Hitskin.com

موضوع: الماكرون الفرنسي 22/1/2017, 1:58 pm

الأدوات المستخدمه:
2 وعاء للخفق.
محضرة طعام ( للطحن).
مضرب او خفاقه.
2 صينية فرن.
2 ورق زبدة نفس مقاس الصينية.
2 ورق تصوير نفس حجم الصينيه فيها دوائر متفرقه كلهم نفس الحجم.
كيس معجنات ، حلواني ، كريمه اي اسم لهز
ميزان.
منخل.
ملعقه بلاستيكية.

المقادير :
3 بياض بيض.
210 غ سكر بودرة.
125 غ مسحوق اللوز.
30 غ سكر شبيه بالخشن ( مو وايد خشن اللي مثل سكر الاسره).

من المهم... قياس كل المكونات بدقة.. اولاً تقيسين اللوز والسكر البودرة ...
1- يوضع دقيق اللوز المطحون والسكر البودرة في محضره الطعام وطحنيهم حتى يصيرون ناعمين لمدة دقيقة أو اثنين.
2- وقفي الجهاز وحركي الخليط بالملعقه من الجوانب ومن اسفل ومرة ثانيه اطحنيهم زين لمدة دقيقة واحدة ... الغرض تجانس الخليط ونعومته ...
1- بعد الانتهاء من طحنهم ... انخلي الخليط في الوعاء الاول ..
2- وحركي الخليط بالملعقه...
3- واللي يتبقى من الشوائب والقطع اللي ماطحنوا زين ارميهم (لضمان سلاسة الخليط).. وتركيه لبعدين ..
1- في الوعاء الثاني حطي بياض البيض وقومي بخفقه بالمضرب على سرعة متوسطة..
2- واذا بدا البياض يتضاعف وبدا يكثف ويترك علامة مو يصير كريمه لا يصير رغوه حطي السكر الخشن ببطئ وانتي شغاله بالمضرب لاتوقفين على مدى دقيقة أو الى ان يكثف ويتماسك البياض ويصير زي الكريمه حقة الكيك ...
3- استمري بالخفق على سرعة متوسطة من 3-4 دقائق.. او الى ان ينتفش ويتكثف ويصبح قوامه مثل كريمة التزيين او ان تظهر علامه مثل المنقار في المضرب ... بعدها وقفي ..
1- حطي الالوان اللي تحبين ، كم قطرة..
2- وبالملعقه البلاستك حركي البياض حتى يختلط مع اللوان وتوصلين للون اللي يعجبك ...
1- قومي بوضع خليط اللوز مع السكر الى بياض البيض على دفعات..
2-3- يعني حطي شوي وخلطي بعدها شوي وخلطي ..
لكن الخلط مو بسرعه وقوه لكن بخفه حتى يندمج عدل ولا يتكتل ،،
4- بعد التاكد من ان الخليط قد تجانس يترك ليرتاح قليلاً...
1- قومي بوضع الخليط في كيس الحلواني او البلاستك اكياس كريمات التزيين
ضعي الكيس في كوب كبير او وعاء (الكاس حتى يمسك الكيس ولا يتحرك عند وضع الخليط داخله)
2- حطي حوالي نصف الخليط في كيس المعجنات..
1- جيبي صينية الفرن وضعي ورقه تصوير فيها دوائر متفرقه بنفس الحجم
2- وفوقها ورقة الزبده (زي شفافات التفصيل)
3- وقومي بتشكيل الخليط بكيس الكريمة على نفس الوائر
اضغطي على كيس الخليط على نفس الدائره لحد مايصير الخليط اللي صار على الدائرة قدها بالضبط
لكن ركزي فتحت كيس الحلواني على ورقة الزبده بطرف الدائره يعني الفوهه حقت الكيس تلامس الورقه ويطلع الخليط راح يصير دائري على نفس حجم الدائره
لازم يكون نفس الدوائر عشان كلهم يصيرون زي بعض ويطابقون بعض..

1- واذا خلصتي كل الدوائر قومي بطقطقة الصينيه يعني ترفعينها وتطقينها بالطاولها ،.. عشان نطلع الهواء ويتواسوون زين بالحركه هذي اللي تمسكين الصينيه وتطقطقينها على الطاوله مرتين او ثلاث مرات مو بقوه لا طقطقه خفيفه ..

2- بعدها اسحبي وطلعي من طرف ورقة التصوير اللي فيها الدوائر مو ورقة الزبده اللي فيها الماكرون..

3- بعدها اذا فيه بالماكرون نتوء او زوائد واسيهم بطرف سكين او ملعقه صغيرة والافضل يكون عندك صحن فيه ماء بللي اصبعك ولزق بخفه الزوائد اللي في كل دائره ..

1- خليها ترتاح لمدة 20 دقيقة على الأقل.
- سخني الفرن إلى 300 ف* (150) م*
- اخبزي الماكرون لمدة 12-14 دقيقة .. انتبهي تراه يستوون بسرعه..

2- حتى نختبر النضج قومي بضغط بخفه على سطح كل وحده عشان تتاكدين اذا نضجت ..

3- اتركي الماكرون تبرد تماما قبل إزالتها من ورق الزبدة حتى يكون من السهل اخراجها من الورق..

4- حطي الحشوة اللي تحبين وسط كل وحده لكن وحده تحطين فيها والثانيه لا... وتسكرينهم على بعض.. زي الساندوش بس حاول ان الحشو تبين على الاطراف ويطلع لون الحشوه..

- الحشوات حسب الررررررغبه:
1- جميع انواع المربى
2- كريمه شوكولاته او فانيليا او نوتيلا
3- فيه كريمة بيتي كروكر البيضاء حطي فيها الالوان اللي تحبين عشان تصير نفس لون الماكرون اللي انتي سويتيهم..

- وهذي حشوة :
100غ شوكولاته سوداء
30 غ مسحوق البندق المطحون ناعم
80 غ كريمة
20 غ زبدة
35 غ سكر

نضع السكر على النار الة ان يصبح لونه كراميل ثم نضيف الكريمة والزبدة ونتركهم على نار هادئة معا
نجهز صحن به الشوكولاته و مسحوق البندق نضيف لهم لخليط الذي كان يغلي على النار وننتظر 30 ثانية
تم نخلط الكل جيدا ونحشي الماكرون...

موضوع: رد: الماكرون الفرنسي 24/1/2017, 10:26 am

السلام عليكم ورحمه الله و بركاته

اخبارك حبيبتي

عساكي بخيره

ما شاء الله تبارك الرحمن انا نفسي اذوق هذه الماكرون

شكلها كيوت فكيف بطعمه

المقاديو و خطوات عمله ممتعه اشتهيت اسويه

ياربييييي عاد جعت<<ما تشبع ابداا

شكرا على الموضوع غلاتي

دمتي بود

A«

موضوع: رد: الماكرون الفرنسي 24/1/2017, 1:28 pm

السلام عليكم ورحمة اللهِ وبركاته :$$

اخبارك؟ان شاء الله بخير ~

المقآدير متوفره فى كُل مكان،والطريقة برضو سهله ويحتاجلها شوية تركيز ^,^

طبعاََ اشتهيت اعملها بنفسى،وان شاء الله وقت م اجتمع مع صحباتى نعملها سوا ..

فى امان الله،موفقه .

موضوع: رد: الماكرون الفرنسي 23/2/2017, 2:35 pm

--

السسسلامم عليكم ورحمه الله وبركآته ،

هلآ ي حلوهة ، بتمنى تكوني بخير ..

ششسمهة طبعاص المعكرونة ششكله

جمميل جداً ، ششكراً لك ع الطرح ي جمميلهة .

ودعاً ، روآن

» الماكرون الفرنسي
» الماكرون الفرنسي
» الماكرون الملون ؟
» طريقة صنع الماكرون في 5 دقائق
» الخبز الفرنسي