و تقدرني اسعد نوره ..

اليوم الثاني العصر ..
سار جاسم المستشفى مع خليفه و اصر على حمدان انه يطلع هيا برع هذا شهر عسلهم يعني مايصير تيلس في البيت .. وصلوا المستشفى و قلبه كان يدق يحسه بيطلع من صدره ..
الدكتور: اهلين جاسم ايلس ..
جاسم: هاااااا دكتور بشر ..
الدكتور: نقدر نسوي لك العمليه بعد اسبوع الحمدلله ضغطك رجع لمعدله الطبيعي و كل شي تمام ..
خليفه: يعني في خطوره على حالته؟؟
الدكتور: شوف انا مااظمن لك انه العمليه تنجح بس ربك قادر على كل شي ..اسمع تعال يوم الاثنين و بنسوي العمليه و ان شاء الله تنجح ..
جاسم: مشكور دكتور.. و طلعوا ..

في البلاد تحددت ملجة حميد يوم الخميس بس هو اصر انه مايسويها الا و جاسم و الباقي موجودين .. اتصل فيه جاسم و قال له سوو الملجة و صوروا لنا و اقنعه ..

يوم الاثنين في اليطاليا ..
ساروا المستشفى كلهم من العصر و دخلوا جاسم غرفة العمليات .. و قبل مايعطونه المنوم .. طلب حمدان ..
حمدان يصيح: استهدي بالله ياجاسم صدقني بتكون بخير و بتقوم بالسلامه ..
جاسم و بعد الدموع تنزل من عينه: اسمع اباك تقول حق نوره اني احبها ..
حمدان و الدموع في عينه: جاسم لا ترمس هالرمسه انت اللي بتقول حق نوره هالكلام ..
جاسم مسك يد حمدان و ابتسم له: احبك ياتوأمي ..
طلع حمدان و ماقدر يتحمل زياده و الدموع في عينه .. بنجوه و بدوا العمليه ..
اتصل بوعبدالله في حمدان ..
حمدان: مرحبا الغالي ..
بوعبدالله: هلا حمدان شحالكم ؟؟
حمدان: بخير ..
بوعبدالله: و الحال على جاسم ؟؟؟
حمدان: توهم دخلوه غرفة العمليات ..
بوعبدالله: انزين خبرني اذا صار شي ..
حمدان: ان شاء الله .. و صكر ..

مرت ساعتين و جاسم في غرفة العمليات ..

فجأه.......................................

توقعاتكم؟؟؟!!!

سلاااااام حبيبتي بصراحة
الروااية روووووووووععععععةةة مافي احلى منها
الا انت طبعا ههه
يلا كمليها بسرعة انا انتضر
اتوقع انه العملية حق جاسم تنجح ان شاااااءءء الله لا تموتيه الله يخليكي و الله حبيتو

يلا حبيبتي وينك انت
انا صارلي زمان و انا استنى وينك
ترى للصبر حدود و انا صبري نفذ الله يخليكي كمليها بسرررررعععععععععةةة

فجأه...........................................
سمعوا صوت جهاز القلب يوقف ..
الدكاتره اللي في الغرفه يدخلون و يطلعون منها مما خلى حمدان وااااااااااااااايد يتوتر ..
خليفه: لالالالالا مستحيل مستحيل ..
هيا: خليفه الله يخليك اسكت.. و التفت على حمدان بس مالقته ..
حمدان و الدموع في عينه و قاعد عند باب الغرفه: جسيم الله يخليك لا تخليني و تروح انا محتاجك دخييييييييييييييلك لا تروح انا استمد قوتي منك ....
هيا: حمدان لا تسوي في عمرك جذي ..
طلع الدكتور..
حمدان: دكتور شووو صار على جاسم ؟؟؟
الدكتور: لا الحمدلله انعشنا قلبه بس للأسف العمليه مانجحت ..
الكل: شووووووووووووووو؟؟؟
الدكتور: انا آسف بس العمليه مانجحت ..
خليفه: يعني بيبقى جاسم على حاله ؟؟؟
الدكتور: للأسف نعم بس نقدر نسوي له عمليه ثانيه اذا حب هو يسويها ..
حمدان: دكتور ماهر و دكتور شاطر صدعت راسنا من كثر هالكلمه و ماشفنا اخرتها شي ..
الدكتور: لالالالا انت مب فاهم العمليات اللي مثل هذي ماتنجح من اول مره يعني كان عندنا مريض سوى العمليه و ثالث مره نجحت ..
خليفه: نقدر نشوفه ؟؟
الدكتور: هو الحين ماعدى مرحلة الخطر ولازم يبقى 24 ساعه تحت العنايه ..
حمدان: شوف عن الكلام الزايد اقدر اشوف اخوي ولا لا ؟؟؟
الدكتور خاف من حمدان: ايوه تفضل ..
دخل حمدان بالاول و بعدين خليفه و هيا .. انصدموا لين شافوا جاسم و الوايرات و الاجهزه تغطيه و قناع الاكسجين يغطى نص ويهه .. و لافين صدره بالشاش و الدم مبين عليه كانت حالته حاله و التعب مبين عليه .. اتقرب منه حمدان و الدموع في عينه .. مسك يده و باسها .. و بعدين قعد على الكرسي اللي عند السرير و باس راسه و قعد يقرى عليه .. و هيا اللي طاحت في حضن خليفه تصيح و خليفه يهديها ..
حمدان: خليفه اتصل في الوالد و خبره انه جاسم بخير ولا تخرعه الله يخليك ..
خليفه: ان شاء الله ..
حمدان: و انتوا سيروا البيت و انا الليله بقعد عنده ..
احترم خليفه رغبة حمدان انه يبا يبقى مع اخوه بروحه .. طلع و توها بتطلع زقرها حمدان ..
حمدان: هياوي ..
هيا: عيون هيا ..
حمدان: تسلم لي عيونج يالغاليه تعالي ..
سارت هيا و وايهة حمدان .. مسك يدها ..
حمدان وهو منزل راسه: سامحيني الغاليه قصرت بحقج وااااااااااااااااايد ..
هيا: مسموح ادري انك بتعوضني بعد قومة جسيم بالسلامه ..
باسها حمدان على خدها و هي طلعت .. ساروا البيت و اتصل خليفه في بوعبدالله ..
بوعبدالله: هلا خليفه هاااا بشر ..
خليفه: هو بخير الحين بس .............................
بوعبدالله: بس شوووووووووووووو؟؟؟؟
خليفه: العمليه مانجحت ..
بوعبدالله: يعني الحين بيتم على حاله ؟؟؟
خليفه: هيه بيتم على حاله و نقدر نسوي العمليه مره ثانيه لا تخاف عمي ..
بوعبدالله: خلاص اذا صار اي شي اتصلوا فيني ..
خليفه: ان شاء الله بس انت لا تحاتي ..
بوعبدالله: يلا ياعيال خلوا بالكم على نفسكم .. و سد السماعه ..
هيا: هاااااااا شلونه عمي؟؟؟
خليفه: و الله حالة عمي صعبه ..
هيا: الله يصبر الكل ..

في المستشفى ..
حمدان ماغمضت عينه و قعد يتأمل ويه توأمه و يدعي له من كل قلبه ..
حمدان: بوحمود تسمعني جسيم رد علي دخيييييييييييييلك ..
بس جاسم كان مثل الميت مايحس بشي حوله كان جسمه بارد ..
حمدان حط راسه على يد جاسم و غلبه النوم .. بعد فتره فتح جاسم عينه بس ماقدر يتكلم لسانه كان ثقيل .. حاول يرص على يد حمدان و قعد يحاول لين فتح عينه حمدان و انتبه على جاسم ..
جاسم وهو يحاول يتكلم: حم حمدان ...............................
حمدان يحط صبعه على شفايف جاسم...
حمدان: اششششششششششششش لا تتكلم ارتاح لا تعب عمرك ...
جاسم سكت و تم يطالع حمدان اللي كانت عينه محمره من الصياح .. كانت عيون جاسم تقول كلام و حمدان فاهم عليه .. ماينلامون توائم ..
حمدان: الحمد لله الوالد بخير و قلنا له بس اتضايق و الباقي دروا .. انت تقصد نوره صاحت اكثر وحده و هي تعبانه ..
جاسم: اتصل فيها ..
حمدان: انت هب صاحي الحين خلها الصبح ..
جاسم: لا انا ابا الحين ..
اتصل حمدان بيت بوسلطان ..

رن التلفون و نوره كانت قاعده عند التلفون .. على طول شلته ..
نوره بصوت مبحوح: الوووو..
حمدان: نوره ..
نوره: جاسم ....
حمدان: لا انا حمدان شحالج ؟؟؟
نوره: اذا جاسم بخير انا بخير ..
حمدان: صبري شوي .. و عطى جاسم السماعه ..
جاسم: نواري ..
نوره: بو محمد شحالك ؟؟
جاسم: اذا انتي بخير ام محمد فانا بخير ..
نوره: انا بكون بخير اذا شفتك ..
جاسم: سامحيني الغاليه على الرساله ...........................
قاطعته: انت شووو تقول ارجع لنا بالسلامه و لي حساب ثاني معاك شوووو هالكلام اللي كاتبه ؟؟؟
جاسم:ههههههه نوره ..
نوره: لبيه ...
جاسم: لباج قلبي الغلا احبج ..
انتفض قلب نوره من سمعت هالكلمه ..
جاسم: اشوفج سكتي ..
نوره: و انا بعد ...
جاسم: انتي شووووو؟؟؟؟
نوره: اللي توك قلته ..
جاسم: من سمعت صوتج صرت افقد الذاكره بسرعه مااتذكر الحين شوووو قلت ذكريني ..
نوره: انا بعد مااتذكر ..
جاسم: لا تذكري عشان خاطري ..
نوره: خلاص الغالي مابطول عليك انا احبك ..
جاسم: واااااااااااااااااااي يعلني افدى هالمنطوق والله ..
نوره: جسيم الله يخليك ارجع ..
جاسم: ان شاء الله .. سمعتهم يقولون انج ماتاكلين و كله تصيحين ..
نوره: من فرقاك زادت اوجاع قلبي ..
جاسم: خلاص الغلا اخليج الحين نامي عدل و ماابا ارجع و اشوفج هيكل عظمي ....
نوره: فحفظ الرحمن مع السلامه ..
جاسم: الله يسلم قلبج .. و صكر..
حمدان: عيني في عينك ..
جاسم: بلاك انا ماقلت شي ..
حمدان: جاسم انت بتتزوجها صح ؟؟؟
جاسم: ان شاء الله ربي يعطيني عمر و اقدر اتزوجها ..
حمدان: الله يتمم عليك يابوحمود ..
جاسم: و انت بعد ننتظر منك ولي العهد ..
حمدان: انزين ارتاح الحين و بكره بنكمل كلامنا ..
جاسم: الحمدلله يات منك ولا يات منى .. تصبح على خير .. و صد الصوب الثاني و غمض عينه ..
حمدان مسك يد جاسم و حط راسه على طرف السرير و رقد ..

في البلاد ...
نوره كانت في عالم ثاني .. الله يشفيك ياجاسم و يردك لنا بالسلامه ..

بعد اسبوع في ايطاليا..
حمدان: انزين لييييييييييييييييش انا خاطري اعرف ؟؟؟
جاسم: مابا خلوني بروحي ..
خليفه: مايصير انت تعبان و شلون بعدين بنطمن عليك مايصير ياخي ..
حمدان: جاسم دخييييييييييييلك عااااااااد لا تقعد تعاند هذي صحتك ..
جاسم: قلت لكم مابا ارجع و خلوني بروحي ... و سار عنهم ..
خليفه: مايصير ياحمدان لازم نقنعه يرجع معنا هو تعبان و اذا صار له شي و حنا هب موجودين ..
حمدان: ادري و الله ادري بس هو الله يهداه عنيد و اذا حط شي في راسه لازم يسويه ..
خليفه: خلاص خلاف لين يرجع بنحاول معاه ..

في البلاد ..
تحددت ملجة حميد و شيخه يوم الخميس .. طبعا من قده الفرحه ماخلته يركد .. و شيخه بعد فرحانه .. طبعا بعد محاولات حمدان و خليفه انه جاسم يرجع معاهم بس ماشي فايده ..

يوم الاربعاء ..
حمدان و هيا و خليفه بيرجعون البلاد .. سار حمدان دق الباب على غرفة جاسم ..
جاسم: خلاص سايرين ؟؟؟
حمدان: هيه يالغالي متأكد انك مابتيي معانا ؟؟
جاسم: هيه متأكد..
حضن جاسم حمدان و سلم عليه و سار .. خليفه كان طالع من غرفته و انتبه على جاسم واقف عند باب الغرفه ..
جاسم: يعني ماتبا تسلم علي ؟؟
خليفه: لييييييييش و انا اقدر .. و سار له ..
جاسم: اول ماتوصلون اتصلوا لي ابا اطمن عليكم ..
خليفه: و الله انا زعلان منك ليييييييييش ماتبا تسير معانا ..
جاسم: اسمحلي خلوف هذي القرار راجع لي و انا ابا اقعد مع نفسي شوي اصفي ذهني و انت عارف جاسم ولد عمك راسه يابس و عنيد و اللي في باله بيسويه ..
خليفه: فاهمك الغالي فاهمك انزين اذا بغيت شي دق علي وانا على اول طياره ياي لك اوكي ..
جاسم:ههههههههههه اوكي دير بالك على نفسك ..
ساروا الثلاثي المطار ..

اليوم الثاني يوم الخميس ملجة حميد على شيخه ..
حطوا الخيام حق الشباب و شيخه من العصر و هي عند اليازيه .. كانت خايفه و تتنافض .. و مالت الصالون واااااااااااااايد تلعوزت منها ..
اليازيه: خلاص عااااااااااد مايسوى علينا هب انتي الوحيده اللي بتعرس في العيله ..
شيخه: شووو تبيني اسوي و الله خايفه ..
اليازيه: انزين ترى اخوي هب من آكلي لحوم البشر و الله العظيم حتى بتشوفين اسنانه هب حاااااااااااااااده..
شيخه: سخيفه ..
اليازيه:هههههههههههه كاهو اذن المغرب يالله خلصي و انا بسير اييب المدخن و البنات الحين يايين لج اوكي ..
شيخه: لا تتأخرين ..
اليازيه: انزين انزين بنادي حميد يقعد معاج تعرفين عشان يونسج ..
شيخه: لاااااااااااااااااااااااااااااااااااا ..
وقتها حميد دق الباب ..
حميد: يزوي بلاكم ؟؟؟
طلعت له اليازيه تضحك .. و انصدمت..
اليازيه: الكيمره الكيمره .. و دخلت يابت الكيمره و صورت حميد عااد الولد كان شكله شي عجييييييب ..
اليازيه: بلاك حميد هب اليوم ملجتك لييييييييش شكلك جذي .؟؟؟
حميد: ماشي كنا نعابل الجدور و انجب علي الماي عااااااااااد ولد عمج هزاع ماقصر حذى الفحم و يمسح فيني اونه ليييييييش عشان البنت تتخرع منك ..
اليازيه: ههههههههههههههه هي بروحها تتنافض من الخوف ماادري لييييييييش ..
حميد: و جع انشاء الله كله ولا حرمتي سيري اقعدي معاها ..
اليازيه: ببببببببببل هذا لحد الحين ماوقعت على الدفتر و ادافع عنها لو وقعت شووو بيصير ..
حميد و بصوت عالي عشان شيخه تسمع..
حميد: بذبحكم كلكم اذا سويتوا في حرمتي شي اباها صاحيه ..
شيخه بصوت واطي: وااااااااااااااي فديته لالا بيذبحني هالولد ..
دخل حميد الغرفه تسبح و كشخ آخر كشخه و طلع سار الميلس .. استانس لين شاف حمدان قاعد يعابل معاهم ..
حميد: هلا حمدان متى رجعتوا ؟؟
حمدان: اوه هلا حميد اليوم الصبح وصلنا و حبينا نسويها مفاجئه للكل و مانخبركم ..
حميد: الصراحه احلى مفاجئه بس وين جاسم ؟؟؟؟
انقلب ويه حمدان شووو اقول له الحين اكيد بيحز في خاطره انه جاسم مابيحضر الملجه ..
حمدان: تعال بخبرك ..
سار و قعدوا في الحديقه ..
حميد: وين جاسم خبرني ؟؟؟
حمدان: انت تعرف انه العمليه اللي سواها جاسم مانجحت وهو ماحب حد يشوفه بس صدقني حاولنا معاه بس مانفع حنينا على راسه على الاقل تعال الملجه قال سامحوني و مااقدر بس طرش لك هذا ... و عطاه ظرف و كيس ..
حميد: شووو ها؟؟؟
حمدان: ماادري جاسم خبرني انه ماافتحه ..
فتح حميد الظرف و كانت فيه رساله ..

(( بسم الله الرحمن الرحيم ..
الشيخ حميد ..
سامحني الغالي لاني مابحضر ملجتك و اعتقد انه حمدان شرح لك ليش و اباك تقبل مني هذي الهديه و سامحنا على القصور..

شيخ الشباب .. جاسم ..)) ..

حميد: انا الصراحه زعلان بس خله يرجع لا اراويه شغله عدل ..
حمدان: انزين افتح الكيس ابا اعرف شوو داخله ..
فتح حميد الكيس و كان في علبتين وحده صغيره و الثانيه عوده .. فتح الصغيره و شاف ساعه الماس رجاليه كانت حلوه .. فتح العلبه العوده و كان فيها طقم الماس خفيف و حلوووووو..
حميد: اتصل فيه هالحمار ..
حمدان: من ؟؟؟
حميد: توأمك بعد منو ..
اتصل حمدان في جاسم ..
جاسم: هلا حمدان ..
حمدان: شحالك الغالي عساك بخير ؟؟؟
جاسم: تمام الحمد لله انتوا شحالكم ؟؟
حمدان: الكل تمام اقول في واااااااحد يبا يكلمك .. و عطى حميد الجوال ..
حميد: جســــــــــــــــــــــــــــــيم..
جاسم: اللهم سكنهم في مساكنهم الله يستر اكيد اليوم بطيح على راسي مصيبه ..
حميد: شحالك الغالي ؟؟
جاسم: دامك بخير انا بخير ..
حميد: افااااااا اليوم ملجتي و ماتحضر لييييييش عااااااد ؟؟؟
جاسم: انت قريت الرساله و حمدان شرح لك شوووو تبا اكثر من الكلام اللي سمعته و بعدين تعال انت ليييش تبا تكدر عمرك في يوم ملجتك ياخي استانس و بعدين لين انا برجع راوني شغلي عدل اوكي ..
حميد: خلاص الغالي مابكدر عمري بس انا زعلان منك ..
جاسم: خلاص اخليك الحين عندي ربيعي..
حميد: يلا الغالي انتبه على نفسك .. و صكر السماعه ..
حمدان: يلا انزين خلنا نسير الميلس الملاج وصل ..
ساروا الشباب الميلس .. وقع حميد و خذوا الدفتر حق شيخه فوق ..
نوره: يلا شواخ وقعي ..
شيخه: خلاص هونت ..
البنات: شوووووووووووووو؟؟؟
شيخه: بلاكم كليتوني بقشوري بس انا خايفه ..
اليازيه: اللي بتعيش مع حميد لازم ماتخاف يلا عااااااااااد وقعي ترى الملاج يبا يسير وراه شغل غيركم انتي و اخوي ..
مسكت شيخه القلم و يدها كانت تتنافض او بمعنى ثاني شيخه كلها كانت تتنافض و نزلوا الدفتر ..
بوراشد: مبروك حميد ..
حميد: الله يبارك فيك بويه ..
الشباب: مبروك يالمعرس ..
حميد: الله يبارك فيكم و عقبالكم ..
نزلت شيخه و كانت حللللللللوه من الخاطر .. لابسه فستان بني و عليه شك بالذهبي .. دخل حميد عشان يلبسها .. كانوا اثنينتهم يتنافضون .. بعد مالبسها سار حميد الميلس يبا يقعد معاها ..
المر: يلا شيخه دخلي ..
شيخه: يعني لازم خلها يوم العرس الله يخليك ..
حميد كان في الميلس يسمع و يضحك عليها ..
عبيد: شواخ ترى الولد مابياكلج سيري خليه يشوف هالحسن و الجمال اللي ورثتيه من عندي ..
شيخه: مااقول الا مالت عليك .. و دخلت مع اخوانها ..
المر+عبيد: ههههههههههههههههههههههههههههههههههههههههه..
شيخه: السلام عليكم ..
حميد: و عليكم السلام ..
المر: مااوصيك على الغاليه ..
حميد: لا تخاف عليها شواخ في عيوني ..
عبيد: ربع ساعه و انا راجع .. و طلعوا ..
حميد: مبروك يالغاليه..
شيخه بصوت واطي: الله يبارك فيك ..
قرب منها حميد و مسك يدها مما خلاها تخاف و ترتبك زياده ..
حميد: مااباج تخافين ..
شيخه: لا انا هب خايفه بس متوتره ..
حميد: ماباج تكونين متوتره كوني طبيعيه ..
السكوت كان سيد الموقف .. حميد كان هب عارف كيف يبدأ الكلام معاها .. و شيخه كانت منزله راسها .. رفع حميد ويهها بصبعه ..
حميد: انا متزوج هالقمر لالا مااصدق اكيد انا في حلم ..
شيخه: تباني اقرصك عشان تصحى..
حميد: لالا مابا .. صدقيني قمر ..
شيخه استحت و نزلت راسها ..
حميد: شواخ ..
شيخه: لبيه..
حميد: لباج قلبي .. احبج ..
شيخه: ....................
حميد: انزين تحبيني ؟؟؟؟
شيخه: ................................. هيه ..
حميد: شوووووو ماسمعتج ؟؟؟
شيخه: احبك ..
اللي ماكانت شيخه متوقعته صار ............................................
حضنها حميد و تنهد .. كانت يده بااااااااااااااارده ..
حميد: دفيني انا بردان ..
حطت شيخه يدها على ويهه ..هههههههه من وين طلعت هالجرأه انا مااعرف ..
حط حميد يده على يدها .. و باسها على خدها بووووووووسه طويييييييييييييييله ..
حميد: اسمحيلي الغاليه انا بسير الحين ..
و قبل مايسير عطاها كيس صغير ..
شيخه: شوو ها ؟؟؟
حميد: هذا جوال استأذنت من اخوانج و خبروني انه عاااااادي ..
شيخه: مشكور الغالي ..
حميد: شووو قلتي ؟؟؟
شيخه: مشكور..
حميد: لالالا اللي بعده ..
شيخه تستهبل: ماشي الغالي ..
حميد: احبج احبج احبج تصبحين على خييييييييير.. و طلع ..
احمرن خدودها .. وقتها دخل عليها المر و عبيد.. ينادونها بس ماشي رد ..
المر: شوو سوا بها الولد ..
عبيد: والله مااعرف ..
المر: شيخه .....
شيخه: اممممممممممممم..
عبيد: بلاج الغاليه ؟؟؟
شيخه: ماشي تصبحون على خير .. و سارت عنهم ..
المر: البنت امرها غريب..
عبيد: هههههه الحب و عميلوه ..
انتهت هالليله الحلوه اللي انطبعت في ذاكرة حميد و شيخه .. الكل كان فرحان لهم ..

بالليل كانت اليازيه قاعده في غرفتها تصيح .. وينج الغاليه كنت اباج تشاركينا فرحة حميد و الله اني مشتاقه لج حييييييييييييل.. كان حميد ساير غرفته و سمعها تصيح .. دخل ..
حميد: اليازيه...
اليازيه: ...................... و تصيح زياده ..
حميد وهو يحضنها: بلاج الغاليه تصيحين؟؟؟؟
اليازيه: ماشي بس تذكرت الوالده الله يرحمها ..
حميد: الله يرحمها .. صحيح انه الوالده هب موجوده بس في قلبها هي فرحانه .. و انا مابا اشوف دموعج مره ثانيه تراها غاليه علي ..
اليازيه: ان شاء الله ..
حميد: تصبحين على خير ..
اليازيه: و انت من اهله .. سار حميد غرفته ينام لانه تعبان حيييييييييل ماكان نايم من زود التفكير .. و اليازيه بعد ..

اليوم الثاني ...
في ايطاليا..
جاسم: هاا دكتور اروم ولا لا ؟؟؟
الدكتور: تقدر..
جاسم: يعني في خطوره على حالتي ولا لا ؟؟؟
الدكتور: و الله تبي الصراحه هي في خطوره بس توكل على ربك و ان شاء الله كل شي راح يكون بخير ..
جاسم: متى ؟؟؟
الدكتور: بعد يومين ..
جاسم: خلاص مشكور .. و سار ..

في البلاد ..
الكل كان مجتمع في بيت بوعبدالله على الغدى .. الفرحه هب سايعتهم الشباب مستانسين من الخاطر هزاع ملجته الاسبوع الياي طبعا الولد هب مصدق .. حميد عرسه بعد شهرين ..
حمدان: هزاع تباني اقرصك عشان تصدق ..
هزاع: لالالالا الله يخليك مصدق مصدق ..
الشباب: ههههههههههههههههههه..
..

مرن ثلاث ايام كانت كلها فرح على الكل .. الا شخص واااحد كانت الدنيا سوده بالنسبه له عايفها .. ماكان شايف شي غير نقطه بيضه بعيده صعب يوصل لها ..
الدكتور: هااا جاسم شحالك الحين ؟؟؟
جاسم: تعبان يادكتور تعبان ..
الدكتور: ارتاح الحين عطيتك منوم و مسكن للالم و ان شاء الله راح تكون بخير ..
جاسم: مشكور دكتور..
الدكتور: تباني اتصل في احد من الاهل ؟؟؟
جاسم: لالالا مابا حد يعرف ..
الدكتور: على راحتك .. و سار عنه ..
رقد جاسم من التعب ..

يوم السبت في البلاد ..
الشباب كانوا مجتمعين في ميلس بوعبدالله و السوالف و الضحك ماليه المكان .. شوي يتطنزون على حميد و شوي يعلقون على هزاع اللي كان سرحان بريم .. وقتها دخل عليهم بوعبدالله و مبين القلق على ويهه ..
بوعبدالله: حمدان ...
حمدان: سم الغالي ..
بوعبدالله: اتصل في جاسم ..
حمدان: ان شاء الله .. و اتصل ..
جاسم: الووو..
حمدان: هلا بوحمود شحالك ؟؟؟
جاسم بصوت مبحوح: تمام الحمدلله انت شحالك و الوالد و الاهل .؟؟؟
حمدان: الكل بخير بس الوالد مستهم عليك يبا يكلمك ..
جاسم: وينه مشتاق له ..
عطى حمدان الجوال ابوه و طلع بوعبدالله الحديقه عشان ياخذ راحته ..
بوعبدالله: شحالك الغالي ؟؟
جاسم: والله بخير انتوا شحالكم ؟؟؟
بوعبدالله: الكل بخير لييييييييييش ماتتصل ؟؟؟
جاسم ماعرف بشو يرد عليه ..
بوعبدالله: بلاك جاسم تعبان شي ؟؟؟
جاسم: هاااااااااا لا الغالي هب تعبان بس شوية اشغال تعرف ..
بوعبدالله: بغيت شي اتصل فيني ..
جاسم: مشكور و يعل عمرك طويل ..
بوعبدالله: يلا اخليك ..
جاسم: فمان الله .. و صكر ..
حمدان: ها الغالي شحاله ؟؟؟
بوعبدالله: و الله من صوته انه مايطمن يقول عنده شوية اشغال..
طلال: صدقني عمي لو فيه شي جان خبرنا ..
محمد: مافيه شي انت بس ريح بالك ..
بوعبدالله: الله يسمع منك .. و سار عنهم ..
خليفه: اقول شباب دام الجو بارد شوو رايكم نسير العزبه ؟؟
حميد: فكره حلوه بس تهقون بيخلونا نسير بعد اللي سويناه ..
سلطان: انا عن نفسي طلعوني من السالفه ..
هزاع: افاااااااااااااا ليييييش ؟؟؟
سلطان: عندنا صفقه يديده و لازم اسافر ..
محمد: الله يوفقك ..
ذياب: متى تبون نسير ؟؟؟
صقر: شوو رايكم بكره ؟؟
الكل: اوكي ..
حمدان: بس مابيخلونا نسير لازم نقردنهم ..
ذياب: انت لا تكلمت اختربت السالفه كلها ..
حمدان: انزين يامعلم راونا شطارتك..
ذياب: افاااااااااااا عليك ..
هزاع: يعني ضمنا الطلعه ؟؟
ذياب: اكيد ..
صقر: انزين شباب نبا نتكلم بصراحه ..
الكل: شوووو تقصد ؟؟؟
صقر: الحين حميد بيعرس و هزاع بيملج و حمدان دخل القفص الذهبي و انتوا ؟؟؟
محمد: يعني شوو تقصد الزبده ...
صقر: في احد في قلوبكم و بكل صراحه ؟؟؟
حمدان اونه يسوي بيده مكرفون:ها نحن الان في حلقه جديده من برنامج (( جلسه صريحه)) .. معنا اليوم المحلل النفسي صقر بن صقنقور بن صقور المصقوري في حوار صريح مع الشباب .. اخ صقر خبرنا ماهو مخططك اليوم ؟؟؟
صقر: الله يسلمك اليوم نبا نعرف شوو داخل قلوب هالشباب اليائسه و الذابله .. و يأشر على خليفه و عبدالله و ذياب ..
الكل: يائسه في عينك ..
صقر: لازم نعرف .. عن نفسي انا خالي ..
ذياب: خالي و لا عمي ..
الكل: ههههههههههههههههههههههههههههههههههههه ..
محمد: بدون اسامي ..
صقر: اكيد ..
محمد: انا مليان ..
خليفه: خالي ..
حمدان: مليان ..
طلال: انت اسكت متزوج و تقول مليان..
عبدالله: نص و نص ..
صقر: شلون ؟؟
عبدالله: يعني مب متأكد لحد الحين ..
ذياب: مليان ..
صقر: انت مليان من زمان ..
حميد: و جاسم ؟؟؟
حمدان: ماادري ..
هزاع: ماتدري ولا ماتبا تخبرنا ..
حمدان: ما بخبركم ..
قام ذياب عنهم و طلع برع ...
بعد ربع ساعه رجع..
ذياب: شباب ضمنا الطلعه بكره من الفجر اجهزوا ..
عبدالله: شلون ؟؟؟
ذياب: اسرار المهنه ..
طلال: حيوا شيخ الشباب ..
حمدان: لالالا لوسمحتوا لا تغلطون شيخ الشباب هو جسيم..
قعدوا يسولفون و يخططون حق طلعه بكره .. الجو بيكون وااااااااااايد بارد خاصه في العزبه .. الله يعينهم ..

اليوم الثاني الفجر ..
اجتمعوا الشباب عند البقاله و بعدين ساروا .. لين وصلوا استقبلهم راجو اللي يشتغل سخن لهم اللبن و سوى لهم قرص ..
حمدان: و الله شغل عدل ..
حميد: انا بمووووت من البرد ..
عبدالله: ابرد عند حرمتك هب عندنا ..
الكل: هههههههههههههههههههههههههههههههههههه ..
قعدوا حول الضو يسولفون .. شوي و يرن جوال حمدان .. قام عنهم ..
حمدان: مرحبا الساع ..
جاسم: مرحبا ملايين ولا يسدون شحالك توأمي ؟؟
حمدان: انا بخير اذا انت بخير ..
جاسم: انا تمام .. اقول حمدان طلبتك ..
حمدان: تم بدون مااعرف الطلب ..
جاسم: ههههههههه دومك اصيل ..
حمدان: ادري طالع عليك شوو تبا ؟؟؟
جاسم: ابا ابني بيت ..
حمدان: انت صاحي ؟؟؟
جاسم: اصحى منك اسمع انا ادخرت مبلغ في البنك و اباك من بكره تسير عند الريال عشان تشوف الخريطه لاني راسمها من زمان بس بغيت حد يشرف و الريال عارف الشغل كله انا اخترت الرخام و الديكور و كل شي بس مابقى غير تشرف عليهم ترى هم بدوا الحفر و مابجذب عليك بدوا يصبون السطح ..
حمدان منصدم من جاسم: من متى انت بادي في البيت ..
جاسم: من سنه ..
حمدان: و لييييييييش ماخبرت احد ؟؟؟
جاسم: اسمع حمدان هب وقته عتاب لانه فات الاوان لو تعزني اباك تشرف على البيت و تخلصه و تخلي المفتاح عندك و مابا احد يعرف حتى الوالد ..
حمدان: جاسم انت وااااااااايد تغيرت بلاك صاير لك شي تعبان تباني ايي عندك ترى ماعندي مانع..
جاسم: مشكور الغالي بس ابا اكون بنفسي سامحني ..
حمدان: مسموح الغالي و كل اللي تباه بيصير ..
جاسم: اخليك الحين ..
حمدان: لحظه ..
جاسم: لبيه ..
حمدان: لباك قلبي بس شحالك بعد العمليه ؟؟؟
جاسم: مثل ماتركتني ..
حمدان: الله يشفيك ياتوأمي ..
جاسم: اخليك .. و سد السماعه قبل ماينطق حمدان بكلمه .. رجع عند الشباب ..
محمد: كل هذا مكالمه ..
حمدان: هاااااااااااااااااا..
ذياب: بلاك ؟؟
حمدان: ماشي بس كنت ارمس جاسم و يسلم عليكم ..
حميد: الله يسلمه ماناوي يرجع ؟؟؟
حمدان: لا مااعتقد .. انزين اسمحوا لي انا تعبان و بسير انام .. و سار عنهم ..
عبدالله: امره غريب الولد من بعد مارمس جاسم و هو منقلب حاله ..
طلال: خله على راحته و بكره يصير خير .. يلسوا الشباب شوي و بعيدن ساورا
ينامون ..

؟؟؟

يوم الخميس .. ملجة هزاع و ريم ..
كانوا البنات يالسين عند ريم في غرفتها .. كانت خايفه و مرتبكه .. يات مالت الصالون و عدلتهم .. طلعوا جناااااااااان و بعد ماخلصت من ريم اللي طلعت ملكة جمال .. ياها حمدان بالدفتر ..
حمدان: يلا الغلا وقعي ..
ريم: مابا ..
حمدان: خلي عنج دلع البنات و يلا ترى الملاج مابيترياج ..
مسكت ريم القلم و وقعت .. باسها حمدان على راسها و طلع ..
هيا: مبروك ..
ريم: الله يبارك فيج انتي بس لوشفتي التوقيع تقولين ديايه اللي وقعت هي انسان و الله فشله ..
البنات: ههههههههههههههههههههههههههه..
نوره: يلا الكل يتريا تحت ياحرم اخوي ..
ريم: لا تقولين هالكلمه ترى يزيد خوفي ..
دلال: حلاتين لا تخرطفتي ..
ريم: عنلالالالالاتج ..
نزلت على انغام موسيقى هاديه كانت حلوه من الخاطر الكل سمى بالرحمن عليها .. دخل هزاع عشان يلبسها الشبكه و انصدم لين شافها حللللوه .. و بعدين دخلوا الميلس ..
حمدان: شوي شوي على اختي ..
هزاع: حمدان اطلع ..
حمدان: بلاك انزين قلت ايلس اونسكم شوي..
هزاع معصب: قوم ولا اخلي العصاه ترقص على ظهرك ..
حمدان: بببببببببببببل الاخ معصب انزين ربع ساعه و انا راجع وشوي شوي عليها تراها رقيقه ماتتحمل .. و طلع وهو يضحك على شكل هزاع اللي كان معصب من الخاطر عليه ماخلاه على حاله المسكين كل دقيقه يطفر به ..
هزاع: مبروك يا ريم ..
ريم بصوت واطي: الله يبارك فيك ..
هزاع: انزين ارفعي راسج ابا اشوف هالويه الحسن ..
رفعت ريم راسها و تلاقت نظراتها بنظرات هزاع اللي اربكتها زياده ..
هزاع: وينج عني كل هالسنين ..
ريم: انا موجوده ..
هزاع: والله و ظويتيني يابنت خالد ..
استحت البنيه ..
هزاع: مابطول عليج ادري بج تستحين بس اليوم عاذرج انزين بس اليوم انا بسير الحين ..
قبل مايطلع ..
هزاع يقرب منها .. و يبوسها على خدها ..
هزاع: احبج ..
ريم: و انا بعد احبك..
هزاع: و اخيرا تكلمتي يلا غناتي تصبحين على خير .. و طلع ..
دخل حمدان من الباب الثاني و شافها واقفه ..
حمدان: شوو سويتوا ؟؟؟
ريم: مالك شغل .. و قامت تصيح ..
حمدان: بلاج الغاليه لييييييييش تصيحين مفروض اليوم ماتسكتين من الضحك ؟؟؟
ريم: كنت ابا جاسم يكون موجود ..
حمدان: هاج كاهو جاسم على الخط كلميه ..
ريم: الووو..
جاسم: هلا و غلا بالعروس شحالج الغاليه ؟؟؟
ريم: انا بخير وينك لييييييش ماحضرت انا زعلانه منك ..
جاسم: افاااااااااااا الغاليه لالالا كله ولا زعلج بس سامحيني انا مااروم و ان شاء الله بعوضج ..
ريم: وعد..
جاسم: وعد يالغلا .. يلا اخليج الحين ..
ريم: باااااااااااااااي .. و صكر ..
حمدان: هااااااااااااا ارتحتي ..
ريم: هيه .. و سارت غرفتها عشان تنام لانها تعبانه ..


ماكان باقي غير اسبوعين على عرس حميد .. و بوعبدالله بدأ يحاتي جاسم .. في يوم السبت ..
بوعبدالله: عبدالله ..
عبدالله: نعم الغالي ..
بوعبدالله: تعال المكتب اباك ..
ساروا المكتب و ازقروا حمدان ..
حمدان: خير بويه ..
بوعبدلله: انا الصراحه بديت احاتي جاسم ماصارت عاااااااد كل هذا و يبا ييلس بنفسه اباكم تسيرون له ..
عبدالله: انت قول و حنا انفذ ..
بوعبدالله: خلاص اباك انت و خليفه تيسرون ..
حمدان: و انا ...
بوعبدالله: لا انت ايلس مع حرمتك ..
حمدان: خلاص انا بسير الحين احجز ..
بوعبدالله: لا كل شي جاهز و انا كلمت خليفه اليوم الطياره بكره الساعه 5 الفجر اباك تكون جاهز ..
عبدالله: تعجبني بوعبدالله حار حار ..
بوعبدالله: اباكم ترجعونه معاكم قبل عرس اخوكم حميد ..
عبدالله: الله يقدرنا انت عارف انه جاسم راسه يابس و عنيد بس بنحاول معاه ..

الساعه 3 الفجر ساروا بوعبدالله و عبدالله و بوسلطان و خليفه و حمدان و هزاع المطار .. سلموا على بعض و بعدين ركبوا الطياره .. كانت الرحله وااااااااااايد متعبه لانهم ماناموا .. وصلوا المطار و خلصوا اجرائاتهم و ساروا طبعا جاسم مايعرف انهم جايين .. وصلوا البيت لقوه خالي فتشوا في كل الفلل بس مالقوه .. سئلوا الطباخه قالت لهم انه هو في المستشفى .. من خوفهم ساروا المستشفى على طول و شافوا الدكتور اللي يتابع حالة جاسم كل مره ..
عبدالله: دكتور وين جاسم ؟؟؟
الدكتور: تعال المكتب و انا افهمك كل شي ..
ساروا المكتب ..
خليفه: دكتور وين جاسم ؟؟؟
الدكتور: اخوك طلب مني انه مااخبر احد بس الصراحه الموضوع ماينسكت عنه ..
عبدالله: لييييييييش شوووو صاير لجاسم ؟؟؟
الدكتور: انتوا تعرفون انه العمليه الاولى مانجحت بعد ماسافرتوا بعشر ايام قال لي جاسم انه يبا يسوي العمليه مره ثانيه طبعا اخوك وايد يخاطر بحياته .... سويت له فحوصات و سويت له العمليه بعد فتره بس للاسف مانجحت .. الحين هو بالعنايه و خبرني انه مااتصل في احد منكم .. اخوكم تعبان و قلبه ضعيف شوفوا في امل بعد لا تفقدونه نقدر نسوي العمليه مره ثالثه اذا اخوكم يبي بس ارجوكم لا تعاتبونه لانه قلبه خلاااااااااااص مايتحمل اي ضغط ..
خليفه: نقدر نشوفه ؟؟؟
الدكتور: هيه تفضلوا ..
ساروا الشباب عند جاسم .. دخلوا و انصدموا من شكله كانت الوايرات و الاجهزه على جسمه و قناع الاكسجين مغطي نص ويهه و شكله كان شاحب و مصفر و السواد مبين تحت عينه ضعفان وااااااااااااااايد .. اتقطع قلب عبدالله على اخوه الصغير .. سار عنده و مسك يده .. و خليفه سار الصوب الثاني من السرير ..
عبدالله: جاسم جسوم قوم ..
خليفه: خله يرتاح ياعبدالله الولد شكله تعبان ..
عبدالله و الدموع في عينه..
عبدالله: هذا اخوي الصغير ياخليفه كيف تباني اخليه ..
مرت ساعه .. شوي الا جاسم يفتح عينه .. بس مارام يرمس حس انه احد ماسك يده انتبه انه عبدالله فتجمعت الدموع في عينه.. و ضغط على يده ..
عبدالله: جسيم الحمدلله على السلامه اخوي ..
ضغط جاسم على يده ..
خليفه: خس الله بليسك جسيم خرعتنا طيحت قلوبنا ..
ابتسم له جاسم ..
سكتوا شوي و جاسم كان يحاول يتكلم و بعد جهد قدر يقول..
جاسم: سامحوني ...
عبدالله: افااااااااااا عليك الغالي مسامحينك بس لا تعيدها مره ثانيه ..
هز جاسم راسه بنعم ..

اليوم الثاني ..
خليفه كان راقد على الكرسي و عبدالله كان حاط راسه على السرير و ماسك يد جاسم .. دخل الدكتور عليهم .. حس فيه عبدالله و قام ..
الدكتور: صباح الخير ..
عبدالله: صباح النور ..
جاسم حس انه في حركه و صوت في الغرفه فقام ..
الدكتور: صح النوم ياجاسم الحمد لله على السلامه ..
جاسم: الله يسلمك ..
الدكتور: بشوو تحس الحين ؟؟؟
جاسم: جسمي يعورني و عندي صداع ..
الدكتور: ان شاء الله بتكون بخير .. و سار ..
اتصل بوعبدالله ..
عبدالله: الوو..
بوعبدالله: مرحبا عبدالله شحال اخوك ؟؟؟
عبدالله: هيه شعليك جسوم يسألون عنك و انا الاطرش في الزفه .. بخير يالغالي لا تخاف عليه ..
بوعبدالله: عطني ارمسه ..
عبدالله يعطي جاسم الجوال ..
عبدالله: ياك الموت ياتارك الصلاه ..
جاسم: سخيف .. الوووو..
بوعبدالله: شحالك جاسم ؟؟
جاسم: اذا انت بخير انا بخير ..
بوعبدالله: صدق انك ماتستحي على ويهك تخلينا نحاتي ..
جاسم فاج عينه: سامحني الغالي و حقك علي ..
بوعبدالله: المهم اباك ترجع معاهم ..
جاسم: سامحني بس مااروم ..
بوعبدالله: قلت لك بترجع و انت تضحك فاهم ..
جاسم: بس .........................
بو عبدالله يقاطعه: لا بس ولا شي قلت لك بترجع ..
جاسم: ان شاء الله ..
بوعبدالله: يلا حبيبي اخليك .. و سد السماعه ..
جاسم: ابوك امره عجيب ..
خليفه: ليييييييش؟؟؟؟
جاسم: من اول المكالمه يهزبني و قبل مايسد السماعه قال لي يلا حبيبي اخليك ..
عبدالله+خليفه: ههههههههههههههههههههههههه..
جاسم: عنلاااااااااااااتكم ..
عبدالله: الدكتور خبرني انك بكره بتطلع ..
جاسم: الحمد لله ..
خليفه: يلا الحين غمض عينك و نام و بكره نتفاهم ..

اليوم الثاني في البلاد ..
حميد: متى بتسيرين تيبين الفستان ؟؟
شيخه: يوم السبت مع عبيد ..
حميد: متى يجي اليوم اللي نكون فيه في بيت واحد ..
شيخه: قريب قريب هونها و تهون ..
حميد: انزين الغاليه اخليج الحين بسير اشوف الوالد شوو يبا مني .. و صكر..
حميد: خير الغالي ..
بوراشد: ناقصك شي؟؟
حميد: لا بويه كل شي جاهز بس ماناقص غير ننصب الخيام و العروس تدخل ..
بوراشد: ههههههههه الله يتمم عليك ..

بعد يومين في ايطاليا..
طلع جاسم من المستشفى و طبعا فتح عبدالله معاه تحقيق ليييييييش سويت العمليه بدون ماتخبر احد و ليييييييش و لييييييييش يعني طفربه لين ماقال الولد بس..
في يوم كانوا يالسين في الصاله .. و خليفه كان يرمس ابوه ..
خليفه: صدق بويه .. هذي الساعه المباركه .. شووو اسمه؟؟؟ علي .. انزين نوره وافقت .. هني انقبض قلب جاسم و عبدالله انتبه عليه .. لا خلوها تفكر على راحتها ..حنا يوم الاربعاء راجعين تعرف عشان عرس حميد .. انزين سلم على الكل .. مع السلامه .. و صكر..
عبدالله: على شو تبارك ؟؟
خليفه: نوره خطبوها ..
عبدالله وهو يطالع جاسم: منو ؟؟؟
خليفه: ولد جيرانا علي ..
جاسم من الصدمه قام و مانطق بكلمه و سار الغرفة يلس في زاويه و الدموع في عينه مثل الشلال .. لالالا مستحيل مايصير انا احبها اباها مايصير خلاص راحت من يدي .. و حط يده على قلبه ..

تحت...
خليفه: بلاه جاسم ؟؟؟
عبدالله: هاااااااااااااا ماادري بسير اشوفه ...
فوق ...
دخل عبدالله على جاسم و شاف الغرفه ظلام و باااااااااااارده و هو يالس في زاويه .. سار عنده عبدالله و يلس عنده و ارتمى جاسم في حضن عبدالله .. و يصيح من الخاطر ..
عبدالله: خلاص ياجاسم لا تسوي بعمرك جي ...
جاسم: انت ماتعرف شو نوره بالنسبه لي هذي حياتي و قلبي و روحي و كل شي الحين راحت من يدي راحت خسرتها ياعبدالله ماروم اتخيل حياتي من دونها تعرف ودي اضمها لصدري و ادفيها تعرف شو كنت اتريا هاللحظه من سنين بس كل شي اختفى بغمضة عين الله يخليك ياعبدالله دخيييييييييلك خبرهم انا اباها والله اباها و مااقدر استغنى عنها دخيييييييلك خبرهم .. و قام حط يده على قلبه ...
عبدالله: خلاص انت هد نفسك و كل شي بيصير بخير ..
خليفه كان واقف عند الباب و يسمع .. انصدم من كلام جاسم .. معقوله جاسم يحبها ..
دخل عليهم خليفه و رقع الباب ..
خليفه: عبدالله اطلع برع .. كان معصب ..
عبدالله: لا ياخليفه انت معصب ..
خليفه و خلاص موصل حده ..
خليفه: قلت لك اطلع برع ابا ارمسه ..
عبدالله: قلت لك لا انت عصبي و الله يستر اذا ماذبحت الولد ..
خليفه: اطلع ترى انا لحد الحين ماسك اعصابي ..
عبدالله: انزين بس لا تضربه ..
خليفه: لا تخاف بس بكسر راسه ..
عبدالله: لا والله اذا هالرمسه طلعت منك انا هب طالع ..
خليفه: لا امزح معاك بس بارمسه ..
طلع عبدالله و خليفه صكر الباب و جاسم كان منزل راسه ..
خليفه: اصلب عمرك ياجاسم ..
وقف جاسم و نزل راسه ..
جاسم: انا آسف ماكان لازم اقول هالرمسه ..
خليفه: انت لييييييش ماخبرتني ؟؟
جاسم: ليييييييش ان شاء الله عشان تقصب رقبتي و تحفر قبري بيدك لا الشيخ مشكور ابا عمري و حياتي ..
خليفه: دام انك تحبها جان قلت حق الوالد..
جاسم: استحيت منه بعدين انا ما كونت عمري ابا اصرف على عرسي بنفسي ..
خليفه: شو هالرمسه اللي سمعته من دقايق ؟؟؟
جاسم مستحي من الرمسه اللي قاله ..
جاسم: هاااااااااا اي رمسه ؟؟؟
خليفه: معقوله كل هالحب مخبيه في قلبك كل هالسنين و ماخبرت احد لييييييييش؟؟
جاسم: اللي في القلب خله في القلب ..
خليفه طلع تلفونه و اتصل في ابوه و حطاه على السبيكر ..
بوسلطان: هلا خليفه ..
خليفه: شحالك الغالي ؟؟؟
بوسلطان: بخير الحمد لله شلون جاسم ؟؟
خليفه: بويه جاسم حالته حاله المسكين ..
بوسلطان خاف: ليييييييش بلاه ؟؟؟
خليفه: يحب .....
بوسلطان: شووووووووو يحب ..!!!!!
خليفه: بويه نوره وافقت على اللي خطبها؟؟؟
بوسلطان: لا ليييييش؟؟؟
خليفه: ردوه ..
بوسلطان: لييييش الولد ماينعاب ..
خليفه: و اذا قلت لك انه ولد عمها اولى بها ..
بوسلطان: منو ؟؟؟
خليفه: بويه اوعدني انه جاسم حق نوره و نوره حق جاسم ...
بوسلطان: شووو هالرمسه ؟؟؟
خليفه: اسمعني الغالي جاسم يحب نوره و يباها ترى الولد يرمس من الخاطر وهو مستحى يخبرك..
بوسلطان اونه معصب: وينه ؟؟؟
جاسم بصوت واطي: لالالالالالالالالالالا...
خليفه: كاهو ..
جاسم: السلام عليكم ..
بوسلطان: وعليكم السلام شحالك جسيم ؟؟؟
جاسم: بخير دامك بخير ..
بوسلطان: شوووو هالرمسه اللي سمعتها ..
جاسم: هيه عمي انا ابا نوره ..
بوسلطان: فالك طيب بومحمد ..
جاسم: مشكور عمي ..
بوسلطان: متى الرده ان شاء الله ؟؟؟
جاسم: يوم الابعاء ..
بوسلطان: اخليك الحين بسير اخبر ابوك... و سلم عليه و سد السماعه ..
دخل عليهم عبدالله ..
عبدالله: منو قدك الحين ..
جاسم: محد ..
الكل: ههههههههههههههههههههههه...
خليفه: شو رايكم نسير نتحوط ؟؟؟
جاسم: يلا .........


يوم الثلاثاء ..
ماكان باقي على عرس حميد الا يومين .. شيخه كانت سايره مع عبيد اخوها عشان تييب الفستان لانه جهز .. قامت طرشت مسج حق حميد ..
(( احبك موووووووووووت يالغالي لا تنساني .. ))..
كانت حاسه انه في شي بيصير ..
شيخه: عبيد ...
عبيد: نعم الغاليه ..
شيخه: احبك عبيد لا تنساني و خبر المر اني بعد احبه و الوالد و الوالده ..
عبيد: انتي ليييييييش ترمسين جي ..
و فجأه ....................................

و فجأه ........................... لفت عليهم شاحنه و دخلوا تحتها .. السياره صارت قوطي طماط و الدم مخيسها من داخل .. الناس اجتمعوا و طلعوا عبيد من السياره بس ................... شيخه ماراموا يطلعونها ..

المر كان يالس في الميلس بعد ماخلص صلاته و قلبه منقبض مايعرف ليش.. رن جواله ..
المر: الوووو..
الضابط: السلام عليكم ..
المر: وعليكم السلام ..
الضابط: انت المر بن..............
المر: هيه منو الشيخ ..
الضابط: انا الضابط ....... اخوك و اختك سووا حادث ممكن تتفضل المستشفى ..
المر: الحين بيي.. و سد السماعه ..

وصل المستشفى و شاف الضابط ..
المر: وينهم ..
الضابط: عظم الله اجرك ..
المر: منو فيهم ؟؟؟
الضابط: البنت ماتت و الولد في العنايه ..
المر يصيح: لاااااااااااااااااااااااااااا الا شواخ ...
الضابط: ممكن تتفضل معاي نكمل الاجراءات ..
سار المر و خلص الاجراءات على اساس انه شيخه بيودونها البيت ..
الظابط: احسن الله عزاك ..
المر: الخلاف الله ....
اتصل في ابوه و امه و خبرهم .. وصل بو المر و ام المر ..
بوالمر: لازم تخبر حميد هذا ريلها ..
المر: ان شاء الله .. و سار ..

حميد كان يالس في الميلس ينتظر عيال عمه اليوم بتكون حفلة وداع العزوبيه لحميد...مسكين ماعرف بالسالفه.. اتصل فيه المر .. وصل و دخل ..
المر و علامات الحزن على ويهه ..
المر: السلام عليكم ..
حميد: وعليكم السلام شحالك ؟؟؟
المر: ................................... ..
حميد: بلاك المر صاير شي؟؟ ..
قام المر و وايه حميد و حط يده على كتفه ..
المر: حميد انت عارف انه اللي كاتبه ربك بيصير ..
حميد: شوووووووو ؟؟؟
المر: شيخه سارت مع عبيد عشان تييب الفستان و ...................................
حميد يتريا المر يتكلم ..
المر يكمل و الدموع في عينه: صار لهم حادث و عبيد في غيبوبه و شيخه توفت ...
حميد هب مستوعب الكلام اللي قاله المر ..
حميد: شووو هالرمسه انا اليوم العصر مرمسها مابها شي تضحك حتى طرشت لي ................................... و سكت ..
عرف انه المسج كلمة وداع منها .. مسكين الله يعينه ..
حميد يصارخ: لالالالالا مستحيل شيخه ماماااااااااااااااتت بعد يومين عرسنا لااااااااااااااااااااااااا..
و ماوعى غير بكف من المر ..
المر: اصحى ياحميد هذا الواقع و لازم تعيشه شيخه ماتت ..

حميد خذى سويج السياره وظهر و المر وراه وقتها دخلوا الشباب و شافوا المر يصرخ على حميد انه يرجع بس ماشي فايده ..
المر: الحقوني ..
حمدان و هزاع في سياره و طلال و محمد في سياره و ذياب و صقر و سلطان في سياره .. حميد كان داعس ال200 مسرع حده و الشباب وراه .. الاشاره صكرت و حميد سبقهم .. و وقفوا الشباب عند محطه البترول ..
حمدان: المر شو صاير ؟؟؟؟
طلال: بلاك انت تصيح؟؟؟
محمد: و حميد بلاه يصيح ؟؟؟
المر: شيخه ماتت ..
الكل: شووووووووووووووووووووووووو؟؟؟؟؟
ذياب: شلون ؟؟؟
المر: لفت عليهم شاحنه و عبيد في غيبوبه ...
صقر: لا حول ولا قوة الا بالله ..
الكل: عظم الله اجرك ..
المر: اجرنا و اجركم ..
حمدان: الحين وين نقدر نلاقيه؟؟؟؟
افترقوا الشباب عشان يدورون عن حميد بس للأسف مالقوه .. و على الفجر ساروا حمدان و هزاع المطار عشان يستقبلون جاسم و عبدالله و خليفه .. وصلوا الشباب ..
حمدان+هزاع: الحمد لله على السلامه ..
الكل: الله يسلمكم ..
جاسم: حمدان هزاع بلاكم لييش هموم الدنيا كلها على راسكم ؟؟؟
حمدان: حرمة حميد شيخه ماتت امس في حادث و عبيد في غيبوبه و حميد مانعرف وين سار ..
هزاع: لا تنسون باجر العزى ..
عبدالله: لا حول ولا قوة الا بالله ..
خليفه: والله مسكين حميد مايستاهل ..
هزاع: الحين تعالوا نسير عشان ترتاحون و من بعد المغرب بنسير العزى ..
سار كل واحد بيته ..

كان يالس على البحر و الجو كان باااااااااااااارد و متقرفص على نفسه و يصيح من الالم و قهر اللي فيه على فرقا غناة روحه .. لااااااااااا مااصدق مستحيل هي تسير و تخليني لا .. كنتي حياتي و روحي و قلبي و كل شي لييييييش .. باجر يوم عرسنا ..

بعد المغرب الشباب وصلوا بيت بوالمر و عزوه .. فجأه دخل عليهم حميد كان المسكين حالته ماتسر لا عدو ولا صديق ..
حميد: السلام عليكم ..
الكل وقف لين دخل حميد و قربوا منه ..
جاسم: عظم الله اجرك اخوي ..
حميد: اجرنا و اجرك ..متى وصلتوا ؟؟؟
جاسم: الفجر...
محمد: وينك ياريال دورنا عليك مالقيناك ..
حميد: كنت محتاج ايلس مع نفسي شويه ...
بوراشد وهو داخل الميلس: حميد ......
التفت حميد على ابوه و سار مسك يده و باسها ..
حميد: سامحني الغالي ..
بوراشد: مسموح ..
بوالمر: وينك حميد خفنا عليك ...
حميد: السموحه منك عمي ...
بوالمر: تعال شوفها الحريم دخلوا ...
سار حميد و المر و بوراشد و بوالمر عند شيخه اللي كانت مغطايه بالكفن و ريحه دهن العود تفوح منها و كانت مبتسمه و النور يشع من ويهها كانت مثل الملاك بيضه .. اول ماشافها حميد ربع عندها و حط يده على ويهها و الدموع تنزل من عينه ..
حميد: الله يرحمج غناتي .. و باسها على راسها و طول ...
بعدين مارام يستحمل زياده و طلع ... حضر اول ثلاث ايام من العزى بعدين اختفى ولا حد درى عنه الشباب يتصلون فيه بس مايرد او يكون مغلق ..

بعد مرور اسبوع على العزى ..
عبيد لحد الحين في غيبوبه .. في يوم كانوا الشباب مجتمعين في ميلس بوعبدالله يسولفون عن حميد .. و مره وحده دخل عليهم حميد .. و حالته حاله المسكين كان ضعفان واااااااااااايد و مبين عليه التعب و السواد تحت عينه و لونه شاحب و ماقادر يصلب عمره .. قام له جاسم و وايهه و فجأه طاح حميد مغمى عليه في حضن جاسم .. على طول انقلوه الشباب المستشفى .. دخلوه العنايه لان نبضه كان خفيف وااااااااااايد لانه ماكان ياكل عدل و ماكان يهتم في عمره .. و هم سايرين عدال الغرفه شافوا المر واقف عند عبيد .. دخلوا عليه ..
الشباب: السلام عليكم ..
المر: وعليكم السلام شو تسوون هني ؟؟؟
طلال: حميد طاح و الحين هو في العنايه..
المر: شوووووو متى صار هالكلام ؟؟؟
محمد: من نص ساعه ..
سار المر حق حميد و شافه .. انصدم كان شكله غير عن كل مره متعود يشوفه فيها .. آآآآآآآآآه ياحميد كل اللي صار فيك عشان شيخه سارت عن هالدنيا ..

بالليل الشباب كانوا يالسين عند حميد و المر كان عند عبيد .. فتح عينه و ضغط على يد اخوه ..
عبيد: شيخه وينها ؟؟؟؟
المر: انت ارتاح الحين ...
عبيد: قلت لك شيخه وينها ...
المر: ماتت في الحادث ..
عبيد: لاااااااااااااا كله مني انا انا السبب .......................و قام يصيح على فراق اخته الوحيده ..
المر: خلاص عبيد انت مالك دخل في اللي صار هذا قدر و مكتوب و كل نفس بتذوق الموت خلاص لا تسوي بعمرك جذي ..
عبيد: و حميد وينه ؟؟؟
المر: حضر اول ثلاث ايام العزى و اللحين هو في العنايه ...
عبيد وهو قايم من على السرير: ابا اسير عنده ...
المر: شوووو انت غبي ولا تتغيبى انت تعبان ارتاح و بعدين ...
عبيد:لا قلت لك بسير عنده ..
شاف المر انه ماشي فايده في اخوه اذا حط شي في راسه لازم يسويه .. فساعده عشان يوقف و وداه عند حميد .. الشباب انصدموا لين شافوا عبيد يده كانت مكسوره و الكدمات اللي على ويهه فقام جاسم و مسكه من يده الثانيه و قعده على الكرسي اللي عند السرير .. و طلعوا .. مسك عبيد يد حميد ...
عبيد: سامحني انا السبب في اللي صار حق شيخه ...
و قام يقرى على حميد بصوت عالي خلى كل اللي في المستشفى يوقفون عند باب الغرفه و يسمعون .. كان صوته يخشع له القلب و يطمن ....

اليازيه من درت بوفاة شيخه وهي تصيح عليها و على حميد .. كانت حابسه نفسها في الغرفه و البنات يحاولون معاها بس ماشي فايده هب راضيه تفتح باب الغرفه .. صار لها اسبوع على هالحال بس عايشه على الماي ..

الشباب اتصلوا في الاهل و خبروهم عن حميد .. بعد نص ساعه القسم صار ممزور بأهل حميد و اعمامه ..
ام عبدالله تصيح: و الله ماتستاهل اللي صار لك يالغالي ..
ام سلطان: خلاص ياام عبدالله بسج صياح الولد بخير انتي سمعتي الدكتور شو قال ..
ام محمد: خلاص ياام عبدالله تعالي البيت ..
محمد: تعالوا انا بوصلكم البيت ..
الحريم و البنات ساروا البيت الا اليازيه اللي رفضت تسير و يلست عند اخوها و الشباب يحاولون معاها عشان ترجع البيت .. اتصل طلال في راشد ..
راشد: مرحبا الساع ..
طلال: مرحبا ملايين ولا يسدون في ذمتي شحالك راشد ؟؟؟
راشد: تمام الحمد لله انتوا شحالكم و المعرس ؟؟؟
طلال: حنا هب بخير ولا المعرس ...
راشد: ليييييييييش شو صاير .؟؟؟؟
طلال: حرمة اخوك ماتت في حادث و عبيد اخوها في المستشفى من اسبوع و شي و اخوك اليوم دخل في العنايه تعال ترى هو محتاجك ..
راشد: انا عندي اجازه بعد اسبوع مافي حجز دورت بس ماشي ..
طلال: متى؟؟؟
راشد: يوم السبت ..
طلال: على خير ان شاء الله ..
راشد: خبرني اذا صار شي ...
طلال: حاضر بس انت انتبه على نفسك ..
راشد: اوكي وين اليازيه ؟؟؟
طلال: كاهي .. و يعطي اليازيه الجوال .. اخوج ...
اليازيه: راشد........... و هي تصيح ..
راشد: هلا يزوي شحالج الغاليه ؟؟؟
اليازيه: دامك بخير انا بخير الا متى الرجعه ؟؟؟
راشد: يوم السبت .. بس خلاص الغاليه لا تصيحين ان شاء الله حميد بيقوم بالسلامه تعرفين اخوج مثل الحصان ماشاء الله عليه لا تخافين عليه ..
اليازيه: انت بعد حط بالك على نفسك ..
سلم عليها و صكر ..
طلال: شحالج الحين ؟؟؟؟
اليازيه: ابا حميد ...
طلال: تعالي معاي ايلسي او اشربي لج شي ..
اليازيه: مابا ابا ايلس عند حميد ..
طلال: اسمعي الكلام يابنيه ..
سارت اليازيه مع طلال الكفتيريا و قعد طلال يهديها ...

على الساعه 12 حمدان و جاسم و سلطان و محمد و خليفه و ذياب و صقر و اليازيه ساروا البيت لانه جاسم تعب فساروا .. طلال و هزاع و و عبدالله و المر قعدوا عند حميد و عبيد ..

عبيد كان يالس عند حميد .. فتح حميد عينه و شاف عبيد يالس يقرى عليه خشع قلبه و تذكر شيخه ..
ملاحظه(( شيخه تشبه عبيد واااااااااااااايد في العيون و في الشفايف ))...
نزلت دمعه من عينه و حرقته تذكر شكل شيخه في الملجه و شلون كانت مستحيه و هي ترمسه و ضحكتها اللي تحليها زياده و عيونها الجتاله و شفايفها و لمسة يدها و صوتها الحنون و الرقيق و كل شي فيها .. وقتها ضغط على يد عبيد .. انتبه عليه عبيد ...
عبيد: الحمد لله على السلامه ..
حميد بصوت مبحوح: الله يسلمك ..
عبيد: سامحني الغالي انا السبب ماكان.....................................
قاطعه حميد: هذا قدر و مكتوب و كل نفس بتذوق الموت لا تلوم نفسك يالغالي ..
عبيد: و الله و طلعت اصيل يالنسيب ..
حميد: هههههه اخخخخخ خس الله بليسك جسمي يعورني لا تضحكني ..
عبدالله: زين قمت مابغيت ..
حميد: بسم الله و انت ابليس من وين ظويت ؟؟؟
عبدالله: انا من وين ظويت اصلا كنت يالس عندك طول هالايام بس انت مايبين في عينك ..
طلال: هلا حموده الحمد لله على السلامه ..
حميد: اوه طلوله الله يسلمك ..
هزاع: و انا مالي رب..
حميد: انت شيخهم ..
المر: لا والله و انا الاطرش في الزفه ..
طلال: و الله زين تعرف عمرك ..
حميد: لالالا مايصير جذي مايصير يكون في شيخين ..
و يلسوا الشباب يسولفون عشان ينسون حميد شويه من همومه ..

يوم السبت ..
طلال الساعه 12 بالليل سار المطار عشان يستقبل راشد .. وصل راشد و سار البيت .. اليازيه كانت يالسه في غرفتها و تصيح .. دخل عليها راشد ..
اليازيه رفعت راسها: رشووووووووووود .. و قامت لوت عليه ..
راشد: هلا بالغلا كله شحالج الغاليه ؟؟؟
اليازيه: انا بخير انت شحالك ؟؟؟
راشد: دامج بخير انا بخير وين الوالد ماشفته تحت ؟؟؟
اليازيه: طلع عنده شغل مع عمي خالد و راجع ..
راشد: حميد وينه ؟؟؟
اليازيه: والله ماادري يطلع من الصبح و مايرجع غير بالليل مسكين حالته حاله ..
راشد: الله يصبره .. انزين تعالي تحت ابا اكل انا يوعان ..
اليازيه: فالك طيب شو تبا اسوي لك ؟؟؟
راشد: اي شي من يدج الحلوه ..
اليازيه: انزين شو رايك نتريا الوالد يرجع ..
راشد: دام السالفه فيها الوالد اوكي ..
وهم نازلين وقتها كان حميد راكب الدري و شافهم .. كان يصيح بدون صوت و ماسك فستان العرس مال شيخه ..
راشد: عظم الله اجرك اخوي ..
رفع حميد راسه و استانس لين شاف اخوه .. سار ولوى عليه ..
راشد: ادري انك تحبني حتى انا احبك ..
حميد:يالخقه.. الحمد لله على السلامه ..
راشد: الله يسلمك ..
اليازيه: ها حميد تعشيت ؟؟؟
حميد: لا الصراحه ابا اكل شي من يدج ..
اليازيه: زين نتريا الوالد ..
راشد: شو في يدك ؟؟؟
حميد وهو يعطي اليازيه الفستان: هذا فستان شواخ اباج تلبسينه في يوم عرسج ..
اليازيه و عينها تدمع: كنت بخبرك عشان تييبه لي لاني ماروم اتخلى عن هالفستان ..
سارت اليازيه تعلق الفستان و الشباب نزلوا تحت .. دخل بوراشد و قام راشد يسلم عليه .. نزلت اليازيه و دخلت المطبخ و سوت لهم العشى و قعدوا يتعشون ..

في بيت بوعبدالله .... في قسم هيا و حمدان ..
هيا: هلا الغاليه ..
ام سلطان: شحالج هياوي ؟؟؟
هيا: بخير و انتوا شحالكم ؟؟
ام سلطان: حنا بخير ليش اليوم مايتي بيتنا ؟؟؟
هيا: كنت تعبانه و جبدي لايعه مااقدر اقوم من على الفراش و احس الدنيا تدور فيني ..
ام سلطان: شو رايج اوديج باجر المستشفى ..
هيا: مايحتاي بصير بخير ..
ام سلطان: لا غناتي بس عشان نطمن ..
هيا: اوكي .. و صكرت ..
دخل حمدان ..
حمدان: هلا وغلا بالقلب و الروح ..
هيا: هلا فيك حياتي و يسلمون لي كل اللي قلتهم ..
حمدان: شحالج الغاليه ؟؟؟
هيا: هب بخير ..
حمدان خايف: افااااااااا ليش ؟؟؟
هيا: لانك هب معاي ..
حمدان: افاااااا عليج تبين اجابلج 24 ساعه ماعندي مانع بس بتملين مني ..
هيا: حد يمل من روحه و قلبه و عيونه ..
حمدان: لالالا مااروم على هالكلام واااااااايد علي ..
هيا: هالكلام شويه عليك انت تستاهل اكثر ..
حمدان: ليش انا انسان عادي ..
هيا: لا انت هب انسان عادي تعرف ليش ؟؟؟
حمدان: ليش ؟؟
هيا: لاني حرمتك ..
حمدان: هههههههه يالخقه طالعه على منو ؟؟
هيا: عليك طبعا مب انت خقاق...
حمدان: فديتج ... و قرب منها .. جان اطق ام عبدالله الباب .. سار حمدان..
حمدان: امااااااااااايه يعني لازم تقطعين علينا اللحظه ..
ام عبدالله: ليش شو كنتوا تسوون ؟؟؟
حمدان: بعد .. خير الغاليه شو بغيتي ؟؟؟
ام عبدالله: العشى ..
هيا: الحين يايين خالتي ..
ام عبدالله: الله يخليج لي ..
حمدان: و لي انا بعد ..
نزلوا تعشوا و يلسوا يسولفون و كل شوي حمدان يقعد يغلس على هيا و يسوي حركات و المسكينه تقفط و ويهها يصير احمر من حركاته .. و بعدين قعدوا شوي و ساروا ناموا ..

الساعه 2 حميد و راشد و اليازيه قاعدين في البلكونه يسولفون عشان ينسون حميد همه ..
حميد: انزين راشد اخبار الشركه معاك ؟؟
راشد: والله تمام ...
اليازيه: يلا شباب تصبحون على خير ...
حميد: وين وين ماشبعنا منج ...
اليازيه: عندك العمر كله ان شاء الله ...
حميد: تصبحين على خير الغاليه ...
سارت اليازيه و بعدين قاموا الشباب و ناموا ...

اليوم الثاني سارت هيا بيت ابوها و بعدين سارت مع امها المستشفى ..
بعد ماكشفت عليها الدكتوره ...
الدكتوره: مبروك الشيخه انتي حامل ..
هيا: صدق دكتوره؟؟؟!!!
الدكتوره: من شهر ..
هيا: الله يبشرج بالخير ..
و بعدين رجعت البيت و نامت عشانها كانت تعبانه .. و ام سلطان خبرت ام عبدالله و استانست واااااااااااااايد و كل العيله درت الا حمدان لان هيا قالت انا بخبره .. بالليل بعد العشى الكل سار غرفته عشان ينامون و حمدان ماقادر يفتح عينه من التعب .. وهو منسدح على السرير يات هيا و يلست عنده ...
هيا: حمدان ..
حمدان: اممممممممممم شو تبين ؟؟؟
هيا: ابا اخبرك شي ...
حمدان: يعني ماترومين تصبرين لين باجر ..
هيا: لا مااروم ..
حمدان: هياوي يالغلا الله يخلييييييج ابا انام بلييييييييييييييييييييييييييييييييز تعبان حدي ماروم افتح عيني صارت حمره لاني مانمت ..
هيا: يعني خلاص ماتبا تعرف ؟؟؟
حمدان: لا مابا اعرف ..
هيا: انزين ماتبا تعرف انك صرت ابو خلاص تصبح على خير ..
حمدان يفز من على السرير: شووووووووو عيدي ...
هيا: حمدان الله يخليك انا تعبانه ابا انام ..
حمدان: هيوه قولي دخيييييييييييييلج عيدي ...
مسكت هيا يده و حطتها على بطنها ..
هيا: ولي العهد المنتظر ..
حمدان: فديت حمد والله ..
هيا: و اذا بنت ؟؟؟
حمدان: منال ...
هيا: انزين تصبح على خير ..
حمدان: شو تصبح على خير بعد ماطيرتي النوم من عيني لا الا تيلسين معاي..
هيا: حمدان الله يخليك ارقد اخمد ابا انام ..
حمدان: انزين بحاول انام بس من الفرحه مااعتقد اني بقدر ..
هيا: ههههههههه انزين حاول ...


تحدد عرس هزاع و ريم بيكون بعد شهر .. طبعا ريم كانت تسير السوق مع نوره و دلال و امها عشان تشتري لها الاغراض اللي ناقصتها .. و فستان العرس بتأجره على قولتها هب مخيطه ولا هم يحزنون ..و سارت مع هزاع عشان يختارون ديكور قسمهم ..

مابقى غير اسبوع على العرس ..
في بيت بوسلطان..

خليفه كان نازل من فوق .. و دخل الصاله ..
خليفه: السلام عليكم يالشواب ..
ام سلطان+بوسلطان: وعليكم السلام ..
بوسلطان: تعال خليفه بغيتك في رمسه ..
خليفه: خير الغالي ..
ام سلطان: انت تعرف انه سلطان متزوج و هزاع قريب ان شاء الله و انا ابا اكحل عيني بشوفة عيالك قبل ما افارقكم ..
خليفه: افااااااا الغاليه ان شاء الله عمرج طويل بس انا مافكر في الزواج الحين ...
بوسلطان: ليييييييش في بنت في بالك و تباني اخطبها لك ؟؟؟
خليفه: لييييش انت في احد في بالك ؟؟؟
بوسلطان: هيه ..
خليفه: منو ؟؟؟؟
ام سطان: دلال بنت عمك ..
هني انصعق خليفه لين سمع هالكلام ...
خليفه: لا انا ماابا دلال انا في بالي وحده غيرها ...
بوسلطان عصب ...
بوسلطان: اكيد هذي وحده من خايساتك اللي ترمسهم ...
خليفه: هيه و انا احبها و هي تحبني و مستحيل تحب غيري و انا اباها ...
بوسلطان: اسمعني كلامن يوصلك و يتعداك انت مابتاخذ غير دلال بنت عمك و هذا كلام نهائي ...
خليفه: انت شووو يالس تقول بويه دلال شرات هيا و نوره هب اكثر ...
بوسطان: قلت لك لا تناقشني انت بتاخذ دلال و يوم الخميس بسير اخطبها من عمك و اباك تبيض ويهي ...
طلع خليفه من البيت و هو معصب حده .. و سار البحر ..
خليفه: هنوده الحقيني..
هند: خير حبيبي شو صاير ؟؟؟
خليفه: الوالد بيسير يخطب لي بنت عمي هالخميس ..
هند: لا مستحيل تكون لغيري انت وعدتني ..
خليفه: خلاص الغلا انسيني ..
هند: لا قلت لك مستحيل انساك ..
خليفه: انسي ...... و سد السماعه ..
رجع البيت الساعه 5 الفجر و هو معصب من ابوه لييييييش توقف في ويه سعادتي ...

مر 3 اسابيع على وفاة شيخه .. الله يرحمها.. و حميد ماقادر ينساها كل ماشاف عبيد و المر يتذكرها و خاصه عبيد .. في يوم كانت اليازيه في بيت بوعبدالله يالسه عند ريم و حمدان و هيا و عبدالله و بوراشد و بوعبدالله و راشد .. دخل عليهم حميد و كان ماسك في يده شنطة سفر ..
حميد: السلام عليكم ..
الكل: و عليك السلام و الرحمه ..
بوراشد: وين ساير الغالي ؟؟؟
حميد: انا جيت اسلم عليكم بسافر ...
الكل انصدم ...
بوعبدالله: لييييييش الغالي وين ساير ؟؟؟
حميد: اسمحولي بس مااروم اخبركم ..
عبدالله: ليييييش ؟؟؟
حميد: مع السلامه ........ و طلع ..
لحقه حمدان و راشد و عبدالله ..
راشد: حميد وقف انت هب ساير مكان قبل ماتخبرني وين ...
حميد: اعتقد اني هب ياهل عشان تقول شو اسوي و شو مااسوي ...
حمدان: اعقل حميد انت وين ساير على الاقل عشان نطمن عليك ...
طلعت وراهم اليازيه..
اليازيه: افااااااااااا حميد تسير و تخليني ...
حميد يقرب منها: آسف يالغلا بس لازم اسير و اوعدج اني مااطول ...
اليازيه: انزين خبرني وين ساير ؟؟؟
حميد: اذا عرفتوا مابتخلوني في حالي يلا مع السلامه سلموا على الباقي .. و سار ..

الكل كان مستغرب من تصرفات حميد بس المسكين ماينلام ..

يوم الخميس سار بوسلطان مع خليفه و هزاع و سلطان لبيت بومحمد عشان يخطب دلال حق خليفه ..
بومحمد: توه نور البيت ...
بوسطان: منور بأصحابه اخوي شحالك ؟؟؟
بومحمد: الحمد له مانشكي باس انتوا شو حالكم ؟؟
بوسلطان: حنا بخير بس بغيتك في رمسه و ان شاء الله ماتردني فيها ..
بومحمد: انت آمر بس و انا انفذ ..
بوسلطان: مايآمر عليك عدو بس بغينا دلال حق خليفه ...
بومحمد: و هذي الساعه المباركه و حنا مابنلقى احسن من خليفه حق وحيدتي دلال ..
بوسلطان: بس ارجوك لا تضغط على البنت خلوها تفكر و اذا مابغت الولد لا تغصبونها ..
محمد: لا تخاف عمي دلال بتوافق على خليفه .. ريال ماشاء الله عليه و ماينعاب ..
خليفه: من طيب اصلك و النعم فيك ولد العم ..
طلال: انزين بويه انا بعد ابا اعرس تعرف لازم الواحد يكمل نص دينه ...
بومحمد: هب الحين توك ياهل ..
طلال: شو ياهل بويه انا اطول منك و تقول لي ياهل اذا حمود الياهل هذا شي ثاني بس في وحده في خاطري و اباها قبل ماتروح من يدي ..
هزاع: والله و كبرت يالياهل بعد في وحده في خاطرك ..
طلال: هيه عندك مانع شعليك الحين بتعرس بس اخخخخخ مانروم نقول لك شي معرس يديد ..
سلطان: و منو تعيسة الحظ اللي بتوافق عليك ؟؟؟
طلال: اذا خبرتكم مابتكون مفاجأه ...
محمد: بنشوف منو و بعدين بنقرر ..
طلال: صدقوني بتكون قنبله بتطلع هي احلى وحده في العيله ..
هزاع: لا الغالي محد احلى من ريماني ...
بومحمد: لا تضاربوا بعد لالالا حلفت عليكم ...
الكل قام يضحك على سوالف طلال و هزاع و بعدين ساروا ...

بالليل سار بومحمد و خبر دلال اللي انصدمت من الخبر .. و بعدين سارت غرفتها ..

دلال في خاطرها مستحيل انا خليفه مااحبه هو شرات محمد و طلال ماباه .. و شوي و يدخل عليها طلال..
طلال: بلاها الحلوه زعلانه ؟؟؟
دلال: مابا اتزوج ...
طلال: ليش الغلا ؟؟
دلال: بس مابا ..
طلال: الحين انتي رافضه فكرة الزواج ولا خليفه ..
دلال: اثنينهم ..
جان يدخل عليهم محمد بعد ماسمع رمستها ..
محمد: ليش رافضتهم خليفه ريال و ماينعاب و النعم فيه ليش ماتبينه ؟؟؟
دلال: و النعم فيه بس ماباه ..
طلال: انزين اسمعيتني انتي استخيري و بعدين قرري .. و طلعوا من عندها ..
هي استخارت و بعدين سارت تنام ..

خليفه كانت حالته حاله ماطلع من غرفته من بعد مارجعوا .. دخل عليه هزاع..
هزاع: بلاك خليفه ليش ماتعشيت معانا ؟؟؟
خليفه: مابا دلال ...
هزاع مصدوم: ليييييييش ؟؟؟
خليفه: ياخي دلال شرات نوره و هيا ..
هزاع: شرات نوره و هيا ولا عشان اللي تحبها ..
خليفه: شلون تباني اعيش مع وحده مااحبها ليش الوالد يوقف في طريجي .. سعادتي مع اللي احبها هب مع دلال انتوا ليش هب راضيين تفهمون ..
هزاع: اللي ترمسك ترمس غيرك ...
خليفه: لا الا هذي هي تحبني و مستحيل تتزوج واحد غيري هي وعدتني ..
هزاع: خليفه اسمعني دلال بنت ولا كل البنات حلوه و حبوبه و ماشاء الله عليها جمال و اخلاق و ماتنعاب و ياما خطبوها وايد بس عمي يرفض لانه يباها لك هو خبرني بنفسه و بعدين انت ماشفت السعاده اللي كانت على ويه الوالد و الوالده تقول كأنه الروح ردت لهم و الحين الوالده تصيح لانه آخر عيالها بيتزوج و الوالد الفرحه مو سايعته خلك من هذي اللي تحبها و صدقني بتتركك لا ياها نصيب و بتقول اخوي قال لي و بعدين الحب هب شرط يكون قبل الزواج ياما ناس تزوجت بعدين حبت .. و سار عنه و خلاه في حيره من امره هب عارف من يختار ...

دلال حالتها من حالة خليفه هب عارفه اذا توافق ولا لا ..

ريم خلصت زهابها و كل شي بس مابقى غير انها تدخل على حبيب القلب هزاع و هزاع طاير من الفرحه بعد يومين عرسه .. و خليفه و دلال لحد الحين يفكرون خليفه من يختار و دلال بتوافق ولا لا .. حمدان مستانس لانه بيصير ابو و هيا فرحانه من فرحة حمدان .. حميد لحد الحين مارجع من السفر على فكره هو سار يعتمر عنه و عن شيخه مع جراح .. راشد رجع ايطاليا لانه مايروم يخلي الشغل .. جاسم يوم عن يوم حالته تسوء و المسكين يفكر في نوره شو بيكون حالها من بعده .. ..


يوم الخميس عرس هزاع و ريم ..
ريم كانت في الفندق تتزهب و دلال معاها و البنات في الصالون .. كانوا طالعين جميلات كل وحده تقول الزود عندي .. و العروس ماشاء الله عليها ملاك ..
على الساعه 12 نزلت العروس اللي كانت خايفه تتخرطف بس اله ستر و مشت بخطوات متوازنه .. كانت جنااااااااااااااان لابسه فستان ابيض و عليه ورود ذهبيه و باقة ورد حلوه وااااااااااااايد و مكياج ذهبي و بني كانت حلوه .. بعد ماقعدت ساروا البنات يسلمون عليها و المصوره تصور..

عند الشباب..
هزاع كان قلبه طايح في ريله و الشباب يضحكون عليه ..
هزاع: وين حميد مارجع من السفر ..
حمدان: لا اليوم اتصلت فيه بس مارد علي ..
محمد: خلوه على راحته ..
هزاع: شو على راحته و هو وعدني انه بيحضر عرسي مهما صار ..
جاسم: تصدق حنا مانعرف وين سار الذكي ماسار بالطياره سار بالسياره لا و بعد مسافر مع ربيعه ..
شوي و يدخل ريال هيبه حتى انه الكل وقف لين دخل و سلموا عليه كان كاشخ بالثوب الابيض و السفره الحمره و النعال الابيض و ريحة العطر شاله البقعه و كان مبتسم و النور يشع من ويهه ..
هزاع وهو يوقف: حميد .....
حميد: وعدتك اني باحضر عرسك مبروك يالمعرس ..
هزاع: الله يبارك فيك ..
خليفه: وينك طولت الغيبه ..
عبدالله: هيه والله اشتقنا لك ..
حميد: ادري انكم تحبوني حتى انا احبكم بس بغيت ايلس بروحي ..
طلال: وين سرت دورنا عليك في كل مكان و سألنا ..
حميد: سرت العمره مع جراح ..
ذياب: شووو مع جراح ؟؟؟
حميد: هيه ليش مستغربين ؟؟؟
صقر: لا هب مستغربين بس ليش ماخبرتنا ؟؟؟
جراح+احمد: السلام عليكم ..
الكل: وعليكم السلام ..
جراح: مبروك يامعرس و عقبالي ...
هزاع: الله يبارك فيك ...
احمد: بلاك ماتروم تصلب عمرك ياهزاع ؟؟
هزاع: ربيعك جسوم يعلق علي معرس يديد و كل دقيقه يخرعوني ..
حميد: ماينلام اخو العروس ..
الكل: ههههههههههههههههههههههههههههه..
جاسم: جراحووووووو ...
سار جراح وقف ورى حميد لانه درى انه جاسم بيهزبه ..
جراح: هب اصغر عيالك ..
جاسم: لا اكبرهم يالشيخ ..
جراح: هيه اباك تناديني الشيخ ..
جاسم: اسكت مابا اسمع نصخك ليش تأخرتوا و لييييييش ماخبرتنا انك مسافر مع حميد خفنا عليه و ااااااااااايد؟؟؟؟
حميد: انا قلت له انه مايخبركم و انت لييييش معصب على الولد ترى بتخربون العرس على هزوعي نباه يستانس اليوم ..
هزاع: لا تخافون انا مستانس من شوفتكم كملوا الهوشه الله يخليكم ...
محمد: خلاص شباب..
جاسم: بلاكم كنا نمزح ..
هزاع: اقول عبدالله اتصل فيهم ابا ادخل اشوف حرمتي بدل مااجابل ويوهكم ..
طلال: بلاه الاخ مستعيل ...
هزاع: ياخي مليت من مجابلكم ...
الكل: ههههههههههههههههههههههههههههههههههههههههههه...و بعدين
قاموا الشباب يولون و شالنهم الهوى ..

على الساعه 1 دخل هزاع مع بوسلطان و بوعبدالله و عبدالله و حمدان و جاسم .. رفع الطرحه و باسها على راسها ..سلموا عليها اخوانها و ابوها و عمها و تصوروا معاها و بعدين طلعوا .. قعدوا المعاريس شوي و بعدين ساروا فوق ..

الشياب و الحريم رجعوا البيت على الساعه 3 و الشباب كانوا ينتظرون البنات عشان يردونهم البيت لانهم تأخروا شوي و هم يسلمون على ريم ..
دلال دخلت القاعه لانها نست جوالها ..

برع..
حمدان: خليفه سير شوفهم ليش تأخروا ..
سار خليفه و دخل القاعه على باله انهم هناك .. دخل و دلال كانت طالعه و دعمته و طاحت غشوتها ..
خليفه: السمو..................................... و سكت لين شاف دلال انصدم من شكلها كانت حلوه من الخاطر .. تم خليفه يتأملها و هي من الصدمه مارفعت الغشوه ولا تكلمت ولا تحركت من مكانها .. و خليفه في خاطره واااااي عليها حلوه غرشوبه بس مااروم احبها .. و نزل راسه بس ماتحرك من مكانه .. و دلال في خاطرها مزيون هالولد .. و نزلت راسها ..
كان السكوت سيد الموقف ..و بعد فتره ..
خليفه: وين البنات ؟؟؟
دلال: الحين نازلين ...
خليفه: و انتي شو تسوين هني لحالج ؟؟؟
دلال: نسيت جوالي ..
خليفه: انزين يلا اخوانج يتريونج .. و ساروا ..
خليفه كان مع نوره في السياره و كان يفكر في الموقف اللي صار له معاها و ماغابت دلال عن باله هو نفسه مستغرب ليش يفكر فيها هالكثر ..

و دلال كانت مع محمد و طلال و تفكر في خليفه معقوله انا احبه لالا مستحيل .. و قطع حبل افكارها صوت طلال ..
طلال: وين وصلتي ؟؟؟
دلال: هااااااااااااا لا ماشي ..
محمد: في منو كنتي تفكرين ؟؟؟
دلال: ولا احد ...
طلال: العبي غيرها ..
محمد: اكيد خليفه ..
دلال: لا ماعمري فكرت في خليفه ..
محمد: ليش ؟؟؟
دلال: محمد الله يخليك مابا ارمس في الموضوع تعبانه و راسي يعورني ..

في سيارة حمدان ..
هيا كانت ساكته و مبين عليها متضايقه ..
حمدان: بلاج هياوي متضايقه ؟؟؟
هيا: هاااااااااا لا ماشي ..
حمدان: لا فيج شي حد ضايقج ؟؟؟
هيا: لا بس تعبانه شوي ..
حمدان: اوديج المستشفى؟؟؟
هيا: لالا مايحتاي ...
حمدان: متأكده ؟؟؟
هيا: هيه ..
حمدان: انزين شو رايج نسير البحر ..
هيا: الحين لا و بالفستان ..
حمدان: هيه بلاج عادي اباج في سالفه ..
هيا: عاد البحر ..
حمدان: هيه البحر ..
هيا: اوكي ..
سار حمدان البحر و نزل و نزلت هيا وراه .. عق السفره و تربع على الارض و تم ساكت .. هيا استغربت ..
هيا: بلاك حمدان انت اللي شي مضايقك هب انا خبرني ...
حمدان: انا خايف على جاسم ..
هيا: ليش بلاه جاسم ؟؟؟
حمدان: تعبان و بعدين تغير وااااااااايد و بعد اسبوع بيسافر يسوي العمليه مره ثانيه ..
هيا: انزين سير معاه ..
حمدان: هو مايبا انا خبرته و حنيت على راسه بس هو رفض ..
هيا: والله ماادري شو اقولك الله يعينه و بعين انتوا خلوه على راحته لا تضغطون عليه و ان شاء الله بيصير بخير ..عاد يلا ترى تعبانه حيييييييييييييل و ابا انام ..
حمدان: اخبار النونو ؟؟؟
هيا: عن العبط توي في الشهر الثاني ..
حمدان: اشوف اشوف لالا انا مااصدق ..
هيا: حمدان قلت لك انا تعبانه يلا عااااااااااااااااااد حبيبي ...
حمدان: شوووو ماسمعتج ؟؟؟
هيا: حبيبي ...
حمدان: لالا انا اليوم مابنام مااروم على كلامج حلو ..
هيا: حتى انت حلو بس يلا عاااااااااااد ...
حمدان: انزين يلا بس بشرط ..
هيا: شوف حمدان آخر مره اتشرطت فيها خليتني ابوسك يدام الناس في السنتر ..
حمدان: الحين عااااااااادي انتي حرمتي ...
هيا: انزين شو شرطك ؟؟؟
حمدان: تبوسيني يدام الوالد و الوالده و جاسم و عبدالله ..
هيا: شوووووووووووووووو لا انت ينيت امش نسير البيت ...
حمدان: هب متحرك لين توافقين ...
هيا: شو يدام امك و ابوك عااااااااد خوانك بعد لا انا استحي ..
حمدان: خلاص باتي الليله هني ترى في فراش في السياره و مخدات بعد و ماي و اكل و كل شي ..
هيا: حمدااااااااااااااان ...
حمدان: انا بنام في السياره و انتي برع اوكي لانه انتي عارفه ماشي مكان حق اثنين ..
هيا: الله يخليك حمدان استحي بعدين شو تقول امك عني تبوس الولد يدامنا ..
حمدان: لا انا سألتها اذا عادي الحرمه تبوس ريلها يدا امه و ابوه قالت عادي ..
هيا: المسكينه مادرت انك بتخليني ابوسك يدام اخوانك ولا جان اقصبت رقبتك ..
حمدان: موافقه ولا لا ؟؟؟
هيا: امممممممممم لازم يعني ؟؟؟
حمدان: ابا اعرف غلاتي عندج ...
هيا: انت غالي و هب لازم تعرف انك غالي علني خلها سر ...
حمدان: انزين الغلا انا ببوسج عادي ..
هيا: انزين ..
حمدان: انزين يلا تعالي لاني بردت ..وساروا البيت

نرجع شوي للمعاريس ..........
ياتهم المصوره و قعدت تصورهم و هزاع ماقصر شبه حمدان عطى المصوره حركات و ماقصر و بعدين روغها ..
هزاع: مبروك ياعروس ..
ريم بصوت واطي: الله يبارك فيك ..
هزاع: محلوه اليوم..
ريم استحت: تسلم عيونك الحلوه ..
هزاع مسك يدها و قرب منها ..عاد هي استحت و قفطت هب عارفه شو تسوي ولا وين تسير ..
هزاع: لا تستحين مني الغاليه انا ريلج الحين ...
ريم: انزين ممكن اعق هالفستان اللي علي لانه بصراحه واااااااااااااااايد ثقيل ..
هزاع بخبث: انزين تبين مساعده ؟؟؟
ريم: لا مشكور .. و سارت ..
بعد ساعه طلعت لابسه الروب و شعرها مبلول ..
هزاع: نعيما..
ريم: الله ينعم عليك مابتسير تتسبح ..
هزاع: هيه بس ممكن اجهزين لي ملابسي ..
ريم: من عيني ..
هزاع: تسلم لي عيونج .. و باسها على خدها و دخل ...
نشفت ريم شعرها و سارت .. و بعدين سارت وقفت عند البلكونه و فتحت الباب كان ظلام فكانت ماتبين .. طلع هزاع و شافها واقفه و سرحانه .. سار من وراها و حضنها ..
ريم: بسم الله خرعتني ..
هزاع: آسف ..
دام السكوت شوي و بعدين ..
هزاع: بلاج ساكته الغاليه ؟؟؟
ريم: مافيني شي ..
هزاع: فيج شي خبريني ...
ريم: ماشي كنت افكر فيك ..
هزاع: فديتج انا ..
ريم: انزين ممكن نسير انام لاني تعبانه ...
هزاع: انزين بكره ان شاء الله بعد المغرب تجهزي بنسافر ..
ريم: على وين ؟؟؟
هزاع: انتي وين تبين تسيرين ؟؟؟
ريم: اسبانيا ...
هزاع: فالج طيب و انا اصلا حاجز حق اسبانيا ..
ريم: و شلون عرفت اني ابا اسير اسبانيا؟؟
هزاع: حبيبتي انا هزاع ..
ريم: فديتك ..
هزاع: شو ماسمعت ..
ريم: هاااااااا لا ماقلت شي ...
هزاع: عيديها دخيلج ..
ريم: شو تباني اعيد انا ماقلت شي انت شكلك تعبان و بديت تسمع اشياء انا ماقلتها ..
هزاع: الغلا انا اصحى منج بس عيديها ..
ريم: شو تباني اعيد ؟؟؟
هزاع: اللي قلتيه ..
ريم: اهااااااااا انت تقصد فديتك ...
هزاع: فديت الكلمه لا طلعت منج ..
ريم: ادري بس يلا تعال انام ترى انا تعبانه حيييييييييل ...
و ساروا ينامون ...

اليوم الثاني يوم الجمعه في بيت بوعبدالله ..
ام عبدالله سارت توعي الشباب عشان يسيرون صلاة الجمعه .. سارت غرفة عبدالله ... و لقته واعي ..
ام عبدالله: صباح الخير الغالي ..
عبدالله: صباح النور يااحلى ام في الدنيا .. و باسها على راسها ..
ام عبدالله: من متى انت واعي ؟؟؟
عبدالله: من اذان الفجر انا واعي الصراحه امس الفليل النوم ماقارب جفوني ..
ام عبدالله: ليش عسى ماشر تعبان شي ؟؟؟
عبدالله: لا هب تعبان بس كنت افكر في سالفه و مانمت ..
ام عبدالله: في منو كنت تفكر ؟؟
عبدالله: ولا احد بس..............
قاطعته امه: خلاص الغالي هب لازم تشرح لي .. و يلا اجهز بسرعه ترى ماشي وقت انا بسير اوعي جاسم ... و سارت ..

دخلت على جاسم و كانت الغرفه باااااااااااااارده و ظلام و هو متقرفص على نفسه من البرد ..
ام عبدالله تهزه: جسيم جسيم قوم يمه ..
جاسم: امممممممممم ...
ام عبدالله: قوم الغالي تجهز للصلاه ..
جاسم: ان شاء الله .. و قام .. و ام عبدالله طلعت ..

هيا كانت توعي حمدان اللي نومه ثجيل ..
هيا: حمدان حمدوووون قوم يلا اجهز للصلاه ..
حمدان:اممممممممممممممم...
هيا: قوم يلا ..
حمدان: هياوي حياتي بس شويه بس خمس دقايق دخييييييييلج ابا انام تعبان ..
هيا: و الصلاه ..
حمدان: ان شاء الله .. و قام .. و هي نزلت عشان تسوي فحم ..
نزل عبدالله و بخرته امه و بعد بوعبدالله .. و هيا كانت تنتظر حمدان عشان تبخره ..
نزلوا التوائم كاشخين و متعطرين .. و وقفوا عند بعض ..
جاسم: يلا هياوي بخريني ..
حمدان: انتي تعرفين تفرقين بيننا ..
جاسم: حلاتين لا بخرتي جاسم ..
تمت هيا اطالعهم و بعدين اشرت على حمدان اللي كان واقف على اليمين ..
هيا: تعال ..
حمدان: انا جاسم ..
هيا: لا انت حمدان ..
حمدان: شلون عرفتيني ؟؟؟
هيا: من القلم لاني عطيتك اياه هديه و بعدين جاسم شعره شوي اطول من شعرك ..
جاسم: ماشاء الله عليج مرت اخوي الله يخليج ذكيه ..
و بعد ماتبخروا .. توهم الشباب بيظهرون الا حمدان يقول ..
حمدان: لو سمحتوا ممكن صدوا...
الكل التفت على حمدان ..
حمدان: هيا تتذكرين امس الطلب ...
هيا: هيه ...
قرب منها حمدان و الكل كان يشوف و باسها على خدها .. عاد البنيه قفطت ..
عبدالله: اوب اوب شو هالحب كله ..
ام عبدالله: اقول سيروا احسن لكم ..
طلعوا الشباب و هم يضحكون على حركة حمدان و شكل هيا ...
هيا: خالتي ولدج وااااااااااااايد جريء ..
ام عبدالله: ادري غناتي طالع على ابوه ..

بعد الصلاه الكل اجتمع في بيت بوعبدالله على الغدى .. و كانوا ينتظرون المعاريس ..
؟؟؟

اشكر
كل من شاركني في قراءته الرواية و ارسلي توقعاته و شكره
اتمنى لكم قراءه ممتعه
و السموحه منكم على التأخير بس و الله كنت مشغولة في الدراسة و الامتحانات
و قد ما اقدر راح انزل لكم كل يوم 4 اجزاء و اكثر و السموحه مرة ثانية منكم
 تحياتي لكم عاشقت الرياضيات

روووووعه بجد واتمنى تنور روايتي قيود مؤلمه والرعي في إكمال الروايه

سلام حبيبتي و الله الرواية جنناااااااااااااااااااااااانننننننننننننننن كمليها بسرعة
والله عجبتني جرائة حمدان هههههههه يلا في امان الله + موفقة

عند البنات ...
فاطمه: هلا وغلا في حرمة اخوي المستقبليه ..
ميره: وااااااااي استحي ..
الكل: هههههههههههههههههه...
دلال: شو تدرسين ميره؟؟؟..
ميره: ادرس فنون ..
ميره انتبهت على هيا و شافت بطنها ..
ميره: في اي شهر هيا ؟؟؟
هيا: في بداية الثالث ..
ميره: مبروك ..
هيا: الله يبارك فيج ..
نوره: بنات تبون الصارحه ترى انا يوعانه حدي ..
اليازيه: حتى انا ..
دلال: هيه ماتفكرين الا في بطنج ..

عند الشباب ...
فهد: متزوج ها حمدان ؟؟
حمدان: هيه ..
خالد: مستانس ؟؟؟
جاسم: الا طاير من الفرحه ..
طلال: انزين شباب انا يوعان ..
عبدالله: و انت ماتفكر الا في بطنك ..
طلال: شو اسوي اذا طالع عليك ..
محمد: انزين من بيسير بيطلب ..
خالد: انا بسير بس لاتطلبون وااااااااااااااايد ..
ذياب: ليش؟؟؟
خالد: عشان البنات مايتطنزون علي و يقولون بياكل كل هذا ..
الشباب: هههههههههههههههههههه..
اطلبوا الشباب و سار خالد و البنات بعد و سارت المسكينه شهد كل مره لازم هي الي تسير..

طبعا المكان كان ممزور شباب خبركم يوم الخميس ..
شهد بطبيعتها تجذب الواحد بجمالها و عفويتها و ويهها الطفولي كانت واقفه تطلب عاد واحد من الشباب عجبته جان يقرب منها ..
الريال: و انا اقول ليش المكان منور اثر به نجمه حادره من السما ..
خالد كان واقف و يشوف الموقف هو عارف انها اخت صقر و ذياب ..
الريال: انزين عطينا ويه على الاقل ..
خالد مااستحمل لانه الريال زودها و قرب منه ..
خالد: انت ماتستحي على ويهك تغازل البنت يدام اهلها ..
الريال: ياخي كل واحد يقول هذي وحده من الاهل و بعدين يطلع جذب و بعدين تعال انت شو دخلك بالسالفه انا غازلتها هي ولا انت ..
خالد: قلت لك خوز و خل البنت في حالها ..
الريال: ليش واحد من الاهل ..
خالد: ترى بديت اتنرفز منك قلت لك خوز ..... و سار وقف ورى شهد ..
الريال: انزين خلها تقول اسمك عشان اتأكد انك واحد من الاهل ..
خالد: تراك مصختها عاد ..
شهد: اسمه خالد ..
خالد انصدم شلون عرفت اسمي ..
خالد: عاجبك الحين البنت حرقت ويهك ...
الريال: السموحه منك اخوي ..... و سار ..
عبدالله وهو ياي سار يشوف خالد لانه واااااااايد تأخر و شاف شهد واقفه عنده .. عبدالله: بنت العم انتي شو تسوين هني ..
شهد: ياخي شو اسوي كل مره نطلع فيها البنات يطرشوني اطلب لهم و انت عارف الوضع ..
عبدالله: ههههههههه و الله مسكينه انزين عطيني الطلبات و انا بطلب لكم ..
شهد: اوكي .... و عطه الورقه .. قبل ماتسير ..
عبدالله: شو مكتوب فيها مااقدر اقرأ خطج يعني ...............
شهد: عبيدو عن العبط خطي اوضح من خطك اللي تقول لاعب فيه الدياي ..
خالد: هههههههههههه قفطه تستاهل ..
عبدالله: انت اسكت اشوفك يلا اطلب جان تفهم ..
خالد: هات الورقه انا بطلب شوف ياخي مكتوب 3 بيبسي و 2 ميرندا و .............
عبدالله يقاطعه: هات الورقه اصلا انا اعرف بس استعبط ..
شهد: هيه مبين تستعبط .. و سارت ..
خالد: انزين هات انا بطلب للبنات و انت اطلب للشباب ..
و بعد ماكلوا و شبعوا كل واحد سار بيته ..

بعد اسبوع .. يوم الخميس ..
اتصل خالد في صقر و خبره انه ميره موافقه و اتصل احمد في ذياب و خبره انه مها موافقه و ساروا يخطبون رسمي .. طبعا الفرحه عمت البيت الكبير كله و حددوا الملجه بعد اسبوعين ..

يوم السبت ساروا فاطمه و شهد عند ميره عشان يسيرون السوق عشان تختار لها فستان حق الملجه .. و ام سعود و ام ذياب بيسيرون معاهم و خالد اللي بيوصلهم ..
ام سعود و ام ذياب ساورا اليشمك و البنات ساورا مع خالد محل ثاني .. لقوا البنات الفستان اللي يبونه و خذوه و بعدين ساروا خذوا لهم ذهب و مكياج و غيره و منها شروا زهاب كبدايه حق العروستين .. و بعدين ساروا اليشمك عند الحريم و خذوا لهم جلابيات .. و بعدين رجعوا البيت ..

و مها حالها من حال ميره سارت مع اخوها و خذت لها فستان و اغراض العروس بعد ..

قبل الملجه بيوم ..
كانوا الشباب مجتمعين في ميلس بوعبدالله كالعاده .. و يسولفون عن ملجة ذياب و صقر و حاطين عليهم ..
طلال: دخلتوا القفص الذهبي ..
محمد: شلون ملجتكم في يوم واحد ..
صقر: انا افهمك اول شي ذياب بيلبسها الشبكه و بيقعد معاها<< الاخ مستعيل.. و بعدين انا بدخل البسها و على طلعة ذياب من الميلس انا بدخل ..
ذياب: يعني to easy سهله انت ليش معقد الموضوع ..
عبدالله: بس ماشاء عليهم خالد و عيال عمه رياييل و النعم فيهم ..
محمد: هيه والله سوالفهم حلوه و ماتنمل ..
..
يوم الملجه .. الصبح ..
لا ميره ولا مها ناموا الليل من الخوف و التوتر على عكس ذياب و صقر اللي عطوها رقده و مانشوا الا بالزور .. ساروا البنات بيت بوذياب عشان يتعدلون و بعد البنات الباقي اجتمعوا عندهم .. بالليل يات راعية الصالون و جهزت البنات .. ريم ماقدرت تحضر لانها في شهر عسلها مع هزاع....
فاطمه كانت لابسه عنابي و ابيض و كانت حلوه من الخاطر..
شهد لابسه وردي كان جنان عليها ..
هيا لانها حامل لبست جلابيه بيضه و عليها شك بالوردي من اليشمك ..
نوره فستان احمر و كانت ملامحها حلوه واااااااايد ..
دلال فستان اسود و وردي كانت حلوه بعد ..
اليازيه اخضر و بطيخي كانت طالعه طفوليه ..
اما ميره كانت لابسه فستان بني و ذهبي كانت حلوه من الخاطر ..
و مها فستان فيه عدة الوان فيه البني و الازرق الغامج و اسود بس مدموجه بطريقه حلوه و كانت ملاك نازل من السما .. وصل الملاج و سارت هيا تودي الدفتر حق البنات و اليازيه تصور بالكيمره قبل و بعد المكياج و السوالف اللي ماتخلص و غيره من لقطات تضحك .. لين وصل الدفتر عطت مها توقع اول ..
مها: اصير اهون الحين ولا لا ؟؟؟؟
البنات: لاااااااااااااااااااااااااا..
فاطمه: شو تهونين بعد كل هالتعب و التعدل تقولين اهون يعني انا مابلقى احسن عنج حق اخوي الاول ..
مها: ببببببببببببل كل هذا محاضره انزين بوقع .. و وقعت ..
ميره: انزين اصير انا اشرد شو رايكم فكره حلوه ..
دلال: انزين شو رايج توقعين بعد هذي فكره حلوه ..
وقعت ميره و نزلت هيا الدفتر ..
اول شي نزلت مها على انغام موسيقى و دخل عليها ذياب اللي انصدم من شكلها كانت جناااااااااااان حلوه كانت بالنسبه لذياب ملاك نازل من السما .. لبسها الشبكه و اول ماكان يبا يلبسها الخاتم يده تتنافض و يدها بعد ..
ذياب بصوت واطي: غناتي لا تتنافضين الحين بعدين تنافضي على كيفج ..
مها: انزين ..
ذياب: فديت هالحس انا يعلني مااخلى منج ..
استحت البنت و نزلت راسها .. بعد مالبسها طلع و سار الميلس و هي سارت وراه الميلس ..
عند الباب كان احمد اخوها واقف ..
احمد: يلا دخلي ..
مها: استحي ..
احمد: شو تستحين اقولج الولد بيذوب لين يشوف جمالج الغاليه ..
مها: تهقى؟؟
احمد: اذا انا لين شفتج قررت اعرس عيل شو الحال على ذياب ..
دخلت مها و هي منزله راسها ..

العروس الثانيه ميره نزلت و كانت حلوه الكل سمى بالرحمن عليها هي و مها كانوا حلوات من الخاطر .. دخل عليهم صقر كان وااااااااااايد مستحي من الحريم اللي موجودين في الصاله .. صقر بطبيعته جريء اكثر من ذياب بس اذا عند الحريم مايعرف يرمس .. وصل عند ميره و باسها على راسها و مسك يدها و هي قلبها في ريلها ..

نرجع حق ذياب و مها ..
مها من المستحى كانت قاعده طرف الكرسي و ذياب على الطرف الثاني .. قام و قعد عندها و مسك يدها ..
ذياب: بلاج الغاليه خايفه ؟؟
مها:هاااااااااااا لا انا مب خايفه بس تعرف الوحده تتوتر في يوم ملجتها ..
ذياب: ادري بس معاي مااباج تتوترين ..
سكتوا شوي و بعدين قطع الصمت ذياب..
ذياب يستعبط عليها: عرفيني على عمرج ...
مها: اسمي مها عمري 21 ادرس اداره و اقتصاد حلوه و حبوبه و طيبه دمي خفيف و سوالفي ماتنمل ..
ذياب:هههههههههههه والله انتي صاجه سوالفج ماتنمل ..
مها وهي الثانيه تستعبط: انزين عرفني على نفسك ..
ذياب: اسمي الشيخ ذياب و عمري 27 سنه اشتغل احب الشعر و اخيرا وليس اخرا انا انسان يحبج و يعشقج من راسه لين ساسه و مايتخيل حياته بدونج و الله و تعرفين انه انا نادم ..
مها: على شووو؟؟؟
ذياب: على السنين اللي ماعرفتج فيها ..
مها: الله يخليك لي ..
مسك ذياب يدها و باسها .. و بعدين حطها على قلبه ..
ذياب: تحسين بقلبي ..
هزت راسها بنعم ..
ذياب مابغى يطول و قام باسها على خدها و طلع و هي سارت فوق ..

صقر لبس ميره الشبكه و هي حاولت ماتبين توترها .. و بعدين سار صقر و دخل الميلس ..
ووياها اخوها خالد ..
خالد: تدخلين ولا ادخل معاج ..
ميره: استحي ..
خالد: و انا اقول ليش البنت ساكته من امس وما تتكلم اثربه الحيا يقوطر منج يوم الملجه ..
ميره: خلوووووووووود ...
خالد: دخلي يلا الولد ينتظر ..
ميره: برايه مابا ادخل يعني مايقدر يترسا بحد العرس ..
خالد: شو ماتدخلين يلا انا بدخل معاج ..
و دخلوا ..
خالد+ميره: السلام عليكم ..
صقر: وعليكم السلام ..
خالد: مبروك يالمعرس ..
صقر: الله يبارك في حياتك الفال لك ..
خالد: الله يسمع منك .. يلا اخليكم الحين .. و طلع ..
اقعدت ميره على الكرسي و صقر قعد عندها ..
صقر: مبروك عليج انا غناتي ..
ميره بصوت واطي: الله يبارك فيك ..
صقر: انزين ارفعي راسج اذا انتي ماتبين تشوفيني انا ابا اشوفج ..
رفعت ميره راسها .. و خدودها توردت من المستحى ..
صقر: من وين الشمس طالعه اليوم شو هالجمال و الزين هذا كله حقي ..
ميره: اذا مب حقك حق منو ؟؟؟؟
صقر: لالالا انا مااقدر على كلامج بتخبلين بي اليوم ..
ميره: بسم الله عليك من الخبال ليش انا اصلا خليت فيك عقل ..
صقر: يعني تخافين علي ؟؟؟
ميره: اذا ماخفت عليك على منو اخاف ..
صقر: وينج عني كل هالسنين .. تعرفين شي ..
ميره: شووو؟؟؟؟
صقر: احبج و اموووووووت فيج ..
استحت البنت ..
جان يدخل خالد .. و وقف صقر و معاه ميره ..
صقر يصاصر ميره: ميروه قولي لي احبك ..
ميره بصوت واطي: استحي ..
صقر: لا تستحين ..
خالد: عيب عليكم تتصاصرون يدام الناس ..
صقر يصاصر ميره: يلا عااد قبل مااظهر ترى اخوج حشرنا ..
ميره تصاصر صقر: احبك ..
عاد ماادري من وين صقر ياته الجرأه و باسها على خدها يدام اخوها و طلع عشان ماياكل هزبه من خالد ..
ميره تقول حق خالد من الفشله ..
ميره: شحالك خالد ؟؟؟
خالد: ههههههههههههههههههههههههههههههههه فديت اللي قافطين .. و سار لوى عليها ..و بعدين ساروا يقعدون في الصاله شوي ..جان يدخلون عليهم سعود و فهد ..
سعود+فهد: مبروك ياعروس ..
ميره: الله يبارك فيكم و عقبالكم ..
فهد: آميييييييييييين ..
خالد: و انا انزين الحين انا اخوج من لحمج و دمج ماتقولين لي عقبالك تسيرين تقولين حق هالسبلان عيال اعمامج ..
ميره: خلاص حبي ولا زعلك .. و باسته على خده ..
سعود: اقول خلود سير شوف عمرك في المنظره ...
خالد: ليييييييييييش؟؟؟
فهد: الروج طبع والله شكلك حلو خلني اصورك .. و طلع جواله و صوره ..
خالد: عنلااااااااااااتك امسحها ..
و قام يربع ورى فهد في البيت و سعود و ميره يضحكون عليهم عاااد الاخ سعود طلع جواله و قام يصور فيديو و بعدين طرشه حق صقر ..

صقر و ذياب و حمدان و جاسم و حميد و سلطان و عبدالله و خليفه و محمد و طلال كانوا قاعدين على البحر لين وصل صقر المسج و فتحه و قام يضحك و بعدين طرش له سعود مسج ثاني كاتب فيه ..
(( الله يسلمك بعد ماطلعت انت ميره باست خالد على خده و روجها طبع على خده جان يقوم الاخ فهد و يصور خده و الحين هم يرابعون ورى بعض و انا ماعندي شغل قاعد اصور فيديو ))..
صقر: هههههههههههههههههههههههههههه..
محمد: بلاك ؟؟؟
صقر: شوفوا .. و راواهم ..
خليفه: منو هذول ؟؟؟
صقر: اللي يركض و ماسك الجوال هذا فهد ولد عم حرمتي و اللي وراه هذا خالد اخوها ..
عبدالله: لييييش يرابعون ورى بعض ؟؟؟
صقر: الله يسلمك حرمتي باست خالد على خده و طبعت البوسه عاد فهد قام و صور خده و قام هذاك يرابع ورى هذا و سعود يضحك عليهم و يصور ..
الشباب: هههههههههههههههههههههههههه....
بعدين كل واحد رجع بيته ..

نروح حق المعاريس في اسبانيا ..
كانوا مستانسين واااااااااايد و هزاع مامقصر على ريم في كل شي حركات و سوالف و انتوا تعرفون الشباب لا تزوجوا شو يصير بهم يجنون .. كان كل يوم يطلعها .. في يوم كانوا قاعدين في الشقه .. هزاع صادته حمى و طاح في الفراش و بردان ماقادر يتحرك من مكانه .. و ريم سوت له شي دافي يشربه و قاعده عنده و ماخلته دقيقه تسولف معاه و تضحك ..
ريم: انزين الحين انت ارتاح ..
هزاع: لا انا ابا اقعد معاج ..
ريم: بتجابلني طول العمر انت الحين حط راسك و نام عشان تصحى ..
هزاع: انزين انتي بعد تعالي نامي عندي ترى مااعرف انام بدونج ..
ريم: ان شاء الله بس اسير اغير ملابسي ..
و سارت فتحت الشنطه تبا تلبس بجامه بس البنات مثل ماقلت لكم غيرو البجامه بقميص النوم ...
ريم في خاطرها الله ينطب حظكم مابا البس هذا وااااااايد برد شو يبون يسوون فيني هذول اكيد يبون يذبحوني من البرد .. و طلعت حق هزاع ..
هزاع: ليش ماغيرتي ؟؟؟
ريم مستحيه: ابا بجامه من بجاماتك ..
هزاع: لييييييييش؟؟
ريم: انت عارف انه الجو واااااااااااايد بارد و البنات سووا حركه سخيفه فيني بدلوا بجامتي ب................... و سكتت ..
هزاع: هههههههههه بفستان نوم انزين عادي لبسيه ابا اشوفه عليج ..
ريم: هزوووعي وااااااااااااايد برد ..
هزاع: لا تخافين انا دافي و بدفيج ..
ريم بدلع: هزاااااااااااااااااااااع ..
هزاع: فديت اللي يدلعون انزين غناتي بس اليوم بكره تلبسين شي ثاني ..
ريم: انزين .. و سارت داخل لبست بجامه من بجاماته و طلعت واااااااااايد وسيعه عليها و شكلها كان وااااااااايد يضحك .. شافها هزاع و قعد يضحك عليها و بعدين حطت راسها و نامت و هي متحلفه في البنات لين ترجع البلاد ..

مر شهر و ريم و هزاع ردوا من شهر العسل و الكل استقبلهم و ريم هزبت البنات بس بعدين هدت .. و ذياب و صقر كانوا كل اربع او ثلاث ايام يسيرون حق ميره و مها و علاقتهم كل يوم تزيد و يتعلقون ببعض زياده .. هيا الحين في بداية الرابع و الحمل شويه متعبها تعرفون لانه البجر .. ودلال لحد الحين ماردت على ابوها ولا عمها بالموافقه كانت متردده هي ماتبا خليفه بس شو تسوي شافت الفرحه على ويه امها و ابوها و اخوانها اساتنسوا اختهم الوحيده يعني لازم يفرحون.. و جاسم قرر يسافر عشان يسوي العمليه مره ثانيه و هو على امل انها تنجح .. و العنود طلعت حامل و الكل فرح لها و خاصه سلطان اللي طار من الفرحه و قال لها اذا بنت اسمها شما و اذا ولد اسمه خليفه على اخوه .. عبدالله اللي محد داري عنه و اللي تأكد من مشاعره تجاه شهد خلاص هو يحبها و يبا يخطبها بعد عرس ذياب و صقر .. و حميد لحد الحين مب قادر ينسى شيخه و كل يوم يطلع الرساله اللي كاتبتها و يقراها و تنزل من عينه دموع القهر و الالم على غناة روحه اللي راحت و مثل مايقول تركتني .. حددوا عرس ذياب و صقر بعد شهرين لانه الشباب مستعيلين واااااااااايد ماينلامون .. مها و ميره و فاطمه و شهد يسيرون السوق كل يومين او ثلاث عشان يخلصون زهاب العرايس و فاطمه و شهد ساروا عند المصمم و مها و ميره اجروا فساتين و خذوا مكياج و عطور و نعل و بدلات و ملابس نوم و فصلوا عبي و شيل و غيرها من اغراض و خذوا ذهب و غيره .. محمد خبر ابوه انه يبا فاطمه بنت عمه و ساروا رباعه عند بوذياب و خطبوها و طبعا العم ماعنده مانع بس لازم يشاورون البنت .. و صقر المسكين كان يحاول كثر مايقدر انه ينسى حبه الاول بس الدنيا صغيره و كانت تجمعهم واااااااااايد مره في المستشفى و مره في المجمعات مع ربيعه .. جاسم خلص بيته بس مابقى غير الصبغ و تركيب الغرف و الحمامات اكرمكم الله و الاثاث هو مختاره و هذا كان سر حمدان و جاسم اللي محد يعرفه ..

في بيت بوسلطان..
بوسلطان زقر دلال ..
بوسلطان: ها غناتي موافقه على خليفه ولا لا ؟؟؟
دلال و بعد تردد: .................. انا موافقه ..
بوسلطان: و نعم الاختيار بنيتي مابتلقين احسن من خليفه يصونج و يحبج ..
دلال: ادري ..

و في اليوم الساعه 12 بالليل .. في غرفة جاسم ..
حمدان: انزين خلني اسير معاك ..
جاسم: لا الشيخ مابا احد معاي ابا اكون بروحي .. و بعدين تعال هيا الحين حامل و شلون بتخليها و بتسير عنها ..
حمدان: الله يخليك اصلا هي اللي تقول لي سير معاه لا تخليه بروحه ..
جاسم: فيها الخير هياوي و بنت اصول بس لا ابا اتم عندها ..
حمدان: انزين خل عبدالله او حميد يسيرون معاك ..
جاسم: ماادري انا بخبر حميد و بشوف ..
حمدان: حاول معاه اذا رفض خله ينسى همومه شوي ..
جاسم: انت لا اتعب عمرك و لا تفكر وااااايد انا بكون بخير انت الحين ركز على هياوي لانها تعبانه ..

في بيت بوذياب..
بوذياب: شهد غناتي ازقري اختج ابا في المكتب ..
شهد: ليش يعني هالكلام ينقال حق ناس و ناس ..
ذياب: انتي ليش دوم رازه الفيس ..
صقر: ترى اللقافه مايمدحونها ..
شهد: بل بل بل كليتوني بقشوري خلاص الحين بسير لها ..
فوق ..
شهد: فطيم ..
فاطمه: شو تبين انا تعبانه و ابا انام ..
شهد: بويه يباج تحت ..
سارت فطيم عند ابوها المكتب ..
فاطمه: خير بويه بغيت مني شي ؟؟
بوذياب: هيه تعالي الغاليه قعدي اباج ..
فاطمه: لبيه ..
بوذياب: لباج قلبي الغاليه اليوم عمج بومحمد خطبج حق محمد ...
فاطمه: و الله ماادري شو اقولك بويه بفكر و برد عليك ..
بوذياب: فكري غناتي و اذا مب موافقه على الولد خلاص لا تغصبين عمرج ..
فاطمه: ان شاء الله الغالي .. بغيت شي ثاني قبل مااسير ؟؟؟
بوذياب: لا سلامتج الغلا ..
سارت فاطمه عند ذياب و صقر اللي كانوا قاعدين في الحديقه ..
فاطمه: مرحبا بالحلوين ..
صقر+ذياب: هلا فيج ..
فاطمه: اقول كلموني عن محمد ..
ذياب: يعني الوالد خبرج ..
فاطمه: هيه ..
ذياب: شو تبين تعرفين ؟؟؟
فاطمه: كل شي ..
صقر: شوفي بالمختصر المفيد محمد ريال و النعم فيه و ماينعاب حشيم و ماعنده سوالف الشباب البطاليه ..
ذياب: فكري عدل قبل ماتوافقين او ترفضين حبيبتي ..
صقر: هذي حياتج و انتي حره فيها ..
فاطمه: انزين ..
شوي و تحدر عليهم شهد و في يدها اكواب عصير ..
شهد: مساء الخير ..
الكل: مساء النور ..
ذياب: شهوده تعالي حبي نبا رايج في موضوع ..
شهد: شوو؟؟
صقر: فاطمه خطبها محمد و نبا رايج ..
فاطمه: اللي يقول هي اللي بتتزوج مب انا ..
شهد: شوفي غناتي محمد ماينعاب و ترى صدقيني يحبج ..
ذياب+صقر: شلون ؟؟؟؟
شهد: من حركاته يعني لين نجتمع في بيت واحد من اعمامي يتوتر ومايعرف يصف جمله وحده ..
الكل: ههههههههههههههه..
فاطمه: و الله تعبير حلو ...
شهد: انزين شربوا العصير ترى انا سويته ..
صقر: متأكده ماحطيتي فيه سم ؟؟؟
شهد: لا متاكده بس حق ذياب..
ذياب فج عينه: و ليييييييييش انا بالذات يعني ماتحبيني ؟؟؟
شهد: الا من حبي لك سويت جي ..
ذياب: شو هالحب اول مره اسمع فيه وحده تحب اخوها تسير و تحط له سم في العصير ..
فاطمه: بلاك هذا الحين موديل يديد ..
صقر: يسمونه ستايل يالحلوه ..
بعدين طلع بوذياب و ام ذياب يسولفون معاهم و الضحك و الفرح مالي المكان .. و على الساعه 12 الكل سار غرفته ينام ...

اليوم الثاني .. في السنتر ..
حميد و جاسم كانوا قاعدين في الكوفي شوب و يتكلمون ..
جاسم: اقول حميد بغيتك ..
حميد: تم ..
جاسم: انت عارف اني بسير ايطاليا عشان اسوي العمليه شو رايك تسير معاي ؟؟؟
حميد: و الله مااعرف شو اقول لك بفكر ..
جاسم: شوف انا مابا اضغط عليك بس عشان تسلي عن عمرك و منها انا استانس ..
حميد: خلاص دام فيها وناسه و طلعه انا معاك ..
شوي و يتصل احمد في جاسم ..
احمد و باين على صوته الحزن: مرحبا جاسم ..
جاسم: مرحبا فيك يالمعرس اخبارك ؟؟
احمد: الحمد لله انت وينك ؟؟
جاسم: انا في السنتر مع حميد ..
احمد: انزين لا تسيرون مكان انا ياي لكم ..
جاسم: اوكي ننتظرك .. و سد السماعه ..
حميد: منو ؟؟
جاسم: احمد و خبرني انه ياي الحين ..
بعد ربع ساعه احمد وصل و كان شكله مايسر عدو ولا صديق عيونه محمره من الصياح .. عاد حميد و جاسم تخرعوا ..
احمد: السلام عليكم ..
حميد+جاسم: و عليك السلام ..
حميد: بلاك احمد ليش عيونك محمره ؟؟؟
احمد: ........................... و نزل راسه ..
جاسم: احمد تكلم شو بلاك ؟؟؟
احمد: جراح .................
حميد+جاسم: بلاااااااااااااه ؟؟؟

توقعااتكم ؟؟؟

شبلاه جراح ؟؟؟
جااسم ؟؟ احمد ليش متضايق؟؟

حميد+جاسم: بلاااااااااااااااه ؟؟؟؟؟؟؟
احمد: ماااااااااااااااااااااااااااااات...
انصدموا الشباب من الخبر اللي سمعوه .. جراح كان بالنسبه لهم الصديق و الاخو.. كان الاخو اللي يسمعهم اذا كانوا متضايقين و الانسان اللي يساعدهم اذا احتاجوا لأي شي ..
جاسم: شووووو انت قاعد ترمس انا امس رمسته الحمد لله كان بخير و يضحك و لو الود وده يناقز على السرير من الوناسه انت شو قاعد تقول ..
حميد: جاسم هد عمرك .. احمد شو صار بالضبط ؟؟؟
احمد: ماصار له حادث ولا شي رمسته قبل اذان الفجر و بعد مااذن اتصلت له بس ماشي رد .. اتصلت مره ثانيه رد علي اخوه العود و خبرني انه مات بعد ماصلوا هم الاثنين الفجر سار اخوه ينام و جراح بعد و يوم سار يوعيه من النوم ماكان يرد عليه فتح باب الغرفه و لقاه نايم على فراشه يقول هزيته بس مارد علي و ساعتها عرفت انه مات و كان مبتسم و النور يشع من ويهه ..
جاسم: لا مستحيل لا الا جراح ..
حميد: خلاص ياجاسم ترحم عليه مب زين جي انت تعبان ..
و فجأه جاسم قلبه تعب من الصدمه اللي نزلت عليه مثل القنبله و طاح مغمى عليه .. على طول الشباب انقلوه المستشفى و اتصل حميد في عبدالله و حمدان .. وصلوا الشباب و كان لازم يسوون له العمليه بس حمدان رفض و حجز له على ايطاليا و جهزوا له كل شي عشان بيسوي العمليه هناك .. و بعد ساعتين كان حميد و حمدان و جاسم في الطياره و طاقم طبي كامل مجهز حق جاسم اذا صار به شي .. وصلوا بعد هالرحله الطويله و على طول نقلوه المستشفى .. حمدان و حميد كانوا قاعدين على اعصابهم و منتظرين الدكتور .. و بعد 3 ساعات طلع الدكتور .................

في البلاد حالتهم ماكانت بعد ماكانت تسر كانوا ينتظرون اتصال من حمدان او حميد عشان يخبرونهم .. و على الساعه 3 الفجر اتصل حمدان ..
حمدان: السلام عليكم ..
عبدالله: وعليكم السلام ها حمدان بشر ؟؟؟
حمدان: لا الحمد لله الحين جاسم بخير بس العمليه مانجحت ..
عبدالله: اهم شي لنه هو بخير و انتوا شحالكم ؟؟؟
حمدان: بخير ..
عبدالله: انزين اذا استوى اي جديد اتصل فيني اوكي ..
حمدان: انزين .. و سلم عليهم ..
عبدالله: يوصل .. و سد السماعه ..

الساعه 4 الفجر في ايطاليا ..
حمدان و حميد كانوا قاعين عند جاسم في الغرفه و يسولفون عن جاسم و شو ممكن يستوي عليه ..
حميد: و الله ماكنت ادري انه جاسم ممكن يحب نوره ..
حمدان: ليييييييش ؟؟؟
حميد: اللي اعرفه انه جاسم كتوم و مايعبر عن مشاعره لأحد ..
حمدان: مااجذب عليك بس كان يخبرني اللي في قلبه بس مب كل شي كان يخبي عني اشياء واااايده ..
و ساد الصمت شوي .. بعدين ..
حمدان: حميد ..
حميد: اممممممممممم...
حمدان: تتذكر يوم اتصل فيك عبيد و سرت له و بعدين سار لك يوم اتصلت فيه ..
حميد: هيه ..
حمدان: شو اللي صار ؟؟؟
حميد: عبيد و المر كانوا يالسين في غرفة شيخه و خبرني عبيد انهم لقوا رساله من شيخه حقي و لين عطاني اياها كانت مكتوب فيها انها تباني اتزوج و مااذكرها يدام حرمتي ..
حمدان: ترى هي صدقت لازم تكمل حياتك الحي اولى من الميت ياحميد و بعدين ادري انك بتظل عايش على ذكراها بس لازم تعيش حياتك مثل ماهي وصتك ..
حميد: تعرف انه كلامك نفس كلام جاسم بس انت مزود كم كلمه ..
حمدان: شفت حتى جاسم رايه من رايي ..
حميد: لحد الحين مالقيت اللي يباها و يخضع لها قلبي مره ثانيه كانت شيخه الوحيده اللي عرفها قلبي و حبها مستحل انساها و بعدين انا ماافكر في الزواج الحين كفايه مره وحده ..
حمدان: انزين انت لازم تعيش حياتك ..
حميد: انا بعيشها بس مب الحين و لو سمحتوا لا تضغطون علي ..
حمدان: حميد خبرني شلون جاسم تعب ؟؟؟
حميد نزل راسه تذكر جراح و نزلت دمعه من عينه ..
حميد: ربيعنا جراح .......
حمدان: بلاه ؟؟؟
حميد: مات بعد صلاة الفجر ..
حمدان: شوووووووووووو لا كله ولا جراح انزين شلون ؟؟؟
حميد: ولا شي صلى و نام و سار اخوه العود ناصر يوعيه بس ماشي فايده ..
حمدان: الله يرحمه والله كان غالي على قلوب الكل ..
حميد: ادري الكل كان يحبه حتى الي مايعرفونه بس من اخلاقه الكل كان يحترمه و يحسب له الف حساب ..
حمدان: مسكين جاسم كان وااااااااااايد متعلق فيه ..
حميد: انت ماشف شكل جاسم يوم درى تقول روحه ظهرت من مكانها ماكان المسكين مصدق ...
حمدان: الله يصبر اهله ان شاء الله ..
حميد: انزين اتصل في عبدالله و خبره يسيرون يعزونهم ..
حمدان: هيه صدق والله .... و اتصل في عبدالله ..
عبدالله: الوو ..
حمدان: مرحبا عبدالله ..
عبدالله: هلا حمدان جاسم صار فيه شي ؟؟؟
حمدان: لالا جاسم بخير لحد الحين ماوعى بس بغيت اخبرك تسير انت و الشباب عزى ربيعنا جراح ..
عبدالله انصدم: شووووووو من متى هالرمسه و انت شوو عرفك ؟؟؟
حمدان: حميد خبرني انه طيحة جاسم من هالخبر ..
عبدالله: هيه جاسم كان وااااايد متعلق فيه .. خلاص زين انك خبرتني عشان نسير ..
حمدان: سلموا عليهم ..
عبدالله: شحال جاسم الحين ؟؟؟
حمدان: مثل ماهو ماوعى بعد العمليه و ماندري لحد الحين اذا صار اي شي بخبركم ..
عبدالله: انزين يلا بااااي ..
حمدان: هياوي شحالها ؟؟؟
عبدالله: لا الحمد لله بخير ..
حمدان: اوكي الغالي سلم عليها ..
عبدالله: يوصل يلا مع السلامه .. و سد السماعه ..

اليوم الثاني في البلاد ..
من دروا الشباب بالخبر وهم حالتهم حاله .. ساروا كلهم عشان يعزون .. و على الساعه 10 الفليل كان الوقت متأخر و محد كان في الميلس فساروا الشباب ..
الشباب: السلام عليكم ..
ناصر: وعليكم السلام ..
الشباب: عظم الله اجرك ..
ناصر: اجرنا و اجرك ..
محمد: شحالك الغالي ؟؟؟
ناصر: و الله الحمد لله ..
خليفه: سامحنا والله مادرينا غير امس الفجر من عبدالله ..
ناصر: لا مسموحين الا وين جاسم و حميد و حمدان؟؟؟
عبدالله: جاسم من درى بالخبر طاح و وديناه ايطاليا عشان يسوي العمليه مع حميد و حمدان ..
ناصر: شووو ليش محد خبرني ؟؟؟
هزاع: ياخي اللي فيك كافيك ..
ناصر: لا.. كم رقم حمدان ؟؟؟
عبدالله: ********** ..
اتصل ناصر في حمدان ..
حمدان: مرحبا ..
ناصر: هلا فيك حمدان ..
حمدان: هلا الغالي شحالك عظم الله اجرك ..
ناصر: اجرنا و اجرك انت شحالك و حميد و جاسم ؟؟؟
حمدان: والله الحمد لله ..
ناصر: جاسم الحين اخباره ؟؟؟
حمدان: والله مثل ماهو احد الحين ماوعى ...
ناصر: و الدكتور شو خبركم ؟؟؟
حمدان: الدكتور ينتظر جاسم يوعى بعدين ...
ناصر: الله يشفيه ان شاء الله انزين اخوي اذا بغيت اي شي خبرني تراني اخوك ..
حمدان: مشكور و هذا من طيب اصلك ..
ناصر: اسمعني......... جراح وصاني على جاسم ...
حمدان: انت مب عارف شو صار في جاسم يوم درى كانوا اكثر من اخوان ..
ناصر: الله يرحم الجميع و يصبر الكل ..
حمدان: سلم على الوالد و الوالده ..
ناصر: يوصل ..
و سلم عليه و بعدين صكر ..
حمدان: ناصر يسلم عليك ..
حميد: الله يسلمه ...
حمدان: شكلهم كانوا قاعدين في الميلس و تعرف شو خبرني ناصر ؟؟؟
حميد: شووو؟؟؟
حمدان: جراح الله يرحمه قبل مايموت وصى ناصر على جاسم ..
حميد: الله يرحمه ..
حمدان: انزين حميد انت سير البيت و ارتاح و بعدين تعال ...
حميد: انزين و اذا بغيت شي اتصل .. و سار ..
و حمدان حط راسه على طرف السرير و رقد لانه كان وااااااايد تعبان ..

الفليل الساعه 7 رجع حميد المستشفى و لقى جاسم واعى من النوم ..
حميد: السلام عليكم ..
جاسم+حمدان: وعليكم السلام ..
حميد: سلامااااااااااات بوحمود ..
جاسم بصوت واطي: الله يسلمك ..
حميد: زين انك وعيت من السبات اللي انت فيه لعنبوه من امس و انت خامد ..
جاسم: ههههههههه خس الله بليسك والله كنت تعبان حيييييييييييل ..
قعدوا يسولفون و شوي الا الدكتور داخل عليهم ..
الدكتور: السلام عليكم ..
الشباب: وعليكم السلام ..
حمدان: هااا دكتور بشر ؟؟؟

في البلاد ..
خالد: والله احبها هي حلوه و تعجبني ..
فهد: انزين لييييش ماتسير تخطبها ؟؟؟
سعود: هيه بدل ماانت كل يوم صاك راسنا بهالسالفه ..
خالد: والله الود ودي اخطبها اليوم قبل باجر بس انتظر عرس ذياب و صقر و بعدين بخبر الوالد اني اباها ..
سعود: الله يتمم عليك بو وليد ..

في بيت بوعبدالله ..
بوعبدالله: عبدالله ...
عبدالله: امر الغالي ..
بوعبدالله: مااتصل حمدان ؟؟؟
عبدالله: لا والله ..
ام عبدالله: انزين اتصل فيه ..
عبدالله: ان شاء الله .. و اتصل ..
حمدان: هلا عبووود ..
عبدالله: هلا حمدووون شحالكم ؟؟؟
حمدان: والله كل شي تمام ..
عبدالله: و جاسم ؟؟؟
حمدان: جاسم بخير ..
عبدالله: يعني العمليه انجحت ولا لا؟؟؟؟
حمدان: لا ماانجحت ..
عبدالله: انزين وينه الوالد و الوالده يبون يرمسونه ..
جاسم: الووو..
بوعبدالله: مرحبا الغالي شحالك ؟؟
جاسم: والله بخير انت شحالك بويه ؟؟
بوعبدالله: عساك على القوه ياولدي كاهي اماااايتك تباك ..
ام عبدالله: الووو..
جاسم: مرحب الغاليه شحالج ؟؟
ام عبدالله: دامك بخير انا بخير ..
جاسم: انتي الحين لييييييييش تصيحين انا بخير و عافيه ماشاء الله علي حصان ..
ام عبدالله: فديتك يعلي مااخلى منك ..
جاسم: تسلمين يالغلا ..
ام عبدالله: متى رادين ان شاء الله ؟؟؟
جاسم: قريب ان شاء الله شحال الباقي و ريم و هزاع ؟؟؟
ام عبدالله: والله بخير طولوا شوي قالوا بعد بييلسون اسبوع ..
جاسم: الله يوفقهم .. انزين الغاليه اخليج الحين ..
ام عبدالله: انزين غناتي خل بالك على عمرك و سلم على حمدان حميد ..
جاسم: يوصل .. و سد السماعه ..
جاسم: يسلمون عليكم ..
حميد+حمدان: الله يسلمهم..
جاسم: متى بنرجع البلاد ترى والله مشتاق ..
حميد: مشتاق للبلاد ولا اللي داخل البلاد تعرف انه في فرق كبير بينهم ..
جاسم: ههههههههه لا الشيخ للبلاد ..
حمدان: متأكد ؟؟؟
جاسم: جاااااااااااااااااب انتوا الاثنين ..
حميد: ياخي ماتعرف اتجذب ..
جاسم: ادري .. انزين خبروا الدكتور شوفوا اذا اقدر اطلع اليوم تراني مليت من القعده هني احس اني في سجن و خاصه انه الاسابيع اللي فاتت كله طايح في المستشفى ..
حمدان: انزين انا بسير له .. و سار ..
حميد: بتخبرهم ؟؟؟
جاسم: لا مب الحين ..
حميد: متى ؟؟؟
جاسم: اول شي املج على غناة روحي بعدين في الملجه بخبرهم ..
حميد: و الله انك حركات ..
رجع حمدان ..
حمدان: تقدر تطلع بس الفليل ..

طبعا مابقى على عرس ذياب و صقر غير اسبوعين .. قاموا يجهزون و يوزعون البطاقات .. و حجزوا القاعه .. و البنات مرتبشين كل يوم و الثاني سايرين السوق .. و حمدان و حميد و جاسم رجعوا من السفر ..

يوم الخميس .. في بيت بوعبدالله ..
الشباب مجتمعين في الميلس ..
جاسم: ها خليفه متى الملجه ؟؟؟
خليفه: الخميس الياي ..
محمد: و الخميس اللي بعده عرس المربوشين صقر و ذياب ..
الكل: ههههههههههههههههه...
هزاع: اقول حمدان ...
حمدان: نعم ...
هزاع: احسك غير..
حمدان: شلون ؟؟؟
هزاع: احسك مستانس واااااااااايد و الفرحه هب سايعتك ..
صقر: هيه صح و حتى حميد ...
ذياب: و جاسم منور ..
سلطان: شو سالفتكم ؟؟؟
جاسم+حميد+حمدان: ماشي ...
عبدالله: لا اذا انتوا الثلاثه نطقتوا بلسان واحد معناته صاير شي شو عاد انا اخوكم العود ؟؟؟
حميد: ماشي انتوا ليش شاكين ؟؟؟
طلال: لا يعني س سؤال ..
جاسم: و ج جواب لا ماشي ..
محمد: متأكدين ؟؟؟
حمدان: هيه متأكدين .. و يلا تصبحون على خير .. و قام عنهم ..
هزاع: وين ساير ؟؟؟
حمدان: بسير عند حرمتي مشتاق لها ..
جاسم: خذني معاك تعبان ..
سلطان: و انت كله تعبان ..
عبدالله: قولوا لا اله الا الله لا تصكون اخوي بعين ..
سلطان: انا عيني حاره ؟؟
طلال: الا فلفل ماتتذكر شو سويت في الريال ذاك اليوم ؟؟؟
سلطان: لا عاد هذي كانت صدفه انا ماصكيته بعين ..
جاسم: ليييييييش شو صار ؟؟؟
طلال: الله يسلمك كنا نتمشى في السنتر و كاانوا في شلة شباب يمشون يدامنا .عاد واحد فيهم مشيته كانت فيها مياعه شوي الا الاخ سلطان يقول .. بل بل بل عليه مايصطلب مب ريال .. جان الريال تخرطف و طاح على ويهه ....
جاسم: اقول حمدان امش خلنا نسير لا يصكنا ولد عمك بعين ..
حمدان: هيه والله انا وراي حرمه ..
الكل: ههههههههههههههههههههههههههههههههههههه...
و ساروا حمدان و جاسم ...

دخل حمدان على هيا في الغرفه .. هيا الحين في بداية الرابع و تعبانه حيييييييل ..
حمدان يبوسها على راسها: مرحبا بالحلوين ؟؟
هيا: هلا فيك غناتي ..
حمدان: شحالج الحين احسن عن امس ؟؟؟
هيا: هيه احسن ..
قرب حمدان منها و حط اذنه على بطنها اونه عشان يسمع الياهل ..
حمدان: هذا مايتحرك ؟؟؟
هيا: لا ..
حمدان: ليييييييش وينه ؟؟؟
هيا تعرف انه بدأ يستهبل ..
هيا: ماادري ..
حمدان: انزين تبين تعرفين اذا كان بنت ولا ولد ؟؟؟
هيا: تبا الصراحه لا ..

اليوم الثاني في بيت بومحمد العصر ..
دلال كانت بتطلع مع طلال عشان تخلص اغراضها مالت العرس .. ساروا السوق و هناك بالصدفه شافوا خليفه قاعد في الكوفي شوب مع اثنين من ربعه .. هو انتبه عليهم و سار ..
خليفه: السلام عليكم ..
طلال+دلال: وعليكم السلام ..
خليفه: شحالج دلال؟؟؟
دلال: بخير الحمد لله ..
خليفه: دوم ان شاء الله ..
طلال: انت شو تسوي هني ؟؟؟
خليفه: ربيعي بكره بيسافر و ياي اودعه تعرف بيسير يدرس برع ..
طلال: اهاااااااا ...
خليفه: محتاجه شي الغاليه ؟؟؟
دلال: لا مشكور ..
خليفه: اذا محتاجه شي اتصلي فيني ..
دلال: ان شاء الله .. و سار خليفه عنهم ..
؟؟

رووووووعععة كمليها بسرعة غناتي انا بالانتظار

السلام عليكم و رحمته الله و بركاته
اشكر كل وحده متابعه روايتي
وشكر خااااص لكل من قراءها يوميا و يضع ردوود
شكرااا حبايبي رفعتوا معنويات      :dance9bh:  :7www3:    :():  :ب3:

يوم الخميس .. يوم الملجه ..
دلال ماقارب النوم جفونها حتى خليفه .. وعت الصبح و قعدت تنظف معاهم و تساعدهم .. و خليفه كان متفق مع وااااااااااحد انه ينصب للشباب خيمه .. على العصر يات مالت الصالون و عدلت دلال و البنات بعد .. طلعت جنااااااااااان حلوه .. و بعد المغرب وصل الملاج و وقع خليفه و ودوا الدفتر حق دلال ..
طلال: يلا دلولتي وقعي ..
وقعت دلال بعد تردد و بارك لها طلال و باسها على راسها و سار تحت ..
على الساعه 8 نزلت دلال و كانت رووووعه الكل قام يسمي بالرحمن عليها .. و دخل خليفه عشان يلبسها الشبكه .. كانت يده تتنافض .. اول ماشافها انصعق كانت حلوه من الخاطر .. ماشاء الله عليها حلوه .. لبسها .. يوم وصل عند الخاتم يوم مسك يدها انتفض قلبه .. و بعدين تصوروا شوي و طلع .. هي رفضت انها تدخل اتشوفه وهو بعد و قال لهم خلها لين العرس عشان اشتاق لها .. هذي الليله كانت عكس كل الليالي المفروض يكونون المعرس و العروس فرحانين بس هالاثنين كان الحزن باني له بيت في قلوبهم .. هي كانت مغصوبه عليه و هو بعد ..

في غرفة خليفه ..
كان قاعد يفكر و دخل عليه هزاع ..
هزاع: بلاك خلوف اليوم مب على بعضك ؟؟؟
خليفه: هزاع انت عارف اللي في قلبي فلا تخليني اشكي لك الحال ترى اللي فيني كافيني ..
هزاع: ياخي قلت لك استانس و انساها صدقني انها يوم بتلقى نصيبها بتنساك انت لازم تعيش حياتك مع دلال الحين و لازم تسير لها و تقعد معاها ..... هني بدأ هزاع يعصب .... اسمع ياخليفه صدقني ان سمعت انك مضايق دلال او مزعلها او مخليها حزينه صدقني ماتلوم الا نفسك دلال تستاهل كل خير بس انت الغبي الي مب راضي تفتح عينك .. هالخايسه اللي تكلمها ترى مابتنفعك ..
خليفه: يعني تهددني ؟؟؟
هزاع: هيه اهددك و انا اخوك و حلفت والله ثم والله .. و سار عنه ..
خليفه قعد يفكر ..

دلال حالها من حال خليفه قاعده تفكر والله اني مااحبه بس شو اسوي الوالد و الوالده و اخواني مستانسين شو اسوي مابا اخرب عليهم سعادتهم .. و الله اني بحاول اتحمل كل شي كله عشانهم .. و بعدين من زود التفكير نامت ...

اليوم الثاني ..
بعد صلاة الجمعه الكل اجتمع في بيت بوسلطان .. كانوا مسوين عزيمه عشان خليفه و دلال و عزموا ميره حرمة صقر و اخوها خالد و عيال عمهم سعود و فهد و عمتهم ام سعود و بوخالد و بوفهد و بعد مها حرمة ذياب و اخوها احمد و بواحمد و ام احمد الشباب قعدوا في الميلس و الحريم في الصاله .. في الميلسي كانوا يالسين يسولفون .. خليفه و دلال قعدوا شوي مع بعض .. كانت دلال مامستحيه من خليفه تكلمه عادي ولا كأنهم مالجين حتى خليفه كان مثلها .. بعدين البنات ساروا المطبخ عشان يجهزون الغدى .. اول شي الرياييل تغدوا بعدين الحريم .. كانت اليمعه حلوه .. بعدين الشباب ساروا السنتر و التقوا في اخو جراح ناصر و قعدوا معاه و بعدين جافوا احمد ربيع جاسم في الدراسه ..كانوا ماشاء الله عليهم شله كبيره الكل كان يطالعهم .. سوالفهم و ضحكهم مالين البقعه .. و مر اليوم حلو على الكل .. و ريم و هزاع رجعوا من شهر العسل اللي مابغى يخلص على قولة حمدان ..

يوم الخميس .. يوم العرس ..
البنات ساروا القاعه عشان يتعدلون .. العصر الساعه 4 يات مالت الصالون و عدلتهم و على الساعه 7 و نص بدت في العروستين .. كانت كل وحده تقول الزود عندي .. العرايس كانوا حلوات من الخاطر .. في غرفة العرايس ..
مها: و الله خايفه ...
ميره: تقولين لي انا قلبي في ريلي ..
فاطمه: بلاكم تتحلطمون ؟؟؟
مها: يعني مايصير نقول انه حنا خايفين ..
شهد: من شو انتوا خايفين ترى ذياب و صقر مايعضون ولا هم من اكلة لحوم البشر ..
ميره: اخاف اتخرطف و انا امشي على الكوشه ..
اليازيه: لا تخافين بتكون في كيمرات وااااااااااايد عشان تصور ..
البنات: هههههههههههههههههههههههههههههه...
ميره: عنلاااااااااااااااااتكم ..لا تضحكون علي ترى بسير اخبر صقوري ..
هيا: سيري له لالا حلفت عليج تسيرين ..
ميره: لا خلاص بخبره في الغرفة ..
ريم: انزين هذا اذا قدرتي تنطقين بكلمه وحده ..

عند الشباب ..
حمدان و جاسم و عبدالله و حميد و طلال و خليفه و محمد و هزاع و سلطان و خالد و احمد (1) و احمد (2) و سعود و فهد و ناصر قاعدين يعلقون على ذياب و صقر اللي كانوا رايقين على الآخر ..
حمدان: انتوا مب خايفين ؟؟؟
ذياب: لا ليييييش نخاف ...
جاسم: يعني هذي حالة كل معرس في عرسه يكون خايف و يتوتر ..
صقر: لا الشيخ هذا اخوك حمدان مب حنا ..
محمد: مب انا قلت لكم مربوشين ماصدقتوني ..
الكل: هههههههههههههههههههههه...
سار حميد و خذى المكرفون و عطاه جاسم و حمدان ..
حمدان: شوهاااا؟؟؟
حميد: اباكم تغنون لنا ..
جاسم: حنا الاثنين ؟؟؟
حميد: هيه ..
حمدان: غالي و الطلب رخيص و هذا اهداء حق المعاريس ..
و قاموا يغنون ((( حسين الجسمي .. هي خاربه ))) ... كانوا احلى صوتين في العرس .. الشباب ارتبشوا معاهم و قاموا يوولون و يرزفون و الكل كان مستانس عليهم .. الكل مدح صوتهم ..
على الساعه 11 دخلت العروس الاولى (( مها )) على انغام موسيقى كلاسيكيه و كانت حلوه من الخاطر .. وصلت الكوشه و ساروا البنات يسلمون عليها و خالاتها و عماتها و بعد نص ساعه دخل ذياب مع ابوه و ابوها و اخوها احمد و رفع الطرحه و باسها على راسها قعدوا شوي معاهم و بعدين تصوروا و ساروا المعاريس سويتهم ..

الساعه 12 دخلت العروس الثانيه (( ميره )) على زفة (( راشد الماجد )) و كانت جناااااااااااااااااااان ملامحها كانت هاديه و جميله .. وصلت و ساروا الاهل يسلمون عليها و تصوروا معاها و بعد نص ساعه دخل صقر مع ابوه و ابوها و اخوها خالد .. رفع الطرحه و انصدم لين شافها كانت ملاك نازل من السما على قولة صقر .. باسها على راسها و تصوروا مع الاهل و بعدين ساروا سويتهم .. العرس خلص الساعه 3 الفجر .. الشواب و الحريم ساروا البيت و الشباب كانوا ينتظرون البنات عشان يودونهم البيت .. ساروا البنات يسلمون على العرايس و بعدين نزلوا تحت ..
حمدان: جان مانزلتوا ...
ريم: قلنا حرام نخلي اخوانا في هالحر ..
محمد: ولا والله ..
البنات: هيه والله ..
خليفه: عنبوه كليتوا الولد بقشوره ..
هزاع: شوي شوي على اخوي ..
دلال: انزين فكنا انت و اخوك و يلا ارى حنا تعبانين حيييييييييييييييل...
حميد: اكيد من الرقص ..
الشباب: هههههههههههههههههههه..
اليازيه: ها ها ها سخيف ..يلا امش انزين ..
كل واحد سار بيته ..

نرجع حق المعاريس شوي ..
ذياب و مها كانوا في سويتهم و صقر و ميره السويت اللي عندهم .. يات المصوره حق ذياب و مها .. طبعا ماخلت حركات ماقالت لهم يسونها ذياب مل و طفر منها جان يروغها و يقول لها سيري السويت الثاني .. دخلوا الغرفه ..
ذياب: مبروك عليج انا ياغناتي ..
مها بصوت واطي: الله يبارك في حياتك ..
ذياب: شوفي لا تسوين لي نفس الملجه ارفعي راسج ابا اشوف القمر اللي انا متزوجها ..
مها: انزين اذا قلت لك مب رافعه راسي ..
قام ذياب و رفع راسها بصبعه ..
ذياب: ولا تزعلين انا برفعه لج ...
مها: ادري بك ماتتعطل ..
ذياب: شفتي عاااد ..
قعدوا يسولفون شوي .. و بعدين ..
مها: انزين ممكن اسير ابدل هالفستان تراني تعبت وااااااااااايد ثقيل ..
ذياب: لا ارقدي فيه ماباج تسيرين عني ..
مها: انزين ساعه و انا راده ..
ذياب فج عينه: شوووووووو لالالا ساعه وااااااااااااايد ..
مها: انزين بلاك على مااتسبح و اغير ثيابي ..
ذياب: انزين ماتبين مساعده في الفستان ؟؟؟
<< بدت حركات الاخ ..
مها: لا مشكور و ماتقصر اذا بغيت شي بازقرك ..
ذياب: لا تترددين الغاليه تراني في الخدمه 24 ساعه ..
مها: ادري انك في الخدمه .. و سارت ..

عند صقر ..
ياتهم المصوره بعد ماروغها ذياب .. صورتهم و خبركم صقر شوي جريء عاد ماخلى حركه ماسواها .. و بعدين مسكينه المصوره روغوها مره ثانيه .. دخلوا الغرفه ..
صقر: مبروك عليج انا ياعروس ..
(( شكلهم الاخوان متفقين يقولون نفس الكلام .. الله يستر من اللي ياي هههههه )) ...
ميره بصوت واطي: الله يبارك فيك ..
سكتوا شوي لا هذا و لا هذي عارفين يبدون بالكلام ..
ميره: انا بسير اغير الفستان وااااااااايد ثقيل ..
صقر بخبث: تبين اسير معاج ترى انا فاضي ماعندي شغله ..
ميره استحت: لا مشكور الغالي اقدر ادبر عمري .. و سارت ..
اول ماسارت اتصل صقر في ذياب و مها اتصلت في ميره من تلفون الحمام .. << ههههه خوش معاريس ...
ذياب: هلا بالمعرس ..
صقر: هلا فيك يالمعرس..
ذياب: هااا شحالك مع الشيخه ؟؟؟
صقر: حالي من حالك مب عارف ابدأ بالكلام ..
ذياب: تصدق حتى انا ..
صقر: وينها الحين غناة روحك ؟؟
ذياب: سارت و انت ؟؟؟
صقر: و انا بعد سارت ..
ذياب: بتذبحني هالبنت قمر ياصقر قمر..
صقر: و انا شو تقول ماخلت فيني عقل ..
ذياب: انت من زمان مافيك عقل ..
صقر: مب انا اخوك وطالع عليك ..
ذياب: انزين خبرني بكره بالجديد لازم اصكر الحين بتطلع ..
صقر: و انت بعد باااااااااي .. و سد السماعه ..

عند ميره و مها ..
ميره: مهوي الحقيني هالولد بيذبحني ..
مها: و انا بعد ماخلى فيني عقل ..
ميره: ناقصين ينون حنا كفايه المينن اللي عندنا برع ..
مها: هههههههههههه..
ميره: الحقيني الفستان مااقدر افتحه من ورى ..
مها: ههههههه حتى انا المسكين ذياب قال لي اساعدج قلت له لا اونه اتشطر ..
ميره: هههههههه حتى انا قال لي انا في الخدمه 24 ساعه اذا تبيني ..
مها: انا اقول نظهر لهم بدل مانعبل على عمرنا احسن ..
ميره: هيه والله و انتي الصاجه يلا باااااااااااي ..
مها: باااااايااااات .. و سدت السماعه ..
طلعت مها حق ذياب و ميره حق صقر في نفس الوقت ..
مها: اقول ذياب ...
ذياب: عيون و قلب و روح و كل ذياب نعم الغاليه ..
مها مستحيه: تسلم لي يالغالي بس اباك تساعدني بالفستان ..
ذياب: ههههه غالي و الطلب رخيص ..

عند صقر ..
طلعت ميره حق صقر و الويه شرات الطماطه ..
ميره: صقوري ..
صقر: لالالا اليوم بتذبحيني انتي بلاج لا ادلعيني ترى مااقدر على كلامج الحلو ..
ميره: صدق ياحياتي ..
صقر: هلا الغاليه بغيتي شي ؟؟
ميره مستحيه: تعرف اني حاولت مع الفستان وااااااااايد و تعبت الصراحه ماقدرت افتحه شو رايك تساعدني ؟؟؟
صقر: بس بشرط ..
ميره: آمر تدلل ..
صقر: ابا بوسه ..
ميره: لييييييييش؟؟
صقر: عشان اساعدج يعني انا من يات المصوره عندنا و انا اسوي حركات عشان الصور تظهر حلوه بس انتي كنتي مستحيه و ماقادره تركبين جمله وحده على بعضها عاااااااااد الحين دورج ..
ميره: ان شاء الله بس انت اول ساعدني ..
صقر: على بالج خبل تقصين لا انت اول بعدين انا لا الشيخه انتي اول بعيدن انا ..
ميره: وشووو يضمن لي انك بتساعدني و ما بتخون فيني ..
صقر: لا تخافين الغاليه انا ريال قد كلمتي ..
ميره: و انا متأكده ... و سارت باسته على راسه ..
صقر: قلت ريال ماقلت لج خبل او شيبه تبوسيني عل راسي انا ابا على خدي ..
ميره: انزين انت ماحددت من الاول ..
صقر: لا والله حرمتي طلعت غبيه مفروض تفهمينها و هي طايره ..
ميره: افاااااااااا صقور انا الحين غبيه خلاص انا زعلت لا ترمسني .. و توها بتسير الا يقبضها من يدها و يوايهها ..
صقر: خلاص الغلا انا آسف ابليسج الغبي و انتي الذكيه ..
ميره: لا عااااااااااااااد كله ولا ابليسي فديته حراااااام عليك تسبه ..
صقر: عيييييييييل منو تبين اسب ؟؟
ميره: محد و هاك بوسه على خدك .. و باسته على خده .. و يلا الحين ساعدني ..

عند ذياب ..
دخلت مها عشان تاخذ لها شور سريع .. مرت 45 دقيقه طولت البنت .. تعرفون مكياج و عفسه .. ذياب يطق عليها الباب ..
ذياب: اقول متى ناويه تطلعين ؟؟؟
مها: ماادري قلت ابا اطول شوي ..
ذياب: لاوالله مب انتي اللي ماخذتج اللهفه تبين تشوفين غناة روحج ..
مها: انزين انا مب طايره ..
ذياب: تعرفين شلون اذا ماظهرتي الحين بكسر الباب ..
مها: بببببببببل عليك ذياب اتريا شوي ترى العقل يمدحونه ..
ذياب: لييييييييش الاخت و انتي خليتي فيني عقل ..
مها: ببببببل كل هذا انا سويته فيك ..
ذياب: انتي خبلتيني و ذبحتيني يلا عااااااد ..
مها: اتريا بعد نص ساعه ..
ذياب: شووووووو نص ساعه 10 دقايق و انتي عندي ..
مها: هههههههههههه ..

عند صقر ..
بعد ميره دخلت تاخذ لها شور .. و صقر قاعد عند السرير يتريا .. البنت طولت لا يكون صار بها شي و انا قاعد اتريا .. سار وقف عند باب الحمام ..
صقر: حبيبتي ..
ميره: لبيه ..
صقر: لباج قلبي الغاليه مطوله ولا لا ؟؟؟
ميره تستهبل: مطوله شوي لييييييش تسأل ؟؟؟
صقر: هااااااااا لا ماشي احس انج طولتي ..
<< قاعده ميره و تضحك عليه المسكين ..
ميره: نص ساعه و انا طالعه ليييييييش تبا شي ؟؟؟
صقر: هاااااااااا لا ماشي سلامج ...
مسكين صقر صدقها و سار يترياها على السرير .. و بعد 10 دقايق طلعت ..
ميره: لا يكون صدقت اني بتأخر ؟؟؟
صقر: هاااااا لا ماصدقت ..
ميره: انزين سير غير ثيابك و خذ لك شور و انا بجهز ملابسك ..
صقر: تامرين امر .. و سار ..

(( يقولون الاخوان يشبهون بعض في تصرفاتهم بس صقر و ذياب مااعتقد .. صقر بالتفاهم و ذياب مافيه صبر .. ههههه ))..

عند ذياب ..
اول ماطلعت مها من الحمام كانت فاله شعرها و لابسه روب كان شكلها حلو .. رفع ذياب راسه و شافها مات عليها وااااااااي هالبنت بتذبخني حلوه .. قعد هي تنشف شعرها و هو يشوفها ..
مها: مابتسير تغير ثيابك ؟؟؟
ذياب: هااااااااااااا ..
مها: بلاك ذياب ؟؟
ذياب: هااااااا لا ماشي الحين بسير .. و سار ..
طلعت مها ثيابه و حطتهم على السرير .. خذى ذياب له شور و طلع .. هي انصدمت لين شافه ماكانت متوقعه تنحط في الموقف يالله قفطه خخخخخخ.. كان لاف فوطه على خصره و فوطه على ارقبته و شعره شوي طويل و مبلول .. لا الولد ناوي علي اليوم ..
ذياب بخبث: بلاج ؟؟؟
مها: هااااا ماشي ملابسك على السرير..
ذياب: انزين .. وخذى ثيابه و دخل داخل ..

عند صقر ..
نفس الشي هو و اخوه طلع من الحمام و ميره من التعب كانت منسدحه على السرير و غمضت عينها .. لبس هو ملابسه و سار انسدح على السرير .. ميره كانت راقده ومعطته ظهرها ..

عند ذياب ..
مها انسدحت على السرير ..
مها: ذياب ..
ذياب: خير غناتي ..
مها: ممكن تصكر الليت ..
ذياب: لييييييييش تبين تنامين ؟؟؟
مها: هيه تعبانه حيييييييل صار لي يومين مانمت ..
ذياب: و انا النوم مجافيني ..
مها: انزين شو تباني اسوي لك ؟؟؟
ذياب: تسهرين معاي ..
مها: شووو والله تعبانه مااقدر افتح عيوني تيي انت و تقول لي اسهري معاي ..
ذياب: انا ريلج ..
مها: و انا حرمتك لازم تعطف علي ..
ذياب: ان شاء الله مااقدر ارفض لج اي طلب ..
مها: انزين حبيبي صكر الليت و تعال حط راسك و نام ..
ذياب: وين تبيني احط راسي ..
بدأ الاخ يستهبل ..
مها:هااااااااا وين بعد على المخده ..
ذياب: اهاااااا انا كان على بالي في مكان ثاني ..
مها قفطت:هااااااا وين تقصد ؟؟؟
المسكينه مب عارفه انه هو يستهبل ..
ذياب: يعني انا قلت بتمدين يدج عشان احط راسي عليها ..
مها: انزين انا يدي بتعورني ..
ذياب: المهم انا ارتاح ..
مها: و انا يعني مب مهمه عندك ؟؟؟
ذياب: و الله الواحد عند النوم مايعرف احد ..
مها: افااااااااا ..
ذياب: يلا حطي يدج انا الحين ياي ..
مها: انزين شوي شوي لا تقعد تناقز على السرير لا اطيح من عليه ..
ذياب: لا تخافين اذا طحتي تحت بشيلج ..
مها: لا خلاص عيييييل مب طايحه ..
و بعد عناء طويل ذياب خلى مها ترقد ..

تحدد عرس خليفه و دلال بعد شهر .. بعد صلاة الجمعه الكل كان مجتمع في بيت بوذياب مسوين حق المعاريس غدى .. وصلوا المعاريس و الكل استقبلهم و بارك لهم ... بعد الغدى كانوا قاعدين في الميلس .. البنات على صوب و الشباب و الحريم و الشواب على صوب ..

عند البنات..
دلال: هاااااااا شو سويتوا امس ؟؟؟
مها: ولا شي ..
ميره: و انا بعد ولا شي ..
فاطمه: علينا هالحركات ..
شهد: يعني انتوا عارفين انه دلال على ويه عرس و لازم تتعلم منكم شوي ..
ريم: مثل مايقولون و منكم نستفيد ..
هيا: هيه والله ..
مها+ميره: ماصار شي ..
نوره: اذا ماصار شي لييييييييش الويه انقلب شرات الطماط ؟؟؟
ميره: هذي اسرار زوجيه لازم ماتنقال صح مها ؟؟؟؟
مها: صح كلامج كله حكم في حكم ..

عند الشباب ..
جاسم: هاااا شباب شو سويتوا امس ؟؟؟
ذياب: المعتاد ..
حمدان: عاد شو هو المعتاد ؟؟؟
خليفه: يعني تعرف انا على ويه زواج ممكن اعرف ؟؟
صقر: تعلم من حمدان و هزاع و سلطان ..
محمد: لالا هم معاريس قدام بس انتوا يداد ..
حميد: لا يعني جاسم يقصد شو قلتوا لهم من هالكلام حنا نعرف الافعال بس نبا نعرف الكلام ..
صقر: و اللي يعرف الافعال مايصير مايعرف الكلام ..
ذياب: انا اخبر انه كل واحد فيكم يقول الزود عندي ..
سلطان: لا يجذبون عليك كل واحد فيم داهيه ..
طلال: مثلك انت ..
بوعبدالله: ها المعاريس وين ناويين تسيرون شهر العسل ..
ذياب: يعني حنا فتحنا حوار و نقاش حااااااااااد جدا حول المكان الذي سنذهب اليه ..
صقر: و اتفقنا مع العروستان اننا سنذهب الى ماليزيا ..
ذياب: تلك البلاد الخضراء الجميله ..
حمدان: الله يخليك ماتصلح مدرس عربي ..
جاسم: هيه والله اذا كنت مدرس عربي الطلاب مابينتبهون لك بيلفت انتباههم كلامك ..
هزاع: و بيظهرون من الصف فاطسين عليك من الضحك بدل ماينتبهون حق الدرس..
حمدان: ذياب و صقر و مها وميره هذا اهداء لكم منا حنا الشباب و البنات ..
جاسم: نهدي لكم اغنية (( تدري .. عيضه المنهالي ))..
قاموا حمدان و جاسم يغنون و اطربوهم بالصوت العذب .. قعدوا يسولفون و يضحكون لحد الساعه 6 المغرب و بعدين المعاريس ساروا ماليزيا ..

بعد اسبوع من الاحداث سار بومحمد و محمد و طلال عشان يخطبون فاطمه حق محمد ..
بوذياب: حياالله من يانا ..
بومحمد: مشكور اخوي ..
محمد+طلال: شحالك عمي ؟؟؟
بوذياب: و الله الحمد لله انتوا شحالكم ؟؟؟
الشباب: تمام ..
بومحمد: اخوي اعتقد انت عارف لييييييش حنا هني اليوم ..
بوذياب: ادري اخوي بس لازم اشاور البنت و بعدين ..
بومحمد: خذ راحتك الغالي ..
بوذياب: و انت طلال مب ناوي تكمل نص دينك ؟؟؟
طلال: تعبت اشكي الحال ياعمي بس انا لازم اكون عمري و بعدين انا ضامن البنت مب طايره مني صح انها مب محيره لي بس انا عارف انها مب طايره ..
بوذياب: الله يتمم على الكل ان شاء الله .. و بعدين ساروا البيت ..

بوذياب سار يكلم فاطمه .. و قال لها خذي وقتج و استخيري ..

دلال كانت تسير السوق عشان تخلص اغراضها مع نوره و كان طلال يوديهم .. المعاريس مستانسين في شهر عسلهم .. كل يوم كانوا يطلعونمع بعض و مرات لا كل واحد يبا ياخذ راحته مع حرمته ..

في يوم كانوا حمدان و جاسم سايرين عند الريال المسؤول عن بيت جاسم ..
جاسم+حمدان : السلام عليكم ..
الريال: وعليكم السلام ..
جاسم: شحال البيت اخوي ؟؟؟
الريال: شوف استاز جاسم كل شي جاهز الحمامات كرمكم الله خلصت و غرف النوم خلاص و رخام الدرج ركبناه و الدرابزين و الشبابيك و كل شي و الكهرباء و الماي خلاص بس ماباقي غير انت تروح و تختار الديكور و الاثاث ..
جاسم: يعني متى باستلم المفتاح ..
الريال: تفضل هذا المفتاح و الدور و الباقي عليك و الله يهنيك في البيت يارب ..
حمدان+جاسم: مشكور و ماتقصر و هذي اتعابك .. و ساروا عشان يشوفون البيت ..
دخلوا البيت و كان روووووعه ... طبعا ذوق جاسم ... البيت كان عباره عن ثلاث طوابق الارضي و الثاني و السطح .. الطابق الارضي كان فيه ثلاث صالات كبار مفتوحين على بعض و بلكونه اطل على الحديقه من ورى البيت .. و مطبخ براعي و مطبخ تحضيري صغير و حلو .. الطابق الثاني كان عباره عن ثلاث غرف نوم و سويتين بصالتهم و المطبخ و الحمامات كرمكم الله و غرفة نوم و غرفة ملابس و غرفة حق اليهال .. حديقة البيت من ورى كانت فخمه واااااااااااايد عباره عن ممر كل انواع الورود فيه و بعدين قعده عائليه فيه و مسبح كبير و شلال صغير .. يعني كان البيت روووعه بس مابقى شي غير الاثاث ..
حمدان: ماشاء الله عليك جسيم البيت روعه ..
جاسم: البيت مابيكتمل الا بشي واحد ..
حمدان: شووو حاضرين انت بس آمر و انا انفذ ..
جاسم: تعرف عبدالله ان شاء الله بيتزوج و انت ان شاء الله بتنتقل معاي في هالبيت و عبدالله بنخلي له القسم اللي فوق من بيت الوالد ..
حمدان: شووو لالالا ...
جاسم: انت مالاحظت انه في سويتين واحد لي وواحد لك دخيلك لا ترفض طلبي ..
حمدان: انت غالي بس مااقدر ..
جاسم: يعني تبا تفرق توائم عن بعضهم ..
حمدان: شلون .؟؟
جاسم: انا اقصد هيا و نوره و انا و انت اربع توائم نسكن مع بعض ..
حمدان: و الله مااعرف شو اقول لك ..
جاسم: اللي ابا اسمعه انك موافق ..
حمدان: انزين اذا وافقت بس بشرط ..
جاسم: اللي تامر عليه انا حاضر ..
حمدان: نص الاثاث و الديكور علي انا ..
جاسم: نشترك مع بعض احسن ..
حمدان: انا موافق بس شلون بتخبر الوالد و الوالده عن البيت ..
جاسم: لا اجهز الدوى قبل الفلعه .. و ساروا البيت ..

يوم الخميس .. يوم عرس خليفه و دلال ..
سارت دلال مع البنات القاعه اللي حجزوا فيها و على العصر وصلت مالت الصالون و قعدت تعدل البنات .. الشباب كانوا قاعدين في الخيمه و مرتبشين على الآخر اللي يوول و اللي يرزف .. هزاع كان قاعد عند خليفه اللي كان مبين عليه انه متضايق شوي ..
هزاع: ابتسم على الاقل ..
خليفه: هزاع الله يخليك اللي فيني كافيني ..
هزاع: انت بس لو تحاول تحبها والله صدقني انك تقدر..
خليفه: حاولت حاولت والله حاولت بس مااقدر ..
هزاع: الله يهديك ياخوي .. و سار عنه ..

عند البنات ..
عادة العرايس يكونون متوترات او خايفات على عكس دلال اللي كانت هاديه و ماتتكلم واااااااااااايد ..
ريم: دلال..
دلال: هلا حبيبتي ..
ريم: بلاج حياتي ساكته ؟؟؟
دلال: مافيني شي ..
نوره: اكيد خايفه ...
دلال: لا والله بالعكس حاسه اني مرتاحه ..
هيا: انتي الوحيده اللي كنتي مرتاحه بيننا ماشاء الله عليج ..

حد منكم شاف فالدنيا بدر ..مقبل ٍ يمشي و من حوله بشر.. من حلاه ايزف لناظر ظيى ..ان ظهر لناس و الا ما ظهر و.. لا اله الا الله .. عالنبي محمد يله صلو عليه .. والله يا نور بهالدنيا نراه ..مستحيل ان نشوفه في بشر.. و التقت شمس الظهير بالقمر .. و في محياها بدى الصبح الضيى ..مشرق ٍو اخدودها واحة زهر ..و العيون الي كما عين المها تمتزج فيها البراءه بالسحر..الليله الليله محلاها الليله.. الليله الليله حلوه و جميله...

دخلت العروس بخطوات كلها ثقه و ابتسامه خفيفه على شفاهها كانت حلوه من الخاطر .. بفستانها الابيض كان شوي عاري عليه شك بالفضي و باقة الورد اللي ملفوفه على يدها كانت رهييييييييييييييبه .. وصلت الكوشه ساروا لها البنات و سلموا عليها .. و الساعه 12 دخل المعرس خليفه مع بوسلطان و بومحمد و محمد و طلال.. رفع خليفه الطرحه و انصدم لين شافها .. ماتوقعتها تكون بهالحلاه و الزين .. باسها على راسها و قعد .. صوروا اخوانها معاها و بعدين ساروا .. على الساعه 1 و نص المعازيم كلهم ساروا بس مابقى غير الاهل .. المعاريس ساروا فوق و الشباب دخلوا القاعه .. و كل العيله اجتمعت ..
حمدان يستهبل: هياوي ترقصين معاي ؟؟؟
هيا: تباني ارقص و اهز بدبتي ..
حمدان: عادي مب كبيره واااااااايد توج في الشهر السادس ..
ام عبدالله: وابويه عليك ماعندك سالفه تخلي البنت تتحرك بدل ماتقول لها اقعدي ارتاحي و انا بخدمج ..
حمدان: زين الحين خليتي العيوز تحتشر علينا ..
ام عبدالله: عيز حيلك يالسبال ..
حمدان: افاااااااا امايه سبال مره وحده ..
جاسم: يقولون السبال في عيون امه غزال بس انت سبال فما يحتاي نقول عنك سبال ..
حمدان: امايه شوفي توأمي يسبني ..
ام عبدالله: فديت جسيم والله ..
جاسم: ادري اني غالي عندج .. و باسها على راسها ..
بوذياب: اقول شباب قوموا يلا على المسرح ..
مسك حمدان المكرفون و قام يغني و الشباب يوولون و يرزفون و اليازيه تصور بالكيمره .. كانت ليله ولا اروع الكل استانس فيها الا قلبين ظالمتهم الدنيا .. دلال و خليفه ساروا فوق و ياتهم المصوره و بعدين سارت .. ساروا الغرفه و قعدوا .. ولا واحد عارف شلون يبدا الكلام ..
خليفه: خلينا نكون صريحين من البدايه ..
دلال: هيه يكون احسن ..
خليفه: انا غصبوني عليج ..
دلال: يعني انت مثلي حتى انا مغصوبه عليك شفت انه سعاده الوالد و الوالده ماتنوصف لين دروا انك خطبتني ..
خليفه: و انا بعد كأن الروح ردت لهم من جديد سمعي دلال خلينا نكون شرات عيال العم ..
دلال: المهم انه الاهل يكونون فرحانين و خلاص ..
السكوت كان سيد الموقف .. و بعدين ..
دلال: انا بسير ابدل الصارحه الفستان ثقيل ..
خليفه: بس محلوه يابنت العم ..
دلال: تسلم عيونك الحلوه ..
خليفه: ماتبين اساعدج تعرفين صعب انج تفتحينه من ورى ..
دلال: لو تسمح يعني ..
ساعدها خليفه و بعدين هي سارت داخل تكمل .. قعد هو برع يفكر كيف بيعيشون على هالحال من المستحيل انهم يكملون السنه ..
بعد مدة قصيره طلعت دلال و قعدت تنشف شعرها و هو دخل ياخذ له شور .. طلع من الحمام و كان لاف الفوطه على خصره و ينشف شعره بالثانيه وقف يدامها و هي انصدمت ..
خليفه: والله انا آسف نسيت ..
دلال نزلت راسها و ويهها صار احمر: لا عااادي ...
سار هو داخل و لبس بجامته و دلال سارت انسدحت على السرير ..

الساعه 2 رجعوا الاهل البيت و هم مطمنين على المعاريس و بعد ماسلموا عليهم ..
حمدان و هيا كانوا في السياره يسولفون .. ومره وحده ..
هيا تمسك بطنها: آآآآآآآآآآآآآآآآآآآآآآآآآآآآآآآه حمدان الحقني ..
حمدان صف على صوب: بلاج الغاليه بلاج ؟؟؟
الكل وقف لين حمدان وقف و نزل بوعبدالله و ام عبدالله ..
ام عبدالله: بلاكم ؟؟؟
حمدان: ماادري بس هيا تعبانه واااااايد بسير اوديها المستشفى ..
الكل سار معاهم المستشفى و دخلوها العنايه .. بعد نص ساعه طلع الدكتور ..
حمدان: ها دكتور بشر ؟؟؟
الدكتور: لا الحمد لله هي بخير و بعدين هي ماتاكل زين و لازم ترتاح بنخليها الليله عندنا عشان نطمن عليها .. و سار ..
حمدان: انتوا سيروا البيت و انا بتم عندها ..
ساروا الجماعه البيت بعد ماتطمنوا على هيا و حمدان دخل عليها .. هي كانت نايمه ..
سار عندها و مسك يدها ..
حمدان: هياوي هياوي تسمعيني ..
فتحت هيا شوي شوي عينها ..
حمدان: الحمد لله على السلامه ..
هيا: الله يسلمك شو خبرك الدكتور؟؟؟
حمدان: الدكتور يقول انج ماتاكلين عدل و انج تحتاجين راحه ..

عند المعاريس ..
سارت دلال على السرير و خليفه طلع من الحمام و صكر الليت و سار انسدح على السرير و هي عطته ظهرها ..خليفه يتاملها و يفكر في كلام هزاع ..انزين انا مااحبها انا احب هند شلون اقدر اعيش مع وحده ماتحبني ولا انا احبها الله يعين و يصبرني و يصبرها على الايام اليايه .. و غمض عينه .. الساعه 4 قامت دلال وهي متخرعه من النوم .. ردت تحاول تنام مره ثانيه بس ماشي فايده سارت عند البلكونه و فتحتها و كان الجو رووعه و قعدت تصيح .. فتح خليفه عينه و ماشافها تخرع و خاف عليها قام من على السرير مثل المينون يدورها في الغرفه .. سار الصاله و شافها واقفه عند باب البلكونه و الجو بارد و هي حاضنه عمرها و بردانه .. حس بشعور غريب تجاهها مب عارف شو هو .. قرب منها و وقف وراها و حضنها من ورى .. هي انتفضت بس حست بالدفا و الامان .. سكتت و دموعها مافارقت عينها ..
خليفه: بلاج الغاليه تصيحين ؟؟؟
دلال: ................
خليفه: انزين خبريني ...
دلال: ماشي .. و سارت ..
خليفه حس انه ظلمها يوم تزوجها .. و بعدين سار ينام ..

اليوم الثاني طلعوا هي من المستشفى .. و الكل اجتمع بيت بوعبدالله و تحمد لها بالسلامه و المعاريس وصلوا عشان يسلمون عليهم لانهم العصر بيسيرون ايطاليا حق شهر العسل .. قعدوا سولفون و البنات ساروا مع دلال عشان اجهز شنطتها ..

فوق عند البنات ..
هيا: شحالج حبييتي ؟؟؟
دلال: الحمد لله بخير انت شحالج شو صار لج امس ؟؟
هيا: ماشي كنت تعبانه و رقدوني في المستشفى و الحمد لله الحين احسن ..
نوره: ها دلوله ناقصج شي الغاليه ؟؟؟
دلال: لا سلامتج ..
ريم: انتي ليش كله ماخذه معاج بجامات مب فساتين نوم ؟؟؟
دلال: تعرفين هناك برد واااااااايد و مافيني على فساتين النوم تبوني امرض ..
اليازيه: لا بسم الله عليج غناتي ..

و سار خليفه بيتهم عشان يجهز شنطته و هزاع سار معاه ..
في غرفة خليفه ...
هزاع: باين عليك متضايق اخوي بلاك شو صار لكم امس ؟؟؟
خليفه: تعرف انه دلال بعد هي مغصوبه ..
هزاع منصدم: شووو انت شلون دريت ؟؟؟
خليفه: هي خبرتني ..
هزاع: شلون انا اللي عرفته من محمد و طلال انها موافقه و محد غصبها ..
خليفه: دلال مثلي شافت انه سعادة امها و ابوها اهم شي عندها في الدنيا ..
هزاع: و الله مااعرف شو اقول لك ..
خليفه: خلها على الله و انا بعد الله يقدرني و بحاول اسعدها ان شاء الله ..

الشباب و البنات ساروا مع خليفه و دلال المطار عشان يوصلونهم .. سلموا الشباب على خليفه و ساروا محمد و طلال يسلمون على اختهم و نوره سارت تسلم على خليفه ..
محمد: مااوصيج على عمرج حياتي ..
طلال: اذا بغيتي اي شي اتصلي و حنا على اول طياره عندج ..
دلال: هههههههههه الله يسلمكم ..
محمد: خليفه مااوصيك على دلال تراها غاليه ..
خليفه: لا توصيني على حياتي و انت بعد وصها علي ..
طلال: مايحتاي انتوا الاثنين حطوا بالكم على بعض ..و ركبوا الطياره ..

خليفه و دلال وصلوا ايطاليا و ساروا الفيلا .. كان المطر ينزل بغزاره و البرق و الرعد و الجو وااااااااايد بارد .. سارت دلال الغرفه عشان اترتب شنطتها و خليفه سار الغرفه الثانيه عشان هي تاخذ راحتها .. بعدين هي نزلت و سارت تسوي لها شي دافي تشربه .. و شوي الا خليفه نازل ..
دلال: تبا اسوي لك شي ؟؟؟
خليفه: هيه ابا شي دافي اشربه ..
سارت المطبخ و سوت له ..
دلال تعطيه الكوب: تفضل ..
خليفه: تسلمين ..
سارت دلال فتحت باب البلكونه و وقفت بس داخل عشان المطر مايبللها .. سار خليفه ياب له جاكيت و ياب لها بعد و حطه على كتفها ..
خليفه: برد عليج ..
دلال تبتسم: مشكور .. سكتت شوي .. اتصلت فيهم عشان تخبرهم انه وصلنا ..
خليفه: هيه ذكرتيني .. و طلع جواله اتصل في هزاع ..
هزاع: مرحبا ..
خليفه: هلا فيك هزاع شحالك ؟؟؟
هزاع: تمام الحمد لله ها وصلتوا ؟؟
خليفه: هيه من ساعه انتوا شحالكم ؟؟؟
هزاع: تمام و انتوا ؟؟؟
خليفه: بخير ..
سار خليفه شوي بعيد عن دلال عشان ياخذ راحته في الرمسه ..
هزاع: خليفه الله يخليك خل بالك على دلال ..
خليفه: دلال في عيني لا تخاف ..
هزاع: يعني خلاص طاح الحطب ؟؟؟
خليفه: شلون تباني انسى حب 6 سنين ..
هزاع: خلاص عااااااااااااااد ياولد الحلال قلت انسى و حط بالك على البنت تراها تستاهل كل خير ..
خليفه: مااوعدك بس احاول ..
تكلم معاه شوي و بعدين صكر .. و رجع حق دلال ..
خليفه: انا يوعان ..
دلال: صبر شوي مابقى شي على العشى و انا بسويه لك ..
خليفه: لا مايصير عروس يديده تدخل المطبخ ..
دلال: عادي الواحد يسلي عمره .. و سارت تبخر البيت ..

في البلاد ..
سار خالد حق ابوه و خبره انه يبا شهد .. طبعا بوخالد كان يعرف بوذياب فسار له هو و خالد ..
بوذياب: حياالله من يانا قربوا ..
بوخالد: قريب اخوي ..
خالد: شحالك عمي ؟؟؟
بوذياب: يسرحالك بخير و انت ؟؟؟
خالد: انا بخير ..
بوخالد: و الله ياخوي حنا نبا بنتك شهد حق ولدنا خالد ..
بوذياب: هذي الساعه المباركه و انا ماعندي مانع بس لازم اشاور البنت و آخذ راي اعمامها و عيال اعمامها اذا مرخصينها ..
بوخالد: خذ راحتك و دخيلك لا تضغطون على البنت ..
و بعد ماسار بوخالد سار بوذياب و خبر شهد اللي انصدمت من الكلام اللي سمعته ..

اليوم الثاني .. يوم السبت ..
كل العيله اجتمعت في بيت بوعبدالله على الغدى ..
الشباب و الشواب قاعدين في الميلس و الحريم و البنات في الصاله ..
في الميلس ..
بوذياب: ياجماعه سمعوني ..
بوعبدالله: خير اخوي ..
بوذياب: انتوا عارفين بوخالد صح ؟؟
بومحمد: هيه ..
بوسلطان: بلاه ؟؟؟
بوذياب: امس ياني البيت و خطب شهد حق ولده خالد انا خبرته اني بسأل اعمامها و عيال اعمامها اذا مرخصينها ..
بوعبدالله: اذا الولد مابنعاب و ريال خلاص ..
بوذياب: لا انا اقصدكم انتوا يالشباب اذا مرخصينها ..
الشباب كانوا قاعدين عند بعض فالدور كان يمشي على الكل ..
جاسم: انا مرخصها ..
حمدان يستهبل: انا بعد مرخصها ..
بوذياب: انت شو لك بالسالفه متزوج و حرمتك حامل ..
حمدان: بلاك عمي استهبل ..
الكل: هههههههههههههههههه ..
حميد: مرخصها ..
طلال: مرخصها ..
محمد: انا خاطب بس بنت العم لحد الحين ماوافقت ..
هزاع: استحوا على ويهكم ليش اطالعوني انا توي متزوج ..
سلطان: انا حرمتي حامل ..
انصدم عبدالله من كلام عمه .. لا شلون يخطبها انا احبها و اباها .. بس سكت عبدالله و مانطق باي كلمه .. محد كان عارف اللي في قلبه .. و سار برع .. ركب السياره و دعس .. مب عارف وين يسير .. الكل استغرب من ردة فعله بس جاسم فهمها و هي طايره .. عبدالله يحب شهد ولا ممكن يتخلى عنها حتى لو كان اخوه اللي خاطبها .. نص ساعه و رن جوال جاسم ..
جاسم: الووو ... هيه انا جاسم ... شووو ؟؟؟؟ ... متى ؟؟ وين ؟؟ اوكي انا الحين ياي .. و سد السماعه ..
بوعبدالله: شو ولدي منو كان هذا ؟؟؟
جاسم ماحب يخرعهم: ربيعي احمد يباني انا و حمدان تعرفون بكره هو مسافر و يبا يسلم علي .. و قام مع حمدان ..
في السياره ..
حمدان: ياخي كم مره قلت لك ماتعرف اجذب احمد في فرنسا شو صاير يا جاسم ؟؟
جاسم: عبدالله من نص ساعه سوى حادث و هو الحين في الطواري..
حمدان: شوووووو ؟؟ شلون و منو اتصل فيك ؟؟؟
جاسم: اتصل فيني الضابط و خبرني ..
حمدان: شلون سوى حادث ؟؟؟
جاسم: حمدووون اسمعني ترى عبدالله يحب شهد و مابيتخلى عنها لو مهما صار ماشفته طلع من الميلس معصب و مب عارف وين يسير ..
وصلوا المستشفى و ساروا الطواري .. الدكتور توه كان طالع من الغرفه ..
جاسم+حمدان: السلام عليكم ..
الدكتور: وعليكم السلام ..
جاسم: دكتور المريض عبدالله وينه....
الدكتور: اللي توه مسوي حادث ؟؟؟
حمدان: هيه ..
الدكتور: لا الحمد لله هو الحين بخير بس عنده كسر في اليد اليمين و شوية رضوض بس بيكون بخير ..
جاسم: ممكن نشوفه ؟؟
الدكتور: هيه تفضلوا ...
دخلوا جاسم و حمدان عند عبدالله اللي كان قعد على السرير و الممرضه اجبس يده .. و بعد ماطلعت الممرضه ..
جاسم: سلامات بوسهيل ماتشوف شر ..
حمدان: الحمد لله على السلامه ياخوي بس شو صار لك ؟؟
عبدالله: الله يسلمكم ماصار شي حادث بسيط ..
جاسم: جان خبرت عمي انك تباها ..
رفع عبدالله راسه ..
حمدان: دام انك تحبها خبر عمي و بعدين ولد العم اولى بها من الغريب ..
عبدالله: خالد خبرني انه يحبها و يباها ماحبيت اوقف في طريق سعادته هو انسان طيب و يساهل كل خير ..
جاسم: بس ..................
يقاطعه عبدالله: الله يخليكم مابا حد يعرف اني في المستشفى و بعد مابا حد يعرف عن سالفتي لا تخبرون عمي اني ابا شهد ..

الساعه 8 المغرب طلعوا الشباب من المستشفى و ساروا البيت .. الكل انصدم يوم شافوا عبدالله الدم يغطي ملابسه و يده مجبسه و رضوض على ويهه ..
بوعبدالله: عبدالله شو صار لك ؟؟
عبدالله: ماشي الغالي بس صار لي حادث ..
بوذياب: انزين شلون صار لك الحادث ؟؟؟
عبدالله: ماشي عمي كنت مسرع و دخلت في عمود الليت اللي في الشارع ..
حميد: ماتشوف شر بوسهيل ..
عبدالله: الشر مايجيك ..
بومحمد: سير ارتاح فوق ..
سار عبدالله و شافته امه و فتحت معاه تحقيق بس طمنها انه بخير الحين بس يبا يرتاح .. و الكل سار بيته ..

خالد و سعود و فهد دروا من الشباب بحادث عبدالله و قالوا لازم نسير له نتحمد له بالسلامه .. اتصلوا في جاسم و خبروه انهم يبون يسلمن على عبدالله .. نزل حمدان الميلس بعد ماسوى لهم طريق .. و قبل مايدخل خالد و سعود و فهد على عبدالله كان جاسم يكلم عبدالله في موضوع شهد و خالد انصدم يوم عرف انه عبدالله يحبها بس عبدالله كان يقول حق جاسم لا خالد اللي خطبها اول و هو مستانس من الخاطر .. خالد قام يقول في نفسه .. ولد عمها اولى بها من الغريب .. و حاول يخلي نفسه عادي و طق الباب و دخلوا .. تحمدوا له بالسلامه و قعدوا يسولفون .. نص ساعه و طلعوا ..

في ماليزيا ..
ذياب و صقر و مها و ميره كانوا طالعين مع بعض بيتعشون .. الفرحه كانت مب سايعتهم .. بعد ماتعشوا ساروا يتمشون في الحديقه .. صقر كان تعبان لانه مزكم فسار هو و ميره الشقه .. و ذياب و مها كملوا في الحديقه ..
ذياب: ها الغاليه مستانسه ؟؟
مها: واللي يكون معاك مايستانس ..
ذياب: فديت عيونج والله تعرفين اني احبج ..
مها: لا توي اعرف ..
ذياب: يعني تبين ابرهن لج اني احبج بالفعل مب بس بالقول ..
مها: لا الشيخ مشكور انت اذا برهنت بالفعل انا اللي بتفشل و بتقفط ..
ذياب: انزين بوسه صغيره ماتضر ..
مها: ذياب لا عااااااااد استح على ويهك يدام الناس عاااااد ..
ذياب: عادي هم غرب و بعدين مانعرفهم ولا يعرفونا ..
مها: لا والله ..

في الشقه ..
ميره: شحالك الحين غناتي ؟؟
صقر: بردااااااااااان ..
سارت ميره المطبخ و سوت له شي دافي يشربه ..
ميره: خذ اشرب ..
صقر: والله ماادري شو كنت بسوي في عمري بدونج ..
ميره: ادري اني غاليه و مااتعوض ..
صقر: ههههه يالخقه ..
ميره: لازم حبيبي انا البنت الوحيده في العيله ..
صقر: هيه صح ..

في البلاد ..
سار خالد و خبر ابوه انه خلاص مايبا شهد و خبره ليش .. خالد كبر في عين ابوه ليش انه يبدي سعادة غيره على سعادته .. و قال حق ابوه انه هو بروحه بيسير يكلم بوذياب و يخبره ليش مايباها .. و بالفعل سار له ..
خالد: السلام عليكم عمي ..
بوذياب: وعليكم السلام ولدي حياك تفضل ..
خالد: زاد فضلك بس بغيتك بسالفه ..
بوذياب: آمر الغالي ..
خالد: مايآمر عليك عدو بس انا خلاص مابا شهد ..
بوذياب انصدم: لييييييييييييش؟؟؟؟؟
خالد: ولد عمها اولى بها من الغريب ..
بوذياب: شو تقصد؟؟؟
خالد: ياعمي عبدالله يبا شهد بس هو مستحي منك و انا ذاك اليوم سمعته بالصدفه يكلم جاسم انه خلاص مايباها لانه انا خطبتها قبله بس بعد مافكرت فيها حرام اخرب سعادة غيري و خاصه اذا كان ولد عمها ترى هو اولى بها و الله يخليك عمي اباك اليوم تسير تخطب شهد حق عبدالله ترى صدقني انهم بيكونون سعيدين مع بعض ..
بوذياب: و انت ياولدي ؟؟؟
خالد: انا بلاقي اللي تسعدني و تريحني .. و انت عارف انه حرام نفرق بين قلبين ..
بوذياب: والله و كبرت في عيني ..
خالد: انا الحين بسير حق عبدالله و بخبره و انت تعال وراي على طول و خبره ..
بوذياب: خلنا نسير مع بعض ..
و ساروا .. الشباب كانوا قاعدين عند عبدالله يسولفون و يضحكون و يتذكرون مقالبهم ..
بوذياب+خالد: السلام عليكم ..
الكل: وعليكم السلام ..
بوذياب: شباب يلا انقفطوا برع ابا ولد اخوي في سالفه ...
محمد: اي ولد اخو عمي حدد كلنا عيال اخوانك ..
بوذياب: هيه والله صح بس انا ابا عبدالله ..
الكل قام يضحك على سوالف بوذياب و طلعوا ..
بوذياب: ها عبدالله شحالك اليوم ؟؟؟
عبدالله: والله بخير استريحوا ..
بوذياب: عبدالله انت تعرف شو هي مشكلتك ؟؟
عبدالله مستغرب من كلام عمه: شووو هالرمسه عمي شو تقصد ؟؟؟
بوذياب: مشكلتك انك تكتم اللي في قلبك ماادري حق منو ترى هب زين الي تسويه في عمرك بعدين قلبك يتعب وااااااااااايد و مابتلقى حد يداوي علة جروحك ..
عبدالله: عمي خبرني شو صاير انا سويت شي غلط ؟؟؟
عاااااد بوذياب اشتغل استهباله العم واااايد يستانس اذا خرع احد بالهالشكل ..
بوذياب: انت ماسويت شي غلط انت بس كدرت خاطري و زعلتني منك وااااااااااااااااااااااااااااايد ..
خالد قاعد يضحك على سوالف بوذياب ..
عبدالله: خالد تعرف شو السالفه ؟؟؟
خالد: لا ..
بوذياب: لين انا ارمسك تشوفني ..
عبدالله: عمي شو هالرمسه انا غلطت في حقك شي خبرني عشان اصلح خطأي ..
بوذياب: انت ماغلطت في حقي انت غلطت في حق نفسك و غلطت على قلبك ..
عبدالله: انا غلطان على قلبي عمي شو السالفه ؟؟؟
بوذياب: سمعت انك تحب ..
عبدالله: هيه ... اقصد منو خبرك ؟؟؟
بوذياب: مب المهم منو خبرني ................
يقاطعه عبدالله: ياعمي الحب مب حرام ولا عيب و انا ماغلطت ولا قلبي غلط لين حب و بعدين الواحد مايقول حق قلبه حب هذا ولا تحب هذا ترى القلب و مايهوى بس مرات الحب يكون من طرف وااااااحد ولا مايكون في نصيب ..
خالد: عمي حرام عليك ترى قلب الولد راح فيها خبره و خلاص ..
بوذياب: هيه والله ماتشوفه مب عارف يركب كلمتين على بعض ..
خالد: ههههههههههه ..
عبدالله: شو السالفه عاد خبروني ؟؟؟
بوذياب: شو رايك اخطب لك ؟؟؟
عبدالله: اعتقد ياعمي انه الوالد موجود ..
بوذياب: ابوك عارف انت منو تبا بس انت تباني اخطبها لك ولا لا ؟؟؟
عبدالله: البنت الي انا اباها خطبها واحد غيري و الله يوفقها ان شاء الله و يسعدها ..
بوذياب: و اذا قلت لك انه هذا الواحد مايباها .. هذا الواحد يباك انت تاخذها ..
عبدالله: خالد ..
خالد: حرام عليك عمي انا بخبرك ياعبدالله ذاك اليوم لين جيت اسلم عليك بالصدفه سمعتك تتكلم مع جاسم و انت عارف انه ولد العم اولى من الغريب و حرام تفرق بين قلبين مثل ماقلت انا حق عمك ..
عبدالله: انزين انت تباها ..
خالد: انا بلقى بنت الحلال اللي تسعدني ان شاء الله و انت سعادتك و فرحتك مابيكتملون الا مع شهد و الله يوفقك و انا اول واحد بحضر العرس ..
بوذياب: عرفت الحين شوو السالفه ..
خالد: انا مرخصها لك ياعبدالله و مااباك تزعل مني او تكدر خاطرك ..
عبدالله: لا الغالي انا اللي مااباك تزعل مني و انا آسف ..
خالد: و لييييييييش تتأسف انت تباها و من حقك تقول ..يلا انا الحين اترخص منكم .. و سار ..
عبدالله ينادي خالد قبل مايطلع: خالد ..
خالد: نعم ..
عبدالله: والله و كبرت في عيني ياخوي ..
خالد: الله الله اليوم الكل يمدحني كلهم يخبروني انك كبرت في عيونهم ..
عبدالله: ريال و النعم فيك ..
خالد: من طيب اصلك لا تنسى بطاقة العرس ..
عبدالله: اول واحد ان شاءا لله .. و سار خالد عنهم ..
عبدالله: عمي شلون دريت اني ابا شهد ؟؟؟
و خبره بوذياب السالفه ..
شوي و دخلوا الشباب ..
حميد: اقول عمي ..
بوذياب: خير ..
حميد: بلاه خالد طلع من عندكم متشقق ؟؟؟
بوذياب: انتوا ليييش دايما رازين الفيس ؟؟؟
محمد: شو تبانا نسوي عمي ..
هزاع: ذاك الشبل من ذاك الاسد ..
بوذياب: شووووووووووو ؟؟؟
حمدان: افلت بجلدك تراك مب راجع لحرمتك اليوم ..
هزاع: اتصلوا فيها و خبروها اني احبها ..
الكل: هههههههههههههههه ...

في ايطاليا.. مروا اسبوعين هناك وكانوا احلى اسبوعين صحيح انه خليفه مايعامل دلال شرات حرمته بس كبنت عمه و هي بعد تعامله كولد عمها يسولفون و يضحكون يعني عايشين حياه حلوه .. بس مرات في اشياء تكدر الخاطر او احداث تخرب سعادة الانسان ..
خليفه: لا الغاليه انا لج .. افاااااااا يعني ماتحبيني ؟؟؟.. انزين اذا قلت لج انا احبج .. لا مايصير عااااد انا راجع البلاد بعد اسبوعين و انتظرج في مكاننا المعتاد .. لا يكون تتأخرين ترى مااصبر عنج دقيقه .. ولو حياتي .. مستحيل احب غيرج .. انزين اكلمج بعدين .. و طلع قعد في الصاله ..
خليفه: هاا دلوله شو العشى ..
دلال: .....................
خليفه: دلال بلاج الغاليه شي يعورج ؟؟؟
دلال: ................... و سارت وقفت عند البلكونه .. و المطر كان يصب ..
سار خليفه و وايهها وهي تصيح..
خليفه: بلاج ساكته شي يعورج ؟؟؟
دلال و الدموع في عيونها: ماظنيتك حقير و نذل لهالدرجه ..
خليفه مستغرب: شووووو ؟؟؟
دلال: انت مب انسان .. الانسان يحس بس انت لو مهما صار مابتحس .. تخوني في شهر العسل و الله حلوه و انا اللي هقيتك ريال بس طلعت .................... سكتت ..
خليفه: شوووو قاعد ترمسين اني اخونج و مااخونج شو هالرمسه ؟؟؟
دلال: منو هنوده ياخليفه ؟؟؟
خليفه: و انتي من متى و انتي تسمعين ؟؟؟
دلال: من مده كافيه اعرف فيها انك ماتحبني ..
خليفه: انا ....................
تقاطعه دلال: انت شوو ماتعرف منو المتصل انا كلي لج ياخي استح على ويهك على الاقل احترمني حنا بعدنا في شهر العسل ماتروم تتريا لين مانرجع البلاد بعد اسبوعين و بعدين ارمسها على راحتك يالغالي .. و سارت عنه و الدموع مثل الشلال على خدها .. ماكنت اتوقع انك نذل لهالدرجه والله لوبس تعرف اني حبيتك و تعلقت فيك واااااايد في هالاسبوعين جان ماسويت جي بس انا هب ذاله عمري على وااااااااااااااحد مايسوي .. طحت من عيني ..
خليفه كان نفسه منصدم من الكلام اللي سمعه معقوله هالكلام يظهر منج يادلال حاولت احبج بس ماقدرت ماقدرت .. و سار المكتب ..

في ماليزيا ..
كانوا الرباعي قاعدين في الشقه و يسولفون و يضحكون .. ذياب و صقر كانوا يخبرون مها و ميره عن سوالفهم قبل و البنات فاطسن ضحك عليهم ..
صقر: انزين حنا نترخص انا تعبان و ابا انام يلا ميره ..
ذياب: لا وين توه الناس ..
صقر: توه الناس بالنسبه لك انت بس انا تعبان و ورانا طلعه من الصبح عارف الاسبوع الياي بنرجع ..
ذياب: تصبحون على خير ..
ميره: و انتوا من اهله ..
صقر: بل بل بل ماصدق نسير عشان ياخذون راحتهم ..
ذياب: انت اللي بلاك تبا تسير لا تقول انا تعبان قول انك تبا تقعد مع الحبيبه ..
مها: حلفت عليكم تتظاربون ..
ميره: هيه و انا بييب النعل لحظه شوي ..
صقر: تعالي انزين ... و قبضها من يدها و قربها صوبه .. عاد البنت قفطت ..
ذياب: لا ألزق فيها زياده بعد ..
ميره قفطت خاصه انه يدام ذياب ..
صقر: احم احم تصبحون على خير... و ساروا ..
ذياب: احم احم و انت من اهله .. و قام يضحك على شكل ميره المسكينه ..
ميره: افففففففف منك لازم كنت تسوي هالحركه والله استحيت لا و بعد يدام اخوك العود ..
صقر: take it easy my love انا متعود على هالحركات ..
ميره: I will take it easy و بنشوف اخرتها معاك يابو حركات ..
صقر: يعني ينفع علي اللقب ...

في ايطاليا ..
خليفه زقر الخدامه و خبرها تسير و تزقر دلال .. سارت الخدامه و يات دلال المكتب .. و دخلت بس مالقت خليفه موجود و توها بتظهر الا تشوفه واقف ورى الباب ..
دلال: خير بغيت شي ؟؟؟
خليفه: سامحيني دلال و انا ...............................
خليفه: انت شووو تحبني العب غيرها لانك جذاب خليفه انت ماتحب الا نفسك عمرك فكرت فيني لين كنت ترمسها لا طبعا .. و توها بتظهر الا يوقف وراها و يحضنها ..
خليفه: انا احبج ولا تشكين في يوم ..
دلال: كرامتي ماتسمح اني انزل عمري لك بعد اللي سويته .. و سارت ..
حط خليفه راسه على المكتب و قعد يفكر شو بيصير بعد هذا .. مااقدر اعيش معاها لا انا احبها ولا هي تحبني .. آآآآآآآآآآآآآآآآآآآآآآآآآآآآآآآآه الكل وقف في طريج سعادتي الانسانه اللي انا بغيتها الوالد قال لا بتاخذ بنت عمك و انت اولى بها من الغريب ..

في البلاد ..
بوعبدالله و عبدالله و حمدان و جاسم ساروا عشان يخطبون شهد حق عبدالله ...
بوذياب: ياهلا اخوي اقرب ..
بوعبدالله: هلا فيك ..
الشباب: شحالك عمي ؟؟؟
بوذياب: الحمد لله انتوا شحالكم ؟؟؟
الشباب: والله تمام ..
بوعبدالله: اقول مايحتاي اللف و الدوران انت عارف ليييييش حنا يايين لك اليوم نبا شهد حق عبدالله..
بوذياب: و انا ماعندي مانع بس لازم اشاور البنت رافضه ..
عبدالله فج عينه: فال الله ولا فالك عمي شو رافضه انتوا من الحين تبون تحطموني ..
الكل: هههههههههههههههههههههههههههه ...
جاسم: مستعيل الاخ ...
بوعبدالله: والله هو مب مستعيل انت اللي تبطي كل مره اقول لك تعال اخطب لك تخبرني لا مابا ...
بوذياب: هيه ولدي اخرتها الكل بيعرس الا انت ..
جاسم: انا اصلا ناوي اعرس اخر واااااااحد عشان الكل يكون فاضي حق عرسي مب خطوبه من هالصوب و ملجه من الصوب الثاني و عرسين من هني والله تعب عرسي بيكون اسطوري ماله مثيل في الدنيا كلها و بتشوفون ..
عبدالله بخبث: هيه صح بنشوف منو اللي بتظويك ..
جاسم: لا الشيخ هي بتكون سعيدة الحظ اني ظويتها ..
بوعبدالله: فديت ولدي الخقاق طالع علي ..
بوذياب: ذاك الشبل من ذاك الاسد في الخقه و بس في كل شي ..
حمدان: ذياب و صقر متى راجعين ؟؟؟
بوذياب: يوم الخميس ..
حمدان: اقول شباب شو رايكم نسير لهم المطار و نخرب الجو الرومنسي ..
عبدالله: و انا معاك ..
جاسم: اذا فيها جو رومنسي انا و الشباب معاك ..
حمدان: طبعا هذا من بعد اذنك عمي ..
بوذياب: ههههههههههههههههه .. و انا اعطيك الضوء الاخضر ..
قعدوا الشباب شوي يسولفون مع عمهم و بعدبن ساروا البيت .. بوذياب ماكان بيخبر شهد الا لين ذياب و صقر يرجعون احسن لانهم يعرفون عبدالله عشان يكلمون شهد عنه ..

بعد يومين في ايطاليا ...
الفليل خليفه و دلال كانوا قاعدين في الصاله يتابعون مسلسل الا تلفون البيت يرن ..
خليفه: الووو ..
هزاع: هلا با خوي ..
خليفه: هلا هزاع شحالك الغالي ؟؟؟
هزاع: و الله انا بخير انتوا شحالكم ؟؟؟
خليفه: الحمد لله بخير ..
هزاع: هااا بشر ؟؟؟
خليفه: لا تمام ..
هزاع: الا وين دلال ريماني تباها ..
خليفه يعطي التلفون دلال: ريم تباج ..
دلال: الووو ..
ريم: هلا دلول حبيبتي شحالج ؟؟؟
دلال: بخير الحمدلله انت شحالج و هزاع و الكل ؟؟؟
ريم: الكل بخير و يسلمون عليكم .. انزين اسمعي عندي لج بشاره ..
دلال: فرحينا ..
ريم: كم تعطيني ؟؟؟
دلال: اللي تبينه ..
ريم: انا .......................
دلال: خس الله بليسج قولي ترى حرقتي اعصابي ..
ريم: انا حامل ...
دلال: والله .. مبروك غناتي متى ؟؟؟
ريم: في الشهر الثاني .. عقبالج ..
دلال: ان شاء الله والله احلى خبر سمعته في حد درى ؟؟؟
ريم: لا انتي اول وحده ..
دلال: فديتج ..
ريم: انزين اخليج .. باااااي ..
دلال: بااااااي .. و سدت السماعه ..
خليفه: بلاها ريم ؟؟؟
دلال تبتسم: حامل ..
خليفه: مبروك والله يتربى في عزهم ..
سكتوا شوي بعدين خليفه حس بالتعب و العرق يتصبب من جبينه و حرارة بدت تزيد و مايروم يفتح عينه .. انتبهت عليه دلال و سارت حطت يدها على راسه ..
دلال خايفه: خليفه بلاك تعبان حرارتك مرتفعه ..
خليفه وهو يحاول يوقف: انا بخير بس شوية تعب و بيسير ..
دلال: انزين تعال نسير فوق ..
مسكته من يده و ودته فوق .. انسدح على السرير و غطته .. يابت له كمادات بارده و حطتها على راسه .. و تقرأ عليه قرأن .. حس بشعور غريب تجاهها مب عارف شو يوصفه هل هو حب او لا .. حس بالامان و الحنان من لمستها الدافيه .. كانت دلال خايفه على خليفه وااااااايد اول مره يصير فيه هالشكل .. خليفه ماحس بنفسه و غمض عينه و هي قعدت عنده و مانامت ..

اليوم الثاني الصبح .. فتح خليفه عينه و شافها حطاه راسها على يده و نايمه كان شكلها حلو و طفولي .. حط يده على ويهها وقتها دلال حست فيه و وعت من النوم ..
دلال: شحالك الحين احسن ان شاء الله ؟؟؟
خليفه: تسلمين الغاليه بدونج ماكنت عارف شو اسوي ..
دلال: تباني اسوي لك شي ؟؟؟
خليفه: لا مابا شي ..
دلال: مب على هواك انت تعبان و لازم تاكل لك شي ..
و سارت خذت لها شور سريع و طلعت و بعديد سارت المطبخ عشان تسوي له شي ياكله .. هو قام و خذى له شور عشان يصحصح .. طلع و سار قعد في الحديقه ..
شافته دلال و ودت له جاكيت.. خبركم الجو كان بارد شوي ..
دلال وهي تحط الجاكيت على كتفه: انت مينون بتبرد ..
خليفه: ادري انج بتحطين بالج علي يعني ماعلي خوف ..
دلال: اعتمد على نفسك يمكن مااكون دايما عندك .. و سارت .. انا بييب لك الاكل ..
خليفه حس انها لحد الحين زعلانه عليه .. انا غبي لييييييييييييييش فتحت الموبايل .. هالموبايل ماوراه غير المصايب اصكره احسن .. يابت له دلال الاكل و قعدوا هم الاثنين ياكلون ..

يوم الخميس في البلاد ..
وصلوا الرباعي من ماليزيا الفجر و بوذياب سوا لهم عشى .. ساروا مها و ميره كل وحده قسمها في البيت .. على الساعه 3 العصر بوذياب كلم ذياب و صقر عن عبدالله و خبرهم انه يخبرون شهد .. ساروا الشباب الحديقه و زقروا شهد ..
شهد: هلا بالمعاريس ..
ذياب+صقر: هلا فيج ..
ذياب: مب بس حنا ..
شهد: شوووو ؟؟؟؟
صقر: والله كبرتي ياشهوده اشوف كم طولج .... و سار وقف عندها ..
ذياب: تستهبل يالاخ ..
صقر: هيه .. تصدقين تنفعين حرمه شوي و تصيرين طولي ..
شهد مستغربه من حركاتهم..
شهد: بلاك صقور ؟؟؟
ذياب: ياخي خبرها و خلاص المسكينه خايفه ..
صقر: انزين انزين يعني حرام الواحد يتسلى شوي افففففففففف ..
شهد عصبت: افففففففففففففف منكم انتوا الاثنين شو صاير ؟؟؟؟
ذياب: طلعت الوحشه ..
شهد: حرمتك الوحشه مب انا ..
صقر: انزين يالعروس سمعي ..
شهد فجت عينها: شووووووووووو عروس ..
ذياب: هيه هيه عروس سمعي الغاليه يوا امس ناس اخطبوج من الوالد ريال ماشاء الله عليه ماينعاب حشيم و ماعليه كلام ...
صقر: شو رايكم نلعب لعبة الوصف .. انا باوصف لج الولد و انتي عرفي منو هو انزين ..
شهد تقول في خاطرها لا انا مابا غير عبدالله اذا مب عبدالله انا مب موافقه ..
ذياب: طويل ابيضاني عيونه سوده و كشيخ ...
شهد تطنز: لالا تصدق عرفته مب هذا الهندي راعي الدكان ..
صقر: انزين صبري ماخلصنا وصف الريال ..
شهد: شعليكم متزوجين اللي تبونهم و مرتاحين لين وصل الدور علي قعدتوا اطفروني والله انكم رايقين ..
ذياب: انزين صبري بخلص وصفه و بعدين قعدي تحلطمي على راحتج ..
صقر: انزين سمعي الباقي .. اممممممممممممممم .......
شهد: يلا انزين ..
صقر: صبري شوي قاعد ادور فيه شي انتي تعرفينه ..
ذياب: هيه هيه انا لقيت ...
صقر+شهد: شوووو ؟؟؟
ذياب: يحبج ..
شهد: لا تصدق عااااد عرفته ..
صقر: انزين يده مجبسه ..
شهد عرفت انه عبدالله و استانست من الخاطر .. معقوله عبدالله يحبني وااااااااي فديت يده المجبسه ..
ذياب بخبث: وين وصلتي ؟؟؟
شهد: هاااااااااا شووو ؟؟؟
صقر: لالالالا البنت تحب ..
شهد: منو احب ؟؟؟
ذياب: اللي في بالي ..
شهد: تراكم عورتوا لي راسي يلا عااد خبروني منو هو عشان افكر ..
صقر: بللللللللل مستعيله ..
ذياب: هو عبدالله ولد عمي خالد غناتي ..
شهد: اهااااااااااااااا ..
صقر: شو اهاااااا موافقه ولا لا ؟؟؟
شهد: انزين كلموني عنه ..
ذياب: صبري خلينا ناخذ راي فطيم .. و زقروها ..
فاطمه: شووو تبون ؟؟؟
صقر: عبدالله خطب شهد شو رايج فيه ؟؟؟
فاطمه: عبدالله ريال و النعم فيه و ماينعاب انا لو بدالج جان وافقت على طول بدون ماافكر ..
شهد: انزين انزين يلا انقفطي داخل ..
فاطمه: مسكينه انا كله يقفطوني ..
و توها بتسير ..
صقر: فطيم ..
فاطمه: نعم ..
صقر: يلا انقفطي ..
فاطمه: انزين ياصقر ماضيك الاسود و تاريخك في الاجرام عند حرمتك .. و سارت تربع داخل ..
صقر: الله يستر بطيح من عين البنت .. و سار يربع وراها ..
ذياب: شهوده ...
شهد: خير ...
ذياب: تعال يلسي عندي ..
سارت شهد و يلست عنده وهو حضنها بيده ..
ذياب: س سؤال انتي تحبين عبدالله ؟؟؟؟؟
شهد: ج جواب انت لييييييييييش تسأل ؟؟؟؟
ذياب: ابا اعرف بشووو تفكر فيه آخر العنقود ..
شهد: اللي في القلب خله في القلب ..
ذياب: انزين خبريني ..
شهد: آسفه مااقدر اخبرك ... و توها بتسير داخل ..
ذياب: اقص يدي اذا انتي ماتحبينه ...
شهد: دام انك تعرف الجواب لييييييش تسأل و بعدين الحب مب حرام ولا عيب ..
ذياب: انزين غناتي فكري عدل و خبريني و قبل ماتسيرين فوق ازقري لي حرمتي الجو اليوم رهيب برع ..
شهد: انزين انا بخفظ على ليت الحديقه شوي و بشغل النافوره و بحط لكم موسيقى ..
ذياب: لا الشيخه بوديها برع عشان ناخذ راحتنا ..
شهد: انزين لا تتأخرون برع اليوم في عزيمه عشانكم .. و سارت ..
طلعت مها و سارت هي و ذياب برع على قولته ناخذ راحتنا ..

بالليل الكل اجتمع بيت بوذياب و كانوا مستانسين وااااااااااااايد طبعا محد درى عن حمل ريم لحد الحين .. بعد العشى الكل الشباب و الحريم و الشواب قاعدين في الميلس و يسولفون و البنات في المطبخ .. شوي و دخل عليهم هزاع و شاف ريم تشتغل ..
هزاع: لا تتحركين واااايد غناتي ..
ريم: هههههه انزين لا تخاف انت علي سير اقعد معاهم ..
هزاع: مابا مليت منهم اباج انتي ..
نوره+شهد+فاطمه: في عزابيه هني ..
هزاع: فطيم انتي حمود خاطبج و المسكين قاعد على اعصابه ينتظر الموافقه و شهد انت بعد عبود خاطبج و حاله من حال حمود و نوره مادري لحد الحين ..
و سار عنهم ..
بعد مايلسوا البنات مع الباقي ..
هزاع: اقول يالجماعه ..
الكل: شوووووو تبا ؟؟؟
هزاع: بل بل بل انزين سمعوا عندي خبر لكم ..
ام سلطان: شوو يالغالي تكلم ..
هزاع: بصير ابو ..
الكل استانس حق هزاع و ريم ..و باركوا لهم ..

في ايطاليا..
ماكان باقي على ردتهم للبلاد غير يومين .. و خليفه طول هالمده مصكر موبايله ..
خليفه: على الاقل خلينا نكون عاديين يدامهم ..
دلال: انزين و انا قلت لا ..
خليفه: اسمعي ترى الكل على باله انه حنا احلى ثنائي عايشين حياه حلوه ..
دلال: خليفه الله يخليك لا تزيد ولا تعيد في السالفه مره ثانيه .. و سارت .. انا بجهز الشنط ..
خليفه حس بتعب مره ثانيه .. حاول يصلب عمره بس ماقدر .. و فجأه ...........
خليفه: دلاااااااااااااااال ...
دلال سمعت صوت صرخته ربعت تحت تبا تشوف شووو صار له كان تعبان حيييييل من زود التفكير و حس بالحراره في جسمه بس بعدين قعدت هي معاه و خفضت حرارته و الحمد لله صار بخير ..

في البلاد ..
شهد استخارت و حست انها مرتاحه فوافقت على عبدالله .. و حددوا ملجتها بعد اسبوعين .. حتى فاطمه استخارت و وافقت على محمد ..

يوم الثلاثاء ..
خليفه و دلال رجعوا من ايطاليا و استقباهم الكل و استانس انهم رجعوا عشان ملجة شهد و فاطمه .. سارت دلال قسمها و بخرت المكان و رتبت الشنط و خليفه سار عند الشباب يساعدهم في التجهيزات.. نوره سارت عند دلال عشان تساعدها ..
نوره: اي مساعده ياعروس ؟؟؟
دلال: تسوين فيني خير لاني تعبت ..

توقعاتكم ؟؟!!

يوم الخميس .. يوم الملجه ..
الشباب كانوا منشغلين بالذبايح و العشى في بيت بوذياب و البنات يتعدلون فوق ..
اليازيه: الله عليج ياشهوده حللللللللوه ...
شهد: فديتج والله انتي اللي صاكه على الكل ..
هيا: هيه والله يزوي ماشاء الله عليج طالعه احلى من العروس ..
دلال و ريم و نوره و مها و ميره و فاطمه كانوا في قسم دلال يتعدلون .. بعد ماخلصوا دخلوا على العروس ..
مها: ماشاء الله عليج شهوده جنااااااااااااان ..
شهد: تهقين عبادي بيقول عني حلوه ؟؟؟
ريم: بعد عبادي ..
هيا: الا بيطير عقله ..
خلصوا الشباب من المطبخ و بعدين ساروا كل واحد البيت عشان يغير ملابسه .. خليفه سار البيت .. بعد ماغير ملابسه اتصلت فيه هند ..
هند: هلا الغالي مشتاقه لك ..
خليفه: حتى انا الغاليه مشتاق لج ..
هند: انزين متى بشوفك ؟؟؟
خليفه: بكره ان شاء الله ..
هند: انزين اخليك الحين .. و سدت السماعه ..
خليفه غير ملابسه و سار بيت عمه .. وصل الملاج و وقع عبدالله و سار صقر عشان يودي الدفتر حق شهد ..
صقر: يلا شهد وقعي ..
شهد تتنافض: انزين يصير انت توقع بدالي ؟؟؟
صقر: لا والله انا اللي بعرس ولا انتي ..
وقعت شهد و بارك لها صقر .. فقال في خاطره لييييييييش مااسوي مقلب في عبدالله و اتصل في جاسم عشان يظهر له برع الميلس ..
جاسم: هااااا شو بغيت ؟؟؟
صقر: يعني حمدان المسكين خذاله ذاك المقلب الحلو شو رايك عبدالله بعد ؟؟؟
جاسم: تصدق فكره حلوه ..
صقر: تعال داخل بس بين على ويهك الحزن ممكن ..
جاسم: انزين .. و دخلوا ..
صقر: بويه ممكن اكلمك انت و عمي خالد ..
بوذياب: خير ؟؟؟
جاسم: انتوا بس تعالوا ..
ساروا بوذياب و بوعبدالله عند جاسم و صقر و خبروهم بصوت واطي عن المقلب .. عاااد الاربعه استانسوا .. و فجأه .....
بوعبدالله+بوذياب: شووووووووووووووووووووو ؟؟؟؟
بوعبدالله: ليييييييييش انزين مايصير ...
بوذياب سار حق الملاج و عطاه الدفتر و سار الريال .. الكل كان مستغرب شو السالفه ..
عبدلله: بويه .. عمي شو السالفه ؟؟؟
حمدان: بلاكم تصارخون ؟؟؟
بوذياب: ماادري شو اقول لك ياولدي والله انا مفتشل منك ..
عبدالله تخرع المسكين .. طاح قلبه في ريله .. وقف و راح عن عمه ..
عبدالله: لييييييييييش ؟؟؟
بوعبدالله: حرام عليك ياخوي قطعت قلب الولد ...
بوذياب: والله انا مفتشل و انا شو دراني انها مابتوافق ...
عبدالله انصدم .. فج عينه ..
عبدالله يصارخ: شوووووووووووووووو ليييش ماوافقت انا شو سويت فيني عيب يعني..
و خليفه يصور ..
صقر: ياعبدالله مايصير تعترض على القدر خلاص مكتوب انت مالك مكان في قلب ختيه ..
عبدالله قعد على الكرسي و نزل راسه .. قرب منه جاسم ..
جاسم: احم احم عبدالله ..
رفع عبدالله راسه: شوووووووووووو ؟؟؟؟
جاسم: شوف كاهي الكيمره هناك ...
عبدالله: شووووووووو ؟؟؟؟
صقر: معاك برنامج الكيمره الخفيه .. من اخراج جاسم و صقر و الشواب ,,
جان يخز عبدالله صقر بنظره ..
الكل: مبروك عليك يامعرس ..
عبدالله: الله يبارك فيكم .. و انت ياصقور انا اراويك شغلك عدل بس صبر علي الليله انا مابا اخرب مزاجي الحلو بس عشان شهودتي ..
الكل: هههههههههههههههههههههههههههههههههههههههههه ..

عند البنات ...
نزلت شهد و كانت ملكة جمال .. دخل عبدالله و لبسها الشبكه و صور شوي و بعدين سار الميلس ..
ذياب: يلا دخلي ..
شهد: شووو لا استحي ..
صقر: من منو تستحين الا هو عبووود ..
ذياب: تبين تنسين خوفج ؟؟؟
شهد: هيه ..
خبرها صقر سالفة المقلب و هي قاعده تضحك .. دخلت على عبدالله و هي منزله راسها ..
شهد: السلام عليكم ..
عبدالله: هلا وغلا بالحلوين و عليكم السلام ..
صقر: ربع ساعه و انا راجع ..
عبدالله: صقور اظهر برع ترى غضب فرعون بينزل عليك اليوم ..
ذياب: بلللللللللللللل معصب .. و طلعوا ..
عبدالله: مبروك ياشهوده ..
شهد: الله يبارك فيك ..
عبدالله: اعتقد انج عرفتي بالمقلب الحلو ؟؟؟
شهد: ههههه هيه عرفت والله ماتستاهل ..
عبدالله: ادري شفتي شلون انا مظلوم ..
شهد: لا من ناحية مظلوم انت مظلوم ..
عبدالله: تطنزين يعني ..
شهد: والله شكلك كان يضحك ان شاء الله انا اليوم بشوف الشريط ..
عبدالله: والله انا ماكنت عارف انه خلوف يصور جان ذبحته..
شهد: ذياب يمدح شكلك ..
عبدالله: عااااااااااااااد ذياب اللي مقطع في الحلاه ..
شهد: هههههههههههه ...
عبدالله: تسلم لي هالضحكه ..
شهد استحت ..
عبدالله: انزين رفعي راسج يعني ماتبين تشوفين الويه الصبوح ..
رفعت شهد راسها و تلاقت نظراتها مع عبدالله ..
عبدالله: واااااااااي فديت عيونج ذباحه ..
ابتسمت له شهد ..
عبدالله: و كل شي فيج حلو ...
قعدوا يسولفون شوي و بعدين عطاها بوسه على خدها و طلع ..
الليله لا عبدالله و لا شهد غفى لهم جفن من الفرحه و اخيرا تحقق الحلم ..

اليوم الثاني ..
بوعبدالله مسوي غدى حق المعاريس .. الكل كان مستانس .. بعد الغدى شغلوا الشريط و شافوا البنات المقلب الحلو و قاعدين يضحكون على شكل عبدالله صدق كان شكله رهييييييييييب ..

اليوم الثاني ..
محمد: بويه انا مسافر مع ربعي بكره ..
بومحمد: وين بتسير ؟؟؟
محمد: مصر ان شاء الله ..
ام محمد: و متى بترجع بويه ملجتك يوم الخميس ...
محمد: يوم الثلاثاء ان شاء الله ..
طلال: مع منو ؟؟؟؟
محمد: مع وليد و جمال ...
طلال: اهااااااااا انزين تعال اباك في الحديقه .. و سار ..
محمد: شووو بغيت ؟؟؟
طلال: انت عارف انه وليد و جمال سمعتهم خايسه لا و بتسير معاهم مصر والله حلوه ..
محمد: لا تخاف علي .. و سار ..

اليوم الثاني سافر محمد مه ربعه .. و فاطمه سارت تشتري لها فستان حق الملجه مع شهد و ذياب .. و جاسم و حمدان بلشوا يأثثون البيت .. هيا الحين في الشهر السادس .. العنود في الشهر الرابع .. و ريم في الشهر الثالث .. خليفه طبعا رجع يكلم هند .. و دلال مرات كانت تسمعه بس ساكته و ماتتكلم .. طلال قرر انه يكلم ابوه عن اليازيه و يسير يخطبها بعد ملجة محمد .. حميد في حب يديد في حياته بس منو؟؟؟ ..

مر الاسبوع و محمد كان مايتصل في اهله غير مره وحده لين وصل و الكل كان يحاتيه .. محمد في مصر عرفوه ربعه وليد و جمال على بنات وااااااااااايد و علموه على الشرب و صار مدمن .. و تعرف محمد على وحده اسمها مريم و و صار بينهم الحرام بس لين عرفة انه ملجته يوم الخميس غارت عليه هي كانت وااااااااايد تحبه و تعلقت فيه واااايد فأتفقت مع وليد و جمال انهم يخلونه يسكر قبل مايسير يملج عشان تخترب الملجه كلها و بالفعل خلوه يشرب لحد ماسكر و ماحس بالدنيا من حوله ساروا وليد و جمال و وصلوه البيت .. فاطمه انقبض قلبها و حست انه في شي بيصير فلبست عباتها بعد ماتعدلت و كشخت و شيلتها و نزلت تحت .. محمد دخل البيت و الشباب كانوا قاعدين في الميلس و الملاج ينتظر .. حمدان و ذياب و صقر و حميد و طلال جاسم و عبدالله و خليفه و سلطان و هزاع انتبهوا عليه و ساروا له برع .. انصدموا لين شافوه كانت حالته حاله مب قادر يصلب عمره و يخربط في الكلام .. وقتها ظهرت فاطمه برع و انصدمت صدمة العمر لين شافت محمد بهالشكل .. قامت تصيح من الصدمه ..
طلال يزاعق: حمووووووووووود انت شو مسوي ؟؟؟
ذياب معصب: ايا النذل صدق انك مب ريال ..
و طاح في محمد ضرب و فاطمه اطالعهم .. عبدالله و خليفه ساروا حق ذياب يهدونه .. حميد بعد ما وخروا ذياب من عند محمد سار عنده و عطاه ذاك الكف السنع اللي منه طاح محمد على الارض و الدم مخيس ملابسه ...
فاطمه: لييييييييش يامحمد لييييييييييش حرام عليك تخرب علي فرحتي بهالليله حرام عليك ..
ساروا لها حميد و صقر ..
صقر: خلاص الغاليه ...
حميد: هو مايستاهل دمعه من عيونج ..
فاطمه: الله يخليكم طلعوني مابا اشوف شيفته ..
ركب حميد سيارته و فاطمه و صقر ركبوا ورى .. طول الطريج هي المسكينه تصيح و صقر يهدي فيها ..
حميد: خليني اوديج بيتنا ..
فاطمه: لالا مابا ابا اسير مكان هادي ..
حميد: ان شاء الله ..
طلال و جاسم خذوا محمد و ودوه البيت عشان ينام و لين يوعى بيفهمون منه السالفه .. و استسمحوا من الملاج و سار .. ذياب كان معصب و واصله حده و قاعد يتحلف فيه ..

عند فطيم و حميد و صقر ..
حميد تم قاعد في السياره و صقر نزل مع فاطمه و يهديها .. بعد ربع ساعه نزل حميد ..
فاطمه تصيح: ماباه خلاص ماباه لا تردوني له ..
حميد: سمعي فطيم مابترجعين حق محمد الا على جثتي ..
صقر استغرب من ردة فعل حميد .. بلاه الولد واااااااايد معصب و مفول ..

الساعه 12 في بيت بومحمد ..
جاسم و طلال كانوا يتريون محمد يوعى من النوم عشان يفهمون منه السالفه .. وقتها وصل حميد مع فاطمه و صقر .. و ساروا فوق ..
صقر يقبض طلال من عقم كندورته: انتوا ماتستحون والله انه خايس و نذل ..
طلال: صقر انزين لييييش تعاتبني انا صدقني محمد مايستاهل فطيم ..
محمد وعى من الرقاد من الصراخ اللي يسمعه برع .. اما باقي الشباب ساروا بيت بومحمد عشان هم عارفين انه صقر يمكن يرتكب جريمه في محمد .. طلع محمد و الكل التفت عليه و هو شاف فطيم ..
محمد يصيح: فطيم .... انا آسف سامحيني الله يخليج سامحيني ..
فاطمه: لييييييييييش يامحمد ليييييييييش حرام عليك .. و سارت تحت .. و محمد لحقها و الشباب وراهم ..
صقر: قلت لك خلني عليه ياجاسم ..
جاسم قبض صقر: خلهم يتفاهمون ...
الشباب كانوا واقفين على الدري و محمد يلحق فاطمه لانها كانت طالعه من البيت ..
محمد: دخييييييييييلج فطيم اسمعيني فطيم والله اني احبج .................... و سكت ..
هي طلعت من البيت و قعدت في سياره حميد و تصيح ..
محمد يزاعق: والله لا اراويهم ..
الشباب من سمعوا هالكلام ساروا وراه ..
جاسم: محمد انت وين بتسير ؟؟؟
سحب محمد سويج سيارة جاسم من يده و دعس صوب الشقه .. و الشباب وراه .. وصل الشقه و شاف وليد و جمال و البنات قاعدين و حالتهم لله يشربون و مب دارين بالدنيا من حولهم ..
محمد يقيض وليد: كله منك يالنذل .. و طاح فيهم ضرب و الشباب يحاولون يوقفونه بس ماشي فايده يبا يطلع الحره و القهر اللي فيه .. و فجأه ...
طلال يزاعق على محمد: حموووووووووووووود خلاص .. و قبضه و طلعه برع ..
محمد سار البيت و اتصل في شركة الطيران و حجز على اول رحله حق مكه و كانت الساعه 8 الصبح .. دخل عليه طلال ..
طلال: محمد انت وين ساير ؟؟؟
محمد: بسير لين ماتهدى الامور ...
طلال: بس الهروب عمره ماكان حل ..
محمد: و منو خبرك اني بهرب و مب راجع انا بسير مكه اقعد الوقت اللي اباه الله يخليك سلم على الكل و استسمح منهم و لين انا ارجع بشرح السالفه حق عمي .. و سار ..
طلال سار قعد تحت في الصاله و الشباب معاه و فاطمه بعد ..
حميد: فطيم ..
فاطمه: نعم ..
حميد: اذا رجع محمد من السفر و كان يباج بترجعين له ؟؟؟
الكل انصدم من سؤال حميد ..
فاطمه: مستحيل .. صقر ودني البيت ..
الكل سار معاهم يبون يعرفون شو الحال على الشواب .. وصلوا و سمعوا صوت صراخ .. دخلوا ..
بوذياب: اسمع يابومحمد لا انت تعرفني ولا انا اعرفك دام هذا ولدك .. وخذى حرمته و طلع ..
ام ذياب: بس هذا اخوك .. .......
يقاطعها بوذياب: شوفي ماتتصلين فيهم و لا شي ...

من بعد هذي الحادثه .. العيله تفرقت بوعبدالله خبر عياله انهم مايكلمون الباقي و ينقطعون عنهم و ام عبدالله تخبره انه مايصير هالشكل و تحاول معاه مايصير هذول اخوانك بس ماشي فايده.. و بوذياب حذر ام ذياب و عياله من انهم يرمسونهم .. و بومحمد و ام محمد كانوا يحاتون محمد لانه مااتصل خير شر .. و بوسلطان و بوراشد كانت علاقتهم قويه مع بعض فكانوا يزورون بعض و يحاولون يصلحون الامور بين العيله بس كل ماساروا حق بوذياب طردهم و خاصه بومحمد .. كانوا يجتمعون في الشركه بس السلام عليكم و عليكم السلام و يرمسون مع بعض في الامور اللي تتعلق بالشركه و بعدين كل واحد يسير في دربه ..طاف شهر و محمد في مكه.. كان كل فرض يسير الحرم و دايما يدعي ربع انه يغفر له غلطته و يصلح ربعه و طول الوقت كان في الحرم .. عبدالله و شهد بعد الملجه تموا معلقين مايعرفون اذا بيعرسون ولا لا .. جاسم فقد الامل من انه يتزوج نوره و نوره بعد لانهم مايرمسون بعض ..

بعد مرور 10 شهور و العيله متفرقه و محد يرمس الثاني من الكبار ماجمعهم غير ولادة هيا اللي يابت حمد و كان شكله حلو طالع نسخه من حمدان لين كان صغير و العنود ولدت بعد و يابت شما و كانت حلوه من الخاطر و الكل استانس بهالشي بس و بعدين تفرقوا مره ثانيه و ريم كانت في شهرها الاخير و وااااايد تعبانه .. الشباب و البنات من ورى الكبار كانوا يجتمعون في السنتر منها يجمعون عبدالله و شهد مع بعض لانه هو ريلها يعني عادي و كانوا يحاولون يلقون حل حق هالمشكله .. في يوم كانوا مجتمعين ..
حمدان و هيا توهم واصلين مع عبدالله و جاسم ..
الكل: السلام عليكم ..
الشباب: وعليكم السلام ..
خليفه: شحالج هياوي ؟؟؟
هيا: بخير الحمد لله انت شحالك و دلال ؟؟؟
خليفه: بخير ..
اليازيه: الا وينها لييييييش مايات معاك ؟؟؟
خليفه: تعبانه شوي ..
ريم: سلامتها ..
خليفه: الله يسلمج ..
جاسم: طلال ..
طلال: عيونه ..
جاسم: تسلم لي عيونك الا محمد مااتصل ..
الكل سكت ..
صقر: لا تييب طاريه لوسمحت ..
جاسم: والله هو ولد عمي و لازم اسأل عنه لانه هالمشكله اللي حنا فيها هو سببها و الحل بيده هو و محد غيره يقدر يحلها ..
عبدالله: يعني الحين شو بنسوي عمي بوراشد و عمي بوسلطان حاولوا يسيرون حق ابوي بس ماشي فايده ..
حمدان: هيه صدقه عبدالله عمي بوذياب يطردهم من بيته و بويه بعد ..
حميد: هيه والله مايصير عبدالله و شهد ماندري شو الحال عليهم الحين صار لهم 10 شهور مالجين ..
هزاع: حاولت ارمس بويه في هالموضوع تعرفون شو قال لي ...
ذياب: شوووو ؟؟؟
هزاع: خبرني اذا رمست في هالموضوع لا انا ابوك ولا انت ولدي ..
جاسم: الكل رافض انه يلتقي مع الثاني ياجماعه لازم نلقى حل ..
عبدالله: انزين طلال اتصل في محمد و ارمسه ..
طلال: انزين صبر ... و اتصل في محمد ..
محمد و مبين عليه التعب: الووووو ..
طلال: هلا محمد شحالك اخوي ؟؟؟
محمد: والله تمام الحمد لله انت شحالك و الباقي اخبارهم ؟؟؟
طلال: يامحمد الكل يسأل عنك و يبون يعرفون شو السالفه متى بترجع ؟؟؟؟
محمد: مااعرف متى راجع بس شو صار بعد ماسرت ؟؟؟
طلال: العيله تفرقت عمي بوعبدالله و بويه و بوذياب مايبون يرمسون احد و بومحمد و بوراشد يحاولون يرمسونهم بس ماشي فايده و عبدالله و شهد صاروا مالجين 10 شهور الحين و ماندري شو الحال علينا محمد دخيييييلك تعال و فهمنا شو السالفه ..
محمد: قريب ان شاء الله قريب بس انت سلم على الكل و خبرهم انه كل شي بيصير بخير و اوعدكم ...
طلال: انزين صبر شوي .. و قام عنهم عشان يرمس على راحته ..
محمد: خير بغيت شي الغالي ؟؟؟
طلال: فطيم ..
محمد خاف: شو فيها ؟؟؟
طلال: مابلاها شي بس حلفت انها ماترجع لك مهما صار ..
محمد: يا طلال انا بعد اللي سويته مااستاهلها و لا استاهل ضفر من صبوعها ..
طلال: محمد دخيييلك ارجع بسرعه ..
محمد: انزين اخليك الحين اذن و لازم اسير الحرم ..
طلال: يلا بااااي و حط بالك على نفسك ... و صكر ..
سلطان: شو خبرك ؟؟؟
طلال: خبرني انه راجع قريب ان شاء الله و انتي يافطيم محمد يخبرج انه هو آسف و يباج تسامحينه و هو عارف انج ماتبينه و لا تبين ترجعين له .. صدقيني مايطلب شي الا انج تسامحينه ..
فاطمه: انا مسامحته بس دخيييلك خله يرجع نبا كل شي يرجع مثل ماكان ...
جاسم: و انت ياعبدالله قوم و خذ شهد معاك و سيروا تمشوا مايصير بعد انتوا معاريس ..
عبدالله: لا بنبقى معاكم ..
ذياب: لا مايصير لازم تقعد معاها و بعدين اذا صار اي جديد حنا بنقول لك ..
قام عبدالله و شهد معاه و ساروا ..
نوره: ماشي غير ننتظر و نشوف شو بيصير ..
قعدوا لين الساعه 10 بالليل و بعدين سار كل واحد بيته ..

في بيت بوعبدالله .. وصلوا حمدان و هيا و جاسم و عبدالله البيت و بوعبدالله كان معصب عليهم لييش تأخروا ..
الكل: السلام عليكم ..
بوعبدالله: و عليكم السلام توه الناس جان مارديتوا ..
عبدالله: بويه سامحنا مابنعيدها ..
بوعبدالله: وين سرتوا ؟؟؟
ام عبدالله: خالد شوي شوي عليهم خلهم يستانسون ..
بوعبدالله: انزين انا ماقلت شي بس سألتهم وين ساروا ..
جاسم: سرنا السنتر نتمشي و بعدين تعشينا و رجعنا ..
بوعبدالله حن قلبه على اخوانه صار مده طويله ماشافهم بس هو يكابر ..
بوعبدالله: و شحال اعمامك ؟؟؟
حمدان: ماندري انت مسوي لنا حضر تجمع و زياره شلون تبانا نعرف حالهم ..
جاسم: بويه اسمعني يعني مايصير هالحال اللي انتوا فيها عبدالله صار له مالج من 10 شهور و الولد لازم يشوف حرمته ..
بوعبدالله: قلت لكم ماتسيرون لهم او تكون لكم علاقه معاهم ..
عبدالله: بس هذول عيال عمنا و لنا حق عليهم و هم لهم حق علينا ..
بوعبدالله: ان تباني اطردك من البيت سير لهم .. و سار الغرفه ..
ام عبدالله: خلاص ياعيالي خلوها على الله .. و سارت الغرفه هي بعد ..
حمدان: تصدقون الوالد حن لهم و يبا يشوفهم ..
جاسم: بس المشكله هذا يكابر و الثاني يعاند و الا كل واحد فيهم مشتاق حق الثاني..
عبدالله: هيه تصدق من سوالفهم اعمامي مشتاقين حق بعض ..
هيا: اكيد بيشتاقون حق بعض كانوا كل يوم يجتمعون و كل جمعه عزيمه ..
جاسم: خلوها على الله ..
عبدالله: جسيم بغيت اسألك ...
جاسم: شوو الغالي ؟؟؟
عبدالله: مااشوفك مثل قبل يعني ماتكح دم ولا تكون مريض شوو سالفتك و مااشوفك تاخذ حبوب ..
جاسم يطالع حمدان: والله ماشي ياخوي حالي مثل ماهو بس مااحب تشوفوني بهالحال كفايه اللي شفتوه .. و سار عنهم ..

في بيت بوذياب ..
ذياب و صقر و مها و ميره و فاطمه و شهد كانوا قاعدين في الحديقه يشربون شاي ..
ذياب: فطيم ..
فاطمه: نعم ..
ذياب: تعالي اباج انتي و صقر ..
قاموا الثلاثه و ساروا ورى البيت ..
فاطمه+صقر: شوووو ؟؟؟
ذياب: فطيم انتي بترجعين حق محمد ؟؟؟
صقر: اعتقد انه هالموضوع منتهي ..
ذياب: لا انا ابا اسمعج ..
فاطمه تصيح: انا بتكلم بكل صراحه و يصير اللي يصير ياذياب انا حبيت محمد من كل قلبي و مااقدر اتخلى عنه بعد اللي صار والله انه حبه ساكن قلبي و بين الخفوق بس بعد كرامتي ماتسمح لي اعيش معاه بعد ماكسر قلبي و خرب سعادتي و احلى ليله في حياتي ..
صقر يلوي عليها: خلاص الغاليه لا تصيحين ..
ذياب: والله ماباج تكدرين خاطرج الغاليه بس بغيت اسأل ..
فاطمه: خلاص الحين عرفت جوابك .. و سارت .. تصبحون على خير ..

في بيت بوسلطان ..
دلال كانت عارفه انه خليفه يكلم هذي اللي اسمها هند و خلاص ماقادره تكتم اكثر من جذي بس هي صابره لين تتصلح الامور و بعدين بتتصرف ...
توقاتكم؟؟؟

سلام حبي كيفك ان شاء الله بخير
حبيبتي رووايتك رووووعععة كمليها بسرعة بلييز و لنل رح استناك باحر من الجمر

مر شهرين و محمد يوم الخميس رجع .. بس ماسار البيت .. على طول سار شركة اعمامه ..عبدالله و سلطان و ذياب و بوعبدالله و بوسلطان و بوذياب و بومحمد كانوا في قاعة الاجتماع عشان يدرسون صفقه و دخل عليهم محمد .. انصدموا منه شكله كان غير ضعفان و ااااااااااااااااايد و ويهه شاحب و مبين عليه التعب ..
محمد: السلام عليكم ..
الكل: وعليكم السلام ..
قاموا له عبدالله و ذياب و سلطان لانهم عارفين بالسالفه ..
عبدالله يلوي عليه: هلا بولد العم اشتقنا لك ..
سلطان: طولت الغيبه هالمره ..
ذياب وقف يدامه و ماتكلم بس كان باين عليه الحنيه و كان مستانس لانه شافه ..
محمد: تعال نسير الغرفه الثانيه .. و ساروا ..
محمد: ادري انك ماتبا تشوفني بس صدقني انا ندمان على اللي سويته و مابجذب عليك انا في خاطري فطيم لحد الحين بس عارف انها ماتباني و على العموم انا آسف و اباك تسامحني ..
ذياب: لا تطلب السموحه مني المهم انه ربك ان شاء الله راضي عليك و بالنسبه للكل تراهم مسامحينك بس ارجع و خبرهم السالفه ..
محمد: انا طلال خبرني انكم افترقتوا ...
ذياب: هيه والله ..
محمد: و انا اليوم ياي عشان ارجع كل شي مثل ماكان اول .. و بعدين رجعوا القاعه..
محمد و مبين على صوته الجديه: اسمعوا اعمامي اليوم اباكم تجتمعون في بيتنا عشان افهمكم السالفه .. و الكل اباه يحضر و الا انا بجركم من بيوتكم .. و سار ..
الشباب كانوا يضحكون على حركه محمد و الشواب مستغربين ..
بوعبدالله: انتوا لييييييييييييييييييش تضحكون ؟؟؟
بوذياب: شكلكم عارفين شو بيصير ..
بوسلطان: انزين على الاقل خبرونا ..
عبدالله: بتعرفون كل شي الليله .. و ساروا ..

بالليل الكل اجتمع في بيت بومحمد و كانوا مستانسين انهم شافوا بعض و خاصه الكبار بس المشكله كل واحد يكابر .. قعدوا في الميلس و شوي الا محمد يدخل عليهم ..
محمد: السلام عليكم ..
الكل: و عليكم السلام ..
بوذياب: محمد شو السالفه ؟؟؟
بوعبدالله: يلا خبرنا ليييييييش ساكت ؟؟؟
قام جاسم و طلال وقفوا عنده ..
محمد: اول شي انا آسف على اللي صار و ادري انه اسفي ماراح يحل اي شي .. انا تعرفت على شله خايسه طلال خذرني منهم بس انا ماسمعته و سافرت مصر معاهم .. طبعا علموني على الشرب لين صرت مدمن بس الحين الحمد لله تعالجت و صرت بخير و انا مااطلب شي غير انكم تسامحوني و فطيم خاصه انتي انا سويت فيج واااااااايد اشياء و انتي ماتستاهلين كل هذا بس دخييييييييييلج سامحيني و الله يوفقج مع غيري بس اسمعي كلمتي الاخيره ترى انا احبج بس مالقيت في قلبج مكان لي الله يوفقج و يفرش لج دربج ورود بس ابا اسمع منج كلمة مسموح ..
فاطمه: مسموح ياولد العم مسموح و انت الله يوفقك و تاخذ بنت الحلال اللي تسعدك و تهنيك .. و المسكينه في داخلها خناجر تطعن قلبها و تقول في خاطرها والله اني احبك بس مااقدر ارجع لك سامحني يالغالي والله اني احبك .. و محمد كانت حالته من حالة فطيم سيوف تقطع قلبه و القهر اللي في قلبه ماينوصف و الله اني احبها بس اذا رجعت لها بتحزن .. و بعدين ......
محمد: خلونا ندخل في الجد ..
بوسلطان: ليييييييييش بس بعد في شي غير ؟؟؟
محمد: هيه عمي في انتوا ماتحسون مخلين عبدالله و شهد معلقين و انتوا مب راضيين تكلمون بعض حرام عليكم صار لهم 12 شهر مالجين و انتوا ولا حاسين فيهم و .. و انا بعد تبت و ابا اعرس و ابا فاطمه تختار لي بنت الحلال ..
فاطمه: و انا عندي البنت اللي بتسعدك ..
محمد: صدق منو ؟؟؟
فاطمه: لا تحاتي ولد العم انا و امك سرنا و خطبناها لك و البنت وافقت بس ماشي باقي غير تسير و تخطب رسمي ..
محمد: انزين حميد تعال بغيتك ... و ساروا الحديقه ..
حميد: خير يا ولد العم ؟؟
محمد: ادري انك معصب علي بعد اللي سويته في فطيم و الكف اللي لقيته منك ترى لحد الحين يحرقني والله ..
حميد: سامحني بس كنت معصب و مب حاس بالدنيا من حولي ..
محمد: انزين طلبتك و ماباك تردني ..
حميد: تم انت بس آمر ..
محمد: مايأمر عليك عدو اباك تاخذ فاطمه و انا عارف انك بتحافظ عليها اباها تكون في يد امينه من بعدي ابا اطمن عليها ..
حميد: انت شوو قاعد ترمس انا اخذ فاطمه مستحيل هي ترضى فيني ..
محمد: ادري انك تحبها و عشان جي صكيتني بذاك الكف و الله كنت حاس فيك و مااقدر اخلي قلبك ينكسر مرتين صدقني انت الوحيد اللي بتسعدها و بتهنيها ..
حميد: بس هي ...................... و سكت ..
محمد: بس شوووو حميد خبرني ؟؟؟ ...
حميد: فطيم تحبك انت ...
محمد: و انا احبها بس مااقدر اخليها حزينه مره ثانيه و مابا اجرح قلبها خلاص لازم انا اسير في حالي و هي بعد لازم تنساني و انا عارف انك بتنسيها شي اسمه محمد الله يخليك لا ترفض طلبي ..
حميد: فطيم مابتوافق علي ..
محمد: بتوافق .. انت سير و اخطبها ..
حميد: و انت .....
محمد: انا شوو مثل ماخبرتني فطيم انها اخطبت لي بنت جيرانا و هي وافقت علي ..
حميد: الله يوفقك ان شاء الله ..
محمد: انزين شوو اسمها خطيبتي ؟؟؟
حميد: هههههههههههه احد مايعرف اسم خطيبته ..
محمد: ههههههههههههههه هيه انا ..
حميد: اعتقد اسمها نوف ...
محمد: والله فطيم عليها ذوق .. و ساروا داخل ..
بومحمد: والحين شو الحل يعني ؟؟؟
محمد: بويه اي حل اللي تتكلم عنه لازم ترجعون حق بعض مب تخلون اي شي يهزكم مثلي انا و لازم تنسون سالفتي و تعتبروني مب موجود و يلا كل واحد يلوي على الثاني ادري فيكم تكابرون ..
بوراشد: انا في خاطري اعرف شي واحد ...
محمد: شووو عمي ؟؟؟
بوراشد: انت شلون تعرف كل اللي صار ؟؟؟
جاسم: انا اخبرك بعد ماتفرقتوا كنا حنا الشباب و البنات نجتمع بين فتره و فتره في السنتر و نحاول نحل مشكلتكم و بعد كنا نجمع عبدالله و شهد مع بعض ..
خليفه: انتوا عارفين انه ريلها و عادي يقعد معاها ..
بوعبدالله: اعتقد اني حذرتكم ..
حمدان: بويه صحيح انك خبرتنا انه ما انشوفهم بس ماقدرنا نبعد اخوان و خوات و رياييل عن حريمهم و حرام نفرق بين القلوب ..
بوعبدالله: سامحوني والله غلطت في حقكم ..
بوذياب: لا سامحوني انا ماكان لازم افرق بينكم ..
بوسلطان: و انا ماكان لازم اطردكم لين حاولتوا تحلون المشكله ..
صقر: قوموا تحاضنوا بعد ..
الكل: هههههههههههههههههههههههههههههههههههههههههههههههههه ...

الكل فرح برجعة العيله الكبيره مع بعض و حددوا عرس عبدالله و شهد بعد شهر .. شهد خلصت اغرضها من زمان بس ماشي باقي غير انها تدخل على غناة روحها عبدالله .. دلال ماحبت تخرب عليهم فرحتهم و كانت تموووووت الف مره من داخل هي حبت خليفه من كل قلبها بس هو مب حاس فيها ..

مر هالشهر و الكل كان مستانس حق عبدالله و شهد .. يوم العرس البنات ساروا القاعه عشان يتعدلون و الشباب في الخيمه و اليوله و الرزيف و الضحك ماليين المكان .. طبعا الشباب قاعدين و يعلقون على عبدالله و يصورون و اخوان المعرس حمدان و جاسم كانوا كاشخين اخر كشخه كانوا مطقمين كندوره لون اسود لانه الجو كان بارد و سفره حمره و نعاله سوده و العصا .. عند البنات كانوا مستانسين على الاخر و شهد ماكانت مترتره و لا شي بالعكس تضحك و تسولف .. بعد ماخلصت البنات نزلوا تحت و فاطمه تمت عندها ..

عند الشباب ..
حمدان و جاسم مسكوا المكرفون ..
حمدان: هذا اهداء حق اخونا الغالي ..
جاسم: يلا عاد يامعرس ان شاء الله تعجبك ..
و غنوا له ((( راشد الماجد .. عبدالله الغالي ))).. الكل استانس عليهم لانه هذي ثاني مره يسمعونهم كان مغطين على الكل في اليوله و الرزيف و كل شي ...

عند البنات ..
الساعه 11 العروس نزلت و كانت حلوه من الخاطر .. وصلت و سلموا البنات عليها و رقصوا .. الساعه 12 دخل عبدالله و بوعبدالله و ذياب و بوذياب و صقر .. صوروا معاهم و بعدين طلعوا .. شربوا المعاريس العصير و قطعوا الكيك و بعيدن ساروا فوق ..

الساعه 3 ساروا الشواب و الحريم البيت و الشباب و البنات قالوا بيقعدون شوي و بعدين بيرجعون .. الشباب كانوا ينتظرون برع و البنات في القاعه .. بعد ماطلعوا الا دلال .. سار لها خليفه ..
خليفه: الله الله شو هالزين كله ..
دلال: ادري اني حلوه مب لازم تقول ..
خليفه: والله خقاقه بس عيني عليج بارده يالغاليه حلوه من الخاطر ... و باسها على خدها و مسك يدها .. يلا تعالي نسير البيت انا الليله كلي لج ..
دلال كانت مستغربه منه شو هالحركات .. و ساروا البيت ..

حمدان دخل على هيا اللي رجعت من وقت لانها تعبانه و ماتقدر تخلي حمد بروحه ..
حمدان: فديت شبيهي والله ..
هيا: تصدق عاد هيه و الله نسخه منك ..
حمدان: ادري طالع حلو على ابوه و امه حلوه بس مب واااااايد تعرفين الولد دايما يطلع على ابوه ..
هيا: اقول هات الولد خلني انومه .. و خذته ..

سلطان خذى شما و حطها في حضنه .. احمد بدأ شوي يغار ..
احمد: بويه لا تشيلها انا اغار ..
سلطان: حتى انت لين كنت صغير شلتك ..
احمد: لالالا اذا بتشلها لا تشلها يدامي ..
سلطان: ولا عليك تعال ... و عطى شما العنود و سار مع احمد و نومه عنده ..

نرجع للمعاريس ..
ياتهم المصوره و صورتهم و عبدالله من نفس طينة اخوه حمدان جريء و ماخلى حركات ماسواها و بعدين مل من المصوره و روغها ..
عبدالله: مبروك عليج انا ..
شهد: الله يبارك فيك ..
عبدالله: مابغينا نتزوج ..
شهد: الحمد لله ..
عبدالله: انزين ارفعي راسج خليني اشوف هالحسن و الجمال ..
شهد: و اذا قلت لك انا استحي ..
قام عبدالله و قعد مجابلها .. و رفع رسها بصبعه ..
عبدالله: اذا انتي معاي ماباج تستحين يالغاليه ..
شهد: انزين ممكن تساعدني ابدل لانه هالحديد اللي انا لابسته كسر لي ظهري ..
عبدالله: غالي و الطلب ...
المهم ساعدها و بعدين سارت تاخذ لها شور .. بعد ساعه .. عبدالله سار وقف عند باب الحمام ..
عبدالله: اقول كأنج طولتي ..
شهد تستهبل: لا ترى بعدني ماخلصت اتريا ساعه بعد ..
عبدالله فج عينه: شووووو ساعه بعد انتي بتيننيني ..
شهد: بسم الله عليك من هالطاري انت اصلا تم فيك عقل ..
عبدالله: لييييش الشيخه شايفه ماعندي عقل ولا ماعندي عقل..
شهد: هيه الصراحه من بعد ماشفتني مابقى عندك عقل ياخي بلاك الاعتراف بالحق فضيله ..
عبدالله: في هذي انتي صادقه انا لين شفت جمالج و حسن فتونج مابقى فيني عقل ..
شهد: انزين خلاص انا الحين طالعه ..
بعد ماطلعت ..
عبدالله: تعرفين من قبل شوي كان فيني عقل بس الحين لين شفتج انمحى كله مابقى شي ..
شهد: لهدرجه انا حلوه ..
عبدالله: الا احلى من القمر ..
شهد: انزين سير تسبح و انا بجهز ملابسك ..
عبدالله بخبث: انزين انا تعبان مااقدر اتسبح بروحي ..
شهد: عن العياره سير يلا ترى تعبانه حيييييييييييل و ابا انام ..
عبدالله:بل ماترضى .. انزين ... و سار ..

في بيت بوعبدالله ..
جاسم ماغفى له جفن من زود مايفكر في غناة روحه نوره .. يالله يانواري الكل تزوج بس ما بقى غير محمد و حميد متى يجي اليوم اللي اكون فيه معاج في نفس البيت .. و نزل تحت قعد في الحديقه .. حمدان بعد ماقدر ينام قلبه كان حاس انه جاسم بعد مارقد فنزل تحت و شاف ليت الحديقه مفتوح و سار ...
حمدان: جسيم ..
جاسم: هلا حمدان ..
حمدان: لييييييش مانمت ؟؟؟
جاسم:حووووو حرام الواحد يفكر يعني ..
حمدان: في منو تفكر ؟؟؟
جاسم: في غناة روحي و انت عارف ..
حمدان: ادري ياجاسم بس هونها و تهون ..
جاسم: متى ياحمدان متى انا الحين الحمد لله شفيت صار لي سنه و اكثر و كل يوم تطلع لنا مصبيه من وين ماادري و اذا طلعنا منها طلعت غيرها شو هالحال يعني انت خذيت هياوي و الحمد لله و هزاع و ريم و ذياب و مها و صقر و ميره و عبدالله و شهد ..
حمدان: ترييت كل هالسنين بس ماتقدر تتريا كم من شهر ..
جاسم: هالشهور اللي ترمس عنها سنين بالنسبه لي ..
سكتوا شوي ... و بعدين ..
حمدان: الا فطيم مابترجع حق محمد ؟؟؟
جاسم: لا للأسف ..
حمدان: تعرف شو خبرني محمد اليوم ..
جاسم: شوو ؟؟
حمدان: المسكين يشكي لي الحال تصدق انه هو لحد الحين يحب فاطمه بس لا هو يبا يرجع لها ولا هي تبا .. هو خبر حميد انه يسير يخطب فاطمه عشان يطمن عليها من بعده و هو بعد عرس حميد بيسافر مع حرمته ..
جاسم: مب حرمة عمي اخطبت له بنت جيرانهم نوف اعتقد اسمها ..
حمدان: هيه و الله يقدرها تسعده و تنسيه فطيم ..
جاسم: مااعتقد انه يقدر ينسى حبه الاول .. الا شحال شبيهي ؟؟؟
حمدان: هيه والله تقول توأمنا الثالث واااااااااايد يشبهني و يشبهك ..
جاسم: فديت ولي العهد والله ..
حمدان: انزين يلا سير نام شوي و مع الاذان بوعيك .. و ساروا ..

اليوم الثاني .. عند المعاريس ..
شهد وعت من النوم و وعت عبدالله و لبسوا و ساروا بيت بوعبدالله عشان بعدين بيسيرون المانيا ..
عبدالله+شهد: السلام عليكم ..
الكل: وعليكم السلام ..
بوعبدالله: ها لمعاريس شحالكم ؟؟؟
عبدالله: والله حنا بخير انت شحالك يالغالي ؟؟؟
بوعبدالله: والله بخير ..
بعدين الشباب ساورا الميلس و الحريم قعدوا في الصاله ..
جاسم: ها عبود شو سويتوا ؟؟؟
عبدالله: مالك دخل ..
جاسم: بلاك ومنكم نستفيد ..
حميد: هيه انت عارف انه انا و جاسم و محمد و طلال ان شاء الله على ويه زواج لازم نعرف و انت عارف انه الواحد لازم يكون على علم عشان تطلع الليله كامله و مكمله ..
هزاع: هيه والله عبود علمهم ..
عبدالله: و انت الشيخ مب تعرف اكثر مني ..
شوي و يدخل حمدان و معاه ولي العهد حمد ..
جاسم: هات شبيهي .. و شاله ..
خليفه: فديته والله طبق الاصل من حمدان و جاسم ..
سلطان: توك منتبه مب هم توأم اكيد لازم يطلع عليهم ..
وقتها قام حمد يصيح ..
حمدان: جسيم شو سويت به هاته .. و شاله .. الحين شو يسكته ..
ذياب: صدق حمدان ولدك نسخه عنك ..
شوي الا تدخل شهد ..
شهد: عبادي ..
فز عبدالله من مكانه: هلا الغاليه ...
الشباب: ههههههههههههههههههههههههههههههههههههههههه ..
عبدالله: بلاكم تضحكون ؟؟؟
صقر: لا سلامتك سير سير الغاليه تباك ..
عرف عبدالله انهم يتطنزون عليه لين فز من مكانه ..
عبدالله: اراويكم شغلكم بعدين .. و سار ..
شهد: بغيتني ..
عبدالله: هيه الغلا اباج ترتبين لي شنطتي ..
شهد: اللي بعده خلصت الشنطه ..
عبدالله: ماشاء الله عليج .. و باسها على خدها .. وقتها بوعبدالله حدر عليهم ..
بوعبدالله:هههههه انا ماشفت شي ..
عبدالله: ادري .. و ساروا الميلس ..

بالليل ساروا الشباب مع عبدالله و شهد المطار ..
ذياب: مااوصيك على ختيه ..
صقر: تراها غاليه و اغلى منك ..
عبدالله: انا بحطها في عيني بس وصوها علي ..
حمدان: و انتي شهوده مااوصيج على عبادي كنونو ..
الكل: هههههههههههههههههههههههههههه ..
جاسم: هيه صح مااوصيج على عبدالله ترى انتي اغلى منه ..
عبدالله: شوووووووووووووو الحين انا اخوك من لحمك و دمك و هي ............
قاطعه جاسم: هي بنت عمي ادري ...
محمد+طلال+حميد: يلا يلا سيروا ...
عبدالله: بل بل بل يالسين على جبودهم .. امشي نسير الغاليه لا ياكلونا بقشورنا .. و ساروا ..

مر اسبوع على المعاريس و كان احلى اسبوع في حياتهم .. حميد سار و خطب فاطمه و وافقت عليه .. محمد سار و خطب نوف و وافقت عليه .. دلال و خليفه ماادري شو ارمس ولا شو اكتب عايشين حياتهم كأنهم مب عايشينها .. ريم ربت و يابت بنت سمتها عهود .. الكل بارك لها و استانسوا ..

في يوم في بيت بوسلطان ...
ام سلطان كانت سايره العزبه مع بوسلطان .. العنود كانت بيت ابوها و سلطان كان عنده دوام .. و هزاع قاعد في الصاله و ريم في بيت ابوها ..
في غرفة دلال و خليفه ..
خليفه كان يكلم هند و على باله دلال ماتسمعه .. بعد ماصكر ..
دلال: خلاص خليفه انا تعبت منك و من هذي اللي اسمها هند ياخي استح على ويهك انا حرمتك اذا ماتحبني على الاقل احترمني ترى قلبي تعب منك و ماعدت اتحمل اي تصرف ثاني حس فيني على الاقل .. و اتصلت في طلال ..
دلال: طلال تعال الحين ابا ارجع البيت ..
طلال: انزين شو السالفه ؟؟؟
دلال: قلت لك تعال ولا ارجع مشي ..
طلال: لالالالا انا الحين ياي ... و سدت السماعه ..
خليفه: وين سايره الله يخليج لا تسيرين صدقيني انا احبج بس ...........................
دلال تقاطعه: تحبني بس ترمسها والله ماعندك سالفه .. و نزلت تحت وهي تصيح و هزاع يلحقها و خليفه وراها يزقرها بس ماشي فايده ..
هزاع: دلال دلال وين سايره ؟؟؟؟
دلال: بيت ابوي فيها شي ؟؟؟
هزاع: انزين ليييييييش؟؟؟ دخيلج ارجعي ...
دلال: لييييييييش .. اسأل اخوك لييييييييش وهو بيجاوبك ...
و سارت الحوي و خذاها طلال ..
هزاع معصب: شو سويت خليفه انا حذرتك ...
خليفه مانطق بكلمه و العرق يتصبب من جبينه و حرارته ارتفعت مره وحده و ماقدر يصلب عمره ..
هزاع: رد علي انا ارمسك شو سويت بالبنت ؟؟؟؟
خليفه: احبها .. و طاح مغمى عليه ..
قام له هزاع بسرعه و شاله و خذاه المستشفى .. و دخلوه العنايه .. بعد ساعه طلع الدكتور ..
هزاع: دكتور شو صار في اخوي ؟؟؟؟
الدكتور: اخوك صادته صدمه نفسيه و عنده القلب و كان لازم ماتخلونه ينفعل ..
هزاع منصدم: شوووو عنده القلب محد يعرف من متى ؟؟؟؟
الدكتور: من مده طويله اخوك محتاج انسان قريب منه عشان يساعده يتخطى حالته النفسيه ..
هزاع: انزين اقدر اشوفه ؟؟؟
الدكتور: تفضل ..
دخل هزاع على خليفه و حالته كانت تقطع القلب .. سار له و قعد على الكرسي اللي عند السرير ..
هزاع: خليفه خلوف افتح عينك الله يخليك خليفه انا ارمسك تسمعني ...
فتح خليفه شوي شوي عينه و كلها دموع: دلال ...
هزاع: شو صار ياخليفه خبرني ؟؟؟
خليفه: انت عارف اني ارمس هند ..
هزاع: شووو ترمسها يدام دلال حرام عليك يالظالم البنت طيبه و حبوبه و تحب التراب اللي تمشي عليه تسير و تخونها ..
خليفه: انا ندمان و الله لو تعرف اني احبها والله احبها بس .......................
هزاع: والله هذي مب رمسة رياييل تكلمها و بعدين تقول احب دلال ...
خليفه: دخيييييييييلك اباها ترجع ..
هزاع: هي ماتبا انا كلمت طلال و خبرني انها ماتبا تقعد معاك تقول تباك اطلقها ...
خليفه: شووو مستحيل اطلقها اقول لك انا احبها تقول لي طلقها ..
هزاع: عيل لازم تصلح غلطك ..

في بيت بومحمد ...
طلال: صدقيني هو يحبج والله انه يحبج بنفسه اعترف لي ...
دلال: اسمع طلال مابا احد يعرف بالسالفه و في خبر ثاني ....
طلال: خير اللهم اجعله خير ...
دلال: انا حامل ...
طلال استانس: صدق من متى ؟؟؟
دلال: صار لي شهرين و كنت اليوم بخبر خليفه بس لين سمعته يرمسها هونت ..
طلال: بس هذا ريلج و لازم يعرف انه بيصير ابو ..
دلال: احلف لي انك مابتخبر احد و انا بفهم الوالد و الوالده ..
طلال: على هواج غناتي ..
دلال: الا محمد وينه ؟؟؟؟
طلال: اسكتي طاير من الفرحه انه خطب و ابشرج البنت وافقت ..
دلال: الله يتمم عليه .. انا عارفه انه سعادته مع فطيم بس الله يهدى ربعه ..
طلال: انزين تعالي تحت خبري الوالد و الوالده .. و نزلوا ..
بومحمد: دلال غناتي بلاج ليييييييش انتي هني في هالوقت المتأخر ؟؟؟
ام محمد: عسى ماصار بينج و بين خليفه ؟؟؟
دلال: سمعوني لين الآخر صار سوء تفاهم بيني و بين خليفه و انا رجعت لين ما تهدى الامور بيننا و دخيلكم لا تضغطون علي وقت ماانا اكون مستعده برجع له ..
طلال: و في خبر ثاني ..
الكل: شوووو ؟؟؟
دلال: انا حامل ..
محمد: مبروك غناتي ..
دلال: بس مابا احد يعرف ..
ام محمد: ليييييييييش حبيبتي ؟؟؟
دلال: الله يخليكم و ترى عمي و عمتي مايدرون بالسالفه خبروهم اللي خبرتكم اياه .. و سارت فوق لانها تعبانه و تبا تنام و سار معاها طلال ...

في المستشفى .. الساعه 2 ..
خليفه: هزاع..
هزاع: خير الغالي ..
خليفه: مابا احد يعرف انه فيني القلب ..
هزاع: من متى ؟؟؟
خليفه: من 18 سنه ..
هزاع:شوووووو ولييييش مخبي على الكل ؟؟؟
خليفه: بس مابا حد يعرف لو تعرف اللي في قلبي بتنصدم انا مكسور من الداخل بس من برع قناعي القوه ياخي ..
هزاع: انزين ليييش ماتخبرني مب انا اخوك الصغير ..
خليفه: انت تعرفني مااعرف اعبر عن مشاعري لأي احد ..
هزاع: خبرني ياخليفه خلني افهمك و افهم مشاعرك دخيلك ابا اصلح بينك و بين دلال ...
خليفه: مااقدر ياهزاع مااقدر ...
هزاع: على هواك انزين انا اتصلت في الوالد و الوالده و هم في الطريج الحين ..
خليفه: لا تخبرهم ..
وصلوا بوسلطان و ام سلطان..
ام سلطان: ماتشوف شر يالغالي ..
بوسلطان: بلاك خليفه و وين دلال ؟؟؟
خليفه: ماكنت اكل زين و طحت و الله ستر انه هزاع كان موجود و دلال سالفه ثانيه ..
بوسلطان: شو الغالي خبرني ..
خليفه: صار سوء تفاهم بيني و بينها بس الله يخليكم لا تضغطون علي و عليها عشان نرجع خلى الامور تهدى و بعدين بنتفاهم ..
ام سلطان: خلاص على راحتك .. و قعدوا شوي عنده و بعدين ساروا البيت و هزاع قعد عنده ..

مروا اسبوعين و تحددت ملجة حميد و محمد في نفس اليوم لانه حميد يبا هالشكل .. ساروا فطيم و نوف و اخت نوف موزه و ام ذياب و ام معضد السوق ..
(( بو معضد و ام معضد عندهم معضد البجر 30 سنه توفت زوجته في شهر العسل و موزه 27 تشتغل و نوف 21 )) ..
خذوا العرايس الاغراض اللي يبونها و كل شي و خذوا فساتينهم و بعدين رجعوا البيت .. عبدالله و شهد رجعوا من السفر ..

يوم الاربعاء .. قبل الملجه بيوم ..
محمد كان قاعد مع حمدان في الميلس و الشباب يالسين في الحديقه يسولفون مع البنات .. كان محمد يشكي حق حمدان حاله ..
حمدان: خلاص عاد ياريال انساها هي الحين صارت على ذمة غيرك لا و بعد مب اي حد ولد عمك و انت الحين لازم تسعد حرمتك ..
محمد: احاول يابو حمد احاول بس والله مب قادر مب قادر .... و تنهد .....
حمدان: س سؤال وين ربعك الحين ؟؟؟؟
محمد: مااعرف .. تعرف حمدان حتى حرمتي مااطيق اشوفها والله مااطيق ايلس معاها..
حمدان: ياخي انت ظالم البنت لازم تهتم فيها شوي انسى فطيم انساها ..
محمد: حرمتي تشبه فطيم ..
حمدان: في شوو ؟؟؟
محمد: في لون بشرتها و تعابير ويهها الا عيونها فطيم احلى ..
حمدان: قلت الف مره انسى فطيم و عيش حياتك خلاص ..
محمد عصب: اوووووووووووووووووه خلاص خلاص انا ماقدر اتحمل .. و قام ..
قبضه حمدان من يده ..
حمدان: وين ساير ؟؟؟
محمد: ابا ايلس بنفسي شوي ..
حمدان: اوعدني بشي ..
محمد: شووو ؟؟؟
حمدان: اوعدني انك بتحضر ملجتك بكره ..
محمد: ها ها ها اكيد ... و سار ..
طلال: بوجاسم وين ساير ؟؟؟
محمد: عندي شغله و لازم اخلصها خل الشباب يوصلونك البيت .. و سار ..
حميد: حمدان بلاه محمد ؟؟؟؟
حمدان: ماشي ..
قام جاسم عنهم و اتصل في محمد ..
محمد: الووو ..
جاسم: وينك ؟؟؟
محمد: شو تبا بي جسيم ؟؟؟
جاسم: ابا ارمسك شوي وينك انت الحين؟؟؟
محمد: انا يالس على البحر ..
جاسم: لا تتحرك انا الحين ياي .. و سار ..
عبدالله: وين ساير انت بعد ؟؟؟
جاسم: مواعد ..
هزاع: خذني معاك ..
ريم: هزاعووه ..
هزاع: هلا غناتي ..
ريم: اصطلب ..
نوره: جسيم منو هذي تعيسة الحظ اللي مواعدها ؟؟؟؟
جاسم: وحده حلوه و طيبتها مغطيه عليها و عيونها الذباحه اخخخخ عليها قمر ملاك نازل من السما لا و صوتها العذب و لمستها الحنونه ادفيني واااااااااااي عليها ماتشبه ولا وحده فيكم غير عن كل البنات ..
نوره: سير سير قبل مااطير من يدك و ياخذها غيرك ..
الكل: ههههههههههههههههههههههههه ..
سار جاسم حق محمد و شافه يالس و حاط راسه بين يده ..
جاسم: في احد يحزن و بكره ملجته ..
محمد: .....................
جاسم: محمد خبرني الغالي بلاك مفروض تكون فرحان ...
محمد: لييييش انا اصلا عرفت الفرح في يوم من بعد ماخلتني فطيم ..
جاسم: ياخي خلاص عاد لازم تسمع الكلام مرتين في اليوم البنت على ذمة ولد عمك و انت على ذمتك وحده حاول تسعدها و تنسى صفحه من حياتح اسمها فاطمه و تبدأ صفحه يديده و حميد صدقني بيحافظ على فطيم مثل مايحافظ على عمره كفايه انه انت اللي وصيته عليها ..
محمد يصارخ و الدموع في عينه: خلاص خلاص ياجسيم خلاص كلامك مثل السيوق تقطع قلبي بس خلاص ..
جاسم: انزين لين متى ؟؟؟
محمد: مااعرف مااعرف خلاص ..و قام ..
قام له جاسم و عطاه ذاك البكس اللي وعاه من الحلم اللي هو فيه ..
جاسم يصارخ: ارجع للواقع اسمعني يامحمد انت بتسعد هالبنت و بتحبها و تنسى فطيم و حميد خلهم على الهامش ..
الدم كان ينزف من حلج محمد ..
جاسم وهو يعطيه كلينكس: آسف ...
محمد: مشكور .. و رجعوا البيت ..
في الطريج في سيارة محمد .. اتصل في نوف و يقول في خاطره هالمره انا بعيشها في حلم وردي و بنسى فاطمه ..
نوف: مرحبا ..
محمد: مرحبا بيج الغاليه شحالج ؟؟؟
نوف: اذا انت بخير انا بخير ..
محمد: نوف ..
نوف: نعم يالغالي ..

عند الشباب و البنات ..
هيا كانت توها نازله و ماسكه ولي العهد حمد ..
حمدان: هاتيه ...
جاسم: لالا انا اباه ..
قام عبدالله: لاانت و لا هو انا .. و خذاه ..
ذياب: هيه هيه بوسهيل تعلم من الحين عشان تتعود بعدين ..
الكل:ههههههههههههههههههههههه .. و شهد تقفطت ..
عبدالله: و حريمكم ..
هزاع: انا عن نفسي عندي عهود ..
سلطان: و انا فديت شمامي ..
ذياب: و حنا حريمنا حمل الحين ..
جاسم: يلا مابقى الا انا و حميد و محمد و طلال ..
طلال: قريب ان شاء الله قريب ..
صقر: شكله الاخ ناوي ..
طلال: ياخي مليت العزوبيه ابا استقر ..
صقر: هزاع الا وينه خليفه ؟؟؟؟
هزاع: في البيت ..
صقر: بلاه خليفه احسه متغير ؟؟؟
هزاع: لا ماشي بس شوية تعب ..
محد كان يدري بأن خليفه عنده القلب الا هزاع و بوسلطان و ام سلطان ..

من بعد ماصار بين خليفه و دلال .. خليفه اجر له شقه و سكن فيها و محد يعرف وينه و مايرجع البيت بس يتصل يطمن عليهم و ام سلطان تصيح تباه يرجع و دلال ماخبرت خليفه انه هي حامل كفايه العذاب اللي لقته منه .. شهد بعد شهر العسل حملت و عبدالله استانس واااااااااااايد و سوى لها عزيمه << صدق بطران .. الشباب حاولوا مع خليفه انه يحضر بس ماشي فايده و طلال قرر انه يرمس ابوه في موضوع اليازيه لانه خلاص مايقدر يتريا زياده على قولته الكل عرس الا انا .. و اذا على جاسم بشيب و مابيعرس ..

يوم الخميس .. ملجة حميد و فاطمه و محمد و نوف ..
البنات ساروا بيت بوذياب يتعدلون و الشباب برع يجهزون الخيام و الربشه شالتنهم .. و البنات بعد ماقصروا رقص و ضحك ..
نوره: فديتج فطيم ماشاء الله عليج حللللللللللللوه ..
فاطمه: تسلمين غناتي الفال لج ان شاء الله ..
نوره: الله يسمع منج ..
هيا: بل بل ختيه ليش جي مستعيله ؟؟؟
نوره: مثل ماانتي تزوجتي انا بعد ابا ..
شوي الا تدخل عليهم نوف مع اليازيه و ريم ..
فاطمه: مبروك نوف ..
نوف: الله يبارك فيج محلوه حبيبتي ..
فاطمه: عرايس لازم نكون حلوين ..
ريم: الا وين دلال ؟؟؟
اليازيه: اتصلت لها و خبرتني انها تعبانه و ماتقدر تحضر ...
هيا: الله يساعدها هي و خليفه والله مايستاهلون اللي صار لهم ..
فاطمه: خلاص انا هونت مابا اتزوج ..
البنات: ليييييييييييييييييييش ؟؟؟
فاطمه: بلاكم كليتوني بقشوري خلاص خلاص سحبنا رمستنا ..
اليازيه: هيه هذي الرمسه العدله ..
شوي الا يدق الباب صقر ..
صقر: حزب الله تغطوا ..
البنات: لحظه .. و تغطوا .. و هو دخل .
صقر: واااااي عليج فطامي محلوه بس حرمتي احلى ..
فاطمه: لا والله ..
صقر: لا فديتج غناتي حلوه اليوم ..
فاطمه: ادري مايحتاي تخبرني ..
صقر: انزين يلا وقعي ..
فاطمه و الخوف مبين عليها: شوووووووو ؟؟؟
صقر: بسم الله شياج وقعي ..
فاطمه: هاااااا اوكي ..
صقر: بلاج الغاليه ؟؟؟
فاطمه: ماشي .. و وقعت ..
صقر: مبروك حياتي .. و باسها على راسها و ظهر ..
ريم: مبروك ياعروس ..
فاطمه: الله يبارك فيكم ..
شوي الا تدق ام ذياب تخبرهم انه فاطمه لازم تنزل ..
نزلت فطيم و الكل كان يسمي عليها و على جمالها كانت حلوه من الخاطر .. بعد ماوصلت دخل حميد عشان يلبسها الشبكه .. و بعدين ظهر و سار يلس في الميلس و دخلت عليه فاطمه ..
حميد: مبروك عليج انا ..
فاطمه: الله يبارك فيك ..
يلس معاها شوي و قبل مايظهر .. مسك يدها ..
حميد: تصبحين على خير الغلا ..
فاطمه: و انت من اهله .. و باس يدها و ظهر ..
نزلت نوف و كانت بعد حلوه و دخل عليها محمد .. فاطمه كانت واقفه في الصاله تشوفهم محمد رفع عينه و التقت بعينها .. فاطمه حست بغصه و سارت فوق و لحقتها شهد .. محمد و نوف دخلوا الميلس و سولف معاها شوي و بعدين ظهر .. على الساعه 1 البيت تقريبا فضى ما كان باقي غير الاهل .. فاطمه بعد ماسارت فوق تسبحت و يلست تنشف شعرها .. و شوي الا انفجرت من الصياح .. وقتها دخلت عليها شهد ..
شهد: بسم الله شياج حبيبتي لييييش تصيحين ؟؟؟
فاطمه: ماشي بس تعبانه شوي ابا انام ..
شهد: فطامي بلاج انتي اليوم مب على بعضج ..
فاطمه: تتوقعين انها تكون سهله علي اشوف فيها محمد مع وحده غيري ..
شهد: خلاص غناتي انتي على ذمة حميد الحين و لازم ماتفكرين في محمد مايصير..
فاطمه: خلاص دخيلج شهد ابا انام ..
شهد: انزين .. و باستها على خدها و ظهرت..

خليفه كان في الشقه .. يلس يفكر في دلال .. والله احبها .. و قطع عليه حبل افكاره رنة الجوال ..
خليفه: اففففففففف شو تبا هذي بعد كفايه المشاكل اللي طاحت على راسي منها .. الووووو ..
هند: السلام عليكم ..
خليفه: وعليكم السلام خير شو تبين ؟؟؟
هند: انا دقيت عشان اخبرك اني بعد اسبوع ملجتي و ابا اقطع علاقتي فيك و الله يوفقك مع حرمتك ..
خليفه معصب: بعد اللي سويتيه فيني الحين ادقين و تخبريني انج بتتزوجين بعد مافرقتي بيني و بين حرمتي تعرفين شلون الله يوفقج و احمدي ربج اني ماكنت من النوع اللي يفضح و لا جان ماخليتج تتزوجين و خليت سيرتج على كل لسان .. و سد السماعه في ويهها .. خسرت كل شي دلال و حياتي ..
وقتها اتصل فيه هزاع ..
خليفه و التعب مبين عليه: الووو ..
هزاع: شحالك اخوي ؟؟؟
خليفه: تعبان ياهزاع تعبان ..
هزاع تخرع: بلاك انت وينك الحين خبرني ؟؟؟؟
خليفه: شحالها دلال ؟؟؟
هزاع: هي بعد تعبانه من فرقاك انت وينك الحين ؟؟؟
خليفه: مب لازم تعرف ..
هزاع: محمد و حميد زعلانين ليش انك ماحضرت الملجه ..
خليفه: ماعليك الحين بدق لهم .. و سد المساعه .. و اتصل في محمد ..
محمد: يامرحبا ولد العم ..
خليفه: مرحبا فيك الغالي مبروك ..
محمد: الله يبارك فيك بس انا زعلان ..
خليفه: ياخي سامحني ..
محمد: عاذرك ياولد العم انت شحالك الا وينك ترى امك واااااايد تحاتيك و الكل بعد ..
خليفه: انا عايش و الحمد لله انتوا شحالكم ؟؟؟
محمد: دونك مانسوى شي ..
خليفه: ماعليك انا ان شاء الله راجع ..
محمد: متى ؟؟؟
خليفه: لين تتحسن الامور بيني و بين دلال ..
محمد: ياخي مب حاله هذي اللي انت عايشها البنت ماتدري عنك عايش ولا ميت تاكل و لا لا وين يالس الحين ارجع لها ولازم تتفاهمون ..
خليفه: لين اكون مستعد ..
محمد: اسمحلي ولد العم بس اذا عليك مابتستعد خير شر ..
خليفه: خلها على الله المهم سلم على حميد و بارك له و استسمح منه ..
محمد: يوصل يوصل بس نبا نشوف اليوم اللي نكون فيه كلنا مجتمعين ..
خليفه: قريب قريب يلا الحين اخليك انا تعبان و ابا انام ..
محمد: حط بالك على نفسك ..
خليفه: و انت بعد لا يطير عقلك ..
محمد: هو اصلا بقى فيني عقل عشان يطير ..
خليفه: هههههههههههههههههههههه و الله و طحت طيحه بوجسيم ..
محمد: شفت شلون ..
خليفه: الله يوفقك يلا بااااااااااي ..
محمد: باااااايااااااات ..
و اتصل محمد في حميد ..
حميد: هلا المعرس ..
محمد: هلا فيك يالمعرس شحالك بعد هالليله ؟؟؟
حميد: اسكت مب عارف راسي من ريلي ..
محمد: هههههههههههههههههه نفس الحال الا اخبرك خليفه يسلم عليك و يقول لك مبروك و يستسمح منك لانه تعبان و ماقدر يحضر ..
حميد: مسموح مسموح و الله يساعده الا انت وينك الحين ؟؟؟
محمد: تصدق مااقدر انام شو رايك اخطف عليك و نسير البحر ..
حميد: و انا اترياك ..
خطف محمد على حميد و ساروا البحر ..

في بيت بومحمد الساعه 4 ..
طلال كان يالس في الصاله و هموم الدنيا كلها على راسه .. نزل بومحمد و شافه ..
بومحمد: طلال ...
طلال: خير بويه ..
بومحمد: وين اخوك ؟؟؟
طلال: معاريس و سايرين برع ..
بومحمد:ههههههه الله يوفقهم يلا امش نسير المسيد .. و ساروا ..
وهم في طريج الرده ..
طلال: بويه ..
بومحمد: امر ..
طلال: مايآمر عليك عدو طلبتك ..
بومحمد: طلباتك اوامر ..
طلال: ابا اكمل نص ديني و اتزوج ..
بومحمد: و هذي الساعه المباركه خلاص خبر اميمتك و هي بتلقى لك البنت اللي تسعدك ..
طلال: لالا البنت موجوده ..
بومحمد: منو ؟؟
طلال: اليازيه بنت عمي عيسى ..
بومحمد: و النعم فيها خلاص انا برمس امك و بنسير نخطبها لك ..
طلال يبوس راس ابوه: مشكور و ياعسى عمرك طويل ..
بومحمد: ان شاء الله و اشوف عيالكم ..
طلال: ان شاء الله ..

عند البحر ..
بعد مارجعوا الشبيبه من الصلاه ماساروا البيت رجعوا مكانهم ..
حميد: محمد..
محمد: خير ..
حميد: انت لحد الحين تحب فطيم ؟؟؟
محمد انصدم من سؤال حميد يالله الحين شو بخبره هيه انا احبها والله لا يحفر قبري مكان ريله ..
محمد: شووووو ؟؟؟
حميد: انت لحد الحين تحب فطيم ولا لا ؟؟؟
قام محمد و وقف و وايه البحر و حط يده في مخابيه ..
محمد: شووو اللي خلى هالسؤال يطري على بالك الحين ؟؟؟
حميد: جاوبني يامحمد ..
محمد: ..................................... و نزل راسه ..
حميد: انا بس ابا اتأكد ..
محمد: من شو تتأكد ؟؟؟
حميد: هي خبرتني انها نستك و انا ابا اعرف انك نسيتها ...
محمد: و شو بتستفيد ؟؟؟
حميد: انا ريلها و ابا اعرف ..
كانت رمسة حميد مثل السيوف اللي تقطع قلب محمد والله حرام عليك ياحميد حرام عليك تقول هالرمسه انا احبها بس شوو بيكون تصرفك لا عرفت ..
حميد: محمد انا مب متحرك من هالمكان الا لين اعرف ..
محمد: مب لازم تعرف ياحميد ..
حميد: الا لازم ..
محمد: اعفيني من الاجابه مااقدر اجاوبك ..
حميد: يعني تحبها ..
محمد: ...........................
حميد: دخيلك محمد افتح لي قلبك و خبرني و صدقني مابحقد عليك ولا هم يحزنون بس ابا اعرف شو اللي داخل قلبك ..
محمد: اخاف اجرحك ..
حميد: لا تخاف ..
محمد: حميد الله يخليك ..
حميد: محمد ترى مصختها يلا عاد ..
محمد: ياخي و انت ليييش تبا تعرف ؟؟؟
حميد: ابا اعرف اللي في قلبك ..
محمد: انا مااعرف اعبر عن اللي في قلبي لأي احد حتى اخوي اللي هو اقرب الناس لي مايعرف ..
حميد: انت يالس تكتم اللي في قلبك لين متى صدقني بعدين يتحول لمرض خبرني ولا ترى لا انت تعرفني ولا انا اعرف ..
محمد: اففففففففففف منك حنان الله يعين فطيم عليك ..
حميد: هههه لا تغير السالفه خبرني ..
محمد: يالله انت طالع على منو حنان و عنيد ..
حميد: هالصفه تسري في كل شباب العيله لو تدري ..
محمد: حميد يقولون الحقيقه تجرح و انا مابا اعور قلبك و اخليك تنجرح خلاص عاد ياخي افهم الرمسه خلاص مب لازم اعيد الرمسه مرتين ..
حميد: محمد ترى انا عنيد و الا اعرف .
محمد: تعرف شلون دامك مصر و تبا تعرف و صدقني هالرمسه اللي بتطلع مني الحين بتجرحك و صدقني بعدها تبا تكسرني و تحفر قبري تحتك و ارجع اذكرك انت اللي حنيت على راسي اني اخبرك و لتحمل اللي ياي انا ......................... و سكت ..
حميد: انت شوو ؟؟؟
محمد يزاعق: ياحميد شلون تباني انسى حب 6 سنين شلون خبرني ..
حميد انصدم: شلون 6 سنين و حنا مانعرفهم الا من 3 سنين ..
محمد: خبرتك مااعرف اعبر اسمع قبل 6 سنين كنت مسافر عندي دوره في امريكا.. صقر و فطيم و شهد و ام صقر كانوا هناك بالصدفه التقيت صقر و عرفني لانه كان ربيع ذياب من هم صغار و قتها شفت فطيم و مثل ماتقول حب من اول نظره حبيتها و كنت ناوي اخطبها بس الله ماراد و من يومها و هي ماتفارق بالي الين يا ذاك اليوم اللي توفت فيه ام صقر و عرفنا انه عمي تزوج شفت فطيم لين كنا يالسين في الميلس و بعدين انت تعرف الباقي ..
حميد: .................................
محمد: اظن الحين الوقت المناسب انك ترمس او تقول شي صدقني ياحميد انا ماكنت ابا اخبر احد و كنت باكتم اللي في قلبي بس انت اللي خليتني اتكلم و انا مااقدر اخسر صداقتك لانك مثل اخوي و اكثر ..
حميد: اسمعني بوجسيم انت الحين على ذمتك وحده ولازم تسعدها و تنسى صفحه في حياتك اسمها فاطمه و حميد ..
محمد: بلاك انت و جاسم و حمدان ياخي انتوا متدربين على نفس الرمسه كلكم ..
حميد: يعني جاسم و حمدان خبروك انه تنساها ..
محمد: خلاص الغالي عشان خاطرك بنساها بس مااوصيك عليها ..
حميد: في عيوني كفايه انه انت اللي موصيني عليها ..
محمد: انزين يلا تعال نسير البيت ترى انا تعبان حييييييييييييييل ...
حميد: يلا ... و ساروا ..

دلال و خليفه شو بيستوي عليهم؟؟
فطيم بتنسى محمد ولا ؟؟
محمد بيحب نوف ولا ؟؟

اليوم الثاني في بيت بوذياب ..
كان بوذياب مسوي غدى على شرف المعاريس .. بعد ماوصلوا البنات ساورا المطبخ يجهزون و حميد و فطيم ساروا الميلس .. و محمد كان بيت بومعضد و بعدين بييهم ..
في الميلس ..
حميد: ها نمتي امس ؟؟؟
فاطمه: هيه ..
حميد: انا عن نفسي تميت سهران لحد الساعه 5 مع محمد على البحر و بعدين سرنا البيت ..
فاطمه: اخبار محمد و نوف ؟؟؟
حميد: والله محمد يقول انهم بخير ..

في المطبخ ..
البنات كانوا يزهبون الغدى و السويت و حالتهم حاله و كل شوي واحد من الشباب يدخل عليهم و يطفر بهم و يظهر .. اخر واحد دخل حمدان عاد المسكين دايما هو اللي ياكلها ..
هيا: حمدان خلاص عاد نبا نخلص شغلنا ..
حمدان: المفروض انتي ماتشتغلين ..
ريم: ليش ان شاء الله الشيخ على راسها ريشه ..
حمدان: لا بس توها مربيه و لازم ماتتحرك وايد ..
ريم: عن التبريرات اللي مالها داعي حتى انا ترى مربيه ..
نوره: حمدان يلا عاد اظهر نبا نخلص شغلنا ..
حمدان: بل بل لهالدرجه ماتحبوني ..
دلال: لا الشيخ مخلين الحب كله حقك و حرمتك ..
شوي الا تدخل عليهم ام عبدالله ..
ام عبدالله معصبه: حمدون شو تسوي هني مع البنات خلهم على راحتهم ..
حمدان: اميمتي والله ماسويت شي بس ييت اسولف مع هياوي مشتاق لها ..
ام عبدالله: ليش الشيخ مسافر عنها ولا مفارقها يلا اظهر ..
حمدان: انزين انتي ليش تزاعقين علي الحين انا والله مسكين كله يهزبوني ..
ام عبدالله: شووووو انت المسكين الا انت العقل المدبر في هالعيله و الشر كله الشبيبه خبروني انك اطفر بالبنات و مامخليهم على راحتهم ..
حمدان: الشباب هاااا .. و ظهر ..
دخل حمدان الميلس .. الشباب كانوا يالسين على جنب و الشواب على الصوب الثاني ..
حمدان: عنلاااااااااااتكم انا الحين اطفر بالبنات هاااا ..
و قاموا الشباب يصارخون في الميلس و شالين البقعه .. هني الشواب عصبوا ..
بوعبدالله: خلااااااااااااص بس عاد ..
بومحمد: انتوا ماتستحون على ويوهكم ..
بوذياب: حشمونا على الاقل صدق انكم ماتستحون ..
الشباب: حنا آسفين ..
بوراشد: و حنا وين نصرف اسفكم خبروني ..
بوسلطان: تعرفون شلون عشان تتأدبون مره ثانيه و ماتسوون حركات يهال نباكم تغسلون الحوي لانه وصخ و صار له اسبوع هب مغسول ..
الشباب: شوووووووووووو ؟؟؟
جاسم: الحوي مره وحده قول السيارات ..
بوعبدالله: لا الشيخ الحوي اول و بعدين السيارات ..
عبدالله: شوووو بعد السيارات ..
ذياب: حرام عليكم والله وااااايد ولا تحت الشمس الحاره بعد ..
بوعبدالله: بلاكم عشان تسمرون زياده ياخي سماركم هب عاجبني ..
بوذياب: والله محد خبركم يلسوا صارخوا في الميلس ..
الشباب: ان شاء الله تامرون امر ..
و كل واحد رفع كندورته و عق السفره و شمروا و ساروا خذوا الماي و الدلو و الاغراض اللي يحتاجونها عشان يغسلون و ساروا .. البنات انتهزوا الفرصه و خذت اليازيه كيمرة الفيديو و تصور ..
صقر: حمدان كله منك ..
حمدان: والله محد قال لكم تخبرون الوالده اني اطفر بالبنات مااعرف من اللي قال خلونا نسير حق البنات صح ياجاسم ..
جاسم: انا شو دخلني هذي فكرة سلطان ..
سلطان: جذاب هذي فكرة طلال..
طلال: حرام عليكم انا ساكت من اول ماوصلت ..
شوي الا يدخل عليهم محمد و الابتسامه شاقه الحلج و مستانس و شالنه الهوى يغني ..
محمد: السلام عليكم .. و سار داخل ..
حمدان: تريوا شوي عليه و بيظهر و هو رافع الكندوره و السفره عاقها داخل و الابتسامه اختفت و رافع حياته ..
شوي الا محمد طالع لهم و مثل ما قال حمدان الابتسامه اختفت و الكندوره مرفوعه و رافع حياته ..
محمد معصب: انتوا شو سويتوا .؟؟؟؟
جاسم: هذا سلطان خبرنا نسير نطفر البنات في المطبخ و بعدين حنا قلنا للوالده ان حمدان هو اللي كان يطفر بهم جان نقوم نصارخ في الميلس وقتها الشواب عصبوا واحكموا علينا نغسل الحوي و بعدين السيارات ..
حميد: و الاخت اليازيه تصور ..
اليازيه: والله اشكالكم حلوه ..
ظهر لهم بوعبدالله ..
بوعبدالله: يلا بنات الغدى ...
ساروا البنات داخل و الشباب توهم بيدخلون ..
بوعبدالله: على وين ؟؟؟
حمدان: على حمر عين يعني على وين الغدى الحين ..
بوعبدالله: لا الشيخ بعد ماتغسلون السيايير ..
سلطان: والله حرام عليك عمي حنا يواعه و على لحم بطنا من الصبح ..
بوعبدالله: والله محد قال لكم تزاعقونذ في الميلس .. و سار داخل ..
محمد: والله العقاب ماشي على الكل يلا بسرعه نخلص ترى الشمس حرقتنا ..
عبدالله: والله حرام عليكم انا توي معرس يديد ..
حميد: ها ها ها حتى حنا ..
بعد ربع ساعه من التعب و الشقى والحر و كل واحد يتحلطم على الثاني كله منك و كله منك و هذي فكرتك شوي و يتضاربون .. ظهروا البنات حق الشباب و في يدهم صحون ..
دلال: تبون الصراحه حنا اشفقنا عليكم و قلنا نييب لك الاكل بس هاا تحملوا الشواب مايعرفون ..
هزاع: والله ماانسى هالجميل لكم طول حياتي ..
الكل: ههههههههههههههههههههههههههههههههههههههههههههههه ...
بعد ماخلصوا الشباب من اكلهم ساروا و دخلوا السيارات الكاراج ..
(( عبدالله عنده نيسان احمر .. حمدان و جاسم فراري اسود و عليه تواقيع و انتوا عارفين حركات الشباب .. سلطان نفس عبدالله نيسان احمر .. خليفه موستنغ فضي .. هزاع و حميد عرج خوال الله يسلمكم بعد فراري بس اصفر رهيييييييب شكله.. صقر و ذياب كورفت ابيض .. حميد كروزر عنابي .. محمد رنج ذهبي .. طلال بعد رنج بس برتقالي شكله رزه و كشخه )) ..
اول شي حمدان و جاسم ابتدوا في سياييرهم و خلصوها و بعدين ساروا يساعدون عبدالله و سلطان في سياييرهم .. حميد و طلال يشتغلون على سيارة طلال .. محمد و هزاع على سيارة محمد ..
محمد: هزاعوه شوي شوي على سيارتي ..
هزاع: اسكت عني ترى واصل حدي تعبان حاس اني بمووووت من الحر كفايه اني اسمر واحد فيكم بعد اتنقع تحت الشمس والله البنت بتعوفني ..
الكل: ههههههههههههههههههههههههههههههه ..
صقرو ذياب خلصوا من سياييرهم و دخلوا داخل و هم يحرون الباقي جان يهزبهم بوعبدالله و ردهم برع ييلسون في الحر هههههه.. خليفه بعد ماخلص سيارته ترخص منهم و سار الشقه .. حاول هزاع يلحقه بس ماقدر يعرف وين مكان الشقه .. بعد ماخلصوا الشباب من الغسيل ساروا داخل و الصابون على ويوههم و الماي مخيسهم يعني شكلهم كان يفطس من الضحك و طبعا ماسلموا من كيمرة اليازيه هي يالسه تصور و رايقه و هم يصارخون عليها .. ساروا الشباب فوق عشان يتسبحون و بعدين بيسيرون يتحوطون في السنتر .. ذياب و صقر و حمدان في غرفة ذياب .. محمد و طلال و حميد في غرفة صقر .. عبدالله و جاسم في غرفة شهد .. سلطان و هزاع في غرفة فطيم ..
في غرفة ذياب ..
ذياب: يلا عاد حمدوون ترى مصختها هالكثر عشان تتسبح ..
صقر: ياخي يلا ترى خسنا ..
حمدان وهو ظاهر من الحمام: آآآآآآآآآآآآآآآآآآآآآآه يالله يا محلاتها النظافه ..
ذياب: بل بل حمدان من ساعه كنت اسود ماتنشاف و الحين يامحلاتك الحين ابيضاني ..
صقر يقوم: انزين ذياب انت ايلس سولف مع حمدان و انا بسير اتسبح ..
في غرفة صقر..
محمد: يلا عاد طلال عن السخافه ترى مصختها ..
حميد: طلال اظهر ترى بادخل عليك ..
طلال: انزين انزين عنبوه الواحد ماياخذ راحته في هالبيت .. و ظهر ..
محمد: مابغيت .. و دخل .. و حميد المسكين تنقع لا و قايل انه هو اول واحد بيدخل هههه ..
في غرفة شهد..
جاسم خلص بسرعه و تكشخ و نزل تحت و عبدالله سار بعده يعني اثنينهم متفقين فخلصوا اول ناس ..
في غرفة فطيم ..
هزاع: ياخي صار لك ساعه يلا اظهر ..
سلطان وااااااااااايد يطول ..
سلطان: اتريا بعد ربع ساعه ..
هزاع: شو ربع ساعه صرت مااطيق عمري يلا عاد ..
دخل عليهم حمدان ..
حمدان: انت لحد الحين ماتسبحت ؟؟؟
هزاع: لا الشيخ سلطان طول ..
سلطان وهو ظاهر: ادخل ادخل حشرتنا ..
حمدان: انزين سمعوا ناصر اخو جراح الله يرحمه بيي و احمد ربيعنا و معضد اخو نوف حرمة محمد و المر و عبيد اخوان شيخه الله يرحمها و خالد و سعود و فهد بيون السنتر ..
هزاع: حلاته من زمان مااجتمعنا ..
حمدان: انزين يلا بسرعه .. و ظهر ..
بعد ماجهزوا الشباب و كشخوا و ريحة العطر تفر الراس ظهروا كل واحد بسيارته ..
وصلوا السنتر و يلسوا في ستاربكس .. شوي الا المر و عبيد و احمد حادرين عليهم ..
المر+عبيد+احمد: السلام عليكم ..
الشباب: وعليكم السلام ..
المر: شحالكم شباب ؟؟؟
حمدان: اذا انت بخير انا بخير ..
عبيد: عيل انت تمام التمام ...
جاسم: لييييييييش صاير شي ؟؟؟
عبيد: عندنا بشاره بس تريوا لين نجتمع كلنا ..
عبدالله: احمدوه شحالك ؟؟؟
احمد: اصغر عيالك ولا لاعب معاك تيله ..
عبدالله: لاعب معاي تيله ..
احمد: الحمد لله بخير مانشكي باس ..
ناصر+سعود+خالد+فهد+معضد طلعوا ربع من زمان اللي دارس مع الثاني في الاعداديه و الثانويه و اللي متهاوش مع الثاني و بعدين تصالحوا المهم شوي الا شوي و حادرين عليهم ..
الشباب: السلام عليكم ..
الكل: وعليكم السلام ..
جاسم: شحالكم شباب ؟؟؟؟
معضد: تمام مانشكي باس ..
خالد: انتوا شحالكم ؟؟؟
حمدان: تمام ..
فهد: والله صار لنا فتره مااجتمعنا ..
عبدالله: هيه والله ..
محمد: انزين المر شو هو الخبر الحلو ؟؟؟
عبيد: احم اخبرهم ولا انت ؟؟؟؟
المر: لا انت خبرهم انا استحي ..
حميد: يالله يستحي الولد اشوف الخدود توردت ..
الكل: هههههههههههههههههههههههه ..
عبيد: المر بيعرس بعد اسبوع ..
طلال: افااااااااااااااااا يالخاين تعرس بدون ماتخبرني انا الحين اترياك عشان يكون عرسنا في يوم واحد و انت الحين تخبرني بعد اسبوع بعرس ..
المر: ياخي مليت من كثر مااتريا ..
معضد: هيه والله حياة العزوبيه مب حلوه ..
جاسم+طلال: شووووو تقصد ؟؟؟
هزاع: بل بل كليتوا الريال بقشوره ..
خليفه: اوووووووه صح انتوا لحد الحين ماعرستوا ياليهال ..
ناصر: يهال خخخخخخخ ..
ذياب: على الاقل طلال الحين خاطب و ينتظر الموافقه مب جاسم اللي مايدري وين الله حاطه لا راضي يخطب ولا يرمس منو البنت اللي يباها ..
جاسم: وانت ليش محتر حرمتي و كيفي ..
خليفه: جسيييييييييييم ..
سلطان: مايرضى عليها بعد منو هذي تعيسة الحظ اللي بتوافق عليك ؟؟؟
جاسم: تبوس يدها وش و ظهر و تصلي كل يوم ركعتين اني ظويتها ..
فهد: لا صدق جاسم متى بتخطب؟؟؟
جاسم: بعد عرس طلال ان شاء الله عشان الشواب يكونون فاضيين و ماوراهم شي و انا اصلا ابا عرسي يكون اسطوري و الكل يرمس عنه ..
حمدان: انت بس عرس انا بنفسي بسوي لك مسيره لا صارت ولا استوت كم توأم عندي ..
عبدالله: ثلاثه ..
ناصر: شووو من متى ؟؟؟
صقر: الله يسلمك ولد حمدان نسخه عنه هو و جاسم ..
فهد: عندك صورته ..
حمدان يظهر الجوال من مخباه: كاهو ..
خالد: وااااااااي عليه الله يحفظه ..
حميد: شوفوا ترى انا يوعان ..
حمدان: هيه والله مايرزا علينا هالغسال اللي غسلناه ..
احمد: شوووو ؟؟؟
عبدالله: الله يسلمك ... و خبرهم السالفه .. فطسوا الشباب عليهم من الضحك ..
وهم يسولفون حدر عليهم ولد و وايه حمدان وهو معصب و الشرار يظهر من عينه ..
الولد: هذا انت ..
حمدان: خير الشيخ اعرفك ..
الولد: لا بس حاول تتذكر ولك ويه تيي هني بعد اللي سويته فيني صدق انك ماتستحي والله ماانساها لك و انا ياي انتقم ..
حمدان وقف: شوووو تنتقم من شوووو لا يكون كليت حلالك ولا ذبحت لك حد من هلك و انا ماادري ..
الولد: نسيت ذاك البكس اللي عطيتني ياه ..
هزاع: اهاااااااااااااااا حمدان هذا الولد اللي عطيته بكس ذاك اليوم لانه حط الرقم يدام .. انت عارف منو ..
حمدان: هيه هذا انت شو تبا مني الحين ؟؟؟
الولد: انا ياي ارد اعتباري و اعطيك بدل الصاع صاعين ..
حمدان: شوو بتسوي ؟؟؟؟
الولد: مايحتاي تسأل انت عارف ...
محمد: احم احم .. و ظهر شارته مالت الشرطه و حطها على الطاوله و فتحها ..
الولد انتبه على الشاره نزل يده ..
محمد: قلت شي اخوي ؟؟؟
الولد: لا سلامتك ..
حمدان: اعرف منو انا بعدين تعال ارمس ويايه ..
الولد: مردوده ..
الشباب يغنون: مردوده مردوده والله ماخليها صبرك علي صبرك و افاجأك فيها ...
حمدان: و انا اتريا ..
سار الولد و هو معصب صدق احترق ويهه لين محمد طلع شارته ..
حمدان: ياخي تنفع في الاوقات الصعبه ..
محمد: ولد عمك و اعجبك ..
ناصر: حميد و محمد متى عرسكم ان شاء الله ؟؟؟
حميد: انا الشهر الياي ..
محمد: انا مب مسوي عرس على طول بسلم على حميد و بنسافر انا و حرمتي شهر العسل ..
حميد: افاااااااااااا ليش انزين ؟؟؟
محمد: والله الحرمه ماتبا عرس ..
خليفه: على وين ؟؟؟؟
محمد: بريطانيا ان شاء الله ..
حميد هني صدق زعل: لا لا يامحمد لازم تسوي العرس معاي مايصير عاد انا انتظرك ..
محمد: حرمتي ماتبا و مااروم ارفض لها طلب ..
حميد: شو هالرمسه .. و قام عنهم .. و سار وراه محمد ..
سعود: بلاه حميد زعل صاير شي بينهم ؟؟؟؟
ذياب: هااااااا لا بس كانت ملجتهم في يوم واحد و حميد بغى العرس بعد في يوم واحد بس حرمة محمد ماتبا و هو مايبا بعد فقرر انه يسافر يوم عرس حميد طبعا بعد مايسلم عليه ..

عند حميد و محمد ...
محمد: حميد حميد انزين اسمعني ..
حميد: يوم سفرك في يوم عرسي انت عارف معناة هالرمسه انت لحد الحين تحب فطيم ..
محمد: خبرتك الف مره انا فطيم نسيتها و خلاص لا تعيد و تزيد في هالسالفه ..
حميد: عيل ليش ماتبا تسوي عرس ؟؟؟؟
محمد: ابا اطول شهر العسل شوي لانه عندي دوام ..
حميد: متأكد ؟؟؟
محمد: هيه متأ........................ و سكت ..
حميد: بلاك بوحسيم ؟؟؟؟
تيبس محمد مكانه لين شاف هالمنظر .. كان ربيعه وليد >> اكيد تتذكرونه .. مع البنت اللي كان معاها محمد اللي هي مريم ماشيين مع بعض .. رجعت به ذاكرته لين ذاك اليوم اللي تعرف فيه عليها و لين ساروا الشقه و لين كانوا يشربون و لين و لين ... هو صار له فتره طويله مايعرف عنهم اي شي لا يرمسهم ولا هم يحزنون .. وليد انتبه على محمد انه يطالعهم .. و سار له ..
وليد و بخبث: السلام عليكم ..
محمد سحب حميد من يده و سار بدون مايسلم عليه ..
وليد: انا اعرف انه السلام لويه الله ..
محمد: امثالك مايستاهلون السلام ..
وليد: ليييييييش الشيخ نسيت انك مثلي ...
محمد: قلتها بنفسك الشيخ و بعدين انا تبت و دعيت ربي يغفر لي مب استمريت في الخطأ بس مااقول غير الله يصلحك .. و سار ..
مريم حنت حق محمد هيه صدق تحبه و تمووووووت على التراب اللي يمشي عليه بس كانت تكابر يدام وليد >> شو تبا بعد عندها وليد معوضها عن كل شي ... الله يصلح الجميع ... و قبل مايسير ..
مريم: محمد ...
التفت عليها محمد: خير ختيه ..
مريم: افاااااااااااا نسيت الايام اللي قضيناها مع بعض ..
محمد: استغفري ربج يابنت و بطاقة عرسي بتوصلج انتي و هالخام اللي عندج .. و سار ..
حميد: حرام عليك ليش ترمسها جذي ..
محمد: ماانكر اني كنت واحد منهم بس هالاشكال ياحميد مايجون الا بالعين الحمره ..
و سار عند الشباب ..
ذياب: مابغيت ترضى جان تأخرتوا زياده ..
محمد: شو اسوي به مارضى الا لين حضنته و بسته على خده و خبرني انا مابرضى الا بأسكريم ..
حميد: حووووووو ياهل انا ..
صقر: حميدووه طحت من عيني اسكريم عاااد ..
حميد: والله انك جذاب ياخي طالع على منو ؟؟؟
محمد: انت تقول العناد صفه تسري في شباب العيله و الجذب بعد ..
عبدالله: افاااااا حنا جذابين ..
و قاموا عليه الشباب ..
محمد: كله منك حميد قاموا علي ياليتني مانطقت ..
حميد: تستاهل الله مايضرب بعصا ..
الشباب: هههههههههههههههههههههههههه ..
طلبوا الشباب و قعدوا ياكلون من اليوع مساكين ههههههههه .. و بعدين ساروا يتمشون .. محمد سحب جاسم و سار معاه ..
حمدان: على وين ؟؟؟؟
محمد: على حمر عين .. لا بس بغيت اشتري هديه حق غناة روحي و ابا جاسم معاي .. و ساروا ..
جاسم: انزين شو تبا تاخذ لها ؟؟؟
محمد: طقم الماس طبعا ..
جاسم: انزين تعال .. و ساروا داماس ..
خذى لها محمد طقمين حلويييييييييين .. و اللي استغرب منه محمد انه جاسم خذى بعد طقم رهييييييييييييييييييييب ..
محمد: حق منو ؟؟؟
جاسم: حق حرمتي ..
محمد: لا والله ..
جاسم: هيه والله ..
محمد: س سؤال شلون توصف غلاها في قلبك ؟؟؟
جاسم: ج جواب غلاها ماينوصف يامحمد هي روحي و عقلي و كل مافيني ياخي انت ماتعرف شكثر عانيت عشان اوصل حق هاللحظه انا لولاها كنت ميت الحين بس هي عطتني الامل طبعا من بعد ربي اني استمر و احارب المرض عشانها .. صدقني كنت خايف افقدها بس الحمد لله ..
محمد: يالله ياجاسم كل هالحب في قلبك و مخبيه ..
جاسم: شفت عاد ..
محمد: الله يوفقك ياجسيم و تاخذ اللي تباها ..
جاسم: الله يسمع منك و يوفقك مع نوف ..
محمد: ان شاء الله .. و رجعوا حق الشباب ..

بعد هالطلعه الحلوه رجعوا الشباب بيت بوذياب و كل واحد شايل كيس حق حرمته >> الله على الرومنيسه .. و بعدين كل واحد سار بيته ...

مر شهر .. يوم الخميس عرس حميد و فاطمه ..
كانوا البنات فوق يتعدلون بس نوف و محمد كانوا في البيت يجهزون شناطهم عشان السفر .. بعد ماخلصوا حطت لها نوف مكياج خفيف عشان تسلم على العروس و يسيرون .. حميد كان يالس على اعصابه يتريا محمد عشان يشوفه قبل مايسافر ..
حمدان: اركد شوي ترى الركاده زينه ..
حميد: ياخي اخاف محمد ماايي ..
جاسم: لا تخاف محمد عند كلمته ..
ذياب: انزين اضحك ابتسم على الاقل ..
حميد يبتسم: هااااا ارتحت ..
قاماو الشباب يوولون و يرزفون شوي عشان ينسون حميد همه .. شوي الا الريال الهيبه اللي الكل يحسب له حساب يحدر عليهم الكل وقف لين دخل محمد .. سار حق حميد و الابتسامه شاقه الحلج ..
محمد: مبروك يا حميد ..
حميد: الله يبارك فيك ليييش ابطيت ؟؟؟
محمد: سوري بس كنت اجهز شنطتي ..
حميد: والله حرام عليك ..
محمد: هذا واقع ولازم ترضى فيه على العموم الله يوفقك و لاتنسى سلم على فطيم و بارك لها ..
حميد: انت رمسها و بارك لها ادري انك تحبها ..
محمد: هالموضوع منتهي ..
طلع حميد جواله و اتصل في فطيم ..
فاطمه: الووو ..
حميد: مرحبا فطيم ..
فاطمه: هلا بغيت شي ؟؟؟
حميد: هيه لحظه في حد بيسلم عليج .. و عطى محمد الموبايل .. و سار بعيد عشان ياخذ راحته ..
محمد: السلام عليكم ..
فاطمه: لحظه شوي .. ترمس البنات .. بنات ممكن تظهرون شوي .. و ظهروا ..
فاطمه: هلا محمد ..
محمد: مبروك بنت العم ..
فاطمه: الله يبارك فيك وينك انت في العرس ؟؟؟؟
محمد: هيه بس بسلم على حميد و نوف بتسلم عليج و بنسافر خلاص بس بغيت اسلم عليج .. سد الساعه و ماعطاها فرصه ترمس ..
محمد: اندوك .. و عطاه الموبايل .. مع السلامه .. سلم على الشباب و سار يتريا نوف في السياره .. وهموم الدنيا كلها على راسه نزلت دمعه من عينه بس حاول مايبينها حق نوف ..

عند البنات..
نوف: فطيم ..
فاطمه: هلا حبيبتي ..
نوف: مبروك الغاليه ..
فاطمه: الله يبارك فيج و مبروك عليج انتي ..
نوف: الله يبارك فيج .. خلاص بس حبيت اسلم عليج .. و قبل ماتظهر ..
فاطمه: نوف ..
نوف: هلا ..
فاطمه: حطي بالج على محمد ..
نوف: لا توصين حريص غناتي هو في عيوني .. و سارت بعد ماسلمت على البنات ..

في السياره ..
نوف: فطيم تسلم عليك ..
محمد: الله يسلمها من كل شر .. هااا سرنا ..
وصلوا نوف و محمد المطار و قبل مايدخل من البوابه ..
طلال يصارخ: محمد ....
انصدم محمد يوم سمع صوت طلال ..
محمد: طلال انت شو تسوي هني ؟؟؟؟
طلال: الحق دلال تعبانه حيييييييل و قالت لي انه مااخبر احد غيرك تعال الله يخليك هي في البيت ..
محمد يطالع نوف...
نوف: مب لازم نسافر امش اختك تعبانه و لازم تكون عندها ..
و ساروا البيت ..
دلال كانت يالسه على الكرسي و تصرخ من الالم ..
محمد: حياتي بلاج ؟؟؟؟
دلال: تعبانه يامحمد تعبانه مااقدر اتحمل ..
قاموا الشباب و ودوها المستشفى .. و بعد نص ساعه ..
محمد+طلال: هااااا دكتور بشر ؟؟؟؟
الدكتور: لا الحمد لله بس كانت تعبانه اختك بنية جسمها ضعيفه و ماتتحمل اي الم بس الحمد لله عطينها مهدي و الحين هي بخير ..
محمد: و الياهل ؟؟؟
الدكتور: لا هو بخير ..
دخلوا الشباب عند دلال و كانت نايمه .. قعد عندها طلال و محمد ظهر برع مع نوف ..
محمد: سامحيني الغاليه كان لازم نسافر ..
نوف: لا المهم اني اكون معاك خلاص مانبا نسافر مب لازم الحين ..
محمد: شكلج تعبانه تعال اوديج بيت ابوج ..
نوف: لا ودني الشقه ..
محمد: اوكي .. و وداها ..
لين وصلوا ..
نوف: سير حق اختك ..
محمد: انزين انتي بتمين بروحج ..
نوف: تبا الصراحه انا تعبانه و ابا انام ..
محمد: انزين اذا بغيتي شي اتصلي لي .. و باسها على راسها و ظهر ..
نوف يلست على السرير تفكر في حياتها مع محمد شلون بتكون هي كانت حاسه انه يحب فطيم .. لازم انسيه فطيم البنت على ذمة ريال ثاني .. و نامت من زود التعب ..

في العرس ..
عند باب القاعه حميد كان واقف مع الشباب .. و كان صدق متضايق انه محمد مب موجود ..
حمدان: تباني ازفك ترى ماعندي مانع منها اسلم على العروس و ابارك لها و منها اشوف حرمتي ..
حميد: لا استريح الوالد موجود و عمي موجود .. الا طلال وينه ؟؟؟؟
جاسم: مااعرف خبرني عنده شغله مهمه ولازم يخلصها ..
حميد: و شغلاتهم ماتظهر الا ليلة عرسي شو هالحاله كفايه انه محمد مب موجود و الحين طلال و راشد اخوي خبرني انه مايقدر يحضر شو هالحاله ..
عبدالله: انزين على الاقل ابتسم لا تكشر ترى فطيم بتخاف ..
شوي الا حادر واحد و الابتسامه شاقه الحلج و كان كاشخ على الاخر ..
حميد: انت هني ...

في المستشفى ..
محمد وصل و دخل عند دلال و طلال ..
محمد: شحال الحلوين الحين ؟؟؟
دلال: والله بخير .. الا وين نوف ؟؟؟
محمد: في الشقه نايمه ..
دلال: يامحمد والله سوري كان لازم تسافرون ..
محمد: ماعليج يالغاليه بنسافر ان شاء الله لا تحاتين ..
طلال: محمد ترى حميد واااااااايد زعلان عليك و متضايق انك سرت و ماحضرت عرسه ..
محمد: ادري عاتبني قبل مااسير ..
طلال: اتصل فيني هزاع و خبرني انه حميد الحين بيدخل على فطيم ..

في العرس .. عند باب القاعه ..
حميد: راشد ..
راشد: مبروك يا خوي ..
حميد: الهو يبارك فيك انت متى وصلت ؟؟؟؟
راشد: توي من ربع ساعه قلت مايصير مااحضر عرس اخوي ..
حميد: تسلم يالغالي ..
راشد: الا وين محمد و طلال ؟؟؟؟
جاسم: محمد سافر مع حرمته و طلال قال انه عنده شغله مهمه و لازم يسويها ..
دخل حميد مع ذياب و صقر و بوذياب و بوسلطان .. رفع الطرحه عن فطيم و كانت حلوه من الخاطر ملاك نازل من السما باسها على راسها و يلس عندها .. سلموا عليها اخوانها و ابوها و عمها و صوروا معاهم و بعدين ظهروا .. على دخلة حميد القاعه دخل محمد من الباب الثاني عند الشباب الكل شافه و انصدم ..
محمد: هلا براشد شحالك ؟؟؟
راشد: والله تمام انت شحالك ؟؟؟
محمد: بخير ..
راشد: خبروني انك مسافر ..
محمد: اجلتها ..
عبدالله: لييييش ؟؟؟
محمد: مابا اسافر الحين ..
هزاع: والله حميد زعلان عليك وااااااااااايد ..
محمد: ادري و انا ياي عشان اراضيه ..
خليفه: الا وين طلال ؟؟؟؟
محمد: هااااااااااااا هيه طلال في الطريج ..
و اتصل في طلال ..
طلال: مرحبا ..
محمد: مرحبتين طلول اسمع خليفه يسأل عنك تعال شوي و بعدين سير ..
طلال: اوكي يلا باااااي .. و سد السماعه ..
دلال: وين ساير ؟؟؟
طلال: خليفه يسأل عني و الشباب يتريوني بسير و برجع لج ..
دلال: فحفظ الله .. و سار طلال ..

بعد العرس ..
ساروا المعاريس سويتهم .. الشباب كل واحد سار مع حرمته .. محمد رجع حق نوف و الدكتور خبر طلال انه يقدر يظهر دلال من المستشفى .. طبعا خليفه مايعرف انه دلال حامل لانها خبرتهم مايخبرون خليفه ..

في شقة محمد ..
دخل محمد الشقه و شاف نوف نايمه .. تقرب منها و باسها .. باسعدج ان شاء الله بس ربي يقدرني و انسى فطيم .. و سار تسبح و ظهر و بعدين حط راسه و رقد ..

عند المعاريس ..
دخلوا المعاريس السويت و ياتهم المصوره و بعدين سارت ..
حميد: مبروك عليج انا ياعروس ..
فاطمه: الله يبارك فيك ..
السكوت كان سيد الموقف لا فطيم قادره ترمس ولا حميد .. و بعد شوي ..
فاطمه: انا بسير اغير هالفستان وااااااااايد ثقيل ..
حميد: اساعدج ؟؟؟
فاطمه: لا مشكور اذا بغيت اي شي بازقرك .. و سارت ..

في بيت بومحمد ..
طلال و دلال كانوا يالسين في غرفة دلال ..
طلال: يادلال خليفه يحبج انتي لييش ماتحبينه ؟؟؟
دلال: انا مااحبه الا امووووت على التراب اللي يمشي عليه بس هو الله يهداه ماحاس فيني ..
طلال: انا لحد الحين مب عارف انتوا ليش تهاوشتوا ؟؟؟؟
دلال: تصدق انه يحب وحده غيري ..
طلال منصدم: شوووووووو ؟؟؟؟
دلال: ياطلال خليفه مغصوب علي و انا بعد هو شاف انه سعادة امه و ابوه اهم شي في الدنيا كلها و في شهر العسل كان يرمس وحده و هو على باله انه انا مااسمعه انا رمسته بس ماشي فايده و بعد مارجعنا بعد كان يرمسها و انت عارف الباقي ..
طلال: بس خبرني انه يحبج ..
شوي الا موبايل دلال يرن ..
دلال: طلال ممكن تظهر شوي برع ..
طلال: هذا خليفه ؟؟؟
دلال: هيه ..
قام طلال و ظهر برع ..
دلال: السلام عليكم ..
خليفه: وعليكم السلام شحالج دلال ؟؟؟؟
دلال: انا بخير و انت شحالك عساك بخير ؟؟؟
خليفه: و تسألين اذا انا بخير انا تعبان يادلال تعبان من فرقاج والله اني نادم على اللي سويته بس الله يخليج رجعي ترى انا محتاجج والله اني محتاجج انا هند قطعت علاقتي فيها هي اتصلت لي و خبرتني انها بتتزوج و بعدها والله اني مااعرف عنها اي خبر حتى رقمها مسحته ..
دلال: مااقدر كرامتي ماتسمح لي ارجع لك ..
خليفه: دلال الله يخليييييييج دخييييييييلج لو تبين ايي عند باب بيتكم بس ارجعي ..
دلال: شوو بيكون شعورك لو انا كنت ارمس غيرك في شهر عسلنا ..
خليفه: انسي الماضي و خلينا نعيش الحاضر و المستقبل الله يخليج ..
دلال: سامحني ياخليفه انا ابا الطلاق ....
خليفه: شوووووو طلاق انا احبج و طلاق مب مطلق افهميني يابنت انا احبج والله اني احبج ..
دلال: مع السلامه ... و سدت السماعه ..
دلال قعدت تصيح من الخاطر .. والله اني احبك احبك بس مااقدر ارجع سامحني يا خليفه ..
طلال: حرام اللي تسوينه بالولد هو اعتذر لج حرام عليج و الياهل اللي في بطنج منو بيربيه هو يحتاج ابوه ..
دلال: افهموني ياناس افهموني احبه ياطلال احبه من كل قلبي بس مااقدر اصدقه مره ثانيه هو خبرني انه تركها بس مااقدر اصدق .. و قامت تصيح زياده ..
سار لها طلال و لوى عليها ..

خليفه كانت حالته حاله المسكين .. قلبه من صوب و دلال من صوب و اهله من صوب ثاني يحنون عليه ارجع بس ماشي فايده فيه و هو الحين رمس دلال و زاد همه .. انا اللي جنيت على نفسي دلال ليتج تحسين فيني واله اني نادم على اللي سويته بس ارجعي لي ...

اليوم الثاني ..
ساروا المعاريس بيت بوذياب لانه مسوي عزيمه على شرفهم و بعد اسبوع بيسافرون ..
بعد الغدى ..
نوره: بويه ...
بوسلطان: لبيه الغاليه ..
نوره: لباك قلبي بس بغيت اسير العمره ..
بوسلطان: غالي و الطلب رخيص انتي خبريني متى و انا حاضر ..
جاسم رز فيسه: عمي ..
بوسلطان: هلا بشيخ الشباب ..
جاسم: و انا بعد ابا اسير مايصير بنت بروحها يعني اكيد تبا ونيس اذا انت سرت مكان و هي يلست لحالها في الشقه ايلس انا معاها ..
بوسلطان: هيه والله و انت صداق ياولدي يلا الحين ثلاث تذاكر منو بعد ؟؟؟
حميد: انا و فاطمه ..
محمد: و انا بعد و نوف معاي ..
نوف: لا انا مااقدر ..
محمد: خلاص على راحتج ..
بوسلطان: في احد ثاني ؟؟؟
طلال: و انا بعد عمي ..
اليازيه: بويه ممكن اسير معاهم ..
بوراشد: سيري الغاليه انتي مع اخوج ..
بوسلطان: في احد ثاني ؟؟؟
الكل: لالالا ..
بوسلطان: يعني الحين منو بيسير ؟؟؟
جاسم: انت على راس القائمه و انا و نوره و حميد و فطيم و اليازيه و محمد و طلال ..
بوسلطان: خلاص ..
جاسم: لا تخاف عمي انا بسير احجز ..
بوسلطان: و خلها على الاسبوع الياي ..
جاسم: حاضر ..

يلسوا يسولفون و بعد المغرب سار جاسم مع طلال و حجزوا على يوم الخميس ..
و بعدين اجتمعوا الشباب في الميلس ..
حمدان: ها جسيم متى بتسيرون ؟؟
جاسم: يوم الخميس ..
طلال: انزين نبا نسير السوق ناخذ لنا اغراض و عمي بعد عطاني لسته هو يبا بعد اشياء و خبرني ودوا معاكم نوره خلها تاخذ لها اغراض..
جاسم تشقق: اوكي .. و سار برع اتصل في بيت بسلطان ..
نوره: السلام عليكم ..
جاسم: وعليكم السلام شحالج غناتي ؟؟؟
نوره: تمام منو ؟؟؟
جاسم: افااااااا ماعرفتيني ..
نوره: لا الشيخ ماحصلي الشرف ..
جاسم: انا جسيم يعني معقوله ماتعرفين صوتي ..
نوره: لا مااعرفه ..
جاسم: هههه قريب بتتعودين عليه انزين سمعي ابوج خبرني انا و طلال انه نوديج السوق عشان تاخذين لج اغراض ..
نوره: اوكي متى بتسيرون ؟؟؟
جاسم: باجر بعد المغرب بنمر عليج كوني زاهبه ..
نوره: اوكي ..
جاسم: باااااااي ..
نوره: بااااااياااات .. و سدت السماعه .. و رجع جاسم الميلس ..
جاسم: طلال باجر بعد المغرب بنمر على نوره و بنسير السوق ..
طلال: اوكي ..
عبدالله: ذياب .. صقر ..
صقر: شووووو ؟؟؟
عبدالله: حريمكم متى بيربون ؟؟؟
ذياب: الشهر الياي ان شاء الله ..
سلطان: جاسم ..
جاسم: نعم ..
سلطان: سمعنا شله ..
حميد: هيه والله من زمان ماسمعنا صوتك ..
جاسم: لا اخاف على حنجرتي الذهبيه ..
محمد: حنجرتك الذهبيه ..
جاسم: هيه ..
خليفه: يلا عاااااااااااااد ..
جاسم: بس عشان خليفه طلب مني ..
خليفه: تسلم ..
جاسم:
....(( يا عذابي وسبة جروحي.. يا مصابي ويا شقى حالي.. ليش عني تصد وتروحي .. وانته قلبي حبك الغالي.. انته عمري وانته مربوحي بك حياتي دوم تحلالي..في بعادك بت مجروحي وانته عني لا ولاتسالي..لاتخلي الشك ياروحي يهدم الاشواق وامالي.. فالهوى اتزيد في نوحي.. يا الغلا يا عشقي الحالي..بنتظر وصلك يا مملوحي حتى لو بيه الصبر طالي.. ياعذاب الصمت والبوحي مدخل الله ليت تصفالي )) ....
و سوالم ..
صقر: ماشاء الله على الصوت عذاااااااااااااااب ..
حميد: بل بل بل ..
حمدان: قول ماشاء الله لا يصير في اخوي شي ..
جاسم: انا حبالي الصوتيه بتنقطع كله منك ..
عبدالله: وييييييه بسم الله على اخوي ..
حميد: اقول محمد ..
محمد: خير الغالي ..
حميد: شحال معضد اخو حرمتك ؟؟؟
محمد: الحمد لله مايشكي باس ..
جاسم: انا سمعت انه حرمته توفت ..
محمد: هيه المسكين في ثاني اسبوع من شهر عسلهم ..
سلطان: والله ريال طيب و مايستاهل ..